(اللايك والإعجاب والتعليق) سوف تُسألون عليه يوم تقفوا أمام الله...

هل دعمت ودعمتي فنان أم فنانة، أم غنية أم فيديو غير أخلاقي أو غيره من الفيديوهات والصور والمنشورات الهابطة.

لولا اللايك والتعليق الذي وضعناه، أنت وأنتِ وأنا، لما شهرنا السذج والهابطين والهابطات وجعلناهم أبرز شخصيات المجتمع.

فكر وفكري قبل أن تضع وتضعي إعجاب وتعليق، وبالمقابل ادعموا المنشورات الدينية وأهل الدين وناشري الخير.

الصبر عن المعصية..
مفيش زرار هتضغط عليه يخليك تتخلص من المعصية..
الموضوع محتاج شويتين صبر..
نمسك نفسنا ونتحكم في شهواتنا شوية..
أصل مش هينفع كده كل أما تجيلك رغبة تروح تغلط..
مش كل ما تجيلك فكرة تروح تنفذها..
مش هينفع تفضل شهواتنا مجرجرانا ومتحكمة فينا كده..
نفسك دي لو فضلت ماشي وراها هتوديك النار...
اديها يا عم ع دماغها قولها مفيش.. قولها ده حرام وفي حاجة اسمها نار وقبر وعذاب..
واصبر اصبررررررر اصبرررررررررررر
لحظات والفتنة هتعدي والشهوة هتهدى بس اصبر بالله عليك..
ومن الحجات اللي تساعدك عالصبر انك تفكر في العواقب اللي بعد الذنب.. الفضيحة بقى وضيق الرزق..
وانك تفكر في نظر ربنا ليك وتستحي منه..
فكر في نعم ربنا عليك وقول بقى دي اخرتها وده شكر النعمة.. وخاف ع النعم اللي عندك تزول بسبب المعصية..

القَلب وما به لمن سَعى إليكِ حلالًا

لا لكلِ عَابِر  ..

مادامت الانتكاسة طويلة يبقى البيئة المُحيطة فيها خلَل..

علشان لو مكنش فيها خَلل مكنتش طوّلت!
يبقى أولًا : هنراجع البيئة المُحيطة
فيه حد بيفكّرنا بربنا؟
فيه حد لما بنشوفه بنتكسف نعصي ربنا قصادُه؟
فيه مجالس عِلم مُباشرة في حياتنا؟
فيه صُحبة لما بنقعد معاهم بنتشجّع عالعبادة؟

محتاجين نضبط النقطة دي علشان هتختصر علينا طريق طويل هنمشيه لوحدنا

ثانيًا : إيه أخبار السّماع؟
سماع المُحاضرات اللي تخُص العلم الشرعي بشكل عام.. د.أحمد عبد المنعم؟
طب بودكاست وَعي؟
ش.سمير مصطفى؟
بنسمع قرآن؟ عندنا وِرد ثابت لسماع القرآن؟

النصيحة التانية هنا نهتم بالسَّماع.. لما بتكون جميع المُدخَلات لعقلنا تخُص علاقتنا باللّٰه عزوجل تلقائيًا المُخرجات (العبادات)  هتتحسّن وتكون بريفكت
فـ نحاول نسمع كتير هينعكس على بقية جوارحنا..

دول أهم نقطتين نهتم بيهم
بعدها هنبدأ نفكّر أعمل إيه بقى؟
نتقبّل اننا ممكن نبدأ نصلّي وننتكس تاني، عادي هانقف تاني
هنقع شوية ونقوم شوية، يوم هيكون عندنا باور للعبادة
ويوم هانقف نصلّي بالعافية

ده عادي وطبيعي.. واللي مُنتظمين عالعبادة من سنين كذلك بيقعوا بردو عادي عادي عادي

انتي مُنتميَة لدين بتصحي فيه كل يوم الصُّبح عندك مساحة تمحي اللي فات وتبدأي من جديد .. احنا بنعبد رب واسع وكريم!

قال رسول الله ﷺ: "إنَّ اللهَ عزَّ وجلَّ يَبْسُطُ يَدَهُ باللَّيْلِ ليتوبَ مُسيءُ النَّهارِ، ويَبْسُطُ يَدَهُ بالنَّهارِ ليتوبَ مُسيءُ اللَّيلِ، حتَّى تطلعَ الشَّمسُ من مغربِها".

لحد يوم القيامة  ، لحد يوم القيامة!
اللّٰه يغفر لنا جميعًا ودايمًا نحاول في طاعته💛.

منقول

نفسي أقول لكل بنت..
وانت بتتعاملي مع راجل خليكي حريصة متفتنيهوش..
انت مش متصوره أثر الصوت الخاضع والضحك وكتر الكلام وريحة العطر والابتسامة والزينة عليه عامل ازاي.. هي دي نقطة ضعفهم..
النبي ﷺ قال كده "ماتركت فتنة أضر على الرجال من النساء"
فحتى لو انت قوية ومش خايفة على نفسك خافي على البني آدم اللي بتعامليه..
بلاش تكوني سبب في فساد حياته ودخوله النار.. بلاش تكوني سبب ان بيته يتهدم أو يتخانق مع زوجته..
النبي ﷺ كان بيدعي كل صبح وليل ويقول "اللهم إني أعوذ بك من شر نفسي.. وأن أقترفَ على نفسي سوءًا ، أو أَجُرَّه إلى مسلمٍ" يعني اني أكون سبب في فساد حد ووقوعه في معصية
متقوليش مليش دعوة ودي مشكلته هو.. لا طبعاً.. احنا عايشين في مجتمع واحد والفساد والعقوبة بتطول الجميع..
وفالآخرة هتشيلي ذنبه لو كنتي تجاوزتي حدود المعاملة...

سلامُ الله عليكم ورحمته وبركاته

موضوعنا اليوم عن ذنوب الخلوات

ذنوب الخلوات يعني ذنوب بتعملها بعيداً عن النظر وان محدش شايفك

بس ربنا شايفك وبتجعله اهون الناظرين اليك

"يستخفون من الناس ولا يستخفون من الله"

ذنوب الخلوات كتيره جدآ
{السرقه ، الزنا ، العاده السريه ، ...... ، الخ}

لو دورت علي أسباب انتكاسة المُلتزمين هتلاقيها الإصرار علي ذنوب الخلوات

لو دورت علي أسباب إن واحد عاوز يلتزم ومش عارف هتلاقيها الإصرار علي ذنوب الخلوات

لو دورت علي أسباب عدم الإحساس والخشوع بطعم الصلاة واي طاعه هتلاقيها ذنوب الخلوات

لو دورت علي أسباب خنقتك وهمومك اللا اراديه هتلاقيها اصرار علي ذنوب الخلوات

لو علي اسباب عدم توفيقك في أي حاجه وكلكعة كل حاجه تدخل فيها هتلاقيها اصرار علي ذنوب الخلوات

ذنوب الخلوات أصل كل بَليه وأصل كل شر

في الحديث (قوم إذا خلو بمحارم الله انتهكوها)

يروي في الأثر عن علي بن ابي طالب قال (اتقوا الله في الخلوات فإن الشاهد هو الحاكم

حل ذنوب الخلوات
الاستعانه بالله الدعاء والتقرب الي الله

حل كُل حاجه في حياتنا التقرب الي الله
خذ بالأسباب واقفل ابواب الذنب
توب بعد كل ذنب ولو وقعت الف مره في اليوم بعد كل ذنب اتوضي وصلي ركعتين استغفر فيهم واندم وانوي انك م هترجع للذنب ده ابدا متيأسش

اغرق الذنب بالحسنات

نعم العبد انه اواب

ي رفاق اياكم وذنوب الخلوات

ي رفاق اياكم وذنوب الخلوات

ي رفاق اياكم وذنوب الخلوات

ذنوب الخلوات سبب للانتكاسات

ي رفاق عليكم بعبادة الخلوات

سبب للثبات كلما طيب العبد خلوته بينه وبين الله طيب الله خلوته في القبر

استعن بالله وابتعد عن كُل ما يعصي الله

والسلامُ خِتام💛.

إلى أصحاب الحاجات والكُرُبات:
قال أبو بكر الطرطوشي المالكي رحمه الله:
"ليس بفقيه من كان له إلى الله حاجة، فنام عنها في الأسحار".

قيام الليل

خلوتك ببرامج التواصل الإجتماعي تعني أنك قد دخلت مرحلة الإبتلاء والإختبار، والشواهد ستشهد:

السمع والبصر والجلود شهود.🌸
والأرض تشهد.🌸
والملائكة تشهد.🌸
والله خير الشاهدين.🌸

هنيئاً لمن استعملها في طاعة ربه، ويا ندامة من جرَّته لمعصيته.

خدها قاعدة كدا
اللي الدين محرمه، أنا مش هعمله

اللي الدين محرمه وأنا بعمله، مش هخلقله مبررات وهعترف بغلطي

اللي الدين محرمه وأنا مش قادر أبطله، هدعي ربنا يهديني مش هدور على مليون تفسير مغلوط عشان أثبت صحته

أي حاجة متعارضة مع الدين أنا مش بعملها، وأي حاجة متعارضة مع الدين كإنها لم تكن بالنسبالي خلاص

مفيش حاجة اسمها بعيدًا عن الدين، لإننا لو رجلينا شايلانا هنا على الأرض، فإحنا هنطلع السما في يوم من الأيام، واليوم ده جاي كدة كدة لا مفر منه

وهنتحاسب على كل حاجة بعدنا الدين عنها عشان ندي نفسنا صك غفرانها .

ده مش نفاق دي عقيدة!

هتفضل لحد إمتى زاهد في الحسنات؟

صفحة واحدة من القرآن تكسبك أجر كبير في دقايق قليلة. والذكر أسهل عبادة، ومع ذلك مش ملتزم بيه؟

الليل طويل في الشتاء، والنهار قصير جدًا، ليه ما تصليش قيام ليل أو تصوم؟

الجنة درجات، وما بين كل درجة ودرجة مسافة زي ما بين السماء والأرض.
والحساب في الآخرة بالحسنات والسيئات.

الفرصة قدامك، باب التوبة مفتوح، وربنا بيقبلها ويفرح بيها.

اترك اللي فات، وابدأ صفحة جديدة مع ربنا.

كن عالي الهمة، ولا ترضى بغير القمة. 💪

إوعى تغتر بستر الله عليك.

لما تلاقي ربنا بيسترك مرة واتنين وتلاتة، ده مش معناه إنك تطمن وتكمل وتتمادى في المعصية. ده يدل على إن رصيدك قرب يخلص من الستر!

ربنا سترك وأمهلك وأعطاك الفرصة عشان تتوب وترجع ليه، فإن الله عز وجل: "يُمهِل ولا يُهمل".

فإوعى تغتر أبداً بحلمه عليك.

اقرأ الرسالة صح ✅

ما هو تبرج الجاهلية؟
👈 النساء ترتدى الأن وفقاً لما يعرف باسم الموضة من ملابس ضيقة وقصيرة وهذا الصنف لم يراه النبى صلى الله عليه وسلم فى عصره قال رسول الله صلى الله عليه وسلم: صنفان من أهل النار لم أرهما بعد نساءٌ كاسياتٌ عارياتٌ مائلاتٌ مميلاتٌ على رؤوسِهن مثلُ أسنمةِ البختِ لا يدخلن الجنةَ ولا يجدن ريحَها.
🫵 متخيلة لا يدخلن الجنة ولا يجدن ريحها
👈 تبرج الجاهلية أن المرأة تلقي الخمار على رأسها ولا تشده فتواري قلائدها و قرطها و عنقها هذا التبرج الذي كان في الجاهلية الأولى
🫵أما ملابس الموضة الأن من تعرى السيقان والفخذين و الصدر و العورة فهذا لم يكن يرضاه حتى أبو جهل أو أبو لهب لنسائه يعنى التبرج الأن كانوا يرفضوا ان نسائهم تخرج هكذا ونسائهم يرفضن ان تكشف مفاتنهم أمام الرجال الأجانب
👈 ونحن الأن مسلمين والنساء تخرج متبرجات وأزواجهم لا يمنعوهم من الخروج هكذا
حتى لو الرجل بعيد عن الدين كيف تترك نسائك يخرجن بهذا الشكل أين الرجولة اين الحميه أين الغيرة؟ قال رسول الله صلى الله عليه وسلم : كلكم راع وكلكم مسئول عن رعيته.
كل رجل مسئول عن نسائه وسيسأل عنهم
وأنتِ أيها الأم ما هو دورك فى توعية بناتك فى وقت تفشى كورونا كنتِ تخافى عليها وتنصحيها بإرتداء الماسك خوفاً عليها من أصابتها بأى مكروه
ألا تخافى على ابنتك من عقاب الله فى أى لحظة
أنصحيها مرارا وتكرارا بإرتداء الزى الشرعى
اللهم اهدي شباب و بنات المسلمين واحفظهم من كل شر ووفقهم للعمل الصالح الذي يرضيك وانفع بهم الإسلام والمسلمين يارب العالمين
الحمد لله على أنك ربي وليس لي إله غيرك

فَسادُ القُلُوبِ مُتولِّدٌ مِن سِتَّةِ أَشياءَ:

➊- يُذنِبُون بِرجاءِ التَّوبةِ.
➋- ويتعلَّمُون العِلم ولَا يعملُون بِهِ.
➌- وإِذا عمِلُوا لَا يُخلُصُونَ.
➍- ويأْكُلُون رِزْق اللهِ ولَا يشكُرُونَ.
➎- ولَا يرضَون بِقِسمةِ اللهِ.
➏- ويدفِنُون موتاهُم ولَا يعتبرُون៵..!"🌿


الحَسنُ البصْرِيُّ | إِيقاظُ أُولِي الهِممِ العَالِيةِ(٩٦|١).

لو كان في بيوتهم رجال لما تبرجت نسائهم…!

💌

الدنيا عايزة اللي يعافر فيها علشان يوصل،
سواء توصل ل هدف دنيوي أو إنك توصل للجنة.🍃

لكن تذكر.....

احنا مسؤولين عن السعي فقط، النتيجة مش بتاعتنا.
اسعى و ربنا هيفتح عليك.

#صباحكم خير وبركة💛

.

الخيام باردة، والبطون خاوية، والقلوب متعبة، والأمة غافلة مشتتة، اللهم لطفك ورحمتك بهم، يا رب عفوك على تقصيرنا...

«إذا أردت الطمأنينة والراحة في هذه الحياة؛ لا تتشَبَّث بشيء بقُوَّة، ولا تتعَلَّق بسرابٍ غير واضح المعالم، ولا تمُدَّنّ عينيك، ولا تزهَد بما بين يديك، واجعَل ثقتك عُظمَى بمُقَدِّر الأقدار، ومُهَيِّئ الأسباب، واعلَم بأنَّ ما كان لك سيأتيك، ولن يُخطِئ طريقه إليك»

دايمًا بندور على الراحة والسكينة، بنجري في الدنيا وناسيين إن الراحة بين إيدينا؟

الصلاة يا صاحبي، هي المفتاح اللي بيفتح لك أبواب السعادة والرزق والطمأنينة.

ليه تضيع المفتاح؟
ليه تستنى لما الهم يكسرك؟

ابدأ النهاردة، افتح باب الرحمة..
أول خطوة، اتوضى وصلي، وقلبك هيقولك بعدها: "ليه كنت مأخرها؟"

صلاتك هي عهدك مع ربك.. احفظ العهد وماتضيعوش.👌