تعالوا نفتح كمان صفحة من صفحات البر اللي مفيش،حد بيحكي عنها كتير… لأن الكلام عن عقوق الوالدين وبرهم عامل زي البحر، كل ما تغوصي هتلاقي درر بتغير حياتك، ومفاتيح بتفتحلك أبواب رحمة ربنا اللي عمرها ما بتتقفل في وش البارين بوالديهم.

البر بيخليكي تشوفي الخير في ابتلائك :
يا قلبي، البنت البارة بوالديها لما بتتعب، بتقول "يمكن ده تكفير لذنوبي، يمكن ربنا بيختبرني علشان يرفعني"… فتلاقيها صابرة، راضية، قلبها مطمن…
لكن العاق لوالديها لما بيحصلها ابتلاء، بتفضل تعيط وتقول "ليه أنا؟ ليه الدنيا جاية عليا؟"… لأنها قطعت الحبل اللي كان بيوصلها برضا ربنا عن طريق بر أهلها…

فالبر بيخليكي تشوفي في كل ضيق فرج، وفي كل تعب أجر، وفي كل دمعة مسح لذنب

البر بيخليكي تعرفي تدبري بيتك صح :
لما تبرّي أمك، هتلاقي نفسك بتتعلمي منها تدبير البيت من غير ما تقصدي… بتسمعي نصايحها، بتطبقي حاجاتها، بتلاقي بيتك مرتب ومرتاح…
لكن لما تعقي، هتلاقي بيتك دايماً فيه حاجة ناقصة، أكل مش مظبوط، عيال مش متظبطة، بركة متشالة… لأنك رفضتي تاخدي من خبرة اللي ربنا أمرك بطاعتهم.

البر بيخليكي تعرفي تختاري صح لعيالك:
البنت اللي اتربت على بر أمها، بتعرف تختار لأولادها الصح… بتسمع نصيحة أمها في تربية العيال، بتاخد بخبرتها… فتلاقي عيالها متربيين، مؤدبين، حنينين.

لكن اللي عقت أمها، هتربي عيالها بدماغها بس، وتغلط، وتتعلم بالصعب… لأنها رفضت المدرسة اللي ربنا حطها في طريقها وهي أمها.

البر بيخليكي تعرفي تتصرفي وقت الأزمة :
لما بتحصل مشكلة كبيرة، البنت البارة بوالديها بتجري على أمها وأبوها تاخد رأيهم، تدعيهم يدعولها… فتلاقي ربنا بيسهلها، بيفتح لها سكة ما كانتش في بالها…

لكن العاق لوالديها، لما بتزنق، بتفضل تلف حوالين نفسها، تسأل الناس، تاخد قرارات غلط… لأنها قطعت مصدر الحكمة والدعاء اللي كان ممكن ينقذها

البر بيخليكي تعرفي قيمة الوقت :
البنت البارة بوالديها، بتحس إن الوقت بيبرك… ساعة مع أمها بتعدي كأنها دقيقة، وهي مبسوطة…
لكن العاق لوالديها، حتى لو قعدت معاهم يوم كامل، بتحس إنه تقيل، زهقانة، عايزة تمشي… لأن قلبها مش مرتاح، لأنها شايلة جواها حاجة مش مظبوطة

البر بيخليكي تعرفي تفرحي بفرح غيرك :
لما تبرّي أمك، قلبك بيلين… فتفرحي لما صاحبتك تنجح، لأختك تتجوز، لجارتك تخلف.

لكن لما تعقي، قلبك بيقسى… فتبصي لغيرك بنظرة غل، حسد، مقارنة… لأنك فقدتي نعمة الرضا اللي كانت بتنزل بسبب برك

البر بيخليكي تعرفي تقولي كلمة طيبة:
لسان البنت البارة بوالديها، متعود على الكلمة الحلوة… فتلاقيها بتقول "ربنا يخليكي"، "تسلم إيدك"، "ربنا يباركلك"…
لكن لسان العاق لوالديها، متعود على الزعيق، على "أوف"، على "زهقت"… فتلاقيه بيوجع اللي حواليه من غير ما تحس.

البر بيخليكي تعرفي تنامي مرتاحة:
قبل ما تنامي، البنت البارة بوالديها بتقول "اللهم اغفر لأمي وأبي"… فتنام وهي مطمنة، ملايكة بتحاوطها…
لكن العاق لوالديها، بتنام وجواها تأنيب ضمير، خوف، قلق… فتلاقي نومها متقطع، أحلامها وحشة، صحيتها تعبانة

البر بيخليكي تعرفي تتصدقي صح :
لما تطلعي صدقة وتقولي "دي على روح أمي"، ربنا بيقبلها أضعاف … وبيردها ليكي بركة في صحتك، في عيالك، في رزقك.

لكن لو تصدقتي وإنتي عاقة، الصدقة بتتعلق في السما ومش بتوصل… لأنك ناسية أهم صدقة، وهي بر والديك

البر بيخليكي تعرفي تعيشي بكرامة:
البنت البارة بوالديها، بتمشي مرفوعة الراس… لأنها عارفة إنها عملت اللي عليها، وربنا راضي عنها.

لكن العاق لوالديها، بتمشي موطية راسها، مكسورة من جوة… حتى لو الناس مش عارفة، هي عارفة بينها وبين نفسها إنها مقصرة.

وأخيراً يا قلبي، افتكري الكلمة دي كويس:
رضا أمك وأبوك، هو رضا ربنا… وسخطهم هو سخط ربنا…
فما تضيعيش عمرك في الزعل والعناد… اجري على رضاهم، حتى لو هما غلطانين… حتى لو هما مش مقدرين…
لأنك بتعملي كده لله… ولأن ربنا عمره ما بيضيع أجر اللي بيعمل خير لوجهه الكريم.

ربنا يجعلنا وإياكم من البارين، المجبورين، المرحومين، اللي أمهاتهم وآباءهم فخورين بيهم في الدنيا وشفعاء ليهم في الآخرة يا حبيباتي .

#كيف_اتخلص_من_وساوس_الوضوء_و_الصلاة؟

الدرس 1⃣

اخت سائلة شفاها الله وعافاها  تشتكي من كثرة الوساوس التي تتعرض لها في مسائل الوضوء والطهارة وفي التطهر من النجاسات وتجد نفسها تكرر الوضوء اكثر من مرة لدرجة تشعر معها بالتعب وعدم راحة البال .
فما الحل اذن

الإجابة


إن أكثر شيء يسبب معاناة هو التكرار في كل شيء :
-الصلاة-دخول الحمام-مسح الفم والبصق في الصيام-تكرار تغيير الملابس-تكرار عقد النية-تكرار التكبير-تكرار الآيات عند قراءة القرآن والصلاة-
تكرار الإغتسال-الوسوسة في نطق مخارج الحروف
فمن المعاناة ان صاحب وسواس النظافة يجعل المصاب يبقى قريب من الحمام فهو يلازمه الشك في صحة وضوئه ويعاود الوضوء مرات ومرات

ويشك في نظافة بدنه وانه ما زال على طهارته أم انه قد خرج منه شيئ,
وفي بعض الحالات يكون هناك سلس البول أو الريح أو البرودة فيكون الخلط بينها
وكل ماسبق أحوال نفسية يكون قد مر بها الإنسان ولم يعالجها فتراكمت حتى أنها ولدت هذا الوسواس,

,
أولا – علينا ان نحدد اسم الحالة لكي نعرف كيف التعامل معها,


الثانية - أن نتعامل مع الحالة بعلم وان تعرض الحالة على الطبيب المختص دون خجل ولا الإحساس بالعيب وكتم الموضوع خوف من الفضيحة ومن كلام الناس فهذا يعتبر تفكير غير سليم فهذه الحالات تصيب الغالبية من الناس تقريبا

لاحظوا
من الاخطاء الشائعة في التعامل مع وسواس الوضوء بان يتم تشخيصه والتعامل معه بالمعنى الظاهر وهو أن يقال إن هذا الشخص لديه حالة وسواس الوضوء أو حالة وسواس الصلاة وهذا كلام غير صحيح ولا دقيق في التفسير,

فإذا قلنا إن رجل معه وسواس الوضوء هل هذا يعني انه لديه وسواس الوضوء فقط وباقي الأمور اليومية لا يعاني من أي وسواس؟

المصاب بوسواس الوضوء مصاب بحالة وسواس عامة ولكنها تظهر واضحة ومركزة عند الوضوء!

ايضاً يحاول البعض أن يربطها بالشيطان فقط  الذي يعمل على تشكيك المصاب لكي يبعده عن الصلاة أو انه شخص مثالي مبالغ في النظافة كما حلّله البعض الأخر وهذا أيضا كلام غير سليم وحين يتم علاج الإنسان من الوسواس تنتهي مشكلة الإنسان مع ما يسمى وسواس الوضوء.

الشخص المصاب بهذه الحالة يعتقد إن الناس يراقبونه حين يدخل إلى الحمام فتراه يختار أوقات لا يكون فيها الناس قريبين من الحمام وتراه يبحث عن وقت لا يحتاج الناس فيه إلى الحمام خشية أن يطرق عليه احد الباب
وإنهم قد يحكمون عليه بأنه قد تأخر في الحمام وانه يسرف في الماء وهذه كلها مخيلات شيطانية ليس لها علاقة بالواقع فالناس ليس لديهم وقت لهذه الأفكار ولا يعيشون ليراقبوا بعضهم بعض ولا ليحكموا على الآخرين بأحوالهم فكل لديه ما يشغله.

طيب كيف اتخلص من هذه الوسواس‼❓

↩ عليه أن يقوم بتجارب صغيرة وسريعة ولا يعطي مهلة لعقله الباطن أن يحلل له الأمور ويحكم على المسائل وذلك:

اولا: - العمل بالسرعة الفائقة والانتقال بسرعة من الوضوء إلى الصلاة ولا يتمهل ولا يقف على الباب للتنشيف أو التحجج بأي سبب بل ينتقل بفكره مباشرة إلى الفكرة الثانية وبسرعة دون التفكير العميق بل يشغل فكره بأمر أخر واقرب!

مثال على ذلك: المصابين بالوسواس والذي ينعكس على طعامهم حين يفكرون بالطعام كثيرا وأي نوع من أنواع الطعام يفضل أن يأكل؟
ويبقى يفكر حتى يقرر في النهاية بعدم الأكل ويؤجل الوجبة إلى ما بعد ويبقى هكذا حتى يشعر بالجوع الحاد ليأكل بضع لقيمات يصبر بها أمعائه وهكذا يعيش حتى يهزل عوده!

الطريقة الثانية: - أن تخالف تفكيرك,
يعني ان تعمل بعكس ما تفكر, على سبيل المثال تسير في الشارع وتفكر هل تذهب يمينا أم شمالا؟
فكر في الشمال واذهب إلى اليمين.
أمامك طبق من الفواكه انظر إليه وقرر ما تشتهيه نفسك!
قررت أن تأكل برتقالة!
مد يدك على الطبق وخذ تفاحة!
بهذه الطريقة سوف تتحرر من قيود العقل الباطن وأوامره وجميع البرمجيات التي فرضها حتى في النهاية يستسلم ولا يعرف كيف يتعامل معك.

⬅️ إذن نحن أمام ثلاثة طرق سهلة نلخصها: -

الأولى: السرعة في الانتقال والتقرير في المسائل دون تفكير عميق ولا تركيز ولا تحليل.

الثانية: مخالفة العقل الباطن في ما يقرر ومما تشتهي النفس من الطعام والشراب وهنا نقصد التجارب الشخصية البسيطة وليس مع الأهل,
وكذلك في اختيار الألوان للملابس وموديل الحذاء وغيرها من الأمور التي تشعر انك منقاد لها وان هناك من يقرر عنك او يفرض عليك رأيه.

الثالثة: - حين يدخل وقت الصلاة يبدأ التفكير في الصلاة وسوف نحتاج إلى وضوء فنقرر أن نتوضأ أولا ولكن قل في نفسك
(أني لن أنصلي ألان ولكن أريد أن أتوضأ فقط حتى أبقى على طهارة وسوف نصلي من بعد وفقط سوف نتوضأ حتى نكون مستعدين),
عليك بالتفكير هكذا كأنك تداعب عقلك الباطن ونفسك بأنك سوف تصلي من بعد وليس ألان ولكن علينا أن نكون على الوضوء لكي نكون جاهزين حين نقرر الصلاة,
هذا مجرد حديث نفس,
وبعد الوضوء اخرج كأنك لا تريد الصلاة وبسرعة أقم الصلاة وقف على سجادة الصلاة

التكملة 👇

الصلاة
وقبل أن تكبر تكبيرة الإحرام فكر انك سوف تصلي الفرض ومن بعد تصلي النوافل,

- عندما تدخل في الصلاة, وأنت في الصلاة يأتيك التفكير بأي سورة صغيرة بعد الفاتحة سوف تقرأ, تجد أن في مخيلتك بعض السور القصيرة من القرآن الكريم فقرر واحدة من تلك السور في فكرك واقرأ بواحدة أخرى أي خالف ما قررت إن تقرأ
ولا تنسى أن تستحضر عظمة ربك

وما نقول هذا إلا للمصاب بالوسواس ونعرف ما هي قيمة الخشوع لان المصاب بالوسواس مؤكد انه فقد الخشوع بعذر بسبب هذه الحالة.


⬅️ ولو استعمل المصاب هذه الطريقة ونظر إلى طبق من الفواكه بصمت دون تفكير في أي منها سوف يأكل ويأخذ تفاحة ويبدأ في أكلها يكون أغلق باب التفكير والتحليل والاستشارة وهذه أفضل طريقة للسيطرة على العقل الباطن ومباغتة الوسواس فلا يترك فاصل زمني للنيل من تفكير وطريقة تعامله مع المصاب فتضيع تلك البرمجة العقلية الذاتية وتتشتت حتى يفقد السيطرة على المصاب ويعود الإنسان للسيطرة على نفسه!

أخطرُ ما في الذنب... أن يسترَكَ اللهُ بعده.
ليس لأنَّ السِّترَ شرٌّ، بل لأنَّ بعضَ الناسِ يفهمونه خطأ.
يُخطئ، فيسترُه الله. ويزلُّ، فلا يفضحه الله. ويُقصِّر، فيُمهله الله.
فيظنُّ أنَّه بخير...
وينسى أنَّ اللهَ يسترُه رحمةً لا رضًا، ويُمهله حِلمًا لا إهمالًا، ويفتحُ له بابَ التوبةِ لأنَّه يحبُّ أن يعود.
كم من ذنبٍ كان يستحقُّ صاحبه الفضيحةَ فستره الله. وكم من تقصيرٍ كان يستحقُّ العقوبةَ فأخَّرها الله.
فلا تجعلْ سِترَ اللهِ عليكَ سببًا للتمادي، ولا تجعلْ حِلمَه عليكَ ذريعةً للتأجيل.
فأعظمُ الغفلةِ أن يراكَ اللهُ عاصيًا، ويمنحكَ فرصةً بعد فرصة، ثم لا تعود.
وما يدريك؟ لعلَّ الفرصةَ التي بين يديكَ اليوم هي آخرُ أبوابِ التوبةِ المفتوحةِ لك.
فبادر إلى الله قبل أن يأتي يومٌ تتمنَّى فيه فرصةً واحدةً للرجوع فلا تجدها.
اللهمَّ لا تجعلنا ممَّن غرَّهم سِترك، واجعلنا ممَّن قادتهم رحمتُك إلى التوبة والإنابة..
اللهم ردنا إليك ردا جميلا
اللهمَّ استُرنا فوق الأرض، وتحت الأرض، ويوم العرض عليك، وارزقنا توبةً نصوحًا قبل فوات الأوان.

ستر_الله_رحمة
باب_التوبة

"في كُلِّ مرَّة يضعف مسيرك تِجاه القُرآن، في كُلِّ مرَّة يقِل جهدك وينثني عزمك،
ذكِّر نفسك أنَّ هذا الكتاب هو الذي سيؤنس وحشتك في القبر، هو الذي سيشفع لك ويرفعُك،
هو الذي سترتقي بهِ في الجنة منزلة تلو منزلة، هو الوحيد الذي سيكون معك في لحظات عصيبة سيتخلى فيها عنك أقرب الأقربين وأعزُّ المُحبِّين.

الرجل الصادق لا يعرف طريق للحرة العفيفة غير بيتها، أي شخص يتسلل خارج الطريق ده فهو بيتسلى
وحتى لو مش بيتسلى فهو انتقص من خوفك من الله، ثم من حيائك، ومشاعر الحلال

المرأة في الإسلام مكرمة مصونة عفيفة، فبلاش تملكي نفسك شخص غريب بأرخص الطرق وأيسرها
اللي بيجي سهل بيضيع بسرعة أو بيفرطوا فيه

ولو حصل ووقعتي، تداركي نفسك، أبواب التوبة مفتوحة، أصدقي توبتك لله عز وجل واقطعي أي صلة تربطك بأي شخص خارج إطار غير شرعي
لله أولا ثم علشانك، علشان متعيشيش عمرك تتجرعي مرارة الحرام

عندما تضع الله في المقام الأول يضعك فى أماكن لم تتخيل أن تصل إليها

. أبواب تفتح بدون تخطيط
. فرص تأتي من حيث لا تحتسب

ليس لأنك قوي ، بل لأنك اتكلت على القوى سبحانه

(ومن يتق الله يجعل له مخرجا ويرزقه من حَيْثُ لا يحتسب)

*‏"كان ينتظر آخر اللَْيل بشوق ليُصلي دون أن يراه أحد، فيبوح بكُلّ ما فيه جوفه لله، اتَّراه يخذله الله.. حاشاه."*

- قيام الليل.

الوتر

ما هو الفتور؟

النبي صلى الله عليه وسلم قال: "إنما لكل عمل شِرة، ولكل شِرة فترة، فمن كانت فترته إلى سنتي فقد اهتدى، ومن كانت فترته إلى غير ذلك فقد هلك."

يعني إيه بقى شِرة وفترة والكلام الكبير ده؟

لا، بص بقى، الشِّرة هو إنك قادر تعمل، يعني أنت عندك الاندفاع والحب، يعني حاسس إنك عايز تقوم تتوضأ وتقوم تصلي، وأنت قادر على الكلام ده دلوقتي.

الفترة إنك تبدأ بقى تحس بالكسل وكده.

فالنبي صلى الله عليه وسلم بيقول: اللي كانت فترته على سنة النبي صلى الله عليه وسلم، مش إنه بقى يبدأ يسيب. متقوليش: "والله أنا عندي فتور، فأنا ابتديت بقى أبطل صلاة أو أبطل صوم." لا، ده فقد هلك.

لكن اللي فترته لسنة النبي صلى الله عليه وسلم، هو ده اللي نجا. أول ما يجيله الفتور أو الإحساس بالكسل ده، يبقى الإحساس بالكسل ده مأثرش على عبادته، مأثرش على فرائض في حياته. لا، هو حصله شوية فتور، وده أمر طبيعي.

وخلينا نقول إن الصراع ما بين الخير والشر جواك، ما بين الصح والغلط جواك، ده برضه أمر طبيعي، لأنه ربنا سبحانه وتعالى خلقنا كلنا وجوانا الاثنين، يعني: ﴿وَنَفْسٍ وَمَا سَوَّاهَا ۝ فَأَلْهَمَهَا فُجُورَهَا وَتَقْوَاهَا﴾.

الاثنين موجودين، بس أنت اللي بإيدك إنك تنمي واحد فيهم وتكبره، وإنك تضعف واحد فيهم، وممكن تموته.

يعني تخيل معايا كده إن أنت مثلاً عندك اتنين، يعني حيوانين مربيهم في البيت، عندك والله قطتين، كلبين، صقرين، نمرين، أي حاجة. الاتنين اشتريتهم من نفس المكان، في نفس الوقت، نفس السن، نفس الشكل، هم نفس الحاجة بالظبط.

فلما جبتهم ابتديت تأكل واحد فيهم، وتنايمه جنبك على السرير، وتطبطب عليه، وبتحبه وبتعامله أحلى معاملة. وللتاني أنت راميه كده، فملوش لازمة.

إيه اللي هيحصل؟

طبيعي إن في واحد فيهم هيموت، اللي أنت مش مهتم بيه ده هيموت. فمتسألش نفسك: "إيه ده، هو مات ليه؟" لا يا راجل، مات عشان أنت سبته.

﴿قَدْ أَفْلَحَ مَنْ زَكَّاهَا ۝ وَقَدْ خَابَ مَنْ دَسَّاهَا﴾.

أنت اللي بإيدك تقوّي جانب على جانب.

ما هي أسباب الفتور وإزاي أعالجه؟

أول سبب من أسباب الفتور هو إنك تبدأ متخدش بالك من إيمانك.
سيدنا عمر بيقول: "حاسبوا أنفسكم قبل أن تحاسبوا."
أنت عمال الإيمان، زي ما إحنا شوفنا كده، عمال ينقص، ينقص، ينقص، وأنت في غفلة. أنت مش واخد بالك أصلاً إيه اللي بيجرى.
أنت ما قعدتش مع نفسك لحظة بس تسألها: "هو أنا كده كويس؟ هو الإيمان بينقص؟"
أنت لازم كل شوية تقعد تسأل نفسك: الصلاة أخبارها إيه؟ السنن أخبارها إيه؟ حبي للقرآن؟ الدنيا ماشية صح؟ الذنوب بتزيد؟ ولا لأ أنا واخد بالي؟
يبقى أول حاجة خالص إني مأتركش الإيمان عمال ينقص، ينقص، ينقص، لغاية ما يوصل للصفر وأنا مش واخد بالي.
يبقى أدي أول حاجة: محاسبة النفس، أقعد مع نفسي وأسأل.
طيب، رقم اتنين.
رقم اتنين: البعد عن الصحبة الصالحة، ويا سلام بقى كمان لو زودتها بأنك رجعت بقى للصحبة السيئة تاني.
وده اللي بيحصل أحيانًا، تلاقي واحد بيقولك: "أنا الحمد لله ابتديت أبقى كويس وكده، فأنا بقى رجعت لأصحابي القدام، ونقعد على القهوة مع بعض عشان أهديهم مرة تانية."
لا يا راجل، لا يا شيخ، ده أنت ترجع تدخن معاهم.
فالحمد لله بقى، خلاص بقى، يعني خلاص ما حدش هيرجع للصحبة دي. هو بيقولك بقى رجعت لهم عشان أهديهم.
طب ده... ده... ده... ده كلام يعني منطقي؟
أهلي حرموني من التعليم بسبب جواز أخويا عشان أشتغل. أنا معنديش مشكلة أشتغل، وهم قالوا لا، وعاوزيني أمنع العلم الشرعي، وأنا عندي تلات أخوات غيري. إيه رأيك؟
يعني أنا هقول أنا فهمت السؤال إزاي.
فهمت السؤال إن أهلك أحوالهم ضيقة، وأخوك اتجوز، وأنت بعد كده عاوزينك تشتغل عشان تساعد في النفقة في البيت. ده اللي أنا فهمه من السؤال، وأنت معندكش مشكلة في كده.
فلغاية هنا مفيش مشكلة عندك. مشكلتك في إنهم عاوزين يمنعوك من العلم الشرعي، وأنت عندك تلات أخوات غيرك.
طيب، لو أنا فاهم صح، فربما كان هذا بابك للجنة، إنك تبذل علشان ترفع شوية من ضيق الحياة عن أبيك، أو تساعد في تربية أخواتك.
احتسب ذلك، ولعل ده بابك إلى الجنة.
والعلم مش محتاجين منك أكتر من كل يوم ساعة ولا حاجة، وببركة ما تصنع، الذي تصنعه ده كبير، دي مش حاجة صغيرة.
اللي أنت بتعمله دلوقتي ده إنك بتساعد أبوك في تربية أخواتك، إنك بتساعده في نفقات البيت، دي حاجة كبيرة جدًا.
فنرجو ببركة ذلك أن توفق إلى إنك تحصل ما تريد من العلم في أقل مدة، نرجو ذلك.
طيب، ما عرفتش تحصل؟
أنت على خير برضه، يعني اللي أنت فيه ده باب كبير من أبواب الجنة، فمتتأزمش نفسيًا لهذا.
ماشي؟

#كيف_اتخلص_من_وساوس_الوضوء_و_الصلاة .؟

الدرس رقم 2⃣

تابع⬅️ كيف اتخلص من هذه الوساوس ؟

↩ ثالثا.. التفكير الايجابي بترديد الكلمات ظالايجابية مثل:
- أكلت وكان الطعام جيد,
- صليت والحمد لله وارتاحت نفسي بالصلاة في وقتها,
.
ايضا من وسائل العلاج ان نعرف أن وساوس الطهارة والصلاة حالة مرضية تستجيب للعلاج، .

اعمل مذكرة عقلية لك سجل فيها مثل:
ان (هذه الأفكار ماهي إلا وسواس ).
فلابد أن يكون لديك القدرة على إدراك ما هو حقيقي وما هو عبارة عن عرض للوسواس القهري ثم عليك مقاومة هذه الدوافع المرضية حتى تبدأ في العلاج

مرن نفسك على أن تقول....
أنا لا أعتقد أن الوضوء قد فسد بخروج ريح أو نزول نقطة بول أو مذي أو إفرازات.

أنا لا أعتقد أنه يجب عليّ الخروج من الصلاة لإعادة الوضوء.

أنا لا أعتقد أن الماء دخل فمي أثناء الصيام.

أنا لا أعتقد أنه يجب عليّ الغسل لأن هناك إفرازات مهبلية.

أنا لا أعتقد أنه يجب تغيير الملابس لنجاستها.

أنا لا أعتقد..........

أنا لا أعتقد.......

☑ كرر ذلك مرات ومرات ومرات..... اكتب ذلك 20 مرة يومياً.

إن الفكرة الأساسية هنا أن تسمي الأشياء بمسمياتها الحقيقية (مرض الوسواس القهري)

وبالبحث ثبت أن الوساوس نتجت عن عدم إتزان كيميائي بالمخ وهذا ما يجعلها خارج سيطرتك
وفقط الذي تستطيع أن تسيطر عليه هو ردود أفعالك
وليس السيطرة على الأفكار والإندفاعات القهرية نفسها.

كل ماسبق ستبدأ كيمياء المخ في التغيير وتقل هذه الأحاسيس.

لاحظوا
مرضى الوسواس القهري يحدث بسبب خلل في المخ يؤثر على إحساس الإنسان بالإنتهاء من عمل ما والدخول في عمل آخر وهو يؤدي إلى التكرار والإعادة وعدم التأكد والشك وهو ما جعل المرضى لا يحصلون على الإحساس بأن هناك شيء قد تم عمله والإنتهاء منه بمجرد القيام به، ولذلك بعد الإنتهاء من كل نشاط مثل الوضوء أو الصلاة أو تنشيف الفم في الصيام أو تغيير الملابس أو..... أو....

لابد من تحويل الإنتباه إلى شيء آخر ولو لمجرد دقائق معدودة مثل...... قراءة الأذكار......
المشي....
الجري في المحل....
الإتصال بأحد الأصدقاء......
قراءة شيء مسلي...
مساعدة إنسان محتاج.....
ترتيب البيت أو المكتب أو.... أو....

نقطة هامة
عندما تأتي الأفكار:

‌أ. اعد تسميتها (أفكاراً وسواسية)قل لنفسك انها وساوس
ولا تصدق أن المشكلة في الوضوء أو الصلاة أو طهارة الملابس أو في نطق الكلمات أو الخشوع أو الإخلاص......
المشكلة في المخ.

‌ب. ارجع هذه الأفكار إلى كونها إضطراباً مرضياً.
ضع في إعتبارك تناول دواء لعلاج الوسواس القهري لأنه بالدواء سوف يكون تغيير الأفكار ووقف الأفعال إن شاء الله،
مع العلم أن أدوية الوسواس القهري ليست مخدرات ولا تؤدي إلى الإدمان أو التعود.

(مسائل )
⬅️ متعلقة بانتقاض الطهارة بالبول او الريح او المذي

1_ المذي هو سائل أبيض شفاف يخرج (من الذكر عند الرجل ومن المهبل عند المرأة) عند الشعور بالشهوة أو التفكيرفى الأمور الجنسية أو الملاعبة وهو يخرج بلا دفق ولا يعقبه فتور وربما لا يحس بخروجه ولا يجب الأغتسال منه بل يجب أن يغسل اللبس الذى نزلت عليه النجاسة بالماء ومن ثم الوضوء .

2_ عند الشك فى خروج نقطة بول أو إفرازات أو خروج ريح يجب الإمتناع تماما عن تكرار الوضوء وعليك إكمال الصلاة وعدم الخروج منها.

3_ لا يجب على أى مسلم أن يفتش ويشم ويبحث فى ملابسه أو أعضاءه عن أى شئ يكون سبباً لنقض الوضوء أو فساد الصلاة.

4_ لتقليل القلق من الشك فى الوضوء والخروج سريعاً منه ولتقليل تكرار غسيل الأعضاء أثناء الوضوء للشك أو للنسيان سوف تبدأ بالوضوء مرة واحدة فقط لكل عضو أسبوعين ويكون الوضوء أمام والدتك أو أختك ثم أسبوعين وحدك ثم أسبوعين مرتين ونعود للوضوء ثلاثاً مع بداية الأسبوع السابع.

📌العلاج السلوكى :
أثناء ما سبق عليك تطبيق الـ 15 دقيقة بمعنى أنه إذا ألحت
عليك الأفكار الوسواسية بأن الوضوء قد انتقض فعليك تأجيل الإستجابة لهذا الدافع الملح 15 دقيقة فى الأسبوع ثم 30 دقيقة الأسبوع
ثم 45 دقيقة اللأسبوع الثالث ثم.... ثم.... ثم.... حتى يتم تأجيل الإستجابة لدافع تكرار الوضوء القادم للصلاة التالية فنتهى هذا الدافع نهائيا.

⬅️ مما لا شك فيه إنك سوف تلاحظ ازدياد مستوى القلق طالما امتنعت أو أجلت الاستجابة للطقوس بتكرار الوضوء وسوف تشعر برغبة شديدة فى ذلك إلا أنه فى نهاية كل أسبوع سوف يتلاشى هذا القلق وسوف تذهب هذه الرغبة ولن تجد من نفسك أى مقاومة بل ربما يصبح هذا القلق غير موجود تماماً.

إن الحالة النفسية للإنسان ليست - بالضرورة - متّصلةً بمدى إيمانه، وقوة يقينه، وعلاقته بالله؛ فهذا موسى - عليه السلام - كان يقول "ويضيق صدري"، ويعقوب بكى حتى ابيضّت "عيناه من الحزن"، ووصفَ الله النبي محمد عليه الصلاة والسلام بقوله:" فلعلك باخع نفسك على آثارهم"، باخع أي: مُهْلِك نفسك من الغم والحزن.

أيعقلُ أن ينتهي بك المطافُ أن تُؤذي من تصادق، أو تتأذى منه؟
العقل لا يتصوّر أن الصديق الذي اتخذته خليلاً قد بات يؤذيك، أو تؤذيه.
الأصدقاء شيء جميل في الحياة، هم الدفء في هذا الكون القاسي، لكن للصداقة حكمة في المسافة.

الصداقة كالفحم:
إن اقتربتَ منه قليلاً، دفّأك.
وإن دنوتَ منه أكثر مما ينبغي، أحرقك…
وربما أطفأتَه وأطفأتَ نفسك معه.

فالصديق دفءٌ للحياة، لكن لا تقترب حدّ الالتصاق،
ففي القرب الزائد أذى، وفي البعد جفاء.

فصادِق، وصاحِب، لكن اترك مسافةً
تحفظ الودّ، وتصون القلوب.

فالناس بقت بتحس الصلاة للأسف عبئ!

يقوم يتوضا وهو بالعافية!

يدخل في الصلاة وهو عايزها تخلص بسرعة !

يقرأ الفاتحة وكأنها حمل على صدره !

ومفيش حد بيعترف بده؛ لأن الكل متخيّل إن المؤمن لازم يكون مقبل ومبسوط في الصلاة على طول الخط ، ومفيش حد واخد باله أن الإيمان يخلق ف القلب كما يبلى الثوب ومحتاج يتجدد بالتوبة وسماع دروس ترقق القلب من جديد !

لكن الحقيقة إن الصلاة ممكن تبقى أثقل من الجبل، مش عشان هي صعبة، لكن عشان القلب بقى مليان وهن من الهموم واليأس وعلى شويه ذنوب وبعد.

اللي مفيش حد بيقوله:
إن هذا الثِقَل مش معناه إنك منافق بالعكس هو جزء من الابتلاء ال أنت بتمر بيه وال لازم تتعافى منه واحدة واحدة بالتدريج وبرفق.

ولو سيبت الصلاة… عمرك ما هترتاح !!!!

التقل اللي بتحسه وانت بتصلي أهون ألف مرة من الفراغ اللي هييجي بعد ما تسيبها وايمانك حيقع خااالص.

فتورك مش علامة كره… هو علامة تعب وإرهاق نفسى وشويه يأس واستحواذ من الشيطان عليك لحظة ضعفك.

واللي بيكمل رغم التعب عند ربنا عظيم.
وبعد شويه حيرجع لحياته الإيمانية تانى بفرح.

*انت مش منافق ، بالعكس انت مجاهد وربنا بيحبك وبيناديك

-🕯

|| هَل تساءلتَ مِن قبَل لِماذا في القُرآن
«الظُّلّمات» جَمعٌ، و «النُّور» مُفرَد ؟

- 🕯يقولُ ابن القيّم :
←هذا من إعجَاز القُرآن، لأنّ طُرق البَاطِل متعدِّدة، و طريقُ الحقِّ واحدٌ!

ماتستعجلش على حقك…
خليك فاكر دايمًا إن الدنيا صغيرة أوي، وبتلف، وبتلف، بس بترجع كل حاجة لمكانها في الوقت اللي ربنا شايفه مناسب، مش في الوقت اللي إحنا مستعجلينه من كتر الوجع.

اللي ظلمك، واللي قسا عليك، واللي خذلك في وقت كنت محتاج فيه كلمة طيبة قبل أي حاجة، واللي استهان بمشاعرك وكسر بخاطرك وقال عليك كلام مش فيك… دول يمكن يبانوا دلوقتي كسبانين، ويمكن تحس إنهم عايشين حياتهم ولا كأنهم عملوا حاجة، بس صدقني، الحساب مش دايمًا بييجي بسرعة، الحساب بييجي صح.

ربنا مش بينسى، حتى لو الناس نسيت، وربنا ما بيسيبش حق حد، حتى لو صاحب الحق سكت، أو تعب. فيه ناس بتفتكر إن سكوتك ضعف، وإن صبرك قلة حيلة، وإن إنسحابك هزيمة، وهم مش فاهمين إنك سيبت الأمر كله للي ما بيغفلش ولا بينام.

يمكن وجعك كان تقيل، ويمكن في ليالي عدّت عليك وانت بتسأل نفسك:
هو حقي راح؟
هو ربنا شايف؟
هو العدل بيتأخر ليه؟

بس الحقيقة اللي مش بنستوعبها غير بعد وقت، إن التأخير مش نسيان، التأخير ترتيب، وترتيب ربنا دايمًا أدق من أي انتقام إحنا كنا فاكرينه حل.

حقك هيرجع…
مش شرط في صورة اعتذار، ولا في شكل كلمة، ولا حتى على إيد نفس الشخص،
حقك هيرجع في صورة راحة،
في صورة طمأنينة،
في صورة ناس أنضف تدخل حياتك،
وفي صورة سقوط هادي للي استهانوا، من غير ما تعمل أي حاجة.

هتسمع، بنفسك، ومن غير ما تسأل، إن اللي ظلمك اترد له الوجع أضعاف، وإن اللي خذلك اتخذل، وإن اللي قال عليك اللي مش فيك اتكشف قدام نفسه قبل الناس.
وساعتها هتفهم إن ربنا كان بيشيل عنك عبء الرد، وبيحضّر عدل يليق بيك.

ماتستعجلش…
لأن اللي اتبني على ظلم، مهما طول، نهايته وجع.
واللي عاش على قسوة، هييجي عليه وقت يدوق نفس القسوة، بس وهو أضعف.

وافتكر دايمًا، إن زعلك لو هان على كل الناس، على ربنا ما يهُونش،
وإن دمعتك اللي نزلت في سكوت، كانت مسموعة،
وإن دعوة القلب المكسور مابتطلعش فاضية.

اصبر، مش ضعف…
اصبر، لأنك واثق،
واثق إن {إِنَّ رَبَّكَ لَبِالْمِرْصَادِ}،
وإن كل واحد خد أكتر من حقه، هيدفع التمن غالي،
وإن حقك، مهما طال، راجع…
راجع وبزيادة، وفي وقت يخليك تحمد ربنا إنك ما استعجلتش.

..