"صورتك ولا قلبك ؟!"

ممكن تبان متدين في نظر الناس،
كلامك مليان حكم،
وصورتك على السوشيال كاملة متكاملة.

بس ربك مش بينظر على ده كله.
في الحديث :"إِنَّ الله لا يَنْظُرُ إِلى أَجْسامِكْم، وَلا إِلى صُوَرِكُمْ، وَلَكِنْ يَنْظُرُ إِلَى قُلُوبِكُمْ وأعْمَالِكُمْ"
ينظر على النية اللي ورا كل حرف،
على القلب اللي ورا كل خطوة.

الناس ممكن تصقفلك،
بس التصفيق مش دايم،
والأجر الحقيقي مش في اللايكات.

اتعب على قلبك، مش على صورتك.
اصلح بينك وبين ربك،

الصدق مش بيحتاج جمهور..
الصدق محتاج خلوة، وسجدة، ودعوة مفيهاش رياء.

‏برّك بوالديك لا يعني ظلم زوجتك ،
وحبّك لزوجتك لا يعني عقوق والديك .

(أعطِ كل ذي حق حقه) 👌

عُمر بن الخطّاب رضي الله عنه،
كان من العشرة المُبشّرين بالجنة،
ومع ذلك… كان بيخاف من جهنم!

كان بيقول:
"يا ليتني كنت نَسْيًا مَنسِيًّا."

لو هو خاف، وهو مَقامه كبير قوي،
إزّاي إحنا نطمن وإحنا مليانين تقصير؟!

خد بالك، الخوف من النار مش ضعف،
ده وعي، وخوف بيقربك من ربنا.

فمتأمنش وإنت لسه محتاج تتوب.
اجتهد، وارجع لربنا قبل ما يفوت الأوان.💛

حضرتك هتموت، وهم لما يجيبوا سيرتك هيترحموا عليك ف السريع كده ويغيروا دفة الحوار علشان مش ناقصة نكد وبتاع..
فحضرتك بعد اذنك يعني متشغلش بالك بيهم
انت موجود في الدنيا علشان تعبد ربنا وتمشي خفيف خفيف كده، ف اوعى تنسى سبب وجودك وتعيش في صراعات فارغة على دنيا زايلة علشان ناس هيعيشوا حياتهم عادي جدا بالكتير أوي تاني يوم بعد دفنك..

خير الناس من عمَّر آخرته بدنياه، وشر الناس من دمَّر آخرته بدنيا غيره.

💌

لو عندك ذنب كاسرك ومش عارف تتخلص منه، ماتقعدش تعيط وتلطم وتفضل واقف محلك سر، الشيطان مش عايزك بس تعصي، ده بيفرح لما يشوفك يائس ومحبط.

طول ما قلبك لسه بينبض، اوعى تيأس.. الحسنات لما بتكتر بتقلب الميزان..
حاصر الذنب من كل ناحية  زود حسناتك لغاية ما الذنب يحس إنه دخيل في أرض نضيفة مش طايقاه.

صدقني لو الشيطان عرف إن كل غلطة منك بتولد دعوة أو صدقة أو ذكر، وكل ضعف بيصحيك تصلي وتستغفر، كان زمانه سابك في حالك!

خلي الذنب بداية مش نهاية، سبب إنك تقرب مش تقع.

وخليك فاكر إن المياه لما بتزيد على النجاسة بتطهر الأرض.

﴿إِنَّ الْحَسَنَاتِ يُذْهِبْنَ السَّيِّئَاتِ﴾. 💛

💌

أقصر الطرق إلى حاجتك: أن تشكو إلى الله تعالى حالك وما بك، متعرضا لكرمه وعفوه وإحسانه.. اشك كل ما يكون بك، واعرض حالك عليه، وقل بي كذا وكذا، وأرجو كذا وكذا..

ولا يغب عنك مشهد نداءات زكريا وأيوب ويونس وهمهمات الحزن اليعقوبية وهواجس الخوف الموسوية!

وما أجمل أن تصحب هذا كله بالثناء عليه والاستغفار من ذنبك ومعاينة الفقر التام له سبحانه، مع اليقين التام في قدرته على كل شيء، ومحبته سماع الشكوى منك، وأن أمرك كله عليه هينٌ سبحانه وبحمده.

#قبس

كلمة لكل من تتساهل بالسفر وحدها وتخالط الرجال وتعتبر ذلك طبيعيًا:

يا من تسافرين وحدك وتظنين أن الاختلاط مع الرجال أمر عادي، تذكّري أن حدود الله ليست اختيارًا، بل هي فريضة يجب أن تُحترم.

السفر وحدك، والتعامل مع الرجال بدون ضوابط شرعية، ليس من سلوك المؤمنات، بل هو باب للفتن التي قد تؤثر على دينكِ وقلبكِ...

الله سبحانه وتعالى قال: "وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُوْلَىٰ".

اختلاطكِ مع الرجال ليس أمرًا يسيرًا، بل هو يفتح أبوابًا للفتنة قد تؤثر على تماسككِ الإيماني..

لا تظني أن الحجاب أو الحشمة أمر ثانوي في حياتكِ، بل هو ركن أساسي في استقامتكِ..

فالسعادة الحقيقية تكمن في طاعة الله والتمسك بتعاليم دينه، لا في تجاهل ما أمرنا به بحجج العصر أو الظروف...

حاولي أن تكوني قدوة للأخريات في تقوى الله، وكوني قوية في إيمانكِ، فالطاعة تزيد من نور قلبكِ وطمأنينتكِ...

اللهم ثبتنا على دينك، واهدنا إلى صراطك المستقيم...

تنبيه هام للاخوات⚠️⚠️⚠️
انتشرت في هذا الزمان ظاهرة لم يالفها التاريخ قبلا ظاهرة دنيئة وغير أخلاقية تحت ما يسمى "الحب العفيف"
وهو ان تقوم الفتاة بالدعاء بشخص تزعم انه دخل قلبها وتدعوا الله ان يرزقها اياه وتتعلق به تعلقا شديدا وهو لا يدري ولايهتم حتى بوجودها ولايفكر فيها اصلا....وعندما توقن انه لم يكن من نصيبها تذرف بحرا من الدموع وتدخل في حالة اكتئاب وامراض نفسية وما الى ذلك...
هذا ليس حبا عفيفا هذه فتنة.فتنة .فتنة ... والله ان الشيطان يجد السبيل دائما لقلب المسلم  بالباطل تحت غطاء الحق
هل لي بسؤال :
كيف دخل هذا الشخص قلبك ؟
اين غض البصر يا اختاه؟
إلى تلك الفتاة التي تنتظر رجلاً، وتدعو له بكل يقين،
توقفي لحظة... واسألي نفسك:
هل تُرهقين روحكِ بشيء لم يُكتب لكِ بعد؟
اعلمي أن الأرزاق لا تُنتزع بالدعاء
*وفي السماء رزقكم وما توعدون*

لا تكسري قلبكِ على غيبٍ لا تملكين مفاتيحه.
لا تمرضي نفسكِ على رجاءٍ قد يحجبه الله عنكِ رحمةً لا قسوةً.
ثقي أن ما لكِ لن يأخذه غيركِ، وما ليس لكِ، لن تبلُغيه مهما بكيتِ وسجدتِ.

وتذكري:
التفكير المفرط في أحدٍ لم يُكتب لكِ ليس من محاسن الخلق،
ولا سمعنا عن صحابية شريفة أرهقت قلبها بحب مجهول أو تعلقت بسراب.
فغضي بصركِ، وأقبلي على الله بقلبٍ نظيف، واتقيه حق تقاته.
فمن ترك لله شيئًا، عوضه خيرًا مما تمنى.

ارفعي رأسكِ عاليًا، قولي:
"اللهم ارزقني خير ما أتمنى، واصرفني برحمتك عمّا لا خير لي فيه."
وابتسمي... لأن التدبير كله بيد الله، ولأن قلبكِ بين يديه، ولن يضيّعكِ ربٌ اسمه الكريم.

🍃🌸حدثي عقلك لاقلبك🌸🍃

"والله ما رأيت ولا سمِعت أحدًا صدق مع القرآن وصبر في حفظه ومُراجعته، وكابد ليله ونهاره، وألحّ على الله أن يُكرمه من كرامات كلامه فهمًا وعملًا؛ إلا وأكرمه الله ورفع ذكره، وأعزّ شأنه، وفتح لهُ باب لم يُحسب له حساب، ولله حِكم وأسرار في كتابه، لا يؤتيها إلا لِمن أخلص!"

#تلاوات خاشعة📚💭📮

💌

الحياة بقت تقيلة قوي.. ضغوط كل يوم بتزيد أكتر وأكتر.. سواء من الناس، من الظروف، أو حتى من نفسك اللي بتجلد ذاتها مع كل غلطة.. كأنك لازم تكون ملاك ما يغلطش، وما ينكسرش، وما يتهزش..

بس الحقيقة إننا بشر.. بنتعب، ونتوه، ونغلط، وده مش ضعف.. ده طبيعتنا.. ومع كل الغلطات بنكبر، ونتعلم، ونتشكل..

المقياس الحقيقي؟ مش في إنك ماتقعش، لكن في إنك لما تقع، تقف تاني.. حتى لو أخدت وقت، حتى لو قلبك لسه بيلم نفسه..

الناجح مش اللي ما فشلش.. الناجح هو اللي خسر ووقع وانكسر.. وبعدين رجع يلضم نفسه من جديد ويكمل.. حتى لو الطريق كله وجع..

الخسارة جزء من الرحلة.. وأوقات بنتوجع لدرجة إننا نحس إنها نهاية الحكاية.. بس الحقيقة إنها فصل، مش نهاية..👌

نلهَث وراء دُنيا لن تبقىٰ ولن نبقىٰ

يا شباب ويا بنات، الفتن حوالينا كتير.
فلو حسيت إنك ضعيف ومش قادر تبعد عن الغلط، أو الشيطان بيزين لك الحرام... الحل في كلمة قالها نبي كريم لما اشتدت عليه الفتنة:
﴿وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ﴾.

سيدنا يوسف، وهو نبي، طلب من ربنا يصرف عنه كيد الفتن، مع إنه كان بعيد عنها.

اقفل أبواب المعصية، وماتفتكرش إنك قوي لوحدك.
قوتك الحقيقية في لجوئك لربنا ودعائك.

ابعد عن الفتن وادعي ربنا يثبتك، ووقتها هتلاقي وعد ربنا الحق:
﴿فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ﴾.

حبيبي الغالي بالله عليك تركز معايا دقيقة واحدة.
ليه بتدي قيمة لحد بيبيع دينه عشان شوية مشاهدات ولايكات؟

ليه بتجري ورا محتوى رخيص بيهدم كل قيمة حلوة اتعلمناها؟

يا حبيبي، "ماتعملش للرخيص تمن". لما بتتابعهم وبتتفاعل معاهم، كأنك بتديهم صك نجاح على حساب دينك وأخلاقك.

هو باع دينه علشان الفلوس ، وإنت بتبيع دينك عشان إيه؟

عشان تشوف فيديو تافه؟ عشان تضحك كام ضحكة على كلام فارغ؟

صدقني، وقتك أغلى من إنك تضيعه على محتوى بيسمم روحك وعقلك وبيضيع أجيال بأكملها .

ركز في اللي ينفعك، في اللي يقربك من ربنا، في اللي يعلي من شأنك. وخليك عارف إن كل متابعة منك لازم تروح في المكان الصح.👌

في بنات كتير واقفة بعيد...
شايفة الحجاب الشرعي .. وحاسة بقيمته..
بس لسه مترددة… خايفة من شكلها!!
الحجاب هيكبرها، خايفة من كلام الناس، خايفة من إحساس التغيير، اتفتنت بالموضة والميكب والبلوجرز...

تعالي أقولك يا ست البنات...
مفيش طاعة بتتعمل بدون مجاهدة.. دايمًا هيكون في تردد، تعب، مقاومة للنفس وللهوى ..
بس الفرق إنك بتختاري تبقي أقرب لربنا… بتختاري تكوني في الطريق اللي يُرضيه عنك💙

الشيطان بيقولك الحجاب هيقيدك؟؟
هتحسي أنك مش عارفة تعيشي حياتك وتفرحي ؟!!
بالعكس، ده الحجاب بداية لحياة أجمل، وأرقى ،، احساس روحك بالسكينة والطمأنينة.. يكفي إنك تكوني متلبسة بطاعة طول ما انتي بحجابك..

ما تستنيش الظروف تكون مثالية عشان تلبسيه!!
أري الله منك الصدق في قلبك.. وكل ما تمشي خطوة في طريق ربنا، ربنا هيقربك منه خطوات... مستحيل تكوني عايزة تاخدي خطوة القرب وربنا يخذلك..
استعيني بالله وانجحي في اختبار الصدق وربنا هيدهشك🤍🤍

خطوة واحدة ممكن ترفع درجتك عند الله وتغيّر حياتك للأبد.. يلااا خديها انتي قدها 💪🏻🤍

#سارعي_بالقرار
#البسيه_صح
#خطوة_حجاب_إرضاء_لرسول_اللهﷺ

▪وقت ما كانت السيدة مريم في قمة الابتلاء.. وهي شايلة هم حملها اللي من غير زوج.. شايلة هم قومها اللي مش هيرحموا، ولا هيفهموا، ولا هيحسنوا الظن.. 

▪شايلة هم نظرات الناس.. اللي بتحرق أكثر من نار.. شايلة هم كلام السوء.. والإشارة بأصابع الشك إليها..

▪شايلة هم لحظة المواجهة.. وقت ما تقف قدام الناس.. وما حدش هيقدر.. ولا هيصدق.. ولا هيفتح لها باب الأمل حتى لو بدرهم..

▪لكن شوف الجمال.. شوف الرحمة.. شوف المعنى الكبير اللي ربنا بعته لها "فَكُلِي وَاشْرَبِي وَقَرِّي عَيْنًا"..

▪يعني يا مريم، اهتمي بنفسك.. كلي واشربي واهدي، ريحي قلبك، متخليش الأزمة تسرق منك لحظتك مع نفسك، متخليش همّ الناس يغلبك على نعمة ربنا ﷻ..

▪"فَإِمَّا تَرَيِنَّ مِنَ الْبَشَرِ أَحَدًا..." لو قابلتي الناس؟ ما ترديش، ما تبرريش، قولي: أنا نذرت صوما.. مش لازم تشرحي، مش لازم تدافعي، خدي مسافة.. لأن ربنا ﷻ هو اللي هيتولى الرد..

▪وفي وقت.. وقلب العاصفة.. في لحظة الضيق اللي مش متخيلة بعدها نور.. يأذن الله لهذا الطفل الرضيع أن ينطق.. وأن يتكلم.. وأن يقول "قال إني عبدالله آتاني الكتاب وجعلني نبيا"..

▪عشان كدة لما تبقى وسط أزمة.. ارم حمولك على ربنا ﷻ، ريح قلبك، ومتديش للناس أكبر من حجمهم في حياتك..

▪فيه وقت لازم تقعد مع نفسك، تاكل وتشرب وتهدى، وفيه وقت لازم تسكت قدام الناس، مش ضعف، لكن تسليم… لأن اللي هيدافع عنك هو ربنا مش أي حد..

#مقتبس

الخلاف أمر وارد في أي علاقة زوجية لأننا بشر مش ملايكة.
فالمشكلة مش في الخلاف نفسه..
المشكلة في الطريقة اللي بنتعامل بيها مع الخلاف.

كلمة حنينة وضحكة صافية كفيلة تطفي نار كبيرة وتفتح باب كان مقفول.
العلاقة الزوجية أكبر بكتير من المكابرة، والسلام أولى من الخصام.

الزوجة الأصيلة كنز، والراجل اللي بيفضل شايف في مراته سكن وسند حتى لو الزمن غير ملامحها هو ده اللي فاهم معنى الرجولة بجد.

اللي بيبني البيوت مش الطوب، اللي بيبني البيوت القلب الطيب والإيد اللي بتمسح الدمعة وقت الزعل. 🌺