الذنوب سببٌ لكثيرٍ من البلاء؛ فهي سببٌ لنقص الأموال والثمرات، وغلاء الأسعار، وقِلَّة الأمطار، وقِلَّة البركة، وتسلُّط الأعداء، وكثرة الهموم والغموم.

وقد عَرَف السلف ذلك وعلَّموه، يقول الحسن البصري رحمه الله:
«إِنَّ الرَّجُلَ كَانَ يُشَاكُ الشَّوْكَةَ، فَيَقُولُ: إِنِّي لَأَعْلَمُ أَنَّكِ بِذَنْبٍ، وَمَا ظَلَمَنِي رَبِّي عَزَّ وَجَلَّ».

هييجي يوم والقنوات الدينية اللي كنتوا بتهربوا منها وتفروا منها، هتتمنوا لحظه واحده فيها تذكركم بالله، يوم واحد تذكركم بالاخرة، يوم واحد بس ترجع تاخد بالنصيحه وتطبقها، يوم واحد ترجع تصلي ركعتين.

رب ارجعون
لعل اعمل صالحاً فيما تركت

يقال هيفضل ينادي في قبره رب ارجعون الي البعث

لأن ربنا كان بينادي عليه ومكنش بيرد علي ربنا في 5 صلوات فيتعامل بالمثل ومحدش يرد عليه في قبره.

مطمنين ليه ؟
وريحة الموت في گل مكان

ارجعوا للدين وسيبوا التفاهااات
فكروا في المستقبل الحقيقي
فريق في الجنة وفريق في السعير.

واللي انت عايش عليه هو اللي انت هتموت عليه، والموت اول مرحلة من مراحل يوم القيامة.

مهو اللي مات النهارده كان عامل حسابه انه هيتوب بكره، ايوا زيي وزيك كدا يعني.

حَتَّىٰ إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ (99) لَعَلِّي أَعْمَلُ صَالِحًا فِيمَا تَرَكْتُ ۚ كَلَّا ۚ إِنَّهَا كَلِمَةٌ هُوَ قَائِلُهَا ۖ وَمِن وَرَائِهِم بَرْزَخٌ إِلَىٰ يَوْمِ يُبْعَثُونَ

اعمل صالحاً
رجعني بس يارب احذف الأغاني، رجعني بس يارب اطيع امي وابويا، رجعني بس يارب بقالي 5 سنين مصلتش فيهم الفجر وكنت بصلي بس في رمضان زي ال بيصلوا، واتفاجئت يارب ان انكسر رأتي جوه القبر بسبب ان كنت بنام عن الصلاة المكتوبه.

عارف هيتقالك ايه ؟

كلا ... انها كلمة هو قائلها
مجرد كلمة ومحدش هيرد عليك وقتها..!

راجع نفسك متضمنش تعيش لآخر اليوم.

ملك الموت بينزل فورا يشيل اسم اي حد من علي سبورة الدنيا.

عايزه رزق؟ عايزه بركة؟ عايزه توفيق؟ عايزه استجابة دعاء؟
يبقى ماتسيبيش الإستغفار!

{فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا}

السلام عليكم ورحمة الله وبركاته

لما الموبايل بيهنج منك، أول حاجة بتفكر فيها إنك تعمله Restart عشان يرجع يشتغل بسرعة..

تخيل بقى إن قلبك ونفسيتك بالظبط محتاجين الـ Restart ده كل فترة!

زحمة الشغل، ومسؤوليات البيت، والضغط النفسي، والذنوب الصغيرة اللي ورا بعض؛ كل ده ممكن يعمل «تهنيج» في روحك.

تلاقي نفسك مش قادر تسمع نصيحة، خُلقك ضيق، والعبادة تقيلة عليك، ومش فاهم إيه اللي حصلك!

فنصيحة..
اقفل موبايلك شوية خلال اليوم، واقعد في مكان هادي استغفر ،وصلّي ركعتين..
راجع نفسك، وابعد شوية عن دوشة الدنيا، ووجدّد علاقتك بربنا بالتوبة والعمل الصالح.

روحك محتاجة صيانة دورية؛ فمتستناش لحد ما تطفي خالص!

لحظة صدق مع نفسك...
لو عرفت إنك هتمشي من الدنيا فجأة، ولسّه مأجّل التوبة… هترضى تقابل ربك كده؟

بُص حواليك كويس وافتكر:
لو كانت الدنيا بتدوم لحد، ما كانتش وصلت لك.

قال النبي ﷺ:

(كُنْ في الدُّنْيَا كَأنَّكَ غَرِيبٌ أوْ عَابِرُ سَبِيلٍ).

الغريب ما بيتعلّقش، وما بيضيعش وقته
كل همه يرجع لوطنه سالم.

فحافظ على عمرك
الرحلة طويلة، ومحتاجة زاد.
فاللهم حُسن الختام، وطيب الأثر.

#طريق_التوبة

❌ مش أي محتوى ينفع نتابعه ي جماعة

❌ مش علشان أضحك وأفرفش شوية أتابع محتوى فيه إيحاءات غير لائقة

❌ مش أي حاجة بتضحك أشيرها من غير ماافكر

❌ مش أي مقطع تحط عليه لايك وكومنت وتزود انتشاره

الحاجات دي كلها في ميزانك والله

خاف على نفسك✋

❌وماتتفرجش

❌ولا تنشر

❌ولا تعلق
إلا على محتوى هتفرح لما تشوفه في كتابك👌

جهاد النفس مش إنك تكسب معركة مع حد.

جهاد النفس إنك تكسب المعركة اللي محدش شايفها.

لما تبقى موجوع وتختار ما تجرحش غيرك.
لما تبقى مكسور وتكمل واقف.
لما الغضب يملأ قلبك وتسكت عشان ما تظلمش حد.
لما نفسك ترد وتنتقم وتثبت إنك صح وتختار إنك تسيب حقك عند ربنا.

أصعب حرب مش مع الناس…
أصعب حرب مع نفسك كل يوم.

وكل مرة بتنتصر فيها على غضبك، وشهوتك، ويأسك، وضعفك…
أنت بتنتصر في أعظم جهاد.

“أشد الناس قوة ليس من يغلب الناس، ولكن من يغلب نفسه.” 💗

قال صلى الله عليه وسلم أنه قال: 

"إنك لن تدع شيئا ابتغاء الله إلا آتاك خيرا منه"

رواه أحمد

قال ابن القيم رحمه الله :

(والعوض أنواع مختلفة؛ و أجلّ ما يعوض به:
-الأنس بالله ومحبته،
-وطمأنينة القلب به،
-وقوته ونشاطه
-وفرحه ورضاه عن ربه تعالى)

📖 " الفوائد" ص107

السلام عليكم ورحمة الله وبركاته


عمرك رحتي لدكتور، وكتبلك روشتة علاج، وبعدين رجعتي حطيتيها في الدرج، وكل يوم تبصي عليها من غير ما تاخدي الدوا؟!

غالبًا لأ..
طب ليه بنعمل كده أحيانًا مع القرآن؟
ربنا سبحانه وتعالى قال: ﴿يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ...﴾

القرآن شفاء لما في صدورنا..
لكن الشفاء مش بمجرد إن المصحف موجود في بيتنا، ولا بمجرد إننا نقرأه بسرعة عشان نخلص الوِرد!

الشفاء يبدأ لما الآية تدخل قلبك..
لما تلاقي آية تهوّن عليك حزنك، وآية تهدي خوفك، وآية تفوّقك من غفلتك، وآية تعالج حاجة جواك محدش أصلًا عارف عنها حاجة..

فلو قلبك تعبان ومستنزف؛ افتحي مصحفك، واقرأي بتدبر..
يمكن الدواء اللي بتدوري عليه موجود قدامك في آية.

هتقوله إيه لما يقولك عبدي نمت ليه وتركتني ؟

هتقوله واللَّـه يارب خلاص أنا هواظب على صلاة الفجر ومش هنام عنها تاني ؟

ماهو يابني لما هنبقى هناك مفيش حاجة اسمها " مش هعمل كدا تاني الصلاة هتكون رُفعت "

أنت أخدت فرصتك خلاص .. سيتقطع لحم وجه الإنسان عند معاتبة اللَّـه له على ترك
صلاة_الفجر
ولن يُجيب!

و انت بتصلي .. انت بتتغير من غير ماتحس!!
طباعك بتتغير ، خوفك بيروح، سلامك بيزيد، شهواتك بتتبخر.

انت حارم نفسك من دا ڪله لما بتهمل الصلاة او بتڪسل عن الصلاة!

زمايل في الشغل :

"يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ"

متسمحوش إن الحدود بينكم تذوب مع الوقت تحت مسمى (الزمالة)

التعلق بيبدأ بكلمة.

مينفعش تهزروا سوا أبداً.

لازم المعاملة تكون رسمية جداً.

الألقاب متتشالش نفضل نقول حضرتك وأستاذ ودكتورة وبشمهندس ومدام وآنسة.

في راهب وقع في الزنا بعد ما قعد ياكل مع واحدة غريبة.. فمينفعش جو نفطر سوا ده.

مش مسموح بالكلام الجانبي والأخبار الشخصية والفضفضة.

متنخدعيش ببراءة زميلك لأنه مش بريء ولا حاجة ولو سمحت الفرصة هياخد اللي هو عوزه.

تجاوز الحدود بين الزملاء في العمل خيانة زوجية وحرام شرعاً وسبب لغضب ربنا.

صلاة الفجر هي أقل الفروض في عدد ركعاتها ولكنها أثقلها في الأجر لأنها تأتي عندما يلذ النوم وهنا الإمتحان ويظهر توفيق الله للصادقين.

"يعني ايه (أعوذ بعظمتك ان أغتال من تحتي)؟

ج:
من ضمن أدعية أذكار الصباح و المساء دعاء كبير عن العافية و يتختم بالإستعاذة دي، طب يعني ايه أُغتال من تحتي ؟

يعني
أنت لمّا بتقف على أرض بتكون مطمن و واثق في ثباتها فكأنه تشبيه إن يارب ميجيش الغدر من أكتر مكان أنا مطمن له، سواء من اشخاص قريبة أو بعيدة أو خطوة اخدها

استعاذة يومية بتطلب فيها الأمان للي تطمن له، و ده دليل ضعفنا و إن عنينا كتير بتتخدع، فـ ثق بربك لا بنفسك.

💡 لا تُشرَع صلاة التسابيح؛ وذلك لأنه لم يثبت فيها حديث صحيح عن النبي ﷺ، والأصل في الصلاة الحظر إلا ما قام عليها دليل صحيح، وأن في صلاة التسبيح تغييرًا لنَظْمِ الصلاة المعروف بما يُخالِف الصلاة المرفوعة إلى النبي ﷺ.

📚 الموسوعة الفقهية - موقع الدرر السنية
https://www.dorar.net/feqhia/1263

«وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُواْ عَنِ السَّيِّئَاتِ وَيَعْلَمُ مَا تَفْعَلُونَ»🫀

مهما بلغت ذنوبك وثقلت خطاك، فإن الله لا يبتغي منك سوى خطوة واحدة صادقة. خذ بالأسباب، واطرح أوزار الماضي خلف ظهرك، وعد إليه بقلب منيب؛ لتجد رباً رحمناً رحيماً يعفو عن الزلات، ويمحو السيئات، ويبدأ معك صفحة نقية كأنك لم تذنب قط .

اطمئن .. فباب الكريم مفتوح دائماً، ورحمة الله أعظم من أن تحيط بها الظنون .

البسي حجابك الشرعي يوم فرحك
هتندمي جداً لو قلعتي حجابك او تنازلتي عن حاجة منه.

هتفضلي طول عمرك بتخبي صور وفيديوهات فرحك
أصلك كنت بشعرك

طب لو ماخبتيهاش.
هتفضلي طول عمرك تاخدي ذنوب لأي حد يشوفها
ولأي فيديو اتصور اليوم ده

تعرفي ...
مش بس كده.
ده هيفضل في ميزانك كل واحدة شافتك
فعملت زيك
وأصلها ليلة العمر
ويفضل عداد سيئات بيعد في ميزانك ماعملتيش حسابه

إرضي ربنا يوم فرحك. 💗🌸

اخواتنا المنتقبات مبقوش زى زمان !

#الشيخ_محمد_الغليظ