الكلام المكتوب محسووووب!

هاي ممكن نتعرف؟!

نصيحة لحبيبي وأخويا..
طيب وبعد ما تتعرف عليها.. وتسمع صوتها.. وتبعتلك صورها.. وتتقابلوا وووووو

مفكرتش في كمية الذنوب اللي هتشيلها؟!
طيب أما ربنا يسألك هتقوله إيه؟!
اوعى تكون مفكر إن الكلام المكتوب مش محسوب!

لا خااااالص.. الكلمة اللي هتقولها والحرف اللي هتكتبه على الشات هيتسجل في كتابك..

وإيدك هتشهد عليك باللي كتبته كله..
"يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ"

ما تقولش فراغ وبسلي نفسي..
لا .. اشغل نفسك بحاجة مفيدة أو على الأقل مش حرام..

#قبس

الراجل إللي بيكسب فلوس من ورا السجاير مكسبه حرام

الراجل إللي بيأجر قاعات الأفراح وبيكون فيها اختلاط وأغاني مكسبه حرام

الراجل اللي بيبيع بناطيل مقطعة وسلاسل للشباب مكسبه حرام

فلوس المغنيين والممثلين وأغلب البلوجرز حرام

الميكب ارتست إللي بتعمل  مكياج لأي امرأة علشان الناس تشوفها  فلوسها حرام

إللي بتعمل للنساء نمص للحواجب فلوسها حرام

الجيم المختلط بين الرجال والنساء وبيشغل أغانى علشان يرقصوا عليهم وهما بيلعبوا تمارين فلوسهم حرام💛.

*▫ مع إقتراب عام 2025*
*❎ لا تهاني ولا أماني....*
*فأنت مسلم ولست نصراني❌*
*وإذا تمنيت شيئاً أُطلبه من الله تعالى وليس من 2025*💎🌸

إذا استوحشت من الخلق، فاستأنس بالله!
ركعتان في جوف الليل تشفيان صدرك، وتكفيانك ما أهمّك.

#قيام_الليل💛

*يا شيخ أعمل إيه عشان الصلاة تكون قرة
عيني؟
طبق ال٥ حاجات دول

١- خلى صلاتك أبطأ ، اطمئن فى صلاتك
٢- تدبر القرءان والأذكار اللى بتقولها وحس معانيها

٣- متقرأش كل مرة بسورة الكوثر وسورة الأخلاص ، نوع واحفظ سور جديدة واعرف تفسيرها وتدبرها.

٤- متصليش وحد بيتكلم جنبك أو تليفزيون شغال جنبك أو نفسك فى الأكل أو الموبايل مفتوح ، خليه على الصامت

٥- ادعى ربنا فى السجود ، إحساسك إنك بتناجى ربنا هيفرق معاك فى الخشوع جدا.

أنا مش عارفة عدد الأيام اللي فطرتها في رمضانات السنين اللي فاتت قد ايه وماصومتهاش ....أعمل إيه؟

ج/ هنحسب عدد الرمضانات اللي عدت عليكي من يوم مابلغتي
وليكن عندك 22 سنة دلوقتي وبلغتي وانتي 12 سنة
يبقى كده عدى 10 رمضانات ماصومتيش اللي عليكي فيهم

تشوفي بقى متوسط الأيام اللي بتقضيها في الحيض لو مثلا 5 أيام
يبقى هتعملي 10×5=50
ويبقى كده عليكي 50 يوم توزعيهم وتصوميهم طول السنة أثنين وخميس أو أي أيام

أيوة بس الحساب ده ممكن مايبقاش بالظبط وتبقى الأيام أكتر مثلا أعمل ايه؟

ج/ ربنا كريم بقى إنتي عليكي تجتهدي وتحسبي ونرجو إن ربنا يعفو عن أي تقصير حصل سهوا💛

#الصيام

لازم تتقبل طبيعتك وفطرتك البشرية
وتستوعب معنى إنك بني آدم مش ملاك وهتغلط يعني هتغلط

مش بقول إن المفروض تتعايش مع غلطاتك وتطنشها وتعيش بلا هدف مش بتحاول تتغير، بس متخليهاش تعطلك عن تحقيق أهدافك🚫

اتعلم من غلطاتك، لما تقع قوم اقف تاني وكمل

خُدلك فاصل وارجع واصل💪🏻
وإلا هيجي يوم وهتندم على الوقت إللي ضيعته وإنت بتعيط ومكتئب وواقف محلك سر !

كلمات في الصميم✍️


بعد مشاهدتي لمقاطع إخوتنا السوريين الخارجين من السجون، تملكني شعور بالخزي من نفسي. كم كنا نظن همومنا عظيمة، ونتذمر من صعوبات الحياة، بينما هناك من يعيشون تحت وطأة الألم والقهر، في ظلام لا يعرفون فيه الليل من النهار !💔

رأيت الوجوه الشاحبة، والأجساد المنهكة، والأرواح التي كسرت دون أن تهزم،
حينها فقط أدركت كم كنا مخدوعين نعتبر مصاعبنا ابتلاءات ثقيلة، وهي في الحقيقة رفاهية مقارنة بما يمرون به.

يا لحقارة همي وهمك !
أمام صبرهم، تأمل سنوات عمرك التي مرت وأنت تشتكي من عدم الإنجاز ألم تكن نائما في سريرك بأمان؟
•ألم تكن معافى في جسدك؟ بينما هناك من قضى أعوامًا بين جدران ضيقة، يكابد كل لحظة وكأنها دهر.

تأملت في نعم الله علينا ، نعم نعيشها كل يوم دون أن ننتبه.
عرفت حينها أن [الشكر ليس كلمة تقال] في لحظة امتنان عابرة، بل هو حالة قلبية تعكس الرضا التام بكل ما قسم لنا.

•اللهم لك الحمد كما ينبغي لجلال وجهك وعظيم سلطانك."

تلك المشاهد حفرت في قلبي درسا لن يمحى الابتلاء الذي أظنه جبلا ما هو إلا حصاة صغيرة بجانب جبال المعاناة التي يواجهها غيري.

أسأل الله أن يجعلنا من الشاكرين حقا ، لا باللسان فحسب، بل بالعمل والصبر والرضا. وأسأل الله أن يفرج كرب كل مظلوم، ويبدل خوفهم أمنا . وحزنهم فرحا ، وأن يحفظنا بنعمه قبل أن تسلب منا ..

#منقول

الشيخ سمير مصطفى، كان بيتكلم عن مشكلة حد وهو بيقول رغم إني بعمل الذنوب دي طلعت الأول على دفعتي.

قال مشكلتنا إننا بنفتكر إننا مش بنتعاقب لو صحينا من النوم معافين والدنيا ماشية كويس.

فيه عقاب صعب مش بتاخد بالك منه، قيام الليل اللي كان سهل بقى تقيل على قلبك، الفجر بقيت بتنام وتسيبه
الصلاة اللي كانت بخشوع بقت عبارة عن حركات بس..

انتزعت منك الحاجة اللي كانت بتحسسك بالهدوء وإنشراحة الصدر.

عفوك ربّنا !

إن ضلّ قلبي فقلبي أنت تعرفه، أو كان ذنبي عظيماً أنت غفارُ.

مبطله صلاة ليه ؟!

مش معنى أن فيه صلاه فاتتك، أو راحت عليكي نومه لصلاه الفجر يبقى تبطّلي صلاه ..

مش معنى أنك عملتي ذنب فتضعفي فتبطّلي صلاه ..

مش معنى أنك يأستي من كل حاجه و تعبتي فتبطّلي صلاه ..

مش معنى أنك مش حاسه بلذّه الصلاه فتبطّلي صلاه ..

الصلاه ترمومتر حياتك ، بيظبّط نفسيتك ، مش هقولك هتبقى سعيده أوووي، بس هقولك أنك هتستشعري الراحه ال هتخليكي قادره تعيشي..

جرعه أكسچين، الأكسچين مش هيجعلك حاسه بسعاده بس بيخليكي تقدري تعيشي و تكمّلي و من غيره مفيش حاجه هتضمد جروحك ..

الصلاه هتهذّبك أكتر، فيه مره حد راح قال للنبيّ صل الله عليه وسلم أن فيه واحد بيصلّي و بيعمل كبيرة من الكبائر، فرَد النبيّ و قال " ستنهاهُه صلاته يوماً "

فحاولي مهما كان حالك تتمسّكي بالصلاه و بالمُحاوله ربنا هيمدّك و يعينك، فمتبطّليش صلاه !"

#الصلاة_أكسچين

الأختُ الكريمةُ تخرجُ في المظاهرات، وتتمايلُ أمام الكاميرات، تُغنِّي وتُصفّقُ وسط الجموع،
ترسمُ علمَ الثّورةِ فوقَ جفنِها على أنّه كحلٌ أو آيلاينر، وتتَصوّرُ بالعَلمِ لتُريَ الأمّةَ العربيّةَ أنّها ثائرةٌ حرّةٌ.
تطلُّ على السّاحاتِ بالعطرِ والمكياجِ، ونسيتْ قوله تعالى:

> "وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ ٱلْجَٰهِلِيَّةِ ٱلْأُولَىٰ"



تنشرُ على صفحاتِها صورًا لغيرِ محارمِها، سواءً كان قائدًا، إعلاميًا، شهيدًا، أو حتّى ثائرًا.
تَنشُرُ وتتغزّلُ، وكأنّه أحدُ محارمِها، ونسيتْ قولهُ تعالى في كتابهِ العزيز:

> "وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ"

أخيّتي:
اسمُها ثورةٌ وحريّةٌ قامت في وجهِ الظُّلمِ لنطقِ كلمةِ الحقِّ دونَ خوفٍ، لم يكنْ اسمُها ثورةَ انفلاتٍ وتحرُّرٍ.
فاللّهَ اللّهَ بالحياءِ، وما أجملَ الفتاةَ عندما تكونُ حيِيّةً!، تعلوها السّكينةُ، ويزيّنها الوقارُ.

دمُ الشّهداءِ غالٍ جدًّا، وأرواحُ المعتقلين ليستْ رخيصةً، لم يدفعْ أهلُنا هذه الأرواحَ لكي نتفلّت، وإنّما ليُحكَّمَ شرعُ اللّهِ، ولتكونَ كلمةُ اللّهِ هي العُليا.

فاحفظنَ أبصارَكنَّ يا أخواتُ، واحفظنَ ألسنتَكنَّ منَ التّغزُّلِ، ولا تَستهِنْ إحداكُنّ بدماءِ الشُّهداءِ، ولا تَستخفَّ إحداكُنّ عذاباتِ المعتقلين.
واتَّقينَ اللهَ!
🍂🌧

علموا أولادكم..
انتو كمان اقرؤوها...

القُرآن مش بس للتعبد، والسُنَّة مش بس للتبرك ..❌

القُرآن والسُنَّة منهج حياة لازم نعيشهم ونطبقهم ونتنفسهم✅

_ ابنك بيدخل الحمام ويسيب الباب مفتوح أو يخلع لبسه ويظهر عورته قدام حد بدل ما نقوله عيييب ❌

نقوله ( إن الله حييٌّ ستير يحب الستر) و ( إذا بال أحدكم فليستتر )✅

_ اشتريت هدية لحد لما يسأل ليه؟ مش نقوله عشان هو جابلنا حاجة ولازم نردها  ❌

نقوله لإن الرسول قال ( تهادوا تحابوا )✅

_ بدل مانقول للطفل كُل عشان تكبر❌

نقول كُل عشان تكون قوي وتقدر تعبد ربنا وتروح الجنة وربنا يحبك (المسلم القوي خيرٌ وأحب إلى الله من المسلم الضعيف وفي كل خير)✅

_ ابنك بيشخبط على الحيط أو بيقطع الفرش ما تقولوش أنت مخرب ومفسد❌

نقوله ده كده من صور الإفساد في الأرض وربنا قال " وَلَا تَبْغِ الْفَسَادَ فِي الْأَرْضِ ۖ إِنَّ اللَّهَ لَا يُحِبُّ الْمُفْسِدِينَ"✅

اللهم ربِّ لنا أبناءنا وبارك لنا فيهم يارب العالمين ..💛


#علموا_أولادكم

.
رسائل من القلب 💌

اليوم كملّت سنتين على التزامي بقيام الليل، حرفياً حرفياً حرفياً ولا مره دعيت دعوة في قيام الليل الا وربنا استجاب.. الدعوات الصغيره والدعوات الكبيره والمستحيله كمان، ومنهم دعوة لحد الان كل ما اتذكر انها أُستجيبت بقرص خدودي عشان اتأكد اني مش في حلم وانها تحققت فعلاً 💛

والاهم إن من ساعة ما انتظمت في قيام الليل بقيت بحس أن الطاعات بيجر بعضها البعض، وفي طاعات كتير اتسهلت لي سبحان الله "وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ"

لو الموضوع صعب ممكن تبدأو بأنكم تصحوا قبل الفجر بربع ساعة بس، شويه شويه زودوا الربع ساعة لأكتر وهكذا، يمكن تكون صعبه في البداية بس أكيد مش مستحيلة 💛

وده من باب تشجيع الغير وإعانتهم على الخير والعمل الصالح، قال صلى الله عليه وسلم قال: "من دعا إلى هدى كان له من الأجر مثل أجور من تبعه لا ينقص ذلك من أجورهم شيئاً، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئاً" 💛

ولا تنسونا من دعائكم ولكم بالمثل🌿🌻
.

‏⁩ تَأْتِي الجُمعة كحضنٍ حاني يلمّ شتاتَنا بَعْد عَنَاء سِتَّة أيّام متواصلة، ويأوينَا لكهف الأمَان

لا تنسوا سورة الكهف، وأكثروا من الصلاة على النبي ﷺ

- كان الإمام الشافعي يقول: ‏أحبُّ كثرة الصّلاة على النبي ﷺ في كلّ حالٍ، وأنا في يوم الجمعة وليلتها أشد استحبابًا.💛

#الجمعة

مسمهاش أنا مرتبطة او مرتبط ❎
اسمها أنا في علاقة حرام شرعًا ✅

#علاقة_غير_شرعية
‎
كل علاقة غير شرعية فهى محرمة ، و لو تقاسمتم الليل قيامًا و سجودًا ، حتى و إن كان يوقظكِ لصلاة الفجر.

من يُحبك يخاف عليكِ من عذاب السعير ، يسعى أن يبقيكِ غالية و لا يدنسِك.

حتى و إن تزوجتم سيبقى ذلك الذنب على عاتقكم ، إن لم تطلبوا من الله العفو و المغفرة.

علاقة بدايتها لا ترضى الله عز و جل ، أكيد نهايتها لن ترضى صاحبها.

اقطعوا العلاقة فهى إعاقة ، إعاقة القلب إذا تعلق بغير خالقه

سيبقى الحرام حراماً حتى لو بابا وماما عارفين!

#علاقة_محرمة

كلنا عندنا 24 ساعة في اليوم، لكن الفرق الحقيقي بين شخص ناجح وآخر تايه هو: إزاي بيستغل وقته؟
السوشيال ميديا، الفيديوهات، السهر بدون هدف... ممكن يكونوا أخطر عدو ليك لو ما كنتش واعي!

ربنا سبحانه وتعالى بيقول:
﴿وَالْعَصْرِ * إِنَّ الْإِنسَانَ لَفِي خُسْرٍ﴾
عشان كده كل دقيقة بتعدي محسوبة عليك، يا إما رصيد ليك أو عليك.

ابدأ النهارده وخد أول خطوة:
حدد هدف واضح لحياتك.
نظّم وقتك بين الطاعات والشغل وأوقات الراحة.
استعن بالله وما تفضلش واقف مكانك

لسه عندك وقت تغيّر حياتك... لكن ما تستهترش بلحظة بتعدي!

العلاقات المحرمة

"من ترك شيئآ لله عوضه الله خير منه "

ممكن ربنا يمحي الذنوب في صحيفتي وكأنها محصلتش؟

ج/ نعم يمكن جدا بالتوبة النصوح والإقبال على الله بالإكثار من فعل الطاعات، يمحو الله السيئات، فإن الحسنات يذهبن السيئات، وليس ذلك فقط، بل يبدلها حسنات أيضا!💛🕊

#التوبة