عاديون جداً لا نحب لفت الإنتباه و لا نجيد التصنع أو التفنن في الأداء... بُسطاء جداً لدرجة أن الإبتسامة تزرع فينا الأمل لعدة أعوام قادمة ... تربينا على العفوية لذلك لا نجد لنا مكان بين الكثيرين ... لكننا مزاجيون و نمتلك أحاسيس مرهفة جداً لدرجة أن نظرة أو كلمة أو تصرف بسيط يقلب كياننا لساعات ... تُعساء جداً لا نعرف الا الحب ، ترفض أرواحنا شيء يسمى " كراهية "
❤1
وإن الصِّحابَ كثِيرٌ جِواري
وتبقَين أنتِ منارَ السِّنين
فأعثرُ يومًا وأكسرُ يومًا
وأنتِ ورائي لجبر الأنِين
فأُصبح وأُمسي بحمد إلهي
بأن قد هباني بنُورِ السِنين❤️.
وتبقَين أنتِ منارَ السِّنين
فأعثرُ يومًا وأكسرُ يومًا
وأنتِ ورائي لجبر الأنِين
فأُصبح وأُمسي بحمد إلهي
بأن قد هباني بنُورِ السِنين❤️.
أحترمُ أصحاب الذوق في الحديث والكلام، الذين يُقيّمون أقوالهم قبل التفوّه بها، ويؤمنون أنّ "الملافظ سعد" ويُدركون أن منطوق اللسان لهُ أثر، ووَزن، وقيمة، الذين يحملون الوعي بأن: "لسان الفتى نصفٌ ونصفٌ فؤادهُ" ويمتثلون قول الشاعِر: "فليُسعِد النُطق إن لم تُسعِد الحالُ" - شروق القويعي -
لتدرك أهمية علامات الترقيم تأمّل :
- لا أحبك .
- لا ، أحبك .
❤️❤️...
- لا أحبك .
- لا ، أحبك .
❤️❤️...
مساء الخير حُباً ♥️
عارفين لما السنة الدراسية تبدأ ، ونشتري الدفاتر الماخمج .. وكنا زمان بنوديهم للخطاطة في الفصل تكتب لينا اسماءنا ... ونجلد ونتجارى باللبس الجديد... ونلتزم بحل التمارين والتصحيح اول بأول ... اسبوعين تلاتة ..!
بنتعود على شكل الكراسات .. وبتروح بهجة التصحيح وكلمة ممتاز على الورق الابيض... ولما مديرة المدرسة تتكلم في الطابور عن العلماء والمخترعين وتحفزنا عشان نكون منهم ،و بيبقا الكلام مسيخ .. الا على المقرر ومختار يكون اسم وعلامة فارقة.
وبعدها الواجبات بتكون مجرد واجبات مكررة ، والاحلام بتختلط بواجباتنا في البيت وغسيل العدة .. و أوضة الاولاد المابينضفوها... ودموعي على صحبتي السافرت بدون ما اودعا ، ومن يوم ليوم ... وسنة لسنة بتبقا احلام مُرحّلة "بالتشديد" يعني بتتشال من سنة لسنة .
وفجأة !
تبقا قدام امتحان الشهادة ... ويطالبوك بتحقيق احلام امك وابوك وحبوبتك وناس حلتكم ذاااتم .. وتبقا انت مخلوع .. انا الجابني هنا شنو؟ وجيت متين؟ وانا منو اصلا؟؟؟؟؟
عارفين الحيرة دي ؟
كانت نموذج لحيرتنا اسي... احنا ليه ماحلينا مشاكلنا مع انفسنا ابدر من كدة ليه؟!
ليه كنا بنتفرج على ذواتنا بتتقاتل ؟! وكل العملناه اننا قهرناها ... وضارينا جراحها ... ما فتشنا العلاج ..
ولما سمعنا بالعلاج ، استكثرنا نشتري الدوا ونتشافى.
نحن الآن في مرحلة التشافي الإجبارية !
لو ما لحقنا روحنا برانا... مابنشفى ...
لو ماحلينا الواجب اسسسي ، ماحنطلع من مكانا.
خلاص .. انتهت فترة السماح ، نحن في الامتحان .. يانجضنا شغلتنا ... يا عيدونا السنة ... والاختبار... والحرب الداخلية والخارجية ..
حلوا حروبكم الطاحنة جواكم يا اصلحكم الله ، حلوها بالتفاوض ، باللين ، بالتفهم ، بالمساندة والدعم ♥️
ساعتها بس الحرب حتقيف ، عشان لو ما وقفتوا حروبكم الداخلية حتفضل المعارك مدورة جوة حتى لو البرة وقفت بانتصار او بصلح .
وقعت ؟؟
#رندة_إمام.
#خلي_بالك_عليك.
@fadfadah98
عارفين لما السنة الدراسية تبدأ ، ونشتري الدفاتر الماخمج .. وكنا زمان بنوديهم للخطاطة في الفصل تكتب لينا اسماءنا ... ونجلد ونتجارى باللبس الجديد... ونلتزم بحل التمارين والتصحيح اول بأول ... اسبوعين تلاتة ..!
بنتعود على شكل الكراسات .. وبتروح بهجة التصحيح وكلمة ممتاز على الورق الابيض... ولما مديرة المدرسة تتكلم في الطابور عن العلماء والمخترعين وتحفزنا عشان نكون منهم ،و بيبقا الكلام مسيخ .. الا على المقرر ومختار يكون اسم وعلامة فارقة.
وبعدها الواجبات بتكون مجرد واجبات مكررة ، والاحلام بتختلط بواجباتنا في البيت وغسيل العدة .. و أوضة الاولاد المابينضفوها... ودموعي على صحبتي السافرت بدون ما اودعا ، ومن يوم ليوم ... وسنة لسنة بتبقا احلام مُرحّلة "بالتشديد" يعني بتتشال من سنة لسنة .
وفجأة !
تبقا قدام امتحان الشهادة ... ويطالبوك بتحقيق احلام امك وابوك وحبوبتك وناس حلتكم ذاااتم .. وتبقا انت مخلوع .. انا الجابني هنا شنو؟ وجيت متين؟ وانا منو اصلا؟؟؟؟؟
عارفين الحيرة دي ؟
كانت نموذج لحيرتنا اسي... احنا ليه ماحلينا مشاكلنا مع انفسنا ابدر من كدة ليه؟!
ليه كنا بنتفرج على ذواتنا بتتقاتل ؟! وكل العملناه اننا قهرناها ... وضارينا جراحها ... ما فتشنا العلاج ..
ولما سمعنا بالعلاج ، استكثرنا نشتري الدوا ونتشافى.
نحن الآن في مرحلة التشافي الإجبارية !
لو ما لحقنا روحنا برانا... مابنشفى ...
لو ماحلينا الواجب اسسسي ، ماحنطلع من مكانا.
خلاص .. انتهت فترة السماح ، نحن في الامتحان .. يانجضنا شغلتنا ... يا عيدونا السنة ... والاختبار... والحرب الداخلية والخارجية ..
حلوا حروبكم الطاحنة جواكم يا اصلحكم الله ، حلوها بالتفاوض ، باللين ، بالتفهم ، بالمساندة والدعم ♥️
ساعتها بس الحرب حتقيف ، عشان لو ما وقفتوا حروبكم الداخلية حتفضل المعارك مدورة جوة حتى لو البرة وقفت بانتصار او بصلح .
وقعت ؟؟
#رندة_إمام.
#خلي_بالك_عليك.
@fadfadah98
"عزائي لمن ينازعون وأْد الرغبة. يحاولون الحياة رغم الشغف المبتور والامتعاض الدفين والخيبة الكاملة. ويحرسون جذوة الأمل حتى لا تخبو، يجدون في أيامهم سببا للإقدام ويصنعون ألف دافع للبقاء. مهما بدا الاستمرار ثقيلا كاحتمال، والخمود واقعيا في نتيجته..ستحلّ ساعة اليسر فلم تنتهِ القصة بعد."
"أن نستعير من الظل خفّته، الفجر طمأنينته، الشروق دهشته، النسيم أُلفته، المنزل دفئه، الجذر قوّته، الغصن مرونته، العاصفة إصرارها، الغيم عطائه، الغيث وصوله، النهر عبوره، والسماء سِعتها".
"لعلّنا ونحن نخوض هذا الأسف أن نجد لحظةً آمنة، وقدرًا سارّا، ومستراحًا يشبهنا، ورحمة تبرئ ندوب الأسى.أو يجدنا رفقٌ سبقنا به، وحدسٌ لم نعكره، وظنّ كنا عند حسنه. وأن نظل قادرين على الإيمان، قابلين للبدايات. تهمي علينا اللطائف وينحسر مدّ الفجيعة. نرى وجه الأمل ونصدّق أنه سيصيب يوما"
صباح الخير .. "يأخذك حلمك من نفسك، فخذ بيده، ارحل معه، واقطع المسافات ولو اجتث من عمرك أكثره. الأحلام التي لا تتحقق لا تجاريها، استبدلها بأحلام أكبر، وأصعب، وأعظم. الحياة مرحلة، والمراحل نتجاوزها بانتصاراتنا أو هزائمنا. اختر ما تريده، واصنع ما أنت عليه ليبقى. "أنت غدًا"
"في يوم همسة في أذني
من يمسح عن قلبي حُزني
يرجعني خضراء اللونِ"
انا من الناس ال م اتوفقت في صُنع رفيقة دائمة، اتشارك معاها تفاهاتي، حُزني، فرحي، لحظات إنكساري، والحجات ال ماف زول عارفها عني.
دائماً كُنت بغير لمن أشوف إتنين صحبات قريبات من بعض، وعلاقتهم حلوة ومبسوطين وكُنت بدعي ربنا يدني صُحبة زي دي وربنا يديم صُحبتهم.
الإنسان مننا مهما كان قوي وقدرتو على الإستحمال كانت كبيرة، فالنهاية مصيرو يلجأ لزول يتقاسم معاهو الهم، يشاركو حتى أصغر إنتصارتو ويكون عندو الشخص يلي لمن الناس تذكرك لازم يقول ااا د صاحب فلان، البكون حتى ناس بيتكم مطمنين بس لمجرد ذِكر اسمو.
#من_جانب_آخر
كُنت دائما سند وملجأ لكل الناس وبساعد الكُل، د كلو علشان م اخلي زول يحس بالوحدة أو إنو مُجرد من الصُحاب، ومن هنا بقول إنو فاقد الشيء يعطيه وبكثرة، والبكون في عون الناس ربنا دائما بكون في عونو. #فالخواتيم
حنفضل محتاجين البمسح حُزننا ويرجع لينا حماسنا الضايع ويخلينا مبسوطين وممتنين لي، وربنا يرزقنا كُلنا الصحبة دي وم يحرمنا منها🦋🫀.
#سجدة_علاء.
من يمسح عن قلبي حُزني
يرجعني خضراء اللونِ"
انا من الناس ال م اتوفقت في صُنع رفيقة دائمة، اتشارك معاها تفاهاتي، حُزني، فرحي، لحظات إنكساري، والحجات ال ماف زول عارفها عني.
دائماً كُنت بغير لمن أشوف إتنين صحبات قريبات من بعض، وعلاقتهم حلوة ومبسوطين وكُنت بدعي ربنا يدني صُحبة زي دي وربنا يديم صُحبتهم.
الإنسان مننا مهما كان قوي وقدرتو على الإستحمال كانت كبيرة، فالنهاية مصيرو يلجأ لزول يتقاسم معاهو الهم، يشاركو حتى أصغر إنتصارتو ويكون عندو الشخص يلي لمن الناس تذكرك لازم يقول ااا د صاحب فلان، البكون حتى ناس بيتكم مطمنين بس لمجرد ذِكر اسمو.
#من_جانب_آخر
كُنت دائما سند وملجأ لكل الناس وبساعد الكُل، د كلو علشان م اخلي زول يحس بالوحدة أو إنو مُجرد من الصُحاب، ومن هنا بقول إنو فاقد الشيء يعطيه وبكثرة، والبكون في عون الناس ربنا دائما بكون في عونو. #فالخواتيم
حنفضل محتاجين البمسح حُزننا ويرجع لينا حماسنا الضايع ويخلينا مبسوطين وممتنين لي، وربنا يرزقنا كُلنا الصحبة دي وم يحرمنا منها🦋🫀.
#سجدة_علاء.