متعيبش على حد

في مرة السيدة عائشة - رضي الله عنها - شاورت بإيديها كده كإشارة إن السيدة صفية قصيرة..
فقال لها النبي ﷺ "لقدْ قلتِ كَلِمَةً لَوْ مُزِجَتْ بماءِ البحْرِ لَمَزَجَتْهُ"

يعني لو اعتبرنا إن الكلمة دي لها لون أو ريحة واتخلطت بماء البحر لأثرت على لون وريحة ماء البحر من شدة قبحها..

بنسمع كتير هزار ومعايبة
ده قصير
دي تخينة
ده أسود
دي شعرها أكرت
مناخيره كبيرة

كل ده غير مقبول ولا بجد ولا هزار..

وفي الحقيقة ده مش بس انتقاص من حد.. ده معايبة لخلق ربنا وتقسيمه للأرزاق..

فاتقوا الله..
ومحدش بيختار شكله.. لكن كل واحد بيختار أخلاقه.. فبلاش أخلاقك تكون أقبح من شكله اللي مش عاجبك...

قبل ما تروح تصلي نافلة… بص على أمك الأول.

آه…
الكلام تقيل ، بس الحقيقة أتقل.

في ناس فاكرة إن التقوى ، عدد ركعات ، وعدد ختمات.
وصور صدقات على فيسبوك.

لكن في عبادة تانية ناس كتير ناسية وزنها عند ربنا…

خدمتك لأمك.

لما تقوم تجيب لها حاجة قبل ما تطلب.
لما تستحمل تكرارها لنفس الكلام.
لما تعيد عليها المعلومة عشر مرات وماتتأففش.
لما تسهر جنبها وهي تعبانة.
لما تستحمل عصبيتها من غير ما تكسر بخاطرها.

ده مش “جدعنة” ، ده ثواب تقيل.

أمك لما تكبر وتحتاجك ساعتها الاختبار الحقيقي يبدأ.

مش وهي قوية ، ولا وهي بتخدم نفسها ،لكن وهي بقت محتاجة سند.

وهنا السؤال:
هتختار راحتك؟
ولا تختار رضا ربنا؟

ربنا ما قارنش حق حد بحقه مباشرة إلا الوالدين.

﴿وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا﴾
﴿وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا﴾

الترتيب مش صدفة ، ولا تفصيل جانبي.

ده إعلان واضح: برهم طريق مباشر لرضاه.

خلي بالك…

🔹 ممكن تصلي قيام ليل… وتضيّع الثواب بكلمة ضيق في وشها.

🔹 ممكن تتصدق بفلوس كتير… وأمك محتاجة منك وقت مش فلوس.

🔹 ممكن تختم قرآن… وهي نفسها في كلمة طيبة.

مش تقليل من عبادة… لكن ترتيب أولويات.

بر الأم
مش بوست.
مش صورة.
مش كلمة “بحبك يا أمي” قدام الناس.

بر الأم =
صبر طويل.
صدر واسع.
خدمة من غير تذمر.
وطاعة في غير معصية.

لو أمك عايشة… إنت معاك باب مفتوح للرحمة.

لو متوفية…
ادعيلها.
اتصدق عنها.
واعمل خير يكون نور في قبرها.

في ناس بتعبد ربنا وقلوبهم قاسية على أمهاتهم.

وفي ناس خدمتها لأمها
رفعتها درجات ما توصلهاش نوافل سنين.

راجع نفسك قبل ما تحاسب غيرك.

أمك مش عبء. أمك فرصة نجاة.

..

همٌّ يوقظ القلب

قد يثقل الهمُّ على القلب حتى يظن صاحبه أن أبواب الفرج قد أُغلقت، وأن الطريق قد طال بلا نهاية. لكن المؤمن يعلم أن وراء الغيب ربًّا رحيمًا، لا يعجزه أمر، ولا تخفى عليه دمعة، ولا يضيع عنده دعاء.

فالهمُّ وإن أوجعك، قد يكون نداءً خفيًّا يعيدك إلى الله؛ يعلّمك أن تتخفف من التعلّق بالخلق، وأن تُلقي أثقال قلبك بين يدي الخالق.

فإذا ضاقت بك الدنيا، فلا تستسلم للهم، بل ارفع قلبك إلى الله وقل: يا رب، إن كان هذا الأمر فوق قدرتي، فهو دون قدرتك، وإن عجزتُ عن حمله، فأنت القادر أن ترفعه عني.

ثم اطمئن؛ فإن القلب إذا صدق في اللجوء إلى الله، نزلت عليه سكينة لا تمنع البلاء، لكنها تمنحه قوةً على احتماله.

وربّ همٍّ أبكاك، كان وراءه لطفٌ لم تره بعد، وربّ ضيقٍ ظننته نهاية الطريق، جعله الله بدايةً لقربٍ جديد منه.

موضوع مهم ناس كتير بتقع فيه: لما تبدأ تبر والديك بزيادة، ساعات إخواتك يغيروا أو يحسوا إنك بتتصنع. التعامل هنا محتاج ذكاء عشان ما تكسبش رضا والديك وتخسر علاقتك بإخواتك.

*اعمل كده:*
- ما تتفاخرش ببرك قدامهم. خلي شغلك بينك وبين والديك وبين ربنا.
- لو شفت أخوك مقصر، ما تعايروش. شجعه بهدوء: "تعال معايا نجيب طلب لماما".
- قسم المهام بينكم. انت تودي للدكتور، هو يجيب الطلبات. كده كله بيشارك ومفيش حد شايل لوحده.
- افتكر إن هدفك رضا ربنا مش تصفيق الناس. لو إخواتك ما قدروش، أجرك محفوظ.

البر الحقي بيلم العيلة، ما بيفرقهاش.

"وعصيتم من بعد ما أراكم ما تحبون"
أقبح معصية هي اللي بتيجي بعد النعمة.. بعد ما ربنا يعطيك اللي كان نفسك فيه..
ربنا أنعم عليك لتشكر.. لا لتعصي..

اتغنى فبيعصي بفلوسه..

اتخطبت فبدأت تقصر في نقابها وحجابها بره البيت أو بتتجاوز هي وخطيبها..

اتوظف فبيستغل سلطاته..

دخلت كليه فبدأت تعمل حواجبها وتحط ميكب اب..

كل دي نعم أحياناً للأسف بعد ما بتجيلنا بننسى وبنعصي ربنا بيها..
نراجع نفسنا..
ونصحح المسار مرة تانية

كل
دقيقة تمر
لا تفرط فيها.

#الحويني_رحمه_الله

كم من دمعةٍ حارقة، خرجت من عين فتاةٍ خدعها الكلام المعسول في الخاص ، وكم من قلبٍ مكلوم، انهار بعد أن وقع في حبٍ محرَّم عبر نافذةٍ سوداء ، إنه سحر "الاختلاط الإلكتروني" ، لا دواء له إلا قطع الحبل من أساسه .

قبل قليل مرَّ عليَّ منشورٌ لامرأةٍ تُعلن انفصالها عن زوجها بعد أن كانت تعرض كثيرًا من تفاصيل حياتها الزوجية على مواقع التواصل، تنشر الصور والمواقف واللحظات الخاصة، وتُشرك الناس في أدقِّ أمورها، ثم انتهى بها الحال إلى إعلان الفراق أمام الجميع.

ولستُ أكتب هذا شماتةً بأحد، فالمؤمن لا يشمت، ولكنها عبرةٌ لمن كان له قلبٌ أو ألقى السمع وهو شهيد. فكم من بيوتٍ كانت تبدو للناس في غاية السعادة، وهي في داخلها مليئة بالمشكلات، وكم من أسرارٍ خرجت للناس ففقدت بركتها، وكم من نعمٍ زالت بعدما أُغرقت في أعين المتابعين وتعليقاتهم.

فاحفظوا نعم الله عليكم، واستروا بيوتكم، وأغلقوا أبواب الفضول عن حياتكم، فليس كل متابعٍ مُحبًّا، ولا كل ناظرٍ يتمنى لكم الخير. واجعلوا بينكم وبين الناس سترًا جميلًا، فإن الستر زينة، والخصوصية نعمة، وحفظ الأسرار من أسباب دوام المودة والبركة.

نسأل الله أن يصلح أحوال المسلمين، وأن يؤلف بين القلوب، وأن يرزقنا جميعًا الحكمة في أقوالنا وأفعالنا، وأن يجعل بيوتنا عامرةً بالإيمان والمودة والسكينة.


منقول

يا جماعة، الكلام اللي جاي ده تقيل وموجع، بس لازم نقوله ولازم نسمعه علشان نفوق قبل فوات الأوان… اللي بيكون عاق والديه، اللي يقسى قلبهم، اللي يزعلهم ويهينهم ويكسر خاطرهم… بيشوف العذاب بعينه، بس مش في نفسه وبس، بيشوفه في أغلى حاجة عنده، في عياله
تخيل كده، واحد كان بيرفع صوته على أمه، كان بيزعق لأبوه، كان بيهجرهم ويقول أنا حر وأنا مش محتاج حد… يجي بعد سنين ويخلف عيال، يلاقي نفس العيال دي بترفع صوتها عليه، بترد عليه بقسوة، بتهينه قدام الناس، بتكسر قلبه بنفس الطريقة اللي هو كسر بيها قلب أبوه وأمه
دي مش صدفة، دي مش دنيا ماشية بالبركة… دي سنة ربنا في الأرض، الجزاء من جنس العمل، اللي هتعمله مع أهلك هيترد لك في عيالك، واللي هتزرعه هتحصده، بس الحصاد المر المرة دي بيبقى في كبدك، في قلبك، في أغلى حاجة عندك
عيالك دول مرايتك، لو كنت بار بأهلك هتلاقيهم بارين بيك، لو كنت حنين عليهم هتلاقيهم حنينين عليك، لو كنت بتسمع كلام أبوك وأمك هتلاقي عيالك بيسمعوا كلامك… والعكس صحيح، قسوتك هترد لك قسوة، وعقوقك هيترد لك عقوق، بس الوجع المرة دي أضعاف أضعاف لأنك بتشوفه في لحمك ودمك
متقولش عيالي متربيين ومش هيعملوا كده… الدنيا بتلف، والزمن بيدور، واللي زرعته هتحصده… فلو مش عايز تشوف العذاب ده في عيالك، ابدأ بنفسك دلوقتي، روح بوس رجل أمك، احضن أبوك، قول لهم آسف، عاملهم بالحسنى، اخدمهم بعينك قبل ما يطلبوا منك
والله العظيم برك بأهلك هو تأمين لمستقبلك مع عيالك، هو الضمان إنك لما تكبر هتلاقي اللي يشيلك زي ما شلت أهلك، هتلاقي اللي يبوس إيدك زي ما بست إيد أبوك، هتلاقي اللي يدعي لك زي ما كنت بتدعي لأمك
الحق نفسك قبل ما تندم، قبل ما تشوف مرار الدنيا في عيون عيالك بسبب قسوة قلبك على أهلك… الدنيا دي دوارة، والبر بيرجع بر، والعقوق بيرجع نار في قلبك قبل أي حاجة تانية

إيّاك ثم إيّاك ثم إيّاك، أن تُسلِّم قلبك لهذه العلاقات التافهة والحقيرة، التي تنتهي بضغطة زر، مهما ضاقت بك السبل، وقلّت فرص الواقع، وصَعُب الحلال، وانتشر الحرام.
فوالله إنها مزالق مهلكة، ومعاصٍ مغضبة لربّك، تُذهب الحياء، وتُطفئ نور القلب، وتُورث الذلّ والندم، وتقرّبك من عذاب الله وسخطه.

فلا تتنازل عن دينك، ولا تُفرّط بمبادئك واحترامك لذاتك، فإنها خطوات الشيطان، يبدأها بلذّة وهمية، وينتهي بك إلى خسران مبين.
فاحذر أن تصبح بلا قيمة، ولا هدف، ولا كرامة، فتندم حين لا ينفع الندم.

"وَلَا تَقْتُلُوا أَنفُسَكُمْ ۚ إِنَّ اللَّهَ كَانَ بِكُمْ رَحِيمًا"

مهم نعرف ي جماعة

الإنتحار جريمة وأكبر ذنب ممكن الانسان يعمله في حق نفسه

إظهار التعاطف مع المنتحر
مش بيفيده
ولا بيطبطب عليه
ولا أي حاجة
بس بيعمل مصيبة كبيرة
إنه بيشجع ناس تانية كان عندها الأفكار دي
إنها تقلد عشان التعاطف ده

لكن المطلوب مننا ....
التعاطف مع اللي نفسيته تعبانه
أو ظروفه صعبة
أو عنده هم أو أي مصيبة
نرحم بعض واحنا على وش الدنيا
مش لما يتقال فلان انت..حر

مش عيب والله تروح لدكتور نفسي لو نفسيتك تعبانة
مش عيب
ومش حرام
الحرام هو إنك تلجأ للإنتحار

مينفعش ي جماعة الهشاشة النفسية اللي بقينا فيها دي
مش أي مشكلة تخليك تجري تفكر في الإنتحا. ر
حرام عليك نفسك

ربنا يصرف عنا وعنكم الهم والغم

س/ أنا عارف إن الأغاني حرام بس كل ماابطل اسمع اغاني برجعلها تاني ...اعمل ايه ؟؟

ج/ هقولك بعض الخطوات العملية اللي هتساعدك :

1️⃣ أول حاجه عاوزك تعرف ان الاغاني مش ذنب عابر دقيقة وخلاص ..ده انت ممكن تفضل تسمع وقت طويل كل ده عداد سيائتك شغاااال وانت مش واخد بالك

عشان كده ... انوي بصدق التوبة من سماع الاغاني..وخليك عارف ان الصادق مُعان من الله 

2️⃣ ادعي ربنا يعينك ويثبتك ... ماحدش فينا يقدر يعمل اي حاجه غير بتثبيت ربنا ..فادعي كتير و بصدق

3️⃣ خليك فاكر دايما قول الله تعالى "إِنَّنِي مَعَكُمَا أَسْمَعُ وَأَرَىٰ"....ربنا معاك يسمعك ويراك فخاف انك تعصيه

4️⃣ امنع الأغاني منع تام ....ماينفعش سياسة التدرج مع الاغاني ...الشيطان هيرجعك تاني فمهما تعبت ..استحمل شوية الجنة تستاهل

5️⃣ اول ماتبطل تسمع اغاني هتلاقي الاغاني اللي بتحبها قدامك كل شوية على  الفيس ، في الشارع .... اثبت يابطل

6️⃣ ماتفتحش الاستوريز اللي انت عارف ان فيها أغاني وماتقعدش في مكان فيه أغاني أو مع ناس بيسمعوا أغاني أو بيتكلموا عنها ...قوووم فورا انت في مرحلة مقاومة لسه ...

7️⃣ الصحبة ، الصحبة ....لو أصحابك  بيسمعوا اغاني هيشجعوك تسمع ولو بطلت هيشجعوك ترجع ....فلازم تختار صحبة هم كمان مابيسمعوش اغاني

8️⃣ حط ليك شرط جزائي ..اليوم اللي تسمع فيه أغاني ..هطلع صدقة بمبلغ كذا

وكمان مكافئة مع كل اسبوع من غير اغاني ..

9️⃣ إذا نفسك ضعفت ومصمم تسمع ممكن في الاول تسمع اناشيد اسلاميه بدون موسيقى خالص ..وشوية وتستغني عنها 

🔟 القرآن....القرآن ....استبدل سماع الاغاني بسماع القرآن بصوت شيخ بتحبه

سماع القرآن هيديلك حالة نفسية اجمل بكتير من اللي متعود عليه مع سماع الاغاني لا مش اجمل ده مافيش مقارنة أصلاً

وبعد كل ده ماتنساش تاني الدعاااااء الدعاااااء ادعي كتييير ولو ضعفت يوم قوم وكمل لحد ماتبطل اغاني خالص

°°
في زمنٍ أصبحت فيه الغيبة حديث المجالس، نحتاج أن نقف مع أنفسنا وقفةً صادقة…
هل نرضى أن نأكل من لحم إخواننا، ونحن لا نشعر؟!

قال الله تعالى:
"وَلَا يَغْتَب بَّعْضُكُم بَعْضًا، أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ".

الغيبة ليست مجرد كلمات، بل ذنوبٌ تُثقل القلوب، وتُذهب الحسنات دون أن نشعر

فكم من كلمةٍ قيلت استهانةً، كانت سببًا في هلاك صاحبها دون أن يدري!
وكم من مجلسٍ امتلأ بالغيبة، فخلا من البركة، وضاق فيه الصدر

تذكّر دائمًا:
أن الذي تتحدث عنه، له ربٌّ لا يغفل ولا ينام،
وأن كل كلمةٍ محسوبةٌ عليك، وإن نسيتها أنت.

طهّر لسانك، يصفُ قلبك.
واذكر الناس بالخير، يُذكرك الله بخير.

-
- ⁠ نستيقظ كل صباح، ونخطط لأيامٍ وشهورٍ وسنوات، وكأننا نملك ضمانًا أن الغد سيكون من نصيبنا.
لكن الحقيقة التي لا يختلف عليها أحد: أن لكل إنسان موعدًا لا يتقدم ولا يتأخر.
فلا تؤجل توبتك، ولا تؤجل صلاتك، ولا تؤجل الاعتذار لمن أخطأت في حقه، ولا تؤجل كلمة الخير.
تذكّر الموت ليس تشاؤمًا... بل حياةٌ للقلب، وإيقاظٌ للنفس، واستعدادٌ للقاء الله.
اللهم ارزقنا حسن الخاتمة، وأصلح قلوبنا، واجعل خير أعمالنا خواتيمها، وخير أيامنا يوم نلقاك.