ممكن ما تلحقش ⌛
#د_حازم_شومان

قال رسول الله صلى الله عليه وسلم:
" مَنْ  تَعَارَّ  مِنَ اللَّيْلِ فَقَالَ :

لَا إِلَهَ إِلَّا اللَّهُ وَحْدَهُ لَا شَرِيكَ لَهُ،
لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ،
الْحَمْدُ لِلَّهِ،
وَسُبْحَانَ اللَّهِ،
وَلَا إِلَهَ إِلَّا اللَّهُ،
وَاللَّهُ أَكْبَرُ،
وَلَا حَوْلَ وَلَا قُوَّةَ إِلَّا بِاللَّهِ،

ثُمَّ قَالَ : اللَّهُمَّ اغْفِرْ لِي أَوْ دَعَا اسْتُجِيبَ لَهُ، فَإِنْ تَوَضَّأَ قُبِلَتْ صَلَاتُهُ ".
#رواه_البخاري


قال ابن بطال: وعد الله على لسان نبيه أن من استيقظ من نومه لهجا لسانه بتوحيد ربه، والإذعان له بالملك، والاعتراف بنعمة يحمده عليها وينزهه عما لا يليق به بتسبيحه، والخضوع له بالتكبير، والتسليم له بالعجز عن القدرة إلا بعونه، أنه إذا دعاه أجابه، وإذا صلى قبلت صلاته، فينبغي لمن بلغه هذا الحديث أن يغتنم العمل به، ويخلص نيته لربه سبحانه وتعالى.

📚فتح الباري بشرح صحيح البخاري

         
#تعارَّ: هَبَّ من نومه واستيقظ.


               

أروع النساء
:
من تدلِّل زوجها كطفل
وتحترمه كأخ
وتخافه كأب
وتهابه كسلطان
وتحبه كروح تسكن بداخلها

وأن تكون في حضوره أنثى وفي غيابه رجل

الشباب والبنات اللي بيطلعوا مصلحة من ورا فلوس الدروس 🛑
يعني الدرس يبقي ب ١٠٠ .. تقول لأهلك ب ١٢٠
يبقي مفيش مذكرة وتقول عايز ٥٠ ج علشان أخد المذكرة
و...و..
حاجات كتير شبه كده
عايز اقولك ان دا
حرام ❌❌
ابوك وامك اللي بيشقوا ويتعبوا عشان يجمعوا فلوس الدروس والملخصات مايستهلوش منك انك تسرقهم 💔

استغربت الكلمة ؟؟
ايوه ياصاحبي دي اسمها سرقة وملهاش مسمى تاني
وعقوبتها أشد من العقوق بالكلام
وماتبررش لنفسك بأي مبرر
أصل ابويا مش بيديني .. اصل مصروفي مابيكفيش..
الحرام ملوش مبرر ..
لما تشوف السرقة دي في كتابك يوم القيامة هتكون فرحان ولا زعلان وهتقول لربنا ايه؟؟!
وماتقولش لنفسك دا حاجة صغيرة وبسيطة
هتتسأل عنها صدقني في يوم ربنا قال عنه :"وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا"

بلاش تستهون بالمعاصي 🛑
وبلاش تستنزف أهلك .. الدنيا بقت صعبة كفاية متصعبهاش زياده عليهم

لو عروسة وفرحك قريب
أو ...مش عروسة بس ....قررتي خلاص ..
انك تركبي ظوافر اكليريك
الكلام ده ليكي ...
_عندك علم ان الظوافر الاكليريك دي هتمنع المياه انها توصل لصوابعك وبالتالي وضوئك مش هينفع طول المدة اللي انتي حاطة الاكليريك فيها
_عندك علم إن صلاتك طول المدة اللي انتي حاطة الاكليريك فيها..مش هتنفع لانها فقدت أهم شرط فيها اللي هو الوضوء

عندك علم ان قرارك ده معناه انك ناوية وموافقة تسيبي الصلاة طول المدة اللي انتي حاطة الاكليريك فيها شهر اتنين تلاته ..انتي ونيتك

انتي متخيلة النية دي . . . انك تنوي انك مش هتصلي !
تقدري تستحمليها ؟
لو حتى انتي مقطعة في الصلاة ..او بتصلي ع سطر وسطر ..وده غلط كبير طبعا ..
بس الغلط الاكبر منه .... انك تنوي انك ماتصليش خالص
في الحديث ((إِنَّ أَوَّلَ مَا يُحَاسَبُ بِهِ الْعَبْدُ يَوْمَ الْقِيَامَةِ مِنْ عَمَلِهِ صَلَاتُهُ فَإِنْ صَلُحَتْ فَقَدْ أَفْلَحَ وَأَنْجَحَ وَإِنْ فَسَدَتْ فَقَدْ خَابَ وَخَسِرَ))

اوعي تختاري لنفسك الخسارة في اهم موقف في حياتك عشان تفرحي كام ساعة حتى لو سمعتي فتوى من اليمين او من الشمال
افتكري ..انتي هتتحاسبي لوحدك
بلاش تجازفي بمستقبلك الحقيقي .

خُصُومُ الْمَرْأَةِ يَوْمَ الْقِيَامَةِ؟

كُلُّ رَجُلٍ سَقَطَ فِي الْفِتْنَةِ أَوْ فِي الْفَاحِشَةِ.. بِسَبَبِ عِطْرِكِ.. أَوْ بِسَبَبِ عَيْنَيْكِ وَأَيْدِيكِ الْمُزَيَّنَةِ بِالْإِكْسِسْوَارَاتِ.. أَوْ مَكِيَاجِكِ.. أَوْ مَلَابِسِكِ الضَّيِّقَةِ.. أَوْ صَوْتِكِ الرَّقِيقِ أَوْ ضَحِكَتِكِ قَدْ يَكُونُ ذَلِكَ الْخَصْمُ رَجُلًا تَسْتَصْغِرِينَ شَأْنَهُ وَقَدْ يَكُونُ عَامِلًا أَوْ سَائِقًا أَوْ بَائِعًا أَوْ عَامِلَ نَظَافَةٍ"

فَاتَّقِ اللَّهَ وَاحْذَرِي غَضَبَ الْإِلَهِ...🖇🌸

مفاتيح السعادة الزوجية !! د. حازم شومان – الزواج السعيد

عارفين كتير جدًا الشيطان بيدخلنا من فين ؟!
من النِعم ... اه والله زى ما بقولك كدة
يخليك تشوف النعمة بشكل سيئ يعني ..

• تشوف ولادك أشقية ومُتعِبين ..
فتنسى تحمد ربنا على نعمة الذرية

• تشوف أهلك متحكمين أو عصبيين ..
وتنسى تحمد ربنا على حبهم واهتمامهم

• تشوف البيت بتاعك ناقص حاجة أو ضيق ..
وتنسى تحمد ربنا على نعمة المسكن

• تشوفي زوجك مُتعب شوية ..
وتنسي تحمدي ربنا على نعمة السُكنة

• تشوف مراتك نكدية حبتين ..
وتنسى تحمده على المودة والرحمة

• تشوفي شغل البيت مرهق ..
وتنسي تحمدي ربنا على نعمة صحة ولادك اللى بيكركبوا البيت

حياتك اللي فيها شوية تعب دي ممكن تبقى حلم لغيرك.
مايبقاش اختبارك في ( الشكر ) وتعيش إن حياتك ابتلاء و (صبر)
اشكر ربنا بدل ما امتحانك يتقلب امتحان صبر فعلاً ..
وتتمنى ترجع تانى للحياة اللى انت مسميها عادية ..
وهي في الحقيقة حياة فوق العاديةبمراحل.

قال ابن القيم :
الأنفس الثلاثة: فأنت تجد فيك :

١- نفسًا حيوانية تطلب الطعام والشراب.

٢- ونفسًا مفكرة سلطانها على التصور والعلم والشعور.

٣- ونفسًا غضبية سلطانها على الغضب والإرادة.

وتصرف كل واحدة منها فيما جعلت إليه.

التبيان في أيمان القرآن ١/ ٥٥٩.

"‏ لا تُؤخر وِردَك من القُرآنِ عن أولِ اليوم، فلهُ أثرٌ على مابعده،

وإنْ عجزتَ عنه في أولِ يومِك فأنتَ في آخرِ اليومِ أعجز !".

- الشنقيطي.

ابدأ يومَك بالقُرآنِ ولا تتركه لفضلةِ الأوقات، بل اجعله لأعزِّ الأوقات وسترى الخيرات والبركات سائر يومك.

لو بتأخر الصلاة أو بتضيعها .. البوست دا مهم ليك أوي.
لما تعرف إن الله عزوجل في القرآن قال
( فَوَيْلٌ لِّلْمُصَلِّينَ * الَّذِينَ هُمْ عَن صَلَاتِهِمْ سَاهُونَ )

عارف يعني ايه ويل ؟
المفسرين على قول إن ويل دا وادي في جهنم
تخيل إن الوادي دا مش للي مش بيصلوا ..
لا دا للي بيأخروا الصلاة عن وقتها ..
يبقى لازم نظرتك للصلاة ولمواعيدها تتغير.

لما تعرف إن من أصناف الناس اللي قابلهم النبي صلى الله عليه وسلم في رحلة الإسراء والمعراج
إنه أتى على قومٍ تُرضَخ رؤوسُهم بالصخرة كلما رُضِخت عادت كما كانت، ولا يُفتَّر عنهم من ذلك شيء
فقال: ((ما هؤلاء يا جبريل؟)) قال: ((هؤلاء الذين تتثاقل رؤوسُهم عن الصلاة المكتوبة)).
متخيل الألم والعقوبة وعافانا الله وإياكم أن تقذف بالحجارة لحد ما راسه تتكسر ..
وبعدين ربنا يعديها تاني ويقذف بالحجارة تاني وهكذا
أي ألم وأي عقوبة دي
لو تخيلت الأمر بس أكيد نظرتك للصلاة هتتغير.
العبره إني مش آجي آخر اليوم أصلي كل الصلوات
العبره إني أصلي الصلاة في وقتها ..
قال تعالي(إن الصلاة كانت علي المؤمنين كتابًا موقوتا)
متتعاملش مع الصلاة إنها تكليف وحاجة تقيلة علي قلبك
اتعامل معاها على إنها راحة ..
النبي صلي الله عليه وسلم قال عنها (ارحنا بها يابلال)

ماما مش بتصلي
بابا مش بيصلي

تقدروا تقولولي هنقنع ولادنا ازاي بأهمية الصلاة لو احنا مش محافظين عليها⁉️

إنتوا كأب أو أم مش محافظين ع الصلاة
تقدروا تتحملوا إن ابنكم يعيش طول عمره مش مُعظم الصلاة ويبقى كل ده في ميزانكم
إلا إن ربنا هداه بقى

الطفل بيشوف فيكم قدوته وبيعرف منكم ايه الاولوية والمهم في الحياة
فلو شاف الأولوية للدراسة والنادي والتمارين والكورسات ....هيتغرس عنده المعنى ده وهيتربى ع كده.

ولو شاف الأولوية للصلاة قبل أي حاجة في بيتكم هتتغرس فيه.

الأولوية للصلاة
يعني خارجين ماما مش بتضيع الصلاة وتقول لما أروح❌

يعني لو مع بابا في أي مشوار وسمعنا آذان بندخل نصلي ✅

يعني الولاد بعد ٧ سنين بيروحوا مع بابا صلاة الجمعة ✅

يعني بنصحى على معاد الفجر

كده الطفل يقتنع إن الصلاة أولوية ومهمة
أما لو ده مش بيحصل ....
فالحق ميزان سيئات هيفضل يزيد ع طول

لما تحس إن كل الأبواب اتقفلت… افتكر إن باب ربنا عمره ما بيتقفل.
الدعاء هو طوق النجاة اللي بيجبرك بعد الانكسار.
قول “يا رب” وانت موقن إنه سامعك ويراك.
يمكن الدعوة تتأخر، بس أكيد جاية في الوقت اللي ربنا يراه خير ليك.
مفيش دعوة راحت، ولا دمعة نزلت إلا وهي محفوظه عنده سبحانه وتعالى .
اثبت على الدعاء، وخلّي قلبك دايمًا متعلق بيه.
اللي يلجأ لربنا عمره ما بيرجع مكسور.

خلينا نقول انك حبتيه خلاص .. وجدعنة مني كده طلع جدع معاكي وعايزك فعلاً مش بيتسلى ..
ودول نسبتهم قليله خدي بالك ..
لكن رغم المعافرة دي مطلعش نصيبك في الآخر .. حصل أي مشكلة
وكان الفراق قدركم ..
تقدري تقولي هتعيشي حياتك ازاي ؟ أنا أقولك ..
هتعيشي بين الأطلال .. حزينة على حب راح من بين ايديكي
ومقتنعة إنك عمرك ماهتحبي ولا هتلاقي زيه تاني ..
وأي عريس ييجي ترفضي لإنك دايمًا هتقارنيه باللي قلبك دق ليه
وممكن ندخل في أخطر حاجة ممكن توصلي ليها ..
هي دايرة التسخط على أقدار الله .. وإن ليه يارب ماخلتهوش نصيبي .. واشمعنا أنا يارب .. ووووو
وتبقي عاملة زي الطفل اللي شبطان في الحلويات وأبوه مش راضي لأنه عنده مشكلة صحية ..
فهو يفتكر إن أبوه مش بيحبه وبيبخل عليه ..
لكن الحقيقة إنه أبوه منعه من الحاجة اللي بيحبها خوفًا عليه ولأنه يعرف عواقب الأمور ..
ولله المثل الأعلى ..
مش كل حاجة هتشبطي فيها هتكون خير ليكي
ماتبصيش بس تحت رجليكي .. وخلي عندك يقين في حكمته وعلمه ..
وفورًا فورًا .. اقفلي الحنفية .. واستنزاف قلبك ومشاعرك 🚫
واقطعي العلاقة اللي هتكون سبب في غضب الله عزوجل عليكي ..
واعرفي إن ماعند الله لا ينال إلا بطاعته ..

قال الله تعالى عن نوح :

{إنه كان عبدا شكورا}..

- عن سعد بن مسعود الثقفي الصحابي قال :
إنما سمي نوح عبدا شكورا؛ لأنه كان إذا أكل أو شرب أو لبس ثوبا حمد الله!.

-عن إبراهيم قال :
" شكره أن يسمي إذا أكل،
ويحمد الله إذا فرغ "

- عن تميم بن سلمة قال :
حدثت أن الرجل إذا ذكر اسم الله على طعامه، وحمده على آخره، لم يُسأل عن نعيم ذلك الطعام!.

- الدر المنثور - (9/ 250).

كتب عمر بن عبد العزيز إلى الحسَن البصري:

اجمع لي أمر الدنيا، وصِف لي أمر الآخرة.

فكتب الحسَنُ إليه:
إنما الدنيا حُلم، والآخرة يقظة، والموت متوسّط بينهما، ونحن في أضغاث أحلام؛ مَن حاسب نفسه ربح، ومَن غفل عنها خسر، ومَن نظر في العواقب نجا، ومَن أطاع هواه ضلّ، ومَن حلُم غنِم، ومَن خاف سلِم؛ ومَن اعتبر أبصر، ومَن أبصر فهِم، ومَن فهِم علِم، ومَن علِم عمِل .. فإذا زللت فارجع، وإذا ندمت فأقلع، وإذا جهلت فاسأل، وإذا غضبت فأمسِك، واعلم أنّ أفضل الأعمال ما أُكرهت النفوس عليه.

العقد الفريد

النبي ﷺ مكنش بينتظر المشكلة تقع وبعدين يقعد يعالجها بس..
ولكنه ﷺ كان مربياً مبادراً..
ورد عنه في أحاديث كتير أوي بدأت بكلمة (إيّاكم) وده لفظ تحذيري.. فكان بيحذر الصحابة من كل شر وفتنة ومعصية..
وده اللي بيسموه حديثاً (التربية الوقائية)
ف مينفعش كأب تسيب ابنك يبلغ ويكبر وانت محذرتوش من الشذوذ الجنسي الموجود حالياً.. والسجائر والاباحية والسرقة؟
ولا ينفع كأم تتحرجي تحذري بنتك من فعل العادة السرية اللي البنات أصبحت بتكتشفه بالصدفة كده وبعدين تكمل فيه.. كلمتيها عن التحرش وازاي تدافع عن جسمها؟ وعن الحب والعلاقات المحرمة؟
مصايب وكوارث كتير ممكن نتفاداها بمجرد التحذير والوقاية خير من العلاج..
متقولوش مش عوزين نفتح عينهم عشان ده كان زمان..
لكن دلوقتي المعلومات المغلوطة والانحراف بقى في كل حتى وله مروجين كتير..
انت كنت بتودي ابنك يتطعم والتطعيم دن عبارة عن جزء خامل أو ميت من الفيروس اللي انت خايف منه اصلا.. ورغم كده بتطعمه عشان جهاز المناعة يتعرّف على الفيروس ده فيكوّن أجسام مضادة ليه ويقدر يتعامل معه ويحاربه بعد كده..
وهذا هو المطلوب.. توصل لابنك معلومات موثوقة وكافية عن الشر وتحذره منه وتعرفه عواقبه وخطورته.. فلو لا قدّر الله اتحط فالموقف يقدر يتصرف صح..

📮 الزواج ليس مسرحاً..

🔻 حين تتحوّل الحياة الزوجية إلى استعراضٍ على وسائل التواصل..
فإنها تترنّح على حافة الخطر، ولو بدا ظاهرها فرحًا وسعادة.

📌 فالزواج ميثاقٌ غليظ، لا يليق به التباهي، ولا يحتمل كشف الخصوصيات؛
بل يُصان بالستر، ويزهر في الخفاء، ويقوى حين يظلّ بين الزوجين لا بين المتابعين.

الحياة الزوجية تُعاش.. ولا تُنشر..
والحبّ الصادق لا يحتاج جمهورًا ليكبر، بل يحتاج صدقًا وخصوصيةً.

⚠️ وبعض الأزواج -غفلةً أو جهلاً– يُفضفضون بمشاكلهم، أو يلمزون الطرف الآخر بكلامٍ مبطّن في الحالات (Stories)،
وما يدرون أن السياق يفضح، وأن المتابعين يفهمون المراد، فتتحوّل الفضفضة إلى نافذة مفتوحة، يتسلّل منها الأقارب والأصدقاء والمخبّبون، فينفخون في الرماد، ويُبعدون الخلاف عن مناطق الحكمة والستر.

📌 فاحفظوا نعمة السكينة والستر، فإنها لا تجتمع مع الاستعراض.

🤚🏿 والمشكلات الزوجية لا تُطرح على جمهورٍ لا يميّز طحاها مِنْ دحاها، بل تُعرض بسرّ وستر على حكيمٍ ثقة ذي تجربة يخاف الله، ويُصلح إذا نصح.

📄 كُنّاشة سامي هوساوي
‏https://t.me/wasfommaabad

.