لو دخلت مكان واتقالك إن "صاحب المكان" بيحبك جدًا ومستعد ينفذلك كل طلباتك، وخصوصًا في الـ 10 أيام دول، هتعمل إيه؟
▪︎ طبعًا هتطلب كل اللي نفسك فيه.

ولله المثل الأعلى، النبي ﷺ قال: «الدُّعاءُ هوَ العبادةُ»، وربنا سبحانه وتعالى بيستحي إنه يرد يد عبده صفر خائبة، خصوصًا في أيام النفحات دي.

طيب ليه لازم ندعي "بإلحاح" في العشر؟

⬅️ لو دعوتك اتأخرت: إوعى تفتكر إن دعوتك ضاعت، ربك كريم، يا إما هيحققهالك في الوقت الصح، أو بيدخرهالك أجر عظيم، أو بيصرف عنك بيها شر كان جاي في طريقك.

⬅️ كمل اللي بدأته في رمضان: فاكر الدعوات اللي كنت بتلح بيها في رمضان؟ العشر من ذي الحجة فرصة تانية عشان "تكمل" وتلح على طلبك، لأن ربنا بيحب "العبد اللحوح".

⬅️ عينك على "الآخرة": وسط طلباتك الدنيوية (الشغل، الجواز، النجاح)، بلاش تنسى "الدعاء الأخروي" اطلب الفردوس الأعلى، اطلب الثبات على الطاعة، اطلب لذة النظر لوجه الله الكريم.

📋 روشتة الدعاء المستجاب بإذن الله:

✅ ابدأ بالثناء والحمد: "يا رب لك الحمد كما ينبغي لجلال وجهك وعظيم سلطانك".

✅ صلِّ على النبي ﷺ في أول الدعاء وآخره: لأن الدعاء بين صلاتين على النبي ﷺ لا يُرد.

✅ اليقين: ادعي وإنت "متأكد" إن ربنا هيجبر بخاطرك، وإن أي حاجة إنت شايفها صعبة هي على الله هينة.

 ✅ الإلحاح: كرر دعوتك 3 مرات أو أكتر بكل تذلل وخضوع.

هدفنا النهارده 🎯

🔴 اكتب "قائمة أمنياتك".

🔴 خصص وقت ثابت (بين الأذان والإقامة، أو وقت السحر) للدعاء بقلب حاضر.

🔴 أبشر وأطمئن >> لو ربنا ألهمك "الدعاء" = إن "الإجابة" جاية في الطريق بإذن الله.

💭 ﴿وَقَالَ رَبُّكُمُ ادْعُونِي أَسْتَجِبْ لَكُمْ﴾

‏"الدقائق العَشْرُ هَذِهِ التي تَقضيها في تصفُّحِ مَواقعِ التواصل دُونَ فائدةٍ مَرجُوَّةٍ: تستطيع أن تقرأ فيها نصف جزء بكلِّ سهولة ودُونَ ضغط في الوقت؛ لا تُسَوِّغْ لنفسك بأنَّك لا تَجِدُ وقتًا للقـرآن؛ فَالمسألة: توفيق مِن الله، ثُم مجاهَدة النفْس، وترتيب الأَوْلَوِيَّات!"

"وقفة المطبخ = فرصة ثواب إطعام الطعام"
تقدري من خلال مطبخك تزودي أجرك في الأيام المباركة دي بإذن الله..
ومش شرط تعملي مائدة كبيرة عشان تاخدي أجر إطعام الطعام!

▪︎ تقدري تزودي في طبختك وتنزلي للحارس طبق..
▪︎ تقدري تعملي ساندوتشات بسيطة تفرحي بيها عامل بسيط في الشارع..
▪︎ إزازة ماية ساقعة تشتريها في عز الحر تسقي بيها حد فقير..
▪︎ لو عملتي حاجة حلوة ابعتي لجارتك اللي عايشة لوحدها..
▪︎ حطي طبق رز للطيور أو شوية مايه وأكل لقطة في الشارع، فالنبي ﷺ قال: "في كُلِّ كَبِدٍ رطبَةٍ أجرٌ".

ولما سُئل النبي ﷺ: أيُّ الإسلامِ خَيرٌ؟ قال: «تُطْعِمُ الطَّعَامَ، وَتَقْرَأُ السَّلَامَ عَلَى مَنْ عَرَفْتَ وَمَنْ لَمْ تَعْرِفْ».

🚀 تحدي اليوم: "المعاملة الخاصة" (الدعاء بظهر الغيب)

قال الإمام سفيان الثوري رحمه الله:
"كُنا إذا أردنا أن يُستجاب لنا، دعونا لإخواننا بظهر الغَيب"

🎯 إيه أهمية إنك تدعي لغيرك ؟

الشيخ محمد خيري بيقولك:

مش عشان الملك يقولك ولك بمثل وبس، لا لا لا.. دي حاجة كدة كدة أنت واخدها السر الحقيقي إنك لما تبدأ تستحضر 30 أو 40 واحد من أصحابك وتدعي لده بالقرآن، ولدي بالذرية الصالحة.. ياه! يراك الله مشغولاً بأنه يكرم هؤلاء، ويحسن لهؤلاء، ويهدي هؤلاء.. ربك يغار!

بما إن هل جزاء الإحسان إلا الإحسان:
أنت مشغول إن أنا أحسن لفلان؟ لا نحسن ليك.
أنت مشغول إننا نرزق فلان؟ لا نرزقك أنت.
أنت كدة يبقى ليك معاملة خاصة!."

📌 التحدي العملي (خطة القناص):

•• قنص الوجوه: وأنت ماشي، أي حد تقع عينك عليه ارمي له دعوة. شفت حد على معصية ادعيله بالهداية، مريض ادعيله بالشفاء، حد بيتمنى طفل ادعيله بالذرية.

•• خبيئة القنّاص: بلاش تقول لحد "أنا دعيتلك".. "

🏁 القرار الآن!

ماتخليش صلاة النهاردة تعدي من غير ما تقنص دعوة لغيرك

باقي من الزمن يومين، ويهلّ أعظم يوم في السنة.. "يوم عرفة" 🕋

ملحمة الدعاء السنوية، و7 ساعات حاسمة ممكن تغيّر حياتك كلها!

🔴 صيام يوم عرفة.. فرصة العمر:

صيام يوم واحد بيكفّر ذنوب سنتين (سنة فاتت وسنة جاية)! يمسح ذنوب 730 يوم.. أوعى تضيّع الفرصة دي من إيدك.

عشان تفوز باليوم وتستغل صيامك صح، جهّز نفسك من دلوقتي:

🔹 ورقة الأمنيات: اكتب مشاكلك، وأحلامك، ودعوات الشفاء من دلوقتي، عشان تلحّ بيها وأنت صايم.

🔹 كتيب الأدعية: جهّز كتيب فيه أدعية النبي ﷺ تقرأ منه مع ورقتك.

🔹 خلّص كل اللي وراك: جهّزوا لبس العيد ونظّفوا البيت من دلوقتي، عشان تتفرغوا تمامًا.

🔹 اقفل موبايلك واعتذل ضجيج العالم: اعتبره يوم "نكون أو لا نكون"، وافصل عن العالم كله.

🔹 حافظ على صلاة الجماعة وجلسة الضحى: عشان تبدأ يومك بطاقة ونشاط بعد الفجر.

🔹 كنز الذكر: أوعى لسانك يفتر عن قول: "لا إله إلا الله وحده لا شريك له، له الملك وله الحمد وهو على كل شيء قدير".

🔹 وقت الملحمة الكبرى: من الظهر للمغرب، وبالذات الساعات الأخيرة قبل المغرب وأنت صايم.. ألحّ في الدعاء وماتوقفش.

🔹 أولادك وبيتك: شجّعهم على الصيام والدعاء؛ اليوم ده ممكن يصنع مستقبلهم.

🤲 سلاح التوفيق: ادعي ربنا من دلوقتي يوفقك ويعينك على صيامه وعبادته؛ فمن فُتح له باب الدعاء، فُتحت له أبواب الرحمة.

عرّف غيرك.. فالدالّ على الخير كفاعله 🤍

اللهم بلغنا يوم عرفة واجعلنا فيه من الفائزين💐

لا تجعلوا التَّكبير مجرّد مقاطع وصور يتمُّ تداولها بينَكُم فقط!

بَل حرّك بها لسانَك وارفَع بها صَوتَك، وردّدها دائمًا في بيتك وبين أهلك، وفي كلّ مكان، أحيُوا هذه العِبادة بألسنَتكُم وليسَ بأجهزتِكم!

إيَّاكُم أن يَكون حظُّكم من العشر، تمريرُ فضائِله فقط !

بفكرك قبل العيد :
- النمص أو إزالة شعر الحواجب حراااااام
- الميكروبلييدنج حرااام لأنه وشم هو وأي وشم في أي مكان
- الباروكة والاكستنشن والرموش ..ماينفعوش والله
حتى لو بتعملي معاصي كتير وكل حاجة بلاش الذنوب اللي تخرجنا من رحمة ربنا
"لعنَ رسولُ اللَّهِ النَّامصةَ والمتنمِّصةَ"
"لعن اللَّهُ الواصِلَةَ والمُسْتَوْصِلَةَ، والواشِمَةَ والمُسْتَوْشِمَةَ."
دي أحاديث النبي واللعن يعني طرد من رحمة ربنا مش حاجة سهلة ولا يوم ويعدي والله

- بفكرك كمان إن الضوافر الاكريليك والهارد جيل هتمنع وصول المياه في الوضوء وده قرار يانك هتسيبي الصلاة لحد ماتشيليهم يعني ذنب عظيم جدااااا لأن تضييع الصلاة كبيرة من الكبائر

- وخدي بالك لو هترسمي حنة أو أي حاجة تنفع وماتمنعش الوضوء ولا حاجة بس فيه عورات ماينفعش تظهر لأي بنت منطقة من السرة للركبة فمافيش حاجة اسمها كلنا بنات عادي

صدقيني لو نويتي تفرحي من غير معاصي هتفرحي ..انويها بس لله وهتلاقي ألف بديل
نتعب شوية ونستحمل شوية عشان الجنة تستاهل👍

تخيل!
إيه إللي غيّر المستحيل؟
تفتكر إيه إللي خلى سيدنا عمر يدخل الإسلام بعد ما كان من أشد أعداء الإسلام

السبب كان دعوة صادقة من النبي ﷺ!

وإيه إللي خلى قبيلة كاملة زي "دَوْس" تيجي للنبي ﷺ وتدخل في الإسلام، بعد ما كانوا رافضين؟!
السبب كان دعوة من قلب النبي ﷺ: (اللهم اهدِ دَوْسًا وائتِ بهم).

طيب، وإيه إللي هدى فلان بعد ما كان غرقان في الذنوب؟
وإيه إللي رزق فلانة بعد ما الأطباء قالوا مستحيل؟
وإيه إللي فك كرب فلان بعد ما الدنيا كانت مقفلة من كل اتجاه؟

الإجابة واحدة... الدعاء!
الدعــــــــاء يا شباب!

الدعاء سلاحك الأقوى... مفتاح أبواب السماوات المغلقة!
الدعاء هو الوسيلة إللي بتغيّر الأقدار بإذن اللَّه.
هو إللي بيحقّق المستحيل لما كل الأسباب تنعدم!

في عشر ذي الحجة كُن فارس من فرسان الدعاء.

تخيل بيوم واحد حياتك كلها تتغير !!
الثلاثاء القادم يطل علينا يوم من أعظم أيام الدنيا ..
يوم عرفة 💚
الله عزوجل يناديك في هذا اليوم ..؛
أيها العاصي ..
أيها المذنب ..
يا من قصرت في جنب الله ..
صيام هذا اليوم العظيم يكفر لك ذنوب سنة سابقة وسنة قادمة ..

• قال النبي صلى الله عليه وسلم والحديث في صحيح مسلم « صيام يوم عرفة أحتسب على الله أن يكفر السنة التي قبله والسنة التي بعده »

اوعي تفرط في صيام اليوم ده ..
واوعى تفرطي في تضييعه في أكل أو شرب أو تنضيف !

عاوزين في اليوم ده نُرِ الله عز وجل من أنفسنا خيرًا ..

• كمان يقول النبي صلى الله عليه وسلم "خير الدعاء دعاء يوم عرفة"

أفضل وقت تدعوه عزوجل ويستجيب لك ..
هو اليوم ده .. يوم عرفة
ادخل المسجد في هذا اليوم ..
في الخمس صلوات..
بين الأذان والإقامة ..

وارفع يديك وقل يارب اغفرلي ..
يارب سامحني ..

- اللي نفسه يثبُت على الطريق
يارب عيني وأعرف أكمل في الالتزام💪

- اللي نفسه ربنا يديله أي شي من أمر الدنيا أو أمر الآخرة🌹
يرفع يديه ويوقن بسماع الله له ويدعو من كل قلبه ..

- اللي عنده مرض
اللي عنده أي شئ نفسه ربنا بحققهوله..

خير الدعاء دعاء يوم عرفه👌

• وانتي في البيت انجزي كل شغلك وحضري أكلك وجهزي شقتك من بالليل ..
عشان يكون عندك وقت للدعاء والصلاة والتضرع لله عزوجل
ولعل دعوة ترفع إلى الملك سبحانه وتعالى فتغير حياتك كلها

تعالَ متأخر.. بس اوعى متجيش خالص!😱

أيام عشر ذي الحجة بتجري من بين إيدينا وأنا معملتش حاجة تليق بالأيام دي..

متبصش وراك.. ركز فاللي جاي.. لأن اللي جاي أهم 💫

((العبرة بكمال النهاية، مش بنقص البداية))

ابدأ من حالاً.. اللحظة دي.. فوراً 👌

ولسه معاك "يوم عرفة" يعوض السنة كلها

بلاش تضيع الأيام اللي فاضلة في اللوم..
الخسارة الحقيقية هو إنك تسيب اللي جاي كمان يضيع!

العيد لسه مجاش🤌
والجوائز الكبيرة لسه بتتوزع في الختام..
الفرصة لسه في إيدك،
ابدأ من دلوقتي.. واوعى متجيش!

🌻🌻
🌻
🍁 وقفة يوم ❈.عرفة .
🌱 الشيخ محمد بن ☆.محمد المختار الشنقيطي .

🌹اللهــم صــــل وسلــــم
علـــى نبينـــا محمــــدﷺ🌹
🌻
🌻🌻

الله أكبر والأماني بين يديك
الله أكبر والصعب هين علـيك .

🌹اللهــم صــــل وسلــــم
علـــى نبينـــا محمــــدﷺ🌹

الله أكبرُ
قالها عبدٌ ضَعيفٌ فاكتفـــى
الله أكبرُ
كم بها خيرٌ عَظيمٌ ما خَفى

🌹اللهــم صــــل وسلــــم
علـــى نبينـــا محمــــدﷺ🌹

‏اللهُم اشفِ من ❈.اتعبه مرضه ، وتأخر شفاؤه وقل ✾.دوائه ، فأنت عونه وشفاؤه ❃.يالله .

🌹اللهــم صــــل وسلــــم
علـــى نبينـــا محمــــدﷺ🌹

لبيڪ ربي و إن لم ❈.ٲڪن بين الزحام ملبيا
‏ لبيڪ ربي و إن لم ✵.ٲڪن بين الحجيج ساعيا
‏لبيڪ ربي و إن لم ❁.ٲڪن بين عبادك داعيا .

🌹اللهــم صــــل وسلــــم
علـــى نبينـــا محمــــدﷺ🌹

يومُ التَّرْوِيةِ هو اليومُ الثَّامِنُ مِن ذي الحِجَّةِ ؛ وسُمِّيَ بذلك لأنَّهم كانوا يتَرَوَّوْنَ يتَزَوَّدونَ بحَمْلِ الماءِ معهم من مكَّةَ إلى عرفات ٍ، ويَسْقُون ، ويَسْتَقُونَ ، وقيل غيرُ ذلك.

ويُسمَّى أيضًا يومَ النَّقلة ؛ لأنَّ النَّاس يُنقَلون فيه من مكَّةَ إلى مِنًى. 🕋💎


ومن كرم الله وعظيم فضله أن الحاج وغيره كلٌ له نصيبٌ من غنائم العشر


قال ابن رجب:
"فمن عجز عن الحج في عام قدر في العشر على عمل في بيته ،يكون أفضل من الجهاد الذي هو افضل من الحج". 🕋

استعدوا #ليوم_عرفة
يا أصحاب الحاجات والهموم والبلايا
👈قال أحد الصالحين: "والله ما دعوت دعوة يوم عرفة، وما دار عليها الحول إلا رأيتها مثل فلق الصبح"
👈يقول النبيُّ صلى الله عليه وسلم: "خَيْرُ الدُّعَاءِ دُعَاءُ يَوْمِ عَرَفَةَ"
👈ولذا كان السلف يدخرون حاجاتهم لدعاء يوم عرفة.
👈فكم من الحاجات والأمنيات والدعوات استجيبت عشية عرفة.
👈‏يقول الأوزاعي:
‏"أدركت أقواماً كانوا يخبئون الحاجات ليوم عرفة ليسألوا اللّه بها".