أيها المعرض عنا !! د حازم شومان

القواعد المذكورة في الحلقة الثانية


https://youtu.be/gnryv4mRukQ?si=Yk0iNshcWnSqjdim

س/ عاوزة خطوات عملية أعملها عشان أقدر أنتظم في الصلاة؟
-------

ج/ هديلِك شوية خطوات هتفرق معاكي بس لازم إنتِ اللي تاخدي قرار التغيير:

1️⃣ غيري وجهة نظرك عن الصلاة، ماتتعاملِيش إنها حمل تقيل عايزة تخلّصي منه.. بالعكس! الصلاة دي غذاء روحِك اللي من غيره هتعيشي تايهة وقلقانة، فتعاملِي معاها إنها الوقت اللي بتطمني فيه روحك وبتديها الأمان اللي محتاجاه، وبتقوّيكي كمان إنك تواجهِي مصايب الدنيا.

2️⃣ اعرفي خطورة ترك الصلاة أو تأخيرها وجمعها.. متخيلة إنها آخر حاجة النبي ﷺ وصّى بيها؟ واللي ربنا حذّر إن فيه وادي في جهنم مخصوص للي بيضيعوا الصلاة:
"فَوَيْلٌ لِّلْمُصَلِّينَ ۝ الَّذِينَ هُمْ عَن صَلَاتِهِمْ سَاهُونَ"

3️⃣ حالا حالا انوي التوبة وابدئي صلاة في ساعتها، مش من بكرة ولا من أول الأسبوع.. حالا قومي صلي الفرض اللي فاتك.

4️⃣ استعيذي بالله وادعي كتير أوي إن ربنا يثبّتك، ولو فاتك فرض الزمي نفسك بصدقة تطلعيها.

5️⃣ كل شوية فكّري نفسك بأهمية الصلاة وقاومي كسل نفسك.. ماتستنيش نفسك تقومك، اشحني قلبك دايمًا بحاجات تثبّتِك زي فيديوهات قصيرة أو reminders تديكي دافعية.

6️⃣ نزّلي برنامج أذان ومواقيت الصلاة على تليفونك واظبطيه يفكرك قبل الأذان ووقته ومع الإقامة، وخليه ينوّه كل شوية: “قومي صلي”.

7️⃣ بما إنك بنت 👈 أول ما الأذان يأذن قومي جري صلي.
كل ما زاد الوقت بين الأذان والصلاة كل ما زاد احتمال الكسل.. فاقطعي الطريق على الشيطان من أول لحظة.

8️⃣ الصبر والاستمرارية.. ماتزهقيش. أي عادة جديدة بتتبني محتاجة وقت ومقاومة وتعب وخروج من منطقة الراحة.. مافيش يوم النفس هتقولك “يلا نصلي”، إنتِ اللي لازم تغلبيها لحد ما تتعود.

9️⃣ ماتربطيش بين الصلاة والرزق أو النتائج في الدنيا.. عشان ماتسيبيش الصلاة لو اتضايقتي أو عديتي بأزمة.
قولي لنفسك: "أنا كده كده هصلي"
(زهقانة، متضايقة، تعبانة) برضو هصلي.

يااللي عايش حياتك وغرقان في المعاصي وبتقول ...لسه العمر طويييل
يااللي لسه مش مظبطة حجابك وبتقولي أعيش حياتي ...ولسه العمر طويييييل بعدين  هبقى أتووووب
يااللي لسه مش بتحافظ على صلاتك  وبتقول  في المستقبل هبقى احافظ على الصلاة
يااللي  رايح شرم ولا الساحل وبتقول هخربها ولما أرجع أبقى اتووووووب

............⚠️عفوًا ⚠️................
          ⛔لقد نفذ رصيدكم ⛔

بس المرة دي مش رصيد التليفون ..المرة دي رصيدك من الحياة
أيوة ..وارد جدا يكون ده آخر رصيد ليك
وارد جدا تكون  دي آخر طلعة ليك اللي كنت بتقول هتتوب بعدها
وارد جداااا يكون آخر خروجة ليكي اللي خرجتي فيها  بالحجاب اللي مش مظبووط
وارد جداااا...تكون الصلاة اللي ضيعتها آخر صلاة في عداد عمرك  ويبقى الفرض الجاي....الدور عليك عشان يصلوا عليك

إلى كل واحد بيأجل التوبة ولسه مكمل في الذنوب ....لحد امتى ؟؟!!
عاوزين نرجع لربنا ونتوب قبل مايجي اليوم  اللي نندم فيه ونقول ((رَبِّ ارْجِعُونِ  لَعَلِّي أَعْمَلُ صَالِحًا فِيمَا تَرَكْتُ))
باب التوبة لسه مفتوح ...بلاش تأجيل ..يلا حالا سيب الذنب اللي بتقع فيه وعاهد ربك على عدم العودة للذنب  واسأل الله الثبات

قال ابن القيم رحمه الله:

من ذاق لذة القرب من الله،
ثم انتكس، فإنه يعيش معذبًا.

لا راحة كالجاهلين،
ولا لذة كالعارفين.

عاوز ربنا يتجاوز عنك يوم ما تقف بين إيديه؟
يسّرها على الناس في الدنيا.

النبي ﷺ قال عن تاجر كان يتجاوز عن المعسرين:
"كان تاجر يُداين الناس، فإذا رأى مُعسرًا قال لفتيانه: تجاوزوا عنه، لعل الله أن يتجاوز عنا؛ فتجاوز الله عنه."
(متفق عليه)

وقال ﷺ:
"مَن أنظر مُعسرًا أو وضع عنه؛ أظلَّه الله في ظلِّه."
(رواه مسلم)

يعني لو قدرت تمهل حد عليه دين، أو تسامحه…
اعرف إنك بتحجز لنفسك مكان في ظلّ عرش الرحمن، يوم لا ظلّ إلا ظلّه سبحانه وتعالى.

اسم الله الستير سيصعق الناس يوم القيامة تأمل المقطع بقلبك !! د حازم شومان

💫 بما إن التوقيت الشتوي بدأ خلاص ...تعال اقولك ع شوية حاجات تستغل بيهم اليوم

🟣 الصيام
الناس اللي كان صعب عليها تصوم في الحر واليوم طويل والساعة ٧  بيبقى العصر لسه😅
خلاص الحاجتين دول ماعدوش موجودين
يوم قصير وجو جميل =صيام👌

🟢 ليل الشتاء طويل جدا.....ماتضيعوووش
استغله في قراءة قرآن وحفظه ، ركعتين قيام ، طلب علم، وأي حاجة تنفعك في الدنيا أو الآخرة

🟡 نهار الشتاء قصير جدا
خد بالك من صلاة الظهر والعصر لانهم بيتخطفوا بسرعة وفجأة بتلاقيهم ضاعوا ... فتصليهم أول وقتهم

🔴 البرد داخل وناس كتير محتاجة الصدقة
خد بالك من الناس البردانة والجعانة حواليك وشارك في توفير كسوة شتاء وبطاطين ليهم وتصدق ولو بالقليل عشان غيرنا مش لاقي خالص

حينما تتخيل حالك وأنت في أهوال القيامة، والشمس فوق الرؤوس، والملائكة تسوق الناس سوقًا للعرض على ملك الملوك،
والحساب بين يدي الذي لا تخفى عليه خافية،
وبلغت القلوب الحناجر، 🥹 ويقال لك: لا ظلم اليوم..
ستُحاسَب على ما قدمت. 👈 خذ كتابك واقرأه..
﴿اقرأ كتابك كفى بنفسك اليوم عليك حسيبًا﴾
تقلب صفحات الكتاب، عساك تجد عملًا صالحًا ينجيك من بطش الله ❤️
🚫 الصفحات كلها:
> نوم، وكلام، وهزار، وتلفاز، وموبايل، ومواقع تواصل، وشغل، وأكل، ومعاصي، ومحرمات، وتبرج، وإباحية!

• أين الصلاة؟
• أين القرآن؟
• أين التوبة؟
• أين الله في يومك؟

حينها يقول: "يَا لَيْتَنِي قَدَّمْتُ لِحَيَاتِي"
"يَا لَيْتَنِي لَمْ أُوتَ كِتَابِيَهْ وَلَمْ أَدْرِ مَا حِسَابِيَهْ يَا لَيْتَهَا كَانَتِ الْقَاضِيَةَ"
يتمنى المرء العودة لإصلاح كتابه، ومحو ذنوبه الفاضحة بـ توبة، وزرع صلاة وقرآن وذكر وحجاب.
﴿رب ارجعون لعلي أعمل صالحًا فيما تركت﴾
💬 فيا مسكين — وكلنا مساكين
✋أنت الآن في الفرصة 🚫
أثبت في صحيفتك ما تتمنى أن تجده أمام الله فتفرح،
وامحُ ما تستحي أن تلقى ربك به بالتوبة،
وتعجَّل لربك ولا تتأخر، فلا زال أقوامٌ يتأخرون حتى يؤخرهم الله في نار جهنم.💔

💌

رسالة لكل شاب وبنت في إعدادي وثانوي
تخيّل نفسك بعد عشر سنين، يا ترى هتكون مين؟
شاب ناجح، ثابت على دينه، عنده هدف، وبيفيد أمّته بعلمه وعمله؟
ولا واحد تايه، ندمان على سنين راحت في علاقات محرّمة وضياع، ووقت اتبدّد بين التيك توك وأصحاب سحبوه بعيد عن ربنا؟

خد بالك… الفرق بين الاتنين بيبدأ من دلوقتي،
من اختياراتك اللي بتعملها كل يوم.
ذاكر كويس، احفظ قرآن، طوّر نفسك، وابعد عن كل حاجة تضيعك.
يمكن تتعب شوية النهارده،
لكن بعد كام سنة هتفرح إنك اخترت الصح.

قوم وابدأ من النهارده،
دينك وأمتك محتاجينك.🤍

كلنا عندنا عيوب… بس الفرق الحقيقي بين اللي بيتغير واللي بيفضل مكانه، هو إن الأول اعترف بعيوبه واشتغل عليها.
بلاش تعيش في جلد ذات وندم محبِط، الماضي خلاص عدى.
ابدأ من النهارده، وخُد خطوة تصحيح، واستعن بالله وما تعجزش 💪
معرفتك بعيوبك مش ضعف… دي أول طريق القوة والإصلاح.
واحمد ربنا إنه لسه مديك عمر وفرصة تصلّح اللي فات.

نقطة واحدة هتغير مستقبلك في الدين | د. حازم شومان

الحياة مليانة مشاكل.. بس مش كل واحد بيعرف يتخطّاها.
اللي بيستعين بالله هو اللي يقدر يعدّي أي أزمة في حياته.

استعن بالله على همومك.. مفيش حد هيقدر يحلّها غيره.
على شغلك، على بيتك وأهلك.. استعن بالله؛ علشان مالكش غيره.
حتى الطاعة نفسها، محتاج تستعين بالله علشان يوفّقك ليها ويعينك عليها.

النبي ﷺ قال: «استعن بالله ولا تعجز».
يعني اللي ما بيستعينش بالله.. دايمًا عاجز.
لأن من غير توفيق ربنا وقدرته.. إحنا ولا حاجة!

كلهم بيصاحبوا ..
كلهم مرتبطين ...
كلهم بيحتفلوا بالفلانتين ..
كل دفعتي وأصحابي مرتبطين وبيتعملهم حفلات خطوبة في الكلية كمان ...
👈"كل دول بيعملوا كدة أكيد مش كل دول غلطانين وبيعملوا حاجة حرام ....مش كلنا هندخل النار يعني"..!!!

الحقيقة إن التفكير ده ممكن ينفع في الكلية مثلاً
اللي هو أكيد هينجحونا ومش هيكتبوا لم ينجح أحد يعني..
إنما في أحكام الدين ....لو الدنيا كلها عملت حاجة حرام هتفضل حرام برضو ..
الصداقة وعلاقات الحب اللي مالية الشوارع والجامعات ...مش هتخلي الحكم يتغير ويبقى مباح بدل حرام !
هيفضل حرااااام ...بس اللي هتثبت وتحافظ على نفسها وتتمسك بدينها أجرها هيزيد كتيييير
في الحديث :
((إِنَّ مِنْ ورائِكُم زمانُ صبرٍ ، لِلْمُتَمَسِّكِ فيه أجرُ خمسينَ شهيدًا منكم))

لكل واحد حاسس إنه غريب في وسط أصحابه اللي طول اليوم مش وراهم غير الكلام مع دي ودي ..
ولكل بنت حاسة إنها غريبة في وسط بنات دفعتها أصلها مش مرتبطة ....
اثبتوا فإنكم على الحق وأبشروا بالأجر الكبيييير

‏فَسادُ القُلُوبِ مُتولِّدٌ مِن سِتَّةِ أَشياءَ:

➊- يُذنِبُون بِرجاءِ التَّوبةِ.
➋- ويتعلَّمُون العِلم ولَا يعملُون بِهِ.
➌- وإِذا عمِلُوا لَا يُخلِصُونَ.
➍- ويأْكُلُون رِزْق اللَّٰـه ولَا يشكُرُونَ.
➎- ولَا يرضَون بِقِسمةِ اللَّٰـه.
➏- ويدفِنُون مَوتاهُم ولَا يعتبرُون.

📚إِيقاظُ أُولِي الهِمَمِ العَالِيـة(٩٦|١) - الحَسنُ البصْرِيُّ -رحِمَه اللَّٰـه
.

اسم الله الباطن ومعرفته يوم لا ينفع مال ولا بنون !! د حازم شومان

‏أكثر مَن يُجابُ دعاؤهم،

الممتلئة قلوبُهم باليقين، الفارغة أياديهم من الأسباب!