أنا مرتبطة ..

هذه الكلمة في بداية أي سؤال يصلني صارت فعلا تثير عندي شعورا بالغثيان .. والتعجب .. والشفقة الممزوجة بغيظ عميق من غباء يستحوذ على العقول بتزيين الشيطان الرجيم !

والله يصل الحال ببعضهن أن تربط نفسها بأحدهم خمس وست وسبع، والله وثمان وعشر سنين .. منتظرة ..

ده لو واحد من السلف الصالح فلا يستحق ولا مبرر لانتظاره كل هذه المدة ..

مش واحد خاين (مهما كان كويس في حاجات تانية) !

نعم؛ خان شرع الله وحدوده .. وخان ثقة أهلك .. وخان معنى الرجولة وحقيقتها ..

لو روحه فيك، وهيموت عليك .. عمره ما يقبل يربطك جنبه طول فترة هو ما يملكش فيها أي حاجة .. ولا عارف هينجز فيها إيه وامتى وازاي !
هذه أنانية .. وملء فراغ .. ورغبة في أن يظل أحدهم بجواره يوفر له الطاقة التي تدفعه في الحياة .. مهما زعم غير ذلك .. أو ذرف دموع الحب !

#منقول

📌 السؤال : ما حكم تطويل الأظافر للنساء؟


✅ الجواب: قص الأظافر من سنن الفطرة لقول النبي صلى الله عليه وسلم: ( الفطرة خمس: الختان والاستحداد وقص الشارب وتقليم الأظفار ونتف الإبط ) رواه البخاري ومسلم

وثبت في حديث آخر أن سنن الفطرة عشر منها قص الأظفار وعن أنس رضي الله عنه قال: ( وقت لنا رسول الله صلى الله عليه وسلم في قص الشارب وقلم الظفر ونتف الإبط وحلق العانة ألا نترك ذلك أكثر من أربعين يوماً ) رواه أحمد ومسلم والنسائي واللفظ لأحمد والنسائي

فمن لم يقص أظفاره فهو مخالف لسنة من سنن الفطرة. والحكمة في ذلك النظافة والنقاء مما قد يكون تحتها من الأوساخ والترفع عن التشبه بمن يفعل ذلك من الكفار وعن التشبه بذوات المخالب والأظفار من الحيوانات.


📚 المصدر :اللجنة الدائمة (5/173)

لما تلاقي حد اتأخر في الزواج سواء كان ولد أو بنت ماتفضلش كل ماتشوف وشه / وشها تقولهم ( هتتجوز امتا / هتتجوزي امتا هنفرح بيك امتا / هنفرح بيكي امتا )

لأن الله أعلم بظروف عباده و تأخير الزواج بالنسبة للشباب أو للبنات ده بيكون له أسباب كتيرة جدا لا يعلمها إلا الله

أسباب تأخر الزواج بتكون فيها حكمة من ربنا للإنسان وفي الأول وفي الآخر كل أسباب تأخير الزواج بتكون خير كبير اوي من الله لعباده

الزواج ده رزق وله معاد مُحدد ربنا كاتبه للإنسان
معاد محدد لا يعلمه إلا الله
فبلاش تعمل ضغط نفسي لشخص هو مش عارف معاد نصيبه عند الله هيكون امتا

انت لو بتحب إنسان فعلا ونفسك انك تشوفه متجوز
ممكن تدعي له بظهر الغيب أن ربنا ييسر له أموره و يرزقه بالشريك المناسب / الشريكة المناسبة

أو ممكن كل ما تقابله و تشوفه تدعيله بصلاح الحال و تيسير الأمور من غير ما تجيبله أي سيرة عن موضوع الزواج

وخلي بالك أوووي من الحكمة اللي بتقول
إن الصبر علىٰ تأخر الزواج أهون بـ كثير
من الصبر علىٰ تحمل سوء الاختيار

إذا تركتِ العلاقةَ المحرّمةَ لنْ يموتَ ذلك الشابُّ بدونكِ، سيتزوجُ، وسيعيشُ حياتَه بالطولِ وبالعرضِ، عفِّي نفسَكِ، واحفظيها، وأعزِّيها بالطاعةِ عن الرذائل.
‏لنْ ينفعَكِ ذلك الشخصُ، ولنْ يشفعَ لكِ في قبرِكِ، بل على العكسِ، سيكونُ عدوَّكِ ووبالًا عليكِ.
﴿الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ﴾.

لا تسمحي لمتطفِّلٍ أنْ يخدشَ عفافَكِ، لو كانَ بهِ خيرًا؛ لأتاكِ مِن البابِ وطلبَكِ بالحلال.

‏لا تسمحي لأحدٍ كائنًا ما كانَ أنْ يُهينَكِ ويُسقطَكِ مِن عينِ اللهِ، ﴿وَمَن يُهِنِ اللَّهُ فَمَا لَهُ مِن مُّكْرِمٍ﴾.
‏فمِن شؤمِ المعصيةِ أنَّها تمنعُ الرزقَ، فانتظري رزقَكِ الحلالَ، وتذكري:
‏«مَن تركَ شيئًا للهِ؛ عوَّضَه بخيرٍ منه».

أنت مش هتقدر تعاند القدر، فحاول تتفهمه، حاول تحبه، حاول ترضى بيه، حاول تخلي القدر في صالحك لما تسلم أمرك لله هيكون القدر في صالحك .. لأن ساعتها بس هتتكشفلك الحكمة، ولو متكشفتش في وقتها، فطول مانت راضي ربنا هيراضيك وهيعوضك، الرضا بالقدر راحة بال ودي من أعظم النعم.

اللهم الرضا الذي يجعل قلوبنا هادئة، وهمومنا عابرة، ومصائبنا هيِّنة، اللهم الرضا الذي ينتهي بأبواب جنتك."💛

أتودين الفوز بجنةٍ عرضها السماوات والأرض؟! 🥹💛
بالطبع نعم؛ ففيها ما لاعينٌ رأت، ولا أذنٌ سمعت، ولا خطر على قلب بشرٍ!!

ولكن هل سألتِ نفسكِ يومًا هل أنا ممن يتقي الله في لباسي وألتزم بكامل شروط الحجاب الشرعي حتى أفوز بوعده المطلق؟!

إذا رأتني اليوم أمنا عائشة، أو خديجة أو أي واحدة من تلك الصحابيات المباركات رضي الله عنهنّ وأرضاهنّ... أكانت ترضى بمثل هذا الرداء لبناتها؟!! 🥺

📌رشة البرفان اللي حطتيها دي مش سهلة وبسيطة زي ما أنتِ متخيلة!!

لا تتهاوني يا حبيبتي؛ الأمر خطير حقا ❌

إن لم تفقهي حكم التعطر خارج المنزل فاسمعي قول الرسول صلّى الله عليه وسلّم : « أيّما امرأةٍ استعطرتْ فمرتْ على قومٍ ليجدوا من ريحِها فهي زانيةٌ»💔

#خدي_القرار
#سارعي_بقرار_التعديل

‏غلبتُنَّ نساءَ النَّصارى في العُريِّ يَا بَناتِ الإسْلامِ !!

د/محمد الغليظ

عمرك حسيت إن الدنيا بتشدك بعيد؟ تحس بتُقل جوا قلبك، وكأنك تايه ومش عارف ترجع؟

أوقات تبقى عايز تصرخ وتقول: "كفاية!" لكن صوت الذنوب بيبقى أعلى.

كلنا مرينا بلحظات البُعد والضياع.
بس تفتكر، هل الطريق مسدود؟
لا والله، ربنا بيقولك: تعالى، ارجع، حتى لو غبت سنين، لسه الفرصة موجودة.

ربنا قال:"قل يا عبادي الذين أسرفوا على أنفسهم لا تقنطوا من رحمة الله"
يعني مهما غلطت وأخطأت، باب التوبة مفتوح.

والنبي ﷺ قال:"لله أشد فرحًا بتوبة عبده حين يتوب إليه" .
يعني ربنا بيفرح برجوعك أكتر من أي حد تاني.

ابدأ من دلوقتي، من اللحظة دي، وما تبصش وراك، وهتلاقي ربنا دايمًا بابه مفتوح لك.♡

تخسرون الجنة وريحها بسبب ؟؟
عبايات مفتوحة ، و أجساد مكشوفة !!
وملابس ضيقة ، وضحكات متعالية !!
و عطورات مثيرة ، ووجوه ملونه !!

و إذا سألتها ماذا تتمنين قالت بفطرة أتمنى الجنة ..!

رسالة لكل أب و أم و زوج
كلكم راعٍ وكلكم مسؤول عن رعيته
أنتم محاسبون أمام الله.

وأنت قاعد بتتصفح على الفيس ...
طلعلك بوست عن مشهد +18🔞
أو ..فاعل خير بعتلك المشهد ده😏
بتعمل ايه..؟؟!!
بتفتح تشوفه من باب الفضول بس وتمسحه على طول؟؟!
ولا مش بتفتحه بس بتسيبه على جهازك؟؟
....ولا عندك حل تالت؟؟!
أنا بقى جاي أقولك...
إنك لو عملت الحل الاول إنت كده بالظبط زي واحد راح يرمي نفسه في النار🔥 ويقول أنا هطلع منها عادي
ولو عملت الحل التاني تبقى زي اللي ساب النار مولعه في بيته وعايش حياته فاكر إنها مش هتوصله في مكانه حتى لو اتأخرت شوية
طيب الحل ايه؟؟!
الحل إنك تقفل الباب من أوله ..مجرد ما تشوف كلمة مقطع ساخن....بلوووك ع طول
إنت لسه هتفكر؟؟!
الطريق ده أوله في إيدك وإنت اللي تقدر تتحكم تبدأ ولا لا ..بس نهايته مش في إيدك
لو دخلته ..هيبقى الطلوع منه صعب أوي..لكن قبل ماتدخله الريموت في إيدك
الريموت ده هو الواعظ اللي في قلبك اللي النبيﷺقالنا عنه إنك كل ماتفتح باب للحرام الواعظ ده بيقولك: (وَيْحَكَ لا تَفْتَحْه فإِنَّكَ إِنْ تَفْتَحْهُ تَلِجْهُ )
✋بينك وبين الحرام باب لو فتحته أو واربته بس....تبقي دخلت خلاص الله واعلم هتطلع إمتى😥

#عاوزين_نبطل_الغلط
#كفاية_إباحية
#رسايل_ضد_الإباحية

°°

‏«وشابٌّ نشأَ في طاعةِ الله».

لا تحسب أن مجاهدتك لأهوائك هيّن عند الله، فما أهنأك حين تعيش زهرة شبابك في محابّ الله ومراضيه، وتدرك مبكّرًا أن حلاوة العُمر مقرونة بالعيش في رحاب مرضاة الله، فحينما عظُمَ المطلوب، كان الجزاء ظِل عرش الرحمن.

📌 كأنك تراه ..

تخيل لو أنت شايف ربنا بجد، هيكون إيه حالك؟! لو قدرت توصل للمنزلة دي، وهي "أن تعبد الله كأنك تراه"، يبقى أنت كده وصلت لمنزلة عظيمة وهي "الإحسان".

📝 قال رسول الله ﷺ: "الإحسان أن تعبد الله كأنك تراه، فإن لم تكن تراه فإنه يراك".

🔖 طيب كلمني عن صلاة واحد شايف ربنا بعينه. كلميني عن حجاب واحدة شايفه ربنا بعينها. كلمني عن خلوات ناس شايفين ربنا قدامهم.

تقدر تعصي ربنا وانت شايفه؟! هتشرب سجاير أو تتفرج على حاجات محرمة أو تمارس العادة وانت شايف ربنا؟! هتكلمي شاب وتعملي علاقة معاه وانتِ شايفه ربنا؟! هتاكل من الربا أو المال الحرام وانت شايف ربنا؟!

طيب بس أنا مش شايفه فعلاً، ومش قادر أستشعر إني شايفه!


🖇 في الحالة دي، خليك فاكر دايمًا إنه هو يراك.. يراك في كل وقت، في كل مكان، وعلى كل حال.. فإنه يراك 💛

°°

احذر أن يموت قلبك وأنت لا تعلم ‏!!

وموت القلب ليس بتوقف نبضاته ..

ولكن موت القلب : ‏أن لا يعرف معروفًا ولاينكر منكرًا ولايتعـظ عـنـد ذكـر الموت أو المواعظ ولا يتحسر عـنـد فعل المعصية ،

تفوت الفرائض والصلوات وهو لا يتأثر ، فإن كانت هذه حالك فتداركه قبل أن تموت على هذا الحال.

حبيبي الغالي العمر يمضي  ، ولن ينتظر الموت استقامتك..

أنفاسك محسوبة  قال تعالى " لِكُلِّ أُمَّةٍ أَجَلٌ ۚ إِذَا جَاءَ أَجَلُهُمْ فَلَا يَسْتَأْخِرُونَ سَاعَةً ۖ وَلَا يَسْتَقْدِمُونَ"

فلا تغتر بقوتك ولا بصغر سنك فالموت لا يفرق بين قوي وضعيف ولا بين كبير وصغير فبادر قبل أن تغادر ..

اللهم طيب المقام وحسن الختام وطيب الأثر 🤲

كَيفَ تبدَأُ الإنتِكاسَةُ وكَيفَ تنتَهِي!

▪️تبدأ بفُتُورٍ وتهاوُنِّ فِي السُّنّنِ، ثُم تهاوُّن فِي الفُروض، ثُمّ مُداوَمةٌ علَى ذُنوبُ الخَلواتْ، وتُفضِي إلى إنتكَاسةِ الظَاهِرِ حَتّى تجِد نفسَكَ تدعُو لمُنكراتٍ كُنتَ تنهَى عنهَا سابِقًا، إنّما هِيَ خُطُواتُ الشّيطانِ..!! "

‏الإنـــــتكاسة عـــذاب "
- قال ابن القيم رحمه الله :
" من ذاق لذة القرب من الله ثم انتكس فإنه يعيش في الدنيا معذبا لا راحة الجاهلين ولا لذة العارفين".

- أصعب  مرحلة هي الإنتكاسة بعد الثبات"
‏قال ابن رجب - رحمه الله: "
"النّكسة أصعب من المرض، وربما أهلكت؛
سلوا الله الثّبات على الطّاعاتِ إلى الممات، وتعوَّذُوا به من تقلُّب القلوب، ومن الحَوْر بعد الكَوْرِ، ما أوحشَ ذلّ المعصيةِ بَعْدَ عزِّ الطاعة، وأفحشَ فقر الطمع بعد غِنى القناعة".

- الانتكاسة لا تحدث فجأة ؛ الانتكاسة هي قطرات تَشقُّ صخرة الاستقامة ، فقَطَرات الخلوات ، ثم الضُّعف في الصَّلوات ، ثم مُقاحمَة الشَّهوات ، ثم تبرِير السِّيئات بالأحاديث والآيات، ليُريح نفسه من فِعله ، ثم يَستَبدِله الله بخيرٍ منه
نسأل الله السلامة والعافية"

❀ فَيا من انتكس بعد الهداية، و زلَّت به القدم بعد ثُبوتها، أتفهَّم مَرارَة الشعور غير أني أبَشِّرك بِشارة.. "🍂

• الباب الذي بَينك وبين الله لم يُغلق حتى الآن عُد إلى الله ولا تتأخر سيقبلك ويقبل توبتك."

❀ حتى الأماكن التي ركَنتَ فيها طويلاً وقضيتَ فيها العبادة كثيرًا قد حنَّت إليك واشتاقت. "

"وَ لَا تُذِقَني مَرارةِ الإِنتكَاسة بَعد أَن إِطمَئَنَّ قَلبيِ فِي لَذةَ طَاعَتَكَ يا اللَّٰه،
فَإنّي لا أَطِيقُ الفُراق."

#انا_مش_فاهمني

د. حازم شومان

🎙️ الحلقة الخامسة

.(خايف من بكرة) 🎙️

حركتك الشهوة❓
والشيطان زيِّن لك المعصية وحسسك إن هنا هتلاقي اللذة اللي محتاجها؟

وبعد ما تعصي ربنا بتحس باشمئزاز من نفسك أكتر ما بتحس بلذة المعصية اللي بتكون مؤقتة ❤️‍🩹

كل ماتفكر تعصيه افتكر إن الحلال أحسن ورضا ربك فوق كل شيء؛ لأنك مش قد عذابه..

في بنات كتيير اووي فاهمه التبرج غلط خالص لأنهم فاهمين ان التبرج ده اللى هما مبينين شعرهم بس،، لاكن دلوقتى لازم  تعرفوا ان التبرج للى لبسهم ضيق،، للى بيحطوا ميكب علشان شكلهم يبقى حلو،، اللى بيحطوا برفان علشان يلفتوا النظر ويبقا ريحتهم حلوه،، كل ده تبرج،، انتى ممكن تكونى فاكره ان التبرج ده اللى هما مبينين شعرهم انا كنت فاكره كده،، التبرج ده حاجه كبيره جدا،، ده من الكبائر،، وقد توعد رسول الله صلى الله عليه وسلم المتبرجه بأنها لا تدخل الجنه ولا تشم رائحتها كما سيأتى وهذا يدل على ان التبرج من الكبائر.... وقال رسول الله صلى الله عليه وسلم (أيما امرأة استعطرت ثم خرجت،فمرت على قوم ليجدوا ريحها؛ فهي زانيه) التبرج ده حاجه كبيره جدا وللأسف فى ناس كتير اووي مستقله بيه ده ربنا سبحانه وتعالي قال فى كتابه العزيز (وٌلَآ تٌبًرجّنِ تٌبًرجّ آلَجّآهّلَيَهّ آلَآوٌلَيَ )
فواجبنا نحن البعد عن التبرج،، كمان المفروض انك تبعدى عن اللبس الضيق لأنه من التبرج،، لازم نلبس الحجاب ده الحجاب هو لغة الستر،، بينما ذكر الخمار (غطاءالرأس) فى أيه فى سورة النور بتقول،، اعوذ بالله من الشيطان الرجيم (وٌقُلَ لَلَمًؤمًنِآتٌ يِّغُضًـضًـنِ مًنِ أّبًصّـأّرهّـمً وٌيِّحًفُـظُنِ فُـروٌجّـهّـنِ وٌلَأّ يِّبًدٍيِّنِ ﺰيِّنِتٌـهّـنِ إلَأّ مًأّ ظُهّـر مًنِهّـأّ وٌلَيِّضًـربًنِ بًخِـمًوٌرهّـنِ عٌلَيِّ جّـيِّوٌبًهّـنِ)
وده دليل ان المرأة المسلمة تستر نفسها بالخمار،، صدقوني يا بنات مفيش حاجه تستاهل انك تعصى ربناا عشانها،، معقول نحكم على نفسنا بالنار،، علشان تستمتعى بالدنيا وتعيشي سنك زي ما الناس بتقول،، وماتسمعيش كلام ربناا سبحانه وتعالى وتستمتعى بأخرتك والجنه اللى هتكونى فيها بإذن الله وبرضو هتستمتعى بالدنيا و بالأخرة بإذن الله ،، فواجبنا نحن النساء هو البعد عن التبرج،، يا بنات صدقونى التبرج ده سواد من يوم ما تنزلى القبر لحد يوم القيامة 💔

*
متبقاش سايب فروضك وسايب القرآن ومصاحب ناس بتاخدك في طريق الضلال وأول ما تزعل تجري تسمع عمرو دياب وتامر حسني..!!

وتيجي تعيط وتقول هو ليه الدنيا قافلة في وشي..؟؟!!

طب بـ اللّٰه عليك الدنيا ليه هتتظبط فـ وشك يعني ده أنت بتروح من ذنب لـ ذنب لـ ذنب ومش هاين عليك تفتكر ربنا فـ وقت ضيقتك حتي..!!

"أنا بحط مانيكير إسلامي فعادي اتوضى عليه🤔؟"

= الإجابة:

أولا: عن عمر بن الخطاب رضي الله عنه قال: أنَّ رَجُلًا تَوَضَّأَ فَتَرَكَ مَوْضِعَ ظُفُرٍ عَلَى قَدَمِهِ، فَأَبْصَرَهُ النَّبِيُّ صَلَّى اللَّهُ عَلَيْهِ وَسَلَّمَ، فَقَالَ: :ارْجِعْ فَأَحْسِنْ وُضُوءَكَ"، فَرَجَعَ ثُمَّ صَلَّى.

فالواجب في الوضوء وصول الماء إلى جميع أعضاء الوضوء، ومنها الأظافر.

ثانيا: المانيكير طالما بيعمل طبقة تمنع وصول الماء للأظافر 👈 فلا يصح الوضوء به تماما، حتى لو اسمه مانيكير إسلامي.

فعلشان تتوضي صح لازم تمسحي المانيكير تماما، وأي مادة عازلة تمنع وصول الماء إلى أعضاء الوضوء ✅

قال رسول الله ﷺ: أول ما يُحاسَب عليه العبد من عمله صلاته، فإن صلُحَت فقد أفلح وأنجح، وإن فسدت فقد خاب وخسر.
وقالﷺ : العهد الذي بيننا وبينهم الصلاة فمن تركها فقد كفَر!
وصح عنه ﷺ أيضا أنه قال: من حافظ على الصلاة كانت له نورا وبرهانا ونجاة يوم القيامة، ومن لم يحافظ عليها لم يكن له نور ولا برهان ولا نجاة، وكان يوم القيامة مع فرعون وهامان وقارون وأبي بن خلف.

الكلام اللي فوق ده لازم يتاخد بعين الاعتبار يا اخواتي، ترك الصلاة ملوش أي مبرر وعقوبته صعبة جدا، اقرأ الأحاديث اللي فوق دي تاني بهدوء أرجوك

صدقني مفيش حاجة تستاهل تضيع آخرتك عشانها، لا دراسة ولا شغل ولا قعدة حلوة ولا فرح ولا سفر ولا أي حاجة، أصل آخرة كل ده ايه ؟
هنموت ونتحاسب
والصلاة السؤال الإجباري اللي لو محلتوش صح هتشيل المادة كلها، ف خد بالك الله يبارك فيك.

اللهم تُب علينا وارزقنا المحافظة على صلاتنا والدوام عليها وانفعنا بها يا رب العالمين.