Биз нега ривожланмаймиз?

Ҳар 4 та одамдан иккитасининг қўлида чўпи бор, мунтазам кимникинидир ковлаш билан банд.

Масалан, Европада ҳамма ўз ишига боради-келади, ҳеч ким билан бир пуллик иши йўқ, ҳамма ўз ишини қилади.

Бизда бекорчи ҳам, ишлик ҳам, олий маълумотлиси ҳам, ёш-у қариси ҳам ҳамма бир-бирининг тагини ковлайди.

Чет элда ўсиш учун яхши кадр бўлиш керак, бизда эса яхшиликча гапга кўнадиган кадр бўлиш керак.

Сен саводсиз, қўлидан иш келмайдиган, соққабоз бўлсанг ҳам фарқи йўқ, ўзингдан каттароқнинг айтганини қилсанг, ўсасан.

Сен минг малакали кадр, онасини эмсин, Эйнштейн бўлмайсанми, агар кимнидир манфаатига тўғри келмасанг, секин тагингга сув қўйишади.

Ё буйруқ бера оладиган даражада катта одам бўлишинг, ёки буйруқларни сўзсиз бажарадиган зомби бўлишинг керак, учинчи вариант йўқ.

Чунки бизнинг жамиятда юрт, жамият келажагидан кўра кимнингдир кўнглига қараш фойдалироқ.

Қайси идора, ташкилот, мактаб, боғча, шифохона, ҳар қандай давлат ташкилотига борсанг, гуруҳ-гуруҳ бўлиб олишган, у томон бу томоннинг тагига сув қўйган, гоҳ бу томон у томонни.

Аксарият одам шахсий манфаати йўлида жамият манфаатларига тупурган, иш юрсин дейдиганлардан кўра, ишим юриб турсин дейдиган худбинлар кўп.

Мана шунинг учун биз ривожланмаймиз, меҳнатни қиладиган одамни эмас, бизнинг манфаатимизга тўғри келадиган одамни танлашни маъқул кўрамиз.

Мана шунинг оқибатида бўлиб турган ишлар ҳам орқага кетади, таниш-билишчилик, манфаатлар тўқнашуви бизни ривожланишдан тўсишини билсак ҳам, бу одатлардан кечмаймиз.

Чунки бу қон-қонимизга сингиб кетган.

Мен баъзида ўзимни бошқа дунё одамига ўхшатаман, чунки бундай иллатларни нормал қабул қилаётган кўпчилик ўзини бемалол тутаётганида, улар қилаётган ишлардан мен беҳаловат бўлишим ғалати.

Худди бу жамият орасига бошқа бир сайёрадан келиб қолган ва уларнинг одатларига мослаша олмаётган ўзга сайёраликка ўхшайман.

Бир кун бу жамият ҳам ўзгарар, балки, лекин бу яқин келажакда ўзгаришига шахсан мен ишонмайман...

🇺🇿@Otabek

Ўтган йили пора билан тушиб қамалган бир собиқ РайОНО мудири қамоқдан чиққач, бир мактаб директори лавозимига тайинланганмуш.
Мана нега таълим қулаб боряпти...

Хабар таҳрирланди;

Ҳозир масъуллар билан гаплашдим, қамалиб чиққанига қарамасдан уялмай нетмай яна бирор мактабга раҳбар бўлиш орзусида югуриб юрган бу собиқ РайОНО мудирига бирор мактабда жой йўқ, таълимга яқинлатмаймиз дейишди.

Яқинлатманглар, йиққан-терганини еб яшайверсин...

🇺🇿@Otabek

Аспаласопилинга кетган махлуқлар сони 13 тага етди🤲

🇺🇿@Otabek

Шаҳар ичида жойлашган аҳоли гавжум жойлардаги газ заправкаларни четроққа кўчириш учун ҳали ҳам кеч эмас...

🇺🇿@Otabek

Моддий аҳволинг яхшиланиб боргани сари атрофдагиларнинг сенга бўлган муносабати ҳам яхшиланиб боради.
Пулсиз сен ҳеч кимга керак эмассан.

Ҳурмат ва эътибор керакми унда ишла☝️

🇺🇿@Otabek

Газ баллонлар билан ҳазиллашиб бўлмайди

Лавашхона-ю балиқ пиширадиган жойларда қўлбола баллонлар кўп (баъзилари аравага ўрнатилган шу туришда суриб обориб заправка қилиб келишади) шуларни техника хавфсизлиги нуқтаи назаридан назоратга олиш керак.

Бирортаси портлади кейин назоратга олганни фойдаси йўқ.

🇺🇿@Otabek

UZTELECOM ҳиқилдоғимга келди

2-июнь куни интернетга уланиш учун ариза топширдим. "3 кун ичида ўрнатиб берамиз дейишди" 5 кун деганда жанжаллашгудек бўлиб интернет ўтказтирдим, лекин ўша куни интернет барибир ишламади, "эртага эрталаб ишлайди" дейишди. Эртасига тушдан кейин 3-4 лар атрофида ишлади.

Энди худога шукр бош оғриқлари тугади десам 3 кун ҳам ишламай яна бугун эрталабдан алоқа йўқ.
"UZTELECOM" офисига борсам, яна "3 иш кунида бориб кўриб ишлатиб беришади" дейишди.
Зайфал уже мана шунақа 3 кунлардан...

Жуда асабим чиқди, наҳотки шу нарсаларни бюрократлаштирмасдан, овворагарчиликларсиз тезкор ҳал қилиш имкони бўлмаса?

Ишчи етишмаса ишчи олинглар, тариф нархлари ошди жуда зарарга кириб кетмагандирсизлар?

Рости ўзимни энг катта хатойим "TURONTELECOM"га ўхшаган бирор хусусий провайдерга уланмаганим бўлди.

Тасаввур қилинг мана шу ойни уже 10 куни просто так ўтди, ҳеч ким "брат узр ишлатмаган кунларингиз учун абонент тўловидан минус қиламиз" демайди, менга минус қилингани ҳам керак эмас, нега мен олдиндан тўловини қилиб қўйган нарсамни 3-5 кунлаб кутишим керак?

Кутганим учун, сифатсиз хизмат учун "Uztelecom" менга компенсация тўлайдими?
Ё келиб узр сўраб кетадими?

Маслаҳатим хусусий провайдерларга уланинглар, менга ўхшаб 10 кунлаб асаб бўлиб юрмайсизлар.

🇺🇿@Otabek

Эртага эрталабдан Turontelecom офисини топиб нархи бир қозон ош нархига тенг бўлса ҳам провайдерни ўзгартираман ва асабим ва вақтимни еган "Uztelecom" роутeрини лайча итни тепгандек вангиллатиб тепиб видеога олиб инстаграмга қўяман насинэмсин...

🇺🇿@Otabek

Вай-фай (симсизтўр) ўрони (пароли) неччи?
Интернет (оламтўр)га кирмоқчи эдим. Ақлфон (смартфон)имда пул тугаган.
Тилиғирром (телеграм) ва ишратграм (инстаграм)га кириб лайк (ёқтирма) босишим керак...

🇺🇿@Otabek

Кеч бўлишига қарамай Uztelecom ходимлари келиб интернетимни ишлатиш учун жавлон уриб хизмат қилишяпти.
Тезкорлик учун раҳмат.

Бу каби масалалар тармоққа чиқмай туриб ечилиши тарафдориман аслида.

Тунда уйқусидан кечиб келган телеком ходимларидан безовта қилганим учун узр сўрайман ва миннатдорчилик билдираман.

🇺🇿@Otabek

Ҳатто корейслар ҳам мактабда қаттиққўл бўлиш кераклигини тушунган кўринади

"Ҳақиқий таълим" (Истинное образование) корейс дорамасида мактабларда зўравонлик, безорилик ва ўқитувчиларга ҳурматсизлик кучайиб кетгани сабабли ҳукумат махсус ташкилот Ўқитувчилар ҳуқуқларини ҳимоя қилиш агентлигини ташкил этади.

Агентлик ходимлари муаммоли мактабларга юборилиб, тартибни тиклаш ва адолат ўрнатиш билан шуғулланади.
Керак бўлса, зўравон ва тарбиясиз ўқувчиларни калтаклайди ҳам.

Оммага буни очиқчасига тарғиб қилишдан мақсад нима, деб ўйлайсиз? Менимча, дунёнинг энг ривожланган давлатларидан бири бўлган Жанубий Корея ҳам мактабларда қатъий тартиб-интизом бўлишини, тарбиясиз, зўравон ва эркатой ўқувчиларни уриб жазолаш орқали бўлса ҳам тарбиялаш кераклигини дунёга тарғиб этмоқчи.

Биз ҳам бу амалиётни синаб кўришимиз керак. Тарбиясиз ва шантажчи эркатойлар кўпайиб кетди мактабларимизда.

🇺🇿@Otabek

Боғчага болаларни бир дамас қилиб картошкадеу юклаб келадиган мудираларни ҳам, боласини картошка сифатида ўша машинага юклаб юборадиган бефарқ ота-оналарни ҳам бир хилда жазолаш керак.

Эй барака топкурлар бирор кун бир дамасга тепиб жойланган 10-15 та болани умрига зомин бўлиб ана кейин тинасизларми?

Болаларни обориб қўйишга имконларинг бўлмаса бир қоп ахлатни юклагандек битта машинага 20 та болани жойлаб бериб юборманглар.

Қамашида вафот этган боғча бола учун эса мудирани қамаш керак, у нечта болани мошинага юклаганини билиши ва санаб қабул қилиб боғчага киритиши керак эди.

Жуда кўп боғча мудиралари соат 10-11 да думбасини ўйнатиб бегемотдек пишиллаб зўрға ишга келади.

Буларни жуда қаттиқ назорат қилиш керак.

🇺🇿@Otabek

Семиз, бўрдоқига боқилган қўйдек семиришда давом этаётган баъзи боғча мудираларини фаолиятини қайтадан кўриб чиқиш керак.

Баъзилари эртакдаги бўғирсоқдек думалаб-думалаб ишга келгунча обед бўлиб қоляпти.

Кундан кун тарвақайлаб семириб кетаётган мудиралар ўзини рационини эплаёлмаётган бир вақтда қандай қилиб болажонлар рационини назорат қилиши мумкин?

🇺🇿@Otabek

Миллатнинг ёмони бўлмайди.

Тарихий ва сиёсий хатолар сабаб бутун бир миллатга нисбатан нафрат шаклланмаслиги керак.
Ҳар бир миллат ўзгача ва бетакрор...

🇺🇿@Otabek

Ўзбекистон бўйлаб INSTAGRAM платформасида узилиш. Ушбу платформага ҳозирда умуман кириб бўлмаяпти.

Эрон халқаро интернет кабелларни кесмаган бўлса бўлди😂

🇺🇿@Otabek

Инстаграмдан ойига 50-100 минг доллар даромад топиб юрган инстаблогерлар учун юрак дори сотаман...

🇺🇿@Otabek

Инстаграмим 5 соатлардан бери ишламаяпти, уйда бекор ўтирмай деб укам билан гаплашиб-танишиб олдик, укам жуда яхши бола экан.
Негадир бувам кўринмаяптилар...

🇺🇿@Otabek

Пиво фестивалидан кўпчилик додлаворди.

Энди бир савол сизларга: Агар китобхонлик фестивали бўлганида шунча одам фаол иштирок этармиди?

Пиво фестивалига одамлар ўзи истаб борган, чунки савия шунга яраша.

Китоб ёки олимлар билан давра суҳбати бўладиган бирор илмий фестивал қилинглар 100 киши ҳам бормайди.

Айбни фестивал ташкилотчиларидан эмас, ўша фестивалга тўдаланиб бораётган оммадан изланглар...

🇺🇿@Otabek

14-июнь - Халқаро блогерлар куни.

Балогирлар байрам муборак🫡

🇺🇿@Otabek

Абдулла Чўлпон😁

Маданият вазирлигининг "Халқлар дўстлиги" саройида ўтказилган ҳисобот концерт дастуридаги ҳолат экан.

Алишер Темур, Заҳириддин Навоий каби аждодлар шоҳини руд, руҳини шод ҳам этгандирсизлар а маданият вазирлиги?

🇺🇿@Otabek