သူ့ကို မွေးစားလိုက်တဲ့မိဘတွေက အရမ်းချစ်ပေးပြီး လိုချင်တာကို ဖြည့်စည်းပေးခဲ့ပါတယ်။

ဒါပေမဲ့လည်း ကံဆိုးချင်တော့ ကားအက်စီးဒန့်ဖြစ်ကာ မွေးစားမိဘနှစ်ပါးကို ဆုံးရှုံးလိုက်ရတဲ့အပြင်
သူကိုယ်တိုင်ကလည်း အကြားအာရုံကြောထိခိုက်ပြီးတော့ စကားတိုးတိုးလေးပြောတာကိုတောင် မခံနိုင်ဘဲဖြစ်ခဲ့ရပါတယ်။

ဒီအတွက်နဲ့ ကိုယ်ပိုင်သီးသန့်နေရာလေးတည်ဆောက်ပြီး နေထိုင်နေခဲ့တဲ့ သူ့အတွက် ပြဿနာတစ်ခုဖြစ်ခဲ့ရပါတယ်။

ဒါကတော့ ပိတ်ထားတာကြာပြီဖြစ်တဲ့ စက်ရုံက ပေါက်ကွဲမှုဖြစ်ပြီး လူပေါင်းများစွာ အသက်ဆုံးရှုံးလိုက်ရတာပါပဲ။

ပေါက်ကွဲမှုအတွက်နဲ့ ဝန်ကြီးတွေကို အပိုင်ပေါင်းပြီး သေဆုံးသွားသူတွေအတွက် တစ်ယောက်ကို ၁သိန်းလျှော်ကြေးပေးကာ ဒီအမှုကို ပိတ်နိုင်ဖို့လုပ်ပေမဲ့လည်း နစ်နာသူရဲ့ မိသားစုတွေက လက်မခံတဲ့အခါမှာ ………..

တစ်ဖက်မှာလည်း ဂျေဆိုတဲ့ မြှားပစ်ချန်ပီယံတစ်ယောက်ဟာ ကမ္ဘာ့ချန်ပီယံရှစ်ပြိုင်ပွဲ ဝင်မပြိုင်နိုင်ခင်မှာ စိတ်ပိုင်းဆိုင်ရာ ပြဿနာတွေကြောင့်နဲ့ ပစ်မှတ်ကို မထိနိုင်ဖြစ်နေရပါတယ်။

ဂျေကရော ဘာကြောင့် ဒီလိုတွေ ဖြစ်ရတာလဲ ……..

ဂျေနဲ့ အပေါ်မှာပြောထားတဲ့ အကြားအာရုံထိခိုက်ထားတဲ့ သူဌေးကြီးနဲ့ ဘယ်လိုတွေ ပတ်သက်နေမလဲ ……..

နောက်ကွယ်က အကြောင်းအရာတွေ ဘယ်လောက်တောင် ရှုပ်ထွေးလို့နေဦးမလဲ …….ဆိုတာကို ဆက်လက်ကြည့်ရှုပေးကြပါဦး။

ဇာတ်လမ်းအကျဥ်းကတော့ လ,ကိုဖျက်ဆီးပြီးတော့ နောက်နှစ် သုံးလပိုင်းမှာ
ကမ္ဘာကိုပါဖျက်မယ်လို့ ခြိမ်းခြောက်ထားတဲ့ရေဘဝဲလိုသတ္တဝါကြီးကိုဘယ်လိုနည်းနဲ့မှသတ်လို့မရတဲ့အဆုံးလက်လျှော့လိုက်ရတော့မယ့်အချိန်မှာအကြောင်းအရင်းတော့မပြောပေမယ့် စာအရမ်းညံ့ပြီးအပယ်ခံတွေစုနေတဲ့
အလယ်တန်းတတိယနှစ် E ခန်းရဲ့ အတန်းပိုင်ဖြစ်ခွင့်ပေးရင် အဲဒီကလေးတွေသတ်တာခံပါမယ်လို့ သဘောတူလက်ခံခဲ့ပါတယ်။

ဒီလိုနဲ့ ကလေးတွေကိုစာလည်းသင်ပေးရင်း လုပ်ကြံသတ်ဖြတ်ရေးပါသင်ပေးရင်းနဲ့
ဆရာနဲ့ သူ့တပည့်တွေကြားကသံယောဇဥ်ခိုင်မာလာပြီး နောက်ဆုံးမှာ
သူ့ကိုလုပ်ကြံနိုင်သွားမလား ဒါမှမဟုတ် မအောင်မြင်ဘဲနဲ့ မူလအစီအစဥ်အတိုင်း ကမ္ဘာကိုပဲဖျက်ဆီးမလားဆိုတာ…

အက်ရှင်ကားကောင်းတွေက ကြိုက်နှစ်သက်တဲ့ ဘောလီးဝုဒ်ပရိသတ်ကြီးအတွက်
အကြမ်းပတမ်းအသတ်အပုတ်မှာ လှည့်ကြည့်စရာမလိုအောင် တဂျိမ်းဂျိမ်းချတဲ့
ကန်နာဒါကားလေးတစ်ကားလာပါပြီ ကန်နာဒါကားတွေထုံးစံ မင်းသားနဲ့ အုပ်လိုက်
အုပ်လိုက်နဲ့မင်းသား လေပေါ်မြှောက်အောင်ထိုးပြီး သွေးတရဲရဲနဲ့ သောက်ခွက်ညိုအောင်ကျွေးတဲ့
အားရပါးရကို အဝကြည့်ရမဲ့ အက်ရှင်ကားလေးပါပဲ

ဇာတ်လမ်းလေးကတော့ မန်ဂလူရူမြို့က ကောလိပ်လေးတစ်ခုမှာ နယ်ခံကျောင်းသားတွေက
တခြားကလာပြီး အဆောင်နေတဲ့ ကျောင်းသားတွေကို အနိုင်ကျင့်နေတာကြာပါပြီ...

တစ်နေ့မှာ သူတို့က ယူဗာလို့ခေါ်တဲ့ အင်ယာကျောင်းသားတစ်ယောက်ကို
သူတို့ဆိုင်ကယ်ပါကင်မှာ ဆိုင်ကယ်လာရပ်လို့ ဆိုင်ကယ်ကို ရိုက်ခွဲလိုက်တာကစပြီး
ယူဗာနဲ့ နယ်ခံကျောင်းသားတွေ...ရန်တွေဖြစ် တွေ့တဲ့နေရာကြိတ်ကြပြီး
နယ်ခံကျောင်သားတွေတင်မက နယ်ခံလူမိုက်တွေနဲ့ပါ ဇယားတွေရှုပ်ကုန်ပါတော့တယ်...
ယူဗာနဲ့ နယ်ခံကောင်တွေ ဘယ်လိုကျွေးကြမလဲဆိုတာ ပိတ်ကားပြင်ထက်မှာ
ဆက်လက်အားပေးကြဖို့ တင်ဆက်ပေးလိုက်ပါတယ်...

ဖခင်ကြီး ကျန်းမာရေးချို့တဲ့နေပြီဆိုတဲ့
သတင်းကြောင့် နိုင်ငံခြားမှာ ပညာတော်သင်သွားနေတဲ့ လူတစ်ယောက် ကိုယ့်ရပ်ကိုယ့်မြေကို ပြန်လာတယ် ပြန်ရောက်တော့ ဖခင်ကြီးရဲ့ အသက်ကို မမီလိုက်သလို ဇာပနအခမ်းအနားကိုတောင်
ကျင်းပခွင့် မရလိုက်ဘူး. . .

သို့ပေမယ့် ကောက်ကာငင်ကာဆိုသလို ဝန်ကြီးချုပ်ရာထူးကို ဝင်ရောက်ထမ်းဆောင်ဖို့
ဖြစ်လာတယ်. . .

ပညာတတ် လူငယ်လေးဖြစ်တဲ့အပြင်ဖခင်ရဲ့ သွေးအပြည့်ပါတဲ့သူဖြစ်တာကြောင့်အလုပ်ကို ကြိုးစားတယ်မှန်ကန်တဲ့အလုပ်ကို လုပ်တယ်တည်ကြည်တယ် ဖြောင့်မတ်တယ်ရဲ့ဝံ့တယ်. . .

ဘယ်သူ့မျက်နှာကိုမှ မထောက်ဘူးပြည်သူတွေကို ချစ်တဲ့သူဖြစ်တာကြောင့်အောက်ခြေလူတန်းစားတွေနေတဲ့ ကျေးလက်ဒေသတွေအထိဆင်းပြီးရှောင်တခင် စစ်ဆေးတတ်တယ်သက်ဆိုင်ရာနယ်မြေက တာဝန်ကျ အစိုးရ အရာရှိတွေကို ပြည်သူ့အကျိုး သယ်ပိုးသူမှန်ရင် မြှောက်စားတယ်လာဘ်စားပြီး တာဝန်မကျေရင် ဖြုတ်ပစ်တယ်. . .

အဲ့ဒီလောက်အထိ ရဲရဲတောက်တဲ့ဝန်ကြီးချုပ် ဖြစ်လာတယ်. . .

လမ်းပန်းဆက်သွယ်မှု ကောင်းမွန်ရေးလမ်းတံတားပြုပြင်ရေးကျေးလက်ဒေသ စည်ပင်ဖွံ့ဖြိုးရေး
စတဲ့ လုပ်ငန်းတွေမှာ နိုင်ငံတော်ဘတ်ဂျက်ကို မျှတအောင် သုံးစွဲပြီး ရန်ပုံငွေတွေ ချပေးကာကိုယ်ထူကိုယ်ထ လုပ်စေတယ်သူက ပြည်သူကို ကိုယ့်အားကိုယ်ကိုးစေချင်တဲ့ ဒီလိုမျိုးစိတ်ဓာတ်ပိုင်ရှင် ဝန်ကြီးချုပ်ပါ.  . .

သူပြောတဲ့စကားက "စစ်မှန်တဲ့ ခေါင်းဆောင်ဆိုတာ
ခေါင်းဆောင်မလိုတဲ့ လူ့အဖွဲ့အစည်းတစ်ရပ် ဖြစ်တည်လာအောင် လမ်းပြပေးတဲ့သူပါ"တဲ့မည်သို့ပင်ဆိုစေ. . .

ပြည်သူ့အချစ်တော် ခံယူပြီးတာဝန်တွေကို ကျေပွန်အောင် လုပ်သည့်တိုင်မနာလိုတဲ့သူတွေကတော့ မနာလိုစမွဲပါပဲနေရာတကာ အကောင်းနဲ့ အဆိုး ဒွန်တွဲနေတာမို့မြေခွေးတွေကြားကို ရောက်နေတဲ့ယုန်သူငယ်လိုပဲအမဲဖျက်ဖို့ ချောင်းမြောင်းနေကြသူတွေရှိတယ်သူ့နောက်ကိုကို လိုက်ပြီး သတင်းယူနေတဲ့
ပါပါရာဇီတွေရှိတယ်. . .

လူငယ်ပီပီချစ်သူရည်းစားထားမိတာကအစအပြစ်ရှာ အပုပ်ချလိုသူတွေရှိတယ်. . .

ဒီနှစ်ပိုင်းထွက်တဲ့ ဇာတ်ကားတွေထဲဒီကားကတော့
ကျွန်တော့်အကြိုက်ဆုံး နိုင်ငံရေး အက်ရှင်ကားဖြစ်ပါတယ်

အဖြစ်အပျက်တွေကို ရိုက်ပြထားပုံကကိုယ့်နိုင်ငံရဲ့ အခြေအနေနဲ့ အတော်ကြီးကို ဆင်တူနေတယ်. . .

တစ်နည်းပြောရရင်သူတို့ရိုက်ပြသွားတဲ့ အစိုးရရဲ့လစ်ဟာမှုတွေ အကြောင်းလာဘ်စားတတ်တဲ့အစိုးရဝန်ထမ်းတွေအကြောင်းဖြစ်လေ့ဖြစ်ထရှိတဲ့ လူသဘော လူ့မနောတွေအကြောင်း ဒီလို ရိုက်ကူချက်တွေဟာ ကိုယ့်နိုင်ငံကို လက်ညှိုးထိုးပြနေသလားတောင် ထင်မိစရာပါ. . .

ကျေးလက်ဖွံ့ဖြိုးရေးအတွက်ပြည်သူတွေအရေးအတွက်လွှတ်တော်မှာ ဆွေးနွေးကြတာတွေဟတစ်ဖက်နဲ့ တစ်ဖက် အပြင်းအထန်ကို အတိုက်အခံလုပ်ပြီးအချေအတင်ဆွေးနွေးကြတာ အားရစရာပါ. . .

မြင်တွေ့နေကျအိန္ဒိယတောင်ပိုင်းကားတွေလိုဒီအတိုင်းကြီး ကြမ်းပြ ရမ်းပြမိုက်ကြေးခွဲတာထက် ဒီကားမှာတော့အကြောင်းအကျိုးနဲ့ ပြချင်တဲ့ အချက်တွေကို ရေပက်မဝင်အောင် ပြသွားတာ ဖြစ်ပာကြောင်း. . .

ကက်ရ်ှမိုရာဆိုတဲ့ လူငယ်တစ်ယောက်ဟာ အပေါင်းအပါတစ်စုနဲ့အတူ
လူတွေကို အောက်လမ်းလိုလို၊ မျက်လှည့်လိုလို ပြကွက်တွေလုပ်ပြပြီး
လိမ်လည်စားသောက်နေကြသူတွေပါ။

ဒီအချိန်မှာ သူ့ကိုချဉ်းကပ်လာသူက ယာမီနီဆိုသူ မိန်းကလေး....။

ဒီကောင်မလေးက သရဲတစ္ဆေ၊ ပရလောကအကြောင်းတွေကို စိတ်ဝင်စားဟန်ဆောင်ကာ
ကက်ရ်ှမိုရာ့ကို ချဉ်းကပ်တာဖြစ်ပြီး တကယ်တမ်း သူက ဒီကိစ္စတွေကို အယုံအကြည် မရှိလှသူပါ။
တကယ်မရှိတဲ့ ပရလောကကို ဘမ်းပြကာ၊ လူတွေရဲ့ ကြောက်စိတ်ကို အသုံးချပြီး
လိမ်လည်နေတာတွေကို ပြည်သူသိအောင် ဖွင့်ချဖို့က သူ့ ရည်ရွယ်ချက်ပေါ့။

ဒါပေမယ့် ကက်ရ်ှမိုရာဟာ ဝန်ကြီးတစ်ယောက်ရဲ့ ယုံကြည်မှုကိုရပြီး
ပိုလို့တောင် နာမည်ကြီးသွားပါသေးတယ်။
ဝန်ကြီးအိမ်ကို ဝင်ငွေခွန်ဌာနက အရာရှိတွေ လာစစ်ဆေးမယ်ဆိုတဲ့ သတင်းကြောင့်
ဝန်ကြီးဟာ သူ့ ငွေမည်းတွေကို သူ ယုံကြည်ရတဲ့ ကက်ရ်ှမိုရာ့အိမ်ဆီ ပြောင်းရွှေ့စေပါတယ်။
နဂိုကမှ လူတွေကို လိမ်စားနေတဲ့ ကက်ရ်ှမိုရာတို့ အဖွဲ့အတွက် စားရကံကြုံလို့
မုတ်ဆိတ်ကို ပျားစွဲသလိုပါပဲ။
ဝန်ကြီးငွေတွေကို မ,ပြီး ထွက်ပြေးကြတော့တာပေါ့။

နာမည်ကျော်တမီးလ်မင်းသားကြီး ကာမယ်ဟာဆန်ရဲ့ ရုံတင်ကားသစ်ကြီးကို တင်ဆက်ပေးလိုက်ပါတယ်။

ဆက်သီဗယ်ဆိုတာ မမွေးခင်ကတည်းက Thayမင်းနဲ့စစ်ခင်းလာခဲ့တဲ့သူ။

အရွယ်ရောက်လာကတည်းက သူ့ကိုယ်သူ မာဖီးယားတစ်ယောက်လို့သတ်မှတ်ပြီး Thayမင်းနဲ့စစ်ခင်းရင်း ကြမ်းခဲ့ရမ်းခဲ့တာပေါ့။

တစ်နေ့ ဂိုဏ်းအချင်းချင်းညှိနှိုင်းနေတုန်း ရဲတွေရောက်လာလို့ ထွက်ပြေးချိန်မှာ အာမာဆိုတဲ့ကလေးတစ်ယောက်ကို ခေါ်လာခဲ့တယ်။

ရဲတွေလက်ကလွတ်မြောက်သွားချိန်မှာတော့ အာမာ့ကို ခေါ်ထားပြီး အာမာအရွယ်ရောက်ချိန် နှစ်ယောက်သား လက်တွဲညီညီနဲ့ ပြိုင်ဖက်တွေကိုရှင်းရင်း တစ်စင်ထောင်ထားနိုင်ခဲ့တယ်။

တစ်ရက် လူThatမှုတစ်ခုကြောင့် ဆက်သီဗယ် ထောင်ထဲရောက်သွားချိန် ကိစ္စတွေရှုပ်ထွေးကုန်ပြီး
အာမာနဲ့ ဆက်သီဗယ်တို့ မပြေလည်ကြချိန်မှာတော့…။

ဂိုဏ်းအချင်းချင်းတိုက်ပွဲတွေ၊ မိသားစုကြားက မပြေလည်မှုတွေ ပြဿနာတွေ သံယောဇဉ်တွေကို ခံစားကြည့်ရှုကြပါဦး...

အားလုံးကို သတင်းကောင်းလေး ပေးချင်ပါတယ်။ ကျူပ်တို့ ဖက်က အာမခံနိုင်တာတစ်ခုကတော့ သတင်းကောင်းပါပဲ..ဒါက ဂျိုရှီဆေးရုံရဲ့ ကြော်ငြာ၊ နေ့စဉ် ကလေးမရတတ်တဲဟ ဇနီးမောင်နှံတို့ရဲ့ အားထားရတဲ့ နေရာ

ကလေးလိုချင်ပေမဲ့ မရတတ်ကြတဲ့ ဗာရွန်တို့ ဗတ္တရားလင်မယားမှာ ညီမနဲ့ယောက်ဖရဲ့လမ်းညွှန်ချက်ကြောင့် ဒီဆေးရုံကို ရောက်လာခဲ့ပါတယ်

အဲ့ဒီမှာပဲ ဗာရွန်တို့ လင်မယားနဲ့ ဟန်နီးတို့ လင်မယားကို တွေ့ဆုံဖို့ ဖြစ်လာပါတယ်။သူတို့က နာမည်အဖျားတွေ တူနေကြတယ်။

နှစ်တွဲလုံးက ဗတ္တရားတွေ၊ ဒီလိုနဲ့ ဆရာဝန်က ပြောလိုက်ပါတယ်။ကျူပ်တို့ရဲ့ အတွေ့အကြုံရင့်ကျက်လှတဲ့ ပညာရှင်တွေဟာ သုက်နှစ်စုံကို နာမည်တူနေတော့ ရောထွေးမိသွားပါတယ်တဲ့

ကဲ အဲ့ဒီမှာ ဇာတ်လမ်းက စပြီ။ဟန်နီးရဲ့ သုက်က ဒီးပ်တီးဆီ ရောက်သွားပြီး ဗာရွန်ရဲ့ သုက်က မိုနီကားဆီ မှားပြီး ရောက်သွားပြီလို့ သိလိုက်ရတဲ့ အခါမှာတော့

ကဲ ကိုယ့်လူတို့…. ဟာသကားကောင်း နာမည်ကြီး တစ်ကားမို့ လက်မလွတ်တမ်းကြည့်သင့်ပါတယ်ဆိုတာ မပြောလည်း သိကြမယ်မဟုတ်လား

ဒီကားမှာ ခင်ဗျားတို့တွေ ခွီလည်းခွီရမယ် မျက်ရည်လည်းကျရမယ်ဆိုတာ ရဲရဲကြီးအာမခံပါတယ်

ပေးရတဲ့အချိန်နဲ့တန်တဲ့ အိန္ဒိယကားကောင်းတစ်ကားကြည့်ချင်ရင်တော့ လက်မနှေးဘဲ အပြေးသာဒေါင်းလိုက်ကြပါတော့

🔥"အိမ်ထောင်ပြု ဘုရားတည် ဆေးမှင်ရည်စုတ်ထိုး ဤသုံးမျိုးချက်မပိုင် နောင်ပြင်ရန်ခက်သည့်အမျိုးတဲ့"

အားလုံးသိကြတဲ့အတိုင်း မိဘပေးစားသူနဲ့ယူကြရတာမျိုးဟာ အိန္ဒိယမှာယနေ့အထိတိုင်ရိုးရာတစ်ခုလိုရှိနေဆဲပါ...

ချစ်လို့ခင်လို့အိမ်ထောင်ပြုကြတာမှန်ရင်တောင် လူဆိုတာပြောင်းလဲတတ်တဲ့အမျိုးပါ...

ဇာတ်လမ်းလေးကိုနည်းနည်းပြောရရင်...

သူ့နာမည်က အမ်မူတဲ့၊ အကောင်းမြင်တတ်ပြီး ပျော်ပျော်နေတတ်တဲ့မိန်းမလှလေးတစ်ယောက်ပေါ့။

အရွယ်ရောက်လာတော့မိဘတွေ စီစဥ်ပေးတာကို လက်ခံပြီး ရာဗီဆိုတဲ့ ရဲအရာရှိတစ်ယောက်နဲ့လက်ထပ်ခဲ့တာ။

သို့ပေမယ့် ဒီအိမ်ထောင်ရေးက ဒီလောက်ကြောက်စရာကောင်းတဲ့ ငရဲဖြစ်မယ်မှန်းလည်း အမ်မူ ကြိုမတွေးနိုင်ခဲ့။

သူဒီလို မွန်းကြပ်စရာ၊ ကြောက်လန့်စရာအခြေ အနေကနေ ဘယ်လိုကြိုးစားပြီးရုန်းထွက်ခဲ့လဲဆိုတာကို အသားပေး ရိုက်ပြထားတာပါ။

အမ်မူ တကယ်ရောဒီအိမ်ထောင်ရေးကနေ ရုန်းထွက်နိုင်ခဲ့ရဲ့လား..?

မထင်မှတ်ထားတဲ့ဇာတ်အိမ်အလှည့်အပြောင်းတွေနဲ့ အမ်မူရဲ့ Character Development ကိုလည်း ရင်တမမနဲ့စောင်ကြည့်ရမှာမို့ ၂၀၂၂ ရဲ့ လက်မလွှတ်သင့်တဲ့ ရုပ်ရှင်ကောင်းလို့ ညွှန်းလိုက်ပါတယ်ဗျာ။

‌ဒီတစ်ခေါက် CM ပရိသတ်ကြီးအတွက် တင်ဆက်ပေးမှာကတော့ မင်းသားကြီး
ရီရှက်ဘ်ရှက်တီကိုယ်တိုင် ဒါရိုက်တာလုပ် သရုပ်ဆောင်ထားတဲ့
ရုံတင်ငွေအမြတ်များစွာရရှိထားတဲ့ Thriller ကားကောင်းလေး တစ်ကားဖြစ်ပါတယ်

ရဂျီးနီးကိုယ်တိုင်လည်း သူ့ဆီသွားရောက် ချီးကျူးဂုဏ်ပြုခဲ့ပါသေးတယ်

၁၆ ကု‌ဋေသုံးပြီးရိုက်ကူးခဲ့တဲ့ ဒီကားဟာ ရုံတင်ငွေကုဋေ ၄၀၀ ရရှိခဲ့သည်ထိ အောင်မြင်ခဲ့တဲ့ဇာတ်ကားပါ

ဇာတ်လမ်းအညွှန်း

ဘုရင်ခေတ်က ဘုရင်တစ်ပါးဟာ အရာရာပြီးပြည့်စုံနေပေမယ့် သူ့စိတ်နှလုံးဟာအေးချမ်းမှုမရခဲ့ဘူး ‌
စိတ်ငြိမ်းချမ်းမှုကို လိုက်ရှာရင်းရှာရင်း တမန်တော်ပန်ဂျူရီနဲ့ တွေ့ခဲ့တယ်

သို့ပေမယ့် တမန်တော်ပန်ဂျူရီဟာ ရွာတစ်ရွာကိုစောင့်ရှောက်ပြီးသားသူဖြစ်တာမို့
ဘုရင်ဟာသူ့ကို လိုချင်ရင် သူ့ရဲ့ အသံတစ်ဆုံးထိ ရွာအတွက် ‌
သတ်မှတ်ချီးမြှင့်ပေးရမယ်ဆိုပြီး အပေးအယူညှိခဲ့ကြတယ်

ဒီလိုနဲ့ ဘုရင်ကြီးဟာလည်း စိတ်အေးချမ်းမှုရရှိသွားသလို ရွာလေးဟာလည်း
ကျယ်ပြောတဲ့ သစ်တောတစ်ဆုံး တမန်တော်ရဲ့စောင့်ရှောက်မှုနဲ့ အေးချမ်းခဲ့တာပေါ့

1970 ခုနှစ်မှာ လူတစ်ယောက်က ဒီရွာလေးကို သူ့ဘိုးဘွားပိုင်မြေမို့
ပြန်ပေးပါဆိုပြီးတမန်တော်ကို ရင့်ရင့်သီးသီးပြောဆိုပြီး ပြန်တောင်းခဲ့တယ်
အဲ့ဒီနောက်တစ်ရက်မှာပဲ ထိုလူဟာ တရားရုံးလှေကားမှာ သွေးအန်ပြီးသေနေတာတွေ့ခဲ့ကြရတယ်

1990 ဇာတ်လမ်းဖြစ်တည်ရာကာလမှာလည်း နိုင်ငံတောအစိုးရပိုင်
သစ်တောကြိုးဝိုင်းဆိုပြီး ဒီတောထဲက အရာတွေအတွက်
အစိုးရဆီခွင့်ပြုချက်တောင်းရမယ်ဆိုတဲ့ အမိန့်တွေထုတ်ပြန်ခဲ့တယ်

ဇာတ်ဆောင်မင်းသားကြီးရီရှက်ဘ်ရှက်တီကတော့ တော၀က်အမဲလိုက်တတ်တဲ့ အဲဒီရွာကရှီဗာရွာသားတစ်ယောက်
သူ့အမေက တော၀က်တွေကို အမဲလိုက်တာမကြိုက်တာကြောင့် တားပေမယ့် ရှီဗာကတော့ လက်မခံပဲလိုက်မြဲလိုက်ဆဲပါပဲ
တစ်နေ့သူ တော၀က်အမဲလိုက်ပြီးတစ်ညမှာ အိမ်မက်ထဲမှာ တော၀က်တစ်ကောင်ကသူ့ကိုလိုက်နေတယ်ဆိုတဲ့ အိမ်မက်ဆိုးမက်ခဲ့ရတယ်...

တမန်တော်ပန်ဂျူရီရဲ့ စောင့်ရှောက်မှုအောက်မှာအေးချမ်းနေတဲ့သစ်တောနဲ့ ကျေးရွာလေး‌ဆီရောက်လာတဲ့ အစိုးရရဲ့အမိန့်တွေ....
ရှီဗာအလန့်တကြားနိုးထလာရတဲ့ အိမ်မက်ဆိုး...

ဒါတွေက ဘယ်လိုဆက်စပ်နေလဲ ရှုစားကြည့်ပါဦး

💥အခုမှထောင်ကလွတ်လာတဲ့ အော့တိုတစ်ယောက် လွတ်လွတ်ချင်းပဲ ကိုယ်ဝန်နေ့စေ့လစေ့နဲ့သူ့သမီးရယ်၊ ငွေမရှာနိုင်တဲ့ သားမက်တို့ကိုမြင်ပြီး သမီးမွေးဖွားစရိတ် ရအောင် ချက်ချင်းပဲလုပ်ငန်းခွင်ဝင်ဖို့ ပြင်ဆင်ရပါတော့ တယ်။သူ့အလုပ်ကတော့ ဖောက်ထွင်းဝိဇ္ဖာဖြစ်ပြီး သူနဲ့အတူ လက်တွဲညီတဲ့ လုပ်ဖော်ကိုင်ဖက်သုံးယောက်လည်းရှိပါ တယ်။ ဒီတစ်ခေါက်လက်ခံလိုက်တဲ့ထူးခြားချက် ကတော့ သူတို့တစ်ဖွဲ့လုံးလူစုံတက်စုံပါရမှာဖြစ်ပြီး မပါ ခဲ့ရင် အလုပ်ပျက်ပြီးဆိုတာပါပဲ။သူတို့ဖောက်ထွင်းရမယ့်အိမ်ကတော့ အဆင့်မြင့်အရာရှိကြီးတွေရဲ့အငယ်အနှောင်းလို့နာမည်ကျော်တဲ့ အမျိုးသမီးတစ်ယောက်ရဲ့အိမ်ဖြစ်ပြီး အဲ့ဒီအိမ်ထဲမှာရွှေ တွေအများကြီးရှိနေတယ်လို့သိထားပါတယ်။တကယ်တမ်းအိမ်ထဲကိုရောက်သွားချိန်မှာတော့အဲ့ဒီ အမျိုးသမီးဟာ သာမန်လူသားတစ်ယောက်မဟုတ်ပဲ သဘာဝလွန်စွမ်းအားတွေရှိနေတဲ့ နာမ်လောက ဘက ပုဂ္ဂိုလ် တစ်ယောက်ဖြစ်ပြီး၊ တစ်အိမ်လုံးမှာလည်း နာနာဘာဝအစောင့်အရှောက်တွေပြည့်နှက်နေတာကိုကြုံ ရတဲ့အခါမှာတော့ သူတို့တစ်သိုက်ပြေးပေါက်မှားပါ တော့တယ်။ရိုးရှင်းတဲ့ဇာတ်အိမ်ကို ဟာသနှောပြီးသွက်သွက်တင် ဆက်ထားပေမယ့် ကြမ်းရမယ့်နေရာတွေကျတော့လည်း ရှယ်ကြမ်းပါတယ်။ ဖျော်ဖြေရေး အက်ရှင်၊ဟော်ရာ ကားကောင်းတစ်ကား
ပါ

ဒီဇာတ်ကားကတော့  တိုက်ဂါးရဲ့ Junglee လိုပဲ ဆင်ကားဗျ
တိုင်းပြည်ဖွံ့ဖြိုးတိုးတက်အောင်ဆိုတဲ့ အကြောင်းပြချက်နဲ့
သဘာဝပတ်ဝန်းကျင်တွေကို ဖျက်ဆီးလေ့ရှိတဲ့
ကော်ပရိတ်တွေကို အံတုမယ့်လူကတော့...
"ဘန်ဒေ့"
သူဟာ တာဇံတစ်ပိုင်း လူသားတစ်ယောက်ပေါ့ ...

တောအုပ်ကိုချစ်ခင်တယ် ...
သဘာဝကို မြတ်နိုးတယ် ...
တောရိုင်းသတ္တဝါတွေကို ကာကွယ်ပေးတယ် ...
သူထိန်းသိမ်းတဲ့နယ်မြေထဲကို ကော်ပိုရိတ်တွေက ဓါတုသန့်စင်ပစ္စည်းစက်ရုံဆောက်ဖို့ ဝင်ရောက်လာကြတယ်..

လာဘ်လာဘ မျှော်ကိုးတဲ့ ဝန်ကြီးတွေနဲ့ လက်ဝါးခြင်းရိုက်ထားတဲ့ ကော်ပိုရိတ်တွေက ရဲအင်အားသုံးပြီး တောအုပ်ကိုအပိုင်စီးဖို့ကြံတာပေါ့

ဒီတောအုပ်ဟာ ဆင်တွေရဲ့ ကျက်စားရာ ၊ ဆင်တွေရဲ့ ဘဝ ၊ ဆင်တွေရဲ့ မူလဘူတနေရာ ...

ဒါဟာ တောအုပ်ကိုစောင့်ရှောက်တဲ့ ဘန်ဒေ့ရဲ့ အရှိုက်ကို လက်သီးတစ်လုံး ပစ်သွင်းလိုက်သလိုပဲပေါ့...

ဘန်ဒေ့တစ်ယောက် ကော်ပိုရိတ်တွေကို ဘယ်လိုတုံ့ပြန် လက်စားချေပြီး တောရိုင်းတိရစ္ဆာန်တွေနဲ့ သစ်တောကြီးကို ဘယ်လိုကာကွယ်ကြမလဲ

ဇာတ်လမ်းအကျဉ်းအရ မင်းသားချောကတော့ စစ်ဗိုလ်တစ်ယောက်ပါ။
စစ်ဆင်ရေးတွေမှာလည်း ခေါင်းဆောင်ကောင်းပီသပြီး အရမ်းတော်တဲ့ စစ်သားတစ်ယောက်ပါ။ မိဘမဲ့တစ်ယောက်ဘဝနဲ့ စစ်တပ်ထဲမှာ အသက်ရင်းပြီး မိခင်မေတ္တာကို လိုချင်တောင့်တနေသူပါဒီလိုနဲ့ သူဦးဆောင်တဲ့ စစ်ဆင်ရေးတစ်ခုမှာ စစ်သားတစ်ယောက် ပြင်းပြင်းထန်ထန် ဒဏ်ရာရခဲ့ပါတယ်။ လတ်တလောမှာ အဲ့ဒီစစ်သားဟာ ဒီစစ်ဆင်ရေးပြီးရင် ညီမဖြစ်သူရဲ့ မင်္ဂလာပွဲအတွက် အိမ်ပြန်မှာပါ။ ခွင့်လည်း တောင်းထားပြီးသား ခုလိုအခြေအနေကို မိသားစုကိုအကြောင်းကြားဖို့ရာ မိသားစုတစ်ခုလုံး အခြေအနေတွေ ကမောက်ကမဖြစ်မှာစိုးလို့ တပ်ရင်းရဲ့ ကိုယ်စား စစ်သားတစ်ယောက်သွားရောက်ပြီး အေးဆေးစွာ ပြောပြနိုင်ရပါမယ်။ ဒီတာဝန်ကို တာဝန်ယူလိုက်တဲ့ သူကတော့ မင်းသားချောပါပဲ။ ကဲ သူ့ ခရီးတစ်လျှောက် ဘယ်လိုမျိုးတွေ တွေ့ကြုံရမလဲ အဲ့ဒီအိမ်ကို ရောက်သွားတဲ့အခါမှာရော သူထင်ထားသလို ဖြစ်နေမလား ဆိုတာကို ကိုယ်တိုင် ခံစားကြည့်ကြပါဦးဗျာ။

တမီးကားကိုမှ အက်ရှင်ခပ်ကြမ်းကြမ်းကြိုက်သူတွေအတွက် ဖိုက်တင်ခန်းတွေမြိုင်မြိုင်ဆိုင်ဆိုင်နဲ့​ ကြည့်ရမဲ့ကားလေးပါ

ဇာတ်လမ်းကတော့ ဂေါ်သမ်ဟာဖခင်ရဲ့ပုံသွင်းမှုကြောင့် ကြီးလာတဲ့အချိန်မှာ ကိုယ်အသာစီးရဖို့တစ်ဖက်လူကို ဘာမဆိုလုပ်မဲ့လူအဖြစ် ကြီးပြင်းလာပါတယ် ဒီလိုနဲ့တရားရုံးထိ အမှုဖွင့်ခံလိုက်ရပြီး သူထောင်ကျမကျဟာ နစ်နာသူရဲ့ သက်သေထွက်ဆိုချက်ပေါ်မူတည်နေပါတော့တယ်

ဒီလိုနဲ့သက်သေမထွက်ဆိုအောင် နစ်နာသူကောင်မလေးကို သတ်​ဖို့လူမိုက်တွေကို ခိုင်းလိုက်ချိန်မှာတော့ ဂေါ်သမ်နဲ့ဆန့်ကျင်ဘက် ​လက်ဝှေ့ထိုးပြီးအသက်မွေးတဲ့ မိဘမဲ့ကလေးတွေကိုပါတင်ကျွေးထားတဲ့ ရမ်ဘိုတစ်ယောက် မတရားမှုထဲဘယ်လိုဝင်ပါပြီး ကောင်မလေးကိုကယ်တင်မလဲဆိုတာကတော့....

ကမ္ဘာပျက်ခြင်းနဲ့ကြုံတွေ့ရတော့မယ့်အခြေအနေတစ်ခုကို
ရှောင်လွှဲနိုင်ဖို့အတွက် တစ်ကမ္ဘာလုံးကလူသားမျိုးနွယ်များပူးပေါင်းပြီး ကမ္ဘာပျက်မယ့်အန္တရာယ်ကနေ
ကယ်တင်ကြပုံအကြောင်းကိုရိုက်ကူးတင်ဆက်ထားပါတယ်
ဇာတ်လမ်းထဲမှာနေမင်းကြီးဟာ တဖြေးဖြေးအရွယ်အစားထုတည်ကြီးမားလာပြီး နောင်နှစ်ပေါင်းသုံးရာအတွင်းမှာ
ကမ္ဘာဂြိုလ်ကြီးကိုပါဝါးမြိုတော့မယ့် အခြေအနေနဲ့ရင်ဆိုင်ကြုံတွေ့ရတော့မှာပါ အဲ့အချိန်မှာလူသားအားလုံးပေါင်းစည်းပြီး
ကမ္ဘာကြီးကိုနေစကြာဝဌာအပြင်ဘက်ကိုတွန်းထုတ်သွားဖို့အတွက် ပြင်ဆင်ကြပါတော့တယ် အဲ့လိုလုပ်ဖို့အတွက်
ကမ္ဘာ့အင်ဂျင်ကြီးများလို့ခေါ်တဲ့ ဧရာမအင်ဂျင်အလုံးပေါင်း၁ဝဝဝဝကိုတည်ဆောက်ပြီး ကမ္ဘာကိုဟိုးအဝေးနေနဲ့အဝေးဆုံးကို
တွန်းပို့ခဲ့ကြတယ်…ဒါပေမယ့်တစ်နေ့မှာ ဂျူပီတာဂြိုလ်ကြီးရဲ့ဆွဲငင်အားပတ်လမ်းကြောင်းနဲ့
ကမ္ဘာဂြိုလ်ကြီးနီးကပ်သွားတဲ့အချိန်မှာတော့…ကမ္ဘာကြီးကိုဂျူပီတာဂြိုလ်ကြီးရဲ့ဆွဲအားအောက်ကနေ
ဘယ်လိုမျိုးပူးပေါင်းလုပ်ကိုင်ဆောင်ရွက်ကြမလဲဆိုတာကိုတော့…

ပရိတ်သတ်ကြီးရေ. . .
ဒီတစ်ခါတော့ Tamil (တမီးလ်)ဇာတ်ကားကောင်းလေး ဘက်ကို လှည့်ကြဦးစို့။

မနှစ်က Ratsasan ဆိုတဲ့ တမီးလ် Thrillor ကားလေးကို တစ်ချို့တွေ မှတ်မိကြဦးမယ် ထင်တယ်။
အဲ့ဒီကားလေးဟာဆိုရင် ရှေ့ဘာဆက်ဖြစ်မလဲဆိုပြီး ဖင်တကြွကြွနဲ့ ရင်ဖိုစွာ အဆုံးသတ်အထိ ကြည့် ခဲ့ရတဲ့ ဇာတ်ကားကောင်းလေးပေါ့။

ဒီလိုပါပဲ ဒီတစ်ခေါက် အသစ်စက်စက် ထွက်ရှိလာတဲ့ကားလေး နာမည်က Adanga Maru (2018)တဲ့။

Adanga Maru ဆိုတာက မြန်မာလို ပြန်ဆိုရရင် "ဘယ်တော့မှခေါင်းငုံ့မခံဘူး" ဆိုတဲ့ အဓိပ္ပာယ်ပါ။

ဒီကားရဲ့ Main Charactor ကို တာဇံမင်းသား Jayam Ravi ကပါဝင်သရုပ်ဆောင် ပေးထားတာ ဖြစ်ပါတယ်

မင်းသားကြီး Sanjay ရဲ့ ခါတိုင်း တွေ့နေကျ character တွေနဲ့ ကွဲထွက်‌နေပြီး Comedy, Horror အမျိုးအစားကိုမှ ဇာတ်လမ်းအဆုံးထိ မပျင်းရတဲ့ plot တွေနဲ့ ဖန်တီးထားတာပဲ ဖြစ်ပါတယ်။

စိန့်ဗင်းဆင့်ကောလိပ်မှာ နှစ်စဉ်နှစ်တိုင်းလုပ်နေကျရိုးရာတစ်ခုရှိပါတယ်။ နှစ်တိုင်း ချစ်သူများနေ့မှာ ကောလိပ်ထဲမှာရှိတဲ့ အပျိုစင်သစ်ပင်မှာ ဆုတောင်းတဲ့သူတိုင်း အချစ်စစ်နဲ့ ဆုံဆည်းရတယ်လို့ နာမည်ကြီးတဲ့ ရိုးရာက ကောင်းကျိုးတွေရှိသလို ဆိုးကျိုးတွေလည်း နောက်ဆကိတွဲအနေနဲ့ ဖြစ်လာတတ်ပါတယ်။ နှစ်တိုင်း အပျိုစင်သစ်ပင်ကြောင့် ကောလိပ်ကျောင်းသားတစ်ဦး အမျိုးအမည် အကြောင်းအရင်းမသိရဘဲ ကိုယ့်ကိုကိုယ်သတ်သေသွားကြတာပဲဖြစ်ပါတယ်။

နှစ်တွေကြာလာတော့ ရိုးရာကို ဆန့်ကျင်တဲ့သူတွေပေါ်ထွက်လာပြီး လူသေမှုတွေကြောင့် ကောလိပ်က ပိတ်သိမ်းရတော့မယ့် အခြေအနေအထိ ရောက်လာတဲ့အခါ ကောလိပ်ဆရာတွေက ဘာဘာ လို့ ခေါ်ကြတဲ့ ဒေါက်တာ ခရစ်ရှနာကို အကူအညီတောင်းပြီး ဖြေရှင်းရမယ့် အခြေအနေရောက်လာတဲ့အခါ ကောလိပ်ကျောင်းသားလေးတစ်ဦးဖြစ်တဲ့ ရှန်တန်နူ နဲ့ ဘာဘာ တို့ ဒီ အရှုပ်အထွေးကြီးကို ‌ဖြေရှင်းနိုင်ပါ့မလား။

အပျိုစင် သစ်ပင်ကရော ဘယ်လိုကြောင့် ဖြစ်ပေါ်လာတာလဲဆိုတာကို မြှုပ်ကွက် အပြည့်နဲ့ ရိုက်ကူးတာဖြစ်တဲ့အတွက် မျကိတောင်မခတ်တမ်း ကြည့်ရှုရမှာပဲဖြစ်ပါတယ်