ဟာလန်သရွန်ဘီဆိုတဲ့ နာမည်ကြီး လျိုဝှက်သည်းဖိုစာရေးဆရာကြီးရဲ့ ၈၅ နှစ်မြောက် မွေးနေ့မှာသူ့ သားသမီးတွေ မြေးတွေနဲ့ သမက် ချွေးမတွေ လာစုစည်းပြီး ပါတီလုပ်ကြတယ်။အကုန်လုံးကလည်း အဘိုးကြီးနဲ့ ပြဿနာ ကိုယ်စီပေါ့။နောက်နေ့မနက်မှာ ဟာလန်ကြီးက သေနေပါလေရော။လည်ပင်းကို လှီးပြီး ကိုယ့်ကိုယ်ကို သတ်သေသွားတာပါ။သတ်သေမှုပါဆိုမှ ဘယ်သူက  အလုပ်အပ်လိုက်မှန်းမသိဘဲနာမည်ကျော် အလွတ်စုံထောက်ကြီးက ရောက်ချလာရော။ပြီးတော့ မထင်ထားတာတွေဆက်တိုက်ဖြစ်ပြီး ဇာတ်သိမ်းအထိ မထတမ်း ကြည့်မိသွားပါလိမ့်မယ်။လောက်ဆို ဘယ်လိုကားလဲ  မှန်းမိမှာပါ။

ယူအာဆိုတာ ဟိုးငယ်စဉ်တောင်ကြေး
ကလေးဘဝကတည်းက ဇ,ပြင်းတဲ့လူဆိုးလေးပေါ့. . .

ဖတဆိုးလေး ယူအာ့ကို မိခင်ဖြစ်သူက
အိန္ဒိယနိုင်ငံရဲ့ လွတ်လပ်ရေးခေါင်းဆောင်ကြီးတွေလို ပြည်သူတွေ စံထားရလောက်လောက်တဲ့သူမျိုး
ဖြစ်စေချင်ခဲ့ပေမယ့် ယူအာကတော့
ကောလိပ်တက်တဲ့အထိ ဆိုးနေပေနေ တုန်းပါပဲ. . .

ကျောင်းမှာကျင်းပတဲ့ King or Queen ရွေးပွဲတွေမှာ ယူအာက သူ့ ပြိုင်ဘက်တွေကို ဂျင်းထည့်နေကျ. . .

တဖြည်းဖြည်းနဲ့ နာမည်ကြီးလာတော့ နိုင်ငံရေးနယ်ပယ်ထဲကို တစ်သီးပုဂ္ဂ ကိုယ်စားလှယ်လောင်းတစ်ယောက်ရဲ့ မဲဆွယ်မှုကြောင့် သူလည်း နိုင် ငံရေးသမားတစ်ယောက်ရဲ့ မှီခိုရာဖြစ်လာတယ်

ကျောင်းကတည်းက ရန်ပွဲတွေနဲ့ ရင်းနှီးခဲ့တဲ့သူ ဖြစ်တာကြောင့် အကြမ်းနည်း အနုနည်းအစုံသုံးပြီး သူ့ကိုအားကိုးတဲ့ အမတ်လောင်းကို နိုင်ငံရေး နယ် ပယ်မှာ အောင်မြင်ပြီး ပြည့်သူ့မေတ္တာရအောင် လုပ်ပေးနိုင်ခဲ့တယ်

ဒီလိုထင်ရာစိုင်းနေရင်း ကာနာတားကားပြည်နယ်ရဲ့
ထိပ်သီးမူးယစ်ရာဇာကြီး ဘော့စ်နဲ့ သွားပက်သက်မိတော့. . အတောမသတ်နိုင်တဲ့ ရန်ပွဲတွေ. . .ဥာဏ်ရည်းချင်း အားပြိုင်မှုတွေပါ ပါလာပြီး . . .

တက္ကဆက်ရဲ့ လူမနေတော့သလောက်ဖြစ်နေတဲ့ ဟာလိုမြို့လေးကို

အင်တာနက်ပေါ်က နာမည်ကြီးလူငယ်တစ်သိုက်က ပရိုမိုးရှင်းဆင်းပြီး

ဆိုင်ခန်းတွေ အိမ်ခန်းတွေ ရောင်းချဖို့ ကြိုးစားလာပါတယ်။ အဲဒီမှာ

သူတို့ပထမဆုံး ဝယ်ထားတဲ့ အိမ်က အကြွေးမပေးနိုင်လို့ ဘဏ်က သိမ်းထားတဲ့အိမ်ဖြစ်နေပြီ

မူလအိမ်ပိုင်ရှင်အဘွားကြီးတစ်ယောက်နေထိုင်ပါတယ်။ အဘွားကြီးမှာတော့

ထူးဆန်းတဲ့ သားတစ်ယောက် ရှိတာပေါ့။ လူငယ်အဖွဲ့ရောက်လာပြီး

အဘွားကြီးကို နှင်ထုတ်ဖို့ ကြိုးစားရင်နဲ့ မထင်မှတ်တာတွေ ဖြစ်လာတဲ့အခါ...

အရင်ဘဝက သစ္စာဆိုခဲ့တဲ့ ချစ်သူတွေရဲ့ ဇာတ်လမ်းပါ။ ဘုန်းတော်ကြီးဂျူဟာ သူ့ဇနီး ပတ်ပေါင်းအတွက် ကံကြမ္မာဝဋ်ကြွေးတွေကို လွှဲယူခဲ့ပါတယ်။
လက်ရှိဘဝမှာ အမျိုးသားဖြစ်သူ ပတ်ပေါင်းက မိန်းကလေးတွေနဲ့ ရှုပ်လေတိုင်း ဘုန်းတော်ကြီးဂျူက မိုးကြိုးပစ်ခံရပါတယ်။ သူတို့နှစ်ဦးရဲ့ ရေစက်ကို ဘုန်းတော်ကြီးဂျူ ဘယ်လိုဖြတ်တောက်မလဲ၊ ပတ်ပေါင်းကရော ဘယ်လိုတုံ့ပြန်မလဲဆိုတာကို ရယ်မောဖွယ်ရာ ကြည့်ရှုရမှာပါ။

ဒီဇာတ်ကားဟာ ရယ်စရာကောင်းပြီး ချစ်စရာကောင်းတဲ့ ရိုမန့်တစ်ဟာသဇာတ်ကားပါ။ ပလန် ရဲ့ ဂျပန်ရည်းစား ရိုင်ဇု က လမ်းခွဲပြီး အင်္ဂလိပ်လို 'I Fine Thank You Love You' ပြောခိုင်းတာကြောင့် ယိမ် ဆိုတဲ့ အင်္ဂလိပ်စာဆရာမဆီ အကူအညီတောင်းရာကနေ ဇာတ်လမ်းစပါတယ်။
ပလန်နဲ့ ရိုင်ဇုတို့ လမ်းခွဲတာကို မကျေနပ်တဲ့ ပရစ် က ယိမ်ရဲ့ ကျောင်းကို ရောက်လာပြီးနောက် ပရစ် နဲ့ ယိမ် တို့အကြားမှာ ရယ်မောစရာ အချစ်ဇာတ်လမ်းလေးတွေ ဘယ်လိုဖြစ်လာမလဲဆိုတာကို ဟာသနှောပြီး တင်ဆက်ထားပါတယ်။

လန်သွမ်ဆိုတဲ့ကောင်မလေးဟာ မသေဆုံးခင်မှာ သေတမ်းစာရေးခဲ့ပါတယ်။ အဲဒီသေတမ်းစာထဲမှာ သူသေဆုံးသွားခဲ့ရင် ခင်ပွန်းဖြစ်သူဟာ သူ့ရုပ်အလောင်းနဲ့အတူ ရက်တစ်ရာပြည့်အောင် အတူတူနေမှ လန်သွမ်ရဲ့ပိုင်ဆိုင်မှုတွေကို ရရှိမယ်ဆိုပြီး ရေးသားခဲ့ပါတယ်။

လန်သွမ် တကယ်ပဲ သေဆုံးသွားတဲ့အချိန်မှာတော့ ခင်ပွန်းဖြစ်သူ ချီတစ်ယောက် ပိုင်ဆိုင်မှုတွေ အကုန်ရဖို့အတွက် လန်သွမ်ရဲ့ရုပ်အလောင်းနဲ့အတူနေရပါတော့တယ်။ လန်သွမ်ကသာ အချစ်တွေနဲ့ သေဆုံးသွားခဲ့ပေမဲ့ ချီတစ်ယောက်ကတော့ တစ်ပင်လဲမူ တစ်ပင်ထူဆိုတဲ့အတိုင်း အချစ်သစ်ထားပါတော့တယ်။

ချီတစ်ယောက်က အငယ်လေးနဲ့အတူတူ ပျော်ချင်ပေမဲ့လည်း အရင်မိန်းမရဲ့ ပိုင်ဆိုင်မှုတွေရဖို့အတွက် အရင်မိန်းမလန်သွမ်ရဲ့ ရုပ်အလောင်းနဲ့အတူ ရွာတစ်ရွာရဲ့ အိမ်ကြီးမှာ ချီရယ် အငယ်မလေးရယ် အရင်ဇနီးရဲ့ ရုပ်အလောင်းကြီးရယ် အတူတူနေကြရာကနေ....

ရှေ့နေတစ်ယောက်ဖြစ်သူ ဂန်းထယ်ဆူကို အကြွေးနဲ့သိမ်းခံရတော့မယ့် နိုင်ငံခြားက ဝယ်ယူထားတဲ့တိရိစ္ဆာန်ရုံတစ်ခုကို ဦးစီးပေးဖို့ကုမ္ပဏီကခိုင်းစေလာပါတယ်။လွယ်တယ်ထင်ရပေမယ့် ထူးခြားတာက အဲ့တိရိစ္ဆာန်ရုံမှာ ပြစားလို့ရတဲ့ တိရိစ္ဆာန် တစ်ကောင်မှမရှိတာပါပဲ။ကျန်တဲ့ အသေးအမွှားတိရိစ္ဆာန်လေးတွေပဲ ကျန်ခဲ့ပြီး တခြား တန်ဖိုးကြီးတိရိစ္ဆာန်တွေကအကြွေးကြောင့် ရောင်းစားခံလိုက်ရတဲ့ အခြေအနေပါ။အဲ့ဒီလို ပြစားစရာတိရိစ္ဆာန်တောင်မရှိတဲ့ တိရိစ္ဆာန်ရုံကြီးကို ဂန်းထယ်ဆူကို ၃လအတွင်းဦးစီးပြီး အကြွေး သိန်းတစ်သောင်းကို JH ကဆပ်ခိုင်းထားပါတယ်။ဂန်းထယ်ဆူတစ်ယောက် တိရိစ္ဆာန်တွေမရှိတဲ့ တိရိစ္ဆာန်ရုံကိုဦးစီးပြီး အကြွေးဆပ်ဖို့ရှိသမျှအကြံထုတ်ရပါတော့ပါတယ်။ဂန်းထယ်ဆူတစ်ယောက် တိရိစ္ဆာန်ရုံကြီးကို ဘယ်လိုလည်ပတ်အောင်လုပ်မလဲ...? ဒီကားလေးနဲ့ ရယ်မောပြီးအနားယူခံစားကြည့်စေချင်ပါတယ်ဗျာ။

ဇာတ်လမ်းအကျဉ်းလေးကတော့
အနာဂတ်ကာလဖြစ်တဲ့ ၂၅၀၀လောက်မှာ အချိန်ယူထားပါတယ်။ရေခဲတောင်တွေလဲ အရည်ပျော်ပြီး ကမ္ဘာတစ်ခုလုံး ရေလွမ်းမ်ိုးခြင်းခံထားရပါပြီ ပင်လယ်ရေမျက်နှာပြင်ဟာ‌ေပပေါင်း၂သောင်း၅ထောင်ထိ ရှိနေပါတယ် လူတွေဟာလဲ ရေပေါ်မှာပဲ ကိုယ်ပိုင်တဲ ကိုယ်ပိုင်လှေများနဲ့ စားသောက်နေထိုင်ရတဲ့ အချိန်ပါ။ ထူးထူးဆန်းဆန်း အသက်ငယ်ငယ်ကောင်မလေးတစ်ယောက်ရဲ့ ကျောမှာ တက်တူးတစ်ခုပါလာပါတယ်။အဲ့တက်တူးကတော့ Dryland ဆိုတဲ့ ကမ္ဘာမြေကို သွားဖို့ မြေပုံတစ်ခုဖြစ်ပါတယ်။ ဒါကြောင့်နှစ်ပေါင်းများစွာ ရေနဲ့ပဲထိတွေ့နေရတဲ့ လူတွေဟာ Dryland ကိုရှာပုံတော်ထွက်ခဲ့ကြပါတယ်။

1995ခုနှစ်မှာဖြစ်ခဲ့တဲ့ ဇာတ်အဆင့်အတန်းပြဿနာကို အခြေခံရိုက်ကူးထားတာဖြစ်ပြီး
အဖိနှိပ်ခံလူတန်းစားနဲ့ ဖိနှိပ်သူလူတန်းစား နှစ်မျိုးကို ယှဉ်ပြရိုက်ကူးထားတဲ့ဇာတ်ကားကောင်းဖြစ်ပါတယ်

ဒီဇာတ်လမ်းထဲမှာ တစ်ရွာက တစ်ရွာကိုဖိနှိပ်ကြပုံတွေကိုတွေ့ရမှာပါ ကာနန်တို့ရွာက ဘတ်စ်ကားဂိတ်မရှိတာကြောင့် အခြားရွာကိုသွားစီးရပါတယ်

သူတို့ရွာသူတွေကို အခြားရွာသားတွေက နှောင့်ယှက်တာကြောင့် ကောလိပ်တောင်မတတ်နိုင် အလုပ်မလုပ်နိုင်ပဲ မိန်းကလေးတွေမှာ လက်လျှော့ခဲ့ရပါတယ်

အဲ့ဒီရွာမှာဘတ်စ်ကားသွားမစောင့်ချင်လို့ ရွာသားတွေခမျာ လမ်းတစ်ဝက်မှာ ကားကြုံစောင့်စီးကြရပါတယ်။

အခြားကိစ္စတွေမှာလည်း ကာနန်တို့ရွာက ဖိနှိပ်ခံရပါတယ် ဒါကို ကာနန် သည်းမခံနိုင်တော့ပါဘူး....

အကြောက်တရားကင်းမဲ့တဲ့ရွာသား ကာနန်က သူ့ရွာကလူတွေရဲ့အခွင့်အရေးအတွက် ဘယ်လိုကြိုးစားမလဲဆိုတာ....

The Monkey Goes West
1966
ကျောက်တုံးမျောက်မင်းရာဇဝင် ရုပ်ရှင်

" အနောက်အရပ်ကို စွန်းဝူခုန်းနှင့်အတူကျမ်းစာသွားယူရင်း တပည့်သုံးယောက်နှင့်ဆုံစည်းရမယ့် ဆရာတော်ထန်စန်းကိုယ်တော် "

အိန္ဒိယ အက်ရှင်ကား ခပ်ကြမ်းကြမ်း ခပ်လွင့်လွင့်မှ ကြိုက်နှစ်သက်သူတို့အတွက် မာလစ်ခ်ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။  အခုဇာတ်ကားဟာ 1980 ပြည့်နှစ်က အလာဟာဘတ် (Allahabad) လူဆိုးဂိုဏ်းကြီးရဲ့ အမိုက်စား လှုပ်ရှားမှုတွေအကြောင်း ဖော်ပြထားတာပါ။ ဒီကားကို လူကြမ်းမင်းသားချောကြီး Rajkummar Rao ကိုယ်တိုင် ပါဝင်သရုပ်ဆောင်ထားပါတယ်။

ဒီကားမှာ အိန္ဒိယရဲ့ ထုံးစံအတိုင်း လူဆိုးဂိုဏ်းနဲ့ ရဲတွေကြားထိပ်တိုက်တွေ့ပုံကို အားရပါးရခံစားကြည့်ရှုရမှာပါ။ ဒါပေမဲ့ ဆန်းတာကတော့ ဒီကားမှာ ရဲတွေဖက်က ရှူထောင့်နဲ့ ရိုက်ကူးထားတာ မဟုတ်ဘဲ လူဆိုးဂိုဏ်းခေါင်းဆောင် မာလစ်ခ် ဖက်ကနေ ရိုက်ကူးထားပါတယ်။ တစ်မြို့လုံးက ဖိန့်ဖိန့်တုန်အောင် ကြောက်ရပြီး ပါးစပ်က ပြောသမျှစကားတိုင်းဟာ ဥပဒေလို အစွမ်းထက်တဲ့ မာလစ်ခ်တစ်ယောက်ရဲ့ လောကကြီးကို စိန်ခေါ်ပုံ၊ အကွက်ကျကျ ကြိုးကိုင်ပုံတွေကလည်း တစ်မျိုးဆန်းလို့နေပါတယ်။

ဒါကြောင့် မာလစ်ခ်ရဲ့ မျှော်လင့်ချက်တွေ အိပ်မက်တွေ အထာကျကျအတွေးအခေါ်တွေနဲ့ ဘဝအလှည့်အပြောင်း ဘဝဇာတ်ခုံက ဘယ်လို ကကြိုးဆင်မလဲဆိုတာကို ကြမ်းကြမ်းရမ်းရမ်း အက်ရှင်အပြည့်နဲ့  ကြည့်ရှုခံစားလိုက်ကြပါဦး။

မိစ္ဆာကျိန်စာအမှုကို စုံထောက်ကြီးဒီးဖြေရှင်းခန်းဖြစ်ပါတယ်။ နယ်မြို့လေးတစ်မြို့မှာ ဘိုးဘေးသင်္ချိုင်းတစ်ခုကိုရွှေ့တဲ့အချိန်မှာ ကျန်းမျိုးနွယ်ဟာသတ်ခံရပြီးတော့ ကျန်းဘိုးဘေးဝိညာဉ်ဟာ လူသတ်သမားကိုလက်စားချေဖို့လိုက်တယ်လို့ကောလဟာလတွေပြန့်နေပါတယ်။

လောကမှာမတရားမှုတိုင်းဟာမျက်ကွယ်ရာမရှိလို့ယုံကြည်တဲ့စုံထောက်ကြီးဒီးဟာ ဒီထူးဆန်းတဲ့ဖြစ်ရပ်ကို အမှန်တရားအတိုင်းပေါ်အောင် စတင်ကြိုးစားဖော်ထုတ်ပါတယ်။ သဲလွန်စတွေက အစပေါ်မလိုဖြစ်လာလိုက် တစ္ဆေလက်စားချေတယ်ဆိုတဲ့ခေါင်းစဉ်အောက်မှာပျောက်သွားလိုက်နဲ့ တဝဲလည်လည်ဖြစ်နေတဲ့ ဒီထူးဆန်းတဲ့အမှုကို စုံထောက်ကြီးဒီးဖြေရှင်းဇာတ်လမ်းလေးကို အားလုံးပဲခံစားကြည့်လိုက်ပါဦး။

တလေဂူးမင်းသား မာနို့ဂျ်ချန်ဒရာရဲ့ ကျေးလက်ဇာတ်မြူးရုပ်ရှင်ကားကို တင်ဆက်ပေးလိုက်ပါတယ်။
ရမ်ခရစ်ရှ်နာဆိုတာ အတိုးတွေမတန်တဆနဲ့ငွေချေးတတ်တဲ့ အာပနာရဲ့ နောက်လိုက်တစ်ယောက်။
နောက်လိုက်ဆိုပေမဲ့ တခြားသူတွေအပေါ် စိတ်ထားကောင်းပြီး ဇာတ်ဆရာရူးရူးနေတဲ့သူ၊
ရွာရဲ့ နှစ်စဉ်ကျင်းပနေကြပွဲတော်အတွက် စင်ထိုးပြီးကပြဖျော်ဖြေဖို့ တာဝန်ယူထားပေမဲ့ သူ့စင်ပေါ်မှာ
ကမဲ့ အမျိုးသမီးဇာတ်ကောင်ကမရှိ။
ရွာထဲက အလှဆုံးမိန်းမပျိုကို စည်းရုံးပြီးကခိုင်းမယ်ဆိုတော့ သူပြေးမြင်မိတာက တစ်ဖက်သက်ချစ်ရတဲ့ ဆာဗစ်သရီ။
ဆာဗစ်သရီ့အိမ်မှာ ဝေယျ၀စ္စလုပ်တဲ့ကောင်မလေးကို စည်းရုံးပြီး ဆာဗစ်သရီပါလာဖို့အရေး
ကြိုးစားရာက ဘယ်လိုတွေ အလွဲလွဲအချော်ချော်ဖြစ်မလဲဆိုတာ ခံစားကြည့်ရှုကြပါဦး။
(ဘာသာပြန်ကတော့ B-Teamဖြစ်ပါတယ်)

ကမ်းခြေနားက စွန့်ပစ် ဟိုတယ် အဟောင်းတစ်ခုကို နက်ရော့ တစ်ယောက် ဝယ်လိုက်မိတဲ့နောက် ဗရုတ်ကျတဲ့ ဟာသ သရဲဇာတ်လမ်းတစ်ခု စတင်လာခဲ့ပါတော့တယ်...

အခွင့်အလမ်းမြင်တတ်တဲ့ နက်ရော့ ကတော့ ဇိမ်ခံ ဟိုတယ်ကြီးအဖြစ် ပြောင်းပြီး လူချမ်းသာတွေဆီက ငွေညှစ်ထုတ်ဖို့ ကြံရွယ်ခဲ့တာပေါ့..

ဒါပေမယ့် ဟိုတယ်ထဲမှာ သရဲတစ်ကောင် ခြောက်လန့်နေတယ်ဆိုတာ ဝယ်ပြီးမှပဲ သိလိုက်ရပါတယ်..
လာလီတာ ဆိုတဲ့ မူလ ပိုင်ရှင် အမျိုးသမီးက ဟိုတယ် ဝယ်သူတိုင်းကို အမျိုးမျိုး ခြောက်လန့် ရှင်းထုတ် တတ်တဲ့ အစွဲအလမ်းကြီးတဲ့ ပရလောကသား တစ်ဦး.. အဲအတွက် နက်ရော့လည်း အနယ်နယ် အရပ်ရပ်က နတ်ဆရာတွေ ဘုန်းကြီးတွေ ပင့်ပြီး ဟိုတယ်ကြီးကို သန့်စင်ဖို့ ကြိုးစားချိန်မှာ ရှင်လူနဲ့ သေလူကြားမှ တိုက်ပွဲကြီး စတင်လာတဲ့အခါ ဘာတွေဆက်ဖြစ်မလဲဆိုတာ ....

အန်ဘူးဆိုတဲ့ဘက်စ်ကားလေးကပြောပြတဲ့ဇာတ်ကြောင်းလေးပါ တောင်ပေါ် ဒေသလေးမှာ ရိုးရိုးသားသားမြေးအဘွားနှစ်ယောက်ထဲနေကြတယ်

တစ်နေ့မြေးမလေးကံဆိုးပြီး တဏှာရူးသုံးကောင်ရဲ့ ယုတ်မာမှုကိုခံလိုက်ရတယ် သူ့အဘွားကရဲတိုင်တာပေါ့

ရဲကအစကတော့ တကယ်ပဲကိုယ်ချင်းစာသလိုကြိုးစားပမ်းစားလိုက်ပေးတယ်

တရားခံဟာ လက်တလော ရွေးကောက်ပွဲနိုင်ခြေများတဲ့ အမတ်လောင်းရဲ့သားဆိုတာသိသွားတော့....

ငွေမက်ပြီး အဘွားကိုနားချပြီး အမှုပိတ်အဝေးကိုထွက်သွားဖို့ပြောပါတော့တယ်

ဘယ်အားကိုးရာမှမရှိတဲ့တောင်ပေါ်ကရိုးသားတဲ့မြေးအဘွား ဒီလိုပဲခံလိုက်ရတော့မှာလား....

တရားကိုနတ်စောင့်ပါ့မလားဆိုတာ ရှုစားကြည့်ပါဦး....

ဒီကားဟာ ပိုးစိုးပက်စက်သတ်ဖြတ်တဲ့အခန်းတွေပါတဲ့ Slasher Horror အမျိုးအစားမို့ အသက်မပြည့်သေးသူတွေနဲ့အသည်းငယ်သူတွေအတွက်မဟုတ်ဘူးလို့ပြောချင်ပါတယ် ။

ဒါရိုက်တာ၊ဇာတ်လမ်းရေးဆရာ Damien Leone က 2011 တုန်းကသူ့ရဲ့ မိနစ်၂၀စာ ဇာတ်လမ်းတို Terrifier ကို ပြန်လည်ဆန်းသစ်ရိုက်ကူးထားတာဖြစ်ပါတယ်။

အဓိကဇာတ်ကောင် Art the clown ဟာအရင်က All hallows’ eve ဇာတ်လမ်း နဲ့The 9th circle ဇာတ်လမ်းတိုတို့မှာလည်းပါဝင်ခဲ့ဖူးတဲ့ဇာတ်ကောင်ဖြစ်ပါတယ်။

တယ်ရာနဲ့ ဒေါင်းန် တို့သူငယ်ချင်းနှစ်ယောက်ဟာ ဟောလိုးဝင်းပါတီတစ်ခုကအပြန်မှာပီဇာဆိုင်ကိုသွားကြပါတယ်။

ဆိုင်ထဲဝင်သွားပြီးမကြာခင် လူပြက်ဝတ်စုံနဲ့လူတစ်ယောက်လည်း ရောက်လာပြီးတယ်ရာကိုကြက်သီးထဖွယ် မျက်တောင်မခတ်စိုက်ကြည့်နေပါတော့တယ်။

တော်တော်အရက်မူးနေတဲ့ ဒေါင်းန်ဟာ ထိုလူပြက်ကို ကျီစယ်နောက်ပြောင်ခဲ့ပြီးနောက်သူငယ်ချင်း ၂ယောက်အိမ်ပြန်ဖို့အလုပ်မှာ ကားဘီးပေါက်နေတာတွေ့လိုက်ရပါတယ်။

တယ်ရာဟာ အစ်မဖြစ်သူကိုလာခေါ်ဖို့အကူအညီတောင်းပြီးအနီးအနားကဂိုထောင်တစ်ခုထဲကိုသန့်စင်ခန်းလိုက်ရှာဖို့ဝင်သွားပါတယ်.....

ကတ်နဲ့ ဂျင်က ထိုင်​ပေမြို့​တော်မှာ​နေထိုင်ကြတဲ့ အတူ​နေချစ်သူ​​တွေပါ၊ သူတို့​နေထိုင်ရာ ထိုင်​​ပေမြို့​ကြီးမှာ အယ်ဗင်ဗိုင်းရပ်ဆိုတဲ့ တုပ်​​ကွေးပိုးတစ်မျိုး ပျံ့နှံ့​နေတဲ့အချိန်​ပါ၊ တစ်​နေ့မှာ ပညာရှင်​တွေစိုးရိမ်ခဲ့သလို ဗိုင်းရပ်ဟာ မျိုးဗီဇ​ပြောင်းသွားပြီး လူ​တွေကို ရူးနှမ်းသလိုဖြစ်သွား​စေပါတယ်၊ဒီဗိုင်းရပ်က Zombieအဖြစ်​ ​ပြောင်းလဲပစ်တာမျိုးမဟုတ်ဘဲ လူ့ဦး​နှောက်ကိုတိုက်ခိုက်ပြီး ဟိရိဩတ္တပတရားမဲ့​အောင် လုပ်ပစ်လိုက်တာမျိုးပါဆင်ခြင်တုံတရား မရှိ​​တော့တဲ့သူ​တွေက မ​​ကောင်းမှု​တွေလုပ်ရမှာ မရှက်​တော့ဘဲ လူသတ်ခြင်း၊ မုဒိန်းကျင့်ခြင်း၊ သတ်​​​​သေခြင်းလို ကိစ္စ​တွေ အကုန်လုပ်လာကြပါတယ်၊

အသက် ၅၀ အရွယ် အိမ်ထောင်ကွဲအမျိုးသားတစ်ဦးဖြစ်တဲ့ အာရှစ်(ရှ်)ဟာ အသက် ၂၆ အရွယ် အိုင်(ယ်)ရှားဆိုတဲ့ကောင်မလေးနဲ့ ချစ်ကျွမ်းဝင်သွားခဲ့ပါတယ်... ၁၄ နှစ်အသက်ကွာခြားမှုကြောင့် ပတ်ဝန်းကျင်မှာ သူတို့နှစ်ယောက်ကြား ထိုးနှက်မှုပေါင်းများစွားလည်း ရှိနေပါတယ်။

အဲ့ဒိအချိန်မှာ အာရှစ်တစ်ယောက် အိုင်(ယ်)ရှားကို သူ့မိသားစုနဲ့တွေ့ပေးဖို့ခေါ်သွားတဲ့အခါမှာတော့ … (ဒီဇာတ်ကားဟာ အကြည်ထွက်တာကြာပြီဆိုပေမယ့် စာဖိုင်အမှန်မထွက်သေးလို့ ဘာသာပြန်မရဘဲဖြစ်နေတာပါ

အနီးစပ်ဆုံးစာဖိုင်ကို နားထောင်ပြီး အမှန်ဆုံးဖြစ်အောင် ဘာသာပြန်ပေးထားပါတယ်၊ လိုအပ်ချက်တစ်စုံတစ်ရာပါရှိပါက သည်းခံပေးကြပါကုန်)

အမွှာတွေဆိုရင် စိတ်ချင်းဆက်ပြီး စိတ်တူကိုယ်တူရှိကြတာများပါတယ်။
ဒီလို စိတ်တူကိုယ်တူအမွှာတွေအများကြီးရှိတဲ့ကြားထဲကနေ
တစ်ယောက်ကဖြူစင်ပြီး နောက်တစ်ယောက်က အရိုင်းဆန်ပြီးသွေးဆာနေတဲ့
အမွှာလေးနှစ်ယောက်အကြောင်းကို တင်ဆက်ပေးချင်ပါတယ်။
မိုဟန်ဆိုတဲ့လူမှာ အမွှာလေးနှစ်ယောက်ရှိပါတယ်။
ဗီဂျေးနဲ့ ဆာဂါတဲ့။ ဒီအမွှာလေးတွေ မမွေးခင်မှာ မိခင်ဖြစ်သူဟာ စိတ္တဇစာအုပ်တွေကိုပဲ ဖတ်ချင်စိတ်ပြင်းပြနေပါတယ်။
ဒီလိုနဲ့ ဗီဂျေးနဲ့ ဆာဂါဆို့ အရွယ်နည်းနည်းရလာတော့ သူတို့ရပ်ကွက်ထဲမှာ အိမ်မွေးအကောင်လေးတွေ
နေ့တိုင်းနီးပါး သေဆုံးနေခဲ့ပြီးတော့ ဒီကိစ္စကို ကာကွယ်နိုင်ဖို့အတွက် အစောင့်တစ်ယောက်ငှားပြီး ရပ်ကွက်ကို ကင်းစောင့်ခိုင်းခဲ့ပါတယ်။
ဒီလိုနဲ့ သိလာရတာကတော့ ဒီကိစ္စတွေက မိုဟန်ရဲ့သားနှစ်ယောက်တည်းက တစ်ယောက်ရဲ့လက်ချက်ဖြစ်နေတယ်ဆိုတာပါပဲ။
ဒီလိုနဲ့ ရပ်ကွက်ကလူကြီးတွေအကြံပေးချက်အရ သားနှစ်ယောက်ကို စိတ်ကျန်းမာရေးစစ်ဆေးကြည့်လိုက်တော့..

ဆရာ Bakti ရဲ့ စာသင်နှစ် 20 သက်တမ်းတစ်လျှောက် မှာ သူတို့လေးယောက်က ပထမဦးဆုံး စာမေးပွဲကျဖူးတဲ့ ကျောင်းသားတွေဖြစ်လို့ Bakti က မကျေနပ်ဘူး။

အတန်းပြန်တက်ဖို့ သူတို့လေးယောက်တည်းကို စာပြန် သင်ရတဲ့အခါ ဆရာ Bakti က ချိန်းထားတဲ့ ည 7 နာရီ ထက် နောက်ကျပြီးမှ ရောက်လာခဲ့တယ်။
ဘယ်တော့မှ နောက်မကျတတ်တဲ့ဆရာက ထူးထူးဆန်း ဆန်း အတန်းလာတာနောက်ကျနေပေမဲ့ Amelia တို့ သူငယ်ချင်းအဖွဲ့လည်း ဆရာစာသင်တာကို ဆက် နားထောင်နေခဲ့တယ်။
ဒါပေမဲ့ ရုတ်တရက် Group chat မှာ ဆရာ Bakti အက်ဆီးဒင့်ဖြစ်ပြီး ဆုံးသွားပြီဆိုတဲ့ သတင်းတက်လာ တော့ Amelia တို့ လေးယောက်လုံး သူတို့ရှေ့မှာ ရပ်နေ တဲ့ဆရာရဲ့ မူမမှန်ထူးခြားမှုတွေကို မြင်လာပြီး အတန်း ထဲကထွက်ပြေးဖို့ ကြိုးစားကြပါတော့တယ်။