باسم اللّٰه، جرت العادة والعبادة في إبتداء كل خيرٍ باسم اللّٰه، وما ليس مبدوءًا باسمه أبتر..
ازيكم يا أحلى دكاترة♥ حابه اننا ندردش شويه فالبدايه كدا..

دلوقتي بدأنا صفحة جديدة في حياتنا، اتمنى اننا نقفل كل الصفح القديمه ونرمي الثانوية وذكرياتها ونركز في أننا نبني في صفحتنا الجديدة، ربنا عطانا فرصة جديدة اهي ،اتمنى مفيش حد يضيعها من ايده، دلوقتي نقدر نقول اننا بدأنا اهم جزء في حياتنا، فلازم نبقى اد المسئولية دي ♥

فالقناه هنا كلنا كأدمنز، عمرنا ما هانبخل على حد بمعلومه او اي حاجه شايفين انها ممكن تفيدنا في دراستنا طالما نقدر نقدم المساعده

ومن مَنظُور شخصي لا أُساعِد لِيُقَال فلانه ساعدت اونزلت او او..؛
فالله اللهَ في الإخلاص، وعلى الله جَبرُ التقصير ♥.

كام نصيحه أتمنى تعملوا بيهم ✨..

أولاً ، ذاكر أول بأول ، متراكمش أبدًا!
تقدير أول سنه مهم وخصوصا أول ترم لأنه بيكون فرصتك إنك ترتاح شويه فالسنين الجايه وانك ماتعملش مجهود اسطوري علشان تعليه..
بمعنى انه لو ال cGPA بتاعك قليل هاتعمل مجهود اسطوري لمدة كام سنه عشان تعليه ولو شويه وهتلاقيه بيزيد بالتصوير البطيء
فا شد حيلك أول ترم وهات تقدير عالي و cGPA عالي

٢) صاحب الشاطرين هاتبقى شاطر، ماتقولش دحيحه والكلام العبيط دا، صاحبهم وهيفرقوا جدًا وهايشجعوك

٣) ماتتاخرش على حد بمعلومه وماتبقاش خبيث "لأننا شفنا كتير ناس كدا وربنا مش بيكرمهم "خليك انسان كويس لنفسك قبل اي حد"

٤) الأناتومي بيتذاكر بالتطبيقات أحسن من العضم وماتقعدش تحفظه ، طبقه على جسمك وافهم هو ماشي ازاي "مادة سَلِسه محتاجه الإهتمام فقط ليس أكثر"

٥) هاتيجي في عضلات معينه حاول تعملهم بأغنيه أو تبصمجهم

٦) ركز مع الدكاتره وماتعملش معاهم مشاكل "خليك محترم تُحترم"

٧) لو بنت ابعدي عن الولاد، ولو ولد ابعد عن البنات، لأنك بتضيع نفسك بنفسك "غير حرمانية الموضوع"

٨) اظبط مواعيد وقتك ف الشتا علشان الفصل دا هتكسل تنزل الكليه، بس انزل وماتكسلش واجتهد زيه زي الصيف

٩) ماتكوّنش أي عداءات مع حد ، وخلي وجودك لطيف مع الناس ومحبوب ♥

1⃣ Anatomy
🌸 هتدرس تشريح الجسم

🌸 دكاترة اليوتيوب للمادة :
١- دكتور سامح غازي
٢- دكتور أحمد فريد
٣- دكتور أيمن خنفور
٤- دكتورة رشا ربيع
٥- دكتور أحمد مصطفي كمال
٦- دكتور وهدان
٧- دكتور مجدي سعيد

🌸 أفضل حد هتسمعه :
١- دكتور سامح غازي
٢- دكتور أحمد فريد
٣- دكتور أيمن خنفور

✳️ Embryology
( جزء من الاناتومي)
🌸 هتدرس فيه الجنين بكل تفاصيله من الالف للياء

🌸 دكاتره اليوتيوب للمادة :
١- دكتور نور الدين
٢- دكتور أيمن خنفور
٣- دكتور أحمد فريد
٤- دكتور سامح غازي
٥- دكتور وهدان
٦- تيم 5med X

🌸 افضل حد هتسمعه :
١- دكتور أيمن خنفور
٢- دكتور نور الدين
٣- تيم 5med X

2⃣ Physiology
🌸 هتدرس في المادة :
1- Introduction and body fluids
2- Autonomic nervous system

🌸 دكاتره اليوتيوب للمادة :
١- دكتور ناجي اسكندر ( عظمة الفسيولوجي)
٢- دكتور محمد الشريف
٣- دكتور محمد فايز
٤- دكتور نجيب الحسيني
٥- دكتور مصطفى يحيي
٦- دكتور أحمد مصطفي
٧- نيرد فسيولوجي

🌸 أفضل حد هتسمعه :
١- دكتور ناجي اسكندر
٢- دكتور محمد فايز
٣- دكتور محمد الشريف

3⃣ Histology
🌸 هتدرس في المادة
1- Introduction
2- Cytology
3- Epithelium
4- Connective tissue

🌸 دكاتره اليوتيوب للمادة :
١- دكتوره إيمان نبيل
٢- دكتوره شرين حامد
٣- دكتور خالد المسلمي
٤- دكتور أمل مصطفى
٥- دكتور أحمد هشام

🌸 الدكاتره اللي ليهم ريكوردات مش فيديوهات:
١- دكتور قنديل
٢- دكتور أحمد زهرة
٣- دكتور أحمد عمار

🌸 أفضل حد هتسمعه :
١- دكتورة إيمان نبيل
٢- دكتوره شرين حامد
٣- دكتور حامد المسلمي

4⃣ Biochemistry
🌸 المواضيع اللي هتدرسها في المادة :

1- Carbohydrate chemistry
2- Lipid chemistry
3- Protein chemistry
4- Enzymes

🌸 دكاترة اليوتيوب للمادة :
١- دكتور محمود الطويل
٢- دكتور ابراهيم الحسيني
٣- دكتوره ولاء سرحان
٤- دكتور أيمن البشير
٥- دكتور عباس
٦- دكتوره أسماء الغول
٧- دكتور أنس الدهشان
٨- تيم 5med X

🌸 أفضل حد هتسمعه :

١- دكتور محمود الطويل
٢- دكتور ابراهيم الحسيني
٣- دكتوره ولاء سرحان

🤍🤍

🔥🔥🔥منقول 🔥🔥🔥وجزاهم الله خيرا

بالنسبه لمجالات طب العلاج الطبيعي..
فانت ممكن تفتح مركز أو عياده
ممكن تحضر دبلومة توصيف أطراف صناعيه وتشتغل كـ مهندس دكتور في مصنع أو شركة أطراف صناعيه
ممكن تشتغل دكتور تغذيه
ممكن تحضر دبلومة ليزر وتجميل وتفتح مركز او عيادة جلديه وتجميل وليزر "بدون جراحه"
ممكن تشتغل في مركز علاج طبيعى
ممكن تشتغل في صيدليه عادي
ممكن تشتغل في الميديكال ريب دي متاحه لأي حد خريج كليه طبيه
ممكن تفتح معمل رسم أعصاب وعضلات وتحاليلها
ليها تكليف زي أي كليه طبيه وممكن تشتغل فالمستشفيات الخاصه والحكوميه
ممكن تشتغل كـ طبيب لفريق قرة قدم أو أي فريق في الأنديه الرياضيه
ممكن تشتغل دكتور علاج لأي مؤسسه أو منشأه حكوميه أو خاصه
ممكن حد يحب يرخص عياده باسمك ف هتمسك ادارة العياده وتشتغل فيها وتاخد راتبين

العياده اللي هتفتحها هاتشتغل في واحد من اللى جاي
أطفال
مخ وأعصاب
باطنه
عظام
جلديه
نسا (بس دي مش موجوده في مصر)

حاليًا بدأوا يطبقوا نظام النيابات التخصصيه يعنى مش كل دكتور هايشتغل أي حاجه..
ممكن تشتغل فالعنايه المركزه
ممكن تسافر بره ودي مطلوبه جدًا
ممكن تشتغل في مستشفيات القوات المسلحه
ممكن تدخل أكاديميه وتبقى ضابط طبيب فالمستشفيات العسكريه
ممكن تحضر دبلومة الطب الشرعى والسموم الإكلينيكيه وتشتغل في مصلحة الطب الشرعى
ممكن تحضر دبلومة جوده وإدارة مستشفيات وتشتغل كـ مدير مستشفى أو وحدة طب اسره أو مديرية صحه أو كـ وزير
ممكن تحضر دبلومة الطب الوقائي وتشتغل فالمستشفى بيها
ممكن تشتغل دكتور تغذيه سمنه ونحافه وهكذا
ممكن تشتغل فالبحث العلمى
وحاجات تانيه كتير والله بس مش فاكراها 😂
الكليه جميله للي شايفها جميله ووحشه للي شايفها وحشه فعلى حسب أنت باصص ليها ازاى 🫡♥
Channel