يا شباااب يا بناااات
خدوا بالكم ....
الوشم أو التاتو الثابت حراااام❌
النبي قال:

"لَعَنَ اللَّهُ الواشِماتِ والمُسْتَوْشِماتِ"

ماتقولوش يعني هي جت علي دي ؟؟!!!
منا مضيع في حاجات كتييير
لا ده لعن
واللعن= طرد من رحمة الله اللي احنا مش هندخل الجنة أصلا غير برحمته
كلنا بنعصي اه
بس بنسيب حبل بينا وبين ربنا
فبلاش لسبب تافه تقطع الحبل ده

طب لو وقعت في الغلطة دي و عملت وشم .....
لازم تحاول تشيله عند أي حد تجميل
سعره غالي ؟؟؟!!!
معلش حاول تحوش لحد ما تقدر تروح تشيله
والفتره دي استغفر وصلي عادي
مع عزمك علي ازالته

يعني هينفع أصلي بالوشم عادي ؟؟!!
اه ...لأنك مضطر لحد ماتعرف تشيله

إن لم تضع ليومك هدف وغاية، سيضع لك الشيطان ألفَ صارف!
‏
فاجعل لوردك اليومي من كتاب الله نصيباً ثابتاً لا تتنازل عنه؛ بقدر ملازمتك للقرآن، بقدر ما يُضيء دربك ويُزهر قلبك ويبعد عنك الشيطان، هو البركة في الوقت، والسعة في الرزق، والشفاء لما في الصدور.
﴿فاقرَءوا ما تيسَّر مِن القُرآن﴾

بمناسبة المدارس:

●عظموا قدر الصلاة عند ولادكم

●صحوهم يصلوا الفجر جماعة أو ع الأقل قبل شروق الشمس، وبلاش تقولوا:حرام ده هيصحى كمان شوية للمدرسة!

●الحرام انكم ماتصحوهمش حتى لو لسة مابلغوش بس مميزين (٧ سنين تقريبا) مش انكم تصحوهم!!!

●قبل ما تسألوا عن الواجب و التمرين و الأكل، اسألوهم صلوا الظهر ولا لأ، و لو لسة قولولهم يصلوا قبل العصر ما يأذن.

●قبل ما يناموا شوية الظهر قولولهم يستحملوا شوية بس و يصلوا العصر قبل ما يناموا، ويا سلام لو جماعة، و لو تعبانين قوي و لازم يناموا صحوهم يصلوا العصر قبل المغرب بساعة او ساعة و نص (عشان ده وقت حرام حد يأخر العصر ليه لو مافيش ضرورة لكدة)

●التمرين يتساب في نصه عادي جداااا عشان المغرب يتصلى في معاده.

●أوقات الدروس تتظبط على الصلاة مش العكس يا مؤمنين.

●علموا ولادكم ان (أول ما يحاسب عليه العبد يوم القيامة الصلاة)

●علموهم انها (عماد الدين، من أقامها أقام الدين و من هدمها هدم الدين)

●علموهم لو بَالغين ان صلاة واحدة تخرج عن وقتها من غير عذر من أكبر الكبائر.

س/ ازاي أحبب ولادي في الصلاة وأدربهم عليها؟

ج/
1️⃣خلينا نتفق أن أهم خطوة هو إنك تحب الصلاة وتخليها أولوية مع الأذان وفي ترتيب يومك عليها ...الولاد هيشربوا حبها والاهتمام بيها منك.

2️⃣ محتاجين نربط الولاد بربنا ونكلمهم عن كرمه وعن إجابة دعائه ونحببهم فيه وإياك تقول لابنك الصغير ربنا هيوديك النار عشان عملت كذا أو ماعملتش كذا ...مش وقته خالص هتكلمه دايما إن ده ربنا بيحبه.

3️⃣ من أول 7 سنين تبدأ تعلمه الوضوء والصلاة خطوة خطوة وتقوله إننا بنصلي عشان احنا محتاجين نروح لربنا اللي خلقنا 5مرات في اليوم ولو ماروحناش احنا اللي هنخسر في الدنيا وكمان هنخسر الجنة.

4️⃣ محتاج تعمل نظام مكافآت ع الصلاة يكون بسيط ومناسب للأطفال ومش شرط يكون مكافآة مادية ..ممكن مرة كدة ومرة لعبة عاوز يشتريها هتقوله هتبقى مكافأة الانتظام في الصلاة أسبوع أو أكتر
بالاضافة للتحفيز المعنوي بمدح الفعل ده.

5️⃣ لو ولد خده معاك المسجد وممكن تعمله حفلة كمان أنه خلاص كبر وهيبدأ يحافظ ع الصلاة ولو استغليت فضول الطفل وأخدته كل فترة مسجد غير اللي متعود عليه هتبقى الصلاة عنده رحلة ممتعة
ولو بنت ماتحرميهاش من إنها تروح المسجد ولو صلاة جمعة كل فترة هيفرق جدا معاها.

6️⃣ الصبر الصبر الصبر وطولة البال ..الأطفال بعد شويه ممكن يزهقوا وهنا دورك تفكره تاني بنصلي ليه وقولنا مافيش حاجة في السن ده اسمها عشان مانروحش النار واوعى تضرب أو تعنف طول ماهو سنه صغير لأن ربنا قالنا "وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ".

7️⃣ القصص ليها دور كبير في تغيير السلوك فاحكي له كتير قصص عن الصلاة وقصص أنبياء وحاجات تربطه بربنا.

8️⃣ خلي فيه ارتباط شرطي بين الصلاة وكل حاجة حلوة هتصلي وتلعب معاه شوية،هنصلي ونشتري أي حاجة بيحبها
وخلي الربط ده بالكلام والأفعال.

9️⃣ ماتحرمش نفسك وولادك من الدعاء يوميا بالذات رب اجعلني مقيم الصلاة ومن ذريتي.

لا حول ولا قوة الا بالله

السلام عليكم ورحمة الله وبركاته

في زحمة الحياة ممكن نخسر أشخاص غاليين بسبب سوء تفاهم بسيط..
كلمة اتفهمت غلط، أو اعتذار اتأخر، أو زعل كل واحد مستني التاني ينهيه.

والنبي ﷺ قال: «ألا أخبركم بأفضل من درجة الصيام والصلاة والصدقة؟» قالوا: بلى، قال:«إصلاح ذات البين».

فالنهارده فرصة إنك تصفّي قلبك، وتصلّحي علاقة يمكن تكون غالية عليكي

بادري بكلمة طيبة، رسالة، اعتذار، أو حتى خطوة بسيطة تفتح باب الصلح..

ماتخلّيش الزعل يكبر..
يمكن خطوتك النهارده تكون سبب في أجر عظيم.

أواخر عمر الوالدين تشبه أواخر رمضان،
كل دقيقة فيها غنيمة، وكل روتين عابر معهما هو عبادة كبرى قد ترجح بها كفة نجاتك يوم قيامك لرب العالمين.
فالابتسامة العابرة، وجلسة القهوة الهادئة، وتعديل الوسادة، أو حديث قصير..
تفاصيل صغيرة المبنى، لكنها قد تكون مقعدك الأقرب لرفقة النبي ﷺ في جنات عدن.

ففي خريف عمر الوالدين، تتضاعف حساسية الوالدين، يشتد احتياجهما إلينا ويقيدهما الخجل، يسكنهما ذعر خفي من أن يكونا عبئاً ثقيلاً. قد يتجرعان مرارة الألم والظمأ لساعات طوال، إيثاراً لراحتك، وخشية من إزعاجك.

من هنا يتجلى البر الحقيقي
* أن تبادر بالعطاء قبل السؤال.
* أن تفهم نداء الصمت قبل الكلام.
* أن تلمح الحاجة في أعينهما قبل أن تنطق بها الشفاه.

والأرقى من ذلك كله -وهو محض الصدق-أن تخدمهما بحب دون من، وبلا إشعار بالتضحية، فما يوجع الشيخوخة ليس وهن الجسد، بل إحساس الروح بأنها باتت ثقيلة على قلوب من تحب.
والبر بهما ليس مهمة تبحث عمن يقاسمك عبئها، بل هو مضمار سبق وتنافس ملكوتي، لا يفوز به إلا من كتب في ديوان السابقين، الذين قال فيهم سبحانه:

﴿أُولَٰئِكَ الَّذِينَ نَتَقَبَّلُ عَنْهُمْ أَحْسَنَ مَا عَمِلُوا وَنَتَجَاوَزُ عَنْ سَيِّئَاتِهِمْ فِي أَصْحَابِ الْجَنَّةِ ۖ وَعْدَ الصِّدْقِ الَّذِي كَانُوا يُوعَدُونَ﴾

🚫 احذروا يا بنات تريند التمانينات

🫷🏻 هو احنا لسه مش فاهمين ان كل ترند بيطلع هدفه مش الهزار ... هدفه يجمع صورنا او معلومات عنا


❌ وكل واحدة محجبة تدخل صورتها لل Ai وتطلع الصورة وهي بشعرها وهي فرحانة اوي وتنشر الصورة عادي. 🚫

لايجوز ... كل دي ذنووووب بتشليها على ضهرك


أصلا لا يجوز تنشري صورك بحجاب ... جاية تنشريها وانت بشعرك وتقولي دا Ai عادي وهزار ... لا مش عادي دا حرام. 🚫


خلوا بالكم وبلاش نكون أمعة ونتبع كل فتنة وكل ترند بيطلع نجري وراه

... ربنا يحفظنا ويحفظ بناتنا من كل سوء

> منقول

س/ ايه حدود العلاقة مع الخاطب في فترة الخطوبة المفروض اعمل ايه في الفترة دي وايه حرام ؟

ج/ الخطوبة هي مجرد وعد بالزواج فهي فترة مطلوب كل واحد من الطرفين يتعرف على التاني ويقرر مناسب للزواج ولا لا
فالخاطب حدود تعامله مع خطيبته زي حدود تعامل أي راجل غريب معاها
وده معناه إن ....
- خروجك مع خطيبك لوحدك حرام وماينفعش ❌
- المكالمات والشات على التليفون بالساعات وتبادل كلام الحب ده ماينفعش❌ ...مااحنا اتفقنا إنه زي الغريب بالظبط
- تلبيس الشبكة ودبلة الخطوبة واي تلامس بالايد مش هينفع ❌
- وطبعا طبعا ...حضن الخطوبة ورقصة الخطوبة أكيد حرام ❌

س/ ده كده كل حاجة حرام أمال يتعرفوا على بعض ازاي ؟؟
ج/ يتعرفوا بان يحصل زيارة في وجود الاهل مع وجود كلام على شات بس موجود فيه حد من العيلة اب او اخ ( وبردو مافيش كلام حب) عشان بس يفضل الكلام بحدود لحد مايتم عقد الزواج وساعتها تبقى براحتك
*
س/طيب ينفع المخطوبين يتكلموا فون؟؟
ج/ ينفع المكالمات اللي بتكون عن أمور تتعلق بالجواز أو السؤال عن حاجة فيها مصلحة للجواز
بس بشرط ... مايكونش فيها أي تجاوز أو كلام حب أو غيره.

س/ هو ليه لو تابعت المذاكرة مع بنت رسايل بس حرام طالما مش بنتكلم غير في الدراسة وكدا.. ما هي كدا كدا زميلتي وبتعامل معاها ..

ج/
- ما لك مش مركزة ؟!
- أبدا مضايقة بس شوية
- سلامتك .. من ايه ؟
- لا ما تشغلش بالك

بعد شوية ..

- أنا فعلا حاسك مضايقة بزيادة .. وأنا مش عارف أركز في المذاكرة
- هبقى كويسة .. ما تقلقش :)

تاني يوم ..

- يا رب تكوني رقت
- عادي .. ده الطبيعي
- ليه بس كده ؟!
- بلا بلاااا بلاااااا (أي حاجة تزعل يعني)
- بلااااا بلااااا بلااااا (كلام مواساة وكده)

طول الليل تفكر هي أد إيه أنت لطيف .. وأنت تبدأ تسرح بخيالك وليه ما تكونش هي .. دي حتى رقيقة وحساسة ومحتاجة اللي يحتويها !

ومن تالت يوم .. يبدأ يتضاف كلام كده متحفظ ومؤدب جنب المذاكرة ..
وفي يوم ما تتسرب (حبوب الشجاعة) للمحادثة فيكون هناك اعتراف بريء بذلك الشعور المختلف من كليهما !
حاجة كده جميلة .. إنه الحب !

ويحصل عهد مقدس بإننا هنكون لبعض .. وهنتشطر عشان نقدر نقنع أهالينا ..

ووقت الجد أنت أمام خيار من السيناريوهات المتعددة.... يا أنت طلعت عيل (لا مؤاخذة) .. لا هي ادتك صابونة (لا مؤاخذة برضه) .. يا صمدتم فعلا بس اتصدمتم بأهالي متعنتين متحجرين .. واضطررتم لوداع بكثير من جراح ..

أقل الخسائر الممكنة هي استنزاف مشاعر كان ينبغي حفظها لوقتها، وفوات أيام كان يمكن استغلالها فهذه المرحلة من العمر لن
تعود !

يبقى لما نقفل الباب من أوله = مش أسلم وأريح ؟!

صدقني يا غالي .. كل المشاكل تبدأ بنية سليمة..

الذنوب سببٌ لكثيرٍ من البلاء؛ فهي سببٌ لنقص الأموال والثمرات، وغلاء الأسعار، وقِلَّة الأمطار، وقِلَّة البركة، وتسلُّط الأعداء، وكثرة الهموم والغموم.

وقد عَرَف السلف ذلك وعلَّموه، يقول الحسن البصري رحمه الله:
«إِنَّ الرَّجُلَ كَانَ يُشَاكُ الشَّوْكَةَ، فَيَقُولُ: إِنِّي لَأَعْلَمُ أَنَّكِ بِذَنْبٍ، وَمَا ظَلَمَنِي رَبِّي عَزَّ وَجَلَّ».

هييجي يوم والقنوات الدينية اللي كنتوا بتهربوا منها وتفروا منها، هتتمنوا لحظه واحده فيها تذكركم بالله، يوم واحد تذكركم بالاخرة، يوم واحد بس ترجع تاخد بالنصيحه وتطبقها، يوم واحد ترجع تصلي ركعتين.

رب ارجعون
لعل اعمل صالحاً فيما تركت

يقال هيفضل ينادي في قبره رب ارجعون الي البعث

لأن ربنا كان بينادي عليه ومكنش بيرد علي ربنا في 5 صلوات فيتعامل بالمثل ومحدش يرد عليه في قبره.

مطمنين ليه ؟
وريحة الموت في گل مكان

ارجعوا للدين وسيبوا التفاهااات
فكروا في المستقبل الحقيقي
فريق في الجنة وفريق في السعير.

واللي انت عايش عليه هو اللي انت هتموت عليه، والموت اول مرحلة من مراحل يوم القيامة.

مهو اللي مات النهارده كان عامل حسابه انه هيتوب بكره، ايوا زيي وزيك كدا يعني.

حَتَّىٰ إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ (99) لَعَلِّي أَعْمَلُ صَالِحًا فِيمَا تَرَكْتُ ۚ كَلَّا ۚ إِنَّهَا كَلِمَةٌ هُوَ قَائِلُهَا ۖ وَمِن وَرَائِهِم بَرْزَخٌ إِلَىٰ يَوْمِ يُبْعَثُونَ

اعمل صالحاً
رجعني بس يارب احذف الأغاني، رجعني بس يارب اطيع امي وابويا، رجعني بس يارب بقالي 5 سنين مصلتش فيهم الفجر وكنت بصلي بس في رمضان زي ال بيصلوا، واتفاجئت يارب ان انكسر رأتي جوه القبر بسبب ان كنت بنام عن الصلاة المكتوبه.

عارف هيتقالك ايه ؟

كلا ... انها كلمة هو قائلها
مجرد كلمة ومحدش هيرد عليك وقتها..!

راجع نفسك متضمنش تعيش لآخر اليوم.

ملك الموت بينزل فورا يشيل اسم اي حد من علي سبورة الدنيا.

عايزه رزق؟ عايزه بركة؟ عايزه توفيق؟ عايزه استجابة دعاء؟
يبقى ماتسيبيش الإستغفار!

{فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا}

السلام عليكم ورحمة الله وبركاته

لما الموبايل بيهنج منك، أول حاجة بتفكر فيها إنك تعمله Restart عشان يرجع يشتغل بسرعة..

تخيل بقى إن قلبك ونفسيتك بالظبط محتاجين الـ Restart ده كل فترة!

زحمة الشغل، ومسؤوليات البيت، والضغط النفسي، والذنوب الصغيرة اللي ورا بعض؛ كل ده ممكن يعمل «تهنيج» في روحك.

تلاقي نفسك مش قادر تسمع نصيحة، خُلقك ضيق، والعبادة تقيلة عليك، ومش فاهم إيه اللي حصلك!

فنصيحة..
اقفل موبايلك شوية خلال اليوم، واقعد في مكان هادي استغفر ،وصلّي ركعتين..
راجع نفسك، وابعد شوية عن دوشة الدنيا، ووجدّد علاقتك بربنا بالتوبة والعمل الصالح.

روحك محتاجة صيانة دورية؛ فمتستناش لحد ما تطفي خالص!

لحظة صدق مع نفسك...
لو عرفت إنك هتمشي من الدنيا فجأة، ولسّه مأجّل التوبة… هترضى تقابل ربك كده؟

بُص حواليك كويس وافتكر:
لو كانت الدنيا بتدوم لحد، ما كانتش وصلت لك.

قال النبي ﷺ:

(كُنْ في الدُّنْيَا كَأنَّكَ غَرِيبٌ أوْ عَابِرُ سَبِيلٍ).

الغريب ما بيتعلّقش، وما بيضيعش وقته
كل همه يرجع لوطنه سالم.

فحافظ على عمرك
الرحلة طويلة، ومحتاجة زاد.
فاللهم حُسن الختام، وطيب الأثر.

#طريق_التوبة