Ҳеч қачон "0"дан бошлашдан қўрқманг

Мен телеграм тармоғида илк марта 2016 йилда фаолият бошладим "Кулгу" номли ҳазил канал очган эдим.
Қисқа муддатда 80 000 тирик кузатувчи йиғдим (у вақтда каналлар кам, рақобат эса йўқ эди)
Кейин эса бошқа ишларга чалғиб кетдим, "Кулгу" канали эса қаровсизликдан "қулади".
Орадан вақт ўтиб яна телеграмга қайтдим ва мана шу сиз ўқиб турган блогни очдим, бу ҳам секинлик билан олдинлади, аудиторияси кичик бўлса ҳам кўпчиликни кўнглидан жой олди.
Устоз кўрмаган шогирд ҳар соҳага йўрғалар деганларидек вақт ўтиб блогдан ҳам зерикдим, мотивациям ўлди.
Кейин ТИКТОКка ўтдим, 3 ойда 50 минг тирик обуначи ҳамда миллионлаб кўришлар сонига эришдим.
Кейин ТИКТОК мени блоклади, 3 ойлик меҳнатим ҳамда 50 мингта кузатувчи ҳавога учди🤦‍♂.
10-15 кунча ўзимга келолмай юрдим ва ТИКТОКни яна янгидан бошладим, ҳозир янги профилим 1 ойда 20 минг тирик кузатувчи йиғди, бир неча юзминглик кўришлар сони ҳам.
Яъни аввалги профилимдан кўра тезроқ ривожланяпти.

Мен бир нарсани тушундим, истак бўлса ва ўз йўналишинг бўлса ҳар қандай ишда у тармоқми бошқами маълум бир муддатда ўз ўрнингни албатта топа оласан, асосийси умидсизликка тушиб қолмаслик.
Энди мен ТИКТОК мени блоклашидан қўрқмайман, чунки яна нолдан бошласам яна шу натижага эриша олишимга юз фоиз ишонаман.
Маслаҳатим ҳеч қачон нолдан бошлашдан қўрқманг, сиз буни эплашингизга энг аввало ўзингиз ишонинг, қолганлар натижага қараб ишонаверади...☝️🫡

🇺🇿@Otabek

Деярли 2 йил давомида Украинадаги урушни босқинчилик, геноцид деб тинмай ғарб билан қўшилиб дод-вой қилган ўзбек медиаси негадир Исроилни ғазода қилаётган вайронагарчилигини геноцид деб аташга тили бормаябди ёки тилини томири тортиб қолган.

2 йилда Украинада 500 дан ортиқ бола ўлдирилди деб дунёга жар солган ўзбек иккиюзламачи медияси 2 кунда фаластинда украинадагиданда кўпроқ бола ўлса ҳамки буни геноцид деб атай оламаябди негадир.
Бир хил вазият, икки хил стандарт.

Баҳона ҳам тайёр Фаластин ва Исроил тарихдан келишмас эмиш, ие тарихдан келишмайдими математикада ёки жисмоний тарбиядан келишмайдими бу шунча вайронагарчиликларни оқламайдику?..
Агар тарих айбдор бўлса унда украин бендерлари фашистларга бағрини очгани учун украинадаги ҳозирги урушга ўша тарих айбдор эканда, унда нега дод-вой қилдинглар?
Аслида энг сотқин, иккиюзламачилар бизнинг жамиятда экан.
Ҳозир шарқ олами грандлар ажратишни бошласин ҳамма ғарбни қоралаб ёзиб бошлайди.
Энг оч медиячилар айнан бизда бўлса керак, нафсингга сўкай...

🇺🇿@Otabek

Til juda nozik mavzu.
Men o'zi asli lotinda yozaman, oliftagarchilik yuzasidan barcha postlarimni krillda yozaman, jiddiy ko'rinsin deymanda, ammo bu postimni lotinchada yozmasam yetib borishi qiyin.

Xullas avvalroq sevganimga sms yozib turib "Seni sevaman Gulim" deb yozmoqchi bo'lib, klaviaturadagi lotincha "O" va "I" harflariga e'tiborsizlik qilib "Gulim" dagi "I" o'rniga "O'" bosilib ketibdi, natija esa "Seni sevaman Gulom" bo'ldi (sevgilim esa tabiiyki buni "G'ulom" deb o'qigan) juda g'alati vaziyatga tushib qoldim. Hech qanday G'ulomni sevmasligimni unga tushuntirish biroz xijolatli bo'ldi.

Qisqa qilib aytganda til nozik masala, e'tiborli bo'lib jiddiy qaramasangiz hayotingiz ostin-ustun bo'lib ketishi hech gap emas.
Rostdan G'ulom degan tanishim yo'q😁, ertangi til bayramingiz muborak bo'lsin azizlar🫡

🇺🇿@Otabek

Ислам Махачев оливейрадан кейин Волкановскийга мухлислик қилиб Ислам ютқазади деб юрганларни саволига жой қолдирмади.
Ислам Махачев ТОП🦾

🇺🇿@Otabek

Мелисани ўғли...

Дадам Юридикни тамомлаб, божхона тизимида ишлагунга қадар анча вақт ички ишлар (аввал ГАИда кейин милиция)да ишлаган.
Шу сабаб дадам кейинчалик мустақиллик йилларида божхона тизимига ўтиб кетишига қарамасдан ҳалол ишлагани учун "фалончи мелиса" деб яхши хотиралар билан эслайдиган ва ҳамон шу ном билан атайдиган бўлиб қолишган.
Кўчада мени кўриб қолган ҳар бир дадамни танийдиган одам "Сен фалончи мелиса"ни ўғлимисан деб сўрарди.
Уйимизда доим милиция формаси осиқлиқ турган.

Бирор байрам, бирор туғилган кун ёки бирор тўй-тантанада дадам қатнашмаган. У доим ишда, эл-юрт фаровонлиги учун ишлаган шундан биламанки бу касбни масъулияти оғир.
Ҳар кимни ҳам бардоши кучи етмайдиган даражада тартиб-интизом талаб қиладиган машаққатли касб бу.

Баъзида тармоқларда баъзи касбига муносиб бўлмаган ИИО ходими ҳақида салбий маълумот чиқиб қолса одамлар бутун тизимни қарғай бошлайди, шундай вақтларда юрагимда оғриқ пайдо бўлади, худди дадамни ҳам сўкишаётгандек туюлади менга. Ҳар қандай тизимда ноқобил ходим бўлади, яъни ёмон одам бўлади бутун бошли тизим ёмон бўлмайди аслида.
Мен бу ИИО тизимида дадамга ўхшаган ҳалол ходимлар кўп эканига ишонаман ва эл-юрт фаровонлигига ўз ҳиссасини қўшаётган барча ИИО ходимларини дадам билан бирга бугунги байрам билан табриклайман, байрам муборак жасоратли касб эгалари.

Ҳурмат ила заҳирадаги полковник(мелиса)ни ўғли🫡

🇺🇿@Otabek

Қашқадарёда рокировка

Зоир ака Деҳқонободда ҳоким бўлган вақтларда жуда яхши ишлади, оғир ҳудуд бўлишига қарамай узоқ муддат халқни кўнглига йўл топиб ишлаб келди.
Ака энди Қарши туманига ҳоким бўлибдилар, табриклаймиз🤝

🇺🇿@Otabek