أول مرة أخد بالي وأنا بقرأ سورة القلم إن في قصة عن مجموعة شباب ربنا رزقهم بـ ميراث كبير جدًا وبسبب بخلهم اتحرق بالكامل..

📌يلا بينا نحكي القصة، وما تنسوش تدعوا لي🤍

🍂 كان فيه راجل صالح ومؤمن، عنده حتة أرض بس كبيرة شوية، كان ربنا مبارك له فيها ومليانة زرع وثمار كتيرة..
الراجل ده كان فاهم إزاي يتعامل مع النعمة كويس، هو يعزق الأرض ويراعيها، ولما يجمع المحصول، يقسمه:
جزء لبيته، وجزء يدير بيه شؤون الأرض، وجزء يفرح بيه المساكين اللي مستنيينه من السنة للسنة.

🍂 اتوفي الراجل الصالح، وورث البستان ولاده الشباب، هنا الطمع دخل في المعادلة ودوّر دماغهم، قعدوا مع بعض وقالوا: أبونا كان طيب زيادة عن اللزوم وبيضيع الفلوس على الناس، إحنا أولى بالخير ده، والسنة دي مش هندي حد منهم ولا حبة فاكهة!
{ إِذْ أَقْسَمُوا لَيَصْرِمُنَّهَا مُصْبِحِينَ (17) وَلَا يَسْتَثْنُونَ}
الموضوع ما كنش مجرد نية، دول حلفوا ورتبوا خطة.. هينزلوا الأرض في النجمة قبل الفجر، يجمعوا المحصول في السر، ويرجعوا بيه قبل ما حد من الفقراء يصحى أو يلمحهم.

🍂بس في حاجة نسيوا يحسبوها..
نسيوا إن ربنا بين العبد ونيته، وشايف اللي بيدبروه في الضلمة!
{ فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ (19) فَأَصْبَحَتْ كَالصَّرِيمِ }
يعني وهما نايمين ومتطمنين لخطتهم الخبيثة، ربنا بعت على البستان نار أو صاعقة من السماء بالليل واتحرقت بالكامل! اتحولت الأرض الخضرا الجميلة لرماد أسود زي الليل الظلمة!

🍂 كل ده وهما مش داريين باللي حصل، صحيوا الصبح فرحانين ومتحمسين، ونادوا لبعض..
{ فَتَنَادَوْا مُصْبِحِينَ (21) أَنِ اغْدُوا عَلَىٰ حَرْثِكُمْ إِن كُنتُمْ صَارِمِينَ }
يعني.. يلا بسرعة نحصد الزرع
وراحوا ناحية البستان، وهما بيتكلموا بينهم وبين بعض بصوت واطي، عشان محدش من المساكين يحس بيهم:
{ فَانطَلَقُوا وَهُمْ يَتَخَافَتُونَ (23) أَن لَّا يَدْخُلَنَّهَا الْيَوْمَ عَلَيْكُم مِّسْكِينٌ }

🍂 اول ما وصلوا لمكان البستان، بصوا كده.. اتصدموا، مفيش شجر! مفيش خضار! الأرض سودا مفيهاش حبة فاكهة واحدة! من هول الصدمة عقلهم ما استوعبش، وافتكروا إنهم تاهوا وده مش بستانهم!
{فَلَمَّا رَأَوْهَا قَالُوا إِنَّا لَضَالُّونَ }
يعني أكيد إحنا غلطنا في الطريق، يمكن دي مش جنتنا؟
لكن واحد منهم بدأ يفهم الحقيقة..
﴿بَلْ نَحْنُ مَحْرُومُونَ﴾
لأ، إحنا مش ضالين الطريق ولا حاجة، إحنا اتحرمنا منها.

🍂 هنا نطق أخوهم العاقل اللي كان معترض على خطتهم من الأول وفكرهم بإن منع حق الله بيمحي النعمة:
﴿أَلَمْ أَقُل لَّكُمْ لَوْلَا تُسَبِّحُونَ﴾
يعني.. مش أنا قلت لكم من الأول إن المفروض تسبّحوا ربنا، وتذكروا فضله، وما تمنعوش حق المساكين؟
وساعتها بدأوا يبصوا لبعض، وكل واحد فيهم أدرك إن اللي حصل مش صدفة، وعرفوا إنهم عاصين وظالمين لأنفسهم وللمساكين
وربنا قال: ﴿قَالُوا سُبْحَانَ رَبِّنَا إِنَّا كُنَّا ظَالِمِينَ﴾
اعترفوا خلاص.. إحنا ظلمنا.

🍂 وبدل ما يتكاتفوا، بدأوا يرموا اللوم على بعض:
﴿فَأَقْبَلَ بَعْضُهُمْ عَلَىٰ بَعْضٍ يَتَلَاوَمُونَ﴾
كل واحد بقى يقول للثاني "أنت اللي حليت الفكرة في عيني" لحد ما وصلوا للحقيقة وانكسروا لربنا واترجوا رحمته..
﴿قَالُوا يَا وَيْلَنَا إِنَّا كُنَّا طَاغِينَ (31) عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ﴾
يعني.. يا خسارتنا إحنا فعلًا تجاوزنا وظلمنا، ويمكن لما نتوب ربنا يعوضنا أحسن منها، وإحنا راجعين لربنا.

🍂 والقرآن بيختم القصة بجملة تقيلة جدًا:
﴿كَذَٰلِكَ الْعَذَابُ ۖ وَلَعَذَابُ الْآخِرَةِ أَكْبَرُ ۖ لَوْ كَانُوا يَعْلَمُونَ﴾
وبعدين بيقول:
﴿إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ﴾

🍂 وعشان كده القصة دي مش مجرد حكاية عن بستان اتحرق، دي حكاية عن النعمة لما تتحول في عين صاحبها من فضل من الله " لـ "شطارة وحقي لوحدي".
أبوهم كان فاهم إن رزقه فيه حق للناس فربنا بارك له، لكن أولاده شافوا نفس الرزق بطريقة تانية.. "إحنا أولى بيه." فكانت المشكلة مش في إن عندهم جَنّة، المشكلة كانت في القلب اللي نسِي النعمة ليها صاحب! فكانت النتيجة إنهم حرموا نفسهم من النعمة كلها.

📌وبس كده خلصت، لا تنسونا من صالح دعائكم ..

#رحلتي_للتخلق_بأخلاق_أهل_الله

‏اللهُم إنّا نسألك أياماً يتجلى فيها لُطفك، ويتسع فيها رزقك، وتمتد فيها عافيتك.🤲🏻🤍

🔸من أسوأ السجون اللي ممكن تحبس نفسك فيها عن طريقك للتوبة ..
سجن "كلام الناس" .. هيقولوا عني ايه
الشيطان ونفسك يفضلوا يزنوا في دماغك
- أصل مش هينفع تكون محترم
- دانت الكينج بتاع الشلة ، هتصلي ازاي وانت الكينج ؟!
- هيقولولك بقه الشيخ راح والشيخ جه ، وخدنا على جناحك❗
- وهيقابلك ناس في الجامع تحرجك وتقولك "يا واد يا مؤمن"

🔹وسجن للبنوتة اللي نفسها تكون كويسة ، وعارفة انها المفروض تكون أحسن من كدة ، ولبسها ومكياجها مايرضيش ربنا❎

تبدأ تفكر .. الشيطان يوسوس
- هيقولولك ايه يا بنتي اللي عاملاه في نفسك ده
- انتي كان حد في حياتك وسابك عشان كدة بطلتي تحطي مكياج يا قلبي!
- بتصلي ولبستي خمار ؟! انتي أسلمتي ولا ايه ههه !

✒اوعى تسجن نفسك في كلام الناس ..
وفرصة لما تنوي التوبة عن ذنب معين انك تختار الصاحب اللي يساعدك ويقربك من ربنا ..
اللي لما يشوفك بتعمل طاعة يفرحلك ويشجعك

- مش مهم تكون عند الناس ايه ..
المهم انت عارف ان الفعل ده فيه رضا ربنا ..
ماترضيش الناس في سخط ربنا
الله هو رب العالمين .. رب الناس دي
هو الوحيد اللي تدور على رضاه

النبي صلى الله عليه وسلم يقول : "من أرْضى اللهَ بسخَطِ الناسِ ، كفاه اللهُ الناسَ ،و من أسخط اللهَ بِرضى الناسِ ، وكلَه اللهُ إلى الناسِ"

اطلبها صح .. " لو عايز ربنا يجمعك بالبنت اللي بتحبها " .. مقطع في غاية الجمال

د . حازم شومان

هل أوترتم؛ هل قرأتم أذكار النوم؟

لا تجعلوا الأجهزة تُلهيكم عن أورادكم، فدقائق قليلة مع الله تطمئن القلب،اختموا يومكم بالوتر، وأحيوا ليلتكم بأذكار النوم، لعلها تكون سببًا للطمأنينة، والحفظ، والبركة.

قرِّبوا الناسَ من القرآن، وسيُقرِّبهم القرآن من كل خير..

انظِّروا لكتاب الله تعالى بعين المحبة والصدق، وسيكون القرآن لهم حافظًا وهاديًا إلى كل ما تحبّونه لهم بصدق🤍

‏«الاستغفار أكبر الحسنات، فمن أحس بتقصير في قوله أو عمله أو رزقه أو تقلب قلبه، فعليه بالتوحيد والاستغفار»
‏ ابن تيمية -رحمه الله-

ليه الناس الطيبه بتموت والناس المؤذيه عايشه ؟

تخيل ان دي من رحمة ربنا علينا وعلى الناس

ربنا بيُمهل الظالم ويطول في عمره = ليتوب

ويأخذ الهين اللين الطيب = رحمة به، حتى لا تملأ الدنيا قلبه، فيميل ويحيد عن أمر الله.

#منقول

من الاعمال الصالحة الصدقات.. فالصدقة تطفئ غضب الرب..ويأتي المرء يوم القيامة في ظل صدقته.. و بعد الموت يتمنى المرء لو يرجع لكي يتصدق.. ومن السبعة اللذين يضلهم الله في ظله يوم القيامة(رجل تصدق بصدق فأخفاها حتى لاتعلم شماله ما انفقته يمينه)..

الصدقة قد تكون
بمال،
بكلمة،
بإبتسامة،
أو بمعلومة
(و ليُنفق ذو سعة من سعته)

💌

﴿قال كلا إن معي ربي﴾

‏يقينك أن الله معك! قوتك الخالدة التي تجعلك تخوض الحياة بكل شموخ؛

إذا تخلى عنك الأقربون آنست قربه،

وإذا أطبقت عليك الكروب انتظرت مدده،

وإذا ألهبتك الذنوب وسعتك رحمته،

إن كان الله معك كان لك الركن الوثيق، والذخر الذي لا يغيب ، أقرب حفيظ وأقوى نصير هو الملاذ ونعم الوكيل .

#قيام_الليل
#وتركم_جنة

..

الى كل أم و أب
تأتي إليك ابنتك تشتكي إساءة الزوج ....
خذ شكواها على محمل الجد ..
ولا توصها بالصبر على سوء المعاملة ،
بل ابحث عن سبب إساءة الزوج لها و عن الحل الجذري للإساءة ..
و لا تخبرها بأن ليس لها إلا بيت زوجها ..
أخبرها بأن بيت أبيها سيظل دائما بيتها ...
و أن المرأة تصبر على فقر زوجها و ظروفه و مرضه و تعينه ..
لكن
(( لا تصبر على سوء خلقه ..
و لا تصبر على الإهانة ، وسوء المعاملة ))..

أخبرها أن الزواج علاقة بين اثنين أساسها الإحترام فإن غاب هذا الأساس كانت العلاقة بلا أساس
لأن الإنسان لا يستطيع أن يعيش بلا كرامة .

الزواج حياة يقودها اثنين و ليست موت بطيء يستنزف الصحة قبل أن تسلب الروح ..

حين تتعمّد إخراجَ الصلاة عن وقتها، فأنت لا تُؤخّر موعدًا عاديًّا؛ بل تُؤخّر فريضةً عظيمةً ستُسأل عنها بين يدي الله.

فلا تستهِن بصلاةٍ فاتتك، ولا تجعل التسويفَ عادةً؛ فكلُّ مرةٍ تؤخّر فيها الصلاةَ بلا عذر، أنت تُعوِّد نفسك على التهاون بما هو من أعظم فرائض الإسلام.

والصلاةُ حبلُ نجاتك، فلا تكن أنت مَن يقطعه بيده، ثم يبحث عن النجاة.

قال النبيُّ ﷺ: «بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكُ الصَّلَاةِ».

الآية قال أخرقتها لتُغرق أهلها
الظاهر: ابتلاء
‏والواقع: فرَج
مُدهش عندما تظن أن الله ابتلاك ثم تكتشف أنّه أنقذك من البلاء.
كم خَرقت الأيام لنا من سُفن فاشتكينا وبكينا ولم نعلم إلا بعد سنوات أن الله نجَّانا بها من ضررٍ أكبر.
‏كونوا على يقين أن لله لُطف خفِي لا تدركه ضآلة أبصارنا

و لا مرة سابك .. و لا مرة اتخلى عنك .. عندك هلع و خوف ليه ؟! .. هااااام جدااااا ..

د . حازم شومان

خطوات الشيطان تبدأ بالتسويف وأنّ غدًا سيبدأ الجد، وما إن يأتي الغد إلا وتكرر التسويف مرة أخرى!
•يقول الامام السعدي :
لا شيء أعظم بركة من هذا القرآن، فإن كل خير ونعمة وزيادة دينية أو دنيوية أو أخروية فإنها بسببه".
فلا تبرحوا أماكنكم والزموا القُرآن كمُلازمةِ العزيزِ لعزيزه

لو انتظرت امرأة فرعون حتى ينجلي زمان فرعون أو يتغير حاله ما استحقت " رب ابن لي عندك بيتا في الجنة "

ولو انتظر مؤمن آل فرعون حتى يتقلب الدهر ، ويأتي الفرج ما استحق لقب ( مؤمن آل فرعون ).

انت .. نعم انت

إنما خلقت لزمانك، ولن يتكرر عمرك، فلا تفنه في لعن الزمان، وبكاء الأحوال ... اصنع كما صنع سابقوك ...

إذا كانوا في زمان قاس أدوا مهمتهم، وإن كانوا في زمان لين أدوا مهمتهم ... فالمصلحون لا يختارون أزمنتهم، لكنهم يعرفون كيف يملئون صحائفهم !!

اصنع عند الله مجدك، وابن للآخرة صرحك بجليل عملك ، ولو كانت الدنيا كلها ضدك. ..

واعلم أن الذي خلقك لزمان أعطاك فيه أدواتك وقدراتك ... وإلا ما حاسبك على ما لا تملك ... فاستعن بالله .

لو زاد عمرك يوم؛ لفسدت
لو زاد مالك جنيهًا؛ لطغيت
لو زادوا أولادك ولدًا؛ لشقيت

أقدار الله تناسبنا بكل دقّة.

﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾

(خفف ما في خزانتك)

راجع ملابسك وأغراضك، وستجد ما لم تستخدمه منذ زمن طويل، ومع ذلك ما زال يشغل مساحة دون فائدة.
أخرج الزائد، ولا تدعه حبيس الخزائن، فقد يكون سببا في إسعاد محتاج أو ستر أسرة.

اجعلها صدقة لوجه الله، فما عند الله خير وأبقى، وفي الحديث القدسي: «يا ابن آدم، أنفق أُنفق عليك».

يا بخت اللي هيصبر علي باب ربنا 💎

#دحازم_شومان