✍️

من واقع الاستشارت

ماتفتيش يا حاج طالما مش فاهم ولا حاسس !!

تقدم لزواجها وحدثت الرؤية الشرعية وقال:  تمام وانا موافق ، فتكلمت الأخت وقالت : أنا مريضة بالوسواس القهري وباخد ليه أدوية فلازم حضرتك تعرف ، وفيه طبيبة معالجه متابعه حالتي

وأتمني حضرتك تاخد وقتك وترد علينا وحاول تقرأ عنه أو تستشير حد متخصص ،  ورد عليهم بالموافقة عشان معجب بدينها وجمالها ونسبها و قال : أنا موافق 

وتم الزواج بعد استشارة الطبيبة

بدأت تأتيها أفكار بتفضل تلف في دماغها طول الوقت ومش قادره توقفها  وبتلاقي نفسها  بتعمل تصرفات غصب عنها زي إعادة الوضوء والصلاة  علشان تريح نفسها

والحالة اسمها "الوسواس القهري"، وبتحتاج فهم واحتواء وعلاج ، ولكن للاسف كان الزوج بينهرها ويقلل منها ويصفها بالتخلف والجنون والغباء  ومش عاوز يوديها للطبيبة ولا حتي يجيب العلاج اللي كانت بتاخده

فساءت حالتها جدا ودخلت في دور اكتئاب ، وطلبت منه الطلاق .

ولما استشارني قلت :  يا أخي : قضيت عليها وعلي نفسيتها وكنت سببا في زيادة المرض لأنها كانت صادقة معك من البداية ولكن للأسف لم تفهم طبيعة المرض ولا كيفية التعامل معها وهي في هذه الحالة .


وأنا عاوز أعطيكم  شوية معلومات  جمعتها لكم  من المراجع العلمية عن الوسواس لتتبين لكم الصورة  ، ولو حولك مريض وسواس خلي بالك منه لأنه بيموت بالبطيئ لو اللي حواليه مشفهمين حالته.

🤯 إيه هو الوسواس القهري؟

الوسواس القهري هو اضطراب نفسي بيخلي الشخص يفكر في حاجات مش مريحة ومش منطقية، ويضطر يكرر تصرفات معينة علشان يخفف القلق اللي حاسس بيه.

يعني مثلًا:

تلاقيه بيغسل إيده 20 مرة في اليوم علشان خايف من التلوث.

أو بيرجع يتأكد من الباب 10 مرات إنه مقفول.

أو بيعيد نفس الجملة في الصلاة كذا مرة.

وهو عارف إن اللي بيعمله مش طبيعي، لكن مش قادر يمنع نفسه.

---

🧠 أسباب الوسواس القهري:

فيه شوية عوامل ممكن تكون وراه:

من اشهرها :

تغييرات في كيمياء المخ.

وراثة من العيلة.

ظروف أو صدمات نفسية في الحياة.

-

😰 الأعراض بتظهر إزاي؟

الوسواس بيظهر في شكل أفكار مزعجة زي:

الخوف من النجاسة أو العدوى.

الخوف من إنه يضر نفسه أو غيره.

الخوف من الغلط أو من الإحراج قدام الناس.

وساعات يبقى عنده هوس الترتيب والدقة.

وبيتصاحب معاها تصرفات قهرية زي:

تكرار الوضوء والصلاة.

الغسيل المبالغ فيه.

الامتناع عن لمس الناس أو مقابض الأبواب.

الترتيب المبالغ فيه لكل حاجة.

العدّ أو التكرار في الكلام أو الأفعال.

الاحتفاظ بحاجات ملهاش قيمة.

---

🛑 إمتى نقول لازم يروح لطبيب؟

لو الوساوس بدأت تعطل حياته اليومية، وتضيع له وقته، وتخليه مش عارف يركز في شغله أو علاقاته، يبقى لازم يتدخل طبيب نفسي فورًا.
ومن اشهر اطباء مصر في علاج الوسواس د/ محمد شريف سالم ، د / محمد الشامي / د سيد الريس / د رضاء محمد اسماعيل وغيرهم كثير .

---

🩺 التشخيص بيكون إزاي؟

كشف سريري.

تقييم نفسي.

استخدام مقاييس متخصصة.

---

⚠️ إيه العوامل اللي تزود الحالة؟

وجود حد في العيلة عنده نفس المشكلة.

التعرض لصدمات أو ضغوط نفسية شديدة.

الإصابة بأمراض نفسية تانية.

الحمل ممكن يزيد الأعراض عند الستات المصابات.

---

😓 ممكن يحصل إيه لو اتساب من غير علاج؟

مشاكل في العلاقات.

صعوبة في الشغل أو الدراسة.

اكتئاب وأفكار انتحارية.

مشاكل في الجلد من كتر الغسيل.

---

💊 العلاج بيكون إزاي؟

العلاج نوعين:

1. نفسي:

زي العلاج المعرفي السلوكي، وده بيساعد الشخص يواجه الوساوس من غير ما يستجيب ليها.

في حالات بسيطة، العلاج النفسي ممكن يكون كفاية.

2. دوائي:

مضادات الاكتئاب بتساعد كتير.

ممنوع وقف العلاج فجأة، لازم باستشارة الطبيب.

---

👤 نصايح للمصاب:

اتكلم مع حد قريب منك أو اكتب اللي حاسس بيه.

اقعد مع ناس بتحبك وبتريحك.

حاول تهدى نفسك بالاسترخاء.

نام كويس وكل كويس، لأن ده بيأثر على مزاجك.

مارس رياضة، حتى لو مشي بسيط كل يوم.

---

👨‍👩‍👧‍👦 إزاي أتعامل مع شخص عنده وسواس قهري؟

افهم الأول حالته واقرأ عنها.

اصبر عليه وما تستهونش بمخاوفه.

ساعده في تنظيم أموره من غير ما تنتقده.

فكّره إن الغلط مش نهاية العالم.

شجعه يكمّل العلاج، واحكي له عن ناس اتحسنت.

حافظ على نفسك برضو، عشان تقدر تساعده.

---

لو بتعرف حد بيعاني من الوسواس القهري، ما تسيبوش لوحده، وافتكر دايمًا إن "اللي جوه دماغه مش بإيده"، لكنه محتاج حد يمسك بإيده.

د. عبد الرحمن منصور

اسم هيغير نظرتك للحياة

اسم الله اللطيف

🎙د/حازم شومان

‏القرآن والغناء لايجتمعان في القلب أبداً
القرآن والغناء لايجتمعان في القلب أبداً
القرآن والغناء لايجتمعان في القلب أبداً

كلما  ازداد سماعك للقرآن كلما تلاشى من صدرك حب الغناء ، و كلما ازداد سماعك للغناء كلما تلاشى
من صدرك حب القرآن .

فأختر بينهما ما تُحب ان تقابل به الله !

ومِن تمام حُسْنِ الظَّنِّ باللهِ، أنْ يستقرَّ في قلبِكَ أنَّه لا خيرَ لكَ في شيءٍ مُنِعتَ عنه، وأنَّ رحمةَ اللهِ بالحِرمان لا تقِلُّ عن رحمته بالعطاء..

سأل رسول اللهِ صلَّى اللهُ عليه وسلم أيُّ العمل أفضلُ؟ قال: "عليك بالصوم فإنه لا عدل له"

#صيام_الإثنين

وإن تعدوا نعمة الله لا تحصوها
د.حازم شومان

📣بصوا ياشبااااااب
الشورت القصير اللي بتنزلوا بيه الشارع ده حرااااام ياشباااااب
الشورت ده البسه في بيتك ماشي
انما تنزل بيه الشارع و تظهر الجزء اللي فوق ركبتك فده حرااااام
النبي ﷺ يقول : (غطِّ فخِذَكَ ، فإنَّ فخِذَ الرجلِ عورَتُهُ) *صححه الألباني في صحيح الجامع*
وحقيقي مش من الرجولة أبداااا إنك تنزل الشارع بشورت فوق الركبة ..
مش بس مش رجولة ...ده كمان من خوارم المروءة يعني من الحاجات المنافية للآداب العامة
ازاي يعني أنزل السوبر ماركت ولا أروح مكان عام و ألاقي شباب لابسين شورت آخره خالص انه يتلبس في البيت ؟؟!!!
ياصاحبي...
انت حر وتقدر تلبس الشورت القصير فعلاً بس جوه بيتك
لكن لما تنزل الشارع ففي حق للطريق وحق للمجتمع وحق لربنا قبل كل ده
وأول حق....انك تستر عورتك ...
والفخذ عورة فاسترها الله يسترك

لماذا إلتزمت؟ | د. حازم شومان

(أسباب عدم قبول الدعاء)

١- أن يكون الدعاء نفسه لا يحبه الله، لما فيه من العدوان أو القطيعة ونحو ذلك.

٢- ضعف القلب وعدم إقباله على الله وجمعيته عليه وقت الدعاء.

٣- كثرة المعاصي.
قال بعض السلف: «لا تستبطئ الإجابة وقد سددت طرقها بالمعاصي».

٤- أكل الحرام.

٥- الإستعجال.
كما في الحديث: «يستجاب لأحدكم ما لم يعجل».

٦- أن يطلب أمراً ولا يأخذ بأسبابه.

‏" لا تقوم الساعة حتى يتقارب الزمان، فتكون السنة كالشهر، ويكون الشهر كالجمعة، وتكون الجمعة كاليوم، ويكون اليوم كالساعة، وتكون الساعة كاحتراق السعفة " .

‏راوه أحمد بسند صحيح

تمادينا بالتفكير ونسينا أن الأقدار موجودة!
تمادينا في القلق والحزن ونسينا أن الله محيط بنا !
تمادينا في الخوف من المستقبل ونسينا أنه بيد الله!
انشغلنا في الخوف من الناس ، ونسينا أنه لو اجتمعت الإنس والجن على أن يضروك بشيء؛ لن يضروك إلا بشيء قد كتبه الله عليك!
يا ربّ كن معنا في كل خطوة، كن معنا
دائمًا يا ربّ ..

خُذِ الْكِتَابَ بِقُوَّةٍ

#آية_غيرت_حياتي

د. حازم شومان

°°

‏لم يكن أبدًا من شروط السير إلى الله أن تسير إليه بحالة كمال، سر إليه ولو بقلبٍ تائه، ولو بأثقال ذنوبك، ولو بلسانٍ يتلعثم، والله لو سرت إليه وأنت مُحمَّلٌ بالأوزار لقَبِلَك، فهو يحب قدومك إليه ولو حبوًا، طُوبى لمن حثَّ المسير، وعَلِم أن الدنيا مزرعة الآخرة، وأن الآخرة خيرٌ وأبقى.

#قيام_الليل
#وتركم_جنة