اللهم لا تقتلنا بغضبك، ولا تهلكنا بعذابك، وعافنا قبل ذلك.

دي تحذير بقا اننا نفوق من غفلتنا ونحس بإخواننا في كل مكان
ربنا يعافينا جميعاً يارب🤍

♡.

من أطول و أهم البوستات اللى لازم اى حد داخل علاج او فى علاج طبيعى عموما تكون فى دماغه ويكون عارفها لان كتير بيهمل الجزئيه دى وبيركز على معلومات بعينها وبينسى يركز على ايه اللى المفروض يكون فى دماغنا ونبحث عنه باستمرار فى سنوات الدراسه وبعد التخرج

اتمنى تقرأوه وتفهموه كويس وشايف ان ال 20 نقطه دول نحاول نحطهم فى دماغنا وننقذ ما يمكن انقاذه فيهم ونطور من نفسنا على اد ما نقدر

متنسوش تمنشنوا لاصحابكم اللى فى علاج طبيعى وتشيروه لعل الغير يستفيد ❤

هنمشى مع بعض زى ال cycle بالظبط وهنعرف كل مادة بتودى على ايه والمفروض تعرف فيها ايه

الاساس والبدايه عندنا من علم التشىريح
1) ( Anatomy )
ودا مطالب انك تعرف فيه :-

1) Upper limb
2) Lower limb
3) Back ( Spine )
4) Head and neck
5) Chest & Trunk ( upper and lower )
6) Pelvis
7) Neuroanatomy ( Brain )

اول 6 انت مطالب تعرف فيهم
1) Bones
2) Muscles
3) Joints
4) Ligaments
5) Special structures
6) Tendons
7) Nerves
8) most common arteries and veins

رقم 7 دا خاص بالاعصىاب وبتعرف ال ٤ فصوص اللى فى المىخ وكل واحد فيه منطقه معينه مسئوله عن حاسه معينه بتشتغل فى جسمك بالاضافه ل جزء النيورو فسيولوجى لازم تربطهم ببعض كويس جدا ✔

طيب لو طلعت من الاناتومى بدول انت كدا خلصت نص المجال ويمكن اكتر ، ايوة دا حقيقى لان من الاناتومى هتروح على باقى مواد الكليه برونداتها لانك كدكتور علاج طبيعى بتشتغل على كل اللى فوق دا 👆

الاناتومى هيوديك بعد كدة للميكانيكا الحيويه

( Biomechanics 2)

ودى بتهتم بتحليل الحركه فى جسمك كله وبيرتبط بيها مادتين اللى هما كنيسيولوجى ( kinesiology ) علم الحركه وال ergonomics (ميكانيكا العمل )

وال ٣ خلاصتهم كدا بيهتموا ازاى نوظف البيئه صح للانسان عشان يعرف يقوم بوظائفه على اكمل وجه وازاى الانسان نستغله فى تنميه موارد البيئه ويبقى شغال بصورة functional تفيد البيئه

مطالب انك تعرف فيهم الحاجات دى :-

1) Kinematics
2) Kinetics
3) Pathomechanics
4) Gait
5) ergonomics factors
وطبعا لازم تربطها بالاناتومى 👏

من المادتين دول هتروح لمادتين مهمين جدا

3) Therapeutic exercises
( تمارين علاجيه )

ودى مطالب فيها انك تعرف
1) Range of motion types( ROM )
2) Mobilization

ودا يشمل :
a) grade
b) patient position
c) therapist position
d) grasp
e) command

3) Manipulation
4) Tape measurements
5) Strengthening exercises
6) Stretching exercises

4) Manual Muscle Test ( MMT )
اختبارات ومقاييس

ودا مطالب فيه انك تعرف
1) Joints ROM
2) Goniometer
3) Muscle testing

ودا يشمل :
a) grade
b) pateint position
c) therapist position
d) grasp
e) command
f) direction of movement ( against gravity or gravity eliminated )

الاربع مواد دول بقى هيودوك على قسم من اهم الاقسام فى العلاج الطبيعى وهو العىظام

5) Orthopedic ( العىظام )

و دا عشان تبقى شاطر فيه انت محتاج ال 4 مواد اللى فوق دول بكل اللى اتذكر فيهم قبل ما تدرس اى disease وتتعامل مع اى حاله زى خىشونه ركبه او ربىاط صىليبى

و دا مطالب فيه انك بتعرف :

١) اول ٤ مواد اتكلمنا عنهم فوق
٢) التعريف بالمر.ض ( definition )
٣) طبيعه المر.ض وتطوره ( pathology )
٤) اسباب حدوث المر.ض ( causes )
٥) نسب انتشاره ( epidemiology )
٦) العوامل المسببه فى زيادة المر.ض ( risk / predisposing factors )
٧) المتشابهات مع المر.ض والتفرقه بينها وبين المر.ض
( differential diagnosis ) ( D. D )
٨ ) يجى دورنا وهو تحت بند الشييت ( sheet )
و دا بيشمل :

a) History
بتعرف كل حاجه عن البيشنت باختصار وبتسمع الشكىوى بتاعته والدكتور الشاطر اللى يسمع من المريض اكتر ما يتكلم

وكل كلمه بيقولها لازم تحط فى اعتبارك انها هتفيدك فى التشخيص بتاعك صح لانه ممكن يكون متحولك من الدكتور غلط وارد جدا

b) Physical examination
ودا بيشمل :

1) observation
2) palpation
3) MMT
4) ROM assessment
5) flexibility
6) Special tests

c) Radiological examination
بتشوف الاشعه اللى مع البيشنت سواء
X - Ray , CT , MRI , US
لانها هتساعدك فى التشخيص

d) laboratory examination
بتشوف التحاليل بتاعته لو عنده ضغط او سكر او انيميا الا اخره عشان تاخد بالك وانت شغال معاه

٩) علاج المر.ض ودا جزء ادويه وجىراحه و دا مش شغلنا
وجزء العلاج الطبيعى ودة بيختلف من حاله لحاله بس دورك لا يقل اهميه بل فى بعض الاحيان بيزيد عن اى دور وفيه حالات مش بتخف الا بالعلاج الطبيعى

بعد كدا تخش على قسم الاعىصاب ومن الاقسام المهمه فى مجالنا واللى مجالنا بيتميز فيها بدوره مع المرضى

6) Neuro P.T ( الاعىصاب ) and motor control

نفس طبيعه العظام بالظبط بس لازم تبقى مركز على جزء ال brain والنيورو فسيولوجى مع دراسه طبيعه الحركه وازاى ننميها ونطور ونجدد منها ونعلم البيشنت دا بطرق مختلفه اكتر مع نفس الحاجات فى العظام

تخش على قسم الاطفال

7) Pediatric P.T and occupitional therapy
اللى من اشهر الحجات اللى بنشتغل بيها فى مصر وكفايه ضحكه الطفل فى وشك وضحكه اهله وابتسامتهم وفرحتهم باول step ابنهم حققها
بردو بنمشى بنفس ريتم العظام والاعصاب مع فروق بسيطه بنعرف ال normal growth and development عند الاطفال وبنهتم بالوظائف اللى تخص ال hand skills ال manipulation لان ال hand من الحاجات المؤثرة فى وظيفه الجسم لدرجه انهم عملولها مادة ال O.T

وكل حاجه زى ماهى فى العظام والاعصاب

فى علاج امراض العظام والاعصاب والاطفال بنحتاج حاجات اساسيه منها :

8) Electrotherapy ( العلاج بالكهرباء )
ودة بنستخدم فيه اجهزة و modalities ب parameters معينه فى علاج حاجات كتيرة باقل side effects عن ادويه كتير زى ال LASER , INFRARED , SHOCK WAVE , ULTRASOUND , TENS , FARADIC

9) Manual therapy ( العلاج اليدوى )
ودة بنعالج فيه حاجات كتير باستخدام المانوال ومهم انك تعرف وتدرس ال skin وال fascia لانك هتتعامل معاهم فلازم تكون دارسهم

وبنستخدم فيه :
1) Myofascial release ( treat trigger points )
2) taping
3) bandage
4) massage
5) manipulation
دول الاشهر

10) Hydrotherapy ( العلاج بالمياه )
و دا مش متوفر كتير فى مصر فعشان كدا مش هتكلم عنه بس اتمنى ياخد حقه اكتر من كدة لانه فعال وليه تاثير ايجابى .

عندك حاجات تانيه مهمه مينفعش تهرب من تحت ايدك زى :

11) Nutrition ( التغذيه )
ودى بنعرف فيها كل مايخص ال vitamins وال metabolism عشان دورنا فى السمنه والنحافه
ومن التخصصات الممتعه مع دراستها بس محتاجه ترتب افكارك فيها

12) First aids ( الاسعافات الاوليه )
ودى مينفعش تبقى دكتور ومش عارفها ودى هتفيدك مع الحالات الحىرجه ( emergency ) ازاى هتتعامل معاها بطريقه سليمه وممكن تنىقذ حياه بنى آدم بسببها حقيقى .
واشهر حاجه بتعملها فيهل هى ال ( ABC )
Airway ........ Breathing ........ Circulation

13) تعرف شويه امراض المسىنين زى ال diabetes وال hypertention وال obesity وال DVT وال atherosclerosis وامر.اض الصىدر زى ال T.B وال pneumonia وامر.اض زى النقىرص GOUT والتهىاب المفىاصل ( Rheumetoid arthritis )

يعنى تبص وتعرف هما ايه لانه معرض يجيلك بيشنت يمىرض منهك ودول ع سبيل الامثله

14) تعرف القياسات الطبيعيه للضغط والسكر وال Heart rate وال respiratory rate وال pulse rate والحاجات دى امثله هما كتير وهتاخدوهم وهتعرفوهم فى الجىراحه والباطنه

15) physiology ( علم وظائف الاعضاء )
تعرف نبذه عن وظيفه كل عضو فى جسمك ووظائف اجهزة جسمك المختلفه

16) pharmacology ( علم الادويه )
تعرف طبيعه الادويه وشغلها جوا الجسم من غير الجىرعات احنا مش مطالبين بدة

17) P.T for women health ( العلاج الطبيعى لصحه المرأه )

القسم دا مش متداول شغل ليه كتير فى مصر بس انا شايف ان اى حد هيهتم بالقسم دا هيتميز ويبقى علامه كويسه فيه
ولينا دور مع ال pregnant woman قبل وبعد الولادة ف انها تولد ولادة طبيعيه ومتلجأش للقيىصريه عن طريقه تقويه عضلات الحوض إلخ .....

18) Burn and dermatology ( الجىىلديه والحىىروق )

بردو من الاقسام القليله فى مصر ومع الوقت تقدر تتميز فيه وتبقى علامه مميزة خصوصا بدورنا فى تأهيل مرضى الحروق بطرق مختلفه منها الالكتروثيرابى والمانوال ثيرابى

19) دورنا فى ال ICU ( العنىايه المر.كزة ) ودة مهم جدا
وهتدرسوه فى الجىراحه وخاص بالشغل الحكومى لازم تحطوه فى الاعتبارات

20) scientific research ( البحث العلمى )
وانا ختمت بيها لان لازم عشان تشتغل صح تكون بتشتغل بحاجه مبنيه على ادله وابحاث علميه وشطارتك انك تدور على دة وانا شخصيا هبدل اعمل كدا خصوصا ان مجالنا بيتطور يوم بعد يوم فمهم نعرف يعنى ايه بحث علمى واازاى نعمله كويس ونشتغل عليه لانه هيفيدك حتى فى تحضير الماجستير والدكتوراة ولابد منه

عايز اقول ان مهنتنا عظيمه انا فخور انى بنتمى للمجال العظيم ده ولازم انتوا كمان تكونوا فخورين بانتمائكم ليها ، مسؤوليتنا كبيرة يشباب تجاه ربنا وتجاه المريض بتاعنا وتجاه المجتمع وتجاه نفسنا ، وان شاء الله احنا ادها وبينا و بربنا اولا هنوصل باعلى مكانه المهنه بتاعتنا تستاهلها دلوقتى وف المستقبل ❤👏👏

#Proud_to_be_physical_therapist ❤️🥼

_From Physical therapial page_

📌 بوست تعريفي مهم جدًا عن كلية العلاج الطبيعي.

لو داخل أولى أو لسه مش فاهم نظام الكلية أوي، فالبوست ده هيديك نظرة شاملة عن المجال والمواد وإيه اللي المفروض تركز عليه خلال رحلتك الدراسية من البداية.👆🏻
→ For more, follow our Channel ❤️.

الفيديو التاني من سلسلة غضروف الرقبة أو Cervical Disc 🔥

https://www.instagram.com/reel/Dbn6Otvo_Np/?igsh=NzY1c3pxMGF6aGk=

https://vt.tiktok.com/ZS4ahKHCx/

https://www.facebook.com/share/v/19ac8yWZ8p/

Main Channel On Telegram 🌟

الأجازة حلوة بس فراغها وحش..

اه احنا في أجازة بس ده مش معناه إنك تكون مفرغ بالشكل ده..
وإن يومك يكون عبارة عن نوم وأكل وشرب وتلفون!

بتفسد قلبك من جميع النواحي
حتى ابن القيم كان بيتكلم عن مفسدات القلب ومنهم كثرة النوم وكثرة الأكل

فحتى دينك بيقولك الفراغ المبالغ فيه مكروه

فين حياتك، فين مخططاتك اللي كنت بتفضل تخطط لها أيام الامتحانات؟؟

من آثر الراحة فاتته الراحة يا صديقي هتفضل في السرير ومقضيها نوم طول النهار وسهر طول الليل.. هتخسر!

لا مانع طبعًا من الراحة محنا ف اجازة أكيد مش هخلص مواد السنة الجديدة في الأجازة،
ولكن
اتثقف،
اتعلم مهارة جديدة،
نمّي مهارة عندك بالفعل،
ساعد مامتك في البيت،
انزل اشتغل في أي حاجة لو أنت ولد،

وكتير أوي من الحاجات اللي ممكن تتعمل في الاجازة غير النوم والأكل الكتير ..

اشغل دايمًا ذهنك، بلاش تخليه فاضي، الفضا ده هيستحوذ عليه الشيطان ويوقعك..

أبسط الأمور احفظ قرآن، احنا في فترة الجامعة ولو طلعت من الفترة دي بحفظك للقرآن فده خير ما عملت.

وربنا يوفقكم دايمًا يارب💙

_From MedLine page_
#Physical_Therapy_Channel

ﷺ♡.

السلام عليكم يا دكاترة♥️.

بما إن أغلبنا داخل على راوند الأورثو، فحابّة أشارككم شوية حاجات كنت أتمنى حد يقولهالي قبل ما أبدأ الراوند.

كواحدة خلصت راوند الأورثو السنة اللي فاتت، أقدر أقولكم إن الشهر اللي فاضل من الإجازة ممكن يفرق جدًا لو استغلتوه صح.

الأورثو من أهم الراوندات خلال الدراسة واللي هتبني عليه حاجات كتير بعد كده، وبدل ما ندخل تايهين أو نحاول نلم كل حاجة مرة واحدة، نحاول نستغل الفترة دي في إننا نبني أساس كويس يسهل علينا الدنيا لما الراوند يبدأ.

أول حاجة عايزة أقولها إن مش المطلوب منك تراجع كل الـ Basic Sciences من أول وجديد أو تحاول تخلص مراجع كاملة قبل بداية الدراسة، الفكرة كلها إنك تركز على شوية حاجات أساسية هتفرق معاك جدًا لما تبدأ الراوند.

📌 طيب أبدأ منين؟

في 3 مراجع شايفاهم كفاية جدًا كبداية قبل الراوند:

📚 Orthopedic Physical Assessment

وده هترجعله عشان تفهم:
• History Taking
• Observation
• Assessment
• طريقة التفكير أثناء تقييم الحالة

وأنصحك على الأقل تقرأ أول شابتر فيه قبل بداية الراوند.

📚 Therapeutic Exercise: Foundations and Techniques

وده هترجعله عشان:
• Tissue Repair
• مراحل الإصابة
• Stretching
• Training of Impaired Muscles
• أساسيات الـ Therapeutic exercises

📚 Kinesiology of the Musculoskeletal System

وده هيساعدك في:
• Functional Anatomy
• Biomechanics
• Arthrokinematics
• Muscles & Joint Mechanics

📌 1- راجع الـ Anatomy كويس

خصوصًا:
• Muscles
• Joints
• Nerve Supply & Actions
• Dermatomes & Myotomes
• Bony Landmarks
• Surface Anatomy & Palpation

مش مطلوب تحفظ وخلاص، حاول تربط بين الـ Structure, Function عشان لما تبدأ تشوف حالات تعرف تفكر بشكل أحسن.

وأكتر مرجع هيساعدك في الجزء ده هو Kinesiology of the Musculoskeletal System.

📌 2- خد فكرة كويسة عن الـ Biomechanics

افهم الحركة الطبيعية للمفاصل، وإزاي الوضعيات أو الحركات الغلط ممكن تعمل مشاكل أو إصابات.

مش محتاج تدخل في تفاصيل معقدة، لكن على الأقل يكون عندك أساس كويس.

ولو حسيت إن الجزء ده ملخبط بالنسبالك، ارجع لكتاب Kinesiology of the Musculoskeletal System لأنه من أفضل المراجع في النقطة دي.

📌 3- اقرأ الشابترز دي من Therapeutic Exercise

• Tissue Repair
• Stretching
• Training of Impaired Muscles

الشابترز دي هتفهمك:

• مراحل الإصابة (Acute - Subacute - Chronic)
• إزاي الأنسجة بتلتئم
• إمتى تستخدم كل Therapeutic intervention
• إمتى تعمل Stretching أو Exercise أو Mobilization

ومتستهونش بشابتر الـ Stretching، لأنك هتكتشف إن الموضوع أكبر بكتير من مجرد "شد العضلة وثبت 15 ثانية"😅

📌 4- اقرأ أول شابتر من Orthopedic Physical Assessment

مش مطلوب تحفظ Special Tests أو تدخل في تفاصيل كبيرة دلوقتي.

يكفي إنك تاخد فكرة عامة عن طريقة التفكير في تقييم الحالة، وإزاي الـ Assessment بيمشي بشكل منظم.

ومتخليش هدفك تحفظ Special Tests أو Treatment protocols من أول يوم، الأهم إنك تفهم الحالة وتفكر فيها بشكل منطقي. مع الوقت هتلاقي التستات والحاجات دي بتثبت لوحدها مع التطبيق.

📌 في الآخر...

لو فاضلك شهر على الأورثو، متحاولش تذاكر كل حاجة.

ركز إنك تدخل الراوند وأنت:

- راجع Anatomy كويس✔️
- عندك فكرة عن Surface Anatomy & Palpation✔️
- فاهم أساسيات الـ Biomechanics✔️
- فاهم Tissue Healing ومراحل الإصابة✔️
- قرأت الشابترز الأساسية من Therapeutic Exercise✔️
- أخدت فكرة عامة عن الـ Assessment✔️

📚 والمراجع المذكورة فوق متجمعة في قناة المراجع هنا عشان تبدأوا منها👇🏻.
https://t.me/Therapedia/396?single

بالتوفيق يا دكاترة ♥️✨

→ For more, follow our Channel 🥰.

جمعة مُباركة🌷💗
لا تنسوا قراءة سورة الكهف، وكثرة الصلاة على الحبيب✨️💗

الصفحات الرسمية لقناة PT vibes 🌟

📌 Facebook
https://facebook.com/share/1AjhiajDG9

📌 Instagram
https://www.instagram.com/pt_vibess?igsh=bW1sNWRlM283ZXVy

📌Tiktok
https://www.tiktok.com/@ptabakera?_r=1&_t=ZS-97bDyN5XjMb

📌Whatsapp
https://whatsapp.com/channel/0029VbAN1KQCMY0J96DAhp12

📌Telegram

➡️Main Channel
https://t.me/PT_Abakera

➡️Main Group
https://t.me/Physical_Therapy_T

⬅️جروب الإستفسارات
https://t.me/+V-xF-hb03D83ZjVk

الفيديو الثالث والاخير من سلسلة Cervical Disc 🔥

شوف إيه اللي بيحصل فعلا جوا جلسات العلاج الطبيعي؟؟ ‼️
https://www.instagram.com/reel/DcCE01gI1G9/?igsh=MTV5N3F6cDJ3bTNoMw==

https://www.facebook.com/share/v/1DgveWUNpk/

نتفاعل يجماعة الريأكت ببلااااااااش🙂

بصي أنا حاسة بيكي جدًا عشان كنت وما زلت بحس بالإحساس ده أوقات، بس اللي اكتشفته إن عدد الساعات مش هو المهم خالص ممكن نقعد 4 ساعات في محاضرة وفي الآخر نكون قرأنا أكتر ما ذاكرنا.

جربي نظام الـ 45 دقيقة مذاكرة وبعدها 10 أو 15 دقيقة بريك، وحطي لنفسك محاضرة صغيرة مبدئيا تخلصيها في الـ 45 دقيقة دول.

وكمان بعد ما تخلصي جزء اقفلي المحاضرة وحاولي تفتكري أو تشرحي لنفسك إيه اللي فهمتيه من غير ما تبصي، ولو عرفتي تعملي كده يبقى المعلومة بدأت تثبت فعلًا.

إنما لو كل المذاكرة قراءة بس فغالبًا هتحسي إنك فاهمة ولما تيجي تراجعي تلاقي أغلبه طار أصلا وفي محصلة من المذاكرة

ومتقلقيش خالص من حتة إنك داخلة تالتة ولسه محتارة، أعتقد أغلبنا فضل فترة طويلة بيجرب طرق مختلفة لحد ما لقى حاجة مناسبة ليه.❤️

بصي أول حاجة عايزة أقولك إن مش معنى إنك داخلة رابعة وتايهة في التدريب إن فيكي مشكلة فـ لا خالص بجد لأن أغلبنا مش بينزل تدريب أصلا واللي بينزل أول ما نزل كان بيبقى واقف مش فاهم حاجة وحاسس إنه كل الناس فاهمة إلا هو وأنا كنت كدا عموما برضوه😂 فـ بجد الموضوع عادي جدًا متقلقيش.

ومتستنيش إنك تذاكري كل الحالات الأول وبعدين تنزلي، لا برضوه لأن ده عمره ما هيحصل والتدريب أصلًا جزء كبير منه إنك تشوفي حاجات جديدة وتتعلميها هناك، ولو أنتى مش واخدة اورثو لسا فـ برضوه مفيش قلق من كونك مش فاهمة بجد، انزلي في مكان كويس وخلي هدفك في الأول تتفرجي وتفهمي الدنيا ماشية إزاي، مش لازم من أول يوم تمسكي حالة أنتى مع الوقت هتتعودي لأنه أصلا تدريب.

ولو حد قالك ادخلي اتعاملي مع الحالة وإنتى مش عارفة، عادي جدًا تقولي أنا لسه طالبة ولسه بتعلم ومحتاجة أشوف الأول وأتعلم، أصل مفيش حد اتولد بيعرف يعمل assessment أو treatment plan 🙂😂

ابدئي من دلوقتي حتى لو يوم أو يومين في الأسبوع، ولو مش عايزة الاجازة دي عادي جدًا استني الجاية، وكل حالة هتشوفيها ارجعي بعدها اقري عنها واكتبها في نوت عندك، مع الوقت هتلاقي الحاجات بدأت تبقا في دماغك دايما.

وبالنسبة للـ AI، فيه حاجات زي ChatGPT وGemini ممكن يساعدوكي تفهمي الحالة وتفكري في assessment والتمارين المناسبة، لكن متعتمديش عليهم لوحدهم في اختيار التمارين أو العلاج. استخدميهم كأداة مساعدة جنب الكتب والمصادر الموثوقة طبعا وفي مواقع زي دول ممكن تبحثي فيهم:

- https://t.me/Therapedia/393

- https://www.orthopt.org/content/practice/clinical-practice-guidelines

- https://t.me/PT_Abakera/4264

- https://t.me/PT_Abakera/9861

ومتخليش الإحراج أو الخوف يأخرك أكتر من كده، لأن معظمنا أول تدريب بنبقا تايهين ومتوترين، والثقة بتيجي من النزول نفسه مش قبله خالص.🤍

وعليكم السلام ❤️

بصي لو هطمنك فـ صدقيني من كلامي مع ناس كتير، فأنتى مش لوحدك خالص، إحنا بنذاكر كمية معلومات كبيرة جدًا، فطبيعي تحسي إن في معلومات عندك بس مش مترتبة أو مش عارفة تربطيها ببعض.
وكمان حتة إن حد يسألك على تمرين معين أو حالة معينة ومتعرفيش تردي في ساعتها دي مش مقياس خالص إنك مش عارفة أو مش عندك المعلومة. قليل جدًا اللي لو سألتيه فجأة هيقعد يعد تمارين أو بروتوكولات من دماغه. في الواقع أغلب الناس بتراجع وبتدور على حسب الحالة اللي قدامها.

بس لو في حاجات مهمة فعلًا فهي الأساسيات: الـ anatomy، والـ biomechanics، والـ ROM والـ MMT، وإزاي تعملي assessment وتفكري في الحالة بشكل منطقي.

فمتحطيش ضغط على نفسك إنك لازم تبقي فاكرة كل special test وكل exercise من دلوقتي، لأن ده صعب جدًا أصلًا. المهم تبقي فاهمة الأساس اللي هتبني عليه، والباقي مع التدريب والحالات هتلاقيكي عرفاه واحدة واحدة إن شاء الله. ❤️

بالنسبة للباطنة
Cardiac Anatomy + Cardiovascular Physiology
Respiratory Anatomy + Respiratory Physiology
Renal Physiology
Endocrine System

أما النسا فالأهم
Pelvic Anatomy
Female Reproductive Physiology
Hormones

وبالنسبة للمصادر اللي هتراجعي منها متشغليش نفسك دلوقتي بمراجع كبيرة، أهم حاجة تبقي فاهمة الأساسيات اللي قولت عليها فوق كويس من كتب أولي وتانية عادي جدًا، ولما الترم يبدأ امشي مع شرح الدكاترة والسكاشن أول بأول ولو لقيتي نقطة واقفة معاكي ارجعي لمصدر يشرحها كويس بس.

وبالتوفيق إن شاء الله.💖

وعليكم السلام ورحمة الله وبركاته

دي مسدج أعتقد هتفيدك جدًا في المرحلة دي:
https://t.me/PT_Abakera/8942

وأهم حاجة طبعا تهتم بالـ Anatomy والـ Biomechanics لأنهم من أهم الحاجات اللي هتبني عليها بعد كده.

وبالنسبة لسنة تانية فهي كويسة جدًا، بس متكتفيش بالمذاكرة النظرية وحاول تركز في العملي على قد ما تقدر لأنها من أكتر السنين اللي فيها عملي، ولسا الاستفادة الأكبر هتبقا في الراوندات اللي هتأهلك تشتغل صح إن شاء الله ومع التدريب.

أما بالنسبة للسفر فشوف المسدج دي، فيها معلومات كويسة:
https://t.me/PT_Abakera/8948