وعليكم السلام ❤️

بصي لو هطمنك فـ صدقيني من كلامي مع ناس كتير، فأنتى مش لوحدك خالص، إحنا بنذاكر كمية معلومات كبيرة جدًا، فطبيعي تحسي إن في معلومات عندك بس مش مترتبة أو مش عارفة تربطيها ببعض.
وكمان حتة إن حد يسألك على تمرين معين أو حالة معينة ومتعرفيش تردي في ساعتها دي مش مقياس خالص إنك مش عارفة أو مش عندك المعلومة. قليل جدًا اللي لو سألتيه فجأة هيقعد يعد تمارين أو بروتوكولات من دماغه. في الواقع أغلب الناس بتراجع وبتدور على حسب الحالة اللي قدامها.

بس لو في حاجات مهمة فعلًا فهي الأساسيات: الـ anatomy، والـ biomechanics، والـ ROM والـ MMT، وإزاي تعملي assessment وتفكري في الحالة بشكل منطقي.

فمتحطيش ضغط على نفسك إنك لازم تبقي فاكرة كل special test وكل exercise من دلوقتي، لأن ده صعب جدًا أصلًا. المهم تبقي فاهمة الأساس اللي هتبني عليه، والباقي مع التدريب والحالات هتلاقيكي عرفاه واحدة واحدة إن شاء الله. ❤️

بالنسبة للباطنة
Cardiac Anatomy + Cardiovascular Physiology
Respiratory Anatomy + Respiratory Physiology
Renal Physiology
Endocrine System

أما النسا فالأهم
Pelvic Anatomy
Female Reproductive Physiology
Hormones

وبالنسبة للمصادر اللي هتراجعي منها متشغليش نفسك دلوقتي بمراجع كبيرة، أهم حاجة تبقي فاهمة الأساسيات اللي قولت عليها فوق كويس من كتب أولي وتانية عادي جدًا، ولما الترم يبدأ امشي مع شرح الدكاترة والسكاشن أول بأول ولو لقيتي نقطة واقفة معاكي ارجعي لمصدر يشرحها كويس بس.

وبالتوفيق إن شاء الله.💖

وعليكم السلام ورحمة الله وبركاته

دي مسدج أعتقد هتفيدك جدًا في المرحلة دي:
https://t.me/PT_Abakera/8942

وأهم حاجة طبعا تهتم بالـ Anatomy والـ Biomechanics لأنهم من أهم الحاجات اللي هتبني عليها بعد كده.

وبالنسبة لسنة تانية فهي كويسة جدًا، بس متكتفيش بالمذاكرة النظرية وحاول تركز في العملي على قد ما تقدر لأنها من أكتر السنين اللي فيها عملي، ولسا الاستفادة الأكبر هتبقا في الراوندات اللي هتأهلك تشتغل صح إن شاء الله ومع التدريب.

أما بالنسبة للسفر فشوف المسدج دي، فيها معلومات كويسة:
https://t.me/PT_Abakera/8948

▪︎مش كل عضلة مشدودة هي أصل المشكلة.

الفكرة اللي د. سرحان بيتكلم عنها هنا في الفيديو دا بتأكد على أهمية إننا منبصش للمشكلة الظاهرة قدامنا على إنها السبب في كل مرة.

يعني لو المريض عنده Hamstring Tightness ومش قادر يجيب hip flexion كويس، أول حاجة ممكن نفكر فيها إننا نشتغل على الـ Hamstring نفسها.

لكن أحيانًا الـ Hamstring بتكون مجرد متأثرة بمشكلة تانية.

في بعض الحالات، ضعف الـ Gluteus Maximus بيدفع الجسم للاعتماد بشكل أكبر على الـ Hamstring أثناء الحركة، ومع زيادة الـ Load عليها لفترات طويلة بيظهر في صورة Tightness أو Limited movement.

عشان كده ممكن نفضل نعمل Stretching للـ Hamstring ونأخد بس تحسن مؤقت، لكن طالما السبب الأساسي لسه موجود فالمشكلة غالبًا هترجع تاني.

الفكرة هنا مش إن كل Hamstring Tightness سببها ضعف الـ Gluteus، لكن إننا منبصش للعضلة المشدودة أو المؤلمة على إنها السبب في كل مرة.

التقييم الكويس للحالة بيخلينا نسأل:

هل دي المشكلة فعلًا؟

ولا دي مجرد نتيجة لمشكلة موجودة في مكان تاني؟

عشان كده مهم منعتمدش على تقييم العضلة أو المفصل بشكل منفصل، لكن نبص للحركة كلها ونفهم مين السبب ومين النتيجة.

وده اللي بيفرق بين علاج الأعراض وعلاج السبب.

• Not every tight muscle is the problem. Sometimes it's just the messenger.

→ For more, follow our Channel 🤍.
#clinical_note

https://www.facebook.com/share/p/1LcLTbCJtP/

أي حد فرقة أولى، أهم بوست في مسيرتك التعليمية كلها 🤓

Meeting Record on our YouTube Channel 🔥

📌ماتنسوش تعملوا subscribe، المحاضرات القادمة أقوى بإذن الله.
https://youtu.be/xYcOYwC1L84?si=uqmCWFnXdkakoZ8a

لما بنتكلم عن الـ arm exercises للحامل، ناس كتير بتفتكر إنها مجرد تمارين للذراعين، لكن الحقيقة إن دورها أكبر من كده بكتير.

أول حاجة، التمارين دي بتشتغل على عضلات مهمة زي الـ pectoralis، والـ biceps، والـ triceps، والـ deltoid، والـ latissimus dorsi. والعضلات دي مش موجودة في الذراعين بس، دي مرتبطة بالـ chest والـ back والـ Upper body بشكل عام.

عشان كده كل ما العضلات دي بقت أقوى، كل ما الـ posture يبقى أحسن، والـ balance يبقى أفضل، والحامل تبقى قادرة تتعامل مع التغيرات اللي بتحصل في جسمها خلال الحمل.

كمان من النقط المهمة إن الـ arm exercises بتساعد على تنشيط mammary gland من خلال استهداف عضلات الـ chest زي الـ pectoralis major والـ pectoralis minor. سواء بالـ stretching أو الـ strengthening، فده بيساعد على زيادة النشاط والدورة الدموية في المنطقة.

وعشان كده بيكون فيه اهتمام بتمارين الـ Upper body أثناء الحمل، مش بس من ناحية القوة أو الـ posture، لكن كجزء من تجهيز الأم لمرحلة الرضاعة وما بعدها.

والـ arm exercises تعتبر من التمارين المهمة أثناء الحمل، خصوصًا مع الدخول في الـ third trimester (الثُلث الأخير من الحمل).

لأن الفترة دي مش بنفكر فيها على إنها آخر شهور الحمل وبس، لكن بنبدأ كمان نجهز الأم للفترة اللي بعد الولادة.

إزاي تقعد أثناء الرضاعة؟
إزاي تحافظ على posture كويس؟
إزاي تتعامل مع حمل الطفل لفترات طويلة؟

كل الحاجات دي محتاجة عضلات قوية وقدرة تحمل كويسة في الـ arms، والـ shoulders، والـ chest، والـ back.

عشان كده الهدف من الـ arm exercises مش مجرد تقوية العضلات، لكن تجهيز الجسم للمرحلة اللي جاية، سواء أثناء الحمل أو بعد الولادة، بحيث تكون الأم قادرة على التعامل مع متطلبات الـ feeding والعناية بالطفل بشكل مريح وآمن.

Strong mothers aren't built after delivery. The preparation starts during pregnancy.🤰

→ For more, follow our Channel ❤️.
#clinical_note