قبل رمضان.. اجعل القرآن محور حياتك.

حدد وردك اليومي، وخلي عندك وقت للتلاوة ووقت للتدبر.
استغل رجب وشعبان كبداية حقيقية للعيش مع القرآن.

ابدأ من دلوقتي، علشان قلبك يدخل رمضان مستعد، يتنفس بآيات القرآن ويعيش بنوره.

القرآن مش مجرد عبادة لشهر..
هو منهج حياة.
لو بدأت النهارده، هتفضل طول السنة ماشي على هَدي القرآن. ✅

🎙️ الحلقة السادسة

*عن السيئات الجارية

يفاجأ الإنسان بسيئاتٍ عظيمة, لم يكن قد فعلها هو بنفسه, ولا باشرها بيده, لكنها كتبت عليه, سيئات كالجبال مهلكةٍ لصاحبها, من أين أتت؟ وكيف كتبت؟!
إنها السيئات الجارية, وما أدراك مالسيئات الجارية!.. هي سيئات تكتب على صاحبها وهو في قبره, سيئات مستمرة متواصلة لا تتوقف أبداً, يموت صاحبها وينقطع عن هذه الدنيا, ولا تزال تكتب وتسجل كل يوم, بل إنها تتضاعف بمرور الأيام والليالي, وهو محبوس في قبره, لا يستطيع أن يوقفها

(راجعوا صوركم على مواقع التواصل - ومنشوراتكم - أعمالكم - بضائعكم - نصائحكم - وكل شئ فعلتموه أو نشرتموه وتحروا فيه ماهو حلال وتجنبوا الحرام وبادروا بمسحه أو معالجته أو التوبة عنه اذا كان علاجه صعبا...فمن يعلم منا موعد أجله؟)

قال تعالى ((وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ)) (العنكبوت-13)

وقال تعالى ((لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ ۙ وَمِنْ أَوْزَارِ الَّذِينَ يُضِلُّونَهُم بِغَيْرِ عِلْمٍ ۗ أَلَا سَاءَ مَا يَزِرُونَ)) (النحل-25)

خذها قاعدة في حياتك، لو خُيرت بين أوامر الله وبين أي شيء مهما كانت المغريات؛ احرص على إنك تختار أوامر الله ومراده. 👌🏻

اللي هتاخده من أوامر الله هو اللي هينفعك في دينك ودنيتك،
وأما اللي هتاخده من المغريات مش هينفعك في آخرتك.

فاللهم أقمنا على مرادك منا، ووفقنا إلى ما تحبه وترضاه. 🤲🏻

💌
‏﴿وَلَا تَمُدَّنَّ عَيْنَيْكَ﴾

‏منهج ربّاني تعلّم منه أن لا تُقارن نفسك بالآخرين وبما آتاهم الله من فضل، فكلٌ له نصيبه في الحياة، فانطلاق البصر في ما عند الآخرين غفلة عن ما أعطاك الله من نِعم قد يكونوا محرومين منها أو مفتونين فيها، جعلنا الله ممن يشكرون فضله ويسألونه البركة.

هنيئاً لكم بما صبرتم
فزتم ورب الكعبة يا أهل العزة  ❤️

عدم الصلاة تقصير كبير في حق الله تعالى، وهي أعظم ركن بعد الشهادتين، فالصلاة عمود الدين ومن تركها عمداً فقد عرّض نفسه لخطر عظيم. إليك بعض النصائح لمن لا يصلي:

1. تذكّر أهمية الصلاة: الصلاة هي الصلة المباشرة بين العبد وربه، وهي أول ما يُحاسب عليه الإنسان يوم القيامة. قال النبي ﷺ: "أول ما يحاسب به العبد يوم القيامة الصلاة، فإن صلحت صلح سائر عمله، وإن فسدت فسد سائر عمله" (رواه الطبراني).

2. ابدأ بخطوات صغيرة: ركّز على أداء الصلاة في أوقاتها واستعن بالله، فهو المعين.

3. التأمل في نعم الله عليك: انظر إلى حياتك وما أنعم الله به عليك من صحة ومال وأمان، وتذكّر أن هذه النعم تستحق الشكر، وأعظم شكر لله هو الصلاة.

4. التخلص من المعوقات: إن كانت هناك عادات أو بيئة تؤثر عليك سلباً وتبعدك عن الصلاة، فحاول الابتعاد عنها. على سبيل المثال، تجنب السهر المفرط أو الصحبة السيئة.

5. طلب الهداية من الله: ادعُ الله بصدق أن يلين قلبك ويثبتك على الصلاة. استمر في الدعاء حتى لو كنت مقصراً.

6. قراءة عن الصلاة وثوابها: اقرأ كتباً أو استمع لدروس تذكّرك بفضل الصلاة وكيف أنها سبب في رضا الله وتيسير الأمور.💛

7. رفقة صالحة: أحط نفسك بأشخاص يحرصون على الصلاة، لأنهم سيعينونك ويشجعونك.💛

8. التفكير في الآخرة: تذكّر أنك ستقف يوماً أمام الله، فكيف ستجيب حين تُسأل عن الصلاة؟💛

> قال الله تعالى: "فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا" (مريم: 59). فلا تكن من هؤلاء، وابدأ اليوم قبل الغد.💛

#الصلاة

🌴🌴

‏كن علي يقين أن أي أمر ينتهي
من حياتك فهو لخير تجهله ،
وأن الله لا يبعد عنك شيء مهما رغبت فيه أو أردته إلا لأنه شر لك ولا يناسبك ،
وأن العوض ينتظرك في نقطة ما
بعدت أو قربت لكن ستصلها ذات يوم،
لذا اقضي أيامك بمعية الله ...

#عش_هانئا

حافظ على قلبك وماتفسدهوش بتعلقك الزائد بالدنيا..

وخليك فاكر إنك هتموت وحدك، وهتدخل القبر وحدك، وهتُبعث وحدك، وهتقف بين يدي الله تتحاسب وحدك،

قال الله تعالى: {وَكُلُّهُمۡ ءَاتِیهِ یَوۡمَ ٱلۡقِیَـٰمَةِ فَرۡدًا}

فاوعى الدنيا تخطفك، واجمع شتات قلبك على ربك، وارفع إيدك وقول يارب لا تجعل الدنيا أكبر همنا، ولا مبلغ علمنا

سيدنا  أبو بكر الصديق -رضي الله عنه- كان بيتمنى وبيحلم بالجنة؛ لكن ما فضلش يحلم بس، لأ ده اشتغل وبذل عشان يوصل لحلمه.

عشان كده لما النبي ﷺ سأل: (من أصبح منكم اليوم صائمًا؟ من تبع منكم اليوم جنازة؟ من أطعم منكم اليوم مسكينًا؟ من عاد منكم اليوم مريضًا؟) فقال سيدنا أبو بكر رضي الله عنه: أنا يا رسول الله!

يبقى كان بيطبق مش بس بيحلم! 😇

الجنة مش ببلاش.. الجنة عاوزة شغل وبذل واجتهاد وتضحيات.

💌

أوقات كتير بتلاقي الدنيا ضاقت أوي، كل حاجة بتتقفل معاك..
مشاكل بتحاوطك، وبتحس إن الأرض رغم اتساعها مالكش مكان فيها..
ولكن فجأة ومن غير مقدمات بتلاقي الحاجات اللي كنت فاكر إنها مستحيل تتحل، بتتحل من حيث لا تحتسب..
وبتلاقي البلاء عدى بطريقة عمرها ما كانت تيجي في بالك..
سيدنا موسى لما كان البحر أمامه وفرعون وجنوده من خلفه توكل على الله عز وجل رغم استحالة الأسباب، فشق الله له البحر ونجى هو ومن معه!

💌
يا بنات ويا شباب،
احذروا جروبات التعارف والدردشة!

لو بين بنات وشباب: الكل عارف إنها مدخل لمصايب كتير زي الشات، والصور، والحكايات اللي ماحدش عارف هتوصل لفين.

لكن حتى لو الجروب بنات بس:
اوعي تدي أمان وتقولي "كلنا بنات".
اوعي أي حد يطلب منك صورة وتبعتي، حتى لو بالحجاب. ليه؟

1. مش ضامنة إنها بنت فعلًا.
2. ولو حتى بنت، مش ضامنة أخلاقها وسلوكها.

وكم مرة طلع من ورا جروبات التعارف بنات أصحاب أفكار منحرفة أو ناس بتتبادل صور خارجة!

خليكم حريصين جدًا في التعامل مع وسائل التواصل الاجتماعي.

#قبس

كلنا عارفين إن مافيش حاجة في الدنيا بالساهل، ولازم تدفع علشان تاخد..
عايز تنجح في دراستك يبقى لازم تذاكر
عايز فلوس يبقى لازم تشتغل
عايز تتعلم رياضة يبقى لازم تتمرن

طب ليه نظرتنا بتتغير لما نيجي نتكلم في الدين!
ويبقى اللي عايز يصلي، واللي عايز يتوب، واللي عايزة تلبس حجاب شرعي منتظرين الهداية من ربنا، من غير تعب ولا أخد بالأسباب!

صحيح الهداية من ربنا، بس إحنا مطلوب مننا نسعى ونجاهد في الطريق، وناخد بأسباب الهداية؛ علشان نوصل لهدفنا، زي ما بنعمل في أمور الدنيا بالضبط، فالنبي ﷺ: "إِنَّما العلمُ بِالتَّعَلُّمِ، وإِنَّما الحِلْمُ بِالتَّحَلُّمِ، ومَنْ يَتَحَرَّ الخَيْرَ يُعْطَهُ، ومَنْ يَتَّقِ الشَّرَّ يُوقَهُ".

#قبس

💌

‏سيبهرك التوقيت الرباني في إنقاذك مما غرقت فيه,في جبر قلبك مما كسرت منه, في تعويضك عما خسرته,ستعلم أن الحكمة الإلهية في التأخير ليست عقاباً لك بل جزاء لصبرك,وأن الحرمان لم يكن مقدمًا على العطاء ضدك,بل من لُطف الله بك, ستنعم وستعلم أن توقيت الله مثالي وتظن أنك حرمت والحق أنك رحمت.

"فكشفنا عنك غطاءك"

بالموت بتنتهي كل الحواجز اللي كانت بتمنع الإنسان يشوف الحقيقة.
كل حاجة بتقع مرة واحدة:
غطاء الشهوات اللي خلى المعاصي تبان جميلة، غطاء الصحاب اللي كانوا بيضللوه، وغطاء الإعلام والمشاهير وكل المؤثرات الزائفة.
فجأة الإنسان بيلاقي نفسه قدام الحقيقة بكل وضوح، مفيش ضجيج ولا خداع حواليه، بس صوت واحد... صوت الحقيقة.
وبيشوف مشهد واحد... الحق والعدل.
وقتها بيحس قد إيه كان بعيد عن الحقيقة، وقد إيه كان راضي يعيش في خداع بسبب الحواجز اللي غطت على عينه.
أما المؤمن، فالمشهد اللي كان مصدقه ومستنيه هو اللي شايفه فعلاً. الحقيقة هي هي، والآخرة زي ما آمن بيها تمام.

بلاش تعيش في الوهم وتقول: بكرة أبطل، بعد شوية أسيب... لا يا صاحبي، الذنوب ملهاش علاج غير إنك توقفها فورًا، بدون أي مبررات!

الذنب اللي جايبك الأرض ومضيّع حياتك، ماينفعش معاه غير البتر . اقفل كل باب بيودّيك ليه، مهما كان مؤلم، مهما كان صعب. اتوجّع النهارده شوية بدل ما تضيع عمرك كله في الحرام وساعة الموت تندم ووقتها مش هيفيد الندم .

من حكم #المتنبي ..

دونَ الحَلاوَةِ في الزّمانِ مَرارَةٌ.

وَمَا الخَوْفُ إلاّ مَا تَخَوّفَهُ الفَتى.

ويَستَصحِبُ الإنسانُ مَن لا يُلائمُهْ.

وَالهَمُّ يَختَرِمُ الجَسيمَ نَحافَةً.

وَإنّ الوِشاياتِ طُرْقُ الكَذِبْ.

وَما الخَيلُ إلاّ كالصّديقِ قَليلَةٌ.

وَكَم أُسُدٍ أَرواحُهُنَّ كِلابُ"..

💌

‏ينقذك الله مرات ومرات, بطرق تدركها وطرق لن تدركها, بطرقٍ رضيت بها وأخرى أصابتك بالحزن, لكن في النهاية ولو طال الأمر وأخذ عدة سنوات فأمرك كله خير, حتى ولو بدا لك غير ذلك, فإن كنت تمر الآن بعقباتٍ كثيرة فاستبشر خيرًا لأن الفرج قريب, والمسرات قادمة إلى قلبك, أنت في حفظ الله دائمًا 🌺

#صباح_الخير