لا تعامل ربك معاملة التجار .. فتنشط في مواسم الأرباح فحسب !!


🏃 استمر بعد رمضان

🔺 ليس المطلوب أن تكون بعد رمضان تمامًا كما كنت في رمضان


👈 لكن المطلوب حقًا والمقصود بالاستمرار بعد رمضان هو ⬇️


⬅️ 1) الهجران .. أن تهجر كل حرام كنت مواظبًا عليه قبل رمضان من قول أو فعل.


⬅️ 2) الزيادة .. أن تكون بعد رمضان خيرًا مما كنت قبله، فإذا كنت في مستوى طاعتك زائدًا عما كنت عليه قبل رمضان فأنت ولاشك على الطريق الصحيح 👍


⬅️ 3) المواظبة .. أن تواظب على قراءة القرآن والصيام


✋ فلا تكون علاقتك بالقرآن شهرًا واحدًا في العام.. اجعل لك كل يوم ورد تدبر وتلاوة.



📢 واصل صيامك
ليكون ثلاثة أيام من كل شهر ..أو كل اثنين وخميس من كل أسبوع،

👌 اعتاد استنشاق نسيم السحر بانتظام خاصة حين يضيق صدرك بالهواء الملوث الذي غشى الناس .


♨️ إلزم الصالحين ..  وحاذر من الغافلين .. وفر من العصاة🏃

اهتم بدين اللي بتحبهم⌛

د. حازم شومان

المساجد مش للشيوخ بس

اوعى تكون مفكر إنك عشان تدخل وتقعد فالمسجد لازم تبقى شيخ ومبتعملش ذنوب❌

لا والله ابدا..
ده أكثر حد محتاج يدخل المسجد هو اللي بيعمل ذنوب كتير✔️

👈لو انت بعيد عن ربنا روح قرب منه فالمسجد..
👈المسجد بيت ربنا وبابه مفتوحلك دائماً..
👈روحله وادعيه واطلب منه..

"ثمَّة أثقال في القَلبِ لا يُواسِيها إلا القُرآن، مهما حاول المَرء أن يُواسِي نفسه وأن يمسَح على قلبه المكلوم، فلن يَجِد أبلغَ مِن كلام اللّٰه لترمِيم هشَاشة القلب وإعادة ضبط بُوصلة الطريق.
لا مُواسَاة كمُواسَاة القُرآنِ أبدًا .."

بعد رمضان... عندك اختيارين ✌مالهمش تالت....

_ياتطلع السلم وتكمل على عبادتك وطاعتك حتى لو هتقل شوية عن رمضان عادي بس المهم تفضل طالع السلم وتكمل طريقك في البعد عن كل المعاصي اللي سيبتها في رمضان

_ياتركب الزوحليقة وتقع تاني وترجع زي قبل رمضان ..تضيع الصلاة وتضيعي الحجاب وترجع للاغاني وغيبة ونميمة، وأذية للآخرين..
واكبر خدعة للشيطان يقولك شوية راحة وترجع تاني ...بس ساعتها تكون خلاص ركبت الزوحليقة

قدامك طريق من اتنين✌
والاختيار ليك

اوعى تكون مفكر ان نفسك كل اما تديلها اللي هي عوزاه هتشبع ❌

بالعكس ده هتتفجع وشراهتها هتزيد أكثر

النظرة العابرة اللي بتخطفها دلوقتي 👀

مش هتبقى كافية بعد كده..

👈 وهتفضل تزود الجرعة غصب عنك..

لحد ما نوصل لإدمان الحرام 💔

ونفقد السيطرة تماماً 😓

طيب الحل⁉️

وقف نفسك عند حدها 🤚

اتحكم فيها وسيطر عليها 💪

مش كل ما تحب تجرب تسيبها ❌

وحاسبها أول بأول..

واغصبها على الطاعة عشان فيها صلاحها ونجاتها

سهام صادقة.

إلى كل شابٍ وفتاة يبحثون عن الحب والاهتمام… إلى من يشعرون أن أرواحهم عطشى لكلمة دافئة،
أو لمسة حانية،
أو اهتمام صادق…
تذكروا أن الحاجة للحب ليست ضعفًا،
لكن البحث عنه في الطرق الملتوية هو ما يصنع الضعف.

هناك أنواع من العلاقات تشبه الخمر،
تسكر القلب حتى يفقد وعيه،
تمنحك نشوة زائفة للحظات،
ثم تتركك مترنحًا وسط الفراغ،
تبحث عن مخرجٍ فلا تجد إلا جروحًا لم تكن في الحسبان،
وندوبًا تظل تنزف طوال العمر.

كل علاقة تُبنى على تجاوز الحدود،
تبدأ بلحظة ضعف، وتنتهي بعمرٍ من الندم.
كل خطوة خاطئة تبررها بحاجتك للاهتمام،
ستجرّك إلى خطوات لا يمكنك التراجع عنها.

كل مشاعر تُعطى في غير موضعها،
ستتحول إلى دمامل في القلب،
قد لا تبرأ أبدًا،
أو تظل تنزف كلما تذكرت كيف كنت، وإلى أين وصلت.

الحب الحقيقي ليس خمرًا يشعل الروح ثم يطفئها، بل هو ماءٌ زلال يُرويك دون أن يفسد عليك صفاء نفسك.
فلا تبحث عنه في أماكن ضبابية،
ولا تمنحه لمن لا يعرف قيمته،
ولا تقنع نفسك أن النار التي تلعب بها مجرد لهبٍ صغير يمكنك إطفاؤه متى شئت،
فكم من قلوبٍ احترقت ولم تجد من يطفئها!

قاعدة للحياة:
ليس كل اهتمام هو حب،
وليس كل كلمة لطيفة هي صدق،
وليس كل من يقترب يريد الخير لك.
فاحفظ قلبك،
فإن الجروح العاطفية ليست سهلة الاندمال،
وبعضها يبقى شاهدًا على لحظة استدراجٍ لم تحسب لها حسابًا،
ثم تجد نفسك صريع الحياة!

‏فَاطمئِـن..

وقفات غيرت التاريخ 🌿

🎙د/حازم شومان

"نحنُ مع القُرآن في زيادةٍ دومًا لا نُقصان..

زيادة في الأجر، الهُدى، العِلم، الإيمان، النور، الضياء، الجَمال، السكِينة، الطمأنينة والسعادة".

إوعى تسيب الباب اللي اتفتحلك ..

يمكن في رمضان حسيت بقلبك لأول مرة.

يمكن عيطت في دعاء.

يمكن صليت بخشوع.

يمكن سبت ذنب كان ماسك فيك بقاله سنين.

فليه بعد رمضان تتعامل كأن كل ده كان مؤقت؟!!

ليه ترجع لنفس الفتور، ونفس البعد، ونفس القسوة، كأنك ما ذقتش حلاوة القرب؟!!

يا صاحبي ..

اللي حصل في رمضان ماكنش حلم.

دي كانت رسالة بتقولك:

إنت تقدر تبقى أحسن .. تقدر تقرب .. تقدر تتغير .. وتقدر تثبت كمان ..
لو استعنت بالله.

فما تهدش اللي بنيته .. وما تطفّيش النور اللي اتفتح جواك.

وما تسيبش الشيطان يقنعك إن "خلاص الموسم عدى".

الطريق لسه مفتوح .. والباب لسه مفتوح .. وربنا لسه بينادي ..

فكمّل بالله عليك .. ولو بخطوات صغيرة .. وإياك أن تتوقف !

هل من أذنب بعد رمضان نقض عهده مع الله؟؟

‼️سؤال حيّرني، وأقلقني، وأقضّ مني مضجعي ..
وكانت الإجابة كالتالي:

نحن لا ندّعي أنك ستخرج من رمضان معصومًا لا تخطئ،
ولا قدّيسًا لا تذنب ..
وفي نفس الوقت، المفترض ألا تعود كما كنت مُقيمًا على الذنوب.

هناك فرق كبير بين:
☜ من عاهد الله على التوبة وصدق،
ثم ضعف وزلّ زلّة، فتاب ورجع واستغفر وندم، وجدّد العهد مع ربّه ..
☜ وبين من قرّر الاستمرار في الذنب بعدما وقع فيه،
وأصبح مُقيمًا عليه لا يفارقه ..

الأول لم ينقض عهده مع ربّه،✔️
بل غلبته نفسه أحيانًا، لكنه يفيق سريعًا،
ويراجع ربّه، ويعلم أنها كانت كبوة وزلّة،
ويقول: "وأنا على عهدك ووعدك ما استطعت" 🤍

✖️ أما الثاني .. فقد نقض عهده مع ربّه،
بنيّته في الرجوع للذنب، وإصراره عليه،
وهو المُصرّ .. وهو المُعاتَب.🚫

⚠️ فيا من زل بعد رمضان ..
انفض عنك غبار الذنب،
وجدّد العهد مع ربك،
ولا تكون من الصنف الثاني 🤍

"وأنا على عهدك ووعدك ما استطعت"

يابطل.. مبروك عليك التمام! 🎈

رمضان خلص والعيد كمان، وفرحت وده حقك..
"قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا".
افرح بصلاتك، وصيامك، وقربك من ربنا اللي ذقته في رمضان.
لكن إوعى الفرحة تخليك تنسى الطريق اللي لسه ما خلصش.

رمضان كان مُعسكر تدريب، مش فترة عدت وخلاص.

💡 3 خطوات عشان تفضل قريب:

- ابدأ بـ 6 أيام من شوال، كأنك صمت السنة كلها، ودوق طعم الطاعة برة رمضان.
- لو كنت ختمت القرآن، بلاش المصحف يتركن.. ولو صفحة يوميًا كفيلة تخلي قلبك منوّر.
- صاحب الصالحين: الشلة اللي شجعتك على المسجد، خليك معاهم.. "المرء على دين خليله".

تذكّر دائمًا:
ربّ رمضان هو ربّ العام كله..👌

بتحبي المانيكير 💅؟؟
وده سؤال بردو ....اكيد طبعا معظم البنات بيحبوه
طيب تعالي اسمعي كده كم معلومة مهمة عن المانيكير
1️⃣بصي ياست الكل..المانيكير ده عازل هيمنع وصول المياه للضوافر ..وده معناه ايه ؟؟؟!!
معناه ..انك مش هينفع تتوضي بيه
يعني لو حطتيه ....لازم تمسحيه مع كل وضوء
والكلام ده ينطبق على مقوى الأظافر بردو....اللي بيكون زي المانكير بس شفاف ..هو كمان بيمنع وصول المياه للضوافر وبالتالي هيمنع الوضوء ومش هتنفع الصلاة

2️⃣المانكير مش حرام تحطيه ولا حاجة طول ماانتي في البيت ....بس لو هتخرجي لازم تمسحيه لانه من الزينة الملفتة اللي ماينفعش تتحط في الشارع وربنا قال عنها ((وَلَا يُبْدِينَ زِينَتَهُنَّ))

ملحوظة
ممكن تحطي المانيكير في وقت الحيض زي مابنات كتير بتعمل بس بشرط ....لما تخرجي في الشارع تغطي ايدك لان اتفقنا ان المانيكير من الزينة الملفتة

كل اللي كان بينا انتهي !!

#د_حازم_شومان

الورد القرآني إذا قُرئ بنيّة الاستشفاء؛ كان شفاء لصاحبه من كلّ داء؛ فكري وروحي ومعنوي، ثمّة آيات تُعالج لوث القلب وما يحلّ عليه من شهوات، تُعالج لوث الفكر وما يحلّ عليه من أهواء، الوِرد إذا أُخذ بصدق؛ كان لصاحبه بمنزلة الدواء الذي يستغني به عن أدوية أهل الأرض، نورٌ وشفاء.

أحب اليقين الذي أتجاوز بهِ العثرات والأيام الصعبة بأن هُناك خير قادم، وأن الطَّريق سيُمهده الله وأن الصعب سيهون، لا أعلم كيف ومتى لكن أثق بأن الله سيُدبّر الأمر بتيسرٍ من عنده، رأيت أن اليقين بالله نجاة في كل مرَّة أظن به خيراً فيكون، بمثل هذا اليقين نمضي مُطمئنين آمنين هانئين💛.

جمعة جديدة = أمل جديد.
لو نفسك في حاجة أو قلبك مثقل بالهم..
ارفع ايدك وقول "يا رب"،
واطمّن ربك أكرم من أن يخذلك 💛

#ساعة_إجابة

رسالة اطمئنان عظيمة

قال تعالى :
‏﴿ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أمراً﴾

‏قد يعتريك الذُّبول وقد تنطفىء
‏وتظن أنك لن تقف من جديد
‏ثم يسعدك الله كأنك لم تحزن بالأمس ،
‏وتقف كأنك لم تسقط ،
‏وتضيء كأنك لم تنطفئ ،
‏فقط أحسن الظن برب الأقدار ،
‏تأتيك كل البشارات والامنيات الجميلة.

☂اطمئن :
‏فَالله لن ينسى نصيبك من الفرح ، إن في أقدار الله فرح وسرور مُخبأ ؛ يزيل الوجع.
‏إنه الله ربُك الذي هداك دون ان تطلبهُ ، أتظنه لن يُعطيك ما ترجوه !

انتقل إلى رحمة الله..

سيأتي يوم يُقال فيه ذلك عني وعنك

ستنتهي الأسماء من على الألسنة، وتبقى الأعمال في الميزان وسنُحمل على الأكتاف كما حُمل غيرنا ويُقال: اللهم اغفر له وارحمه

فيا نفس، ماذا أعددتِ لذلك اليوم؟
ماذا قدمتِ لآخرتك؟
أصلاةٌ تحفظك؟
أم قرآنٌ يرافقك؟
أم صدقةٌ تظلك؟