نبض قلب❤
746 subscribers
3.1K photos
141 videos
10 files
114 links
رأفة بقلوبنا فما نحن الأ نبض قلب فقط.....⁦❤️⁩
Download Telegram
نبض قلب❤
#عصب الروح..
جي هو يحبها
وهو حب طفولتها الوحيد والرجال الذي كبرت وهي تحلم به
.........
روح هو متعب كانت تشوف التلفزيون
ارسل ل امها * هاتي لي موصفات الولد هذا الذي تشتي تزوجيه بنتك احاول ادخل الفكره راسها *
غلق وهي التفتت له وقال : في عشاء
فرح: ايوه
اقترب وهي بتشوف برنامج عن الاطفال وتضحك
شاف بتعجب: ايش المضحك
فرح: حركاتهم لما هم صغار مدري كيف اشرح لك بس يجننو
سكت وبيشوف ورجع قال: تعرفي اني ماحبش الاطفال ابدا
شافت له بتعجب
لؤي يكمل : اطلاااااقا ما اطيقهمش
فرح: وانا اقول ليش للان ما تزوجت وخلفت
لؤي: اووه تقولي كانه قدنا شيبه عادنا ب اول عمري
وايوه هذا واحد من اسباب عدم زواجي لانه عيال اخي بيرفعو لي الضغط كررررهت الاطفال من تحت راسهم .. ازعاج وصياح وضرب
فرك : كم معه
لؤي: اربعه عياال وبنت وكلهم متابعين بينهم يمكن سنه وماعاد قدر لهم
فرح: كم اعمارهم
لؤي: اكبر واحد ٧ .. وبعدين حتى لما انام بيتنا يقوم ابنه يبكي اخر االيل وغرفته جنب غرفتي ماقدرش انام من تحت راسه وارجع انزل انام بالصاله تحت
ضحكت وشافت له: انا افكر اتبني طفل من دار الرعايه
لؤي رفع حواجبه : وليش تتبني خلفي وخلاص
شافت له بعصبيه: اخلف ؟ شكلك استخفيت
وقفت : انا مستحيل اخلف يييييعع كيف بيكون مظهري ،، انا اخلف
لؤي : كان ومن عيتبني لش الطفل ويربيه ويصرف عليه
اقتربت منه: الصرفه عليك انت طبعا
لؤي برفعه حاجب: انا ما رغبت اجيب ولدي مني عاد بصرف ع ابن مدري من ، ب احلامك
فرح: متخلف اصلا
لؤي: لو تزوجت بعدي ارجعو سدو ع الاطفال
فرح : مش متزوجش قدك تكفي وبناخذ طفل وعادي جدا والا بدور لي شغل واشتغل عليه
لؤي: ناهي تشتغل عليه بس تخرجو من بيتي
فرح بضبح: وليش قد قلت بصرف عليه
لؤي: قلت لك ما بين اتحملش طفل مني عاد بتحمل لك اللي ماعرفهش مستحيل ذي الفكر شيلها من راسك
سكتت وهو بيشوف لها ورجع قال: ممكن اغير رايي لو الطفل طفلي
شافت له : ايش قصدك
لؤي: قصدي واضح
شافت له بعصبيه: متخلف غبي ذا مش شغللي
ومشت وهو جلس بضبح : نهايتي بين الدوشه والا زعاج والمسؤليه لو على كذا كنت تزوجت من زمان ناقص وجع راس ..
......
قربت الساعه منتصف الليل بهاء يقوم الصباح اكيد قد نام قامت وهي تحس ب الاحباط امام المرايا بتفك المساكات من شعرها والدموع نزلت والكحل نزل على وجهها : ماعاد بتجيش الغلط غلطي كيف املت عليك هكذا ..
تتوقعو هل لؤى بيقدر يعيد لفرح شخصيتها ؟
هل تُحسن الظن بالله !اذاً لا تجزع من قضاءه و ارضى بعطاءه فهو رب الخير و رب الخير لا يأتي الا بالخير
وكن يا رب انت الرفيق الامان لقلبي دائمآ
إسرِقينا أيتُها ألفرَحہ يَوما ...خذينا لِحَيثُ

لآ ندّري لِ رآحَہ ،لِنقآء ، لِأملْ بلا نهايہ ...فلرُبما نستَحقْ.❤️🥀
نبض قلب❤
#عصب الروح..
العاب وفقرات 😍:
البارت السابع

خرجت وهو بالحمام وهو مفتوح بيحلق لحيته
اقتربت : وووواووو
وصلت جنبه وهو بيشوف لها : وانا اشتي احلق مثلك
لؤي ضحك بغرابه: هه ايش
فرح: احلق كذا مثلك
لؤي التفت لها : اكيد جننت ؟ مابش معك ما تحلق
فرح: ايوه مش قالو المكينه تطلع شعر الوجهه خليني اجرب
اخذتها وهو سحبها من يدها بقوه : لاا
التفتت بدهشه بتشوف له
وهو بيشوف وبهدوء سريع: اقصد لا تصدقش ما تطلعش الشعر لكن تشوهه الوجهه وانت وجهكك كذا حالي لا تلعبش به
فرح: بس انا اشتي اكون مثلك
لؤي: تمام مثلي مثلي لكن مش بذي
انا بدي لك علاج يغير صوتك ويكثف لحيتك بس بشرط
فرح: ايش
لؤي: ما تاخذش ذي ابدا ولا تلعب بوجهكك تمام وانا لما اشوفك مستعد بديهن لك
شافت له شوي وهو منتظر يعرف لو اقتنعت او لا
ورجعت ابتسمت : اوك طيب تمام
ضحك هو : تمام لو سمحت افعل لنا شي ناكله قبل ما اسير العمل
فرح وهي تشوف له
لؤي بغرابه : مالك
فرح ضحكت: تغير شكلك قوي
خرجت وهو يشوف بعدها :..
......
الصباح كانت بالمطبخ وهي مقهوره دخل : اسرعي اشتي اسير العمل
سمعت صوته وتحس الدموع في حلقها من القهر التفتت له : مالك ؟
بهاء اقترب: مالي
اثير بقهر: مالك هجرتني ؟
بهاء : دخلت وكنت تاعب فنمت على طول
شافت له وعيونها في عيونه: بس انا جلست منتظره !! ماقدرت انوم مشو حرام عليك
بهاء حس بتانيب ضمير: اثير
كان بيتكلم بس سكتت عندما شاف قطرات دموعها تتساقط امامه بحرق وحس ان كل الاعذار الذي بيقلها واهيه امام هذي الدموع
حاول يعتذر وميسون دخلت : بهاء تاخرت ع الشغل
رده هي وجهها وبتكمل
وهو شاف لها وتنهد
ميسون: بهاء شكلها عتتاخر اكل لك شي خارج وسير
شاف ل اثير ورجع شاف لميسون: تمام
خرج وضميره يانبه وهي دخلت :مالك ما تشوفي لنا
كانت ساكته
ميسون بنرفزه: شكلك مقهوره ؟ من حين جيتي ماقد جلستي معه ! رحمتك من كل شي قلبي
انتي بالنهايه الاوله وطول الوقت كان يقل لش انه يحبش او كان يضحك عليش انه يحبش
كانت ساكته ميسون خرجت والدموع بس تنزل :...
..........
لبست وهو وقفها: اين عتسيري؟
ام فرح: اشوف بنتي ؟ اشوف علاقتها مع الدكتور ذا كيف
سامي: لحظه بجي معك
كانت هي بتطبخ عندما دقو وفتحت شافت عمها ورده وجهها
دخلت ودخلو وغلق هو الباب
امها':كيفك ما بتفعلي
فرح بتوتر: كنت اطبخ
سامي ضحك: هههههه وخليش تطبخي !
فرح: مش شغلك انت
ام فرح بدهشه : بيخليش تطبخي ؟؟؟!
فرح: بيننا اتفاق
سامي: ما هو هذا الاتفاق ؟ انه يقبل يشوف وجههك مقابل الطبخ
ام فرح شافت له
فرح: انت مريض وتفكر الكل مثلك
ام فرح : قلي لي كيف بيتعامل معش ؟ فين بتنامي اشتي ابسر غرفتك
فرح اخذتها ودخلتها: هذي غرفتي
ام فرح بتشوفها بتمعن مالقت ولاشي يخصه وشافت لها: وهو ؟
فرح: بالغرفه اللي جنب
امها ابتسمت وصلت جنبها: فرح بنتي هو قال لي بتكونو اصدقاء لا تخليه يتعد حدوده تمام !
اياك تخليه يقترب منك لانه بعدين بيستغلك ويشوفك جسد بس
فرح بضبح: عارفه عارفه خلوني انتو في حالي
......
المساء روح ماعاد شافها وقت الغداء كانت بغرفتها والان بغرفتها كان بداخله احساس بالذنب
وهو يحاول يكلمها كان بيشوف لباب غرفتها
بيروح وامه وقفته : بهاء
التفتت لها : هاه
امه اقتربت : بهاء لو تشوف زوجتك كيف بتفعل بميسون في غيابك
عقد حواجبه بغرابه
امه: كل شوي وعايرتها وتقل لها هو تزوحتك عشان الولد ومعك ذا الاسبوع بس ولا عاد تبسريه ومن هذا الكلام جرحت البنت
ببهاء بتعجب: بس يمه اثير ؟
قاطعته : ادخل راضي ميسون قد هلكت بكاء
بهاء قاطعها: يمه
ام بهاء: ادخل ارحمها حرام عليك
بهااء سكت وهي تشوف له ورجع قال : طيب
دخل عندها وهي تبكي جلس جنبها: هيا ماهو
ميسون: قهرررتني قهرررتني بتحسسني اني رخيصه
تركت راسها لصدره
بهاء: ولا رخيصه ولاشي

كانت هيه بغرفتها كانت حاسه انه بيجي يراضيها لانه عمره ما اهمل دموعها دئما تكون محور اهتمامه
والان هي تبكي لوحدها وهو سبب كل شي
.........
وهو خارج من العياده وقفه : دكتور لؤي
التفتت بتعجب ؟ رجل كبير بالسن مايعرفهش
اقترب امامه: معك لي امانه
لؤي بغرابه: امانه ايش ؟
الرجل : امانه وخلاص اشتي تسلمها
ظن انه يخرف طنشه وطلع السياره
وصل البيت وهي بالصاله دخل : سلام
فرح: وعليكم السلام
وصل امامها : انت عارف ايش اول صفه عشان تكوني ولد
فرح بتعجب: ايش
لؤي وصل امامها: تكون ع ما انت عليه
فرح بغرابه: كيف
لؤي: تتكلم بصوتك الطبيعي بدون ما تحاول تغلضه
فرح: بصوتي ؟ بس انا ما احب صوتي انا هذا صوتي
لؤي: اسمع مش قلت بدي لك علاج يغير صوتك ؟ عشان العلاج ذا ينفع معك ضروري ع الاقل اسبوع كامل تتكلم بصوتك
فرح : صدق
لؤي: ايوه والا ما بينفعش معك بيشتغل عكس
نبض قلب❤
#عصب الروح..
فرخ بخوف: خلاص
لؤي: يالله تكلمي طبيعي
فرح تحاول وتحس الكلام يقف بحلقها وهو يشوف لها بصمت
فرح بعد جهد : وماقل !!!
ففك عقده حواجبه بدهشه
فرح ضحكت: مالك !
لؤي تنهد :صووتك حلوووو اتكلمي اكثر
فرح برده وجهه: ييييع هو بس عشان العلاج
كان يشوف لها بس وهي دخلت غرفتها * ما توقعت يكون صوتها بالرقه هذه !! والان ب

اقي الخطوه الثانيه بس احتاج وقت و مساعده من اهلي!؛ *
جلس ع الكنب : هل اقل لهم اني تزوجت عشانها؟ بس انا عمري ما قلت لهم بزوجاتي ؟ ضروري اقل لهم عشان الموضوع اكيد بيفرق*
رد ظهره ع الكنب ورفعه لفوق : ابي ماعاد بيكلمنش اكيد قدد هو زاعل بكلمه بقل له تزوجت عارف انه بيعصب بس بشوف لي طريقه مناسبه ! انا اللي مقهور عليه انه بين اتعب ع البنت هذي وبالاخر تتزوج ذاك ياليت وعاده يستاهل !*

البارت الثامن

كانت نايمه بغرفتها سمعت طرق خفيف على الباب وقفت وفتحت الباب وكان هو دخل وغلق : قد كنتي نايمه ؟
اثير جلست : ايوه
بهاء جلس جمبها: تعرفي كيف ، احس ان محد يقدر يحل محلك ابدا ولايكون مثلك !
اثير : وجاني اخر الليل من من خايف ؟
مسك خدها : خليني نمشي هذه الليله على خير بدون صياح ومشاكل
سكتت
.........

بعد مرور شهرين

كانت جالسه تلعب معه بلاستيشن
تركه من يده ويضحك: مهزوم للمره الثالثه
فرح بضبح : انت غشاش اصلا
لؤي: الذي مابش معه حناء يقل العيد عيد العافيه
فرح ضحكتت ؛ هههههههه بيجي يوم اهزمك
رجع ورد ظهره الججدار ومسك تلفونه : عتبسر
فرح بتشوف له: تعرف اني احبك قوووي
التفتت لها
فرح : مالك بتشوف هكذا اقصد احبك كصديق
انت اول شخص يدي لي على جوي ، كلهم كانو يعارضون ويستهزو بي ، تصدق من حين كبرت ماكان معي حتى اصدقاء ومحد كان يجلس معي
لؤي في نفسه* شكله وصلنا للمرحله الثانيه *: طيب ممكن اطلب منك طلب لو انت تعزني؟
فرح بغرابه : اطلب
لؤي وقف ووصل امامها وجلس ع ركبتيه : ابي عرف انه تزوجت !
ففرح بتعجب : كيف عرف
لؤي: عرف وخلاص وانا اشتيك تساعدني
فرح : كيف اساعدك ؟
لؤي: هو يشتي يرسل امي وخواتي على اساس يبسرين زوجتي
وقفت هيه بعصبيه: بس انا مش زوجتك
مسكها من يدها : اسمع هو تمثيل امامه
فرح فكت يدها بقوه: وما افعل ؟ ما المطلوب مني
لؤي بتردد : هن بيجين على اساس يشوفك وانا اشتيك تلبس او
وبتردد: تلبسي فستان كذا وتغيري شكلك وشعرك تمشطيه تحت مثل البنات ومايهم لو هو قصير لوما يخرجين
فرح بعصبيه: انا البس فستان!!
لؤي ببردو: بشتريه لك انا
فرح با انفعال: انت اكيد مجنون !!
لؤي تنهد : معناتها انا ساعدتك امام امك وانت ما ساعدتني امام ابي
فرح فتحت عيونها : لو تموت ما البس فستان
مشت من امامه ودخلت غرفتها منفعله وهو يشوف
سحب نفس عميق ورجع جلس وخرج سجاره ويدخن شوي وابتسم * هههههههه بنشوف كلام من بيمشي !*
............
كملت تغسل ودخلت غرفتها وهو فيها قالت ب انفعال : ايش جابك ؟
بهاء : زوجتي وجيت عندك عادي
اثير ب انفعال :لك شهرين ماعاد شفتك وعادك ذكرت اني زوجتك ؟؟؟
بهاء وصل جنبها: اثير انا
قاطعته ب انفعال : انت ايش ؟؟؟ كل يوم واديت لي حجه اخرج ماعاد اشتي اشوفك
بهاء ب انفعال: اثير بصراحه مش حاله هذي وانتي كل يوم مشاكل مع ميسون وترجعي الوم علي !!
اثير بدهشه: مشاكل مع ميسون ؟؟
بهاء: ايوه كل شويه وعايرتيها انه تزوجتها عشان الولد ومره تستهزائي بها امام الجيران ومره تخليها بدون غداء
اثيرر بصدمه: وانت مصدق؟؟
بهاء: اثير انتي كنتي كل يوم مشاكل مع امي وذلحين مع ميسون ؟ ليش تحبي تصدعي لي راسي ليش ما تكوني سويه !
ااثير ضحكت بقهر : واضح انهم ملو اذانك قوي
بهاء: بتقهريني يا اثير ،انا بين احبك وانتي تستغلي الوضع
مشت من امامه : هه تحبني !
رجع بعدها ومسك ايدها ورجها له: ايوه احبك احبك بس انتي مش مقدره هذا الحب
كانت تشتي تتكلم بس دموع القهر وقفت في حلقها
بهاء: قدريني يا اثير فكي البنت ذي في حاله
تحاول تتكلم : افكها انا او تفكني هيه !
بهاء ضمها : بين اشتاق لك ما قدرش ابتعد رغم انك بتغبنيني !!
كانت مقهوره وماعاد ردت والباب دق
شاف له وتركها وفتح وهي امه
شافت له: بهاء واخيرا بتصير اب يا ولدي
رفع حواجبه بدهشه والتفتت ل اثير اللي في مكانها
وشاف ل امه : كيف ؟
ام بهاء: ميسون حامل ماقد رحت عندها من حين جيت؟
بهاء ابتسم : من صدق يمه
اثير رده وجهه بقهر * ما ذلحين رحت من يدي صدق ، فتنت وهي لحالها عاد لو معها ولد !*
التفتت ل اثير يضحك وهي رده وجهها
وامه مشت وشاف لها: مالش مش فارحه لي او كيف
اثير بضبح: افرح او ما افرح ذا شي يخصني
بهاء بقهر: ماتوقعتك انانيه !! تحبي بس نفسك
ووصل جنبها : ليش ي اثير ليش ! كنت اشوفك بنظره ثانيه
اثير بقههر: كنت تشوفني بعيونك والان تشوفني بعيون ميسون !
مسك يدها : قولي قبل كنت اعمي والان شفت ! انتي تحبي بس نفسك نفسك وبس
خرج بعصبيه وغلق وهي جلست تبكي * ليتني احب نفسي بس كنت تركتك ورحت *
نبض قلب❤
#عصب الروح..
دخل هو عندها وهي مبتسمه: واخيرا بتصير اب
بهاء ضحك:مشنا مصدق كم انتظرت هذه اللحظه بس خايف ينزل الولد ومايكمل الخامس مثل عيالي انا واثير و
بهتت ابتسامته فجاءه وسرح
وصلت هي جمبه : ولا بيحصل شي الدكتوره قالت وضع الطفل ب احسن مايكون
لاحظه سىرحانه قالت :والا كنت تشتيه من اثير !
شاف هو لها ورجع ابتسم : لا مافيش فرق بينك وبينها
مبسون : الا في فرق ! انا الان ام ابنك وهي لا انا بجيب لك طفل وهي ماقدرت
مسك ايدها: ميسون الله يحفظك غلقي سيرتها لا تعكري مزاجي
ابتسمت له
.............
قام الصباح وهي مغلقه غرفتها فعل له شي اكله وخرج دوامه وبالظهر روح بيتهم
دخل وابوه بالصاله شافهه ووقف : ماشاء الله !!
الدكتور لؤي قرر يجي يشوف اهله
ابتسم ل ابوه وقرب قبل راسه: انت في قلبي يا حاج مالك
خرجت امه : لؤي
وصلت جنبه تقبله:وينك ي ابني ماعاد بيننا الا اتصالات
لؤي: كان معي شغل
كان يتكلم وهو يشوف ل ا

بوه اللي راد وجهه
لؤي: اشتي اكلمك في موضوع يبه !
ابو لؤي: خيرما قد ممعك من مصيبه
لؤي ضحك: هي مصيبه صدق
جلس وابوه جلس
لؤي بتوتر: يبه الموضوع هو شغل اشتيك تتفهم
ابوه : قل لنا بدون مقدماتك هذه قدنا حافظها
لؤي: ااسمع يبه قبل فتره جاءتني واحده للعياده تمام
كانت بنتها مريضه قوي وكان ضروري اعالجها وتكون تحت راقبتي
لؤي سكتت وابوه شاف له : كمل كمل
لؤي ابتسم: المهم يابه انا تزوجتها
اابوه وقف وامه تشوف له: ايييش
ابو لؤي وصل جنبه: ككككيف وبدون علممي مابش معك اهل او ماهو
لؤي ضحك: ههههه مش كذا يا حاج افهمني
تزوجتها زواج شكلي عشان اشرف ع حالتها
امه ب انفعال: كان تدخلها المصحه وتشرف عليها
لؤي: ما ينفعش يمه ضروري رقابه ع حالتها
ابو لؤي: حالي حين قد رجعت لي بعذر مثل هذا
على من بتكذب
لؤي: والله العظيم يبه انه هذا الذي حصل
ابولؤي: وذلحين ماجت تفعل هانا كملت عالجها او كيف
لؤي: لا اشتي مساعده بسيطه مننكم تجو تزوروها وكذا وتخلو الوضع عادي كانها زوجه ابنكم
ابو لؤي يشوف له

لؤي ضحك واقترب ضمه' ماللللك يبه هههههههه مستحيل اتزوج بدون علمكم اصلا مستحيل اتزوج اصلا
عيال اخوه كانو يلعبو بالصاله وشاف ل امه: ابسري الازعاج هاه كيف اقدر انكد ع نفسي
ابو لؤي بهدوء: خلاص تمام باخذ امك واختك يشوفينها وانا كمان
لؤي ابتسم: تسلمممم يا حاج
ابو لؤي: فين ساكنين
لؤي: انا استاجرت لها بيت وبدي لكم العنوان تعالو عصر
ابو لؤي: تمام
لؤي وقف: طيب انا الان خارج
طلع وامه شافت له: من جدك وافقت هكذافكرتك عتصيح وتطرده كيف يتزوج بدون علمنا
ابو لؤي بهدوء:: اينما كانت هذي البنت اللي تزوجها الا انه الوحيده الذي عترجع ل ابنك عقله
خلينا ندبسهه لها يمكن يهداء
ولوما تولد زوجهه اخوه بجبرهم يجو يعيشو هنا
ويكون عنده التزمات بالبيت هذا وماعاد يطلع ولا يختفي
لؤي من النوع الذي ما يهداء الا لوما يتحمل المسؤليه الذي خايف منها
ام لؤي تشوف له بهدو
وهو التفتت لها : اشتيكن تعاملين البنت هذي كانها اميره مشتيش تخليه يطلقها ولا يكمل عمله ويرجمها قد القدر رجمها له وانا اشتيها تكون له زوجهه الدهر
..............
كانت هي مقهوره وتفكر : من جده هذا يشتي البس له فستان واقابل اهله كاني زوجته !! ذا مريض متخلف او كيف
وهي تكلم نفسها كان روح ودق باب غرفتها
ماردت واستمر يدق
فتحت بعصبيه وهو مرجع يده على طرف الباب ومبتسم : مالك من حين حاكيتك امس قاطعتني ؟
مشو عيب
دخل الغرفه وهي تشوف بعده: انت الذي تماديت
لؤي بهدو: انا الذي تماديت ؟ ليش حن طلبت منك تساعدني ليوم واحد بس !! معقوله صعب عليك !!
وانا الذي ما بين اقل لك لا ؟
شافت له بهدوء :بس طلبك صعب !
لؤي : مش انا انقذتك من عمك وانقذت امك وتزوجت بدون علم اهلي وجلست في بيتي بدون مقابل وانا الذي مادخل حد لهنا الا بشي
وحين طلبت منك طلب واحد بسيط خلاص صعبت عليك ؟يا عيباه وين الصحبه !
سكتت وهو يشوف لها مبتسم وعارف ما في بالها
وبدون مقدمات : خلاص تمام
وشافت له: يووم واحد بس
ضحك واقترب منها: يوم واحد بس
جلست ع الفراش بقهر : طيب مابش معي فساتين
لؤي: انا اشتريت لك واحد احمر طويل انيق ضيق
شافت له: يييييييخخخخخخخ
وكيف عرفت اني بوافق
لؤي: عرفت انك ما بتردني وهي خدمه بسيطه
شافت له بقهر: مشي بسيطه
ووقفتت امامه بقهر وتتكلم ودموعها بعيونها: مشي بسيطه اني البس هذي الملابس وانا اكررررهن تفهم اكرههههههن
لؤي بهدؤء: مالك مكبر الموضوع هو نص يوم من العصر للمساء لوما ارجع من عملي
وحرك شعرها بيده: كمان اشتي شعرك ينزل تحت مش كذا
وافعل شوي كحل وكذا تمام
شافت له: ييييخ
لؤي ضحك: على العموم انا طالع بتغدي مع صاحبي خارج وارجع العياده بيوصلو هم العصر ساير اهلي ي منعاه مشتيش يتبرو مني بسببك
مشي من جنبها وهي تفكر بقهر :....
..........
نبض قلب❤
#عصب الروح..
العاب وفقرات 😍:
البارت التاسع

.
كانت جالسه تبكي بغرفتها عندما دخلت وبيدها ملابس بهاء وبنرفزه: غسليهن
اثير بغرابه: وليش ما تغسليهن انتي ؟ طالما هن عندهش
ميسون باستفزاز : تشتني اسقط صح ؟ مثلش ؟تشتي الطفل ينزل مقهوره منه بين اقل لش غسليهن يالله
اثير بقهر : مشو غصب مشنا مغسله
ميسون :حاضر
اخذتهن وخرجت واثير جالسه بقهر
.........
كان جالس مع صاحبه وهو يشرب شيشه : قدنا اشتي اتزوج
زيد ضحك: عادك ماقد تخلص من الاوله وتانيب الضمير
لؤي ضحك: ههههه مش مثل ما انت مفكر ، قدنا اشتي اتزوج زواج حقيقي واستقر واهداء احس اني قد اخذت كفايتي ماعاد اشتي العب بمشاعر احد ولا حياه احد
زيد : طالما هكذا قد البنت عندك
لؤي: اي بنت ههههه فرح مش بنت خااالص مابش معها ملامح البنات ولا رقتهن ولا هدوئهن فرح صاحبي والله هههههه انا اشتي بنت بنت مش هيه
زيد : خلاص لما تطلقها ابسر لك واحده تناسبك
لؤي: هو هذا الخبر ، انت عارف اليوم اول مره تبكي امامي
زيد: ليش
لؤي: عشان اجبرتها نفسيا تلبس ملابس بنات
زيد بتعجب: صدق !! ولبست
لؤي: حسيتها مستعده للخطوه الثانيه واستغليتها عاطفينا وكلمت اهلي عن عرسي ابي عصب بالبدايه بس توقعت اكثر وحسيته تقبل الموضوع لانه يشتيني اتزوج واتوقع انه يشتي يستغل البنت هذه
زيد: وبعدين
لؤي: قلت لها البسي عشان اهلي عرفو بعرسي ومشو حالي يشوفوك هكذا وبعد ضغط نفسي وافقت
مشنا دداري كيف عيكون شكلها الله يستر بس
زيد : هههههههههههههههههههههههه
.............
كانت تلبس وهي تبكي وتشوف للمرايا وكان الفستان ملائم تماما عليها كان طويل وضيق ومفتوح من فوق
اول مره تلبس شي مفتوح
كانت حاسه بعدم الرضا والقهر
ورجعت مشطت شعرها تحت وفوق وماعرفت ما تفعل رجمت المشط وجلست تبكي
شوي وسمعت ثوت على الباب مسحت دموعها وفتحت وكانو اهله
دخلت امه وابتسمت له
ابوه وقف يشوف لها بتعجب: وين شعرك يا بنتي ؟
مسكت شعرها اللي كان بدا يطول وتشوف له ب احراج : انا يعني
ارزاق قاطعتها:شكله كان يتساقط وقصته اصلا لو هو متقصف ماينفعه الا القص
ابو لؤي ابتسم
ورجع شاف لزوجته: خلاص انا طالع
ام لؤي،: تمام
بتمشي تدخل معهن وقفها: لحظه
وصل لجنبها: تعرفي ان لي عشر سنين بعد لؤي عشان ازوجهه ولا قدرت مدري كيف قدرتي عليه انتي
فرح تشوف له بصمت
ابو لؤي: وطالما وصلتي ذي المرحله اياك تتركيه لو حصل ما حصل تمام ! ولو زعلك بشي انا في وجهه
كانت تشوف له بصمت وهو طلع وهي واقفه مكانها
عندما جاءت اخته: وينك ما تجي تجلسي معنا نفسي انا وامي نتعرف عليش
ابتسمت ودخلت وهي جالسه ب احراج وتحس نفسها بتنفجر من الفستان وكل شوي تحاول تغطي نفسها
ارزاق جلست جنبها : ليش مش مهتمه بنفسك ؟
فرح بتوتر: كيف
ارزاق : ليش مش مشقر حواجبك ولا منضفه بشرتك ؟ حتى مكياج مش مسويه وعادكم مالكم سنه عرسان
كانت ساكته لانه بطبعها خجوله مع الناس وما تعرف كيف تتعامل معهم
ام لؤي: لازم تهتمي بنفسك ي بنتي الرجل بيمل ويتركك
كان يتكلمين وهي قد بتنفجر وتسايرهن
ارزق مسكتها بيدها : تعالي ي هبلا تعالي بفعل لش تغيير اخليه ما يعرفك
وقفت وسحبتها من يدها ودخلتها الغرفه وتشوف : معك مكياج
فرح تهز راسها بالنفي
ارزاق فتحت عيونها وبصيح لوما نقزتها: مافيش معك مكيااااااجججج في بنت ماعندها مكياج
فرح ساكته
ارزاق: اوووف اسمعي بخرح الان لو في مكتبه هنا قريب بشتري الاشياء اللي ناقصه عندي واجي تمام
خرجت وهي تشوف بعدها * ياربي ايش ذي البلوه اللي بلاني *
...........
كان جالس مع مرضاه ودخل الشخص الذي قابله قبل فتره
شاف له بتعجب وجلس : عندك لي امانه يا دكتور
لؤي وقف بعصبيه: ايش قصتك انت
بدا يتكلم : بنتي عندك
لؤي فك عقده حواجبه : بنتك !
عثمان : ايوه فرح بنتي
لؤي جلس بهدوء: وعادك ذكرتها
عثمان: ماكنت عارف انه معي بنت اصلا انا تزوجت امها فتره وتركتها وماعرفت انها حملت لاني كنت متزوج اصلا
بس قبل ايام بنتي قالت لي انه شافت واحده معها نفس اسمها وبحثت عن الموضوع وعرفت انك تزوجتها
لؤي وقف ووصل امامه : بعد ١٩ سنه جاي تدور على بنتك ؟ ايش متوقع مني اقل لك وايش متوقع منها تفعل !
عثمان : اشتي اشوفها بس
لؤي: اعتبرها ماتت او ماخلفت
عثمان : ذي بنتي امانتي عندك
لؤي: مافيش عندي لك شي واخرج
عثمان : بترجعها لي طال الوقت او قصر
لؤي: ولا برجع لك شي الامانه اصبحت حقي
عثمان خرج ولؤي جلس ع الكرسي معصب: مال اهل البنت ذي كل حد اغرب من الثاني
.........
كانت بالمطبخ عندما دخل معصب : صدق مارضيتي تغسلي ملابسي !؟
اثير التفتت بهدوء: لانه ***
قاطعها: مافيش لانه رفضتي او لا
اثير: رفضت لانه
قاطعها مره ثانيه : لانك انانيه !! الان ميسون مريضه بسببهن ارتاحي لو نزل الولد ارتاحي ما تحبي الا نفسك
نبض قلب❤
#عصب الروح..
اثير ساكته وتبلع غصاتها
بهاء: انا كل يوم انصدم بك كيف حبيتك ذي المده كلها وماعرفتك !!
خرج معصب وهي انهارت وعمتها دخلت : ههههههههههه سبحان الله
التفتت تغسل الصحون وتمسح دموعها
ام بهاء': جاء من يقهرك مثل ما كنتي تقهريني
كانت ساكته
ام بهاء:عا

دك وعاد حرام لتشوفي الويل
......
دخل عند ميسون وهي تصطنع المرض وتبكي : ترجيتها ي اثير انا تاعبه وبهاء يشتي ملابسه
قالت مش شغلي ما بينامش عندي
تصور كيف هيه انانيه من حين عرفت اني حامل وهي قد عتجنن لو بيدها بتقتلني انا والطفل
كان ساكت وهو مقهور
............
فعلت العشاء ارزاق وهي جنبها وهي تكلمها على لؤي لما كان صغير وفرح تضحك
ارزاق: كان مشااغب قوي اصلا امي وابي دلعوه
فرخ بهدوء: شكلكم عشتم طفوله حلوه
ارزاق: قووي انا واخوتي عشنا احسن حياه رغم االمشاكل بيننا الا انه ماكنا نستغني عن حد
بس لما جاء لؤي مننكرش كنا نغار منه قوي وخاصه انا لانه مابيننت الا سنه ونص فكنت اغير منه
فرخ تضحك بالخفيف
ارزاق : بس لا تفكريه سهل لما كبر شوي عسكرنا كلنا
زاد ابي دخله نادي رياضي وماهو كان يمكنا ضرب
فرح في نفسها *ياليت كنت مثلكم * : ههههههههه
ارزاق: قلت لش كانو يحبوه قوي وانتي كم معش اخوه
فرح : ماعنديش انا عشت لوحدي
ارزاق رفعت حواجبها : من صدددق اوووف الاخوه بيفرقو والله
فرح ساكته
ام لؤي : ارززاق كم لكن على صحن فصولياء هيا ابوش عيجي
ارزاق تصيح: يمه تماما تمام شوي
اخخذتهن لصحن وشافت لها: خذي الخبز يا زوجه اخي وهيا
مشت وهي تشوف بعدها بنرفزه : زوجه اخوك !؛؛
دخلتهن وبدو يتعشو وابوي لؤي اتصل لهن يخرجين
ام لؤي لبست ووقفت قبلتها بجبينها : استودعش الله انتبهي ل ابني
مشت وهي سرحت بعدها : اول مره بحياتي حد يقبلني !
ارزاق احتظنتها بقوووه : يالله باي ان شاء الله نلتقي مره ثانيه
مشت وهي تشوف بعدهن بقهر وتتذكر كيف حياتها
لدرجه نست ايش هي لابسه
هن نزلين وهو طلع بعدهن بتغلق وهو بيدخل وشافها ورد وجهه ماعرفها
استغربت : مالك
سمع صوتها والتفتت ورجع دخل وغلق الباب : فرح !!
قالها بدهشه وتعجب وهو يشوف لها وهي مستغربه اول مره يقل فرح
لؤي باقي عنده شك: انتي هيه او من ؟
رغم انه مالها نفس بس ضحكت : هههههههههههه مالك مصدوم ؟ ايش في
تتنهد وهو يشوف لها ورجع قال: اخخخخخ مصدقش الذي بتشوفه عيني
اقترب منها وهي تشوف له بغرابه : ماااااالكككك!!
وهو يشوف لها بس حاولت هي تغطي جسمها
بعد الجاكت من فوقه وطرحه على اكتافها: ااخخخ لو تشوفي على فلم اكشن بنشوفه اليوم تعالي نشوفه
هداءت اعصابها شوي وابتسمت : طيب شغل الديفيدي وجلس وهي جالسه على الجانب الثاني ولبست االجاكت وهو يقطع لها نظراته
ورجع قاال: تعشيتم
فرح: ايوه
لؤي : وامي واختي !؟
فرح: ايوه وضحكت : كلموني عنك وانك دخلت نادي وانا كمان اشتي ادخل
ابتسمت لها: اعلمك انا لو تشتي
ابتسمت ورجعت تشوف الشاشه وهو مكانه يشوف لها التفتت مره ثانيه : مالك ؟
ضحك وشاف امامه : ولاشي
بس شكلش تبيني مرهقه اليوم
فرك: ماقدرت انام امس بسببك وبعدين اختك شغلتني
لؤي: ههي الذي غيرت لك شكلك كذا
فرح بنرفزه: ايوه
ابتسم هو ورجع رفع الصوت وبيتفرجو وهو كل شوي والتفتت لها ويكلم نفسه * تغيرت ١٨٠ درجه ، اول مره احس نفسي جالسه مع بنت من حين تزوجتها ، وهي بهذه الملامح الهادئه والحلوه ايش الذي بيخليها تتخلاء عنها ،!*
بنص الفلم شاف لها وقد نامت وراسها ع يدها
وطي الصوت وورجع قام لجنبها وجالس يشوف لها
ومسك بيده شعرها * لاسامح من خليش تقصي شعرك الناعم ههذا !*
شوي ومسكها بكتفها: فرح
نقزت وبعصبيه: فرح من
لؤي ابتسم : المعذره
فرح وكلها نوم: مالك اليوم بتمكني فرح ؟؟ اول مره تقل هكذا
لؤي وقف': المعذره
قامت هيه ونقزت بقوه عندما شافت صرصور امامها
وعلى طول مسكت به: يوووووه اقتله
كانت ماسكته من صدره وهو يشوف لها بس بصمت
وهي تقل له: مالك اقتل
مسك ايدها ونزلها من صدره وبهدوء: وليش ما تقتله انت ؟ والا التركيبه الجينيه غالبه !
فرح فكت ايدها : انا اقتل كل شي الا ذا اكره
لؤي قتله وهو بيضحك وشاف لها وهي
ودخلت غرفتها وغلقت بقوه وهو تنهد بعدها :...
......
تتوقعو هل بتتحمل اثير ؟👍
او بتطلب الطلاق 👋
بتكلم مع صاحبتي عن حد وقولتها اوعي تبصي لورا لياخد باله مننا
هى:
انت لازم تاخد خطوه مهمه في حياتك
انا :
= خطوة يا صاحب الخطوة 😂
{ما زاحم القرآن شيئًا إلا باركه}
كُن لنفسك شيئاً قوياً ، شيئاً لا يُكسر مهما تعثرت ، مهما منحتك الحياة من أحزان و أيامٍ لا تُطاق ، مهما كُسر قلبك و جُرحت مشاعرك ، لا تستسلم لا تبحث عن أحد فقط كُن لنفسك كل شيء ♥️
" ‏مارس الرحمة قدر المستطاع، فكلما تلطفت مع خلق الله زاد الله لطفه حولك ." 🖤