CENTRAL SENSITIZATION

مش كل ألم معناه إن فيه ضرر جديد…
أوقات المشكلة بتكون في طريقة المخ والجهاز العصبي في معالجة الألم.

يعني إيه Central Sensitization؟

هي حالة بيزيد فيها حساسية الجهاز العصبي المركزي للمثيرات، فيبدأ يتعامل مع إشارات الألم بشكل أكبر من الطبيعي.

يعني ممكن المشكلة الأصلية تكون اتحسنت، لكن الجهاز العصبي يفضل في حالة over-sensitivity، فيستمر الألم أو يكون أقوى من المتوقع.

إيه اللي بيحصل؟

مع استمرار الـnociceptive input أو تكرار المدخلات العصبية، ممكن تحصل تغيرات في طريقة معالجة الألم داخل الجهاز العصبي، زي:

- زيادة استجابة الخلايا العصبية للمثيرات.
- نقص كفاءة نظام pain inhibition.
- زيادة حساسية المريض للمس والضغط والحركة.
- ممكن تظهر Allodynia: حاجة غير مؤلمة أصلًا تسبب ألم.
- وممكن تظهر Hyperalgesia: المثير المؤلم يسبب ألمًا أكبر من المتوقع.

أعرف إزاي إنها ممكن تكون موجودة؟

مش مجرد إن الألم مستمر لفترة طويلة، بنبدأ نشك في وجود increased pain sensitivity لما يكون عند المريض مثلًا:

- ألم منتشر أو غير متناسب مع نتائج الفحص.
- حساسية شديدة للمس أو الضغط.
- الأعراض بتزيد مع عوامل مختلفة زي stress أو قلة النوم.
- وجود أعراض في أكتر من مكان بالجسم.
- استمرار الألم رغم تحسن المشكلة الأصلية.

⚠️ وجود العلامات دي مش معناه تلقائيًا إن المريض عنده Central Sensitization.
لازم الـ Assessment يستبعد الأسباب الأخرى المحتملة للألم.

دور الـPhysical Therapy

دور الـPT مش مجرد "تمرين العضلة".

الهدف هو مساعدة المريض على استعادة الحركة والوظيفة وتقليل الخوف والحساسية المرتبطة بالألم.

وغالبًا يشمل:

1. Education
فهم طبيعة الألم وتصحيح الـmisconceptions وتقليل الخوف منه.

2. Graded Exercise & Exposure
زيادة الحركة والنشاط تدريجيًا بما يتناسب مع حالة المريض.

3. تحسين النوم والنشاط اليومي
والتعامل مع العوامل اللي ممكن تزود الأعراض.

4. Adjunctive Treatments
العلاج اليدوي أو بعض الوسائل العلاجية ممكن تُستخدم كجزء مساعد حسب حالة المريض، مش كحل وحيد.

الخلاصة

في بعض حالات الألم المزمن، المشكلة مش بالضرورة إن الجسم لسه بايظ، لكن إن نظام الألم أصبح أكثر حساسية.

افهم الألم الأول… وبعدها عالجه صح.
→ For more, follow our Channel 💖
#clinical_note

لو قولتلكم إن السجائر ممكن تحميكم من الأمراض… هتقولوا عليا مجنونة؟🫣😂

الـUlcerative Colitis هو مرض التهابي مزمن بيصيب الـColon & Rectum، وبيسبب التهاب وتقرحات في بطانة القولون.

غالبًا بيظهر في صورة إسهال متكرر، وبيكون مصحوب بـدم أو مخاط في البراز، مع ألم بالبطن وزيادة في عدد مرات التبرز.

▪︎ التدخين وعلاقته بالمرض:

رغم إن التدخين مُضر بشكل عام، إلا إن العلاقة بينه وبين الـUlcerative Colitis غريبة شوية.

بعض الدراسات لقت إن التدخين ممكن يكون مرتبط بانخفاض احتمالية الإصابة بالمرض، وبعض المرضى ممكن يلاحظوا زيادة في الأعراض بعد ما يبطلوا سجائر.

وده ممكن يكون له علاقة بالنيكوتين وتأثيره على الاستجابة المناعية ووظيفة الأمعاء.

لكن مهم جدًا ⚠️

ده مش معناه إن السجائر علاج للـUlcerative Colitis.

مينفعش نبدأ التدخين بهدف تقليل الأعراض، لأن التدخين مرتبط بأضرار خطيرة على القلب والرئة وزيادة خطر الإصابة بالسرطان.

طيب إيه دور الـPhysiotherapy؟

الـPT مش بيعالج التهاب القولون نفسه، لكنه ممكن يساعد المريض في التعامل مع بعض الآثار المصاحبة للمرض.

▪︎ فممكن يكون له دور في:

- تحسين اللياقة البدنية
- تقليل الـFatigue
- الحفاظ على قوة العضلات
- الحفاظ على النشاط والحركة
- تحسين الـQuality of Life

وده بيخليه جزء مساعد من الـRehabilitation جنب الـMedical Management، مش بديل عنه.

▪︎ الخلاصة:
Ulcerative Colitis = Chronic Inflammatory Disease

▪︎ والتعامل معاه محتاج:
Medical Management + Lifestyle Modification + Rehabilitation

والـPhysiotherapy دوره مش علاج الالتهاب نفسه، لكن يساعد المريض يحافظ على نشاطه وقوته ويقلل تأثير الـFatigue على حياته.

فـ آه… المعلومة غريبة، بس مش معناها إن السجاير بقت علاج!🙃😂

#clinical_note

قبل ما الـOrtho Round يبدأ عند أغلبنا، عمركم فكرتوا هو بيتشرح إزاي في باقي الجامعات؟ 👀

كل جامعة ليها Topics ومصادر وحاجات مختلفة، وحاجات ممكن تكون مهمة وإحنا أصلًا منعرفش عنها.

فـ PT Vibes قررت تخوض تجربة جديدة ونشوف الـOrtho من أكتر من جامعة، وسميناها:
ORTHO ACROSS UNIVERSITIES

ومن خلالها هنشوف كل جامعة بتاخد إيه، وإيه المختلف بينهم، ونجمعه مع بعض.

وعشان نعمل ده محتاجين 10–15 شخص من جامعات مختلفة يساعدونا في التجميع والبحث.

لو حابب تكون معانا في التجربة دي،
📩 ابعتلنا اسمك الثنائي + جامعتك على البوت:
@Physical_Therapy_TBot

ويمكن جامعتك عندها حاجة إحنا كلنا محتاجين نعرفها.👀🤍

Welcome everyone 💕

حبينا ننوه عن نقطة بسيطة تخص طلبة سنة أولى وتانية:

أن كل المحتوى الخاص بيكم متوفر بالفعل على الجروب الخاص بينا كل مادة فـ سكشن مُنفصل.

هتلاقوا هناك:
📌 شرح مُبسط
📌 مُلخصات
📌 أسئلة
📌 وكل المصادر اللي هتحتاجوها بإذن الله

⬅️ لينك الجروب:
https://t.me/Physical_Therapy_T

📝 مسدج هتفيدكم جدًا لو بتدوروا على شرح:
- https://t.me/PT_Abakera/9275

ولو احتجتوا أي حاجة، ابعتولنا على البوت وهنساعدكم بإذن الله✨️💖
📩 البوت:
@Physical_Therapy_TBot

مُوفقين جميعًا يا دكاترة🌸💕
Channel

لو انت طالب فرقه أولى علاج طبيعي أو اي medical student عمومًا، فركّز معايا كويس أوي..
كتير منكم بيبقى تايه في البدايه، كليه جديد ومواد غريبه، مش عارف يبدأ منين ولا يذاكر ازاي، فقلنا نجمعلكم إجابات أهم الأسئلة اللي ممكن تيجي في دماغكم الفترة دي

- بالنسبه للمذاكرة ♥
بسم الله الرحمن الرحيم مافيش تكنيك معين لازم تطبقه، المهم انك تفهم الcontent كويس جدًا وبعدين تحفظ
وادي كام نقطه هاتساعدك تذاكر صح ان شاء الله
- التكرار :
ودي نقطه مهمه جدا جدا، أول مذاكرة دي ذاكرها براحتك بالطريقه اللي تعجبك ، انما ف المراجعه اقرا بس ، اقرا بس ، كون انك تقرا الحاجة مرتين ع فترات احسن من انك تذاكرها مرة واحده كويس ، لأن ف دراسات كتير اتعملت ع موضوع التكرار دا وازاي المعلومه بتثبت وكان التكرار اهم حاجة ف تثبيتها .
- ال mnemonics او التحشيشات :
إعمل mnemonics كتير وانت بتذاكر واربط المعلومات ببعض لأن دا هيساعدك جدا ف ال MCQ ، لأنك محتاج تسترجع المعلومة كاملة وبسرعه .
لأن مثلا ممكن يسألك ع causes لحاجة معينه ويقولك except ف لازم تكون مجمع ال causes دي بحاجة تخليك تسترجعها بسرعه .
ال mnemonics مهمه مهمه مهمه .
- الهايلايتر :
لو مبتستخدمش هايلايتر حاول تستخدمه ف الحاجات اللي بتنور ، إيه الحاجات اللي بتنور دي !!؟
مثلا ف disease معين هتلاقيه بيقولك ال characteristic feature بتاعته كذا ، حط ع كذا دي هايلايتر لحد ما تقولك كفاية انا اتلونت
- بعض ال notes الخاصة بكل مادة :
- مادة زي الأناتومي ،صعب تكون بتذاكرها من غير صور ، استحاله لازم صور،ونزلنا ابليكيشنز كتير هاتساعد كتير تفتكر المعلومه، ولو عندك موهبة الرسم "زيي كدا" ارسم بإيدك أفضل.
- مادة زي الفسيو محتاجة حل أسئله بعد المحاضرة ، حتى لو مش هاتيجي فالامتحان ف الأسئلة دي هاتفتح مداركك لحاجة تانيه غايبه عنك ف الفهم
- مادة محتاجه منك جدول اعملها جدول، مادة لازم لها ملخصات اعملها او ابحث هاتلاقي كتير وبننزل عالقناه هنا

احضر المحاضرات كلها "من وجهه نظري" كدا كدا هاتستفاد، واكتب ورا الدكاترة اي نوتس ولو قليل علشان ماتسرحش وتفضل مركّز
وأثناء المحاضرة هاتعرف من الدكتور إيه المهم اللي تركز عليه وإيه اللي ممكن تمرّ عليه والسلام

- بالنسبه لمصادر المذاكرة بقى♥

داتا جامعتك أهممم حاجه، بعدين اليوتيوب عندك:
عمالقة الأناتومي ♥
د أحمد فريد
https://youtube.com/user/ahmedfarid2010
دأيمن خنفور
https://youtube.com/channel/UC9hccq2Xzb2eWQ1wzm21CSg
د وهدان
https://youtube.com/channel/UCssvCQ3N5n0XHlqetEISfqg
د سامح غازي
https://youtube.com/c/SamehGhazy

أفضل دكاترة في الهستو ♥
د إيمان نبيل
https://youtube.com/channel/UCqDSDmf32TSff5I34laAqKg
د خالد المسلمي
https://youtube.com/channel/UCi3lPQZjm5NgWnfCGWETbhA

أفضل دكاترة في البايو ♥
د ولاء سرحان
https://www.youtube.com/playlist?list=PLXd13HOsAnZwVp2EAr92f5JKssXKFP8yT
د محمود الطويل
https://youtube.com/playlist?list=PL1rwcXyr-ClD_bOYmn_BmvP39L_7BFm5v
د أنس الدهشان
https://www.youtube.com/playlist?list=PLiuke9_ROlvqoPg9WgrUpE3zmL751Jpac

أفضل دكاترة في شرح الفسيولوجي ♥
د ناجي اسكندر
https://youtube.com/c/PhysiologybyDoctorNagi
د محمد فايز
https://youtube.com/c/DrMohamedFayez

وأخيرًا ماتنساش تاخد لفه في التشانل بتاعتنا، هاتعجبك ☝🏻
https://t.me/PT_Abakera