طب إيه يا دكترة خلصت ريست العشر دقايق اللي واخده من 3 ساعات ولا إيه الدنيا؟ 🙈

كن صاحب همه لعل الله يحي بك أمه ❤️

من امبارح لإنهاردة كنت بسمع محاضرة مدتها ساعتين وأذاكرها عن الـ shoulder abduction اللي هو حركة رفع الإيد ... مش لأني بطيئة في المذاكرة وكدة لأ ... بس لأن المحاضرة تقيلة فعلاً وصعب فهمها
بس أنا فعلاً أنا وبسمعها ماكنتش حاسة بالملل ولا مستنياها تخلص ... أنا كنت مستمتعة بيها لحد آخر لحظة وكل شوية أعيد الجزء اللي بيتشرح مرة واتنين وتلانة عشان أفهمه كويس .... وبجد بجد طول الشرح مفيش على لساني غير سبحان الله تلقائيًا كدة ... يا جماعة أنا بجد طول المحاضرة بعد كل معلومة بسمعها بحس من جوايا كدة اللي هو وااااو اي العظمة دي
لما مثلا الزاوية تكون رقم معين والمفروض إن العضلة المعينة تعمل الحركة المعينة علشان المفصل مايتخلعش وكمان في مساحة كدة علشان يدي الحركة مدى أكبر وغيرها كتييييير جدًا
يا جماعة بجد بجد ربنا خلقنا "في أحسن تقويم" مش بس من ناحية الشكل الظاهري ...بس من جوة جوة جسمنا ده عااااالم
ولو عايز تعرف بقا فائدة كل الحاجات اللي في جسمك دي حاول تشيلها أو شوف مريض عنده خلل فيها وهتعرف قيمتها كويس
كمان بالإضافة لكدة الموقف ده فهمني بجد إن "ما أوتيتم من العلم إلا قليلًا" .... طول عمرنا بنرفع إيدنا وننزلها ونرفعا وننزلها ... أنا كنت عايشة 19 سنة من حياتي عبثًا كدة ويرفع أيدي كل يوم وفي اليوم مرات كتير.. بس عمري ما تفكرت في حركة المفصل ولا الهندسة الربانية اللي ربنا خلقنا بيها علشان نتحرك بسلاسة كدة ولا جمال وظائف كل فتفوتة في جسمنا والله حرفيًا الفتفوتة اللي ممكن بالكاد نشوفها ليها وظيفة في جسمنا ... المساحة الفاضية ليها فائدة وغيره كتير بقا ...

ربنا يارب ينفعنا بالعلم ويزيدنا علمًا ونفعًا وأن يسخر لنا العلم ومن ثم يسخرنا بالعلم لنفع الناس♥️

النية امبارح: هنزل أسئلة فسيولوجي على ANS تغزو العالم 🙃

الواقع : دور برد متين مخليني مش قادرة أتحرك😭

بس عمومًا الأسئلة دي هتنزل بإذن الله يوم الأربع ...لا تقلقوا"