အသစ်ထွက်ရှိထားတဲ့ တေလဂူးဟော်ရာဇာတ်လမ်းကို
ပရိသတ်တို့အတွက် တင်ဆက်ပေးလိုက်ပါတယ်သရုပ်ဆောင်တွေအနေနဲ့ ဈေးအကြီးဆုံး တောင်ပိုင်းမင်းသမီးတွေထဲက
တစ်ယောက်ဖြစ်တဲ့ Tamanna Bhatia နဲ့အတူ KGF နဲ့
နာမည်ရလာတဲ့ ဗီလိန်မင်းသား Vasishta Niranjan Simha တို့ ပါဝင်ထားပါတယ်အိုဒယ်လာ အမည်ရ ရွာကလေးမှာ မင်္ဂလာဦးညမတိုင်ခင် သတို့သမီးပျိုတွေကို
အဓမ္မကျင့်သတ်ဖြတ်တဲ့ တီရူပါတီဆိုတဲ့ လူယုတ်မာတစ်ယောက်ဟာ
သူ့ရဲ့မိန်းမလက်ချက်နဲ့ ခေါင်းပြတ်ခဲ့ရပြီး ရွာသားတွေက
စံပြအနေနဲ့ သေလူကို ကြီးလေးတဲ့ အပြစ်ဒဏ်ပေးဖို့ ဆုံးဖြတ်လိုက်ကြတယ်အဲဒါကတော့ တီရူပါတီရဲ့ အလောင်းကို မကျွတ်မလွတ်စေဖို့
တစ်ရွာလုံးက အစီအရင်နဲ့မြေမြှုပ်လိုက်တာပါပဲ
အယုတ်ညံ့ဆုံးနည်းလမ်းနဲ့ မြေမြှုပ်အပြစ်ပေးခံခဲ့ရတဲ့
တီရူပါတီ ပြန်လည်လွတ်မြောက်လာပြီးနောက်မှာ
တစ်ရွာလုံးကို လက်စားချေပါတော့တယ်ဒါကို ရွာသားတွေ ဘယ်လိုအစီအရင်တွေနဲ့ အဖြေရှာကြမလဲ
စိတ်ဝင်တစား ကြည့်ရှုရမယ့် ဟော်ရာရုပ်ရှင်လေးပဲ ဖြစ်ပါတယ်

ရဲဌာနရဲ့ အတော်ဆုံးအရာရှိနဲ့ သူ့ဇနီးသည်ဟာ ပါတီပွဲကအပြန်မှာ မတော်တဆလား တမင်သက်သက်လားဆိုတာမသိတဲ့ ကားအက်စီဒန့်တစ်ခုဖြစ်ပွားခဲ့ပြီး Thayဆုံ:သွားကြပါတယ်။

ကိုယ်ဝန်နေ့စေ့လစေ့နဲ့မိခင်Thayဆုံ:သွားပေမယ့် ယုဒရာလေးကိုတော့ ဗိုက်ထဲကခွဲထုတ်ပြီးကယ်တင်နိုင်ခဲ့ပါတယ်။

မမွေးခင်ကတည်းက မိဘမဲ့ဖြစ်သွားခဲ့တဲ့ ယုဒရာလေးကိုတော့ သူ့အဖေရဲ့မိတ်ဆွေတို့က သားလေးတစ်ယောက်လိုမွေးစားခဲ့တယ်။

ယုဒရာလေးဟာ မိဘမဲ့ဖြစ်တာရော ၊ သူ့ရဲ့မွေးဖွားလာပုံတို့ကြောင့်ရော စိတ်မထိန်းနိုင်ဘဲ ရန်လိုတဲ့ ဒေါသအိုးလေးအဖြစ်ကြီးပြင်းလာခဲ့ပါတယ်။

ကျောင်းသားလေးဘဝမှာကတည်းက သူ့ရဲ့ပုတ်သင်ညိုကိုThatပစ်တဲ့ ကောင်လေးကို ပြန်Thatဖို့လုပ်တာကြောင့် ကျောင်းထုတ်ခံလိုက်ရပြီး ကြီးပြင်းလာတာနဲ့အမျှ အန္တရာယ်နဲ့ကစားရတဲ့အရသာတွေကို ခုံမင်တဲ့လူဆိုးလေးဖြစ်လာပါတော့တယ်။

အဲဒါကြောင့် သူ့မွေးစားအဖေတွေက မီးနဲ့ကစားရမှ ရင်ခုန်တတ်တဲ့သူ့ရဲ့စိတ်ဓာတ်ကို လမ်းကြောင်းမှန်ပေါ်တင်ပေးဖို့အတွက် အမျိုးသားအရာရှိလေ့ကျင့်ရေးကျောင်းကို ပို့လိုက်ပါတယ်။

အဲဒီနောက်မှာတော့ ယုဒရာတစ်ယောက် ထိပ်သီးလူဆိုးဂိုဏ်းတွေနဲ့ ဘယ်လိုအပြိုင်ကြဲမလဲ...

အခုတစ်ခါတင်ဆက်ပေးမယ့် ဇာတ်ကားလေးကတော့ ရုံတင်ငွေစုစုပေါင်း ကုဋေတစ်ရာခန့်အမြတ်ထွက်ခဲ့တဲ့
တမီလ်စကားပြော တောင်ပိုင်းအက်ရှင်ကားကောင်းလေးပါပဲ။

Hero, Amaran တို့လို အက်ရှင်ကားတွေနဲ့ အစွမ်းပြပြီးသား ဖိုက်တင်မင်းသား ဆီဗာကာသီက ဦးဆောင်ပါဝင်ထားပြီး
တက်သစ်စမင်းသမီးချောလေး ဗာဆန့်သ်က တွဲဖက်သရုပ်ဆောင်ထားပါတယ်။

တောင်ပိုင်းကား ပီပီသသ ကြမ်းတမ်းအသက်ပါတဲ့ အပစ်အခတ်အက်ရှင်ခန်းအစုံ ပါဝင်ပြီး
အဓိကဇာတ်ကောင်ကလည်း စိတ်ဝေဒနာအသေးစားလေးစွဲကပ်နေတဲ့ဇာတ်ကောင်အဖြစ် ဖော်ပြထားတော့

ဇာတ်လမ်းဇာတ်အိမ်လည်း စိတ်လှုပ်ရှားရင်ခုန်ဖွယ်ရာ ဇာတ်ကားကောင်းလေးအဖြစ် တွေ့မြင်ရမှာပါ။

အဓိကဇာတ်ကောင် ရာဂူဟာ Fregoli Delusion ဆိုတဲ့ စိတ်ဝေဒနာခံစားနေရတာပါ သူစိမ်းတွေကို
မိသားစုအရင်းလိုဖက်တွယ်တတ်ပြီး အသေခံလိုက်ကယ်ပေးချင်တဲ့ရောဂါတစ်မျိုးပါ။

ဒီလို လူစွမ်းကောင်းရောဂါပိုင်ရှင်နဲ့
အသေခံစစ်ဆင်ရေးတစ်ခု ဆင်နွှဲရမယ့် NIA အရာရှိ ပရီမန့်သ်တို့ တွေ့ဆုံကြတဲ့အခါမှာတော့…..

မစ်ရှင်ပဲအောင်မြင်သွားမလား စိတ္တဇစစ်သည်တော်ကြောင့် NIA တစ်ဖွဲ့လုံးပဲ
ကျရှုံးသွားမလားဆိုတာ ပရိသတ်ကြီးကပဲ ဆက်လက်အဖြေရှာနိုင်ဖို့ တင်ဆက်ပေးလိုက်ပါတယ်။

ရိုးရာပုံပြင်တွေထဲက နာမည်ဆိုးနဲ့ ကျော်ကြားတဲ့လမ်းကွေ့တစ်ခုကို နောက်ခံထားပြီး
ရိုက်ကူးထားတဲ့ မလေယာလမ်သည်းထိတ်ရင်ဖိုဇာတ်လမ်း။

ဆူမာသီဆိုတဲ့ အမျိုးသမီးတစ်ယောက် ကြမ္မာဆိုးနဲ့ကြုံပြီး ဆုံးပါးသွားခဲ့ရတဲ့တောထဲကလမ်းကွေ့တစ်ခု။
ညအချိန်မတော် အဲဒီလမ်းကွေ့ကို ဖြတ်သွားသူတိုင်း အသက်အန္တရာယ်ထိခိုက်မှုတွေကြုံတွေ့ခဲ့ကြတာပေါ့။

လူတွေအများကြီး သေဆုံးပြီးတဲ့နောက်တော့ အဲဒီလမ်းကွေ့ကို ညအချိန်မတော် ဘယ်သူမှမသွားရဲကြ။
သွားတဲ့သူတိုင်းလည်း အဖြေရှာမရတဲ့ ကြမ္မာဆိုးတွေနဲ့ ကြုံတွေ့ခဲ့ကြတယ်

သရဲကြောက်တတ်တဲ့ ကက်ဆက်ခွေဆိုင်ပိုင်ရှင် အာပူနဲ့သူငယ်ချင်းတစ်သိုက်တို့
နှစ်ပေါင်းများစွာကြာခဲ့တဲ့ ဆူမာသီရဲ့အတိတ်ကို ပြန်လည်တူးဆွဖို့ကြိုးစားကြချိန်မှာတော့...။

ဇနီးသည် လီလီအတွက် ရုန်းကန်လှုပ်ရှားနေတဲ့အာဂျစ် ယောက်ျားကိုချစ်တတ်လွန်းတဲ့

လီလီ သူတို့ရဲ့နှစ်ယောက်တစ်အိပ်မက်ဘဝထဲကို

ငွေကြေးပိတ်ပင်တာကြီး ရောက်လာခဲ့တယ်

ပိုက်ဆံဆို ကုန်းကောက်စရာတောင် မရှိတော့ဘဲ မွေးလာမယ့်ကလေးအတွက်

စရိတ် ဆေးရုံစရိတ် ဘာညာအတွက် အစက ပြန်စနေရတဲ့ အာဂျစ်ဟာ

အလုပ်မှာပဲ အိပ်တော့တယ်အထိ ပင်ပင်ပန်းပန်းနေရတော့တယ်

ဒီလိုနဲ့ တစ်နေ့ အာဂျစ် တစ်ယောက် ကားမှောက်ပြီးဆုံးသွားတဲ့အခါ

ကျန်ခဲ့တဲ့ လီလီတစ်ယောက် အရူးမီးဝိုင်းပြီး ဘဝကို ဘယ်လိုရုန်းကန်ရမလဲ

ဘယ်လို ဒုက္ခ တွေရောက်လာမလဲ

ဘယ်သူတွေက အားနွဲ့မိန်းမသားမို့ အနိုင့်ကျင့်မလဲ ဆိုတာကတော့ …

အချစ်မှာ သစ္စာယုံကြည်မှုမပါရင် ဘယ်လိုမှ ရှေ့ဆက်မရဘူးဆိုတာကို

သွေးပျက်စရာတွေနဲ့သရုပ်ဖော်ထားတဲ့ကားကောင်းလေးတစ်ကားပါ….

ကမ္ဘာကြီးကရွာကြီးတစ်ရွာဖြစ်သွားပြီလို့ ပြောကြသလိုမျိုးပဲ ကမ္ဘာ့နေရာစုံကလူတွေ အင်တာနက်လိုင်းရှိရုံနဲ့ တစ်ယောက်နဲ့တစ်ယောက် အလွယ်တကူ မြင်တွေ့ပြောဆိုလို့ရနေကြပြီ။

ဒါပေမဲ့ ဝေဖန်ပိုင်းခြားမှုအားနည်းသူတွေအတွက်တော့ သိပ်အန္တရာယ်ကြီးတဲ့အရာလို့ ပြောရမှာပဲ။

ဆိုရှယ်မီဒီယာမှာ ဘယ်သူဘယ်ဝါမှန်းမသိ ဟုတ်လားမဟုတ်လားမသိနဲ့ အယုံလွယ်လို့ဖြစ်ကြတဲ့ စိတ်မကောင်းစရာဖြစ်ရပ်တွေကလည်း ဒုနဲ့ဒေး။

ဒီဆာရီရုပ်ရှင်ကလည်း ဒီလိုအဖြစ်အပျက်တွေကို အခြေခံပြီးရိုက်ကူးတင်ဆက်ထားတာပေါ့။

အာရာဒရာဆိုတဲ့ ဆာရီကိုပဲ မြတ်မြတ်နိုးနိုး ဝတ်ဆင်တတ်တဲ့ကောင်မလေးက အင်စတာဂရမ်မှာ reelsတင်ရတာကိုလည်း အတော်လေးခုံမင်တတ်သူ။

ဖုန်းနဲ့မျက်နှာ ခွာကိုမခွာဘူးဆိုတဲ့သူမျိုးမို့ အိမ်ကအမေနဲ့ ရန်ဖြစ်ရတာကလည်း တကျက်ကျက်ပေါ့။

အားလပ်ရက်ခရီးထွက်နေတဲ့ ကင်မရာသမား ကစ်တူက ဆာရီလေးနဲ့ လူတွေကြားထဲမှာထင်းနေတဲ့ အာရာဒရာကို မြင်လိုက်ချိန်မှာတော့ စွဲလန်းသွားခဲ့ပါတော့တယ်။

ဒီမှာပဲ အင်စတာဂရမ်ကနေ အာရာဒရာကို ဆက်သွယ်ပြီး တွေ့ဖို့အတွက် မရမကတောင်းဆိုတဲ့အခါမှာတော့…။

သူ့ကို မွေးစားလိုက်တဲ့မိဘတွေက အရမ်းချစ်ပေးပြီး လိုချင်တာကို ဖြည့်စည်းပေးခဲ့ပါတယ်။

ဒါပေမဲ့လည်း ကံဆိုးချင်တော့ ကားအက်စီးဒန့်ဖြစ်ကာ မွေးစားမိဘနှစ်ပါးကို ဆုံးရှုံးလိုက်ရတဲ့အပြင်
သူကိုယ်တိုင်ကလည်း အကြားအာရုံကြောထိခိုက်ပြီးတော့ စကားတိုးတိုးလေးပြောတာကိုတောင် မခံနိုင်ဘဲဖြစ်ခဲ့ရပါတယ်။

ဒီအတွက်နဲ့ ကိုယ်ပိုင်သီးသန့်နေရာလေးတည်ဆောက်ပြီး နေထိုင်နေခဲ့တဲ့ သူ့အတွက် ပြဿနာတစ်ခုဖြစ်ခဲ့ရပါတယ်။

ဒါကတော့ ပိတ်ထားတာကြာပြီဖြစ်တဲ့ စက်ရုံက ပေါက်ကွဲမှုဖြစ်ပြီး လူပေါင်းများစွာ အသက်ဆုံးရှုံးလိုက်ရတာပါပဲ။

ပေါက်ကွဲမှုအတွက်နဲ့ ဝန်ကြီးတွေကို အပိုင်ပေါင်းပြီး သေဆုံးသွားသူတွေအတွက် တစ်ယောက်ကို ၁သိန်းလျှော်ကြေးပေးကာ ဒီအမှုကို ပိတ်နိုင်ဖို့လုပ်ပေမဲ့လည်း နစ်နာသူရဲ့ မိသားစုတွေက လက်မခံတဲ့အခါမှာ ………..

တစ်ဖက်မှာလည်း ဂျေဆိုတဲ့ မြှားပစ်ချန်ပီယံတစ်ယောက်ဟာ ကမ္ဘာ့ချန်ပီယံရှစ်ပြိုင်ပွဲ ဝင်မပြိုင်နိုင်ခင်မှာ စိတ်ပိုင်းဆိုင်ရာ ပြဿနာတွေကြောင့်နဲ့ ပစ်မှတ်ကို မထိနိုင်ဖြစ်နေရပါတယ်။

ဂျေကရော ဘာကြောင့် ဒီလိုတွေ ဖြစ်ရတာလဲ ……..

ဂျေနဲ့ အပေါ်မှာပြောထားတဲ့ အကြားအာရုံထိခိုက်ထားတဲ့ သူဌေးကြီးနဲ့ ဘယ်လိုတွေ ပတ်သက်နေမလဲ ……..

နောက်ကွယ်က အကြောင်းအရာတွေ ဘယ်လောက်တောင် ရှုပ်ထွေးလို့နေဦးမလဲ …….ဆိုတာကို ဆက်လက်ကြည့်ရှုပေးကြပါဦး။

ဇာတ်လမ်းအကျဥ်းကတော့ လ,ကိုဖျက်ဆီးပြီးတော့ နောက်နှစ် သုံးလပိုင်းမှာ
ကမ္ဘာကိုပါဖျက်မယ်လို့ ခြိမ်းခြောက်ထားတဲ့ရေဘဝဲလိုသတ္တဝါကြီးကိုဘယ်လိုနည်းနဲ့မှသတ်လို့မရတဲ့အဆုံးလက်လျှော့လိုက်ရတော့မယ့်အချိန်မှာအကြောင်းအရင်းတော့မပြောပေမယ့် စာအရမ်းညံ့ပြီးအပယ်ခံတွေစုနေတဲ့
အလယ်တန်းတတိယနှစ် E ခန်းရဲ့ အတန်းပိုင်ဖြစ်ခွင့်ပေးရင် အဲဒီကလေးတွေသတ်တာခံပါမယ်လို့ သဘောတူလက်ခံခဲ့ပါတယ်။

ဒီလိုနဲ့ ကလေးတွေကိုစာလည်းသင်ပေးရင်း လုပ်ကြံသတ်ဖြတ်ရေးပါသင်ပေးရင်းနဲ့
ဆရာနဲ့ သူ့တပည့်တွေကြားကသံယောဇဥ်ခိုင်မာလာပြီး နောက်ဆုံးမှာ
သူ့ကိုလုပ်ကြံနိုင်သွားမလား ဒါမှမဟုတ် မအောင်မြင်ဘဲနဲ့ မူလအစီအစဥ်အတိုင်း ကမ္ဘာကိုပဲဖျက်ဆီးမလားဆိုတာ…

အက်ရှင်ကားကောင်းတွေက ကြိုက်နှစ်သက်တဲ့ ဘောလီးဝုဒ်ပရိသတ်ကြီးအတွက်
အကြမ်းပတမ်းအသတ်အပုတ်မှာ လှည့်ကြည့်စရာမလိုအောင် တဂျိမ်းဂျိမ်းချတဲ့
ကန်နာဒါကားလေးတစ်ကားလာပါပြီ ကန်နာဒါကားတွေထုံးစံ မင်းသားနဲ့ အုပ်လိုက်
အုပ်လိုက်နဲ့မင်းသား လေပေါ်မြှောက်အောင်ထိုးပြီး သွေးတရဲရဲနဲ့ သောက်ခွက်ညိုအောင်ကျွေးတဲ့
အားရပါးရကို အဝကြည့်ရမဲ့ အက်ရှင်ကားလေးပါပဲ

ဇာတ်လမ်းလေးကတော့ မန်ဂလူရူမြို့က ကောလိပ်လေးတစ်ခုမှာ နယ်ခံကျောင်းသားတွေက
တခြားကလာပြီး အဆောင်နေတဲ့ ကျောင်းသားတွေကို အနိုင်ကျင့်နေတာကြာပါပြီ...

တစ်နေ့မှာ သူတို့က ယူဗာလို့ခေါ်တဲ့ အင်ယာကျောင်းသားတစ်ယောက်ကို
သူတို့ဆိုင်ကယ်ပါကင်မှာ ဆိုင်ကယ်လာရပ်လို့ ဆိုင်ကယ်ကို ရိုက်ခွဲလိုက်တာကစပြီး
ယူဗာနဲ့ နယ်ခံကျောင်းသားတွေ...ရန်တွေဖြစ် တွေ့တဲ့နေရာကြိတ်ကြပြီး
နယ်ခံကျောင်သားတွေတင်မက နယ်ခံလူမိုက်တွေနဲ့ပါ ဇယားတွေရှုပ်ကုန်ပါတော့တယ်...
ယူဗာနဲ့ နယ်ခံကောင်တွေ ဘယ်လိုကျွေးကြမလဲဆိုတာ ပိတ်ကားပြင်ထက်မှာ
ဆက်လက်အားပေးကြဖို့ တင်ဆက်ပေးလိုက်ပါတယ်...

ဖခင်ကြီး ကျန်းမာရေးချို့တဲ့နေပြီဆိုတဲ့
သတင်းကြောင့် နိုင်ငံခြားမှာ ပညာတော်သင်သွားနေတဲ့ လူတစ်ယောက် ကိုယ့်ရပ်ကိုယ့်မြေကို ပြန်လာတယ် ပြန်ရောက်တော့ ဖခင်ကြီးရဲ့ အသက်ကို မမီလိုက်သလို ဇာပနအခမ်းအနားကိုတောင်
ကျင်းပခွင့် မရလိုက်ဘူး. . .

သို့ပေမယ့် ကောက်ကာငင်ကာဆိုသလို ဝန်ကြီးချုပ်ရာထူးကို ဝင်ရောက်ထမ်းဆောင်ဖို့
ဖြစ်လာတယ်. . .

ပညာတတ် လူငယ်လေးဖြစ်တဲ့အပြင်ဖခင်ရဲ့ သွေးအပြည့်ပါတဲ့သူဖြစ်တာကြောင့်အလုပ်ကို ကြိုးစားတယ်မှန်ကန်တဲ့အလုပ်ကို လုပ်တယ်တည်ကြည်တယ် ဖြောင့်မတ်တယ်ရဲ့ဝံ့တယ်. . .

ဘယ်သူ့မျက်နှာကိုမှ မထောက်ဘူးပြည်သူတွေကို ချစ်တဲ့သူဖြစ်တာကြောင့်အောက်ခြေလူတန်းစားတွေနေတဲ့ ကျေးလက်ဒေသတွေအထိဆင်းပြီးရှောင်တခင် စစ်ဆေးတတ်တယ်သက်ဆိုင်ရာနယ်မြေက တာဝန်ကျ အစိုးရ အရာရှိတွေကို ပြည်သူ့အကျိုး သယ်ပိုးသူမှန်ရင် မြှောက်စားတယ်လာဘ်စားပြီး တာဝန်မကျေရင် ဖြုတ်ပစ်တယ်. . .

အဲ့ဒီလောက်အထိ ရဲရဲတောက်တဲ့ဝန်ကြီးချုပ် ဖြစ်လာတယ်. . .

လမ်းပန်းဆက်သွယ်မှု ကောင်းမွန်ရေးလမ်းတံတားပြုပြင်ရေးကျေးလက်ဒေသ စည်ပင်ဖွံ့ဖြိုးရေး
စတဲ့ လုပ်ငန်းတွေမှာ နိုင်ငံတော်ဘတ်ဂျက်ကို မျှတအောင် သုံးစွဲပြီး ရန်ပုံငွေတွေ ချပေးကာကိုယ်ထူကိုယ်ထ လုပ်စေတယ်သူက ပြည်သူကို ကိုယ့်အားကိုယ်ကိုးစေချင်တဲ့ ဒီလိုမျိုးစိတ်ဓာတ်ပိုင်ရှင် ဝန်ကြီးချုပ်ပါ.  . .

သူပြောတဲ့စကားက "စစ်မှန်တဲ့ ခေါင်းဆောင်ဆိုတာ
ခေါင်းဆောင်မလိုတဲ့ လူ့အဖွဲ့အစည်းတစ်ရပ် ဖြစ်တည်လာအောင် လမ်းပြပေးတဲ့သူပါ"တဲ့မည်သို့ပင်ဆိုစေ. . .

ပြည်သူ့အချစ်တော် ခံယူပြီးတာဝန်တွေကို ကျေပွန်အောင် လုပ်သည့်တိုင်မနာလိုတဲ့သူတွေကတော့ မနာလိုစမွဲပါပဲနေရာတကာ အကောင်းနဲ့ အဆိုး ဒွန်တွဲနေတာမို့မြေခွေးတွေကြားကို ရောက်နေတဲ့ယုန်သူငယ်လိုပဲအမဲဖျက်ဖို့ ချောင်းမြောင်းနေကြသူတွေရှိတယ်သူ့နောက်ကိုကို လိုက်ပြီး သတင်းယူနေတဲ့
ပါပါရာဇီတွေရှိတယ်. . .

လူငယ်ပီပီချစ်သူရည်းစားထားမိတာကအစအပြစ်ရှာ အပုပ်ချလိုသူတွေရှိတယ်. . .

ဒီနှစ်ပိုင်းထွက်တဲ့ ဇာတ်ကားတွေထဲဒီကားကတော့
ကျွန်တော့်အကြိုက်ဆုံး နိုင်ငံရေး အက်ရှင်ကားဖြစ်ပါတယ်

အဖြစ်အပျက်တွေကို ရိုက်ပြထားပုံကကိုယ့်နိုင်ငံရဲ့ အခြေအနေနဲ့ အတော်ကြီးကို ဆင်တူနေတယ်. . .

တစ်နည်းပြောရရင်သူတို့ရိုက်ပြသွားတဲ့ အစိုးရရဲ့လစ်ဟာမှုတွေ အကြောင်းလာဘ်စားတတ်တဲ့အစိုးရဝန်ထမ်းတွေအကြောင်းဖြစ်လေ့ဖြစ်ထရှိတဲ့ လူသဘော လူ့မနောတွေအကြောင်း ဒီလို ရိုက်ကူချက်တွေဟာ ကိုယ့်နိုင်ငံကို လက်ညှိုးထိုးပြနေသလားတောင် ထင်မိစရာပါ. . .

ကျေးလက်ဖွံ့ဖြိုးရေးအတွက်ပြည်သူတွေအရေးအတွက်လွှတ်တော်မှာ ဆွေးနွေးကြတာတွေဟတစ်ဖက်နဲ့ တစ်ဖက် အပြင်းအထန်ကို အတိုက်အခံလုပ်ပြီးအချေအတင်ဆွေးနွေးကြတာ အားရစရာပါ. . .

မြင်တွေ့နေကျအိန္ဒိယတောင်ပိုင်းကားတွေလိုဒီအတိုင်းကြီး ကြမ်းပြ ရမ်းပြမိုက်ကြေးခွဲတာထက် ဒီကားမှာတော့အကြောင်းအကျိုးနဲ့ ပြချင်တဲ့ အချက်တွေကို ရေပက်မဝင်အောင် ပြသွားတာ ဖြစ်ပာကြောင်း. . .

ကက်ရ်ှမိုရာဆိုတဲ့ လူငယ်တစ်ယောက်ဟာ အပေါင်းအပါတစ်စုနဲ့အတူ
လူတွေကို အောက်လမ်းလိုလို၊ မျက်လှည့်လိုလို ပြကွက်တွေလုပ်ပြပြီး
လိမ်လည်စားသောက်နေကြသူတွေပါ။

ဒီအချိန်မှာ သူ့ကိုချဉ်းကပ်လာသူက ယာမီနီဆိုသူ မိန်းကလေး....။

ဒီကောင်မလေးက သရဲတစ္ဆေ၊ ပရလောကအကြောင်းတွေကို စိတ်ဝင်စားဟန်ဆောင်ကာ
ကက်ရ်ှမိုရာ့ကို ချဉ်းကပ်တာဖြစ်ပြီး တကယ်တမ်း သူက ဒီကိစ္စတွေကို အယုံအကြည် မရှိလှသူပါ။
တကယ်မရှိတဲ့ ပရလောကကို ဘမ်းပြကာ၊ လူတွေရဲ့ ကြောက်စိတ်ကို အသုံးချပြီး
လိမ်လည်နေတာတွေကို ပြည်သူသိအောင် ဖွင့်ချဖို့က သူ့ ရည်ရွယ်ချက်ပေါ့။

ဒါပေမယ့် ကက်ရ်ှမိုရာဟာ ဝန်ကြီးတစ်ယောက်ရဲ့ ယုံကြည်မှုကိုရပြီး
ပိုလို့တောင် နာမည်ကြီးသွားပါသေးတယ်။
ဝန်ကြီးအိမ်ကို ဝင်ငွေခွန်ဌာနက အရာရှိတွေ လာစစ်ဆေးမယ်ဆိုတဲ့ သတင်းကြောင့်
ဝန်ကြီးဟာ သူ့ ငွေမည်းတွေကို သူ ယုံကြည်ရတဲ့ ကက်ရ်ှမိုရာ့အိမ်ဆီ ပြောင်းရွှေ့စေပါတယ်။
နဂိုကမှ လူတွေကို လိမ်စားနေတဲ့ ကက်ရ်ှမိုရာတို့ အဖွဲ့အတွက် စားရကံကြုံလို့
မုတ်ဆိတ်ကို ပျားစွဲသလိုပါပဲ။
ဝန်ကြီးငွေတွေကို မ,ပြီး ထွက်ပြေးကြတော့တာပေါ့။

နာမည်ကျော်တမီးလ်မင်းသားကြီး ကာမယ်ဟာဆန်ရဲ့ ရုံတင်ကားသစ်ကြီးကို တင်ဆက်ပေးလိုက်ပါတယ်။

ဆက်သီဗယ်ဆိုတာ မမွေးခင်ကတည်းက Thayမင်းနဲ့စစ်ခင်းလာခဲ့တဲ့သူ။

အရွယ်ရောက်လာကတည်းက သူ့ကိုယ်သူ မာဖီးယားတစ်ယောက်လို့သတ်မှတ်ပြီး Thayမင်းနဲ့စစ်ခင်းရင်း ကြမ်းခဲ့ရမ်းခဲ့တာပေါ့။

တစ်နေ့ ဂိုဏ်းအချင်းချင်းညှိနှိုင်းနေတုန်း ရဲတွေရောက်လာလို့ ထွက်ပြေးချိန်မှာ အာမာဆိုတဲ့ကလေးတစ်ယောက်ကို ခေါ်လာခဲ့တယ်။

ရဲတွေလက်ကလွတ်မြောက်သွားချိန်မှာတော့ အာမာ့ကို ခေါ်ထားပြီး အာမာအရွယ်ရောက်ချိန် နှစ်ယောက်သား လက်တွဲညီညီနဲ့ ပြိုင်ဖက်တွေကိုရှင်းရင်း တစ်စင်ထောင်ထားနိုင်ခဲ့တယ်။

တစ်ရက် လူThatမှုတစ်ခုကြောင့် ဆက်သီဗယ် ထောင်ထဲရောက်သွားချိန် ကိစ္စတွေရှုပ်ထွေးကုန်ပြီး
အာမာနဲ့ ဆက်သီဗယ်တို့ မပြေလည်ကြချိန်မှာတော့…။

ဂိုဏ်းအချင်းချင်းတိုက်ပွဲတွေ၊ မိသားစုကြားက မပြေလည်မှုတွေ ပြဿနာတွေ သံယောဇဉ်တွေကို ခံစားကြည့်ရှုကြပါဦး...

အားလုံးကို သတင်းကောင်းလေး ပေးချင်ပါတယ်။ ကျူပ်တို့ ဖက်က အာမခံနိုင်တာတစ်ခုကတော့ သတင်းကောင်းပါပဲ..ဒါက ဂျိုရှီဆေးရုံရဲ့ ကြော်ငြာ၊ နေ့စဉ် ကလေးမရတတ်တဲဟ ဇနီးမောင်နှံတို့ရဲ့ အားထားရတဲ့ နေရာ

ကလေးလိုချင်ပေမဲ့ မရတတ်ကြတဲ့ ဗာရွန်တို့ ဗတ္တရားလင်မယားမှာ ညီမနဲ့ယောက်ဖရဲ့လမ်းညွှန်ချက်ကြောင့် ဒီဆေးရုံကို ရောက်လာခဲ့ပါတယ်

အဲ့ဒီမှာပဲ ဗာရွန်တို့ လင်မယားနဲ့ ဟန်နီးတို့ လင်မယားကို တွေ့ဆုံဖို့ ဖြစ်လာပါတယ်။သူတို့က နာမည်အဖျားတွေ တူနေကြတယ်။

နှစ်တွဲလုံးက ဗတ္တရားတွေ၊ ဒီလိုနဲ့ ဆရာဝန်က ပြောလိုက်ပါတယ်။ကျူပ်တို့ရဲ့ အတွေ့အကြုံရင့်ကျက်လှတဲ့ ပညာရှင်တွေဟာ သုက်နှစ်စုံကို နာမည်တူနေတော့ ရောထွေးမိသွားပါတယ်တဲ့

ကဲ အဲ့ဒီမှာ ဇာတ်လမ်းက စပြီ။ဟန်နီးရဲ့ သုက်က ဒီးပ်တီးဆီ ရောက်သွားပြီး ဗာရွန်ရဲ့ သုက်က မိုနီကားဆီ မှားပြီး ရောက်သွားပြီလို့ သိလိုက်ရတဲ့ အခါမှာတော့

ကဲ ကိုယ့်လူတို့…. ဟာသကားကောင်း နာမည်ကြီး တစ်ကားမို့ လက်မလွတ်တမ်းကြည့်သင့်ပါတယ်ဆိုတာ မပြောလည်း သိကြမယ်မဟုတ်လား

ဒီကားမှာ ခင်ဗျားတို့တွေ ခွီလည်းခွီရမယ် မျက်ရည်လည်းကျရမယ်ဆိုတာ ရဲရဲကြီးအာမခံပါတယ်

ပေးရတဲ့အချိန်နဲ့တန်တဲ့ အိန္ဒိယကားကောင်းတစ်ကားကြည့်ချင်ရင်တော့ လက်မနှေးဘဲ အပြေးသာဒေါင်းလိုက်ကြပါတော့

🔥"အိမ်ထောင်ပြု ဘုရားတည် ဆေးမှင်ရည်စုတ်ထိုး ဤသုံးမျိုးချက်မပိုင် နောင်ပြင်ရန်ခက်သည့်အမျိုးတဲ့"

အားလုံးသိကြတဲ့အတိုင်း မိဘပေးစားသူနဲ့ယူကြရတာမျိုးဟာ အိန္ဒိယမှာယနေ့အထိတိုင်ရိုးရာတစ်ခုလိုရှိနေဆဲပါ...

ချစ်လို့ခင်လို့အိမ်ထောင်ပြုကြတာမှန်ရင်တောင် လူဆိုတာပြောင်းလဲတတ်တဲ့အမျိုးပါ...

ဇာတ်လမ်းလေးကိုနည်းနည်းပြောရရင်...

သူ့နာမည်က အမ်မူတဲ့၊ အကောင်းမြင်တတ်ပြီး ပျော်ပျော်နေတတ်တဲ့မိန်းမလှလေးတစ်ယောက်ပေါ့။

အရွယ်ရောက်လာတော့မိဘတွေ စီစဥ်ပေးတာကို လက်ခံပြီး ရာဗီဆိုတဲ့ ရဲအရာရှိတစ်ယောက်နဲ့လက်ထပ်ခဲ့တာ။

သို့ပေမယ့် ဒီအိမ်ထောင်ရေးက ဒီလောက်ကြောက်စရာကောင်းတဲ့ ငရဲဖြစ်မယ်မှန်းလည်း အမ်မူ ကြိုမတွေးနိုင်ခဲ့။

သူဒီလို မွန်းကြပ်စရာ၊ ကြောက်လန့်စရာအခြေ အနေကနေ ဘယ်လိုကြိုးစားပြီးရုန်းထွက်ခဲ့လဲဆိုတာကို အသားပေး ရိုက်ပြထားတာပါ။

အမ်မူ တကယ်ရောဒီအိမ်ထောင်ရေးကနေ ရုန်းထွက်နိုင်ခဲ့ရဲ့လား..?

မထင်မှတ်ထားတဲ့ဇာတ်အိမ်အလှည့်အပြောင်းတွေနဲ့ အမ်မူရဲ့ Character Development ကိုလည်း ရင်တမမနဲ့စောင်ကြည့်ရမှာမို့ ၂၀၂၂ ရဲ့ လက်မလွှတ်သင့်တဲ့ ရုပ်ရှင်ကောင်းလို့ ညွှန်းလိုက်ပါတယ်ဗျာ။

‌ဒီတစ်ခေါက် CM ပရိသတ်ကြီးအတွက် တင်ဆက်ပေးမှာကတော့ မင်းသားကြီး
ရီရှက်ဘ်ရှက်တီကိုယ်တိုင် ဒါရိုက်တာလုပ် သရုပ်ဆောင်ထားတဲ့
ရုံတင်ငွေအမြတ်များစွာရရှိထားတဲ့ Thriller ကားကောင်းလေး တစ်ကားဖြစ်ပါတယ်

ရဂျီးနီးကိုယ်တိုင်လည်း သူ့ဆီသွားရောက် ချီးကျူးဂုဏ်ပြုခဲ့ပါသေးတယ်

၁၆ ကု‌ဋေသုံးပြီးရိုက်ကူးခဲ့တဲ့ ဒီကားဟာ ရုံတင်ငွေကုဋေ ၄၀၀ ရရှိခဲ့သည်ထိ အောင်မြင်ခဲ့တဲ့ဇာတ်ကားပါ

ဇာတ်လမ်းအညွှန်း

ဘုရင်ခေတ်က ဘုရင်တစ်ပါးဟာ အရာရာပြီးပြည့်စုံနေပေမယ့် သူ့စိတ်နှလုံးဟာအေးချမ်းမှုမရခဲ့ဘူး ‌
စိတ်ငြိမ်းချမ်းမှုကို လိုက်ရှာရင်းရှာရင်း တမန်တော်ပန်ဂျူရီနဲ့ တွေ့ခဲ့တယ်

သို့ပေမယ့် တမန်တော်ပန်ဂျူရီဟာ ရွာတစ်ရွာကိုစောင့်ရှောက်ပြီးသားသူဖြစ်တာမို့
ဘုရင်ဟာသူ့ကို လိုချင်ရင် သူ့ရဲ့ အသံတစ်ဆုံးထိ ရွာအတွက် ‌
သတ်မှတ်ချီးမြှင့်ပေးရမယ်ဆိုပြီး အပေးအယူညှိခဲ့ကြတယ်

ဒီလိုနဲ့ ဘုရင်ကြီးဟာလည်း စိတ်အေးချမ်းမှုရရှိသွားသလို ရွာလေးဟာလည်း
ကျယ်ပြောတဲ့ သစ်တောတစ်ဆုံး တမန်တော်ရဲ့စောင့်ရှောက်မှုနဲ့ အေးချမ်းခဲ့တာပေါ့

1970 ခုနှစ်မှာ လူတစ်ယောက်က ဒီရွာလေးကို သူ့ဘိုးဘွားပိုင်မြေမို့
ပြန်ပေးပါဆိုပြီးတမန်တော်ကို ရင့်ရင့်သီးသီးပြောဆိုပြီး ပြန်တောင်းခဲ့တယ်
အဲ့ဒီနောက်တစ်ရက်မှာပဲ ထိုလူဟာ တရားရုံးလှေကားမှာ သွေးအန်ပြီးသေနေတာတွေ့ခဲ့ကြရတယ်

1990 ဇာတ်လမ်းဖြစ်တည်ရာကာလမှာလည်း နိုင်ငံတောအစိုးရပိုင်
သစ်တောကြိုးဝိုင်းဆိုပြီး ဒီတောထဲက အရာတွေအတွက်
အစိုးရဆီခွင့်ပြုချက်တောင်းရမယ်ဆိုတဲ့ အမိန့်တွေထုတ်ပြန်ခဲ့တယ်

ဇာတ်ဆောင်မင်းသားကြီးရီရှက်ဘ်ရှက်တီကတော့ တော၀က်အမဲလိုက်တတ်တဲ့ အဲဒီရွာကရှီဗာရွာသားတစ်ယောက်
သူ့အမေက တော၀က်တွေကို အမဲလိုက်တာမကြိုက်တာကြောင့် တားပေမယ့် ရှီဗာကတော့ လက်မခံပဲလိုက်မြဲလိုက်ဆဲပါပဲ
တစ်နေ့သူ တော၀က်အမဲလိုက်ပြီးတစ်ညမှာ အိမ်မက်ထဲမှာ တော၀က်တစ်ကောင်ကသူ့ကိုလိုက်နေတယ်ဆိုတဲ့ အိမ်မက်ဆိုးမက်ခဲ့ရတယ်...

တမန်တော်ပန်ဂျူရီရဲ့ စောင့်ရှောက်မှုအောက်မှာအေးချမ်းနေတဲ့သစ်တောနဲ့ ကျေးရွာလေး‌ဆီရောက်လာတဲ့ အစိုးရရဲ့အမိန့်တွေ....
ရှီဗာအလန့်တကြားနိုးထလာရတဲ့ အိမ်မက်ဆိုး...

ဒါတွေက ဘယ်လိုဆက်စပ်နေလဲ ရှုစားကြည့်ပါဦး

💥အခုမှထောင်ကလွတ်လာတဲ့ အော့တိုတစ်ယောက် လွတ်လွတ်ချင်းပဲ ကိုယ်ဝန်နေ့စေ့လစေ့နဲ့သူ့သမီးရယ်၊ ငွေမရှာနိုင်တဲ့ သားမက်တို့ကိုမြင်ပြီး သမီးမွေးဖွားစရိတ် ရအောင် ချက်ချင်းပဲလုပ်ငန်းခွင်ဝင်ဖို့ ပြင်ဆင်ရပါတော့ တယ်။သူ့အလုပ်ကတော့ ဖောက်ထွင်းဝိဇ္ဖာဖြစ်ပြီး သူနဲ့အတူ လက်တွဲညီတဲ့ လုပ်ဖော်ကိုင်ဖက်သုံးယောက်လည်းရှိပါ တယ်။ ဒီတစ်ခေါက်လက်ခံလိုက်တဲ့ထူးခြားချက် ကတော့ သူတို့တစ်ဖွဲ့လုံးလူစုံတက်စုံပါရမှာဖြစ်ပြီး မပါ ခဲ့ရင် အလုပ်ပျက်ပြီးဆိုတာပါပဲ။သူတို့ဖောက်ထွင်းရမယ့်အိမ်ကတော့ အဆင့်မြင့်အရာရှိကြီးတွေရဲ့အငယ်အနှောင်းလို့နာမည်ကျော်တဲ့ အမျိုးသမီးတစ်ယောက်ရဲ့အိမ်ဖြစ်ပြီး အဲ့ဒီအိမ်ထဲမှာရွှေ တွေအများကြီးရှိနေတယ်လို့သိထားပါတယ်။တကယ်တမ်းအိမ်ထဲကိုရောက်သွားချိန်မှာတော့အဲ့ဒီ အမျိုးသမီးဟာ သာမန်လူသားတစ်ယောက်မဟုတ်ပဲ သဘာဝလွန်စွမ်းအားတွေရှိနေတဲ့ နာမ်လောက ဘက ပုဂ္ဂိုလ် တစ်ယောက်ဖြစ်ပြီး၊ တစ်အိမ်လုံးမှာလည်း နာနာဘာဝအစောင့်အရှောက်တွေပြည့်နှက်နေတာကိုကြုံ ရတဲ့အခါမှာတော့ သူတို့တစ်သိုက်ပြေးပေါက်မှားပါ တော့တယ်။ရိုးရှင်းတဲ့ဇာတ်အိမ်ကို ဟာသနှောပြီးသွက်သွက်တင် ဆက်ထားပေမယ့် ကြမ်းရမယ့်နေရာတွေကျတော့လည်း ရှယ်ကြမ်းပါတယ်။ ဖျော်ဖြေရေး အက်ရှင်၊ဟော်ရာ ကားကောင်းတစ်ကား
ပါ