فالناس بقت بتحس الصلاة للأسف عبئ!

يقوم يتوضا وهو بالعافية!

يدخل في الصلاة وهو عايزها تخلص بسرعة !

يقرأ الفاتحة وكأنها حمل على صدره !

ومفيش حد بيعترف بده؛ لأن الكل متخيّل إن المؤمن لازم يكون مقبل ومبسوط في الصلاة على طول الخط ، ومفيش حد واخد باله أن الإيمان يخلق ف القلب كما يبلى الثوب ومحتاج يتجدد بالتوبة وسماع دروس ترقق القلب من جديد !

لكن الحقيقة إن الصلاة ممكن تبقى أثقل من الجبل، مش عشان هي صعبة، لكن عشان القلب بقى مليان وهن من الهموم واليأس وعلى شويه ذنوب وبعد.

اللي مفيش حد بيقوله:
إن هذا الثِقَل مش معناه إنك منافق بالعكس هو جزء من الابتلاء ال أنت بتمر بيه وال لازم تتعافى منه واحدة واحدة بالتدريج وبرفق.

ولو سيبت الصلاة… عمرك ما هترتاح !!!!

التقل اللي بتحسه وانت بتصلي أهون ألف مرة من الفراغ اللي هييجي بعد ما تسيبها وايمانك حيقع خااالص.

فتورك مش علامة كره… هو علامة تعب وإرهاق نفسى وشويه يأس واستحواذ من الشيطان عليك لحظة ضعفك.

واللي بيكمل رغم التعب عند ربنا عظيم.
وبعد شويه حيرجع لحياته الإيمانية تانى بفرح.

*انت مش منافق ، بالعكس انت مجاهد وربنا بيحبك وبيناديك

-🕯

|| هَل تساءلتَ مِن قبَل لِماذا في القُرآن
«الظُّلّمات» جَمعٌ، و «النُّور» مُفرَد ؟

- 🕯يقولُ ابن القيّم :
←هذا من إعجَاز القُرآن، لأنّ طُرق البَاطِل متعدِّدة، و طريقُ الحقِّ واحدٌ!

ماتستعجلش على حقك…
خليك فاكر دايمًا إن الدنيا صغيرة أوي، وبتلف، وبتلف، بس بترجع كل حاجة لمكانها في الوقت اللي ربنا شايفه مناسب، مش في الوقت اللي إحنا مستعجلينه من كتر الوجع.

اللي ظلمك، واللي قسا عليك، واللي خذلك في وقت كنت محتاج فيه كلمة طيبة قبل أي حاجة، واللي استهان بمشاعرك وكسر بخاطرك وقال عليك كلام مش فيك… دول يمكن يبانوا دلوقتي كسبانين، ويمكن تحس إنهم عايشين حياتهم ولا كأنهم عملوا حاجة، بس صدقني، الحساب مش دايمًا بييجي بسرعة، الحساب بييجي صح.

ربنا مش بينسى، حتى لو الناس نسيت، وربنا ما بيسيبش حق حد، حتى لو صاحب الحق سكت، أو تعب. فيه ناس بتفتكر إن سكوتك ضعف، وإن صبرك قلة حيلة، وإن إنسحابك هزيمة، وهم مش فاهمين إنك سيبت الأمر كله للي ما بيغفلش ولا بينام.

يمكن وجعك كان تقيل، ويمكن في ليالي عدّت عليك وانت بتسأل نفسك:
هو حقي راح؟
هو ربنا شايف؟
هو العدل بيتأخر ليه؟

بس الحقيقة اللي مش بنستوعبها غير بعد وقت، إن التأخير مش نسيان، التأخير ترتيب، وترتيب ربنا دايمًا أدق من أي انتقام إحنا كنا فاكرينه حل.

حقك هيرجع…
مش شرط في صورة اعتذار، ولا في شكل كلمة، ولا حتى على إيد نفس الشخص،
حقك هيرجع في صورة راحة،
في صورة طمأنينة،
في صورة ناس أنضف تدخل حياتك،
وفي صورة سقوط هادي للي استهانوا، من غير ما تعمل أي حاجة.

هتسمع، بنفسك، ومن غير ما تسأل، إن اللي ظلمك اترد له الوجع أضعاف، وإن اللي خذلك اتخذل، وإن اللي قال عليك اللي مش فيك اتكشف قدام نفسه قبل الناس.
وساعتها هتفهم إن ربنا كان بيشيل عنك عبء الرد، وبيحضّر عدل يليق بيك.

ماتستعجلش…
لأن اللي اتبني على ظلم، مهما طول، نهايته وجع.
واللي عاش على قسوة، هييجي عليه وقت يدوق نفس القسوة، بس وهو أضعف.

وافتكر دايمًا، إن زعلك لو هان على كل الناس، على ربنا ما يهُونش،
وإن دمعتك اللي نزلت في سكوت، كانت مسموعة،
وإن دعوة القلب المكسور مابتطلعش فاضية.

اصبر، مش ضعف…
اصبر، لأنك واثق،
واثق إن {إِنَّ رَبَّكَ لَبِالْمِرْصَادِ}،
وإن كل واحد خد أكتر من حقه، هيدفع التمن غالي،
وإن حقك، مهما طال، راجع…
راجع وبزيادة، وفي وقت يخليك تحمد ربنا إنك ما استعجلتش.

..

خصـــــوم المرأة يوم القيامة

كل رجل سقط في الفتنة أو في
الفاحشة..
بسبب عطركِ.. أو بسبب عينيك..و أيديكِ  المزينة بالإكسسوارت..أو  مكياجك.. أو ملابسكِ الضيقة.. أو صوتك الرقيق أو ضحكتك

قد يكون ذلك الخصم رجلاً تستصغرين شأنه  وقد يكون عاملاً أو سائقاً أو بائعاً أو عاملَ نظافة

فاتقِ الله واحذري غضبَ الإله... 🌸

تهدأ الانفس وتنام الاعين ويبقى
« أّلَلَهّ نِوٌر آلَسِمًوٌآتٌ وٌآلَآرض»
يستجيب لمن دعاه ويغفر لمن استغفر.

لا تنسونا من صالح دعائكم ♡

• قِيامُ اللَّيل | . ."

الوتر

لما حد يسألك: مبتصليش ليه؟!

بتتحرج تبص في عينه..

أمال لما ربنا يسألك نفس السؤال، هترد تقول إيه؟!

ملايين في القبور نفسهم يركعوا ركعة واحدة بس..؟!

ارجع صلّي  . ."

..

لا يزال الشيطان، يوهمك أنك متعب، ومزاجك نَكِد، والوقت غير مناسب لقراءة وردك من القرآن، حتى تقهره مستعينًا بالله، وتُتمّ وردك، فيذهب ما في نفسك، وتَنشط، ويتّسع صدرك، فقد صرفه الله عنك مخذولاً بعد أن استعنت به سبحانه.

ودّ الشيطان لو استحوذ عليك،
فأنساك وردك؛ حتى تهجر القرآن!

أين لذة المعصية التي فعلتُها بالأمس..؟!

ذهبت لَذّتُها وبقِيَت حسرتُها.❤️‍🩹

لا تختبر نفسك عند أبواب الفتن

ما دمتَ تعيشُ على هذه الأرضِ، فأنتَ معرَّضٌ للفتنِ والامتحانِ والابتلاءِ. أنتَ هنا خليفةُ اللهِ في أرضهِ، ولستَ مَلَكاً معصوماً، فما دمتَ في هذهِ الحياةِ، ستواجهُ اختباراتٍ ومعاركِ نفسيةً داخليةً، وستقابلكَ الشبهاتُ والشهواتُ، وما لا يرضاهُ اللهُ؛ لأنَّكَ في دارِ ممرٍّ لا مستقرٍّ.
سيأتيكَ التحذيرُ الإلهيُّ: ﴿أَن تَزِلَّ قَدَمٌ بَعْدَ ثُبُوتِهَا﴾؛ ممَّا يعني أنَّ القدمَ قد تزلُّ مهما كانَ ثباتُكَ، ومهما بَلَغَ إيمانُكَ واتصالُكَ باللهِ سبحانَهُ وتعالى. لذا، فإمَّا أن تُجدِّدَ ثباتَكَ وتثبِّتَ قدميكَ، أو تتركَها تنزلقُ في مهاوي الفتنِ.
لا تفتحْ باباً للمجازفةِ وتقولَ: "سأذهبُ للرؤيةِ فقط"، أو "سأجرِّبُ ثمَّ أنسحبُ"، أو تدخُلُ من بابِ الفضولِ؛ فأنتَ لستَ في مقامِ تجربةٍ لقوتِكَ، والاستهانةُ بالفتنةِ بدايةُ السقوطِ. العاقلُ هو من يضعُ الحواجزَ والأسوارَ حولَ نفسهِ ليحميَها بقدرِ المستطاعِ، ولا يقتربُ من مواطنِ الزللِ أصلاً.
فإذا رأيتَ ميلَ قلبكَ إلى شهوةٍ أو شبهةٍ، فأوقفهُ سريعاً، وأعدهُ إلى جادَّةِ الصوابِ قبلَ أن يميلَ بكَ الطريقُ، فتزلَّ قدُمكَ حيثُ لا ينفعُ الندمُ.

#ليدبروا_آياته

‏ركعتي الضُحى غمامتين تظلكم بظلال باردة وتغدق عليكم بأجر ثلاث مئة وستون مفصلًا..

أي شيء يُغنينا عن هذا الفضل ..!

يا شباااب يا بناااات
خدوا بالكم ....
الوشم أو التاتو الثابت حراااام❌
النبي قال:

"لَعَنَ اللَّهُ الواشِماتِ والمُسْتَوْشِماتِ"

ماتقولوش يعني هي جت علي دي ؟؟!!!
منا مضيع في حاجات كتييير
لا ده لعن
واللعن= طرد من رحمة الله اللي احنا مش هندخل الجنة أصلا غير برحمته
كلنا بنعصي اه
بس بنسيب حبل بينا وبين ربنا
فبلاش لسبب تافه تقطع الحبل ده

طب لو وقعت في الغلطة دي و عملت وشم .....
لازم تحاول تشيله عند أي حد تجميل
سعره غالي ؟؟؟!!!
معلش حاول تحوش لحد ما تقدر تروح تشيله
والفتره دي استغفر وصلي عادي
مع عزمك علي ازالته

يعني هينفع أصلي بالوشم عادي ؟؟!!
اه ...لأنك مضطر لحد ماتعرف تشيله

إن لم تضع ليومك هدف وغاية، سيضع لك الشيطان ألفَ صارف!
‏
فاجعل لوردك اليومي من كتاب الله نصيباً ثابتاً لا تتنازل عنه؛ بقدر ملازمتك للقرآن، بقدر ما يُضيء دربك ويُزهر قلبك ويبعد عنك الشيطان، هو البركة في الوقت، والسعة في الرزق، والشفاء لما في الصدور.
﴿فاقرَءوا ما تيسَّر مِن القُرآن﴾

بمناسبة المدارس:

●عظموا قدر الصلاة عند ولادكم

●صحوهم يصلوا الفجر جماعة أو ع الأقل قبل شروق الشمس، وبلاش تقولوا:حرام ده هيصحى كمان شوية للمدرسة!

●الحرام انكم ماتصحوهمش حتى لو لسة مابلغوش بس مميزين (٧ سنين تقريبا) مش انكم تصحوهم!!!

●قبل ما تسألوا عن الواجب و التمرين و الأكل، اسألوهم صلوا الظهر ولا لأ، و لو لسة قولولهم يصلوا قبل العصر ما يأذن.

●قبل ما يناموا شوية الظهر قولولهم يستحملوا شوية بس و يصلوا العصر قبل ما يناموا، ويا سلام لو جماعة، و لو تعبانين قوي و لازم يناموا صحوهم يصلوا العصر قبل المغرب بساعة او ساعة و نص (عشان ده وقت حرام حد يأخر العصر ليه لو مافيش ضرورة لكدة)

●التمرين يتساب في نصه عادي جداااا عشان المغرب يتصلى في معاده.

●أوقات الدروس تتظبط على الصلاة مش العكس يا مؤمنين.

●علموا ولادكم ان (أول ما يحاسب عليه العبد يوم القيامة الصلاة)

●علموهم انها (عماد الدين، من أقامها أقام الدين و من هدمها هدم الدين)

●علموهم لو بَالغين ان صلاة واحدة تخرج عن وقتها من غير عذر من أكبر الكبائر.

س/ ازاي أحبب ولادي في الصلاة وأدربهم عليها؟

ج/
1️⃣خلينا نتفق أن أهم خطوة هو إنك تحب الصلاة وتخليها أولوية مع الأذان وفي ترتيب يومك عليها ...الولاد هيشربوا حبها والاهتمام بيها منك.

2️⃣ محتاجين نربط الولاد بربنا ونكلمهم عن كرمه وعن إجابة دعائه ونحببهم فيه وإياك تقول لابنك الصغير ربنا هيوديك النار عشان عملت كذا أو ماعملتش كذا ...مش وقته خالص هتكلمه دايما إن ده ربنا بيحبه.

3️⃣ من أول 7 سنين تبدأ تعلمه الوضوء والصلاة خطوة خطوة وتقوله إننا بنصلي عشان احنا محتاجين نروح لربنا اللي خلقنا 5مرات في اليوم ولو ماروحناش احنا اللي هنخسر في الدنيا وكمان هنخسر الجنة.

4️⃣ محتاج تعمل نظام مكافآت ع الصلاة يكون بسيط ومناسب للأطفال ومش شرط يكون مكافآة مادية ..ممكن مرة كدة ومرة لعبة عاوز يشتريها هتقوله هتبقى مكافأة الانتظام في الصلاة أسبوع أو أكتر
بالاضافة للتحفيز المعنوي بمدح الفعل ده.

5️⃣ لو ولد خده معاك المسجد وممكن تعمله حفلة كمان أنه خلاص كبر وهيبدأ يحافظ ع الصلاة ولو استغليت فضول الطفل وأخدته كل فترة مسجد غير اللي متعود عليه هتبقى الصلاة عنده رحلة ممتعة
ولو بنت ماتحرميهاش من إنها تروح المسجد ولو صلاة جمعة كل فترة هيفرق جدا معاها.

6️⃣ الصبر الصبر الصبر وطولة البال ..الأطفال بعد شويه ممكن يزهقوا وهنا دورك تفكره تاني بنصلي ليه وقولنا مافيش حاجة في السن ده اسمها عشان مانروحش النار واوعى تضرب أو تعنف طول ماهو سنه صغير لأن ربنا قالنا "وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ".

7️⃣ القصص ليها دور كبير في تغيير السلوك فاحكي له كتير قصص عن الصلاة وقصص أنبياء وحاجات تربطه بربنا.

8️⃣ خلي فيه ارتباط شرطي بين الصلاة وكل حاجة حلوة هتصلي وتلعب معاه شوية،هنصلي ونشتري أي حاجة بيحبها
وخلي الربط ده بالكلام والأفعال.

9️⃣ ماتحرمش نفسك وولادك من الدعاء يوميا بالذات رب اجعلني مقيم الصلاة ومن ذريتي.

لا حول ولا قوة الا بالله