رضـا الله غـايـتـي.
9.69K subscribers
2.49K photos
1.79K videos
201 files
1.09K links
دُنـيَـا تُـجَـدِدُ كُـلَّ يَـومِ غَـدْرَهَا
وَالنَّاسُ مِنهَا فِي عَنِيفِ صِرَاعِ

يَتَنازَعونَ عَلىٰ رَخِيصِ مَتَاعِها
وَغَـدًا يَـفُضُّ الـمَوْتُ كُـلَّ نِزَاعِ
Download Telegram
❞طُوبَى لِمَنْ لَمْ تَزِدْهُ الفِتَنُ إلَّا ثَبَاتًا ❝🕊️👌🏻
This media is not supported in your browser
VIEW IN TELEGRAM
أسمعي أخيه🍃

ثم أنظري في ردائك هل هو مطابق لرداء امهات المؤمنين❤

لاحول ولا قوه الا بالله علي حجاب نساء المسلمين اليوم💔
🍁 جاهد نفسك ..
ورتب أمورك على افتتاح يومك بالقرآن
وإن قل ‏سيزيد مع الأيام ،
وسيكون ثباتًا ووقاية لك ،
وسجية لا تنفك عنه عمرك كله.
‏
‏(وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ)

‏سلوا الله قلبًا يُحب #القرآن ،
يرِقُّ له ويخشع عند سماعه ،
ويشتاقُ إليه ، ويُكرّس همته لأجله ،
فوالله لهو مناط صلاح النفس ،
وسِعة الأوقات والأرزاق ، وتولّي الأكدار ،
ومآلُ السعادة في الدارين.

🍁🌱🍁🌱🍁
🌙🏮

استعد لرمضان وحسن صلاتك


🕌 الصلاة هي حياتك ، هي راحتك ، هي سعادتك ، هي قرّة عينك ، هي صِلَتك بربّك ، وعلشان كده لازم تكون محافظ عليها على أكمل وجه علشان تقرّبك من حبيبك ..

⚡️ وربنا سبحانه وتعالى شَرَع الصلاة تقريبًا في كل أمور الحياة ..
فهنلاقي عندنا صلاة التوبة وصلاة الاستخارة وصلاة العيد وصلاة الاستسقاء وصلاة الكسوف والخسوف وصلاة الجنازة وصلاة قضاء الحاجة .. وده أكبر دليل على أهمية الصلاة وتأثيرها واحتياجنا لها في كل حاجة في حياتنا ..

والنبي ﷺ كان إذا حصل له أي أمر أو فزعه في أي وقت ، لجأ إلى الصلاة ..

وإنت كمان لو تعبان أو مهموم ، قوم صلّي ..

🎗 لما تكون تايه ومش عارف تعمل إيه وتروح فين ؟؟!
أول وأهم حاجة تعملها إنك تلجأ لربك ومولاك وتقوم تصلّي وتحكيله .. حتى لو مش عارف إنت هتقول إيه بالظبط ! صدقني هترتاح جدًا وتلاقي الدنيا نوّرت ..

🏮 وفي رمضان عندك صلوات الفرائض والنوافل اللي تقدر تكون بها من السابقين إلى الله لو أقمتها حق إقامتها ..

وخد شوية النصايح دي لعلها تكون سبب في استمتاعك بالصلاة واقامتها حق اقامتها بإذن الله :

📍علشان تروح للصلاة بقلب مشتاق ، لازم تحب الصلاة، وتعرف قيمتها وأهميتها في حياتك وفضلها وثوابها عند الله، وتعظّم قدرها في قلبك ، لو عرفت قدر الصلاة وحبيتها مش هتبطل صلاة ! ،

وياريت لو تقرأ كتاب ( جــرّب تقـرّب ) هيفيدك في الموضوع ده بإذن الله ..

📍الخشوع في الصلاة هو روح الصلاة ، و الخشوع ببساطة هو إنك تلاقي في قلبك لين ورقة وهدوء ..
إن ييجي في قلبك خوف من النار وشوق للجنة ..
إن الآيات اللي بتقرأها تلامس قلبك وتحس بالحنين والقرب من ربنا ..

وطبعاً موضوع الخشوع كبير ويطول شرحه هنا ، فأنصحك بكتابي ( جنّة الدنيا ) هتلاقي فيه شرح بسيط لكيفية الخشوع ، ووسائل عملية للوصول للذَّة الخشوع في الصلاة بإذن الله ..

وعلى ما تحمّل الكتاب وتقرأه .. هذكرلك بعض النقاط اللي ممكن تساعدك على الخشوع بفضل الله وده في المرة الجايه بإذن الله
فكونوااااا معناااااا


#رمضان_فرحة_قلب
د/مصطفى ابراهيم زايد
‏ترجو النجاةَ ولم تسلك مسالكها
‏إن السفينة لا تجري على اليبسِ
جاهلٌ مُؤدَّبٌ خيرٌ من مُتعلِّمٍ وقحٍ!♕
الانسان حين يتخيل المتعة و هو مقدم على شهوة حرام فالخيال يحفزه...
لكنه لو تخيل النهاية او العقوبة لتراجع...

ألا نستحى من نظر الملكين و هم يكتبون ما نفعل !

ألا نستحى من رب الملكين و هو يرانا و نحن نعصيه !

بل و يسترنا في الدنيا ولا يظهر منا للناس الا الحسن !

اللهم اغفر لنا و اعف عنا و استرنا و ارزقنا الحياء منك في السر و العلانية.
قَبل أن تنام تكلم مع الله ،
‏أخبره بالذي كسركَ اليوم ‏اخبره بالذنوب التي وعدت أن لا تفعلها وكررتها ‏💔
أخبره أن قلبك مكسور ويحتاج لجبر وليس جابر غير الله، أخبره أنك تتألم وأن لديك أمنيات، أخبره كل شيء

#الوتر🌱
« أنا نِفسي أصلي بجد بس .. » .. أسباب كتير بقى و افتح القوس .. بُص مِ الآخر .. لازم تخرج من هنا « بتصلي » ..
تابعوااا 👇👇

🤍🤍🤍🤍🤍🤍🤍

الپوست دا هدية من ربنا ليك .. فاأنت محتاجه حتى لو بتصلي .. يلا بينا ..

🤍🤍🤍🤍🤍🤍🤍🤍🤍

1) لازم تعرف « مَن هو الله » .. هتقولي ما أنا عارف .. هقولك معرفتك بيه قليلة جدا .. شوية معلومات عامة .. و دا مش الصح .. اقرأ عن ربنا و أسمائه و صفاته و قدرته و كل حاجة .. طَب ليه ؟ ..

🤍🤍🤍🤍🤍

2) لما تعرفه أكتر .. هتحبه أكتر .. فا تحب الصلاة .. و تخلَّص الظهر و أنت مشتاق لصلاة العصر و سايب قلبك تحت عرش الرحمن .. و لما تحبه هيحبك فا يقربك منه أكتر و يخليك تدوق لذة الخشوع ..

🤍🤍🤍🤍🤍

3) لما تعرفه أكتر .. هتخاف منه أكتر .. فا تصلي برضه .. الخوف لوحده هيخليك تيأس من رحمته فا تضيع .. و الحب بس هيخليك تطمن فا تخربها ذنوب .. لازم حب و خوف سوا .. التوازن دا مهم جدا ..

🤍🤍🤍🤍🤍🤍🤍

4) يعني مثلا لما تعرف أنه يعلَم أن فرعون هيموت ع الكفر و مع ذلك بعتله رُسُل و قال : " فقولا له قولًا لَيِّنًا لعله يتذكر أو يخشى " .. و بعت له 9 آيات رغم أنه ادَّعى أنه رب و إله .. هتحس برحمته ..

🤍🤍🤍🤍🤍🤍🤍

5) و لما تعرف عقوبة فرعون في الدنيا و الآخرة و إصراره ع الكفر و قد إيه ربنا ضرب بيه مثل قوي للنموذج الظالم الكافر المستكبر .. ساعتها هتخاف على نفسك أنت كمان و تظبط الأداء .. فا تصلي ..

6) افهم يعني إيه صلاة .. معانيها .. حكمتها .. مش مجرد شوية حركات و كلام بنقوله و خلاص .. و لما تحس أنه فرضها عليك عشان بيحبك ساعتها هتصلي بقلب تاني خالص .. قلب خاشع ..

🤍🤍🤍🤍🤍🤍

7) اقرأ عن فضل الصلاة و ثوابها .. الذنوب بتسقط من على ظهرك في الركوع و السجود .. التسبيح و التكبير .. الخطوات اللي بترفع درجاتك و تزود حسناتك و تغفر سيئاتك .. فضائل كتير بقى كدا ..

8 )اقرأ عن عقوبة ترك الصلاة .. النبي قال أن ترك الصلاة كُفر .. و العذاب اللي في القبر و جهنم .. " ما سلككم في سقَر * قالوا لَم نكُ من المصلين " .. و أنت مش مستحمل حر الصيف .. فا إيه بقى ؟ ..

🤍🤍🤍🤍🤍🤍🤍🤍🤍🤍

9) طبعا فضائل الصلاة كتير جدا و العقوبات كتير برضه .. أنا بس بفتحلك سِكَك .. و أنت دوَّر و اقرأ و افهم حجم المصيبة اللي أنت فيها .. و حجم الثواب اللي بيضيع منك ع الفاضي .. ارحم نفسك ..

10) المسلسلات و الأفلام و الأغاني و الجو دا .. ذنوب بتكتف قلبك عن الصلاة و ساعات بتأخَّر الصلاة بسببها فا تضيع منك .. لازم تتوب منها .. و أي حاجة تخليك تفكِس للصلاة .. افكِسلها ..

🤍🤍🤍🤍🤍

11) لو حاسس أنك مش قادر تتوب من الذنوب دي .. الصلاة أصلا هتساعدك .. " إنَّ الصلاة تنهَىٰ عن الفحشاء و المنكر " .. فا كل ما تصلي ذنوبك تقِل .. فا تصلي أكتر و تخشع أكتر و هكذا بقى ..

12) عشان تحافظ ع الفرض و تحميه .. كَتَّر من النوافل حواليه .. مهو لما تحافظ على سُنة الظهر .. هتحافظ ع الظهر نفسه .. و أصلا لما تحب ربنا أكتر هتلاقيك بتعملها لوحدك .. أيوة بقا ..

🤍🤍🤍🤍🤍🤍

13)بالنسبة للبنات .. صلي في أول الوقت .. ما تأخريش الصلاة عشان ملبوخة في أي حاجة لأنك هتتفاجئي بصوت الأذان اللي بعدها فا تكتئبي أنتي كمان و تكسلي خالص .. و نرجع للصفر .

🤍🤍🤍🤍🤍🤍🤍🤍🤍

14) ربنا هيختبرك في الأول كتير .. صحابك في الـ PlayStation .. صاحباتِك في الجامعة .. تريقة بقى و عم الشيخ و ست الحاجَّة .. كوتشي يتسرق .. ابتلاءات هتحصل فا ما تقولش دا من الصلاة ..

🤍🤍🤍🤍🤍🤍

15) اسمع قرآن كتير .. و ركز ع الفهم .. كل ما تفهم آيات و تطبقها في حياتك كل ما إيمانك هيزيد .. فا تحافظ ع الصلاة و خشوعك يزيد .. القرآن بيغسل القلب من الذنوب .. و سيب الأغاني أرجوك ..

16) ركز ع الجنة و النار .. كل ما تقرأ عن الجنة هتحبها فا تشتاق و تصبر .. و كل ما تقرأ عن النار هتخاف فا تظبط الأداء .. ترغيب و ترهيب مع بعض .. و شوف صُحبة صالحة تشجعك .. ..
🤍🤍🤍🤍🤍🤍


17) لما ربنا يكرمك و تحافظ ع الصلاة .. ما تفرحش بنفسك و أنا جامد بقى و كدا عشان ما تقعش .. لازم تنسب الفضل لربنا .. مش شطارة منك .. أمال احنا بنقول " إياك نعبد و إياك نستعين " ليه ؟ ..

🤍🤍🤍🤍🤍🤍



18) أقترح تشوف سلسلة « كيف تتعامل مع الله ؟ » لمشاري الخراز ع الـ YouTube هتخليك تحب ربنا و تعرفه أكتر .. و شوف له كمان سلسلة « كيف تتلذذ بصلاتك ؟ » .. هو أسلوبه روعة و هادي جدا ..
🤍🤍🤍🤍🤍

19) اقرأ كتاب « أول مرة أصلي » لدكتور خالد أبو شادي .. تأملات عن تفاصيل الوضوء و الصلاة بالأحاديث .. أسلوبه سهل و جميل .. اسمع « لماذا لا تصلي » للشيخ يعقوب .. في أجيال تابوا بسببه ...
🤍🤍🤍🤍🤍🤍🤍


20) ما تقولش هبدأ أصلي من بكرة .. دا مدخل شيطان .. قوم دلوقتي .. توضأ .. و ع الصلاة
21 )معظم الحاجات دي حصلت مع ناس كتير من اللي بيصلوا لحد ما فهموا اللي فيها ة .. .. الشيطان هيفضل يزرع جواك اليأس و الضياع كل شوية .. فكك منه أنت فيك أمل .. 🤍🤍🤍🤍
النقاب

نقابك ال بتلبسيه وتحطي مكياج ع عنيكي ده مش نقاب❌
نقابك ال بيبقي الخمار مش مغطي حتي لبعد كتفك ده مش نقاب ❌
نقابك ال بتلبسيه وتحطي برفان ع اللبس ده مش نقاب + اي حد بيشم ريحتك بيطلق عليكي اسم زانيه❌
نقابك ال بتلبسيه ع لبس ديق ده مش نقاب ❌
نقابك ال بتبقي مبينه فيه نص وشك ده مش نقاب يعني بتبقي مبينه عينك وكمان شويه من خدك ده ❌
نقابك ال بتلبسيه وتبيني فيه حواجبك ده مش نقاب ❌
النقاب_عفه_وحياء_مش_عرض_ازياء 🌹
تُبصِرُ العينُ الشَّهوةَ، ويُعمَى القلبُ عَن العَواقِب… هذا حالُنا مَعَ شَهواتِنا ..
••

قبل أن تدخل فى الصلاه قف لمجرد ثوانى ذكر بها عقلك أنك ستخشع فى الفاتحه وتصلى بمحفوظ جديد وتستشعر قول سبحان ربى العظيم وتدرك بها قول سبحان ربى الأعلى
فقط نبه عقلك واجتهد فى صلاتك خلال هذه الخطوات سيحضر قلبك و ستوفق إن شاء الله
💛💐
تبدأ صلاة قيام الليل من بعد صلاة العشاء والأفضل أن تُصلى في الثلث الأخير من الليل، فإذا أوتر الإنسان في أول الليل أو في وسطه أو في آخره فقد فعل السنة، والأفضل في آخر الليل إذا تيسر ذلك، فإن لم يتيسر أوتر في أوله قبل أن ينام لقول النبي ﷺ: من خاف أن لا يقوم من آخر الليل؛ فليوتر أوله، ومن طمع أن يقوم آخر الليل؛ فليوتر آخر الليل، فإن صلاة آخر الليل مشهودة وذلك أفضل.
وقالت عائشة رضي الله عنها: "من كل الليل قد أوتر رسول الله ﷺ، أوتر من أوله ومن وسطه ومن آخره، ثم انتهى وتره إلى السحر عليه الصلاة والسلام"، يعني: في آخر حياته استقر وتره في آخر الليل، وتكون ركعتين ثم تسلم و ركعتين ثم تسلم وهكذا يصلي المسلم بنفس الطريقة كما يشاء من الركعات لقيام الليل، ثمّ يصلي الشفع والوتر، إما يصلهما لا بأس بشرط أن تكون جلسة التشهد عند السلام ولا يجلس عند الركعة الثانيه أو أن يصلي الشفع ويسلم ثمّ يوتر، وله أن يقنت، و كان عدد ركعات رسول الله ﷺ ١١ ركعه كما جاء في الحديث لمّا سُئلت عائشة رضي الله عنها( كيف كانت صلاة رسول الله صلى الله عليه وسلم في رمضان ؟ فقالت: ما كان يزيد في رمضان ولا في غيره على إحدى عشرة ركعة )
رضـا الله غـايـتـي.
🌙🏮 استعد لرمضان وحسن صلاتك 🕌 الصلاة هي حياتك ، هي راحتك ، هي سعادتك ، هي قرّة عينك ، هي صِلَتك بربّك ، وعلشان كده لازم تكون محافظ عليها على أكمل وجه علشان تقرّبك من حبيبك .. ⚡️ وربنا سبحانه وتعالى شَرَع الصلاة تقريبًا في كل أمور الحياة .. فهنلاقي عندنا…
🌙🏮

استعد لرمضان وحسن صلاتك


💫من أهم وسائل الخشوع في الصلاة إننا نزرع حب الله في قلوبنا ، لحد ما يبقى شجرة متفرعة في كل مكان في قلبك ..

ولما حُب الله يملا قلوبنا ، ساعتها هتتغير صلاتنا جذرياً !

👍🏼 ساعتها هتجري على الصلاة جري لأنك رايح لحبيبك..

🖇 ساعتها هتنتظر معاد الصلاة بالدقيقة لأنه معاد مقابلة حبيبك .. معاد اللقاء والقرب ومناجاة حبيبك ..

🔖 ساعتها هتحضّر قلبك وعقلك وتركز بكل طاقتك وتبقى حاسس بكلمة بتقولها لحبيبك وكل حركة بتعملها ..

📍 ساعتها مش هتملّ ولا هتزهق ولا هتتعب مهما طال اللقاء بينك وبينه لأن مشاعر الحب بتطغى على كل ده ..

👍🏼 ساعتها بس هتفهم ليه فيه ناس بتقف تصلِّي بالساعات يومياً وبتبقى في عالم تاني أثناء الصلاة ..

طيب .. نزرع حب ربنا في قلوبنا إزااااي ؟؟

🎯 الجواب بكل بساطة :

بإننا نعرف ربنا ..
إزاي هتحب حد متعرفهوش ؟!!
فلازم نعرف ربنا وإلهنا ومعبودنا كويس علشان نحبه ..

- نعرف نعمه وأفضاله اللي مغرّقانا وهنحبه ..

- نعرف عظمته وحكمته ولطفه وقدرته وهنحبه ..

- نتأمل في أنفسنا وفي كل شئ كبير أو صغير في الكون وهنحبه ..

- نعرف أسماءه وصفاته بالقراءة وسماع الدروس وهنحبه ..

🎧 وأنصحك بسماع سلسلة شرح أسماء الله الحسنى لد/حازم شومان ..

✋🏼 النبي ﷺ كان لما يحي وقت الصلاة ، بينسى الدنيا واللي فيها ..
كان وقتها " كأنه لا يعرف أحداً " ..

فإنت محتاج تفصِل نفسك عن كل حاجة حواليك وقتها لمدة دقايق ، علشان تقدر تدّي نفسك فرصة للخشوع..

🖇 افصل نفسك عن الكون كله من بداية ما تخرج من بيتك أو شغلك أو أي مكان إنت فيه وتتجه للمسجد 🕌

يعني وقت الصلاة اعتبر الكون كله توقف .. مفيش حاجة خلاص في الكون دلوقتي غير الصلاة .. مفيش أي حاجة تهمني علشان اشغل نفسي بها دلوقتي مهما كانت .. أنا خلاص أخدت أجازة من الدنيا وقت الصلاة ..

📌 اقطع حبل تفكيرك في الدنيا من بداية خروجك من البيت ؛ لأن اللي هتقعد تفكّر فيه وإنت في الطريق رايح تصلِّي ، هتكمّل تفكير فيه في الصلاة ، وكلنا مجرّبين !

فـ حاول تنسى الدنيا ومشاكلها وكل ما فيها الفترة دي
واشغل نفسك في الطريق للمسجد بالذكر والاستغفار ،
علشان تدخل الصلاة بقلب مُهيأ وذهن صافي ..


#رمضان_فرحة_قلب
د/مصطفى ابراهيم زايد
تشويقة أخلاقية..

ماذا عليك أن تفعل إذا ظننت بأخيك ظن سوء؟

اسمع وصية ابن قدامة المقدسي يضرب بها وجه إبليس، حتى يفكر الف مرة قبل أن يدعوك لسوء الظن:

قال ابن قدامة المقدسي:

"ومتى خطر لك خاطِر سوءٍ على مسلِم، فينبغي أن تزيد في مراعاته، وتَدعو له بالخير؛ فإنَّ ذلك يغيظ الشيطانَ ويدفعه عنك، فلا يلقي إليك خاطرَ السوء؛ خيفةً من اشتِغالك بالدعاء والمراعاة لأخيك".
°°

مَنْ اسْتعدَّ لرَمضانَ بالطَّاعَة؛ أُعِينَ عَلى مَا فيهِ منْهَا، ومَنْ قَدَّمَ بينَ يديْ رمضَان أنْواع المَعَاصٍي والمُحرَّمَات؛ فإنَّه يضَعُ عَلى قَلْبهِ ورَوحِهِ أثْقالًا تَحولُ بينَهُ وبَينَ الطَّاعَات فِي رَمضانَ.🤍
أَقِم صَلَاتِك قَبْل مَمَاتَك ||🌸