رضـا الله غـايـتـي.
9.69K subscribers
2.49K photos
1.79K videos
201 files
1.09K links
دُنـيَـا تُـجَـدِدُ كُـلَّ يَـومِ غَـدْرَهَا
وَالنَّاسُ مِنهَا فِي عَنِيفِ صِرَاعِ

يَتَنازَعونَ عَلىٰ رَخِيصِ مَتَاعِها
وَغَـدًا يَـفُضُّ الـمَوْتُ كُـلَّ نِزَاعِ
Download Telegram
الحرام قبل الفطار حرام بعد الفطار.. والحرام في رمضان حرام طول السنه .💔
This media is not supported in your browser
VIEW IN TELEGRAM
قصة حب ...قصة تضحية وطهر ....قصة مبادىء وجهاد وكفاح بشرف....

الله الله علي الوفاء والإخلاص بين الزوجين

الله الله علي السير في طريق الدعوة والجهاد سويا

مهما كانت الابتلاءات ....فاصمودا💪💪
ركز معايا في البوست ده ومجرد م تقرأه خد القرار فوراً وابتدي نفذ الخطوات .. 🌸

مبدأيا لازم نعرف إن طريق ربنا الوصول ليه مش صعب أبداً ، لكن الثبات هو اللي محتاج منك مجاهدة نفس وصبر كبير .

ندخل بقى على خطوات الإلتزام :
- أول حاجه تبدأ بيها طريقك لربنا هي " قلبك "
قال رسول الله صلى الله عليه وسلم :(ألا و إن في الجسد مضغة إذا صلحت صلح الجسد كله، وإذا فسدت فسد الجسد كله، ألا وهي القلب)
قلبك هو الأساس ، لو أصلحته هينصلح حالك بإذن الله .
فأول حاجه تعملها .. نظف قلبك بكثرة الإستغفار .
اعمل ورد إستغفار يومي ليك ، واستغفر كتير جدا ، صدقني هتلاقي قلبك إنشرح من جديد .

- تاني حاجه إبدأ عهد جديد مع الله بركعتين توبه ، إبدا من النهارده مجرد م تخلص قراءة البوست ده قوم فورا وصلي ركعتين بنية التوبه وطول جامد في السجود وابكي واتضرع لله وقوله يارب انا رجعت ليك اقبلني ، يارب انا خلاص نويت اقرب منك فأعني وثبتني .

- إبدأ بقي خدها مع نفسك واحده بواحده ..
هنبدأ بأهم عباده واول حاجه هتتسأل عنها في قبرك وهي " الصلاه " .
• فيه منكم اللي الحمد لله بيصلي ، لكن مبيحسش بمعنى الصلاه ، مبيحسش بمعني قول الرسول " أرحنا بها يا بلال " .. صلاته عباره عن حركات رياضيه بيقوم ويقعد زي الآله مش حاسس بحاجه .
فاللي هتعمله انك هتبدأ تصلح الأمر ده .. تأنّى في صلاتك ، صفي ذهنك تماما قبل الإقبال عليها ، استشعر انت واقف دلوقتي قدام مين ، قدام مالك الكون كله وخالقك .
اقرأ بهدوء واستشعر معنى كل كلمه بتقولها ، وتخيل انك في حوار متبادل بينك وبين الله عز وجل .
• الجانب الآخر : الناس اللي منقطعه عن الصلاة تماما او اللي بتصلي وتقطع .
• ‏لازم تعرف ان الصلاة أمر مينفعش التهاون بيه تماما ، دي أول حاجه هتتحاسب عليها ف قبرك .
ابدأ من النهارده اعمل جدول متابعه ليك وخدها تحدي مع نفسك .. انا الأسبوع ده مش هضيع ولا اي فرض .
وابدأ اعمل منبه ليك بميعاد كل صلاة على موبايلك ، افرش سجادة صلاة في اكتر مكان انت بتقعد فيه ومتشلهاش ، من اول م تصحى من نومك خليك ع وضوء طول اليوم ده هيشجعك .
وأهم حاجه انك متيأسش طبيعي هيجي وقت وتنقطع تاني .. لانك ف حرب مستمره مع نفسك والشيطان .
بس انت عليك بمجاهدة النفس ، مهما وقعت قوم تاني متستناش ، وخلي الآيه دي قدام عينك في كل وقت " والذين جاهدوا فينا لنهدينهم سبلنا "

= بعد فتره من المواظبه علي الصلاه ، وقت م تحس نفسك خلاص مستعد انك تضيف ليومك عبادات تانيه وروحك متعطشه لـ ده .. ابدأ ضيف لصلاتك السُنن ، واذكار الصباح والمساء ، وقيام الليل ، والفجر .

- ندخل بقى علي الخطوه التانيه ..
الصُحبه ثم الصُحبه ، زي م احنا عارفين وحافظين ان الصاحب ساحب .. يعني لو صاحبك كويس هيسحبك لطريق الخير ، ولو العكس مهما كنت كويس هتلاقي نفسك بتتجر معاه لطرق انت مش حاببها .
عشان كده لو شايف ان صحبتك مش معينه ليك على الخير او بتشجعك دايما للمعاصي ، وبتتكسف تعمل قدامهم طاعه ..
اوعا تفكر ابعد عنهم فوراً ، حتى لو هتكون لوحدك ايه المشكله .. مش أحسن م تيجي يوم القيامه وتندم !
" " ياويلتى ليتني لم أتخذ فلانا خليلا ، لقد أضلني عن الذكر بعد إذ جاءني وكان الشيطان للإنسان خذولا " 💔 !
والشيطان هنا المقصود بيها أي شخص بيضلك عن طريق ربنا ، فأحسنوا إختيار الصحبه .

- الخطوه التالته ..
الأغاني .. لازم تعرف ان مفيش قلب هتجتمع فيه حب الأغاني مع حب القرآن أبدا ، الأغاني اكثر شئ بيميت القلب ويثقله عن الطاعه ، كون انك لما تحزن او تفرح تجري تشغل اغنيه تتناسب مع مودك وتنسى ان ربنا جعلك في القرآن شفاء لروحك من كل هم وغم .. ده يعرفك قد إيه الأغاني فعلا بتلهيك عن ربنا .
وعشان الناس اللي لسه مش مقتنعه بحرمتها ، هحطلكم الأدله في الكومنتس باذن الله .
انا عارفه ان الموضوع مش سهل ، بس حاول وحاول وحاول ومتيأسش أبدا .. خد قرار فورا واحذف كل الأغاني اللي على موبايلك او اي مكان بتسمعها منه ، صلي ركعتين توبه لله منها وادعي انه يعينك ع تركها ، ابدأ نزل قرآن ع فونك لأي شيخ انت يترتاح لصوته .. وكل م تشتاق للأغاني استغفر فوراً وشغل قرآن .. وصدقني قلبك هيرتاح جدا .

- الخطوه الرابعه ..
الحجاب .. واكيد مش قصدي بالحجاب قطعة القماش اللي بتحطيها ع راسك .. لا أنا كلامي ع مظهرك اللي بتطلعي بيه للشارع ككل .
الغالبيه العظمي من البنات محجبات ولكن مفهومهم عن الحجاب خاطئ تماما .
تلاقي كل فكرتها عن الحجاب انها بس مغطيه شعرها بقطعة قماش ..
واكيد الموضوع مش كده خالص .. الحجاب له شروط معينه لازم تحققها وهي ..
١. أن يكون الحجاب ساتراً لجميع البدن ؛ لقوله تعالى : " يدنين عليهن من جلابيبهن ".
٢. أن يكون كثيفاً غير رقيق ولا شفاف ؛ لأن الغرض من الحجاب الستر ، فإذا لم يكن ساتراً لا يُسمى حجاباً.💙
٣. أن لا يكون زينة في نفسه أو مبهرجاً ذا ألوان جذابة يلفت الأنظار ؛ لقوله تعالى : " ولا يبدين زينتهن إلا ما ظهر منها " ، ومعنى : " ما ظهر منها " أي بدون قصد ولا تعمّد ، فإذا كان في ذاته زينة فلا يجوز ارتداؤه ، ولا يسمى حجاباً.💚
٤. أن يكون واسعاً غير ضيّق ، لا يشفّ عن البدن ، ولا يُجسّم العورة ، ولا يظهر أماكن الفتنة في الجسم.💛
٥. أن لا يكون معطراً فيه إثارة للرجال ؛ لقوله ﷺ : " أيما امرأة استعطرت فمرت على قوم ليجدوا ريحها فهي زانية " ...💔

انا عارفه ان الموضوع مش سهل .. لانك بتكوني خلاص اتعودتي ع نمط حياه معين ، وع شكل لبس معين اتعودتي عليه ..
بس والله الجنه تستاهل ، تستاهل انك تتركي زينة الدنيا عشانها ، وانك تتعبي شويه وتصلحي لبسك عشانها .
انت مش ضامنه عمرك اكيد .. فتخيلي انك ممكن تموتي بلبسك ده اللي ميرضيش ربنا ، طب هتقوليله ايه ساعتها ، ويا ترى هينفعك الندم ؟
خدي القرار من دلوقتي وتأكدي ربنا هيعينك ، انا مبقولكيش قومي فورا ارمي كل لبسك ويلا البسي خمار او نقاب ..
لا خالص خديها خطوه بخطوه .. لو بتلبسي ضيق وسعي شويه ، لو بتلبسي بنطلون استبدليه بجيبه ، لو طرختك قصيره طوليها شويه .. الخ

- الخطوه الخامسه ..
القرآن .. وده بينقسم ل3 حاجات :
1- قراءة
حدد لنفسك عدد معين من الصفحات تقرأه كل يوم- حتى لو هنبدأ بصفحة واحدة - اي حاجه احسن من بلاش المهم يبقى لنا صلة بالقرآن كل يوم.
2- تفسير
عندك تفسير ابن كثير و الطبري و الجلالين - بجد متعة انك تعرف شويه من اسرار القرآن و كل التفاسير دي موجودة على النت .
3- حفظ
الأحسن انك تحفظ مع حد- في مسجد او مع اصحابك او حتى مع اخواتك عشان تشجعوا بعض و يبقى في التزام .

الخطوه السادسه ..
الذكر ..الاذكار المتنوعة زي الخروج من البيت - ركوب المواصلات- دخول و خروج الحمام - بعد الاكل - اذكار الصباح و المساء هنلاقيها في كتاب صغير اسمه "حصن المسلم" بيتباع بنص جنيه قدام الجوامع و هتلاقيه على النت ..
ننقل منه الاذكار في ورق و نلونه و نعمله بطريقة ظريفة و نلزق كل ورقة في مكانها عشان نذكر ربنا في كل حاجه بنعملها - بره الحمام- على باب الشقة- جنب السرير الخ و هتلاقي نفسك بعد فترة حفظتيهم.
ده غير الاستغفار ، و الصلاة على النبي عليه الصلاة و السلام: من صلى علي صلاة صلى الله عليه بها عشرا .
خلي ف ايدك خاتم تسبيح وف اي مكان واي وقت اشغل لسانك بالذكر .
ومتنساش الترديد ورا المؤذن عند كل صلاة .

- الخطوه السابعه ..
- ‏المعاملات .. و دي ناس كتير بتنساها و بتختصر الدين في الصلاة و الصوم بس للأسف .
ساعد غيرك :
تعين الرجل في دابته فتحمله عليها أو ترفع له عليها متاعه ، صدقة .
وإرشادك الرجل في أرض الضلال لك صدقة
وبصرك للرجل الرديء البصر لك صدقة
وإفراغك من دلوك في دلو أخيك لك صدقة
و قيس على ذلك كثير .

خلي لسانك لطيف : الكلمة الطيبة صدقة
اجبر بخاطر اللي حواليك دايما بكلمه طيبه .

لو ماشي لقيت ازاز مكسر او قشرة موز شوطها جنب الرصيف: فإماطه الأذى عن الطريق صدقة .
ابتسم في وش الناس و خصوصاً الأهل : تبسمك في وجه أخيك صدقة .

اعمل الخير : كل معروف صدقة
اعطف على الحيوانات و العصافير: في كل ذات كبد رطبة أجر
في حاجات كتير صغيرة ممكن نعملها و ناخد بيها ثواب عظيم .

- الخطوه الثامنه ..
اللسان: بلاش زعيق - فرمل نفسك قبل ما تشتم - فكر قبل ما تنطق عشان ما تجرحش حد - خلي لسانك طيب - بلاش غيبة و نميمة.
ما تخليهوش سبب في دخولك النار
زي ما قال الرسول عليه الصلاة و السلام :وهل يكب الناس في النار على وجوههم ، أو على مناخرهم ، إلا حصائد ألسنتهم .

الخطوه الأخيره ..
طهر روحك وقلبك من كل شعور سئ .. من حسد او غيره او حقد وغيره ..
ارضي بما قسمه الله لك تكن اغنى الناس ، حب الخير لغيرك وافرحلهم .. خلي روحك نقيه وجميله كما فطرها الله 💛"!

الحقيقه هما دول اللي جوم في بالي حاليا .. لكن كل واحد فينا أدرى بنفسه ، وعارف ازاي فعلا يصلحها .. طريق الخير ملهوش نهايه ، فخلي همك دايما إصلاح قلبك ونفسك ونشر الخير والسعاده في الأرض 🌸
لا تنس أن تُلح بـ " اللهم اهدِ لي قلبي"..
فإنه والله لو هُدِي قلبك هان عليك كل شيء

اللهم هداية لقلبي 🤲وقلوبكم جميعًا..
🌸ياغـالــية🌸

💎لا تنسي إحتساب نية أن ربنا جعلك سببا في قوت إسرتك لكي يستطيعوا يعبدوا الله عز وجل في ميزان حسناتك أنتِ.

💎لا تنسي إحتساب نية أن من فطر صائما كان له مثل أجره.


💎لا تنسي إحتساب نية رضا رب العالمين عنك في اعداد الطعام وترويق البيت..


فلما الحزن ياغاليه⁉️

هذه هى وضيفتك كأمرأة

فلا تسني إحتساب هذه النوايا والأجور👍🏻


وفي الوقت هذا أستغلي لسانك في الذكر والتحميد والتهليل والتكبير والصلاة على النبي ﷺ وسماع القران..

في الدقيقه الواحده الأجور فيها أضعاف مضاعفه في شهر رمضان.
💎🌸
دخل رمضان:
أحدهم اعتّزل الأغاني والمسلسلات ...
وإحداهن ارتدت الفضفاض ومنهم بدأ يُصلي ويكُف عن الذنوب..

جميل أن نُعظم هذا الشهر المُبارك ونُدرك خطورة أن نعصي اللّه فيه..

استمروا بطاعة اللّه واتباع أوامره في رمضان وبعد رمضان..

اثبتوا على ما أنتم فيه..
ولا يُغرنكُم الشيطان.
رَبُّ رمضان هو ربُّ سائر الشهور.

_منقول🌧️_
Media is too big
VIEW IN TELEGRAM
•



▫️السعي يعلمنا التشبث بالأمل والرجاء،
مهما طالت خطواتنا في أشواط الابتلاء..


•
#إبراهيميات _


الشيخ #احمد_حمادي
‏“ سمع الحسن البصري حمالًا يكثر من الحمد والاستغفار فقال له : ياهذا ألا تحفظ من الأذكار إلا هذين؟
‏فقال : إني أحفظ نصف القرآن ، لكني نظرت في نفسي فوجدتها بين حالين :
‏نعمة تستوجب حمدًا ..
‏وذنبا يستوجب إستغفارًا .. 💛
Media is too big
VIEW IN TELEGRAM
الشَّيخ مَشاري الخراز ||

كيفَ تعتُق رقبتكَ من النَّار؟

رائع والله
لا بأس..

بقليلٍ من الخوف، من البُعد، كلّنا أصحابُ خطأ، تفتُر الهِمَم وتتراخى القُوى وتجلس الأبدان، لا بأس بقليلٍ من قلق، لكن! لا مكان لسَلبِيّةٍ عند مؤمن.

كُلَّما تهالَكت روحُك وانطفأت شَمعَتُك وغَرِقتَ بشهوةٍ وشُبهةٍ و ذَنْب، تذكّر أنَّكَ تحتاجُ الله، مهما بَلَغَت قُوّتك ومهما حَطَّ من هِمّتك الألم

لا تكاد تَمُرُّ بي لحظة ضعفٍ وخوفٍ وقَلَق إِلَّا وأذكُر [الله] = ومن يؤمن [بالله] يَهدِ قلبه! وأريد لقلبي الاستقامة مهما بَلَغَت خطيئتُه!

حين تجلس وحدك تَذَكّر [فإنَّك بأعيُننا] مُجَرّد مرورك على تلك الكلمة، تقف! تنظُرُ فيها باحثًا عنك بين حروفها، متأمّلًا ذاك الاحتواء العجيب الّذي فيها، وكم تحمِلُ "بأعيُننا" من جمال!

أنتَ وقلبُك وكُلّ شعورٍ تحمله وكُلّ حُبٍّ تَعرِفُه، لا يُساوي مقدارَ الحُبّ الذي فيها، فإن كُنتَ سائلًا أمرًا فاسأل الله منزلة [فإنَّك بأعيُننا] وزِد عليها مقامَ [وكذلك يجتبيك] ثمّ لا تَخشَ بعد ذلك أحد.

#تمكين💪💪
⚠️ أثناء صومك..

‏إياك أن تحمل كيسا مثقوباً؛ كلما وضعت فيه حسنة ثقبته بسيئة!
فا حذر الغيبة والنميمة👌

‏(رُبّ صائم ليس له من صومه إلا الجوع والعطش)🌱
-
قبل أذان المغرب ..💚

ربي.. إني عليك أُقبل، وإياك أسأل، وبك أتوسل، ورضاك أبغي، ورحمتك أرجو.. سهَّل علي اللياذ بك، وأفرغ على قلبي محبتك، واصطنعني على عينك، ولذذني بحلاوة مناجاتك، وأهِّلني لرفع حجابك، وأجِل عيني في ملكوتك، واكحُلها بالاعتبار، وألِّف سريرتي بك.. وأغمرها بالأنوار. يارب العالمين .
‏لا تحزن إن لم يستجب الله دعاءك حتى الآن!
فربك لم يؤجل الإجابة عبثاً ولا هملاً،
حاشاه♥️
بل هو قد فعل ذلك لحكمة يعلمها ولا تعلمها
فلا تستعجل!
بل انتظر إلى أن تنكشف لك الحكمة كاملة بجمالها وتفاصيلها ومفاجآتها السَّارة التي طالما عودنا الله عليها
قال تعالى:
"سيجعل الله بعد عسر يسراً"🌸♥️

#مشاري_الخراز
;


"لَا تَحسَب أنَّ نفسكَ هيَ التي سَاقتكَ إلى فعلِ الخَيرات، بَل اعلَم أنَّكَ عبدٌ أحبَّكَ اللهُ فَلا تُفَرِّط فِي هذهِ المَحَبَّةِ فَيَنسَاك."

- ابن القيم |•📚🌵
;

إذا اتهمك أهل الميوعة بالتشدد فاعلم بأنك على حق ولا تلتف لصريخ المنافقين .

|•📄🤍🌸