Қашқадарё вилояти ҳокимининг 2026-йил 22-июндаги 52-4-0-Ф/26-сон фармойиши асосида ўтказилган "Қашқадарё стартап лигаси" танлови натижалари бўйича жамоамиз билан саволларимиз бор.

Танловда лойиҳалар қайси меъзонлар асосида баҳоланган ва ҳар бир лойиҳа ҳар бир меъзон бўйича неча балл олган?

Лойиҳаларни ғолиб деб эълон қилиш учун уни қайси даражадаги долзарблиги инобатга олинган?

Мен ҳам у танловнинг бир кунида ўз лойиҳам билан қатнашгандим ва баъзи лойиҳаларни реал ҳаётга мос эмаслигидан кулиб қайтган эдим, негадир ўша лойиҳалардан бири ҳам бу танлов ғолиби деб топилган.

Агар танлов шаффоф ва холис ўтказилган бўлса, баҳолаш меъзонлари ва қўйилган балларни очиқлашларини талаб қиламиз...

🇺🇿@Otabek

Кўчаларга русча ном қўйилганига чидай олмай баъзи депутатларимиз додлаб юрган бир вақтда Тошкент шаҳар Яккасарой туманидаги Бўрижар кўчаси Пекин кўчаси деб ўзгартирилибди.

Каааааатта микрофон бирлан депутатларимизга юзланамиз, сўз сизларга.
Ё хитойча бўлса бўлсин, русча бўлмаса бўлдими?😂

🇺🇿@Otabek

Агар ўшанда мактабда дарсдан қочиб, "PLAY STATION" ўйнашга эмас ШАХМАТ ўйнашга борганимда Volkswagen автомобили, коттеж (уй) ва 200 минг АҚШ доллар меники бўларди.

Эртадан кўпчилик боласини инглиз тили репититордан қайтволиб, шахмат тўгарагига қўйса керак а...

🇺🇿@Otabek

Қарши давлат университети "O'zbekiston 24" телеканали билан университет ҳақида кўрсатув тайёрлаш учун 200 млн сўмлик шартнома қилибди.

🇺🇿@Otabek

Ваҳший ўрмон

Қадим замонда бир ўрмонда шер ҳукмронлик қилар эди. Унинг қўл остида турли ҳайвонлар турли вазифаларда хизмат қиларди.

Кунларнинг бирида шер саройдаги бир эшак ҳукумат хазинасига қўл солиб, халқнинг мол-мулкига хиёнат қилаётганини сезиб қолди. Ғазабланган шер эшакни саройдан ҳайдаб солди.

Эшак анча вақт ўтлаб-ўтлаб, охир-оқибат ўрмон четида, бир дарё бўйидаги яшил ва серҳосил маконга бориб қолди. Эски ўрмондаги таниш-билишлари уни у ерда ҳам қўллаб-қувватлашди ва дарё бўйидаги анча «ёғли» бир жойга масъул қилиб қўйишди.

Аммо эшакнинг табиати ўзгармаган эди.
У бу ерда ҳам эски ўрмондаги одатларини давом эттирди: мансабдан фойдаланди, ўзини ўйлади, ўғрилик ва муттаҳамликдан қайтмади.

Бир куни унинг хаёлига бир ғалати фикр келди.
У дарёнинг сувини ўзгартириб, атрофини вайрон қилиб, унинг ўрнига янги ариқ қазишга киришди. Аслида эса унинг мақсади ариқ қуриш эмас эди.

У ариғини битириб, шерга кўрсатмоқчи, сўнг:
— Мана, мен ўзгариб кетдим. Ўша ўрмондаги хатоларимдан хулоса чиқардим. Энди бунёдкор ҳайвонман. Дарё бўйини обод қилдим, янги ариқ қурдим, — демоқчи эди.

Шер уни кечириб, яна эски ўрмонига қайтаришига ва ҳатто аввалгидан ҳам каттароқ лавозим беришига умид қиларди.

Шу ният билан эшак ойлаб, йиллаб ишлади. Дарёнинг табиий оқимини бузди, атрофини вайрон қилди ва ниҳоят, ўзи фахрланадиган ариқни қуриб битказди.

Шундан сўнг ҳар куни ариқ бўйига чиқиб, шернинг ташрифини кута бошлади.

Қарға, тўтиқуш ва читтакларни ҳам ёнига тўплади.
— Шер келганда яхши гаплар айтасизлар. Ариқни мақтайсизлар. «Эшак ўзгарибди», деб такрорлайсизлар, — деб уларга қайта-қайта тайинларди.

Эшакнинг ишончи комил эди: шер келади, унинг «бунёдкорлиги»ни кўради, ўтмишини кечиради ва уни яна катта лавозимга қайтариб олиб кетади.

Аммо шер зукко эди.
У эшакнинг нима кутаётганини ҳам, нима учун ариқ қазганини ҳам яхши биларди.

Шер дарё бўйидаги яшил маконга бориш ўрнига, ўрмоннинг нариги томонидаги бошқа бир дарёни кўриш учун йўлга чиқди.

Эшак эса ҳамон кутмоқда.
Кутмоқдаки, бир куни шер келади.
Унинг ариғини кўради.
Қарға, тўтиқуш ва читтаклар уни мақтайди.
Шер эса уни кечиради ва яна ўша ўрмонга, ҳатто каттароқ лавозимга қайтариб олиб кетади.

Аммо вақт ўтмоқда.
Шер эса қайтмаяпти.
Чунки баъзи ҳайвонлар ўзгармайди.
Фақат қилган ишининг номини ўзгартиради.
Эшак эса ҳали ҳам ўша ўрмонни соғинганча, ариқ бўйида шер келишини кутмоқда.

Бироқ у билмайдики, ўрмонда энди унинг учун жой йўқ.
Чунки баъзи эшиклар ёпилганда, уларни очиш учун янги ариқ қазишнинг ўзи кифоя қилмайди...

🇺🇿@Otabek

Устоз ва мураббийларга япониядаги каби қадр қиммат билан бирга япониядаги каби малака, билим ва албатта масъулият тилайман. Байрамингиз муборак бўлсин азиз устозлар🫡

🇺🇿@Otabek

Креатив табрик сўраган устозлар учун махсус🫡

🇺🇿@Otabek

Креатив табригимдан хафа бўлган устозлардан мана шу креатив куёв каби эмаклаб узр сўрайман😁...

🇺🇿@Otabek

Ойлик тушдими😄

🇺🇿@Otabek

Кечаги байрам сабаб тунгача давом этган қотардан кейин бугун кўп ўқитувчилар мактабда фалсафа дарсини ўтса керак а?

Мободо жисмоний тарбия ўқитувчиси мусиқадан, математика ўқитувчиси эса фалсафадан дарс ўтса ҳайрон бўлманглар, жайлашади...

🇺🇿@Otabek

Вазир жамоат транспортида ишга боряпман деб PR қилибди-ю, аммо шошилиб расм тушиш учун ногиронлар ва ёш болали аёллар ўтирадиган махсус ўриндиққа ўтириб олибди.

Ўзбекистон Республикаси Қурилиш ва уй-жой коммунал хўжалиги вазири Шерзод Ҳидоятовга менимча тез орада бошқа матбуот котиби излаб бошлашса керак...

🇺🇿@Otabek