••

علق ابن القيم على قول الهروي: (وكل معصية عَيَّرت بها أخاك فهي إليك) بكلام يكتب بماء الذهب:

قال: "يحتمل أن يريد به: أنها صائرة إليك ولا بد أن تعملها، وهذا مأخوذ من الحديث الذي رواه الترمذي في جامعه عن النبي ﷺ: «من عير أخاه بذنب لم يمت حتى يعمله»، قال الإمام أحمد في تفسير هذا الحديث: من ذنب قد تاب منه.

وأيضا ففي التعيير ضرب خفي من الشماتة بالمعير، وفي الترمذي أيضا مرفوعا: «لا تظهر الشماتة لأخيك، فيرحمه الله ويبتليك».

ويحتمل أن يريد: أن تعييرك لأخيك بذنبه أعظم إثما من ذنبه وأشد من معصيته، لما فيه من صولة الطاعة، وتزكية النفس، وشكرها، والمناداة عليها بالبراءة من الذنب، وأن أخاك باء به، ولعل كسرته بذنبه، وما أحدث له من الذلة والخضوع، والإزراء على نفسه، والتخلص من مرض الدعوى، والكبر والعجب، ووقوفه بين يدي الله ناكس الرأس، خاشع الطرف، منكسر القلب أنفع له، وخير من صولة طاعتك، وتكثرك بها والاعتداد بها، والمنة على الله وخلقه بها، فما أقرب هذا العاصي من رحمة الله، وما أقرب هذا المدل من مقت الله!

فذنب تذل به لديه، أحب إليه من طاعة تدل بها عليه، وإنك أن تبيت نائما وتصبح نادما، خير من أن تبيت قائما وتصبح معجبا، فإن المعجب لا يصعد له عمل، وإنك إن تضحك وأنت معترف، خير من أن تبكي وأنت مدل، وأنين المذنبين أحب إلى الله من زجل المسبحين المدلين، ولعل الله أسقاه بهذا الذنب دواء استخرج به داء قاتلا هو فيك ولا تشعر".

مدارج السالكين، ابن القيم الصفحة 195

(راجع أخلاقك) 1️⃣

هدفنا من السلسلة ديه تشوفوا الانفصال الشديد بين الأخلاق والعبادات

فتجد الانسان داخل المسجد في منتهى الانضباط، لكن خارج المسجد انسان تاني خالص..


كانه بيقول انا طالما بصلي كويس جوه المسجد مش مهم بقى حياتي بره المسجد تكون ازاي
وده طبعا خطأ رهيب


خدوا بالكم الانفصال ده ليس من الاسلام في شيء،
فالاسلام كلّ متكامل لا يتجزأ..


فايّاك أنك تكون تغري الناس بعبادتك،
وبعد كده يتفاجأوا الناس باخلاقك بعيدة تماما عن الاسلام..

حذاري من النوع ده

نتج عن هذا الانفصال بين الأخلاق والعبادات نوعان من البشر

النوع الأول: عابد سيء الخلق✖️.

النوع الثاني: حسن الخلق سيء العبادة.✖️

فتلاقي ناس حريصة على الأمانة..و الصدق.. ولكنهم لا يصلون.✖️

وتلاقب ناس حريصة على العبادات.. ولكنهم سيئوا الخلق✖️.

دول نموذجان مشوهان.
ليسا من الاسلام في شيء،

علشان كده هدفنا من دراسة الأخلاق (ايجاد العابد حسن الخلق)،

والله لا يؤمن.. والله لا يؤمن.. والله لا يؤمن!

قال رسول الله صلى الله عليه وسلم:" والله لا يؤمن، والله لا يؤمن، والله لا يؤمن"،
قالوا: من يا رسول اله؟
قال:" من لا يأمن جاره بوائقه
رواه مسلم

يالله!! تخيّلوا..
التي تنشر الغسيل وهو مبلول فيتساقط على غسيل جارتها التي تسكن تحتها.. ينطبق عليها هذا الحديث.

وتخيّلوا .. الذي من عادته يحط سيارته أمام جراج جيرانه ، وقفل الفرامل وعطل خروج سيارتهم... وذهب الى بيته لينام او حتى للصلاة.. فينطبق عليه هذا الحديث!!

هتقولو ، : لقد ذهب ليصلي..
مش عايزاكم تنسوا
أحنا قلنا مش عايزين الفصل بين الأخلاق والعبادات؟

وبالضد تتضح الأشياء

جاء أناس للرسول الله صلى الله عليه وسلم فقالوا: يا رسول الله فلانة تذكر بكثرة صلاتها وصيامها وزكاتها، غير انها تؤذي جيرانها فقال صلى الله عليه وسلم:" هي في النار"
ثم ذكر للنبي أن امرأة تذكر من قلة صلاتها وصيامها، وزكاتها غير أنها لا تؤذي جيرانها فقال صلى الله عليه وسلم:" هي في الجنة"
رواه الامام احمد و الحاكم والهيثمي.

اياك انك تفهم خطأ..!!
فكلامي ده ليس دعوة أن تقلل من عبادتك،
الغرض ايّاك أن تصلح جانب وتترك الآخر،
افتكروا أنه لا انفصال بين العبادة والأخلاق.

وكتير اوي الصنف ده اللي بيفصل بين عبادته وأخلاقه

يقول النبي صلى الله عليه وسلم:" ان شر الناس منزلة عند الله يوم القيامة من يتركه الناس لاتقاء فحشه" رواه البخاري ومسلم

تجد الأم توصي أولادها: اياكم واللعب أو الاقتراب من أبناء جارتنا، اتقاء لسلاطة لسانها.. وسبحان الله تلاقي الجارة ديه مرتدية الحجاب الكامل .
تخيّلوا.. ده يفقدك جزء كبير من ايمانك.

يقول النبي صلى الله عليه وسلم:" الايمان بضع وسبعون شعبة، أعلاها قول لا اله الا الله، وأدناها اماطة الأذى عن الطريق" رواه البخاري ومسلم

يالله!! ان اماطة الأذى عن الطريق شعبة من شعب الايمان!

طيب رأيك ايه باللي بيرمي بقايا الطعام في الطريق،
ده بيفقده جزء من ايمانه!؟

طيب رأيك ايه باللي تصحي ابنها في الصباح الباكر، وتقول له: ارم كيس ( .الزبالة.. ) في الشارع ده حتى لا يراك أحد.
تخيلوا أن ده يفقدها جزء من ايمانها؟!

وما رأيكم فيمن ترك عادم سيارته تكاسلا ليؤذي من خلفه، ويؤذي المارين في الشارع، ومهتمش انه يصلح ما بالسيارة من عطل. تخيلوا ده بيفقده جزء من ايمانه؟!

(راجع أخلاقك) 2️⃣


*فاكرين درس امبارح كان على ايه؟*
ان في ناس بتفصل بين الدين والأخلاق
يعني ناس تهتم بالدين من حيث العبادات زي الصلاة والصيام والحج والعمرة
ولكنها صفر في الأخلاق
وفي كمان العكس اخلاقه كويسه لكن دينه مش تمام
النوعين خطأ طبعا
مفيش انفصال بينهم طبعا
لازم يبقى عندك الاتنين دين واخلاق

عايزه اقولكم بقى
أن كل العبادات اصلا هدفها الأسمى هو تمام الأخلاق.

والا فان العبادات تصبح مجرد تمارين رياضية..!!

يعني ركزوا معايا كويس وصلوا على النبي صلى الله عليه وسلم وشوف ازاي

1️⃣ الصلاة بتظبط اخلاقك
قال تعالى{ وأقم الصلاة، ان الصلاة تنهى عن الفحشاء والمنكر} العنكبوت 45.

سبحان الله..!! يعني من لم تنهه صلاته عن الفحشاء والمنكر..
كانت مجرد تمارين رياضية يعني لازم صلاتك تنهاك عن الفحشاء والمنكر

2️⃣ و الصدقة
قال تعالى { خذ من أموالهم صدقة تطهرهم وتزكيهم بها} التوبة 103.

سبحان الله!!
يعني هدف الزكاة التزكية، ومعنى التزكية هو التربية على حسن الخلق.. يعني كمان الزكاة هدفها أيضا أخلاقي

فان من يتصدق سيتعلم الرحمة وسيتعلم الكرم.

يعني العبادات توصل إلى الأخلاق.

وركزوا في المعنى اللطيف ده..
انت سمعت قبل كده عن الصدقات الاخلاقية؟

يقول النبي صلى الله عليه وسلم:" تبسّمك في وجه أخيك صدقة".
يعني متبخلش بالابتسامة وتصدق..!!

وشوفوا تكملة الحديث:" تبسمك في وجه أخيك صدقة،
وأمرُكَ بالمعروفِ ونَهيُكَ عنِ المنْكرِ صدقةٌ
وإرشادُكَ الرَّجلَ في أرضِ الضَّلالِ لَكَ صدقةٌ
وبصرُكَ للرَّجلِ الرَّديءِ البصرِ لَكَ صدقةٌ
وإماطتُكَ الحجرَ والشَّوْكَ والعظمَ عنِ الطَّريقِ لَكَ صدقةٌ
وإفراغُكَ من دلوِكَ في دلوِ أخيكَ لَكَ صدقةٌ
رواة الترمذي وصححه الألباني

يعني مفهومنا عن الصدقات ديه انها بتوصلنا الى احسن الاخلاق،
زي ما قلت لك كده
اسمها " صدقات أخلاقية"

3️⃣ والصوم كمان
يقول النبي صلى الله عليه وسلم:
" اذا كان يوم صوم أحدكم فلا يرفث ولا يصخب، فان سابه أحد أو قاتله، فليقل: اني امرؤ صائم" رواه مسلم .

سبحان الله!! شوفوا الهدف من الصيام كمان ضبط الأخلاق،

4️⃣ الحج
وتصل الأخلاق الى ذروتها في الحج
يقول الله تبارك وتعالى:{ الحج أشهر معلومات، فمن فرض فيهن الحج فلا رفث ولا فسوق ولا جدال في الحج} البقرة 197.

الحج تدريب قاسي على انضباط الأخلاق..
هناك في الحج كل واحد حريص كل الحرص على حسن الخلق..
فلا تتكلم بصوت عال.. ولا تشتم أحد.. ولا تسب أحدا.. ولا تظلم أحدا،.. بل ستبالغ وتزيد في المبالغة لتحسين خلقك..
ستمكث هناك ٢٠ يوما مثلا او اقل
انضباط ....يعني انضباط.

والمطلوب أن يجتمع و يتزاحم 3 مليون حاج كل عام
وفي هذا الزحام الشديد لازم تضبط اخلاقك.

فكلهم يرمون الجمرات في وقت واحد..
وكلهم فوق جبل عرفة في وقت واحد..
٢٠ يوم اواقل تدريب على ضبط الاخلاق
طيب بعد كده لما ترجع من الحج
أفلا تحسن خلقك مع أبيك وامك، مع زوجتك، مع أقاربك، مع جيرانك..

يبقى لا قيمة لصلاة ولا لزكاة ولا لصوم ولا لحج بدون أثر الأخلاق...

-


لا تُحدّثني عن حفظك للقرآن كاملًا أو إجازتك فيه برواية كذا وكذا ولكِن أَرِنِي القُرآن أولًا في أفعالِك وأخلاقك وأقوالِك وحُسن حديثك مع النّاس !

‏بئسَ حامل القُرآن الحَافظِ
لحُرُوفِه والمُضَيّع لحُدُودِه.

قال رسول الله ﷺ: "ضع يدك على الذي يؤلم من جسدك وقل: "بسم الله" ثلاثاً ، وقل سبع مرات: "أعوذ بعزة الله وقدرته من شر ما أجد وأحاذر"، قال: ففعلت، فأذهب الله ما كان بي

لو بطلت ذنوب الخلوات اللي مبهدلاك دي؟

ربنا هيحبك وهيفتح عليك خير كبير أوي وهيحبب الناس فيك..

متخيل ربنا بعظمته يحبك !

يسوى ايه الذنب جنب محبة ربنا ؟!

ابعد عن اللي بيوصلك للذنوب دي
مهما كان ..

وبدلها بطاعات الخلوات

#ماتستسلمش

ما بك!

‏تغافلت عن السُنن فقصرّت في الفرائض، تلهو وكأنك مُخلّد، أضمِنت مفتاح الجنة بيديك أم لم تذنب يومًا!

ما بك تخلّيت عن القرآن صديقًا ومؤنسًا!
ضيّعت وردك وتشكو قلة البركة، ما بك تمرّ آيات القرآن بك ولا تُحيي فيك شيئا!


#افتح مصحفك

تبر والديك لو كانوا صعبين أو ظالمين؟ تعمل إيه

دي أصعب اختبار للبر. الإسلام قالك بر حتى لو هما مش كويسين معاك:

البر مش معناه تخليهم يدوسوا عليك
"وإن جاهداك على أن تشرك بي فلا تطعهما". تطيعهم في المعروف بس. لو ظلموك، لك حق تقول "لأ" بأدب.

حدود الأدب واجبة دايمًا
حتى لو ظلموك، ما تشتمش، ما تعليش صوتك، ما تهجرش. "وصاحبهما في الدنيا معروفا". المعاملة الطيبة واجبة حتى مع الظلم.

افصل بين البر والمشاعر*
ممكن تكون متضايق منهم جواك، بس أفعالك بر. تكلمهم كويس، تخدمهم، تدعي لهم. الأجر على الفعل مش على الشعور.

اطلب العون من ربنا
قول في سجودك: "يا رب ألّن قلوبهم عليّ، وألّن قلبي عليهم، وارزقني برهم رغم التعب". الدعاء ده بيفرق جدًا.

بر الوالدين الصعبين = أجر مضاعف. ربنا شايف تعبك، ومش هيضيعه.

..

- نصيـحــةة للبنــات
خلفياتـك أو ملفك الشخصـي، أو ما يسمى بروفايل إذا ڪان فيه صور نساء فاتـنة فليسـت دليل على أنوثـتــــــك
وصور نساء الباكيات بدموع على خدودهن وهن سافرات لا تعبر عن شخصيتك الحزينـــــة
وإنـما هية ذنـــــوب جــــــارية تصب في صحيفتك إلى يوم القيامة.
بادري قبل أن تغــــــادي بارك الله فيكم!

“ده اللي ماشي في السوق”

الفكرة اللي بسببها تجار كتير بيعرضوا لبس هم عارفين إنه ميرضيش ربنا
وإن مينفعش البنات تمشي بيه في الشارع
بس
“ده اللي ماشي في السوق”

ده مش عذر مقبول قدام ربنا والله
إنت مش مجبر تجيب الحاجات دي
إنت مسؤول عن اختيارك

خلي محلك مكان يساعد البنات على رضا ربنا
مش مكان يساعد على الغلط
مش مكان فتنة للبنات
اوعى تكون سبب في إن واحدة تاخد خطوة ورا
اوعى تكون فتنة لبنت داخلة تدور على لبس يرضي ربنا فتضعف وتجيب من اللي في محلك وهو مايرضيش ربنا

دور على المكسب الحقيقي في الآخرة
ومتبيعهوش ببلاش

_

كيف نوفّق بين أعمال البيت وحَلقات القرآن؟


التوفيق بين البيت وحلقات القرآن ليس تعارضًا، بل تكامل؛ فالبيت مسؤولية وعبادة، وحلقات القرآن زاد للرُوح ونور للحياة

_رتّبي وقتك واجعلي لكل حقٍّ نصيبًا.
_قدّمي الضروري من شؤون بيتك، لتستطيعي التفرغ بقلبٍ مطمئن لحلقاتك.

_واستحضري أن خدمتك لأهلك لا تُبعدك عن القرآن، بل تزيدك بركة وتوفيقًا فيه.

فالبيت ميدان عملك، وحلقات القرآن زاد مسيرك، والموفّق من جمع بينهما بنيةٍ صالحة وقلبٍ مطمئن.

- نُقِل.

الكف
الخرزة الزرقاء
خمسة وخميسة
.........مالهم ؟؟!!
        كل دي حاجات شركية ياجماعة
_ماينفعش تلبسي حاجه فيها خرزة زرقاء عشان تبعد عنك الحسد
_ماينفعش تعلق الكف أو خمسة وخميسة في محلك ولا في عربيتك عشان تحميك من العين
ماينفعش ياجماعة لحديث النبيﷺ((من تعلَّقَ تميمةً فقد أشرك.))

طيب أنا لابسها أو معلقها زينة بس ومش بقول أنها بتحمي من الحسد ولا حاجه..
_برضو حرام وماينفعش
ماينفعش تلبس او تعلق حاجه فيها شرك وتقول مش قصدي ....لانك كده بتنشر اعتقاد شركي

طب أنا بستعمل الخرزة الزرقاء عشان اللون الازرق بيدي طاقة ايجابية بس ..مش عشان الحسد
_ماهو الطاقة الايجابية دي مصدرها ايه...هل النبيﷺ قال عليها ..دي حاجات غيبية مانعرفهاش غير بوحي
مافيش حاجه اسمها ده بيجيب طاقة سلبية وبيعمل غم في البيت
وده بيجيب طاقة ايجابية وبيعمل فرح في البيت
الكلام ده مش حقيقي ومالوش اي اصل علمي .
ماتستهونوش بالحاجات دي ياجماعه
ماتقولوش مش هدخل النار عشان لابسه خرزة زرقاء
طالما الدين نهانا عن حاجه نقول سمعنا واطعنا ومانفاصلش ونقول دي معصية صغيرة ودي معصية كبيرة

#وتحسبونه_هينًا

بر الوالدين مفتاح الرزق والبركة في حياتك

كتير من الناس تدور على الرزق في الشغل والفلوس، وتنسى إن في باب مباشر في السما اسمه "بر الوالدين":

الدليل من السنة:
النبي ﷺ قال:
"من أحب أن يبسط له في رزقه، ويُنسأ له في أثره، فليصل رحمه". وبر الوالدين هو أعلى صلة رحم.

راجل راح للحسن البصري يشتكي قلة الرزق. الحسن قال له:
"استغفر الله وبر أمك". الراجل عمل كده، وبعد فترة ربنا فتح عليه.

إزاي البر يجيب رزق:
دعوة الوالد لابنه ما بتتردش. لو دعولك "ربنا يوسع عليك"، بتفرق.
اللي بار بوالديه بيلاقي بركة في يومه، بينجز أكتر في وقت أقل.
ربنا بيسخرلك ناس تساعدك، أبواب تتفتح، لأنك وصلت اللي أمرك توصلهم.
قبل ما تنزل شغلك، بوس إيد والدتك أو والدك وقل: "ادعيلي ربنا يرزقني". وشوف الفرق في يومك.

التربية مش مصاريف واكل وشرب ودروس بس
التربية مسئولية واهتمام وبناء إنسان كامل حياته كلها هتبقى في ميزان حسناتنا أو سيئاتنا.

عشان كده.
- محتاجين نربي جيل واعي عارف دينه معوده ع الصلاة والصيام ومعودين البنت ع الحجاب
- محتاجين جيل بيحب ربنا وبيراقبه
وده مش هيجي غير بجهد من الأهل إنهم يغرسوا ده ويركزوا مع ولادهم ويراقبوهم ويراقبوا أصحابهم

ولادكم بيتعرضوا لتحديات كتير سواء من اللي بيشوفوه ع التيك توك والسوشيال كله
أو من الاصحاب اللي بيشدوهم للغلط سواء سرقة فلوس الدروس أو علاقات بين الشباب والبنات أو فيب ومخدرات
كل ده غير الأفكار الإلحا*دية اللي حوالينا

فمحتاجين نركز اوووي مع ولادنا ونراقب تليفوناتهم واصحابهم ونقرب منهم ويكون عندنا توازن في التربية بين الحزم والرفق
لكن ماينفعش أبدا أرميهم في نار الفتن دي وأقول هم يتصرفوا
محتاجين كمان نكون قدوة صالحة في حياة ولادنا
لإنك لو اديت محاضرات طويلة إن الكذب والعلاقات بين الولاد والبنات حرام ...وعملت إنت الغلط ده
فكده بالظبط كل اللي قولته =zero
عاوزين نتعب عشان نربي ولاد يكونوا هم صدقتنا الجارية.

قال رسول اللهﷺ "إن اللهَ تعالى إذا أنعَم على عبدٍ نعمةً ، يحبُّ أن يرى أثرَ النِّعمةِ عليه ، ويكره البُؤسَ والتَّباؤسَ"
لما ربنا يديك نعمة (جواز ،فلوس ،ولاد ،صحة ...)
بلاش تفضل تشتكي كل شوية أنا مكتئب
بلاش تفضلي تشتكي من ولادك ومن جوزك
بالعكس ربنا يحب مننا إننا نشوف النعمة دي بقلوبنا ونشكر المنعم سبحانه عليها
بس إنتوا عارفين المشكلة فين ؟؟!!

المشكلة إننا بنمد عنينا برة مع إن ربنا قالنا:
"وَلَا تَمُدَّنَّ عَيْنَيْكَ"
بنمد عينينا واحنا بنقارن ولادنا بولاد غيرنا
بنمد عنينا واحنا بنقارن حياتنا بالبلوجرز والتيك توكرز ونقول دول الناس اللي عايشة
فنحبس نفسنا في دايرة مقارنة ضيقة مع إن رزق ربنا واسع
وعشان كده الحل.

مانمدش عينينا بره تاني
- الغوا متابعة اليوتيوبرز والبلوجرز اللي كل شغلتهم يعرضوا حياتهم ع السوشيال

- بصوا دايما للنعمة اللي ربنا مديهالكم ولما تيجوا تقارنوا نفسكم في أي حاجة في الدنيا قارنوا بالأقل منكم مش بالأعلى
عشان تشكروا ربنا بلسانكم وبقلبكم وباستعمال كل نعمه في اللي يرضيه.

لا يزال الغرب الكافر يسعى بما أوتي من فجور وخُبث في محاربة الإسلام من كل جوانبه

ومن أعظم المستهدفين عندهم: المرأة المسلمة العفيفة الطاهرة.

وذلك لأنهم يعلمون أنها القاعدة والمدرسة؛ ومربية الأجيال وصانعة الرّجال؛ وبصلاحها تصلح المجتمعات وبفسادها تفسد الأمم.

فصنعوا لها لباسا جمع في شكله بين الرجولة والأنوثة؛ والبهلوانية والسّخافة.

والعجيب أن ترى كثيرا من المسلمات يرتدينه ويتفاخرن به؛ والأعجب من ذلك أن ترى خروجها من بيت فيه رجال -وأي رجال-؟!

وقد وجّهوا سهامهم للمتحجّباب بعد أن كادوا يتمكّنوا من العاميات والمتبرجات فيلبسوهن ماشاؤوا؛ وينزعون عنهن ما شاؤوا

عارف إزاي تبقى صدِّيق عند ربنا؟
النبي ﷺ قال: «وإن الرجل ليصدق، ويتحرى الصدق، حتى يُكتب عند الله صدِّيقًا».
خد بالك...
النبي ﷺ ما قالش: "يصدق" وبس، قال: "ويتحرى الصدق".
يعني يدقق في كلامه، ويختار ألفاظه، وما يقولش غير الحقيقة بالضبط.
فلما حد يسألك: "خلصت الشغل؟" ما تقولش: "آه" وأنت لسه في نصه.
قول: "بدأت... ولسه مخلصتش."
ولما حد يقولك: "أنت فين؟"
ما تقولش: "أنا على الكوبري وخمس دقائق وأنت لسه خارج من البيت.
يمكن كلمة واحدة تدقق فيها ترفعك عند الله لمنزلة الصِّدِّيقين.