‏"لا تقبض روحي إلا وأنا على حال تحبه يا الله".

🌹اللهــم صــــل وسلــــم
علـــى نبينـــا محمــــدﷺ🌹

"سيحدث الله خيراً قريباً في حياتك تظل تحمده عليه ما تبقى لك من عمرك ."

🌹اللهــم صــــل وسلــــم
علـــى نبينـــا محمــــدﷺ🌹

اللهُم إني استودعتك مُستقبلًا لا أعلم خفاياه ولكني أعلم أنك خير مدبر ف وفقني في أمور حياتي يا الله"

🌹اللهــم صــــل وسلــــم
علـــى نبينـــا محمــــدﷺ🌹

👆👆👆
🌼🌼
🌼
❂.ڪتـــاب /

احكام الصيام .pdf

#ڪتب_ٳسلامية

🌹اللهــم صــــل وسلــــم
علـــى نبينـــا محمــــدﷺ🌹

🌼
🌼🌼

كُـلٌّ لَـهُ حـُلْـمٌ... وَحـُلْمُي جَنَّةٌ
بِـمُحَمَّدٍ... فِيـْهـَا يَـكُـوْنُ لِـقَـاءُ

يَا رَبِّ صَلِّ عَلَيْهِ مَا لَثَمَ الثَّرَىٰ
غَـيْثٌ... وَغـَنَّتْ لِلنَّدَىٰ وَرْقَـاءُ..

🌹اللهــم صــــل

نستكمل مقاصد السور ،
واليوم مع مقاصد سورتي القصص والعنكبوت 🍃

#مقاصد_السور
#د_محمد_الخضيري
#الحلقة_الثامنة_عشر 8⃣1⃣

8⃣
اصحى يا نايم⏰

ثم لو سألنا نفسنا بعد كده :
إيه اكتر حاجة عايزين نجتهد فيها في رمضان🤔 ؟؟
هتكون الإجابة : صيام و قرآن وقيام
دول أبرز العبادات ، وداخل في القيام الدعاء ، وعندنا كمان الصدقات وأعمال البر ؛ بس دول زي ما قولت أبرز العبادات .. وعلشان كده هنركز عليهم

يعني هنبدأ نثبت ورد قرآن للي ملهوش ورد
واللي له ورد ثابت يبدأ يزود فيه شوية بشوية
وعندنا القيام نبدأ برضه نتعود على الوقوف بين يدي الله والناس نيام ، ونتعلم بقى الدعاء والمناجاة علشان نتذوق طعم القرب من الله في قيام الليل ..
والصيام هنزود فيه قد ما نقدر ؛ بحيث ندخل
رمضان وإحنا متعودين على الصيام في الحر

وعندنا ملاحظتين لازم نركز فيهم :

أول حاجة : العبادة بتمر مع الإنسان بـ ٣ مراحل : المجاهدة ثم الإعتياد ثم التلذذ
لو هنتكلم عن قيام الليل كمثال في الأول هجاهد نفسي عشان أقوم أصلي بالليل وياااه بقى لو قمت في الثلث الأخير دي أول حاجة ، وهي مرحلة شااااااقة وهجاهد فيها نفسي علشان أعمل الطاعة وهتعب فيها بس بعد فترة ، هتيجي مرحلة الإعتياد .. يعني تبقى عادة خلاص أنا اتعودت لازم كل يوم أقوم أصلي ركعتين قيام .. مينفعش يومي يعدّي من غيرهم
بعدها تيجى مرحلة التلذذ بالطاعة أنا مستمتع بالعبادة وفرحاااااااان إني بعملها
ودي بقى حاجة تانية خالص :) ،يعني هتقوم الليل بحب وبقلب مشتاق للقيام هتعبد ربنا بحب وبقلب يقظ مدرك متعلق بالله ، ودي بقى اللي بنقول عنها :
" من ذاق عرف ، ومن عرف اغترف "
يعني بعد كده مش هتقدر تفوّت ليلة واحدة من غير قيام ...

كان أحد السلف من التابعين بيقول :جاهدت نفسي في قيام الليل سنة وتلذذت به عشرين سنة

يااااااااااه .. الناس دي عرفت ربنا وعرفت يعني إيه قرب ! سنة بيجاهد نفسه علشان يوصل

دي كانت أول ملاحظة .. والهدف منها إيه؟؟
عايزين ندخل رمضان وإحنا بنتلذذ بالطاعة ،
عايزين نتذوق القرآن ونتذوق الصلاة ونتذوق الصيام.
عايزين نصبر يا شباب ، الموضوع مش بين يوم وليلة .. هنجاهد وهنتعود وربنا شكور وهيرزقنا اللذة وإحنا على يقين من كده بفضله وكرمه عز وجل

تانی ملاحظة : عايزين نتعلم سياسة النفس !!
يعني إييييييييييييه ؟؟يعني الموضوع مش بييجي مرة واحدة !!مش من أول يوم هقوم ۱۱ ركعة !!مش هبدأ بورد ۱۰ أجزاء يومياً !!
مش هبدأ بصيام كل يوم !!
لأ .. سياسة النفس دي يعني فن التعامل معاها ..يعني بالراحة .. هبدأ بركعتين قيام هتقولي : ركعتين بس؟؟ - آه بس، همشي عليهم لإمتى؟؟  لحد ما تبقى روحي فيهم
بمعنی؛ مش هسيبهم لو إيه حصل !! يومي مينفعش من غيرهم !! ولو فاتوني هقضيهم وأعاقب نفسي عليهم وبعدها هلاقي نفسي خلاص بقيت لااااااااازم أصلى ركعتين كل يوم، بعدها أبدأ أزود .. أخليهم أربعة .. وأمشي على كده ، وبعدين أزود.. فاهم الكلام ؟؟
وبكده أدخل رمضان وأنا خلاص نفسي مهيأة إنها تزود وتشتغل ، ويكون الـ ۱۱ ركعة بتوع التراويح بإذن الله أيسر ما يكون ..

وكذلك في القرآن .. هنشتغل بنفس النظام لحد ما نوصل لمرادنا من الورد بإذن الله .. وده كله بحول الله وقوته .. ولا حول ولا قوة لنا إلا بالله ..

دا كله محض فضل من الكريم سبحانه وتعالى
يبقى نستعين بالله ، ونبدأ نشتغل 💪، وبلاش شغل الكسل😴 والشماعات .. واللي عايز يتغير وصادق مع الله في كده .. والله ربنا هيعينه وهيتغير .. واللي هيدور على مبرر للتقاعس هيلاقي بدل المبرر ١٠٠!!
والناس اللي عندها إمتحانات 📖، الموضوع ده مش هیأثر معاهم إطلاقاً .. بل هيخليهم في نشاط دائم 🏃‍♂ويعلي همتهم بإذن الله في المذاكرة كمان

يبقى إتفقنا إننا بإذن الله هنبدأ نشتغل ونجتهد في الطاعات في الفترة الجاية دي ، مش علشان نستعد لرمضان وبس .. لأ.. إحنا لازم في نفس الوقت نكون عارفين أهمية الإجتهاد في شهر شعبان

شهر شعبان من الأشهر الحُرُم ، وليه مكانة
عظيمة بين الشهور .. والنبي كان بيجتهد فيه في العبادة وخاصة عبادة الصيام
قالت السيدة عائشة رضي الله عنها : (ما رأيت
رسول الله ﷺ استكمل صيام شهر إلا رمضان ، وما رأيته أكثر صياماً منه في شعبان ) متفق عليه
عن أسامة بن زيد قال : (قلت يا رسول الله لم أرك تصوم من شهر من الشهور ما تصوم من شعبان ؟؟قال : ذاك شهر يغفل الناس عنه بين رجب ورمضان و هو شهر ترفع فيه الأعمال إلى رب العالمين وأحب أن يرفع عملي وأنا صائم) حسنه الألباني
شهر شبعان من أهم شهور السنة .. بتترفع فيه
أعمال السنة كلها لله عز وجل .. فرصة بقى تتوب علشان يترفع عنك فيه تقرير مشرف منور بالتوبة والأعمال الصالحة .. النبي ﷺ بيقول :
(إنما الأعمال بالخواتيم ) متفق عليه
أنا لو قولتلك إن فيه تقرير📝 هيترفع لمديرك في الشغل أو رئيس الجمهورية عنك .. يا ترى هيبقى شكلك إيه ؟؟
ياترى هتجتهد قد إيه علشان تحسن التقرير ده ؟؟ لازم تلحق تطهر التقرير بتاعك قبل ما يُرفع لله عز وجل ..لازم تطهر صحيفتك من ذنوب ومعاصي الله وحده أعلم بيها

يتبع بإذن الله.....

✍️د.مصطفى زايد

عشر وصايا لإستقبال رمضان 💪

‏👈من عوائق حَفِظَ القُرْآن:

‏1⃣ كثرة الذنوب والمعاصي فإنها تنسي العبد القرآن وتنسيه نفسه وتعمي قلبه عن ذكر الله وتلاوة وحفظ القرآن.

‏2⃣ عدم المتابعة والمراجعة الدائمة و التسميع لما حفظه من القرآن الكريم.

‏3⃣ الاهتمام الزائد بأمور الدنيا يجعل القلب معلق بها وبالتالي لا يستطيع أن يحفظ بسهولة.

‏4⃣ حفظ آيات كثيرة في وقت قصير و الانتقال إلى غيرها قبيل إتقانها.

نستكمل مقاصد السور ،
واليوم مع مقاصد سور "الروم - لقمان - السجدة - الأحزاب" 🍃

#مقاصد_السور
#د_محمد_الخضيري
#الحلقة_التاسعة_عشر 9⃣1⃣

قد يقطع ﷲ أسبابك فتظنه يعجّزك، ويترك اليأس يأكل قلبك بلا استجابة، لأنه يعلم حلاوة الجبر بعد اليأس.. فيرفعك لدرجة المضطر، فيجيب دعائك ويلبي ندائك، فيكتب لك حينها أجر الصبر وحلاوة الجبر💛.

9⃣
اصحى يا نايم⏰

وتخيل بقى لو توبت ، وتقرير مشرف اترفع عنك
للمولى عزوجل . . تخيل ربنا ممكن يفتح عليك قد إييييه ؟؟! وممكن يرزقك ويباركلك قد إيه فرصة عظيمة والله..

📢الفترة دي بإذن الله عايزين نبدأ بالراحة، ونتدرج في الطاعات ؛ بحيث ندخل رمضان وإحنا في مستوى إيماني يأهلنا برحمة ربنا إننا نكون من المعتوقين
ربنا شكور .. والله شكور .. مش معقول هيلاقيك بتستعد وصادق وهيحرمك ! ما اتعودناش على كده إحنا إتعودنا على كرم ربنا ورحمته، وحسن ظننا فيه إنه هيبلغنا ومش هيحرمنا بفضله وكرمه سبحانه
وإن قدّر سبحانه وتعالى إنقضاء أجل أي حد فينا قبل رمضان ؛ يبقى نموت على طاعة ونية صالحة
📢لازم نعود أنفسنا من دلوقتي يا شباب ..
لكن لازم تخلى بالك من حاجة مهمة جداااااااا :
🚫اوعى تسمح للإحباط أو اليأس إنه
يتسلل لقلبك لو مقدرتش تعمل أي طاعة !!
إنت ممكن تحاول من الليلة إنك تقوم وتصلي ركعتين ولو ركعتين للتوبة زي ما قولنا في أول نقطة، ثم تختم بالوتر لو عملت كدة يبقى جزاك الله كل خير
.. ولكن لو ماعملتش ؟؟؟؟؟؟؟

لو ماعملتش ؛ إوعى تقول أنا مش وش نعمة أو ربنا لا يريد لي الخير أو إنه مفيش فايدة مني والكلام ده !!
❎لا .. أبداً ..ده كله كلام شياطين ..

زي ما قولنا ؛ في الأول هيبقى صعب جداً عليك ركعتين ؛ لكن مع الوقت هتلاقي النوافل كلها بقت أسهل ما يكون بإذن الله بإذن الله .. إوعى تيأس !!
ولو مقدرتش ؛ إدعي ربنا🤲 ، وحاول تاني وتالت وعاشر ! وحط في دماغك إنه طبيعي جدااااا إنك تلاقي صعوبة في الأول ، لكن مع الوقت هتلاقي الأمر سهل ويسير .. شوية صبر بس في الأول ..
ولازم تخلي في بالك كمان حاجة مهمة :
(أحب الأعمال إلى الله أدومها ؛ وإن قلّ)

ربنا يثبت قلوبنا على الإيمان والتقوى .. اللهم آمين

        هتصوم؟ ولا زي كل سنة ؟!⁉️

لو سألتك : إنت هتصوم ؟؟ ولا زي كل سنة ؟!
هتبتسم وتقول : قديمة :) .. هصوم زي كل سنة
هقولك : لأ يا حبيب قلبي ..ولأ يا أختي
إحنا مش عايزين نصوم زي كل سنة ..!!
هتقولي : إزاي يعني الكلام ده ؟؟؟
هقولك : بص يا حبيب قلبي .. في ناس كتير مش عارفة معنى الصيام ..!! يمكن ناس كتير عايشة بقالها ٣٠و ٤٠ و ٥٠ سنة ، ناس بقالها سنيييييين بتصوم ؛بس للأسف ما بتعرفش تصوم !!!بيصوموا صيام ناقص ، إلا من رحم الله
هتقول : هو فيه صيام ناقص وصيام كامل ؟؟؟
هقولك : هو إنت هتصوم إزااااااااااااي ؟؟
هتقول : هصوم عن الأكل والشرب لحد المغرب..
هقولك : بس كده ؟؟
هتقول : إيه؟! هو فيه فتوى جديدة طلعت غير كده؟
هقولك : لأ .. مفيش فتوى ولا حاجة ؛ بس إنت کده صيامك ناقص .. يعني إيه ناقص بقى ؟؟

هقولك يا أخي، وهقولك يا أختي، وركزوا في الكلام:إنت ممكن تكون بتصوم عن الأكل والشرب والجماع ولكن ثواب الصيام بتاعك يبقى ناقص أو ممكن حتى متاخدش ثواب بعد كل ده !!!عارف ليه ؟؟؟
لإنك للأسف مش فاهم معنى الصيام الحقيقي .
الصيام - صيام بجميع الأعضاء والجوارح
يعني هتصوم بمعدتك وهتصوم بفرجك ؛ وكذلك هتصوم بأذنك وهتصوم بعينك وهتصوم بلسانك وهتصوم بقلبك .. لاااااازم تصوم بجميع جوارحك أنا عايزك تفهم المعنى الحقيقي للصيام علشان تحقق الهدف والغاية المرجوة منه ؛ ألا وهي " التقوى "
قال الله تعالى :
(يَاأَيُّهَا الَّذِينَ ءَامَنُوا كُتِبَ عَلَيْكُمُ الصِّيَامُ كَمَا
كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ )
البقرة:١٨٣

📢الصيام يا شباب مش مجرد الإمتناع عن الطعام والشراب من الفجر للمغرب .. الصيام أعظم من كده بكتير
قال رسول الله ﷺ : ( ليس الصيام من الأكل
والشرب ؛ إنما الصيام من اللغو والرفث ) صححه الألباني

وقال رسول الله ﷺ :
( رُبَّ صائم ليس له من صيامه إلا الجوع ، ورُبَّ قائم ليس له من قيامه إلا السهر )صححه الألباني

وقال أيضاً (من لم يَدَع قول الزور والعمل به فليس الله حاجة في أن يدع طعامه وشرابه ) رواه البخاري
ليس الله حاجة في أن يدع طعامه وشرابه ؛ يعني الصيام بتاعه مفيش منه فايدة .. ملهوش لازمة ؛ طالما هو لسه مُصر على قول الزور والكذب ..إلخ ..!!

قال الصحابي الجليل جابر بن عبد الله
[ إذا صمت ؛ فليصم سمعك ، وبصرك ، ولسانك عن الكذب والمأثم ، و دَعْ أذى الجار ، وليكن عليك وقار وسكينة يوم صومك ، ولا تجعل يوم فطرك ويوم صومك سواء ] .

شوفت بقى إن الموضوع مش موضوع صيام
عن الأكل والشرب والجماع فقط ..!

عرفت إن الموضوع هو إن الصيام عبادة يحبها الله ، وأنا لاااااااااااازم أصوم زي ما ربنا بيحب
لازم أصوم بجميع جوارحي وأعضائي
هتصوم بمعدتك ؛ زي ما إنت قولت في الأول إنك بتصوم بمعدتك من الفجر للمغرب عن الأكل والشرب
و هتصوم بعينك 👀.. إزااااااااااااااي ؟؟

يتبع بإذن الله.....

✍️د.مصطفى زايد