Parts of the Brain.
Practical.
#Neuro_anatomy

Skull.
Practical.
#Neuro_anatomy

Bones of Upper limb.
Practical.
#Anatomy_1

Questions for lower limb except foot.
#Anatomy_2

السلام عليكم💖.

اللي محتاج أي حاجة فى أي مادة يبعتلنا فى البوت⬇️:
@Physical_Therapy_TBot

أو فى جروب الاستفسارات⬇️:
https://t.me/Abakraaa

"اعرف صاحبك وعلّم عليه"

من فترة كدة عايزة أتكلم عن موضوع الصداقات ... بس مش الصداقات العادية ، لأنه في الغالب مش بتكون محفوفة بتحديات ومشاكل غير مشاكل عادية

لكن عايزة أتكلم عن الصداقات اللي أصلها صداقات دراسية
بمعنى إن صاحبك ده عارفه من المدرسة أو الكلية ... واستمرار علاقة زي دي في حد ذاته تحدي كبير خصوصًا لو انتو الاتنين ناس مهتمة بمذاكرتكم والتنافس أسلوب حياتكم ....

المهم ... عايزة أقول إن في الصداقات الدراسية دي بالنسبالي في شوية red flags كدة صعب أتهاون فيهم
منها الخُبث وعدم السلكان والكدب ... ويمكن أهمهم بالنسبالي الكدب ... اللي هو أنا والله ماذاكرتش ولا فتحت كتاب... طب أنا هستفيد اي لما تفتحي أو ماتفتحيش كتاب ... وكمان الصياح اللانهائي ... اللي هو تكون الواحدة حلت كويس جدًا في الامتحان وتطلع تصيح مع اللي بيصيح وكإن صياحها ده مجاملة منها أو نقطة للناس اللي طالعة زعلانة من الامتحان😬 ...

لو مش عايزة تقولي عملتي اي أو انتي حد كتوم بطبعك ... خليكي في حالك ما تتكلميش ، لكن إنك تكذبي وتقولي عكس الواقع وعكس اللي انتي بتعمليه ده إن دلّ على شيء فهو بيدلّ على نقص في شخصيتك حتى لو كنتي أنضج حد في الحياة ...

على الجنب التاني هتلاقي الناس بقا اللي بتلعب على نفسية صحابها ... اللي هو لو حد بيشتكي من حاجة في المنهج قدامها هتلاقيها بتقول إن ده أسهل حاجة في المنهج ... مش لأنه سهل بالفعل بس لأنها عايزة تحسس اللي قدامها أنهم أغبياء أو تحسسهم بالذنب أو إنهم not enough في لحظة المفروض إن اللي قدامها محتاج حد يقوله إن فعلا الموضوع ده صعب بس بإذن الله مش هيكون صعب عليك وأنت قدها ...
نفس الموقف لكن رد الفعل مختلف وتأثير كل رد فعل منهم مختلف 180 درجة

مش هتكلم طبعًا عن الناس اللي بتحاول تعطل صحابها أو تحسدهم على حاجة مش عندها لأن دول بالنسبالي مرضى نفسيين ومحتاجين علاج فعلًا ...

الخلاصة من كل الرغي ده مش إني أتكلم عن ظاهرة منتشرة وأحللها وكل الكلام ده
الهدف بالنسبالي من كل الكلام ده إني أقول لكل حد منكم بكل بساطة "اتقِ الله" في أي حد حواليك واللي ما ترضاش إنه يحصل فيك ماتعملهوش مع غيرك لأن في قنطرة كل الناس اللي لعبت على نفسيتهم في يوم من الأيام هتقتص منك يوم القيامة ... وإحنا مش حِمل ذنوب ... كفاية علينا تفريطنا وتقصيرنا والله....