“ده اللي ماشي في السوق”

الفكرة اللي بسببها تجار كتير بيعرضوا لبس هم عارفين إنه ميرضيش ربنا
وإن مينفعش البنات تمشي بيه في الشارع
بس
“ده اللي ماشي في السوق”

ده مش عذر مقبول قدام ربنا والله
إنت مش مجبر تجيب الحاجات دي
إنت مسؤول عن اختيارك

خلي محلك مكان يساعد البنات على رضا ربنا
مش مكان يساعد على الغلط
مش مكان فتنة للبنات
اوعى تكون سبب في إن واحدة تاخد خطوة ورا
اوعى تكون فتنة لبنت داخلة تدور على لبس يرضي ربنا فتضعف وتجيب من اللي في محلك وهو مايرضيش ربنا

دور على المكسب الحقيقي في الآخرة
ومتبيعهوش ببلاش

_

كيف نوفّق بين أعمال البيت وحَلقات القرآن؟


التوفيق بين البيت وحلقات القرآن ليس تعارضًا، بل تكامل؛ فالبيت مسؤولية وعبادة، وحلقات القرآن زاد للرُوح ونور للحياة

_رتّبي وقتك واجعلي لكل حقٍّ نصيبًا.
_قدّمي الضروري من شؤون بيتك، لتستطيعي التفرغ بقلبٍ مطمئن لحلقاتك.

_واستحضري أن خدمتك لأهلك لا تُبعدك عن القرآن، بل تزيدك بركة وتوفيقًا فيه.

فالبيت ميدان عملك، وحلقات القرآن زاد مسيرك، والموفّق من جمع بينهما بنيةٍ صالحة وقلبٍ مطمئن.

- نُقِل.

الكف
الخرزة الزرقاء
خمسة وخميسة
.........مالهم ؟؟!!
        كل دي حاجات شركية ياجماعة
_ماينفعش تلبسي حاجه فيها خرزة زرقاء عشان تبعد عنك الحسد
_ماينفعش تعلق الكف أو خمسة وخميسة في محلك ولا في عربيتك عشان تحميك من العين
ماينفعش ياجماعة لحديث النبيﷺ((من تعلَّقَ تميمةً فقد أشرك.))

طيب أنا لابسها أو معلقها زينة بس ومش بقول أنها بتحمي من الحسد ولا حاجه..
_برضو حرام وماينفعش
ماينفعش تلبس او تعلق حاجه فيها شرك وتقول مش قصدي ....لانك كده بتنشر اعتقاد شركي

طب أنا بستعمل الخرزة الزرقاء عشان اللون الازرق بيدي طاقة ايجابية بس ..مش عشان الحسد
_ماهو الطاقة الايجابية دي مصدرها ايه...هل النبيﷺ قال عليها ..دي حاجات غيبية مانعرفهاش غير بوحي
مافيش حاجه اسمها ده بيجيب طاقة سلبية وبيعمل غم في البيت
وده بيجيب طاقة ايجابية وبيعمل فرح في البيت
الكلام ده مش حقيقي ومالوش اي اصل علمي .
ماتستهونوش بالحاجات دي ياجماعه
ماتقولوش مش هدخل النار عشان لابسه خرزة زرقاء
طالما الدين نهانا عن حاجه نقول سمعنا واطعنا ومانفاصلش ونقول دي معصية صغيرة ودي معصية كبيرة

#وتحسبونه_هينًا

بر الوالدين مفتاح الرزق والبركة في حياتك

كتير من الناس تدور على الرزق في الشغل والفلوس، وتنسى إن في باب مباشر في السما اسمه "بر الوالدين":

الدليل من السنة:
النبي ﷺ قال:
"من أحب أن يبسط له في رزقه، ويُنسأ له في أثره، فليصل رحمه". وبر الوالدين هو أعلى صلة رحم.

راجل راح للحسن البصري يشتكي قلة الرزق. الحسن قال له:
"استغفر الله وبر أمك". الراجل عمل كده، وبعد فترة ربنا فتح عليه.

إزاي البر يجيب رزق:
دعوة الوالد لابنه ما بتتردش. لو دعولك "ربنا يوسع عليك"، بتفرق.
اللي بار بوالديه بيلاقي بركة في يومه، بينجز أكتر في وقت أقل.
ربنا بيسخرلك ناس تساعدك، أبواب تتفتح، لأنك وصلت اللي أمرك توصلهم.
قبل ما تنزل شغلك، بوس إيد والدتك أو والدك وقل: "ادعيلي ربنا يرزقني". وشوف الفرق في يومك.

التربية مش مصاريف واكل وشرب ودروس بس
التربية مسئولية واهتمام وبناء إنسان كامل حياته كلها هتبقى في ميزان حسناتنا أو سيئاتنا.

عشان كده.
- محتاجين نربي جيل واعي عارف دينه معوده ع الصلاة والصيام ومعودين البنت ع الحجاب
- محتاجين جيل بيحب ربنا وبيراقبه
وده مش هيجي غير بجهد من الأهل إنهم يغرسوا ده ويركزوا مع ولادهم ويراقبوهم ويراقبوا أصحابهم

ولادكم بيتعرضوا لتحديات كتير سواء من اللي بيشوفوه ع التيك توك والسوشيال كله
أو من الاصحاب اللي بيشدوهم للغلط سواء سرقة فلوس الدروس أو علاقات بين الشباب والبنات أو فيب ومخدرات
كل ده غير الأفكار الإلحا*دية اللي حوالينا

فمحتاجين نركز اوووي مع ولادنا ونراقب تليفوناتهم واصحابهم ونقرب منهم ويكون عندنا توازن في التربية بين الحزم والرفق
لكن ماينفعش أبدا أرميهم في نار الفتن دي وأقول هم يتصرفوا
محتاجين كمان نكون قدوة صالحة في حياة ولادنا
لإنك لو اديت محاضرات طويلة إن الكذب والعلاقات بين الولاد والبنات حرام ...وعملت إنت الغلط ده
فكده بالظبط كل اللي قولته =zero
عاوزين نتعب عشان نربي ولاد يكونوا هم صدقتنا الجارية.

قال رسول اللهﷺ "إن اللهَ تعالى إذا أنعَم على عبدٍ نعمةً ، يحبُّ أن يرى أثرَ النِّعمةِ عليه ، ويكره البُؤسَ والتَّباؤسَ"
لما ربنا يديك نعمة (جواز ،فلوس ،ولاد ،صحة ...)
بلاش تفضل تشتكي كل شوية أنا مكتئب
بلاش تفضلي تشتكي من ولادك ومن جوزك
بالعكس ربنا يحب مننا إننا نشوف النعمة دي بقلوبنا ونشكر المنعم سبحانه عليها
بس إنتوا عارفين المشكلة فين ؟؟!!

المشكلة إننا بنمد عنينا برة مع إن ربنا قالنا:
"وَلَا تَمُدَّنَّ عَيْنَيْكَ"
بنمد عينينا واحنا بنقارن ولادنا بولاد غيرنا
بنمد عنينا واحنا بنقارن حياتنا بالبلوجرز والتيك توكرز ونقول دول الناس اللي عايشة
فنحبس نفسنا في دايرة مقارنة ضيقة مع إن رزق ربنا واسع
وعشان كده الحل.

مانمدش عينينا بره تاني
- الغوا متابعة اليوتيوبرز والبلوجرز اللي كل شغلتهم يعرضوا حياتهم ع السوشيال

- بصوا دايما للنعمة اللي ربنا مديهالكم ولما تيجوا تقارنوا نفسكم في أي حاجة في الدنيا قارنوا بالأقل منكم مش بالأعلى
عشان تشكروا ربنا بلسانكم وبقلبكم وباستعمال كل نعمه في اللي يرضيه.

لا يزال الغرب الكافر يسعى بما أوتي من فجور وخُبث في محاربة الإسلام من كل جوانبه

ومن أعظم المستهدفين عندهم: المرأة المسلمة العفيفة الطاهرة.

وذلك لأنهم يعلمون أنها القاعدة والمدرسة؛ ومربية الأجيال وصانعة الرّجال؛ وبصلاحها تصلح المجتمعات وبفسادها تفسد الأمم.

فصنعوا لها لباسا جمع في شكله بين الرجولة والأنوثة؛ والبهلوانية والسّخافة.

والعجيب أن ترى كثيرا من المسلمات يرتدينه ويتفاخرن به؛ والأعجب من ذلك أن ترى خروجها من بيت فيه رجال -وأي رجال-؟!

وقد وجّهوا سهامهم للمتحجّباب بعد أن كادوا يتمكّنوا من العاميات والمتبرجات فيلبسوهن ماشاؤوا؛ وينزعون عنهن ما شاؤوا

عارف إزاي تبقى صدِّيق عند ربنا؟
النبي ﷺ قال: «وإن الرجل ليصدق، ويتحرى الصدق، حتى يُكتب عند الله صدِّيقًا».
خد بالك...
النبي ﷺ ما قالش: "يصدق" وبس، قال: "ويتحرى الصدق".
يعني يدقق في كلامه، ويختار ألفاظه، وما يقولش غير الحقيقة بالضبط.
فلما حد يسألك: "خلصت الشغل؟" ما تقولش: "آه" وأنت لسه في نصه.
قول: "بدأت... ولسه مخلصتش."
ولما حد يقولك: "أنت فين؟"
ما تقولش: "أنا على الكوبري وخمس دقائق وأنت لسه خارج من البيت.
يمكن كلمة واحدة تدقق فيها ترفعك عند الله لمنزلة الصِّدِّيقين.

عينك على ولادك
مهم أوي تركز مع ولادك وتراقب أدق تفاصيلهم

راقب تصرفاتهم المادية

راقب أحوالهم المزاجية

راقب تغيراتهم الاخلاقية

راقب اهتمامتهم ومتابعتهم ع السوشيال ميديا والتليفون عموما
تليفوناتهم ماتتعملش ببصمة ولا باسورد ..هتدي تليفون يبقى تحط ده قانون

راقب مين أصحابهم وتأثيرهم ايه على سلوكهم

راقب حتى نضافتهم الشخصية

راقب كل حاجة تتعلق بيهم مراقبة دقيقة عشان اي حاجة غريبة تقدر تكتشفها في وقتها وتعالجها وهي لسه صغيرة
وماتنساش حديث النبي :
"كلُّكم راعٍ وكلُّكم مسؤولٌ عن رعيتِهِ"

[[  الحِجَاب لِباس كامِل و ليسَ هذه الخِرقة التي تُوضَع على الرَّأس ، لا نضحَك على أنفُسِنا فهذا ليسَ بِحِجاب هذا تغطية الشَّعر ، التي تخرُج تضع الحمرة و البودرة أو تظهر جزءًا من شعرها أو تلبس البنطال بدون تغطيته بثوب ساتر فهذِه ليسَت مُحجَّبة بل مُتبرجة ، الشَّيء الذي أجمَعَ عَليهِ العُلمَاء أنَّهُ لا يكون حِجاب مَع خرُوج شَيء مِن الشَّعر و لا يَكُون حِجَاب مَع لِبس البِنطال فهذه ليسَت مُحجَّبة و إن ادَّعت أنَّها مُحجَّبة و إن سَمَّاها النَّاس مُحجَّبة ، لِباس كامِل مع حمرة و بودَرة و رِيحة هذا كلُّه تبرُّج ، لكن التبرُّج يتَفاوَت و أنصح هؤلاء الفتيات بعدم إظهار الزِّينة و أن يتَّقِينَ الله و أن يَلتزِمنَ بِاللباس الشَّرعي الذي أمَرَهُن الله بِه ،

قال تعالى لنبيه ﷺ :
_ { يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا }.

_ { وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ....} ]].

"مما يهوِّن الألم:

أنَّ الله يرى ما تُقاسيه
ولو لم تتلفظ به!

{ فَأَوۡجَسَ فِی نَفۡسِهِۦ خِیفَةࣰ مُّوسَىٰ
  قُلۡنَا لَا تَخَفۡ إِنَّكَ أَنتَ ٱلۡأَعۡلَىٰ }

لم يبُح موسى بخوفه
بل فقط شَعُرَ به ولم يَرَهُ أحد
ولكنَّ اللهَ رآه!

فالحمد لله الذي يعلم ما في أنفسنا
والحمد لله الذي يأجرنا على كل ألم
والحمد لله أن الدنيا ساعات معدودة وتنقضي."

❐ ‏#قال_الإمام_الأوزاعي رحمه الله :

من أطال قيام الليل ، هَوَّن الله عليه وقوفَ يوم القيامة .

انظر: سير أعلام النبلاء ٧ / ١١٩

‏اكسروا هدوء الليل ﺑصوت استغَفاركم ‏فهناك ربٌ غَفور يقُول:
‏"هَل من مُستغفرٍ فأغفرَ له؟".

أعظم ما قيل في قيام الليل ؛
‏ألا يَكفيك أَن الله اصطفاك من بين أَهل بيتك وبلدتك لِتُناجيه ويُطلِق لسَانك بالدُعاء لِـ يَستجيب لَك !

‏صلاة الوتر

فضل الاستغفار في الأسحار
قال تعالى: ‏{ والمستغفرين بالأسحار }
‏قال ابن كثير:
دل على فضيلة الاستغفار وقت الأسحار.

‏وقد قيل: إن يعقوب لما قال لبنيه: { سوف أستغفر لكم ربي } أنه أخرهم إلى وقت السحر.
‏‌ ⁩

متعيبش على حد

في مرة السيدة عائشة - رضي الله عنها - شاورت بإيديها كده كإشارة إن السيدة صفية قصيرة..
فقال لها النبي ﷺ "لقدْ قلتِ كَلِمَةً لَوْ مُزِجَتْ بماءِ البحْرِ لَمَزَجَتْهُ"

يعني لو اعتبرنا إن الكلمة دي لها لون أو ريحة واتخلطت بماء البحر لأثرت على لون وريحة ماء البحر من شدة قبحها..

بنسمع كتير هزار ومعايبة
ده قصير
دي تخينة
ده أسود
دي شعرها أكرت
مناخيره كبيرة

كل ده غير مقبول ولا بجد ولا هزار..

وفي الحقيقة ده مش بس انتقاص من حد.. ده معايبة لخلق ربنا وتقسيمه للأرزاق..

فاتقوا الله..
ومحدش بيختار شكله.. لكن كل واحد بيختار أخلاقه.. فبلاش أخلاقك تكون أقبح من شكله اللي مش عاجبك...

قبل ما تروح تصلي نافلة… بص على أمك الأول.

آه…
الكلام تقيل ، بس الحقيقة أتقل.

في ناس فاكرة إن التقوى ، عدد ركعات ، وعدد ختمات.
وصور صدقات على فيسبوك.

لكن في عبادة تانية ناس كتير ناسية وزنها عند ربنا…

خدمتك لأمك.

لما تقوم تجيب لها حاجة قبل ما تطلب.
لما تستحمل تكرارها لنفس الكلام.
لما تعيد عليها المعلومة عشر مرات وماتتأففش.
لما تسهر جنبها وهي تعبانة.
لما تستحمل عصبيتها من غير ما تكسر بخاطرها.

ده مش “جدعنة” ، ده ثواب تقيل.

أمك لما تكبر وتحتاجك ساعتها الاختبار الحقيقي يبدأ.

مش وهي قوية ، ولا وهي بتخدم نفسها ،لكن وهي بقت محتاجة سند.

وهنا السؤال:
هتختار راحتك؟
ولا تختار رضا ربنا؟

ربنا ما قارنش حق حد بحقه مباشرة إلا الوالدين.

﴿وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا﴾
﴿وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا﴾

الترتيب مش صدفة ، ولا تفصيل جانبي.

ده إعلان واضح: برهم طريق مباشر لرضاه.

خلي بالك…

🔹 ممكن تصلي قيام ليل… وتضيّع الثواب بكلمة ضيق في وشها.

🔹 ممكن تتصدق بفلوس كتير… وأمك محتاجة منك وقت مش فلوس.

🔹 ممكن تختم قرآن… وهي نفسها في كلمة طيبة.

مش تقليل من عبادة… لكن ترتيب أولويات.

بر الأم
مش بوست.
مش صورة.
مش كلمة “بحبك يا أمي” قدام الناس.

بر الأم =
صبر طويل.
صدر واسع.
خدمة من غير تذمر.
وطاعة في غير معصية.

لو أمك عايشة… إنت معاك باب مفتوح للرحمة.

لو متوفية…
ادعيلها.
اتصدق عنها.
واعمل خير يكون نور في قبرها.

في ناس بتعبد ربنا وقلوبهم قاسية على أمهاتهم.

وفي ناس خدمتها لأمها
رفعتها درجات ما توصلهاش نوافل سنين.

راجع نفسك قبل ما تحاسب غيرك.

أمك مش عبء. أمك فرصة نجاة.

..

همٌّ يوقظ القلب

قد يثقل الهمُّ على القلب حتى يظن صاحبه أن أبواب الفرج قد أُغلقت، وأن الطريق قد طال بلا نهاية. لكن المؤمن يعلم أن وراء الغيب ربًّا رحيمًا، لا يعجزه أمر، ولا تخفى عليه دمعة، ولا يضيع عنده دعاء.

فالهمُّ وإن أوجعك، قد يكون نداءً خفيًّا يعيدك إلى الله؛ يعلّمك أن تتخفف من التعلّق بالخلق، وأن تُلقي أثقال قلبك بين يدي الخالق.

فإذا ضاقت بك الدنيا، فلا تستسلم للهم، بل ارفع قلبك إلى الله وقل: يا رب، إن كان هذا الأمر فوق قدرتي، فهو دون قدرتك، وإن عجزتُ عن حمله، فأنت القادر أن ترفعه عني.

ثم اطمئن؛ فإن القلب إذا صدق في اللجوء إلى الله، نزلت عليه سكينة لا تمنع البلاء، لكنها تمنحه قوةً على احتماله.

وربّ همٍّ أبكاك، كان وراءه لطفٌ لم تره بعد، وربّ ضيقٍ ظننته نهاية الطريق، جعله الله بدايةً لقربٍ جديد منه.

موضوع مهم ناس كتير بتقع فيه: لما تبدأ تبر والديك بزيادة، ساعات إخواتك يغيروا أو يحسوا إنك بتتصنع. التعامل هنا محتاج ذكاء عشان ما تكسبش رضا والديك وتخسر علاقتك بإخواتك.

*اعمل كده:*
- ما تتفاخرش ببرك قدامهم. خلي شغلك بينك وبين والديك وبين ربنا.
- لو شفت أخوك مقصر، ما تعايروش. شجعه بهدوء: "تعال معايا نجيب طلب لماما".
- قسم المهام بينكم. انت تودي للدكتور، هو يجيب الطلبات. كده كله بيشارك ومفيش حد شايل لوحده.
- افتكر إن هدفك رضا ربنا مش تصفيق الناس. لو إخواتك ما قدروش، أجرك محفوظ.

البر الحقي بيلم العيلة، ما بيفرقهاش.

"وعصيتم من بعد ما أراكم ما تحبون"
أقبح معصية هي اللي بتيجي بعد النعمة.. بعد ما ربنا يعطيك اللي كان نفسك فيه..
ربنا أنعم عليك لتشكر.. لا لتعصي..

اتغنى فبيعصي بفلوسه..

اتخطبت فبدأت تقصر في نقابها وحجابها بره البيت أو بتتجاوز هي وخطيبها..

اتوظف فبيستغل سلطاته..

دخلت كليه فبدأت تعمل حواجبها وتحط ميكب اب..

كل دي نعم أحياناً للأسف بعد ما بتجيلنا بننسى وبنعصي ربنا بيها..
نراجع نفسنا..
ونصحح المسار مرة تانية