أسئلة شائعة من الناس اللي داخلة أولى السنادي :

س/هل أبدا أذاكر ف المنهج بتاع سنة أولى من دلوقت ؟
ج/لأ ، لأسباب كتير من أهمها انك مش هتفهم حاجة لأنه لازم تسمع المحاضرة من دكتور مثلا لأن بيكون في طريقة مختلفة ف البداية عشان تتعود على الشرح وبناءً على كدة لو بدأت لوحدك هتحس بالاحباط وإن ده مش مكانك وكدة + إنك لسة طالع من سنة مدعكة حرفيًا فاهدأ واستمتع بإجازتك دلوقت ...

س/هل أبدأ أذاكر مصطلحات طبية ؟
ج/ مش لازم برضو😂 ... كدة كدة ف أولى بيكون عندك مادة كاملة للمصطلحات الطبية تستفيض فيها مع نفسك أثناء الدراسة

س/أومال أبدا أذاكر اي أو أستعد إزاي ؟
ج/شوف فديوهات الانترودكشن بتاعت الأناتومي لأنه مادة مهمة وبرضو علشان تبقى داخل واخد فكرة عنه
عندك ڤيديوهات د/ سامح غازي تحفة وهتفهمك براحة وهتخليك نفسيًا داخل الكلية بحاجات أنت عارفها واقرأ عن المواد اللي عندك وعن أقسام الكلية ونظام الـ gpa وكدة ... كل دي حاجات تعتبر من جُملة استعداداتك للكلية

س/ خايف من إن الدراسة كلها هتكون بالإنجلش وانا كنت تعليم عربي طول عمري ومستوايا ف الإنجلش متدني؟
ج/ماتقلقش من حاجة زي دي أبدًا ... في البداية مثلا اول شهر كدة هتفضل تترجم صفحة صفحة وهتبقى بتذاكر ببطء وبصعوبة بس بعد كدة هتلاقي الكلمات بتتكرر وهتوصل على آخر سنة أولى إنك في حاجات عارفها إنجلش مش عارفها عربي
وبالمناسبة الانجليزي ف الكلية مش بيعتمد على القواعد والكلمات اللي انت حافظها لأن الأغلب مصطلحات طبية جديدة عليك وهي لاتينية أصلا.. فالخلاصة مستواك في الإنجلش قبل الكلية ملهوش علاقة ...

بالتوفيق يا دكاترة المستقبل♥️💪
Channal

القايمه دى هتفيد ان شاءالله اللى داخل اولى علاج طبيعي فيها فيديو طرق المذاكرة الصح و طريقه التأسيس قبل اولى و طريقه مذاكرة كل مادة و مصادرها فى فيديو لكل مادة لكدا
https://youtube.com/playlist?list=PLifWZdaONVyAtBPE1XiuSL8I_F0svnfoQ&si=nryDf9-NgT3C9TTQ

بالتوفيق و ان شاءالله تكونوا اوائل دفعتكم

Knee osteoarthritis خشونه الرُكبه
دي بتكون حالة مرضية بتصيب المفاصل، وتتميز بتآكل الغضروف الذي يبطن أطراف العظام داخل المفصل، مما يؤدي إلى احتكاك العظام ببعضها البعض وظهور الألم والالتهاب

Role of physiotherapist to improvement as this case:-

تخفيف الألم (Decrease pain ):
من خلال تقنيات مختلفة مثل العلاج الحراري(Heat therapy) ، العلاج بالتبريد( Cryotherapy) ، التحفيز الكهربائي ( electrotherapy ) ، والتدليك (massage )

تحسين الحركة( improve movement ):
من خلال تمارين الإطالة (stretching ) وتمارين التقوية التي تستهدف العضلات المحيطة بالركبة، خاصة عضلات الفخذ

تحسين التوازن (balance improvement ) :
من خلال تمارين التوازن التي تساعد على تحسين الثبات والاستقرار عند المشي والوقوف

تثقيف المريض:
ازاي هيتعامل مع الخشونة، وتعديل نمط الحياة، وتجنب الأنشطة التي تزيد من الألم ( تعرفو يعمل اي وميعملش اي+تفهمو techniques حركتو الصحيحه )

وفي المرحله الاخيره اذا لم نحصل علي النتايج المرغوب فيها يمكننا ان نلجأ الي:-
أدوية لتخفيف الألم والالتهاب، وحقن مواد مزحلقة داخل المفصل او اللجوء الي استبدال مفصل الركبه.
#clinical

PROM of Shoulder Abduction & Adduction

المميزات:
▪ يحافظ على مرونة المفصل.
▪ يمنع التقلصات والتيبس.
▪ يحسّن الدورة الدموية والليونة في الكبسولة والأربطة.

الفوائد:
▪ مهم للي مش بيحرك كتفه (زي بعد الجراحة أو في الشلل).
▪ يحافظ على المدى الطبيعي للحركة بدون تنشيط عضلي.

بيشتغل على:
▪ Abduction → بيشد الـ
- Inferior Capsule
- Inferior Glenohumeral Ligament (IGHL).
▪ Adduction → بيشد الـ
- Middle Capsule
- Middle Glenohumeral Ligament (MGHL).
▪ مفيش شغل على العضلات لأنه حركة سلبية (Passive).

السلام عليكم ورحمة الله وبركاته 🥰
دكاترتنا اللي داخلين أولى ...
بالنسبة للمصطلحات الطبية الجديدة عليكم ، في جامعات عندها في أول ترم مادة اسمها medical terminology بتدرس فيها كل المصطلحات الطبية الجديدة عليك والبادئات ومعناها ولو عايزين نضيف للكلمة معني معين نحطلها إي وهكذا بالتفصيل...

لكن من فترة قريبة اكتشفت إن في جامعات مش بتدرس المادة دي ...

في كل الأحوال الفايل ده مجمع شوية مصطلحات طبية أساسية لو حد عايز يستعد من دلوقت سواء هيدرس المادة دي او لأ
والناس اللي مش مقرر عليها المادة وعايزة داتا أو مراجع أو حاجة تخصها تبعتلنا على البوت( @Physical_Therapy_TBot ) وهنساعدها بإذن الله♥️

📌 "شلل العصب الوجهي" (Bell’s Palsy)

ده عبارة عن ضعف أو شلل مفاجئ في نصف عضلات الوجه، بيحصل غالبًا بسبب التهاب أو ضغط على العصب السابع (Facial Nerve)

الأعراض بتظهر فجأة خلال ساعات أو يوم:

صعوبة في إغلاق العين بالكامل، بسبب ضعف عضلة Orbicularis oculi
ميل زاوية الفم لأسفل بسبب ضعف عضلات الفم
صعوبة في المضغ أو الشرب أو الكلام
حساسية مفرطة للأصوات Hyperacusis
فقدان جزئي للتذوق في الجزء الأمامي من اللسان

💡ممكن يحصل بسبب عدوى فيروسية زي Herpes Simplex Virus type 1، أو ضعف المناعة أو التعرض المفاجئ لتيار هواء بارد
وأكيد الجانب السيكولوجي له عامل، سواء ضغط نفسي أو إرهاق شديد

📊 معلومة مهمة:
حوالي 80% من الحالات بتتحسن بعد جلستين وتتعافى تمامًا خلال 3 شهور لو بدأ العلاج بدري

العلاج الأوّلي:
ممكن ياخد Corticosteroids، زي Prednisone لتقليل الالتهاب، كمان أحيانًا Antiviral drugs زي Acyclovir
قطرات أو مرهم للعين، لحماية العين من الجفاف

📍دور العلاج الطبيعي:

لو الحالة acute بشتغل معاها:
Facial Muscle Exercise
Eye taping during sleeping
Electrical Stimulation
Postural advice
بعد مايتحسن شويه أقدر أعمله
Resisted Exercises للتقوية
Coordination Training
بحسن بيه الcoordination للحركات وأمنع un controlled movement
Manual Therapy to improve circulation decrease stifness
Relaxation Techniques
لتقليل التشنجات ومنع تكوين حركات غير طبيعية (Synkinesis)

مدة التحسن زي ماقلت، بيبدأ يتحسن خلال أسبوعين، وبين 3 – 6 شهور بيتحسن تمامًا بإذن الله

- في الحالات الcronic أو اللي بدأ متأخر في العلاج ممكن تفضل معاه بعض الأعراض البسيطة

للوقاية 🌿
تجنب التعرض المباشر لتيارات الهواء البارد بعد التعرق
نوم كافي وتغذية غنية بفيتامين B12
تجنب الإجهاد البدني والنفسي الزائد.

وبس كده، لو أنت interested دي التشانل بتاعتنا 🫡
Channel

معلومة هتترمي سريع وسط الكلام بس مهمة ألا وهي الفرق بين الstroke أو السكتة الدماغية والBell's palsy

الBell's palsy بيأثر على نصف الوجة بالكامل (عين وفم) ، أما الstroke غالبا بتأثر على الجزء السفلي بس من الوجه، بالإضافة للأطراف كمان
فلو البيشنت قادر يرفع حاجبه ويكشر يبقى المشكلة stroke، لو ماقدرش غالبا Bell's palsy.

بالنسبه لمجالات طب العلاج الطبيعي..
فانت ممكن تفتح مركز أو عياده
ممكن تحضر دبلومة توصيف أطراف صناعيه وتشتغل كـ مهندس دكتور في مصنع أو شركة أطراف صناعيه
ممكن تشتغل دكتور تغذيه
ممكن تحضر دبلومة ليزر وتجميل وتفتح مركز او عيادة جلديه وتجميل وليزر "بدون جراحه"
ممكن تشتغل في مركز علاج طبيعى
ممكن تشتغل في صيدليه عادي
ممكن تشتغل في الميديكال ريب دي متاحه لأي حد خريج كليه طبيه
ممكن تفتح معمل رسم أعصاب وعضلات وتحاليلها
ليها تكليف زي أي كليه طبيه وممكن تشتغل فالمستشفيات الخاصه والحكوميه
ممكن تشتغل كـ طبيب لفريق قرة قدم أو أي فريق في الأنديه الرياضيه
ممكن تشتغل دكتور علاج لأي مؤسسه أو منشأه حكوميه أو خاصه
ممكن حد يحب يرخص عياده باسمك ف هتمسك ادارة العياده وتشتغل فيها وتاخد راتبين

العياده اللي هتفتحها هاتشتغل في واحد من اللى جاي
أطفال
مخ وأعصاب
باطنه
عظام
جلديه
نسا (بس دي مش موجوده في مصر)

حاليًا بدأوا يطبقوا نظام النيابات التخصصيه يعنى مش كل دكتور هايشتغل أي حاجه..
ممكن تشتغل فالعنايه المركزه
ممكن تسافر بره ودي مطلوبه جدًا
ممكن تشتغل في مستشفيات القوات المسلحه
ممكن تدخل أكاديميه وتبقى ضابط طبيب فالمستشفيات العسكريه
ممكن تحضر دبلومة الطب الشرعى والسموم الإكلينيكيه وتشتغل في مصلحة الطب الشرعى
ممكن تحضر دبلومة جوده وإدارة مستشفيات وتشتغل كـ مدير مستشفى أو وحدة طب اسره أو مديرية صحه أو كـ وزير
ممكن تحضر دبلومة الطب الوقائي وتشتغل فالمستشفى بيها
ممكن تشتغل دكتور تغذيه سمنه ونحافه وهكذا
ممكن تشتغل فالبحث العلمى
وحاجات تانيه كتير والله بس مش فاكراها 😂
الكليه جميله للي شايفها جميله ووحشه للي شايفها وحشه فعلى حسب أنت باصص ليها ازاى 🫡♥
Channel

مجالنا كبير و فى تخصصات أدق و كبيرة داخل تخصصات عامه كمان فا الشغل فى التجميل الغير جراحى فيه نقطه ناخد بالنا منها و هى ان الحقن الميزوثيرابى ممنوع ل اى حد يشتغله الا لو كان دكتور بشرى فقط

لكن الشغل ب الأجهزة اللى بتساعد فى التخسيس زى الكافيتيشن و هكذا صح و مفهوش مشكله

https://www.facebook.com/share/p/1LcLTbCJtP/

أي حد فرقة أولى، أهم بوست في مسيرتك التعليمية كلها 🤓