رضـا الله غـايـتـي.
9.69K subscribers
2.49K photos
1.79K videos
201 files
1.09K links
دُنـيَـا تُـجَـدِدُ كُـلَّ يَـومِ غَـدْرَهَا
وَالنَّاسُ مِنهَا فِي عَنِيفِ صِرَاعِ

يَتَنازَعونَ عَلىٰ رَخِيصِ مَتَاعِها
وَغَـدًا يَـفُضُّ الـمَوْتُ كُـلَّ نِزَاعِ
Download Telegram
‏“ سيُعوضكَ الله لِأنكَ رضيت
في وقتٍ لم يكُن فيهِ الرِضا
عليكَ سهلاً .”

🌼اللهم صل وسلم وبارك
علـــى نبينـــا محمــــد ﷺ🌼
- ذنوبك ليست أكبر من مغفرة ربنا .. 💛

#استغفروا
This media is not supported in your browser
VIEW IN TELEGRAM
رضـا الله غـايـتـي.
🌙🏮 استعد لرمضان وحسن صلاتك حاول يكون مع كل حركة بتعملها اطمئنان حقيقي في قلبك وأعضاء جسمك .. يعني ترفع إيدك وتقوم وتقعد وتتحرك باطمئنان .. بالراحة ، واحدة واحدة ، على مهلك ، متستعجلش .. الدنيا مش هتطير! لذَّة ومُتعة وخشوع الصلاة في كلمتين ✌️🏼 هما : …
🌙🏮


استعد لرمضان وحسن صلاتك

🖇وأيضاً من الحاجات اللي هتخلِّيك تصلِّي بشكل مختلف وتخشع في صلاتك وتحس بها ، التنويع في أذكار الصلاة ، وسور القرآن اللي بتقرأها ..

✋🏼 لأن بدون التنويع إنت أصبحت عبارة عن آلة مُبرمجة إنها تقول كلام معين وتعمل حركات معينة ثابتة !!

فأصبحت حتى لو إنت سرحان ودماغك في حتة تانية بتلاقيك بتقول الفاتحة وبعدها "قل هو الله أحد" وتركع وتسجد عادي جداً مع إن دماغك في حتة تانية خالص !!
ولو حد سألك بعد الصلاة إنت قرأت بسورة إيه ممكن تكون مش عارف!! وده لأنك اتعودت خلاص على كده وبقيت بتردد كلام وتعمل حركات بشكل تلقائي ، لا إراديًا !!

👌🏼التنويع في الأذكار هيخلِّيك مركِّز وإنت بتقول كل ذكر ،
وهتحاول تفهم اللي بتقوله وتتدبَّر معناه وتخشع ..

🔖 نوَّع من أول أذكار الاستفتاح وصيّغ الاستعاذة وأذكار الركوع والرفع من الركوع لحد أذكار ما قبل التسليم ..
وكل الأذكار دي هتلاقيها موجودة في كتاب حصن المسلم أو مُختصر النصيحة أو ابحث عنها على النت وهتلاقيها بسهولة جداً ، وكل يوم حاول تحفظ ذكر جديد منها وتقوله في صلاتك لحد ما تحفظها كلها..

📖 وكذلك سور القرآن لازم تنوّع فيها .. مينفعش كل الصلاوات تكون بسورة الاخلاص وسورة الكوثر !!
نوّع في السور القصيرة حتى لو مش حافظ غيرها ..
وإبدأ احفظ ولو كل يوم 5 آيات واعرف معناهم وكرّرهم في كل صلاواتك ، هتلاقي نفسك مركِّز فيهم كويس أوي ..


📍فوصيّتي لك بالتنويع في أذكار الصلاة
والتنويع في سور القرآن في كل صلاة ،
وهتشوف النتيجة الرائعة بنفسك ..


#رمضان_فرحة_قلب
د/مصطفى ابراهيم زايد
((هل يفعلها ؟)).. اقوي سلسلة للاستعداد لشهر رمضان

🌟لبس البنات ومشتقاته في رمضان !!🌟

من الغريب والعجيب إن فيه بنات كتير جدا بتغيّر لبسها الاستايل في رمضان ، وتلبس عبايات أو اسدال وطرحة كبيرة ، ولو رايحة تصلّي تلاقيها لا
ميك أب ولا برفان ولا اكسسوارات !! ... ولكن ، بمجرد ما يخلص رمضار ومع أول أيام العيد ترجع تاني زي الأول ، وممكن أسوأ كمان !!

👈دي نقولها يا أختي يا غالية :
الله ربك هو رب رمضان ، وهو الله رب شوال ورب كل الشهور
{ الله حيّ لا يموت ومطلع عليكي في رمضان وغير رمضان ، ويراكي وإنتي بتعصيه وتغضبيه في كل مرة بتخرجي بيها بلبسك اللي محدد تفاصيل جسمك ؛ ومع ذلك بيرزقك ويسترك وينعم عليكي !! فاستحي منه إنك تعصيه بنعمه !!

👈ما توبي لربك حبيبك .. وزي ما لبستي واسع في رمضان خدى القرار إن حياتك كلها تبقى رمضان وتغيّري لبسك كله بإذن الله !

- والأغرب والأعجب بقى إن فيه بنات بتفضل بنفس اللبس ونفس المكياج ونفس البرفان وعادي جدا إ!!!!!

👈 خارجة يا عيني في عز الحر وهي صايمة ، ولكن الشيطان ضحك عليها والدنيا بموضتها استولت على قلبها وعقلها ، الدرجة إنها والعياذ بالله بقى ولا فارق معاها إنها تعصي ربناه لبسها كل يوم وكل ساعة بتخرج فيها إإإإ

👈 واللي لابسة الفستان والبدي آوالبنطلون والفست والبوليرو وغيره من اللبس اللي
ميرضيش ربنا ، تعبانة وعطشانة من الصيام وهتموت على نقطة ميه.. 😧ولكن يا مليون خسارة لما تيجي يوم القيامة وتلاقي إن ليس لها من صيامها إلا الجوع والعطش إ! بل هتُصعق لما تلاقي في موازين سيئاتها شلالات سيئات جارية
بسبب كل نظرة شاب نظرها لها وكل فتنة ومعصية لله عز وجل حصلت بسببها إ!

👌 أنا عايزك الغالية تفوقي وتعرفي إن لبسك واللي إنتي بتسميه حجاب ده ، حاجة بتزيد جمالك وزينتك وبتظهر مفاتنك مش بتستر ولا بتخفى الزينة اطلاقاً بالعكس ده تحايل على الحجاب !! كفاية بقى ضحك على نفسنا !

🌷إذا كان يا أختي الصيام فريضة ، فالحجاب بمواصفاته وشروطه الصح برده فريضة .. ولا إنتى شايفه إيه ؟؟؟
🌷إذا كنتي بتصومي علشان ترضي ربنا ، فلازم برده تتحجي صح علشان ترضي ربنا.

📌 هتقولي : بس أنا شايفه إن أنا كده كويسة وأحسن من اللي كاشفة شعرها واللي مش الابسة خالص إ!
👈 هقولك : هو ينفع حد يصوم لحد العصر ويقول كده كويس وانا احسن من غيري ؟؟!!
هل ربنا هيقبل صيامه ؟؟؟؟ رُدّي عليا ؟؟
عايزك تجاوبيني ؟؟؟
لا طبعاً لا .
" ليه ؟؟؟ لأن الدين مش بمزاج حد .. وربنا فرض الصيام لحد أذان المغرب ..
👈 وكذلك الحجاب له مواصفات في الشرع .. يعني مينفعش تلبسي اللي على مزاجك
وتقولي هوده الحجاب إن كان عاجبكم !!
يبقي لازم نلتزم بشروطه اللي من أهمها إنه يكون
🔅لا يصف ، يعني مش محدد جسمك ..
🔅واكيد من غير برفان وميك أب وأكس

مستنيه إيه ؟؟ خدي القرار وانزلي اشتري لبس واسع يرضي ربك حبيبك ..
وخليكي دايماً فاكرة حديث الرسول الله :
( صنفان من أهل النار لم أرهما ... ونساء كاسيات عاريات ، مائلات مميلات ، رؤوسهن كأسنمة البخت المائلة ، لا تدخلت الجنة ولا يجدن ريحها ) رواه مسلم.

👈📌وياريت تقرأي كتب "للبنات وبس" و"نيوفاشون" و "فكيها شوية" و " أحلى حاجة فيكي".. هيفيدوكي وهيساعدوكي في اتخاذ قرار الحجاب الصح بإذن الله .
___
#هل_يفعلها
#حياتي_دعوة
This media is not supported in your browser
VIEW IN TELEGRAM
•°•🎥
مقطع جميل 👌🏻♥️
هل جوالك يخدم الاسلام ام يهدم الاسلام
👥للشيخين/نايف الصحفي
منصور السالمي
🔵 لا تقل لمن أصابه مرض ما يستاهل


✍ قـال الشيخ ابن باز رحمه الله :

⬅️ هذا اللفظ لا يجوز
لأنه اعتراض على الله سبحانه ،

👈 وهو سبحانه أعلم بأحوال عباده ، وله الحكمة البالغة فيما يقضيه ويقدره على عباده من صحة ومرض ، ومن غنى وفقر وغير ذلك .

⬅️ وإنما المشروع أن يقول : عافاه الله وشفاه الله ، ونحو ذلك من الألفاظ الطيبة.

وفق الله المسلمين جميعاً للفقه في الدين والثبات عليه، إنه خير مسئول.


📔 [ مجموع الفتاوى (٨-٤٢١) ]
لا تستهين بدقائق ، قراءة سورة الملك قبل النوم تُنجيك بإذن الله من عذاب القبر💛🌿.
لن تواظب المداومة على قراءة الورد القرآني يومياً إلا إذا عاملته معاملة صلاة الفريضة، تفزع لفواتها، وتقلق عند حضورها، ولاتهدأ حتى تؤديها، فإن فعلت ذلك وداومت عليه؛ فقد أقتديت بالسلف، وسلكت طريق الثبات.
‏فلا تترك وردك من القرآن وحافظ عليه، فهو زادك في مواجهة منغصات الحياة🍂.
يجعلُ الله الهموم مُقدّمات لنعمٍ مخبوءة.

🖤📓|• الرافعي
رضـا الله غـايـتـي.
🌙🏮 استعد لرمضان وحسن صلاتك 🖇وأيضاً من الحاجات اللي هتخلِّيك تصلِّي بشكل مختلف وتخشع في صلاتك وتحس بها ، التنويع في أذكار الصلاة ، وسور القرآن اللي بتقرأها .. ✋🏼 لأن بدون التنويع إنت أصبحت عبارة عن آلة مُبرمجة إنها تقول كلام معين وتعمل حركات معينة ثابتة…
🌙🏮


تروايح وقيام ليل .. بروقان..

🕌 صلاة التراويح في رمضان من أروع الحاجات اللي بتسعد القلوب وتصلحها ..
ودول 30 يوم في السنة كلها اللي بتصلِّيها فيهم ، فاجتهد إنك تحافظ عليها وتجدد نيّتك فيها ، علشان تكون من المغفور لهم ، اللي النبي ﷺ قال عنهم

(من قام رمضان إيمانًا واحتسابًاغُفِر له ما تَقَدَم من ذنبه)
🔸 متفق عليه

وخد شوية النصايح دي لعلها تنفعك بإذن الله :

▪️خلّى أكلك خفيف على الفطار علشان متتعبش ، علشان ماتلاقيش الحموضة اشتغلت والقولون اشتغل ، وتضيع الليلة منك !!
وكمان علشان تعرف تركز في الصلاة ، لأنك لو تقَّلت في الأكل هتهبط ويجيلك خمول وغالبًا هتنام أو أكيد هتنام حتى وإنت بتصلي !!!

▪️فـ حاول متخليش أكلك كله على مرة واحدة ، يعني في الفترة من ما بعد المغرب لحد السحور ممكن تاكل أكتر من وجبة خفيفة .. ده هيريحك جامد بإذن الله ..

▪️وبلاش تشرب ميه كتير بعد الأكل مباشرة .. مش هتعرف تهضم وهتلاقي نفسك تقيل جدًا و مش قادر حتى تاخد نَفَسَك !! وهتفتكر النصيحة دي ساعتها ..
اشرب ميه قبل الأكل براحتك وكذلك طول الليل ، اشرب مياه كتير علشان تعوّض كمية السوائل اللي بتفقدها بالنهار ..

▪️لازم تكون واخد قسط كويس من النوم ، علشان ماتنمش وإنت بتصلي زي ما بنشوفه بيحصل لناس كتير !
واتفقنا قبل كده على تظبيط مواعيد النوم من قبل رمضان..

▪️اختار مسجد هادي تصلي فيه ، حتى لو بعيد ، المسجد من أهم عوامل الخشوع في الصلاة..
لأنك لو هتصلِّي في مسجد فيه أطفال بتلعب طول الصلاة ، أو ناس كبار بتتكلم وتتخانق على الكبيرة والصغيرة ، أو شباب بيعمل دوشة ؛ صدقني مش هتعرف تخشع أبداً !
ويا سلام بقى لو الإمام كمان صوته هادي وخاشع وبيقرأ بمقدار آيات مناسب .. يبقى كده تمام أوي ..

▪️لاااااااااااازم تكون عارف الجزء اللي هيتقرأ في التراويح ، وتكون محضرّه كويس ومجهّز تفسيره ..
ده هيخلِّيك مركِّز مع الإمام وهو بيقرأ ، ومتبقاش قاعد مستني امتى هتخلص السورة وامتى الإمام هيركع ؟
حاول تركّز مع كل آية ، ركّز مع القرآن واسمعه بقلبك وافهم الكلام اللي بتسمعه علشان تعرف تستمتع بالتراويح ومتحسش بالتعب ، علشان تطلع من الصلاة بقلب عاش مع آيات الله وارتوى من معانيها وارتقى في درجات الإيمان ..

▪️ ويا ريت لو تقدر تستغل الوقت اللي معظم الناس بتضيّعه ما بين المغرب والعشاء بعد الفطار في إنك تقرأ الجزء ده وتراجع تفسيره .


#رمضان_فرحة_قلب
د/مصطفى ابراهيم زايد
This media is not supported in your browser
VIEW IN TELEGRAM
نضّف مرايتك قبل رمضان
د رامي النحراوي
°°


تذكرٰ دائمًا | أنٰ حسابك في أي برنامج جُزء من صحيفتكٰ ، ‏فلا تتهاون و تترُك خلفك ذنوبٰ جارية تهوي بِك إلى الخسارة والخذلان .🤍
يظلُّ الرّجلُ مهيبًا حتى يمازحَ ما لا يحلُّ له من النّساءِ ويتلطّفَ لهنّ ... فتسقُطُ هيبتُه .

`|📄🤍🌸
رضـا الله غـايـتـي.
🌙🏮 تروايح وقيام ليل .. بروقان.. 🕌 صلاة التراويح في رمضان من أروع الحاجات اللي بتسعد القلوب وتصلحها .. ودول 30 يوم في السنة كلها اللي بتصلِّيها فيهم ، فاجتهد إنك تحافظ عليها وتجدد نيّتك فيها ، علشان تكون من المغفور لهم ، اللي النبي ﷺ قال عنهم (من قام رمضان…
🌙🏮

استعد لرمضان وحسن صلاتك

تراويح وقيام ليل بروقان..

بالنسبة لصلاة القيام أو التهجّد :

فهي صلاة خاصة بينك وبين الله ، في وقت خاص ، وقت تَنَزّل الملك للسماء الدنيا ، وهو ينادي كما جاء في الحديث القدسي :

هل من سائل فأعطيه ؟ مفيش حد محتاج أي حاجة وأنا أدِّيهاله ؟
هل من مستغفر فأغفر له ؟ مفيش حد مُذنب يستغفر وأنا أغفر له ؟
هل من تائب فأتوب عليه ؟ مفيش حد نفسه يتوب وأنا أتوب عليه ؟

📚الحديث ده لوحده كافي إنه يخلّيك مشتاق لقيام الليل!

أحد الشباب ثابت على قيام الليل يومياً من يوم ما إلتزم علشان كلمة واحدة سمعها ! سمع واحد بيقول :

"إوعى تضيع معادك مع الملك كل ليلة مهما كانت الظروف!"

ركعتين القيام دول شرفك .. كما قال النبي ﷺ : (شرف المؤمن قيامه بالليل ) ..

✌️🏼ركعتين تطفي النور أو تنوّر نور خافت وخفيف يخلّيك تعرف تخشع بين يدي الله ..

✌️🏼ركعتين ترتِّل القرآن فيهم بتجويده وإحسان قراءته وتحسين الصوت به .. وتعيش بقلبك مع القرآن ولو هتقرأ بسورة واحدة زي سورة ق أو يس أو الواقعة أو الملك أو الحاقة أو الفجر ..

👍🏼أهم شئ تقرأ بتأنِّي وتكرّر الآيات المؤثرة وتتدبَّر فيها
وتحاول تعصر قلبك وتخلّي عنيك تدمع من خشية الله ..

✌️🏼ركعتين تطوّل فيهم السجود وتقعد بقى تطلب أمنياتك وأحلامك ..

💭 تخيّل معايا كده يا حبيب قلبي .. في جوف الليل و الجوّ هادي وإنت لوحدك .. محدش شايفك ولا سامعك غيره .. سبحانه أقرب إلينا من حبل الوريد .. سبحانه أحنّ علينا وأرحم بنا من الأم بطفلها ... سبحانه جلَّ جلاله أرحم الراحمين وأكرم الأكرمين ..

💭تخيّل إنك في الجوّ ده على سجادتك ساجد بين يديه .. شعور كله ودّ و رحمة و حب شعور كله ذُل و افتقار و انكسار لله الملك الجليل الواحد القهار ..
فجأة لقيت قلبك رقّ أوووووي و حنّ أووووي ولقيت عيونك بتنهمر بالدموع ... ياترى هتقول إيه لربنا ساعتها ؟؟

هتقولِّه : بحبك أوووووي يارب .. خايف تكون غضبان عليا .. يارب قربني منك ومتبعدنيش عنك ..
هتقوليله : نفسي يارب ترضى عني .. نفسي يارب في الفردوس الأعلى علشان ماتحرمش من رؤيتك في الجنة ..
يا ترى هتحكيله عن همومك و آلامك و مشاكلك ؟؟
ولاِّ هتوصف له شوقك وحبك ؟؟ ولاَّ يا ترى هتقول إيه ؟؟؟

يآآآآآآآآآآآآآآآآه .. الركعتين دول دنيا غير الدنيا
لما تجرّب الكلام ده وتعيشه بقلبك ، هتتمنى إن الفجر ميطلعش علشان تفضل في الجنة اللي إنت عايشها دي !


? قيام الليل يا شباب مش واحد واقف بيقرأ قرآن وخلاص ، لأ .. ده إنت في لقاء خاص جدا جدا بتكلِّم ربك حبيبك ..
كلّمه و احكيله .. ناجيه واشكيله .. إسأله واطلب منه .. قول كل اللي إنت عايز تقولهوله .. فضفض براحتك ..


▪️قيام الليل يا شباب بتاع الناس اللي عارفة إن مفيش حاجة بتيجي غير من فوق .. إلا من خزائن الملك القدير ..

▪️ قيام الليل أكتر عبادة لها ثمار في الدنيا .. اللى عايز دعاؤه يُستجاب ويتقضيله حوائجه ووشه ينور وجسمه يسلم من الأمراض ، يقوم الليل ..

◽️ ومش شرط القيام يكون ركعتين ، ممكن تزوّد ؛ قال ﷺ : (صلاة الليل مَثنى مَثنى) .. وتختم بعدهم بركعة وتر ..

▫️ ولو مش هتقدر تصلِّيهم آخر الليل ؛ يبقى تصلّيهم قبل ما تنام على طول ، وتجعل آخر عهدك بالدنيا الصلاة ..

👍🏼 من دلوقتي نأخذ قرار .. خد قرار إنك خلاص هتثبت لربنا من الليل نص ساعة أو ساعة أو ساعة ونصف أوساعتين لربنا..
ساعة بها هنكسب معيّة ربنا فى حياتنا .. ساعة هتستقطعها من وقت نومك أو مذاكرتك أو شغلك، بس هتشوف ربنا هيبارك في وقتك ونومك وحياتك كلها قد إيه!

ساعة هتكون هي سبب سعادتك وراحة قلبك بفضل الله الكريم ..


#رمضان_فرحة_قلب
د/مصطفى ابراهيم زايد
❄️ محترف في رمضان ❄️

1️⃣📜 قراءة قرآن بإحتراف📜

📌رمضان هو شهر القرآن ، وكتيير مننا لما بيسمع إن فيه ناس بتختم القرآن أكتر من مرة في رمضان بيبقى عايز يعمل زيهم وأكتر منهم كمان ..

👈ولكن للأسف حرصه على الختم بيخلّيه يقرأ بسرعة الصاروخ ، وياكل الحروف ، ويضيع التجويد ، ويعطل العقل عن إنه يفهم والقلب عن إنه يتدبر ولو آية واحدة !!!

👈لأن كل همّه وقتها بيبقى نهاية الصفحة أو نهاية السورة أو نهاية الجزء اللي عايز يخلصه !!! تسمعه وهو بيقرأ وكأن حد بيجري وراه !!!

📢 يا حبيب قلبي ده إنت لو بتقرأ خبر في جريدة هتركّز فيه وتقرأه باهتمام وتمعن أكتر من قراءتك للقرآن بالطريقة دي !!!
👈لو بتقرأ مُذكرات الدراسة مش هتقراها بالشكل ده !!! يا شباب .. لازم نعرف إن ختم القرآن مش مطلوب لذاته !! يعني مش هو الهدف !!

📢 مش مطلوب إني اقعد ساعة واتنين وتلاتة كل اللي بعمله إني بقلّب في صفحات ورا بعض ، وبعدين اقفل المصحف وأقول الحمد لله ختمت القرآن !!

👈الهدف يا حبيب قلبي هو إنك تقرأ بتركيز وخشوع وتحاول تفهم وتتدبر وتعمل باللي فهمته فيأثر فيك ويغير حياتك للأفضل طبعاً ..
🔊 كما قال الله تعالى : (كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ)

📌 يعني إنك تقرأ آية واحدة بتدبر وتأمل وفهم وتعمل بها ، أفضل 1000 مرة من إنك تختم القرآن كله من غير ما تكون فاهم ولا واعي أي شئ من اللي بتقرأه !!

📌ولذلك كان بعض الصالحين يقول : [ آية لا أتفهمها ولا يكون قلبي فيها ، لا أعدّ لها ثوابًا !]

👈 فمتخليش تفكيرك وهمّك كله في عدد الختمات، مش مهم هتختم كام مرة ،
المهم هو قلبك هيدخل فيه كام آية من القرآن ويتعلق بيها ؟؟؟
المهم هو هتقرّب من ربنا قد إيه بسبب القرآن ؟؟؟
المهم هو حياتك كام حاجة هتتغير فيها بسبب القرآن ؟؟

📚👌 وخد شوية النصايح دي لعلها تنفعك بإذن الله :
لو عرفت تخلّي القرآن هو رقم واحد في أولوياتك في رمضان قبل أي شئ تاني فافعل .. خلّيه هو شغلك الشاغل أطول وقت ممكن في الشهر ده .. خلّيه صاحبك ورفيق دربك في كل زمان ومكان .. أكتر حاجة تركّز عليها طول رمضان هي القرآن..

👌و ياريت لو تشتري مصحف جيب صغير يكون معاك في شنطتك على طول ، لأن عن تجربة ناس كتير ، إحساسك وإنت ماسك المصحف في إيدك وبتقرأ فيه غير وإنت ماسك الموبايل وبتقرأ منه خاااااااااااااالص !!

❄️ولو اضطررت وهتقرأ من الموبايل ، فاقفل الشبكة والنت زي ما قولنا قبل كده علشان تعرف تركز في الآيات ومفيش حاجة تقطع قراءتك ..

❄️ لازم تخصص وقت ثابت يومياً تقرأ فيه في التفسير علشان تفهم اللي إنت هتقرأه واللي هتسمعه في التراويح ..وأوصيك بكتاب (زبدة التفاسير) من أروع الكتب المُيسَّرة في التفسير .. او مصحف (التفسير الميسر)..

▫️جرّب كده وإنت بتقرأ القرآن يكون جنبك ورقة وقلم ، وكل خاطرة تجيلك أو حاجة تفهمها من الآيات تسجّلها ..سجّل كل أمر وكل نَهىّ وشوف إنت هتلتزم به ولا لأ ..؟؟!!

▫️جرّب تكتب عن إحساسك ناحية الآيات .. الآية دي فرحتك وبشّرتك ، والآية دي خوفتك ، والآية دي زودت يقينك ، ودي رجعت لك الأمل .. وهكذا ..
👈 لازم تتيقين وإنت بتقرأ إن القرآن هو طريق التغيير وفيه الحل لكل مشاكل حياتك ..

▫️جرب تُسقِط الآيات على حياتك واللى بيحصلك وتشوف فيها الحل لمشاكلك أو لشئ ما مُتعسر قدامك ..

ربنا قال عن القرآن إنه شفاء لما في الصدور، فابحث وإنت بتقرأ عن أمراض قلبك وهتلاقي دواها وشفاءها في آيات القرآن ..

ربنا قال عن القرآن إنه نور وهدى ، فحاول تخلي آياته تنور لك قلبك وتهديك وترشدك للطريق الصح في حياتك ..

▫️جرّب كده تعمل الحاجات دي وبإذن الله هتستمتع بكل آية وكل لحظة مع القرآن ..

👌جرّب واصبر على الفهم والتدبر .. الموضوع مش هييجي من أول مرة بسهولة ..
اصبر وبإذن الله هتلاقى أثر القرآن في قلبك في القرب من ربنا والحياة بمعانى إيمانية رهيييبة إنت مكنتش حاسس بيها قبل كده ..

👈اعمل كده في كل مرة تقرأ فيها القرآن وشوف النتيجة هتبقى رااااااااائعة إزاى ! هتدوق حـــــــــلاوة القرآن بجد .. هتعرف ساعتها إن القرآن ميتشبعش منه ..

📌 كما قال أمير المؤمنين عثمان رضي الله عنه : [ والله لو طهُرت قلوبُكم ، لَمَا شبِعَت من كلام ربكم ]

📢 ادعي ربنا وألِحّ في الدعاء إنه بنور قلبك بنور القرآن ، زي ما سيدنا النبي صلى الله عليه وسلم كان بيدعي ويقول : ( أَسْأَلُكَ أنْ تَجْعَلَ الْقُرْآنَ رَبِيعَ قلبي وَنُورَ صدري وَجَلاَءَ حزني وَذَهَابَ همي )

👈 خصص وقت مناسب للقراءة ، وليكن مثلاً بعد كل صلاة .. المهم تحاول إنه يكون وقت ذهنك فيه صافي ومهيئ نفسياً زي ما قولنا قبل كده ..

👈وقبل ما تبدأ جدد وضؤك لو تقدر ، واستخدم السواك وحاول تستقبل القبلة ، وابدأ بالاستعاذة ثم البسملة، واستحضر في نيتك فضل وثواب قراءة القرآن ..
👈واستحضر في قلبك إن ده كلام الله .. يعني ربنا الملك الجليل بيكلمك وبيخاطبك إنت .. يا ترى هتسمتع لكلامه بقلبك ولا هتغفل عنه وتلتفت لغيره ؟؟؟!!

👈 حرّك لسانك أثناء القراءة، لأن قراءة العين لا تُجزئ ، وخلّي صوتك وسط ، لا عالي أوي فتتعب وتشوّش على اللي حواليك ، ولا منخفض أوي فتملّ وتنام ، وكذلك سرعتك وسط لا سريعة أوي ولا بطيئةً أوي ..

🌟 للقرآن هيبة ووقار، ومن تعظيم القرآن في قلبك إنك إذا بدأت قراءة فمتحاولش تلتفت لأي حد، ولا تقطع قراءتك بالكلام مع فلان وفلان ..

👈ولو حد عايز يكلّمك شارور له بإيدك واعتذر له، وده من تعظيمك لكتاب الله .. ومن عدم احترامك لكلام ربك إنك تقرأ آيتين وبعدين تبص على الفيس والتويتر والتليجرام و... و... و ... بعدين ترجع تقرأ آيتين ، وبعدها تتصفح وهكذا ..عظّم كلام ربك اللي بتقرأه علشان تجد له تأثير في قلبك ..

📌 أثناء القراءة هتعدي عليك آيات رحمة ..آيات نعيم وفضل .. اقف عندها .. اقف عندها وارفع يديك واسأل ربك من فضله ..

👌وهتعدي عليك آيات وعيد وعذاب ..اقف عندها واسألك ربك النجاة والسلامة ..تدبر في آيات الصفات التي تصف الله تعالى وعظمته وقدرته ورحمته وكرمه .. وكرّر الآيات اللي تلاقيها لامست قلبك مرة واتنين وعشرة ..

👈 كرّر الآيات اللي بتأثر فيك لحد ما قلبك يلين ، ويا سلام لو عصرت عينك علشان تبكي وتخشع لكلام الله اللي خشعت منه الجبال !

🔈الحلقة القادمة (صيام باحتراف) بمشيئة الله تعالى
__________
#محترف_رمضان
#حياتي_دعوة
من يعاني من سرعة الإنفعال والهموم والقلق ، اضبط صلاتك تنضبط انفعالاتك.
‏يقول الله"إن الإنسان خلق هلوعاً، إذا مسه الشر جزوعاً وإذا مسه الخير منوعاً إلا المصلين.