نبض قلب❤
746 subscribers
3.1K photos
141 videos
10 files
114 links
رأفة بقلوبنا فما نحن الأ نبض قلب فقط.....⁦❤️⁩
Download Telegram
نبض قلب❤
#عصب الروح..
العاب وفقرات 😍:
البارت العاشر

صحي الصباح على امها وعمها
كانت تقدم لهم الشاي ام فرح تشوف لها بتعجب وبقايا الكحل على عينها وانه راسمه حواجبها وشعرها نازل تحت بس كانت لابسه شميز العيال ورافعته لنص يدها ووالبنطلون
وهو على خرجته سامي بيكلمها : ههه قد كحلش ؟
فرح بعصبيه : مش شغلك
سامي : كحلش بس وهو بيفكر بجسدك ي غبيه
فرح بنرفزه : قلت لك ما يخصك
سامي وقف:وليش ؟ قلي لي مازد فعل شكله بيضحك عليش
فرح بصياح: انت ما تفهم انت ايش من حيوان
قام ل امامها : صبرت عليش كثير ذلحين قلي له يطلقش يالله
ام فرح ساكته
فرح: واذا ما طلقني
سامي: ارجم امش الشارع
فرح ابتسمت : بديها هنا تعيش
سامي حس نفسه خسر الورقه اللي بيضغط عليه وبنرفزه : قلت لش خليه يطلقش الامور شكله ماشيه ع كيفه هو وانا تمكنيني رجوله وهو بيدعسش
فرح تنرفزه وبعصبيه تفلت لوجهه وهو رفع يده وضربها كف ومسكها من شعرها القصير: والله لذبحش
حاولت تفك يده ماقدرت
وهو مد يده بيضربها مره ثانيه ولؤي مسك يده ودفه للارض وبانفعال : مااااالك
فرح شافت له بتوتر
لؤي مسكه من الشميز: ماااالك عتجي تضرب زوجتي في بيتي ؟؟؟؛
ام فرح وقفت: لؤي بس
فرح بعصبيه ويدها ترجف :بس يمه هو ضربني
لوي رفعه من شميزه : تشتي شي تعال لعندي انا ،هي مالها شغل
سامي بيتكلم ام فرح وقفته: خلينا نطلع لو سمحت ياسامي لوووسمحت
لؤي فك له وهو طلع معها وهي تشوف له والدموع ملان عينها
واقتربت منه : انا ليش مش قويه مثلك !
كان ساكت
الدموع قد بتنزل من عيونها وهي ماسكتهم: ليش ماقدرت افكه مني ليش ماقدرت ادافع عن نفسي
تلقائيا اخذها في حظنه : انا انت مابش فرق ! انا الجسد حقك !!
فكت يده: انا نفسي اكون قويه ادفع عن نفسي من الكل حتى منك !
لؤي بغرابه : وليش مني
فرح: لانه كلكم مثل بعض ومثل ماقال هو انت بتفكر بجسدي بس والدليل انك الان استغليت الفرصه عشان تضمني
هز راسه بالنفي: انتي عايشه في وهم كبير !
تنهد : ي ببنت الناس مش كل الامور مثل بعض،
انتي امس جيتي لصدري خوف وما قلت مثلش
واليوم انا حاولت اهداءك وهذا كل قصدي !
انا اشتيك تفهمي شي انا الحياه يا عزيزتي شراكه والبيئه اللي عشتي بها عكست لك واقع مختلف ولازم ما تعتمديت ! الله خلقنا انصاف وخلق لكل واحد نصفه ! الذي يكمله خلقنا نوعين فقط
وعلى هذا الاساس استمرت الحياه .. والزواج علاقه مقدسه لانه من خلاله بنيت المجتمعات وترتبت تحت اطار معين !
مش الموضوع استغلال !
شافت له : ورجعت تكلمني بصفتي انثى !
سكت وخرج وهي تشوف بعده :!!!
وهو خرج سجاره وبيكلم نفسه * اسمعو من بيقل ان الزواج علاقه مقدسه ومش استغلال ! الذي كان يتزوج ثلاثه اشهر وطلق !! حسبي الله في اليوم الذي شفتك فيه ولا عاد قدرت ارتاح ! عيشتيني في اضطراب وتوتر وتانيب ضمير قاتل ! من ارسلش لي ؟*
.......
كان ضابح وبيصيح فوقها : رجمتيها له انتي خبلا او ماهو
ام فرح ساكته وقد عتنفجر
سامي : والان ما نقل لحسين ؟؟؟ مانقل له رددي مالش عجمتي
تكلمت بقهر: بيطلقها قلت لك
سامي : هيا ناهي بيطلقها انا بشوف انا بشوف
.........
كان هو يشيش عندما وصل صاحبه وجلس: كنت عارف اني بحصلك هنا
رد بهدوء: ليش
زيد: قلت اشوفك بس، وماله وجهك مقلوب هكذا وينك من ظهر
لؤي: جالس هنا
زيد: من ساعتين ؟ وماتفعل
لؤي: اشرب شيشه
زيد سحبها من يده بسرعه: مالك قد عتطفح! بس
لفها وشاف له: مالك
لؤي: ولاشي ضابح من نفسي
زيد: ماحصل
لؤي: قلت لك ضابح من نفسي عتخليني او ارحلي
سكتت
..........
كان هو بيتكلم ومعه ورقه : انا اشتريت محل جديد وكتبته لطفلي الذي بيخلق
ميسون ابتسمت وتشوف ل اثير: من صدق
بهاء ضحك: كان وجهه وجهه خير علي
ام بهاء: الله يديه بسلامه
ميسون تضحك واثير قامت ودخلت غرفتها
وهو يشوف بعدها
ميسون : شفت كيف هي انانيه ومقهوره من الولد
كان هو ساكت
............
كان بالدوم وهو خارج شافها في وجهه: اشتي نتكلم
لؤي رجع ودخل بنرفزه وهي بعده تركت شنطتها على الطاوله ووصلت جمبه وقال: ايش في
ام فرح: طلق بنتي خلاص ؟
لؤي: هه انتي مجنونه اطلقها ايش ؟ بعد ماتعبت معها ثلاثه اشهر تشتي اطلقها الان
مستحيل لوما اكمل معها العلاج
ام فرح بنرفزه: كان بيننا اتفق
لؤي يشوف لها: كان بيننا اتفاق وانتي قلتي
ام فرح : ما اثقش بك !
لؤي شاف لها وبضبح: انا متحملك انتي وزوجك ومتحمل بنتك ونرفزتها عشان وعود وعدتها لنفسي وعادك تجي تتامري
لف وجهه ورد لها ظهره :والله لو تنقلب السماء على الارض ما اطلقها الا بعد ما اكمل العلاج معها واللي في راسكم افعلوه
ام فرح بهدو: لو على العلاج سهل
التفتت لها بعصبيه: وكان ماهو او بتشوفيني عاشق ؟؟ ومشنا داري ؟ هو ماغير علاجها وعشان بنتك انتي والا انا الف من تتمناني
نبض قلب❤
#عصب الروح..
ام فرح : باقي على وعدك !
لؤي : انا بين اتحاكى مع حجار ! بين اقل لش بنتك عندي للعلاج افهمي مابش بيننا علاقه !
ام فرح سحبت نفس عميق: تمام يا دكتور
بتخرج وقفها : انتظري
يا عمممتتتي
وشد عند كلمه عمتي ينرفزها
واقترب ومكنها شنطتها: نسيتي شنطتك
ام فرح اخذتها بهدو و قالت

: مشنا عمتك ولا بكون
خرجت وهو يشوف بعدها ويضحك بنرفزه : العائله كلها تشتي علاج
............
كانت بالصاله عندما جاءت عمتها وتركت لها اوراق: لوسمحتي ممكن تحرقيهن اوارق مش عارفه حق ايش وماتشتيش ارجمهن بالشارع
اخذتهن ودخلت المطبخ وبتحرقهم و هو دخل بعصبيه: مابتفعلي ؟
اثير بتتكلم
قاطعها : حرقتي اوراق المحل الذي كتبته ب اسم ابني !!!
اثير شافت له بدهشه وهو مسكها من فكها: ايش عملتي ي انانيه !!!!!
امه وميسون يشوفين
حاولت تفك يده وهو بيصيح: انتي ايش من نوع كيف انتي حسوده
فك يده وميسون تتكلم: قالت هاتيهم ارتبهن وارجعهن ماكنتش عارفه انه بتفعل كذا
اثير بصدمه: بس هذول مكنتهم لي عمتي !!
ام بهاء : يوووووه يا كذابه بتتهميني كم جهدش كذب
بهاء بعصببه ضربها كف: عادك تتهمي امي
شافت له بقهر وغصه: طلقني ! وصلت حد الكفايه
بهاء سكتت
بتشوف له: لو انت رجال طلقني
ميسون: رجال عصب عنك
وهو ساكت
وهي تشوف له طلقني افهم
رده وجهه
اثيير بضبح: اذا ماطلقتني برفع عليك دعوه خلع ولاعاد تبسرني
اخذت نفسها وجمعت اغراضها وخرجت وكان هو قد خرج
وجالس بمكان عمله ويشوف امامه * ايش الذي بيحصل ! معقوله ذي اثير ! البنت الذي حبيتها !! ليش عادنا مقهور عليها هكذا ! ليش ماقدرت اطلقها ليش ثقلت لساني !!*
مسك وجهه ودموعه نزلت * احس اني مقهور اااخخخخخخخخ كيف افعل بقلبي !!*

وصلت هيي بيت خالتها وهي تبكي : ضربني
بغداد بصدمه: ضربك!!!!!!
رهف: الله ياخذش ي ميسون قدنا حاسه هي وعمتك السوسه !
صفيه جلست جمبها مندهشه: ولا تزعلي ولاشي ي بنتي امرهم لله
اثير وهي تبكي: قلت له يطلقني وحاولت استفزه بس مارضيش امرهم لله ياخاله صبرت لوما هلكت
...........
وصل هو وهي بغرفتها دق عليها ودخل وشافت له وعيونها حمر واضح كانت تبكي
شافت له ووقفت امامه : اشتي اتضارب معك واشوف من بيزيد
ضحك: انا وانتي ؟
فرح بقهر: ايوه
وبعد الجاكت : تمام
فرح بقهر مده يدها ومسكت يده وهو رجع يدها وراها ويشوف لها: اكسرها !!
حاولت تحرر ايدها من ورا ظهرها وهو يشوف لها ورجع ارخي قبضته وهي فكت يدها ووتشتي تضربه في صدره وهو مسكها
ورجعها للجدار ومسك ايدها الثنين لخلفها بقوه: وذلحين ما تفعلي
حاولت تحرر ايدها ماقدرت ورجعت تبكي
وفك هو ايده وسحبها من يدها : تعالي
واخذها ل امام المرايا : كم بتشوفي بالمرايا
فرح وهي تبكي: ثلاثه
لؤي: من هم
فرح بقهر: لؤي وفرح ويزن
لؤي كان واقف وراها ومسكها من ذراع يدها اليمنى واليسرى: مافيش غير اثنين
فرح بصيح: لا ثلاااااثه
لؤي: ومن المهمش بينهم
فرح بقهر: فرح
لفها له بقوه: مافيش مافيش غير فرح يزن ذا شخصبه خياليه في راسك تفهمي !
كانت منزله راسها
لؤي يرفع راسها له وهي منفعله ومتخذله: مافيش شي اسمه يزن !! انتي فرح وانتي بنت
لازم تحبي نفسك تثقي بنفسك ولا تسمحي لحد يجردك من ذاتك !!
فرح بصوت منخفض: انا كنت اشتي اكون قويه
لؤي بصياح: ومن قال لش ان القوه ب ان تكوني رجل !؟؟ الرجل مش معيار قوه كم من نساء قويات وهن نساء
القوه من داخل الشخص !؛ تبدا من الشخص ذاته ليش تدخلي شخصيه ثانيه نيابه من انه تكوني فرح القويه
هزها من اكتافها: شوفي لي ! انتي من قتل نفسه وامسح وجودها لازم تحبي نفسك تفهمي لازم تحبي نفسك وانتي تتكلمي بصوتك الطبيعي وانتي تلبسي ملابس بنات وانتي تحبي المكيب والتسوق وتحبي جسدك هذا كيف ماكان حتى لو كنتي مشوه مرريضه لو كنتي بنصف ملامح حبي النصف هذا !! حرري نفسك
رده وهي تبكي : بس محد حب فرح عشان كذا ماتت كانت مهمشه وماكانت تقدر تفعل شي
لؤي: لانك اعدمتيها لانك تشوفيها ضعيفه تخليتي عنها رجعي فرح ذي وبتشوفي كم ناس بتحبها وامك اولهم
فرح وهي تبكي: امي ومن ؟ يعني انت بتحبها مثلا
لؤي مسك خديها بهددوء: مع فرح ناس تحبها بطلي تخجلي منها ! بطلي تهمشيها وتشوفيها شي مخجل كوني انتي
شوفي كيف كنتي امس ايش شعرتي امس بلبس البنات
كانت تبكي وهو يشوف لها: شعرتي ب الانتماء لنفسك لما جلستي مع اختي ارزاق حسيتي انك جلستي مع حد يشبهه داخلك
ولما ناديتك فرح ل اول مره تلبكتي حسيتي ان في حد داخلك بيحاول يثبت نفسك
كانت تشوف له وهي تبكي ب انهيار وبدون مقدمات انهارت على اكتافه ومسكها وهي مغمى عليها :...

#روايه

البارت 11

ارتمت لبين يديه مغمى عليها ومسكها هو ورفعها لسرير وبيشوف للغرفه بيدور عطر
نبض قلب❤
#عصب الروح..
حصله وفعل ليده الثنتين وجلس على ركبته وفك ازرره شميزها العلويه ومسك خديها بيده وعلى رقبتها بالجهتين وهي صحيت بالخفيف ورجعت نقزت وهو وقف ويشوف لها وهي ساكته وبقايا الدموع في عيونها
رجع بيشوف من الشباك وخرج سجاره وبيدخن ويتكلم: لو تشتي تتحولي رجال بساعدك!
وبكره بشتري لك الحبوب واديهن
التفتت لها : بس انا اشتيك تفهمي شي واحد ان قوه الانسان من داخله مالها علاقه بجنسه ولا نوعه
وكمان قوه الانسان مش بجسده انما بفرض نفسه وانه يكون هو .. قوه الانسان تبدا من ثقته بنفسه
شاف لها وخرج :...
..........
مبسون كانت مبسوطه قوي انه اثير خرجت ،،وبهاء ما روحش كان مقهور
كانت تكلم نفسها : ارتحت من شرك
دخلت خالتها: بهاء ماروحش
ميسون: لا
ام بهاء: شكله زاعل عليها
ميسون: يزعل يوم يومين ونسي
ام بهاء: حاولي تسايريه ذي الفتره
التفتت لها بدهشه: لا والله ؟ عادك عتعلميني كيف اتعامل معه
ام بهاء بغرابه: انا بس قلت
قاطعتها: زوجي وانا ادر به
ام بهاء سكتت وخرجت
وهي تشوف بعدها :...
........
كنا جسدين وروح واحده والان اصبحنا اشلاء متناثره ، كنت اعلم ان الامر اشبهه با احتلال وطن ولكني ظننت دفاعتي قويه ، والان انا مثل شعب اعزل طرده المحتل من منزله ، لا اعلم وجهتي ولا اعلم ماذا يمكن ان يصنع المرء ليتحمل كل هذه الالم دفعه واحده ، الشخص الذي احتواني عندما كنت وحيده وهو الشخص ذاته الذي هجرني من قلب اعتبرته موطني ، شعور الاختناق لا يظاهي الالم ، لروح اعصاب تسكن يسار المرء تسمى القلب، روح الانسان وفؤاده !
غلقت الدفتره وتركت راسها عليه وقطرات الدمع تتساقط على اوراقه .. * تحاول الدموع محو احزان قلبي حتى تلك المكتوبه ، ماذا بعد يا اثير هل كانت النهايه*
..........
روح هو الصبح وشكله منامش اصلا
دخل مقهور الغرفه بيغير ملابسه ميسون استيقظت: بهاء
اقتربت وشافت عيونه حمراء من السهر والدمع والحزن
قالت بتردد: بهاء اسفه ماكان قصدي افعل لك مشاكل
سكت ورجع شاف لها: الغلط مش غلطك يا ميسون
لبس وخرج وهو يكلم نفسه *الغلط غلطي انا *

كانت هيه جالسه تبكي بشده مقهوره
بغداد نزلتها تحت تفطر معهم واسامه دخل شافها ووقف
وهي قامت دخلت المطبخ وهو بيتكلم: ذي اثير !
صفيه: ايوه
اسامه بغرابه: مالها ؟
بغداد وقفت امامه : تصايحت مع بهاء وو
اساامه: و ايش ؟
بغداد: ضربها كف وججاءت
اسامه ب انفعال: ضرررررربها من يقولو ل ابوه يضربها
بيخرج وهي مسكته من الجاكيت حقه: فين بتروح
اسامه بضبح: بروح ارده له ثلاثه
صفيه: وانت مادخلك ي اسامه هي وزوجها يسدو
اسامه بقهر: كيف مالي دخل ذي بنت خالتي
كانت هي تسمع من المطبخ وتبكي
رهف: اسامه ماينفعش خلي الامور تهداء يمكن يتصالحو لا تدخلش وانت عارف بهاء بيغير منك
اسامه بقهر : حرام ما يستاهلها
طلع غرفته بعصبيه وهم يشوفو بعده :...
..........
الصبح خرج بدري رجع الظهر وهي بالمطبخ
دخل وهو مستغرب من هدوءها
وصل جنبها وخرجت علاج من جيبه : هذا علاج هرموني بيغير صوتك وبيخلي شخصيتك تشبهه الرجل بخصوص الشعر وغيره
شافت له ورجعت مسكته
كان يشوف لها ومن داخله يدعي ان خطه علاجه معها نجحت وهو يشوف لها بتوتر
اخذته يدها وهي ساكت ورجعت شافت له وقبضت عليه ومكنته : شكرا ماعاد اشتيش
خرجت وهو ابتسمت ورجع على الجدار * الحمد لله *
دخلهن جيبه ومسك وجهه* اووووف الحمد لله انه تقبلت ،، الان باقي الخطوه الاخيره *
كانت هيه بغرفتها وتشوف الشارع
وهو ارسل ل امها * الان حسين ذا هي تعرفه او ماشي .. قلي لي ايش الاشياء المشتركه بينهم بحاول معها تتقبله *
ام فرح ابتسمت ورده له
..........
بعد اسبوع
روح وهن يتصايحين داخل وميسون دخلت غرفتها وقف امام امه : ايش في ؟
امه وصلت جنبه : ما بتسمعش كلامي ايش ما قلت لها رده عشر بتلعني وتسب
بهاء رد عليها بعنف لاول مره: وانتي اي واحده اتزوجها تقلي نفس الكلام ؟ شكل العيب بش يمه
مشي من جنبها وهي واقفه منصدمه وابوه وصل جنبه : كنتي تقلي هكذا عن اثير وهي ما تفعلش شي وشكل الله بلانا !
التفتت شافت له ورجعت تشوف بعد بهاء اللي دخل غرفته وغلق بقوه
شاف لميسون: ايش في ؟
ميسون وهي تبكي: ما تفهمش امك اني حامل تشتي تشغلني حرام عليكم
سكتت
ميسون تشوف له: مدري كيف ماتقدرش تتقبل احد جنبها ماتشتيك الا لها وكانه عمرها سنتين
كان ساكت والافكار في راسه ورجع قال بضبح: تعبت كل يوم اوصل على صياح تعبت
ميسون بهدوء: امك مستحيل تقبل حد يعيش معها .. مارايك نخرج بيت لحالنا !
بهااء بعصبيه: ميسون امي وابي مابش معهم غيري لايمكن اتركهم لحالهم واطلع غلقي ذا الموضوع قلت لش
سكتت
........
كانت خارجه من المطبخ المساء بتطلع فوق وتفجاءت به امامها : اسامه !!
شاف لها: اثير ، خليه يطلقش والله ما يستاهلش يا اثير شوفيني انا والله ما اخلي عيونك تدمع دمعه
اثير بقهر: اسامه انا قلت لك من زمان انا ماقدرش احب حد غير بهاء ولا اقدر اكون مع غيره
اعذريني
نبض قلب❤
#عصب الروح..
بتمشي وقفها: طيب اشتي اوريش شي بيخليش تكرهي بهاء واهله
التفتت له وبيده ورق : ايش
اسامه : تعرفي اخر مره سقطتي بها الطفل ؟
وكانت امي معك
انا جيت للمشفى
سكت واثير تشوف له: كمل
مكنها ورق: هذا تقرير يثبت انك شربتي نوع معين من الدواء يسقط الطفل
رفعت حواجبها بدهشه وهو يكمل : وسمعت ام زوجكك هذا بتتكلم مع بنت اختها انه هي الذي بتموت اطفالك كلهم عشان بهاء يقنع انك ما بتقدري تدي له طفل ويتزوج !؛
وكانت تتكلم هي مع الاطباء وتقل لهم انك مريضه نفسيا وانهم ما يشتو حد يعرف انه نزلو لك الطفل عشان بتزداد حالتك سوا وانه الدكتور النفسي قال لش ماينفعش تخلفي عشان اولادك كلهم بيطلعو مضطربين عقلين
رفعت حواحبهها بصدمه !!!
اسامه يكمل : اثير انتي ما فيك شي ! هم تعمدو يطلعوك معيوبه ! هم كانو يشربو ادويه خطيره
اكيد كانت تفعلهم ب الشاي او الحليب او اي شي
رجعت على الجدار
شاف لها : لكن انا ي اثير احبك بكل صدق وانا شاريك بالدنيا ومافيها لايمكن استغني عنك ولا اتنازل !!
غمضت عيونهاا بقهر وهو يتكلم : معي ولدين حتى ما نحتاج اطفال
قالت بقهر : وليش سكتت كل ذي المده
ماعرف يرده وقالت هيه: عشان كنت انت كمان تنتظر بهاء يطلقني ! كلكم انانييين
شافت له ودموعها مليان عيونها: كرهت كل شي ي اسامه كل شي
مشت من جنبه وهو يشوف بعدها :....
............
روح المساء وهي بغرفتها ماكانت تطلع كثير اصبحت هادئه دق ودخل : مساء الخير
فرح بهدوء: مساء النور
لؤي جلس ع طرف السرير: ابي اتصل وقال زوجه اخي ولدت ويشتينا نسير نجلس عندهم شهر
فرح: وليش
لؤي: تساعديهم بالبيت وكمان يتعرفو عليك وانا كمان اشتاقو لي
سكتت
وهو يشوف لها
فرح: بس مشتيش البس فساتين
ضحك : ههههههه براحتك !
كانت تشوف امامها وهو يشوف لها ومجرد مارفعت نظرها هو شاف للجهه الثانيه
فرح : ليش بتشوف لي هكذا
لؤي: هههه انا اشوف لك ؟ تتوهمي انا كنت اشوف لل *بيدور عذر في راسه* كنت اشوف الستاره ايوه عادنا ركزت ع لونها حلوه
فرح: هاااه
لؤي: انتي تعرفي حسين ؟
فرح: يييخ وايش جاب طاري حسين ذلحين
لؤي وقف : سمعت انه كان يحبك
فرح بعصبيه: محد بيحبني ولا اشتي حبه
سكت
وهي تشوف له: انا ما اعرفش ايش الحب اصلا
اي حد يقل لي احبش اعرف انه يشتي يستغلني بس
تنهد ورجع شاف لها ورفع حواجبه: طيب المعذره
المهم جهزي نفسك بكره الصباح
خرج من عندها وهو يكلم نفسه* شكله فكره انه ادخل حسين براسها صعبه قوي !*
.......
تتوقعو هل عائله لؤي بتقرب المسافه بينه وبين فرح ؟
صباحكم فل 🌹
الناس كلها بتحط الفلوس ف المحفظه او ف الشنطه
انا :
‏أنا أستـاهل اللي يرش السُكر على أيـامي ويهديني كُل يوم ورده.. أستاهل وجداً🤍
مِبسم أمي غيمة مبللّة بالأمان,وعُيونها فرحة عُمر💛💛.
و في يوم الجُمعة : اللّهم اجعلها جُمعة تفيض بالراحة ، تُبعدنا عن أبواب النار اللّهم الطمأنينة والهدوء..🤍
نبض قلب❤
#عصب الروح..
العاب وفقرات 😍:
البارت 12

كان جالس يكلم زوجته : كلمت لؤي بيجي مع زوجته اشتي تعاملينها تمام سمعتي مشتيش تفك الولد ابدا
ام لؤي: تمام
ابو لؤي: انا ماصدقت انه تزوج مشتيش البنت تطير او يطيرها بتصرفاته
ام لؤي: تمام بنعاملها تمام وكانهي في بيتها
ابو لؤي : الولد هذا تعبني معه سع اخوته كلهم
..........
الصباح قام على صياحهن بالمطبخ
دخل بضبح: ايش في عتخليني انام ؟؟؟ حتى يوم الجمعه هدره من الصبح
ام بهاء : زوجتك ما ترضى تعمل شي ولو عملت حاجه تدخل تصيح وتنتقد ولابه لكلامي قيمه
ميسون : بهاء ما قلت شي امك مدري مالها علي
بهاء بعصبيه وهو بيشوف ل امه: انتي ولا عجبتك واحده كلهن بيتليقفين وكلهن تافهات انا تعبت الصدق
ابوه سمع صياحهه ودخل : بهاء مالك على امك
شاف ل ابوه : مالكم انتو ماخليتو لي حالي
الاوله صياح واصل كرهتوني عيشتي
والثانيه صياح واصل وحتى وهي حامل امي بتشغلها
ام بهاء بقهر: ما بين اشغلها والله مابين اقل لها شي
بهاء بصياح: بسك كذب بالاوله كنتي تقلي نفس الكلام يعني معقوله الثنتين كذابات
ابوه بعصبيه: بهاء كلم امك باحترام وهدوء
التفتت له بضبح: ما بتكلمش بهدوء قد تكلمت ومافهمت
ابوه ب انفعال : باقي شويه وتمد يدك
بهاء : ضبحت منكم ضبحت تفهم ليتنا ماكنت ابنكم ليت وما خلفتموني
ابوه بقهر: ولا تندم ولاشي خذ اغراضك واخرج
رد هو ب انفعال : ولا بقول لك لا ،جاءت منكم ولاعاد بتشوفوني
ابوه : ولاكانه خلفنا
ام بهاء : لا ي ولدي مش من جدك
مشي وميسون بعده ،، وهي بتلحقه وهو مسك بيدها: خليه ماعاد نشتيه ! خلينا نبرد من الصياح ع الاقل
شافت له بقهر: ماقدرش ولدي الوحيد
ابو بهاء: ماعاد بش منه فايده بنت اختك لعبه بعقله خلاص لو جلس مابنخرجش لطريق وماشفتي كيف ماصدق قلت له اطلع

دخل ب انفعال وميسون بعده : جمعي اغراضنا وانا بشوف شقه الان واستجارها
شافت له بحزن وفرح مخفي: حاضر
..........
وصل هناك مع فرح اللي كانت مرتبكه وكانه بتروح مكان غريب او بتعيش مع ناس مختلفين لاول مره
دخل معها وهم بالصاله
امه وقفت ورحبت بها وهي مبتسمه
ارزاق وصلت امامها: فرح
لؤي شاف لها : ارزاق طلعيها غرفتي
وشاف ل ابوه وجلس جنبه: مالك وجههك مقلوب
ابو لؤي: اختك خرجت مع زوجها من البيت
لؤي بغرابه: وليش
ام لؤي جلست: تصايحت مع خالتك وبهاء انفعل معها وابوه طرده
لؤي رفع حواجبه: ي ساتر وليش هذا كله على ايش تصايحو
ابو لؤي: اختك قالت على شغل البيت بس انا صيحت فوقها وقلت تقل له يرجع ويتسامح من امه وابوه مابش معهم غيره
امه: اتصلت اكلم خالتك ماعاد جاوبت علي
لؤي : ماتوقعت ابدا انه بيطلعو من البيت
ابوي لؤي: ماعاد عرفنا كيف واصلا حتى زوجته الاوله قديه بيت اهلها وقالت انه خالتك بتفعل مشاكل معهن ولا سبرت مع واحده
لؤي ساكت

فرح طلعت مع ارزاق فتحت الغرفه وهي دخلت : ذي غرفه لؤي
فرح تشوف لها وبها صور كثير وصوره من هو صغير
ازواق: لؤي الوحيد الذي معه صور من وهو طفل كانو مهتمين به
فرحح ضحكت وجلست: شكلك تغاري منه
ارزاق: احبه واغار منه كلهن
فرح بعده البالطو وارزاق تشوف لها : ليش لابسه كذا
فرح بتردد : اصلا انا
ارزاق : رجعتي تفعلي بنفسك كذا
جلست جنبها: معي فستان زهري قد ضاق علي شوي بيجي عليك تماماً يجنننن
واليوم بيجين نسوان وكذا عشان ابتهال زوجه اخي سليمان ماريك اديه تلبسيه بتطلعي به تجنني
فرح بسرعه': لا لا اصلا
قاطعتها : ولا اصلا ولا شي بتشوفي كيف بيجي عليك بروح اديه وارجع
خرجت ولؤي دخل وهي شافت له على طول: يعني انا بكون انام هنا
لؤي: ايوه
فتح الشبابك حق الغرفه
فرح بتردد: وانت ؟
لؤي التفتت لها: وانا هنا فين بروح مثلا
اقتربت منه: لا مستحيل
لؤي: خلاص بنزل انام مع امي وابي ؟!
مارايش ! ابي محاصرنا اصلا مطر انام هنا
فرح تشوف له وارزاق دخلت على طول ورجعت شافن له وبتوتر: اسفه فكرتك تحت
لؤي شاف لها: ادخلي بس باخذ لي جاكت واطلع
دخلت وهي بتوريها ابسري الفستان وهي تشوف بتوتر للؤي ولؤي يشوف لها
فرح: انا
ارزاق قاطعتها: البسيه طيب نشوف
لؤي ماريك قلت لها تجرب فستاني
لؤي شاف لفرح وهو يضحك: هههههه روعه بيطلع عليها يجنن
وهي تشوف له بقهر وبمعنى * بوريك *
لؤي شاف لدولاب وضحك واخذ جاكت وطلع
وهي تشوف لها فرح استسلمت: طيب بجربه
..........
خرج من غرفته وهي بالصاله تبكي : خلاص ارحمي نفسك هو مش عارف فين انتي وانتي تبكي عليه
ام بهاء: ماقدرش هذا ابني الوحيد
ابو بهاء: شوفي كيف اثير كانت صابره سبع سنين ولا قالت كلمه وهذا ماصبر عليش شهر
ام بهاء تبكي بس
ابو بهاء: والان اصبحنا لحالنا ولا كانه معنا ولد
شافت له بقهر: ما بنهونش عليه بيرجع
ابو بهاء: حرام ماعادوه راجع
نبض قلب❤
#عصب الروح..
. ........
كان متضايق بس يكابر وهو جالس في الغرفه وهي بالمطبخ * معرفش ايش عملت بس شكل حزني بعد اثير فعل موجهه غضب داخلي على امي وابي ، امي ماعجبها العجب ، كلهن باطلات ، وابي مستحيل ارجع بعد ماطردني ،، بيقولو الواحد يرتاح عند اهله لكن انا ماحصلت يوم سوا ، اثير مش قادره تطللع من راسي رغم عيوبها اصبح

ت اكرهها واحبها اشتاق وابغضها ،، مدريت مفعل ! وماعاد اقدرش ارجعها تعبت صياح وهرم ولاقادر اطلقها ماقدرش افرط بها ، وهي ساكته ومخليه الكره في ملعبي ، تعبت *
........
كانت ارزاق تشوف لها: ووووواااووو ي فرح لو تشوفي ما اجملك
كانت هي ساكته
ارزاق مسكت بيدها امام المرايا : شوفي شوووفي ما اجملك كذا طلع عليك يجنن
كانت ساكته لكن عندما قالت : مدريش ايش بيقل لؤي اخي لما يشوفك
مدري كيف حست نبضات قلبها تزيد ولونها تحول للاحمر مافهمت
رجعت للخلف وارزاق تشوف لها: مالك ؟ او عادك تستحي منه
كانت ساكته
ازواق: بس والله طلع عليك يجنن وانتي تجنني
شافت لها : لو بس تهتمي بنفسك شوي
ورجعت جلست على السرير: شوي وننزل نجلس تحت بس بسالك كيف تزوجتي اخي
فرح ساكته
ارزاق: مالك ؟
فرح بصوت هادى: قابلته صدفه
ارزاق فتحت عيونها : يووووه لايكون عن حب .. حبك اخي وتزوجك معقوله لؤي اخي حب
فرح شافت لها : حب !
ارزاق: ايوه حبك وتزوجكك
فرح جلست : حبني !
ارزاق بغرابه: مالك !؟ احيانا اشوفك غريبه وتصرفاتك غريبه
فرح : ههه ولاشي
وفي نفسها كلام ارزاق يعيد نفسه * حبك وتزوجكك *
وتكلم نفسها * حبني *
...............
كانت بغداد تكلمها: تخيلي تخيلي فلتهم لحالهم
اثير ساكته
بغداد: ليش ساكته مفروض تفرحي الله انتقم لش
اثير بحزن: وليش افرح ! عشان ميسون بتمشي بهاء على كيفه !؟ والا افرح بخالي اللي فلته ابنه وهو الوحيد الذي ربيني وكان لي اب في طفولتي
وخالتي رغم اخطاءها معي بعد ما تزوجت بهاء بس ما نكرش انها ربتني وكبرتني وكانت تعاملني كاني بنتها الخامسه
بغداد : خواته زاعلات قوي وقاطعينه والمشكله كلهن بعيد
اثير : غبنه على الفاضي وقهر
.........
المساء رجع وهي كانت بغرفتها بتفكر بحاجات كثير
دخل وهي واقفه امام المرايا ونقزت
لؤي: مالش هذا انا
كانت تششوف لنفسها ورجعت للخلف
لؤي: ليش خفتي ارجعي شوفي نفسك
وهي واقفه بدون كلام
لؤي : شوفي نفسك ما احلاك هكذا وكيف رؤيتك مريحه للعين
كانت ساكته وتشوف له
جلس ع السرير وهو يشوف لها ورجعت هي جنبه : دكتور !
شاف لها
فرح بدون مقدمات : ايش يعني الحب !
لؤي ضحك : كيف ايش يعني ؟ انتي ايش مفهومك ؟
فرح : ماعرفش انا معرفش اللي اعرفه انك تقل لحد احبك عشان مثلا يفعل لك اللي تشتيه
لؤي ضحك : هههههههه
فرح : بس ماعرفش كيف يعني ماعرفش ايش هو بالضبط
لؤي شاف لها بهدوء وهي تغير لونها بتحس شي بتوتر فيهاا وهي تشوف له بدون اي حركه تحس بحراره ونبضات قلب عاليه
وقال هو : الحب تفاعل يبدا بالدماغ ويفز لكامل الجسم الا انه بيغير نبضات القلب ويخليه ينبض اقوى واسرع يسبب تللبك وسرحان وصمت
وتبدا احاسيس جديده تمنو داخلك
مسك ب اصباعه السبابه بجانب راسها : يبدا من هنا
الا انه يتحكم في قلبك
نزل يده الى يدها : ويكون شخصك مثل وريدك ذا
سحبت يدها بسرعه وهو يشوف لها : مالك
وقفت : ولاشي
وشافت له : اشتي ابعد الفستان لو سمحت ممكن تخرج
وقف هو: تمام
ورجع شاف لها : على فكره مثل ما قالت ارزاق طلع عليك يجنن
خرج وهي تشوف بعده وكلامه في راسها * طلع عليك يجتن *
مسكت ايدها اللي كان ماسك بها : ايش بيحصل معي ليش اصبحت افكر به قوي ليش اتلبك واسرح لما اشوفه وليش نبضات قلبي تزيد كيف يعني هل انا احبه كيف احبه وليش احبه !!!!
نزل هو تحت وارازق بالمطبخ دخل : ارزاق
شافت له لؤي: وين جلست فرح ؟
ارزاق بغرابه: معنا جلسنا كلنا تحت
ورجعت تكمل: اول مره كانت منزعجه شويه وبعدين بدات تندمج الا انه شكلها انطوائيه وكانه ماكنت تجلس مع الناس وجلست ساكته الا لو ابتسمت او قالت كلمه كلمه
كانت ساكت وهي تشوف له: تعرف يا لؤي البنت هذي غريبه شوي؟
لؤي : كيف يعني
ارزاق: احسسها بريئه قووووي كانه طفله مش فاهمه ولاشي بالحياه ذي وكل شي تشتي نعلمها من جديد واحسها طيبه قووي
سكت
ورجعت تشوف له بغرابه: كيف لوما تزوجتها
لؤي : مش شغلك
ارزاق: ايوه انت تاخذ مني وانا ماشي
مشي من جنبها جلس بالصاله شوي وطلع فتح وقد نامت
دخل غلق شباببيك الغرفه وبيكلم نفسه: نامت بدون ماتغلق حتى الشبابيك
اقترب منها وهو بيشوف لها : مثل ماقالت ارزاق البنت ذي بريئه قوي ومثل الطفله يقدر اي حد يستغلها بسهووله بمجرد ما يسايرها ، كنت مفكر جلسات العلاج بتطول معها اكثر الا انه اكتشفت انها لينه قووي، مش عارفه من الحياه شي اعلم الله كيف كانت عايشه ، شكلها كانت وحيده قوي وانظلمت قوي ، مش عارف كيف بتكون حياتها مع الشخص ذاك ماهان علي ، لكن مافعل ، والله ان قد الله بلاني بها بلاء عظيم.

#روايات

البارت 13
نبض قلب❤
#عصب الروح..
الصباح صحيت وهو مش موجود نزلت تحت مع ارزاق وابتسمت وبتطبخ معها
زوجه اخو لؤي *نهاد* بتكلمها : انتي عارفه لؤي قبل ما يتزوجك مكانش ينوم هنا الا ب الغلط
فرح شافت لها بدهشه: وين كان يروح
ارزاق شافت لزوجه اخوها ورجعت شافت لفرح : كان مشغوله تعرفي عمله وكذا
نهاد ضحكت : لا تصدقي كان طايش وحتى لو جاء هنا وعزم اصحاب ندخل بعدهم ننظف والمكان كله شيشه وسجاره ودخان وماقل لش بس ماتصدقيش انه دكتور وبتقدير عالي
فرح تشوف لها
ارزاق : يووووووه كيف انتين فرحتكن الحرش
فرح :طيب كان يكلم بنات او لا
نهاد بتتكلم فرح قاطعتها: لا عمري ماكانش يكلم بنات ولا يعرف بنات
فرح ساكتت ورجعت شافت له : انتي زوجك فين
نهاد : مغترب ي قلبي مغترب
فرح : كيف
ارزاق: يعني مسافر دوله ثانيه
فرح: اهااا مثل حسين يعني
نهاد: منهو حسين هذا
فرح:جارنا
ارزاق : .
.........
............
كانت تشوف لدبله المصنوعه من الاسلاك اللي اديها لها وهم صغار : الله ي بهاء كيف مات هذا الحب !
ماصدقش ان واحده قدرت تاخذك مني وتبعدك عني ! كيف نسيتني وين وعودك وين ايمانك انك تحبني وما بتحب غيري ابدا ! كيف عملت كذا كيف هنت عليك !
دخلت رهف بقوه لوما نقزتها : اثير
اثير بغرابه: ايش في
جلست جنبها: اثير ما تصدقيش لو اقل لش
اثير بدهشه : قولي
رهف: ارزاق قالت لي انه بهاء قدم على فيزه دراسه علياء ل امريكا مع عائلته وقبلوها وبيسافر مع ميسون بعد بكره المساء
اثير فلت الخاتم من يدها :يسافر !!!
رهف: ايوه وقالت انه ميسون قالت ماعاد بيرجعوش ابدا
اثير وقفت: وانا ؟ بيخليني معلقه هكذا!!
رهف : اثير افعلي شي لا تتنازلي عنه وضحي له الامور وبعدين خالك وخالتك لو يعرفو مايحصل بهم
اثير منصدمه: مستحيل
تجمعت الدموع بعيونها: مستحيل اوضح له بعد اتهامي مستحيل خلاص يطلقني ويروح
رهف شافت لها: طيب انا بروح له مكان عمله واكلمه
بتوقف مسكت يدها: اياك يارهف اياك الذي يشتيك بيسالك ما بيسيئ الظن بك خليه يمشي خليه
رهف:بس اثير
قاطعتها : قلت لش خليه
رهف فكت يدها وخرجت واثير جلست مقهوره * بهذه السهوله !*
........
دحل هو محبط وهي تشتغل بالمطبخ بقهر : ابنك بيسافر
التفتت له بعدم تصديق: ايش
ابو بهاء: سالت اصحابه عليه ماهان علي وقالو انه بيسافر بعد بكره واحنا لنا الله
ام بهاء نزلت دموعها : ماصدقش ابني بيخلينا لحالنا انا راكنه انه بيجي يعتذر
ابو بهاء بقهر : قد بيرحله وانتي عادش راكنه يرجع يعتذر اسفي عليه بس وعليش انتي كمان
مشي وهي مكانها وفي نفسها * اثير !! كله بذنب اثير ابتلاني الله !*
............
كانت مندمجه معهن قوي تحس بحاجه غريبه حياتها غير الحياه اللي عاشتها تحس نفسها كانه انولدت من جديد وهي طالعه غرفتها وقفها: كيفك ي بنتي ؟
فرح التفتت له بخجل : انا الحمد لله وانت
ابوي لؤي: مرتاحه عندنا
فرح بهدوء: ايوه
ابو لؤي : الله يريح عليش ،
بيمشي وفرح تحاول توقفه: لحظه يا **
سكتت وهو التفتت لها: ي عم يا عم قولي ما تشتي
فرح بتردد: ي عم
بس بسالك لؤي متى بيروح
ابتسم هو: بيروح المساء لانه البيت فوضى واهل زوجه اخوه وشغل ونسوان وانتي عارفه ولو تروح بيتغدي بمجلس الرجل ومشي
واقترب منها: شكلش مش متعوده يفلتش
حمرر وجهها : لا مش كذا بس سالت
مشت بسرعه وهو يشوف بعدها وضحك بعد ما لاحظ خجلها : هههههههه
دخلت هي الغرفه وغلقت وبتشوف شكلها لابسه ملابس ارزاق شميز بناتي وتنوره طويله : كيف اصبحت ! احس نفسي مختلفه
معرفش ايش بيحصل ! ليش سالت عنه ! احس اني اشتي اشوفه بس ليش ليش ، ليش اصبحت اقلد زوجه اخوه واخته ليش بدات اتخلاء عن شخصيه لمقابل شخصيه ! ليش ماعدت ازعل لو حد قال لي فرح ولا اتضايق مش كنت اكرهه فرح !
............
دخل وهو رفع راسه له ووقف: بهاء
جلس على الكرسي: ممكن اجلس معك بس مش بصفتي ابن خالتك وزوج اختك وانما حد ما تعرفه
لؤي بغرابه :طيب
بهاء: ولا تكتب تقرير على حالتي اشتي اشكي بس
لؤي: تمام
بهاء: انا انسان كنت احب بنت عمتي كثير من طفولتنا
وتعلقت بها قوي وتزوجتها واهلي ماكانو يشتوها زوجه لي وبدات مشاكل لها اول ومالها اخر
وصياح مع امي واصل وامي تشتكي منها وكانت تسقط كل اطفالي بالشهر الرابع او الثالث ولا عاش لنا طفل فعلت جهدي بدون فائده وبعدين قررت اتزوج بنت خالتي انا منكرش انها بنت بتحبني وتحترمني وانا والله كذالك بس ماقدرت انسي زوجتي الاوله رغم اني اكتشفت انها انانيه ! والان اشتي حل اطلقها به قبل ما اسافر
لؤي تنهد وشاف له : وليش تطلقها
بهاء: لانه لو رجعتها برجع لصياح والمشاكل وانا احس نفسي تعبت اشتي اهداء
لؤي: بهاء ، الحياه كلها مشاكل اصلا ، مافيش ولا بيت خالي منها
بهاء: ايوه بس على الاقل احيانا مش كل يوم ارجع من شغلي تاعب على صياح ومشاكل اشتي يهداء راسي شوي
لؤي: طيب هي ايش وجهه نظرها
بهاء: هي قالت لي اطلقها واستفزتني بس ماقدرت خايف لو تطلقتها اخسرها مدري ليش عادنا اخاف من خسارتها ، اعمل لي شي اكرهها واطلع من عندك الان اطلقها
لؤي ابتسم: بهاء انا
نبض قلب❤
#عصب الروح..
دكتور مش ساحر،، شوف ي اخي
النسيان يحتاج وقت ويحتاج جلسات مننا كمان ماقدرش اخليك تنساها او تكرهها بيوم وليله وذا كمان يعتمد عليك
بهاء: لؤي انا احبها والله العظيم احبها ولا بتطلع من راسي لدرجه طلعت من بيتنا بسببها جمعت الامور لقلبي وانفجرت فوق امي مجرد ما تناقشت مع ميسون
لؤي : بس امك وابوك **
قاطعه: لا تفتح لي ذي السيره امانه
لؤي وقف وجلس امامه :اسمع يا ابن خالتي لو البنت ذي مسببه لك كل ذي الالم اتركها راحتك النفسيه اولويه !
بهاء وقف:طيب شكرا
لؤي : العفو
خرج وهو بفكر بعده : ليش دخلتي بينهم ي ميسون !
.........
كانت منهاره بتبكي عندما دخلت بغداد : اثير ارحمي نفسك ماعاد بتاكليش معنا بس بكاء
اثير: مقهوووره ي بغداد مقهوووره قووي
رهف دخلت بسرعه: اثيير اثير
شافو لها
رهف:خالتي تحت تشتيك
اثير : خالتي ؟؟
بغداد بصياح: ما تشتي !
اثير مسكت يدها :اهداي ي بغداد خليني انزل اشوف
بغداد بضبح: خايفه انها جايه تجرحك
اثير وقفت': كمان بنزل اشوفها هي ربتني يا بغداد ربتني
كانت جالسه متوتره :كيفش ي صفيه
صفيه راده وجهها: الحمد لله
ام بهاء:واختك كيف هيه
صفيه: تاعبه مثل ما هيه
شوي وسكتت ورجعت شافت لها: وانتي واخي كيفكم
اام بهاء بقهر: نحمد الله ع كل حال
اثير نزلت وهي شافت لها وقامت وصلت عندها
واثير واقفه بغرابه وهي انحنت ومسكت يدها وتقبلها : اثير سامحيني ي بنتي
سحبت يدها بسرعه: ايش فيك يا خاله
وهي جلست ع الارض واثير جلست معها
والبقيع يتبادلين النظرات
كانت تبكي بقوه: بهاء تركنا وراح وذلحين بيسافر ! ماعاد معنا احد ي اثير،وبناتي معهن عوايلهن واحنا اصبحنا وحيدين ، حتى ماعاد سال علينا ولا قال لنا انه بيسافر هجرنا ي بنتي ، وانا تاعبه اطبح وانظف ولا عاد عندي احد والبيت اصبح موحش وهو فاضي
وخالك تعب بعد بهاء ومقهور
اثير تشوف لها وبتبكي
وهي مسكت يدها : ارجوش ي بنتي ارجعي البيت ارجعي اوقفي معنا على الاقل لوما ياخذ الله امانته
قبلت ايدها واثير تحاول تبعدهن : وانا اعتذر لك واحب رجلك لو تشتي انا غلطت انا غلطانه انا كنت مفكره انك بتاخذي ابني مني وطلعت غلطانه
اثير: خلاص يا خاله حصل خير
رهف بنرفزه: مشي راجعه بعد كل شي عملتيه
صفيه تاشر لها تسكت
اثير: بس ي رهف
وشافت لخالتها : بطلع البس واخذ ملابسي واجي
طلعت ورهف بعدها : اثير منك جد بترجعي بعد كل شي عملته!؟
اثير: رهف حاولي تفهمي خالتي وخالي ربوني من وانا طفله كنت كاني بنتهم مستحيل اخليهم لوحدهم يكفي ابنهم الوحيد تركهم
رهف : تمام تمام
.......
رجع بالمغرب طلع غرفته على طول وهي جالسه مع ارزاق يضحكو
ارزاق شتفته ووقفت': يالله انا طالعه
خرجت وهو يشوف لفرح فوق تحت
وقفت امامه : مالك
لؤي وهو يبعد الجاكت : من وين لك ذي الملابس
فرح: من ارزاق قالت سمنت شوي وماعاد يجو عليه
لؤي ترك الجاكت ورجع التفتت لها : بتطلعي بهن حلوه ع فكره
ابتسمت بالخفيف وهو يشوف لها :مرتاحهه هنا
فرح : هاه يعني
لؤي: يعني نزيد نجلس او نرجع بيتي
فرح برده فعل سريعه: لا نجلس هنا
وهو رجع امام الشباك وبينزل الستاير: ذلحين قولي لي ماهي الصفات الذي تشتيه بزوجك المستقبلي
وصلت جنبه : كيف زوجي المستقبلي
لؤي: يعني الذي بتتزوجيه بعدي لما نتطلق
فرح بفزه قلب: نتطلق !! ليش نطلق
لؤي شاف لها : ؟
فرح : ليش نتطلق انا مرتاحه معك ليش نتطلق في شي
لؤي : لا اقصد يمكن تتزوجي بعدي حد احسن مني*
قاطعته بشده: مشتيش احسن منك انا مرتاحه كذا
شاف لها بيتكلم وهي تركت راسها ع صدره بحركه عفويه : انا مرتاحه قوي هنا لا تفلتني
تفجاء من رده فعلها ورفع يده على ظهرها : لا افلتك !
وهي تهز راسها : ايوه
سكتت :...
...........
كان طالع من عمله وانصدم بها امامه : ممكن نتكلم شوي يا استاذ بهاء !!
شاف لها بغرابه : من ؟
رهف: رهف
بهاء : بنت عمتي ؟
رهف: ايوه بنت عمتك
بهاء بتعجب: خير ؟
رهف : قالو بتسافر ؟
بهاء ب استهزاء: ليش او ارسلتك اثير تحاسبيني
رهف هزت راسها بالنفي : لا اثير ما تعرفش اني هنا اصلا
بهاء: كان مابه
رهف:امك جاءت اليوم تبكي وانهارت قوي انا مدريش كيف لك قلب تسافر بدون لا تشوفهم ؟ كيف تركتهم لوحدهم وما معهم غيرك !
رد وجهه بضبح:مش شغلك
رهف تركت اوراق ع الطاوله: على العموم ههي مكنت اثير اليوم هذول الورق
وهن اوراق المحل الذي سجلتهن ب اسم طفل ميسون واعترفت انه فعلين ذيك المسرحيه عشان تتصايح معها على فكره انت ظالمت اثير قوووي
رفع حواجبهه بدهشه
رهف: الوقت بيكشف لكم كم كانت اثير مظلومه
سكتت
رهف :اجلس مع نفسك شوي راجع نفسك ي ابن خالي
مشت وهو يشوف بعدها :...
........
أسال غربة ....


أطرح عليا سؤال وسووف أجيبك بكل صراحة....

👇
@PHTHLIA_bot