علشان الـ Nerve & Arterial Supply بيبقى فيه تفاصيل كتير وسهل تلخبطكم، جمعنالكوا أهم النقط في صورة واحدة.

الصورة شاملة أهم الـ nerves والـ arterial supply للـ Upper & Lower Limb بشكل مرتب وسهل للمراجعة.

شاركوها مع زمايلكم يمكن حد يستفيد، واحتفظوا بيها عندكم🤍

متنسوناش من صالح دعائكم.🫶🏻
#Summary

📌الكورتيزون فخ.. ولا سحر؟ 💉🤔

شوف الفيديو عشان تعرف الحكاية الكاملة! 👀🔥
https://www.instagram.com/reel/Dcy14-5tT-s/?igsi=ejFocGcxcDBiOTIy

https://www.facebook.com/share/v/1E4cCygmn6/

https://vt.tiktok.com/ZSq1ydpLN/

Who’s Really in Control: Your Muscles or Your Brain? 🧠

تخيل إنك فقدت القدرة على استخدام إيدك في الكتابة، هل كده الكتابة انتهت؟

مش بالضرورة.

في بعض الحالات اللي بيحصل فيها ضعف في الحركة نتيجة إصابة أو مشكلة عصبية، الشخص ممكن مع التدريب يطور طريقة مختلفة للحركة تساعده يعمل نفس الـtask باستخدام الإمكانيات اللي لسه موجودة عنده.

طيب إزاي ده ممكن يحصل؟

علشان نفهم ده، لازم الأول نعرف يعني إيه Neuroplasticity.

ببساطة، الـNeuroplasticity هي قدرة الجهاز العصبي إنه يتغير ويتكيف ويعيد تنظيم بعض وظائفه استجابةً للتعلم، الخبرة، أو الإصابة.

يعني لو طريقة معينة للحركة بقت صعبة أو مش ممكنة زي الأول، الجهاز العصبي ممكن يتعلم strategy جديدة تساعد الشخص يوصل لنفس الهدف بطريقة مختلفة.

طيب إيه اللي بيحصل لما الجهاز العصبي يواجه New Task؟

ممكن نبسط الموضوع بالشكل ده:
New Task → Repetition → Sensory Feedback → Motor Learning → Neural Adaptation → Better Performance

كل مرة الشخص يكرر فيها الـtask، المخ بيستقبل معلومات حسية وحركية عن الحركة اللي حصلت، وده بيساعده يعدّل ويطوّر الـmotor strategy.

ومع التكرار والممارسة، الأداء ممكن يبقى أكفأ، والحركة مع الوقت ممكن تبقى أكثر تلقائية.

● وهنا بيظهر دور الـPhysical Therapy.

العلاج الطبيعي مش مجرد إننا نقوّي العضلة وخلاص، لكن كمان بنساعد المريض إنه يتعلم الحركة من جديد عن طريق الـtask-specific training، التكرار، الـsensory feedback، وزيادة صعوبة الـtask تدريجيًا.

وأحيانًا، لو الطريقة الأصلية للحركة مش هتكون متاحة، هدفنا مش إننا نرجّع نفس الحركة بالظبط، لكن إننا نساعد المريض يلاقي طريقة تانية يقدر بيها يحقق نفس الوظيفة.

وعشان كده، في التأهيل مش دايمًا السؤال بيكون:
"العضلة دي معمولة لإيه؟"

أحيانًا السؤال الأهم هو:
"المخ يقدر يتعلم يعمل إيه بالإمكانيات اللي لسه موجودة؟"

وده يمكن يكون من أجمل الحاجات في جسم الإنسان:

ممكن تفقد طريقة… لكن طول ما المخ قادر يتعلم، لسه فيه طريقة. 🤍

→ For more, follow our Channel ❤️‍🔥.
#clinical_note

A night message

إزاي بنحس بالألم؟ 🤔
وإيه اللي بيحصل جوا جهازنا العصبي؟ 🧠⚡
شوف الخلاصة 🎯
https://www.instagram.com/reel/Dc_xBD4Im4s/?stkn=MW5temM1MHdtNnZ5cw==

https://www.facebook.com/share/v/1DGs6qSQHY/

https://vt.tiktok.com/ZSqMCp5vo/

كل سنة و كل دكتور علاج طبيعي سواء اتخرج أو لسة بيدرس أفضل و بيسعى لأحسن حاجة في مجالنا 🤍
#World_physiotherapy_day

﴿رَبَّنَا مَا خَلَقْتَ هَٰذَا بَاطِلًا سُبْحَانَكَ فَقِنَا عَذَابَ النَّارِ﴾
﴿وَفِي أَنفُسِكُمْ أَفَلَا تُبْصِرُونَ﴾

جسم الإنسان مش مجرد مجموعة عضلات ومفاصل وأعصاب بتشتغل جنب بعض…
كل تفصيلة فيه، من أدق خلية لأعقد حركة، بتشهد على دقة الخَلق وعظمة الخالق سبحانه وتعالى.

وكل ما نتعمّق في دراسة الـHuman Body، بنكتشف إن العلم مش بيبعدنا عن التأمل في خلق الله… بالعكس، أحيانًا بيخلينا نبصره أكتر.🤍

من إصابة النخاع الشوكي… إلى عبور المانش 🏊🏻‍♂️

What if the injury that changed your life… became the beginning of a completely different one?

تخيل إن إصابة واحدة تخليك تفقد القدرة على استخدام الجزء السفلي من جسمك، وتغير شكل حياتك بالكامل.

هل كده انتهت قدرتك على الحركة؟
مش بالضرورة خالص.

وده بالضبط اللي حصل مع هيثم عادل.

في 2012، اتعرض هيثم لإصابة في النخاع الشوكي أثناء فترة تجنيده، ودخل بعدها في غيبوبة استمرت حوالي 45 يوم.

ولما فاق، كان عنده شلل بالطرفين السفليين وأصبح محتاج للكرسي المتحرك.

الإصابة مأثرتش على حركته بس، لكنها أثرت على حياته كلها، ودخل في فترة صعبة من العزلة والاكتئاب.

وكان قدامه اختيارين:
يا إما يتقبل إن حياته انتهت بالشكل اللي كان يعرفه…

أو يبدأ يتعلم يعيش ويتحرك بطريقة جديدة.

وهيثم اختار الطريق التاني.

طيب، إيه اللي حصل بعد كده؟
هنا بدأت رحلة Rehabilitation.

العلاج الطبيعي في حالته مكنش مجرد تمارين عشان بس يحرك رجليه، لكن كان الهدف تطوير أكبر قدر ممكن من functional abilities باستخدام الإمكانيات المتاحة.

من strengthening وتحسين الـbalance & trunk control، لاستغلال قوة الجزء العلوي من الجسم وتطوير مهارات تساعده على independence and mobility.

ومع الوقت، دخلت السباحة والـHydrotherapy كجزء من رحلة التأهيل.

المياه بتوفر بيئة مختلفة للحركة، ومع التدريب والتكرار، السباحة مبقتش مجرد وسيلة تساعده في الـrehabilitation… بقت رياضة.

لكن القصة موقفتش هنا.

في 2023، هيثم قدر يعبر بحر المانش من إنجلترا إلى فرنسا.

العبور استغرق حوالي 12 ساعة متواصلة، والمسافة الرسمية للمانش حوالي 34 كم، لكن بسبب التيارات والأمواج ومسار السباحة الفعلي، المسافة اللي بيقطعها السباح ممكن تكون أكبر بكثير.

وهيثم قطع في رحلته حوالي 40 كم.

40 كم من السباحة…

12 ساعة من الاستمرار…

بياكل ويشرب أثناء العوم، لكن مفيش توقف للراحة.

وفي النهاية، قدر يحقق إنجاز استثنائي ويصبح أول سباح مصري من مستخدمي الكرسي المتحرك يعبر بحر المانش.

طيب… إيه اللي قصة هيثم بتعلمهولنا كـPT students؟

Clinical Takeaway ✨️

Rehabilitation مش معناها دائمًا إننا نرجّع الجسم لنفس حالته القديمة.

أحيانًا الهدف يكون إننا نساعد المريض يتعلم طريقة جديدة للوظيفة باستخدام الإمكانيات اللي لسه موجودة.

من:
Loss of Function → Adaptation → Training → Performance

العلاج الطبيعي ممكن يبدأ بهدف بسيط جدًا… إن المريض يستعيد قدرته على الحركة والاستقلال.

لكن مع training, repetition, adaptation & the right rehabilitation approach، نفس الإمكانيات دي ممكن توصله لأبعد بكتير مما كان متخيل.

وفي النهاية…

الإصابة غيرت طريقة استخدام هيثم لجسمه، لكنها ما منعتوش من استخدامه لصنع إنجاز. 🤍

→ For more, follow our Channel ❤️‍🔥
#clinical_note

CENTRAL SENSITIZATION

مش كل ألم معناه إن فيه ضرر جديد…
أوقات المشكلة بتكون في طريقة المخ والجهاز العصبي في معالجة الألم.

يعني إيه Central Sensitization؟

هي حالة بيزيد فيها حساسية الجهاز العصبي المركزي للمثيرات، فيبدأ يتعامل مع إشارات الألم بشكل أكبر من الطبيعي.

يعني ممكن المشكلة الأصلية تكون اتحسنت، لكن الجهاز العصبي يفضل في حالة over-sensitivity، فيستمر الألم أو يكون أقوى من المتوقع.

إيه اللي بيحصل؟

مع استمرار الـnociceptive input أو تكرار المدخلات العصبية، ممكن تحصل تغيرات في طريقة معالجة الألم داخل الجهاز العصبي، زي:

- زيادة استجابة الخلايا العصبية للمثيرات.
- نقص كفاءة نظام pain inhibition.
- زيادة حساسية المريض للمس والضغط والحركة.
- ممكن تظهر Allodynia: حاجة غير مؤلمة أصلًا تسبب ألم.
- وممكن تظهر Hyperalgesia: المثير المؤلم يسبب ألمًا أكبر من المتوقع.

أعرف إزاي إنها ممكن تكون موجودة؟

مش مجرد إن الألم مستمر لفترة طويلة، بنبدأ نشك في وجود increased pain sensitivity لما يكون عند المريض مثلًا:

- ألم منتشر أو غير متناسب مع نتائج الفحص.
- حساسية شديدة للمس أو الضغط.
- الأعراض بتزيد مع عوامل مختلفة زي stress أو قلة النوم.
- وجود أعراض في أكتر من مكان بالجسم.
- استمرار الألم رغم تحسن المشكلة الأصلية.

⚠️ وجود العلامات دي مش معناه تلقائيًا إن المريض عنده Central Sensitization.
لازم الـ Assessment يستبعد الأسباب الأخرى المحتملة للألم.

دور الـPhysical Therapy

دور الـPT مش مجرد "تمرين العضلة".

الهدف هو مساعدة المريض على استعادة الحركة والوظيفة وتقليل الخوف والحساسية المرتبطة بالألم.

وغالبًا يشمل:

1. Education
فهم طبيعة الألم وتصحيح الـmisconceptions وتقليل الخوف منه.

2. Graded Exercise & Exposure
زيادة الحركة والنشاط تدريجيًا بما يتناسب مع حالة المريض.

3. تحسين النوم والنشاط اليومي
والتعامل مع العوامل اللي ممكن تزود الأعراض.

4. Adjunctive Treatments
العلاج اليدوي أو بعض الوسائل العلاجية ممكن تُستخدم كجزء مساعد حسب حالة المريض، مش كحل وحيد.

الخلاصة

في بعض حالات الألم المزمن، المشكلة مش بالضرورة إن الجسم لسه بايظ، لكن إن نظام الألم أصبح أكثر حساسية.

افهم الألم الأول… وبعدها عالجه صح.
→ For more, follow our Channel 💖
#clinical_note