نبض قلب❤
746 subscribers
3.1K photos
141 videos
10 files
114 links
رأفة بقلوبنا فما نحن الأ نبض قلب فقط.....⁦❤️⁩
Download Telegram
نبض قلب❤
#عصب الروح..
ن وووووعععع وييقولو لي عرروسه وحق فلاااان طبعا لاااا
ضحك وهو يشوف لها : هههههه ما تلبسي فساتين
فرخ وقفت: طبعا لااااااا تقرف
وقف امامها : ههههههه طيب
خرجت وهو يشوف بعدها: وانا والله لخليك تلبسي فساتين
...........
بغداد بتكلم امها : عزموني مابش عندهم حيا
صفيه : بنسير عرس زوج بنت اختي قدوه جنان
اسامه : وهو ابن اخوك
بغداد: يفرحتك
ضحك
صفيه : محد عيسير معي بنت اخت واحده لا بارك من كسر قلبها
خرجت وهو شاف لبغداد ويحرك حواجبه: ما بتقل اثير بتطلق
وقفت هي بنرفزه: عيزكينا الله عقولنا
وهو يشوف بعدها :....
.........
وهو خارج شافهه : مروح
لؤي: ايوه
طلع السياره وطلع جنبه وهو يشوف له ورجع قال: مال اخي ؟
لؤي وهو يسوق: مالي ؟
زيد: وجههك مقلوب على غيرك عادتك
لؤي: بكره وبعده ما بدومش لو تتفضى العصر داوم بدالي والصباح بكلم الدكتوره شروق تكون مكاني
زيد : ليش
لؤي: عرس اختي وابن خالتي وبروح اجلس مع بهاء وبعدين بزفها
زيد : اهاا
لؤي : وانت معزوم
زيد: تمام
ورجع شاف له: هذا مش سبب تعكر وجههك
لؤي بدون مقدمات : بتزوج المريضه حقي
زيد بعنف: اييييش قد قلت لك ذي التاسعه ! قدك مجنون
لؤي وقف السياره وشاف له: مش مثل ما انت فاهم
زيد بصيح: بتوقع بشر اعمالك واستغلالك لبنات الناس
لؤي قاطعه بصياح: اقل لك مش مثل ما انت مفكر الموضوع ثاني
زيد: وماهو الموضوع
لؤي هداء: امها جاءت اليوم تبكي وتقل انه زوجها هددهن اذا ما تزوجت العريس الجديد بيرجمهن الشارع والبنت رافضه وانت اعلم بحالتها
ماقدرت اتحمل فقلت لها بتزوجها اخاف تنتكس حالتها وتضيع البنت بسببهم ماطاوعني قلبي
زيد: وحددت لها ثلاثه اشهر ؟
لؤي بتعب: ي خبير افهم اقل لك اشتي اساعد البنت وامها ما حددت بس قلت لها لوما تتعافى برجعها لها
زيد : لؤي انت اكيد مجنون تتزوج واحده عشان مشاكلها الخاصه
لؤي: هذا اللي مجننني معرفش كيف لووما فعلت هكذا من حين جاءت وعقلي مشغوول ومش عارفه كيف فعلت ولا ايش ولا ليش
زيد: انا اقل لك ليش بتزوجها بسبب تانيب ضميرك انت مفكر انك لو تعالجها بتكفر عن اخطائك السابقه صح
لؤي ساكت
زيد : ضميرك تحرك ووبدات تفهم ومفكر البنت ذي بتكون تكفير ل اخطائك صح
لؤي ساكت ويشوف امامه
زيد: مالك ما ترد صح كلامي
التفتت له بعنف: ايوه صح كلااامك صح طابت نفسك
صح انا حسيت بتانيب الضمير واشتي اكفر عن اخطائي وذي البنت هي كفارتي
زيد شاف امامه : هه عنبسر يا دكتور عنبسر خوفي تظلمها مثل البقيه
لؤي: انا وعدتها ووعدت امها ما تمسها يدي
واني برجعها مثل ما اخذتها
زيد : هه انت نفسك ما تقنع بكره تعتدي عليها
لؤي بضبح: انت عارف انه عمري ما اعتديت ع واحده كلهن بيسلمين لي انفسهن ب ايديهن
زيد : وواثق انك بتعالجها ؟ البنت حالتها صعبه مفكره بتقبل ترتبط بحد بعدما تعالجها تحتاج وقت كثير وهي تجرب الناس ولو جاء لها شخص متخلف بيرجعها نقطه الصفر
لؤي: بعالجها وبتشوف بعينك لما تجي اخر جلسه لعيادتي وهي لابسه لبس بنات ومعها زوجها
زيد: ناهي سوق سوق خلينا نمشي تاخرت
تنهد ورجع شغل السياره وساق وتتفكيره عندها
.....
👍1
"اللهم بلوغاً مُزهراً و وصولاً مُشرقاً و حياة هانئة ،
اللهم لطفاً يحل على تفاصيل أيامنا فيغير مساراتها للأفضل"👑🖤
استمع الى تعليقاتكم عن الرؤاية هنا...

@PHTHLIA_bot
‏منقطع ، ثم متقطع ، ثم منتظم ، ثم ملتزم ، ثم منتظر لموعد الآذان
"نسألك يا الله الثبات♥️ ... "
✍️ لا تُقم حواراً مع شخص يُشعرك دائماً كما لو أنّه على عجله من أمره وأنّ وقته أثمن من كلامك ، حتّى لو كان هذا الحوار البسيط كل ما تتمنى.

🌹 صباحُكم جميل🌹
"عندما تكون قوياً بعين نفسك لن يكسرك شيء".💛
نبض قلب❤
#عصب الروح..
العاب وفقرات 😍:
البارت الخامس

فتحت التلفون ورجعت تركته جنبها * ولا حتى سؤال يا بهاء ؟ ولا كيف حالش ي بنت عمتي !
هذا الان عاد بعدين ؛ كيف الناس يقدرو يحبو اثنين وثلاثه ! كيف يقدرو يعددو علاقتهم! ليش ما احنا غرقنا في واحد ولا عاد طلعنا *
........
امها كانت تتكلم معه : قال بيتزوجها
سامي : شكله مجنون بيتزوجها وهو داري كيف هيه
ام فرح: المهم تتزوج وتتعالج ومدري كيف اقنعها اصلا
خرجت هي من غرفتها وهو وقفها: اعملي لي شاي
رده بتمرد وحاجب مرفوع: معك يدين !
وقف: وانتي ما مهرتش هانا
ابتسمت ب استهزاء واقتربت : انا جالس مع امي والا ماكنت عتبسر صورتي
وقف هو امامها وبنفس الابتسامه: الله اعلم ماهو عرق ابوش لوما جيتي وقحه هكذا
وبيشوف لشعرها : انتي وشكلش هذا
فرح: شكلي يخصني انا وانت مالك !
سامي : حاضر يا بنت عثمان اخذتي من صفات ابوش وتفعلي علي بطوله ماغير وقحه لا شكل ولا تربيه لكن انا عتبسره كيف بيربيش
تمثلي امامي رجل وعنده عتكوني جاريه لرغباته
عصبت ورفعت يدها في وجهه: تخرص خالص وانا اتحاكى وقبل ما تذكرني تغرغر بماء وملح والجاريه اختك
رفع يده عليها ومسك نفسه
وهو يشوف لها وهي تشوف له والنظرات مشتعله
ورجع ابتسم وشاف لامها: جهزي بنتك لعريسها لبسيها ابيض وزفي وقلي لها تحلق دقني اذا ما ادبها وشحطها
عصبت هي وهو مشي من جنبها مبتسم
امها: فرح مالش منه
رده بعصبيه: قلت لش مشني فرح تفهمي مشني فرح يوووووووووه
مشت من جنبها وهي تشوف بعدها : حاضر ي فرح انتي اتعافي بس وبعدها حسين منتظرك هو بنغض الطرف حن انتي مريضه وعتبسر الدكتور هذا ما بيفعل
كان هو بالغرفه بيتصل : اسمع لقد تجيش ذلحين عادها تاعبه شوي بنفعل لها جلسات علاج تعال بعد سنه وهي جاهزه ونزفها لك
دخلت وهو بيتصل غلق وبيتكلم: قلت له يجي بعد سنه وياويلش لو يرجع والدكتور ذا ما طلقها
ام فرح: انا اتفقت معه هو قال بيكمل علاجها بس
سامي : حسين بيلعب بالفلوس لعب لو تزوجته انا وانتي بنعيش ملوك
رده وجهه: مشتيش اعيش ملكه اشتي بنتي ترتاح وبس
سامي: هو بيريحهها بين اقل لش بيلعب بالفلوس لعب معه فله مش بيت
ام فرح: خوفي مثل ماقلت الدكتور ماعاد يفي بوعده
ضحك ب استهزاء: والا ما يفعل ببنتك ؟ لا دلع ولا رقه ولا وجهه بنت، هو غير حسين، قد بليه الله
سكتت
............
ناديها لخارج وابتسمت له
لؤي اقترب وقبلها في جبينها : مبروك الله يوفقك
ميسون : الله يبارك فيك
لؤي: اعذريني تاخرت وهنيتك على العموم انا مكنت لش هدايا مع ارزاق خذيهن وبهاء هو رجل متحرم اتمنى ما تخسريه
ابتسمت
لؤي وهو ماسك خديها:بنخسرك بالبيت
وضمها: بتوحشيني
وضمته هيه
.........
اليوم الثاني كان مع ابن خالته
والناس كل شوي وجاء واحد يسلم عليه
وجلس معه : دكتور لؤي
لؤي: ايوه
...: بس اشتي اكلمك عن شي بيني وبينك
ذي الايام بين احس ب اشياء غريبه عندي شك قوي واتخيل انه من حولي يخونني مدري كيف اتخيل اصوات ولا نفع معي شي
لؤي: ارجع تعال لي العياده تشتي جلسه مطوله كانه عندك انفصام
...بقلق: ايش يعني انفصام
لؤي ضحك: لا تقلق تعال ونتحاكى
شوي ووصل امامه واحد: حيا بالدكتور كيف
ابتسم: الحمد لله
رد: ماغير يا دكتور امي كبيره بالسن وجاء لها ارق مابتقدرش تنام لو تسجل لها حبوب والا شي
لؤي : هات تلفونك بكتب لك علاج تبدا بنص حبه وبعدها حبه كامله وببيساعدها قوي
وهويتكلم معهم كان يشوف لبهاء ويكلم نفسه * من صورته مش مبسوط عكس زواجهه ببنت عمته ، مشنا داري ليش ميسون وافقت عليه وهو شكله تزوج عشان الاطفال* ورجع شاف امامه وباله مشغول وهو يفكر بها
صفيه بتسال بغداد :وين اثير ؟
بغداد بغرفتها قالت مريضه
صفيه تنهدت وطلعت دخلت وهي مغطيه بالبطانيه
جلست جنبها: اثير
كانت مغطيه وجهها بالبطانيه وهي تبكي
صفيه: اثير بنتي قومي كلي لش شي
ماردت كانت تبكي
صفيه بعده البطانيه: يوووه اثير مالش
وهي رجعت لحظنها: يا خاله يدي توجعني
صفيه ضمتها: سهل عتتعافى
اثير: ماشي يخاله ماشي والله ماعاد عتبسر عافيه
صفيه : اثير كل شي بالحياه هو قضاء وقدر لازم نتقتنع بنصيبنا
رجعت تبكي بصمت
.............
رجع هو بعد الزفه ودخل غرفته وغلق وتمدد ع السرير بملابسه : مالي تغيرت ؟
احس شي في نفسي اختلف وتبدل ؟
احس اني اصبحت اشوف للاشياء من نظره ثانيه !
كلمات البنت ذيك ما بتفارق راسي !
شكلي قدنا بكلي اشتي طببيب نفسي
وامها امس بتقل لي انه خاطبتها لصاحب زوجها ويشتوني اعالجها خلال سنه وتزفها له ؟ هل بتكفي سنه اعالج بها تركمات سنين ! كيف بفعل معها ! وهل ضميري بيرتاح بعدين!
............
بعد مرور ثلاثه ايام ..
كان يتكلم معها : ذلحين عترجعها اليوم ؟
بهاء : ايوه
نبض قلب❤
#عصب الروح..
ميسون : وليش ما تزيد تخليها اسبوع عاد احنا الا تزوجنا
كان يلبس الشميز ورفع لها عيونه : قد لها هناك كثير
ميسون بغيره: ليش او اشتقت لها
سكت ورجع شاف لها : مش قصه اشتياق بس ما ينفع يعني ضروري اسير اديها
سكتت وهو طلع
.........
وكانت هي تكلمه بالتلفون
وهو بالصاله امام التلفزيون ويسجر : قد وصلت مع فرح
لؤي: ايوه

ام فرح: لكن مثل ما اتفقنا
لؤي : تمام
ام فرح : وبعدين بدفع لك اتعابك كم ما طلبت وايش ما طلبت
لؤي: قلت لش مشتيش زلط انا شغلي تمام ماحتاج تدفعي هو تحدي مع نفسي
ام فرح : انتبهه امانتي عندك
لؤي: تمام
غلق وترك التلفون وهو ييسجر
خرجت هي ببنطلون ولادي وشميز اسود وشعرها المقصوص وبصوتها الغليض: من كان يتصل
وهو ماسك السجاره ورافعها ل امام وجهه ويشوف لها فوق تحت
شافت لنفسها ورجعت شافت له:مالك !!!
ضحك بتعجب من شكلها وشاف امامه وهو يهز راسه بتعجب: مالي ولاشي
جلست جنبه : هات سجاره
شاف لها ورفع حواجبه : تسجر ؟
فرح تحاول تقلده : ايوه
ابتسم بغرابه ومكنها وهو يشوف لها
مجرد ما سحبت نفس رجع تسعل كثير وهو يشوف لها بس وهي تواصل
لوما دمعت عيونها وهي تشرب غصب
ورجع وقف وسحبها من يدها وطفيها : السجاره مشي شرط على الرجوله ولا القوه هذي بلاء تمام
شافت له وهو شاف لها بجديه: لا عاد تشرب تمام
سكتت وهو ارتفع وبيشوف لها ورجع دخل غرفته وغلق بعد الجاكت وضحك : ههههههههههههههههههه
جلس على السرير: البنت هذه عجيبه !
.............
روحت هيه ودخل بعدها وضمها: وحشتيني
اثير شافت له بنظرات الشوق
بهاء: وحشتيني قد كنت بهلك
اثير ابتسمت : وانت قوي
بهاء يبتسم: وانا ايش
اثير: وانت وخشتني
صمت ورجع قاال: لو تعرفي كيف احبك
كانت مبتسمه ونقزها صوت الباب كانت امه
فتح : للاحق عليها روح عند عروستك
سكت
امه شافت لاثير بنص عين : رجعتي تسحبيه
سكتت هيه
وهو شاف ل امه: طيب شوي واخرج
مشت وهو غلق وشاف لها : انا بسير تمام
مسك خديها وقبل جبينها : تصبحي ع خير
كانت تشتي تتكلم بس الكلام وقف في حنجرتها وهو يشوف لها وهي ساكته
خرج وغلق وجلست هيه ع السرير بقهر * وانت من اهله وانت من اهله مع شريكتي !!!!*
..........
الصباح اليوم الثاني فتح على رسائل من ابوه * رجعت حليمه عادتها القديمه *
ضحك لما شافههن وهو اتصل
رد : ايوه
ابو لؤي بعصبيه: وووينك ما تروح البيت اشتي اعرف فين بتسير
ضحك: عند اصحابي
ابو لؤي: اقطع يدي لو انت عند اصحابك اعلم الله فين بتصيع
رد بممزاحه ويشوف رايهه: تزوجت بالسر
ابو لؤي: لو قد تزوجت سهل خوفي لو انك مثل مثل القشه من يد واحده ليد واحده
لؤي : ماهذ هذا الكلام من وجهه الصبح
ابو لؤي: انت عتموتني ناقص عمر
غلق في وجهه وهو شاف لتلفون ورجع ترركهه: عتموت نفسك يا حاج بيعاملني كاني صف ثاني
وقف بيلبس وخرج وهي بالصاله : صباح الخير
شافت له : صباح النور
لؤي: مافيش شي ناكله
وقفت: ايش قصدك
شاف لها ب ارتباك من نظراتها: اقصد ما طبخت لنا شي ناكل
تحركت ووصلت لعنده وهو ساكت: خير ان شاء الله وليش اطبخ ؟! المطبخ حق البنات مش حقي
رفع حواجبه : هاه حق البنات
فرح: ايوه وانا ما ادخلهش
لؤي: امممممم وجهه نظر ! بس لو كلنا ما طبخنا من بيطبخ ؟
فرح: مش شغلي !
ضحك: طيب اناشخص مستقل بدخل اطبخ لنفسي لانه الطبخ يعتبر شغل والشغل عمره ماكان عيب
دخل المطبخ وهي واقفه مكانها
دخل وبدا يقطع البصل شوي ودخلت : طيب بساعدك
ابتسم وهو راد ظهره
ورجع التفتت لها بجديه: لااا افاا المطبخ حق البنات ماتدخل تفعل ؟
شافت له ورجعت بتغلي الماء وتعمل شاي
وهو رجع يكمل مبتسم
قاطعه ابتسامته: وين اهلك ؟
لؤي: عايشين لوحدهم كنت بتزوجك لهناك بس ماكنا بناخذ راحتنا
قاطعته: لا تقل اتزوجك قل كنت بعيش معك هناك
لؤي: وايش الفرق
فرح : الفرق انه احنا مش زوجين احنا اصحاب وعايشين سوا
التفتت لها : سابر
تركت القلص بقوه: عتسبر
اخذ البيض وخرج وخرجت بعده
جلست وهو يشوف لها :ذلحين اسسمع
احنا هنا عايشين ع اساس اثنين رجال صح
فرح: ايوه
لؤي: واحنا نعتبر شركاء بالسكن ! تمام
فرح: تمام
لؤي : ذلحين ضروري نكون شركاء بالمسؤوليه
فرح: كيف
لؤي: ككيف ، بقول لك .. انت بتدفع مصروف البيت يوم وانا يوم
فرح: هه وانا من وين ادفع
لؤي: دبر نفسك شوف لك شغل
فرح: وين اشوف
لؤي: كملت دراستك
فرح هزت راسها بالنفي: لا
لؤي: وليش ي حالي
فرح: عمي ما خليني المدرسه ما قبلت لبسي وحركاتي وهو طردني
لؤي: هاه طيب ندور لك شغل ما يحتاج شهاده
شافت له : ايش
لؤي: مثلا نجاره ! تشتغل تكون تاخذ حجار وسمنت وكذا
ضحكت بغرابه: هه بس ماقدرش
لؤي: وما افعل لك هذا شغل الرجل
فرح: مابش شغل اسهل
لؤي: الا افتح لش بسطه خضار وتبيعي
نبض قلب❤
#عصب الروح..
فرح: انت مجنون !!! ابيع خضار بشارع بين الشمس
شاف لها بقوه: وليش مفكر احنا بنصرف ع البيت ونفقاته واحنا طارحين رجل على رجل
وقف: لا ي استاذ احنا بنشقاء ونتعب ماشي يجي ب السهل !
وقفت هيه: وذلحين مفعل
لؤي: طالما احنا شركاء ففي معك خيارين
الخيار الاول تدور لك واحد من الاشغال الذي قلت
والخيار الثاني يكون انا علي المصروف وانت عليك الطباخه
سكتت شوي وهو يشوف لها وعارف مايدور في مخيلتها
وشافت له : خلاص بختار السهل الطباخه
لؤي ابتسم : وعشان كذا المراءه مكانها المطبخ مش استنقاص من اجلها وانما اخترنا لها الاسهل
والحياه هي شراكهه يا صاحبي
واحد يصرف وواحد يطبخ
قبضت ايديها فوق بعض: بش انا مش بنت
لؤي ضحك:
نبض قلب❤
#عصب الروح..
العاب وفقرات 😍:
عارف عارف بس شرحت لك ان الطبخ مش استنقاص انما عمل مثل عمل الرجل
المهم انا طالع وكل شي بالمطبخ تمام
رده تمام ودخلت وهو يشوف بعدها ورجع اقترب وهي بتطلع الاغراض وتخرج الدجاج وسط الماء ويكلمه نفسه * بدايه جيده اليوم تطبخي وبكره تلبسي وبعده تعشقي وتتزوجي *

البارت السادس

صحيت من النوم على صوت الباب كانت ام بهاء
فتحت : ايش في
ام بهاء: عادها تقل ايش في ؟ اخرجي المطبخ اشتغلي
سككتت
ام بهاء: او راكنه ع ميسون ؟ ناسيه ان عادها عروسه !
اثير: مش كذا ي خاله اغسل وجههي واجي
مشت من عندها وهي تنهدت * حسبي الله لا جلس معي ولا جلست بيت خالتي *
دخلت المطبخ وبدات تطبخ وميسون خرجت وبتدور عليها دخلت وهي بالمطبخ: ايش بتفعلي ايش بتطبخي
اثير:مثل ما تشوفي فصولياء
ميسون: لا تزيدي البهارات بهاء ما يحبهن
التفتت لها: وعادش عتعلميني ايش يحب بهاء وايش ما يحب
ابتسمت وشافت لها: ايوه اجدد لش التحديث اصبحتي اصدار قديم
خرجت وهي تشوف بعدها بقهر :...
.......
اسامه بيسال بغداد : الان اثير روحت ؟
بغداد: ايوه جاء بها وروحت معه
اسامه: خبلا مشنا داري ايش عاجبها في بهاء هذا
بغداد : وانت مالك خليها الله يوفقها
اسامه: ماالي شي ماغير مقهور عليها
بغداد: بهاء يحبها الذي بتنقهر هي ميسون
اسامه سكت
.......
روحت الظهر وهي طبخت كل شي
دخل : وشاف كل شي جاهز
ابتسم لها: اوف ي يزن طباخ
فرح: تعلمت بسن صغير امي كانت احيانا تتعب واطر اطبخ لها
لؤي:حلو
ففرح : انت عارف .. انا رحت لدكاتره كثير من قبلك بس انت تتعامل معي بطريقه مختلفه
جلس وهو يشوف لها : وانت عارف ايش ؟
الطب النفسي مختلف تماما يا يزن .. الطب النفسي يعتمد ع الشخص ذاته اكثر من الدراسه .. كل طبيب وله طريقته واسلوبه .. واسلوب الطبيب هي العلامه الاولى الفارقه عند المريض
ي اخي المجال هذا مختلف ولايمكنك تحكم عليه من حد
رفعت له حواجبها : معك طريقه اقناع جديده علي
ضحك وشاف لها بغرابه: نفسي اعرف طالما امك ماعندها فلوس وعمك يكرههك من فين لك زلط العلاجات في الطب وكمان
قاطعته: عمي ما يشتغل اصلا وكل شي من مصروف البيت لعلاجاتي بيديهن واحد اسمه حسين
انا ماعرفش عنه شي ولا ليش
لؤي سكت * حسين ؟*
.......
المساء رجع وهي بالمطبخ ابتسم لها : مساء النور
شافت له بنفس الابتسامه: مساء الفل
بهاء وصل جنبها : طول اليوم وتفكيري عندش
ضحكت
بهاء : كملي بسرعه برجع عندش اليله تمام
اثير : تمام
دخل هو عند ميسون وهي تبكي
استغرب: مالش
كانت تتبكي بقوه
ترك الجاكت ورجع جنبها : مالش
ميسون : ولاشي لا تهتم
بهاء: قولي لي لانه بخرج بسير عند اثير
ميسون: اهاااا ايوه يعني كلام اثير صح
بهاء بغرابه: ايش الصح
ميسون : قالت لي بتشوفي كيف بيتركك وماقد لك اسبوع عروسه ويجي عندي لانه تزوجك عشان العيال بس ولما تخلفي بنرجمك
بهاء بدهشه : قالت كذا
ميسون وهي تبكي: لا انا اكذب عليك ؟ اسال امك لو مش مصدق
بهاء وقف: بس ي ميسون اثير مش هذا طبعها
اقتربت منه وهي مازلت تبكي: يعني انا اكذب وابكي كذب لو تشوف كيف جرحتني وانت الان جيت وتقل لي انك بتروح عندها يعني كلامها صح
بهاء بانفعال بيخرج مسكت يده : لا لا تسيرش تكلمها بتقل بعدين اني بين احارش عليها وتكبر الامور وتكرهني اكثر الله يخليك مشتيش مشاكل
كان متفجاء وهي ضمته : ما اعتقدش انك استغلالي هكذا وتزوجتني عشان الولد وتتركني صح
كان مازلت متفجاء ورجع ضمها هو : لا طبعا ما بتركش لا بعد الولد ولا قبله
ابتسمت هيه بدون مايلاحظ
اثير دخلت وغيرت ملابسها وجلست منتظره له

.......
كان بالعياده وقد عيروح وقف بينزل الستاير وهي دخلت : دكتور
التفتت لها : اهلا
جلست: كيف بنتي
شاف لها : للان ماشيين تمام
ورجع وقف امامها : ممكن سؤال ؟
ام فرح : اسال
لؤي: من هو حسين ؟
ام فرح ابتسمت : ذا خطيبها الذي بنتصايح عليه
لؤي : قالت بيدفع كل شي
ام فرح : اصلا عمها عاطل وما يخلفش ماعنده عيال .. وحسين ذا كان يحب فرح من وهي طفله قبل ما تتغير شخصيتها ..
لؤي وهو يحرك يده ع لحيته : من وهي طفله ؟ ليش كم عمره الان
ام فرح: ٤٢
لؤي بعد يده ورفع حواجبه بدهشه: ٤٢ ؟؟ تشتو تزوجو بنت عمرها ١٩ سنه لو احد عمره ٤٢ ؟وليش ما يشوف له واحده تناسبه
ام فرح: هو متزوج ثنتين بس هن خارج البلاد هذه وهو مسافر ورجل اعمال معروف وهو بيصرف علينا من وهي صغيره ومعه هنا فله كبيره بيتزوجها لهناك وينقلنا معها
لؤي ضحك ب استهزاء: وعشان الفله تشتوها تتزوجهه لا وقد معه ثنتين
ام فرح وقفت امامه وبابتسامه : على الاقل هو تزوج ثنتين مش مثلك ثمان
رفع حواجبه بصدمه :..
ام فرح : اخذت بنتي عند سبعه اطباء قبلك ماحد قدر يساعدها وفي يوم كلمتني واحده عندك وقالت انك دكتور متمكن جدا رغم صغر سنك وانك ما تجوزت ال ٢٦ سنه ووصفتك لي وعرفت كل شي عنك وعن علاقاتك بس ما اعتقدت بتكون لك حاجه في بنتي لان حاجاتك في نوع معين وموصفات معينه
نبض قلب❤
#عصب الروح..
شافت في عيونه : الاتفاق اتفاق بعد سنه تسلمني بنتي وازفها لعريسها وبدفع لك كم ما تطلب وانفذ لك طلبك اللي تطلبه بلا شروط وقيود بس
رفعت يدها في وجهه : تحافظ على وعدك اياك تلمسها !
كان ساكت ومندهش وخرجت وهو يشوف بعدها ويحس المكان يلف به
ورجع جلس * البنت ذي بريئه قوي وداخل لعبه كبيره *
..........
كانت منتظره وتشوف الساعه ولا جاء
حست بالاحباط بس كانت واثقه انه بي
نبض قلب❤
#عصب الروح..
جي هو يحبها
وهو حب طفولتها الوحيد والرجال الذي كبرت وهي تحلم به
.........
روح هو متعب كانت تشوف التلفزيون
ارسل ل امها * هاتي لي موصفات الولد هذا الذي تشتي تزوجيه بنتك احاول ادخل الفكره راسها *
غلق وهي التفتت له وقال : في عشاء
فرح: ايوه
اقترب وهي بتشوف برنامج عن الاطفال وتضحك
شاف بتعجب: ايش المضحك
فرح: حركاتهم لما هم صغار مدري كيف اشرح لك بس يجننو
سكت وبيشوف ورجع قال: تعرفي اني ماحبش الاطفال ابدا
شافت له بتعجب
لؤي يكمل : اطلاااااقا ما اطيقهمش
فرح: وانا اقول ليش للان ما تزوجت وخلفت
لؤي: اووه تقولي كانه قدنا شيبه عادنا ب اول عمري
وايوه هذا واحد من اسباب عدم زواجي لانه عيال اخي بيرفعو لي الضغط كررررهت الاطفال من تحت راسهم .. ازعاج وصياح وضرب
فرك : كم معه
لؤي: اربعه عياال وبنت وكلهم متابعين بينهم يمكن سنه وماعاد قدر لهم
فرح: كم اعمارهم
لؤي: اكبر واحد ٧ .. وبعدين حتى لما انام بيتنا يقوم ابنه يبكي اخر االيل وغرفته جنب غرفتي ماقدرش انام من تحت راسه وارجع انزل انام بالصاله تحت
ضحكت وشافت له: انا افكر اتبني طفل من دار الرعايه
لؤي رفع حواجبه : وليش تتبني خلفي وخلاص
شافت له بعصبيه: اخلف ؟ شكلك استخفيت
وقفت : انا مستحيل اخلف يييييعع كيف بيكون مظهري ،، انا اخلف
لؤي : كان ومن عيتبني لش الطفل ويربيه ويصرف عليه
اقتربت منه: الصرفه عليك انت طبعا
لؤي برفعه حاجب: انا ما رغبت اجيب ولدي مني عاد بصرف ع ابن مدري من ، ب احلامك
فرح: متخلف اصلا
لؤي: لو تزوجت بعدي ارجعو سدو ع الاطفال
فرح : مش متزوجش قدك تكفي وبناخذ طفل وعادي جدا والا بدور لي شغل واشتغل عليه
لؤي: ناهي تشتغل عليه بس تخرجو من بيتي
فرح بضبح: وليش قد قلت بصرف عليه
لؤي: قلت لك ما بين اتحملش طفل مني عاد بتحمل لك اللي ماعرفهش مستحيل ذي الفكر شيلها من راسك
سكتت وهو بيشوف لها ورجع قال: ممكن اغير رايي لو الطفل طفلي
شافت له : ايش قصدك
لؤي: قصدي واضح
شافت له بعصبيه: متخلف غبي ذا مش شغللي
ومشت وهو جلس بضبح : نهايتي بين الدوشه والا زعاج والمسؤليه لو على كذا كنت تزوجت من زمان ناقص وجع راس ..
......
قربت الساعه منتصف الليل بهاء يقوم الصباح اكيد قد نام قامت وهي تحس ب الاحباط امام المرايا بتفك المساكات من شعرها والدموع نزلت والكحل نزل على وجهها : ماعاد بتجيش الغلط غلطي كيف املت عليك هكذا ..
تتوقعو هل لؤى بيقدر يعيد لفرح شخصيتها ؟
هل تُحسن الظن بالله !اذاً لا تجزع من قضاءه و ارضى بعطاءه فهو رب الخير و رب الخير لا يأتي الا بالخير
وكن يا رب انت الرفيق الامان لقلبي دائمآ
إسرِقينا أيتُها ألفرَحہ يَوما ...خذينا لِحَيثُ

لآ ندّري لِ رآحَہ ،لِنقآء ، لِأملْ بلا نهايہ ...فلرُبما نستَحقْ.❤️🥀
نبض قلب❤
#عصب الروح..
العاب وفقرات 😍:
البارت السابع

خرجت وهو بالحمام وهو مفتوح بيحلق لحيته
اقتربت : وووواووو
وصلت جنبه وهو بيشوف لها : وانا اشتي احلق مثلك
لؤي ضحك بغرابه: هه ايش
فرح: احلق كذا مثلك
لؤي التفت لها : اكيد جننت ؟ مابش معك ما تحلق
فرح: ايوه مش قالو المكينه تطلع شعر الوجهه خليني اجرب
اخذتها وهو سحبها من يدها بقوه : لاا
التفتت بدهشه بتشوف له
وهو بيشوف وبهدوء سريع: اقصد لا تصدقش ما تطلعش الشعر لكن تشوهه الوجهه وانت وجهكك كذا حالي لا تلعبش به
فرح: بس انا اشتي اكون مثلك
لؤي: تمام مثلي مثلي لكن مش بذي
انا بدي لك علاج يغير صوتك ويكثف لحيتك بس بشرط
فرح: ايش
لؤي: ما تاخذش ذي ابدا ولا تلعب بوجهكك تمام وانا لما اشوفك مستعد بديهن لك
شافت له شوي وهو منتظر يعرف لو اقتنعت او لا
ورجعت ابتسمت : اوك طيب تمام
ضحك هو : تمام لو سمحت افعل لنا شي ناكله قبل ما اسير العمل
فرح وهي تشوف له
لؤي بغرابه : مالك
فرح ضحكت: تغير شكلك قوي
خرجت وهو يشوف بعدها :..
......
الصباح كانت بالمطبخ وهي مقهوره دخل : اسرعي اشتي اسير العمل
سمعت صوته وتحس الدموع في حلقها من القهر التفتت له : مالك ؟
بهاء اقترب: مالي
اثير بقهر: مالك هجرتني ؟
بهاء : دخلت وكنت تاعب فنمت على طول
شافت له وعيونها في عيونه: بس انا جلست منتظره !! ماقدرت انوم مشو حرام عليك
بهاء حس بتانيب ضمير: اثير
كان بيتكلم بس سكتت عندما شاف قطرات دموعها تتساقط امامه بحرق وحس ان كل الاعذار الذي بيقلها واهيه امام هذي الدموع
حاول يعتذر وميسون دخلت : بهاء تاخرت ع الشغل
رده هي وجهها وبتكمل
وهو شاف لها وتنهد
ميسون: بهاء شكلها عتتاخر اكل لك شي خارج وسير
شاف ل اثير ورجع شاف لميسون: تمام
خرج وضميره يانبه وهي دخلت :مالك ما تشوفي لنا
كانت ساكته
ميسون بنرفزه: شكلك مقهوره ؟ من حين جيتي ماقد جلستي معه ! رحمتك من كل شي قلبي
انتي بالنهايه الاوله وطول الوقت كان يقل لش انه يحبش او كان يضحك عليش انه يحبش
كانت ساكته ميسون خرجت والدموع بس تنزل :...
..........
لبست وهو وقفها: اين عتسيري؟
ام فرح: اشوف بنتي ؟ اشوف علاقتها مع الدكتور ذا كيف
سامي: لحظه بجي معك
كانت هي بتطبخ عندما دقو وفتحت شافت عمها ورده وجهها
دخلت ودخلو وغلق هو الباب
امها':كيفك ما بتفعلي
فرح بتوتر: كنت اطبخ
سامي ضحك: هههههه وخليش تطبخي !
فرح: مش شغلك انت
ام فرح بدهشه : بيخليش تطبخي ؟؟؟!
فرح: بيننا اتفاق
سامي: ما هو هذا الاتفاق ؟ انه يقبل يشوف وجههك مقابل الطبخ
ام فرح شافت له
فرح: انت مريض وتفكر الكل مثلك
ام فرح : قلي لي كيف بيتعامل معش ؟ فين بتنامي اشتي ابسر غرفتك
فرح اخذتها ودخلتها: هذي غرفتي
ام فرح بتشوفها بتمعن مالقت ولاشي يخصه وشافت لها: وهو ؟
فرح: بالغرفه اللي جنب
امها ابتسمت وصلت جنبها: فرح بنتي هو قال لي بتكونو اصدقاء لا تخليه يتعد حدوده تمام !
اياك تخليه يقترب منك لانه بعدين بيستغلك ويشوفك جسد بس
فرح بضبح: عارفه عارفه خلوني انتو في حالي
......
المساء روح ماعاد شافها وقت الغداء كانت بغرفتها والان بغرفتها كان بداخله احساس بالذنب
وهو يحاول يكلمها كان بيشوف لباب غرفتها
بيروح وامه وقفته : بهاء
التفتت لها : هاه
امه اقتربت : بهاء لو تشوف زوجتك كيف بتفعل بميسون في غيابك
عقد حواجبه بغرابه
امه: كل شوي وعايرتها وتقل لها هو تزوحتك عشان الولد ومعك ذا الاسبوع بس ولا عاد تبسريه ومن هذا الكلام جرحت البنت
ببهاء بتعجب: بس يمه اثير ؟
قاطعته : ادخل راضي ميسون قد هلكت بكاء
بهاء قاطعها: يمه
ام بهاء: ادخل ارحمها حرام عليك
بهااء سكت وهي تشوف له ورجع قال : طيب
دخل عندها وهي تبكي جلس جنبها: هيا ماهو
ميسون: قهرررتني قهرررتني بتحسسني اني رخيصه
تركت راسها لصدره
بهاء: ولا رخيصه ولاشي

كانت هيه بغرفتها كانت حاسه انه بيجي يراضيها لانه عمره ما اهمل دموعها دئما تكون محور اهتمامه
والان هي تبكي لوحدها وهو سبب كل شي
.........
وهو خارج من العياده وقفه : دكتور لؤي
التفتت بتعجب ؟ رجل كبير بالسن مايعرفهش
اقترب امامه: معك لي امانه
لؤي بغرابه: امانه ايش ؟
الرجل : امانه وخلاص اشتي تسلمها
ظن انه يخرف طنشه وطلع السياره
وصل البيت وهي بالصاله دخل : سلام
فرح: وعليكم السلام
وصل امامها : انت عارف ايش اول صفه عشان تكوني ولد
فرح بتعجب: ايش
لؤي وصل امامها: تكون ع ما انت عليه
فرح بغرابه: كيف
لؤي: تتكلم بصوتك الطبيعي بدون ما تحاول تغلضه
فرح: بصوتي ؟ بس انا ما احب صوتي انا هذا صوتي
لؤي: اسمع مش قلت بدي لك علاج يغير صوتك ؟ عشان العلاج ذا ينفع معك ضروري ع الاقل اسبوع كامل تتكلم بصوتك
فرح : صدق
لؤي: ايوه والا ما بينفعش معك بيشتغل عكس
نبض قلب❤
#عصب الروح..
فرخ بخوف: خلاص
لؤي: يالله تكلمي طبيعي
فرح تحاول وتحس الكلام يقف بحلقها وهو يشوف لها بصمت
فرح بعد جهد : وماقل !!!
ففك عقده حواجبه بدهشه
فرح ضحكت: مالك !
لؤي تنهد :صووتك حلوووو اتكلمي اكثر
فرح برده وجهه: ييييع هو بس عشان العلاج
كان يشوف لها بس وهي دخلت غرفتها * ما توقعت يكون صوتها بالرقه هذه !! والان ب

اقي الخطوه الثانيه بس احتاج وقت و مساعده من اهلي!؛ *
جلس ع الكنب : هل اقل لهم اني تزوجت عشانها؟ بس انا عمري ما قلت لهم بزوجاتي ؟ ضروري اقل لهم عشان الموضوع اكيد بيفرق*
رد ظهره ع الكنب ورفعه لفوق : ابي ماعاد بيكلمنش اكيد قدد هو زاعل بكلمه بقل له تزوجت عارف انه بيعصب بس بشوف لي طريقه مناسبه ! انا اللي مقهور عليه انه بين اتعب ع البنت هذي وبالاخر تتزوج ذاك ياليت وعاده يستاهل !*

البارت الثامن

كانت نايمه بغرفتها سمعت طرق خفيف على الباب وقفت وفتحت الباب وكان هو دخل وغلق : قد كنتي نايمه ؟
اثير جلست : ايوه
بهاء جلس جمبها: تعرفي كيف ، احس ان محد يقدر يحل محلك ابدا ولايكون مثلك !
اثير : وجاني اخر الليل من من خايف ؟
مسك خدها : خليني نمشي هذه الليله على خير بدون صياح ومشاكل
سكتت
.........

بعد مرور شهرين

كانت جالسه تلعب معه بلاستيشن
تركه من يده ويضحك: مهزوم للمره الثالثه
فرح بضبح : انت غشاش اصلا
لؤي: الذي مابش معه حناء يقل العيد عيد العافيه
فرح ضحكتت ؛ هههههههه بيجي يوم اهزمك
رجع ورد ظهره الججدار ومسك تلفونه : عتبسر
فرح بتشوف له: تعرف اني احبك قوووي
التفتت لها
فرح : مالك بتشوف هكذا اقصد احبك كصديق
انت اول شخص يدي لي على جوي ، كلهم كانو يعارضون ويستهزو بي ، تصدق من حين كبرت ماكان معي حتى اصدقاء ومحد كان يجلس معي
لؤي في نفسه* شكله وصلنا للمرحله الثانيه *: طيب ممكن اطلب منك طلب لو انت تعزني؟
فرح بغرابه : اطلب
لؤي وقف ووصل امامها وجلس ع ركبتيه : ابي عرف انه تزوجت !
ففرح بتعجب : كيف عرف
لؤي: عرف وخلاص وانا اشتيك تساعدني
فرح : كيف اساعدك ؟
لؤي: هو يشتي يرسل امي وخواتي على اساس يبسرين زوجتي
وقفت هيه بعصبيه: بس انا مش زوجتك
مسكها من يدها : اسمع هو تمثيل امامه
فرح فكت يدها بقوه: وما افعل ؟ ما المطلوب مني
لؤي بتردد : هن بيجين على اساس يشوفك وانا اشتيك تلبس او
وبتردد: تلبسي فستان كذا وتغيري شكلك وشعرك تمشطيه تحت مثل البنات ومايهم لو هو قصير لوما يخرجين
فرح بعصبيه: انا البس فستان!!
لؤي ببردو: بشتريه لك انا
فرح با انفعال: انت اكيد مجنون !!
لؤي تنهد : معناتها انا ساعدتك امام امك وانت ما ساعدتني امام ابي
فرح فتحت عيونها : لو تموت ما البس فستان
مشت من امامه ودخلت غرفتها منفعله وهو يشوف
سحب نفس عميق ورجع جلس وخرج سجاره ويدخن شوي وابتسم * هههههههه بنشوف كلام من بيمشي !*
............
كملت تغسل ودخلت غرفتها وهو فيها قالت ب انفعال : ايش جابك ؟
بهاء : زوجتي وجيت عندك عادي
اثير ب انفعال :لك شهرين ماعاد شفتك وعادك ذكرت اني زوجتك ؟؟؟
بهاء وصل جنبها: اثير انا
قاطعته ب انفعال : انت ايش ؟؟؟ كل يوم واديت لي حجه اخرج ماعاد اشتي اشوفك
بهاء ب انفعال: اثير بصراحه مش حاله هذي وانتي كل يوم مشاكل مع ميسون وترجعي الوم علي !!
اثير بدهشه: مشاكل مع ميسون ؟؟
بهاء: ايوه كل شويه وعايرتيها انه تزوجتها عشان الولد ومره تستهزائي بها امام الجيران ومره تخليها بدون غداء
اثيرر بصدمه: وانت مصدق؟؟
بهاء: اثير انتي كنتي كل يوم مشاكل مع امي وذلحين مع ميسون ؟ ليش تحبي تصدعي لي راسي ليش ما تكوني سويه !
ااثير ضحكت بقهر : واضح انهم ملو اذانك قوي
بهاء: بتقهريني يا اثير ،انا بين احبك وانتي تستغلي الوضع
مشت من امامه : هه تحبني !
رجع بعدها ومسك ايدها ورجها له: ايوه احبك احبك بس انتي مش مقدره هذا الحب
كانت تشتي تتكلم بس دموع القهر وقفت في حلقها
بهاء: قدريني يا اثير فكي البنت ذي في حاله
تحاول تتكلم : افكها انا او تفكني هيه !
بهاء ضمها : بين اشتاق لك ما قدرش ابتعد رغم انك بتغبنيني !!
كانت مقهوره وماعاد ردت والباب دق
شاف له وتركها وفتح وهي امه
شافت له: بهاء واخيرا بتصير اب يا ولدي
رفع حواجبه بدهشه والتفتت ل اثير اللي في مكانها
وشاف ل امه : كيف ؟
ام بهاء: ميسون حامل ماقد رحت عندها من حين جيت؟
بهاء ابتسم : من صدق يمه
اثير رده وجهه بقهر * ما ذلحين رحت من يدي صدق ، فتنت وهي لحالها عاد لو معها ولد !*
التفتت ل اثير يضحك وهي رده وجهها
وامه مشت وشاف لها: مالش مش فارحه لي او كيف
اثير بضبح: افرح او ما افرح ذا شي يخصني
بهاء بقهر: ماتوقعتك انانيه !! تحبي بس نفسك
ووصل جنبها : ليش ي اثير ليش ! كنت اشوفك بنظره ثانيه
اثير بقههر: كنت تشوفني بعيونك والان تشوفني بعيون ميسون !
مسك يدها : قولي قبل كنت اعمي والان شفت ! انتي تحبي بس نفسك نفسك وبس
خرج بعصبيه وغلق وهي جلست تبكي * ليتني احب نفسي بس كنت تركتك ورحت *