ညီမလေးရယ် အဖေရယ် သူရယ်နဲ့ အိုးဖုတ်လုပ်ငန်းလုပ်ရင်း အသက်မွေးနေကြတဲ့ ဗီလူတို့ သားအဖသုံးယောက်နဲ့
မာနီနန်ဆိုတဲ့ သူတို့ ၂၅ နှစ်ကြာ မွေးလာခဲ့တဲ့ဆင်လေးတစ်ကောင်

ဗီလူတို့မှာ အကြွေးယူထားတာရှိတော့ အကြွေးရှင်က
အတင်းအဓမ္မ နိုင်ထက်စီးနင်းပြုပြီး အကြွေးတောင်းလာတာကြောင့်
သားတမျှချစ်မြတ်နိုးရတဲ့ မာနီနန်လေးကို ပွဲလိုက်ခိုင်းဖို့ ဆုံးဖြတ်လိုက်ပါတော့တယ်။

အဲဒီမှာပဲ အကြွေးရှင်ကu မာနီနန်ရဲ့တန်ဖိုးအစစ်ကို သိသွားတော့
လောဘတက်ပြီးလိုချင်လာပါတော့တယ်။

အဲဒီလိုနဲ့ မာနီနန်ပွဲလိုက်နေတုန်း ဆေးခတ်ပြီးရိုင်းအောင်လုပ်
ဆင်စခန်းကို အပို့ခံရအောင်လုပ်ပြီး ဘယ်လိုတွေ အကောက်ကြံကာ အပိုင်သိမ်းသွားမလဲ၊
မင်းသားတို့ကကော ဘယ်လိုတွေကြိုးစားကာ အရပြန်ယူကြမလဲ၊ ဘယ်လိုအခက်အခဲတွေကြုံပြီး ဘယ်လိုပြောင်းလဲမှုတွေရှိသွားမလဲဆိုတာ ကြည့်ရှုခံစားလိုက်ကြပါဦးခင်ဗျာ...

ဒီတစ်ခါမှာတော့ ရင်ကိုနွေးထွေးစေမယ့် ရိုးစင်းတဲ့ တေလဂူးအချစ်ဇာတ်လမ်းလေး လာပါပြီ တီပူရာဆိုတဲ့ ရွာကလေးမှာ သူငယ်ချင်းတွေနဲ့ အရက်သောက်လိုက်၊ ဟိုဘက်ရွာနဲ့ အုပ်စုဖွဲ့ရန်ဖြစ်လိုက်နဲ့ ဘဝမှာ အပူအပင်မရှိ ဖြစ်ကတတ်ဆန်းနေနေတဲ့ ရာဂါဗာတစ်ယောက် သူတို့အိမ်နားကို အသစ်ပြောင်းလာတဲ့ တည်ငြိမ်ရင့်ကျက်တဲ့ ဗိုင်းကောင်းကျောက်ဖိ မိန်းကလေး အနူဆူယာကို ချစ်မိတဲ့နောက် စည်းကမ်းတင်းကျပ်ပြီး သူ့သမီးဆိုရင် ကာလသားတွေငေးတာတောင် သည်းခံနိုင်စွမ်းမရှိတဲ့ အနူဆူယာ့မိခင်ရဲ့ ယုံကြည်မှုကို ဘယ်လိုကြိုးစားရယူသွားမှာလဲဆိုတာ ပရိသတ်တို့ပဲ ဆက်လက်ကြည့်ရှုခံစားအားပေးပါဦး

ဇာတ်လမ်းအစမှာ တစ်ရွာလုံးက ကလေးတွေကိုကျိန်စာတိုက်နေပါတယ်ဆိုတဲ့ စွပ်စွဲချက်နဲ့လင်မယားနှစ်ယောက်ကိုမီးပုံရှို့နေပါတယ်
ဒီထဲက ဇနီးဖြစ်သူက နောက် 12 နှစ်ကြာပြီးတဲ့အချိန်မှာ
ဒီရွာဟာသုသာန်တစပြင်ဖြစ်ရမယ်လို့ကျိန်စာတိုက်ထားခဲ့ပါတယ်
12 နှစ် ကြာပြီးတဲ့အချိန် ရူဒရာဗန်နမ်ဆိုတဲ့ကျေးရွာလေးဟာပွဲတော်တစ်ခုကျင်းပဖို့ပျော်ရွှင်နေကြချိန်
ရွာသားတစ်ယောက်ထူးဆန်းစွာသေဆုံးမှုကြောင့်ဘုန်းတော်ကြီးကနေ ဒီရွာကို 8 ရက်တိုင်တိုင်ပိတ်ချ ၊ အပြင်လူအားလုံးတစ်ရက်အတွင်းပြန်ရမယ်ဆိုတဲ့စည်းကမ်းချမှတ်လိုက်ပါတယ်
ဒီစည်းကမ်းကို‌အကြောင်းအမျိုးမျိုးနဲ့ ချိုးဖောက်ပြီး ထွက်သွားကြသူတွေဟာလည်း ထူးဆန်းသွားသေဆုံးသွားကြပါတယ်ဒီချိန်မှာရွာရောက်နေတဲ့ ဆူရီယာဆိုတဲ့ မြို့သားတစ်ယောက်ဟာ ရွာခံနန်ဒီနီ့ကိုချစ်မိပြီး ထွက်သွားပြီးမှ နန်ဒီနီ့ကျန်းမာရေးအတွက် ပြန်ဝင်လာခဲ့ပါတယ်ဘယ်လောက်ပဲဆန်းကြယ်ပါစေ အဖြေရှာတွေ့စမြဲပါပဲ ဒီထဲကဆန်းကြယ်မှုတွေကိုရော ဆူရီယာကဘယ်လိုအဖြေရှာဖော်ထုတ်မလဲ ရင်တထိတ်ထိတ် ရှုစားကြည့်ပါဦး....

The Monkey Goes West
1966
ကျောက်တုံးမျောက်မင်းရာဇဝင် ရုပ်ရှင်

" အနောက်အရပ်ကို စွန်းဝူခုန်းနှင့်အတူကျမ်းစာသွားယူရင်း တပည့်သုံးယောက်နှင့်ဆုံစည်းရမယ့် ဆရာတော်ထန်စန်းကိုယ်တော် "

၂၀၁၅ ရဲ့ကားကောင်းတွေထဲက တစ်ကားပါ. IMDb 6.8 ရထားပါတယ်။

အမေကိုသတ်မှုနဲ့ထောင်ထဲဝင်သွားတဲ့ အဖေကို မုန်းတီးနေတဲ့ အလတ်တန်းစားတိုက်ခိုက်ရေးသမားဟောင်း ကျောင်းဆရာအစ်ကိုကြီးဟာ သူ့မိသားစုအတွက်မဖြစ်မနေငွေရှာရတော့မယ့်အခြေအနေမှာ ဘယ်လိုမှ နိုင်ဖို့ မျှော်လင့်ချက်မရှိတဲ့ ကြီးကျယ်တဲ့ တိုက်ခိုက်ရေးပြိုင်ပွဲကြီးကို ဝင်ပြိုင်ပါတော့တယ်။

တချိန်တည်းမှာပဲ ထောင်ကလွတ်လာတဲ့အဖေရဲ့ အကူအညီနဲ့ အဖေတူအမေကွဲ ညီငယ်လေးကပါ ပြိုင်ပွဲထဲမှာ ပါဝင်လာတဲ့အခါ…….

တကယ်ကြမ်းတမ်းတဲ့ တိုက်ခိုက်မှုတွေကြားထဲမှာ မေတ္တာတရားကို ပီပြင်အောင်ရိုက်ပြထားတာကိုတော့ တကယ်ချီးကျူးးမိပါတယ်ဗျာ။

ရှေးရိုးရာထုံးတမ်းတွေနဲ့ ရွာကလေးဟာ အနီးနားရွာတွေကြားမှာထူးခြားလှတဲ့ရွာလေးတစ်ရွာပါ။

အဲဒီရွာလေးမှာ သေသူတိုင်းကို အုတ်ဂူတွေနဲ့ အသေအချာမြှပ်နှံပေးကြတဲ့ ဓလေ့ရှိပါတယ်။အုတ်ဂူမှာလည်း နာမည် မွေးရက် သေဆုံးရက်တို့တင်မက သေဆုံးရတဲ့အကြောင်းကိုပါ ရေးထွင်းလေ့ရှိပါတယ်။

သေသူတွေကို ပြီးစလွယ်မမြှုပ်ကြတာဟာလည်း ရွာကလူတွေရဲ့ရှေးသမိုင်း ကြောင်းတစ်ခုနဲ့ ဆက်စပ်နေတာကြောင့် ဖြစ်ပါတယ်။ ဒါပေမဲ့ တစ်နေ့တော့ သူတို့ရွာမှာ သင်္ချိုင်းနေရာရှားပါးလာတဲ့အတွက် ရွာအတွက် ပြဿနာကြီးတစ်ခု ဖြစ်လာပါတော့တယ်။

အဲဒီအခါ အဖေ့နေရာကိုဆက်ခံပြီး မဖြစ်ချင်ဘဲ ရွာလူကြီးဖြစ်လာရတဲ့ အာပူဗာဆိုတဲ့မိန်းကလေးရယ်၊သုဘရာဇာလေး ချင်နာရယ်၊ ရွာသူရွာသားတွေရယ် ပူးပေါင်းပြီး ရွာအတွက် ဘယ်လိုအဖြေရှာကြမလဲ၊

ဘာတွေကြုံတွေ့ရမလဲဆိုတာကို ဟာသနှောပြီး တင်ဆက်ထားတာမို့ ရယ်ရယ်မောမော ပေါ့ပေါ့ပါးပါး ကြည့်ရှုခံစားကြရမှာ ဖြစ်ပါတယ်။

‌ဒီတစ်ခါမှာတော့ ဘောလိဝုဒ်ပရိသတ်ကြီးအတွက် တေလဂူစကားပြော ဟာသ-ဒရာမာ ဇာတ်လမ်းတစ်ပုဒ်နဲ့ မိတ်ဆက်ပေးချင်ပါတယ်။
သမားရိုးကျ ချစ်ကြိုက်ကွဲညားမဟုတ်ဘဲ ကျေးလက်သဘာ၀ကို နောက်ခံထားပြီး အလွဲပေါင်းစုံနဲ့ ရယ်ရယ်မောမော ကြည့်ရှုကြရမှာပါ။
ကျေးရွာလေးတစ်ရွာမှာ တစ်ဦးတည်းသော စက်ချုပ်ဆရာနဲ့ ဆံသဆရာတို့ ရှိပါတယ်။
စက်ချုပ်ဆရာကလည်း အရပ်ထုံးစံအတိုင်း အင်္ကျီတစ်ခါလာအပ်ထားရင် နေ့ရွှေ့ညရွှေ့နဲ့ တော်တော်နဲ့ပြန်မရတတ်ပါဘူး။
တစ်ခါတလေ ပိတ်စတွေမှားပေးတာ ပြန်ရောင်းစားလိုက်တာနဲ့ ပြဿနာပေါင်းကလည်း သောင်းခြောက်ထောင်ပါ။
ဆံသဆရာကလည်း ဆိုင်မှာဆံပင်ညှပ်သူတွေ ပုံနေပေမဲ့ သူကအမြဲအပြင်ရောက်နေတတ်ပါတယ်။
အများအားဖြင့်ကတော့ စက်ချုပ်ဆရာနဲ့ဆံသဆရာပေါင်းပြီး အရက်သောက်နေကြတာကများပါတယ်။
သူတို့နှစ်ယောက်ပေါင်းပြီး ဘယ်လိုပြဿနာတွေရှာကြမလဲ၊ ဘယ်လိုအခွီတွေကြည့်ကြရမလဲ၊
အလုပ်ကိုအလေးမထားတဲ့ သူတို့နှစ်ဦး ဘာတွေကြုံရမလဲဆိုတာ ဆက်လက်ကြည့်ရှုလိုက်ကြရအောင်ပါ။
(ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ CM Bollywood Team ဖြစ်ပါတယ်။)

🟢Bad🔵ma🟣sh🟡ulu🟠 (2025) “နှစ်ယောက်ပေါင်း လောင်းကျော်”

အသစ်ထွက်ရှိလာတဲ့ တမီလ်ထူးခြားဆန်းကြယ်အချစ်ဟာသရုပ်ရှင်လေးကို တင်ဆက်ပေးလိုက်ပါတယ်။

ဟိုးရှေးရှေးတုန်းက တိုင်းရေးပြည်ရာမှာ အရမ်းကြပ်မတ်ခဲ့တဲ့ ဘုရင်တစ်ပါးရှိသတဲ့။ နိုင်ငံကိုကာကွယ်ဖို့
အချစ်ရေးတိုင်းကို ပိတ်ပင်ထားသတဲ့ ချစ်မိသွားရင် အာရုံမစိုက်နိုင်မှာစိုးတဲ့ဘုရင်က အတွဲတိုင်းကို

သေကွဲကွဲအောင် ခွဲခဲ့တာပေါ့ ဒါပေမဲ့ အချစ်စစ်ဆိုတာကလည်း အတားအစီးတွေကြားကကို
ပေါက်ဖွားလာတတ်တာပဲမလား စစ်သည်တော်တစ်ဦးက မိန်းမပျိုလေးတစ်ဦးနဲ့ ချစ်မိပါလေရော

မိန်းမပျိုလေးက ဘယ်လောက်ချစ်မိသွားလဲဆိုရင် သူ့ချစ်သူစစ်တိုက်ရတဲ့နေရာတိုင်းကို စစ်သည်တော်ဝတ်စုံဝတ်ပြီး
လိုက်သတဲ့လေ ဒါပေမဲ့လည်း ဖြစ်ရမဲ့ကံပါရင် ရှောင်လွှဲလို့မရလေတော့ ဘုရင်ကသိသွားပြီး

အရှင်လတ်လတ်မီးရှို့စေခဲ့တယ် ဒီ၂ယောက်ရဲ့ နောက်ဆုံးအချိန်မှာ ဘုရင်ကို ဘဝအဆက်ဆက်
အချစ်ရေးနဲ့ပတ်သက်ပြီး ကျိန်စာတိုက်ခဲ့တယ် ချစ်ရေးချစ်ရာကို အယုံအကြည်မရှိတဲ့ ဘုရင်ကတော့ အဲဒီဘဝမှာ လှောင်ရယ်နေခဲ့တာပေါ့။။

မျက်မှောက်ခေတ် -နယ်ဆင်က အိမ်ထောင်ရေးပြိုပျက်ခဲ့တဲ့မိသားစုက လာသူမို့ အချစ်ဆိုတာကို အယုံအကြည်မရှိတဲ့သူ။
တစ်နေ့မှာတော့ ဆာရာပေးလိုက်တဲ့ လျှို့ဝှက်ဆန်းကြယ်တဲ့စာအုပ်တစ်အုပ်ကြောင့်

ထူးခြားတဲ့ စွမ်းအားတစ်ခု ပိုင်ဆိုင်သွားခဲ့တယ်။

အဲဒါကတော့ အနမ်းခြွေနေတဲ့ချစ်သူတွေကိုမြင်လိုက်ရင် သူတို့ရဲ့ အနာဂတ်အချစ်ရေးကံကြမ္မာကိုမြင်နိုင်စွမ်းရှိသွားတာပါ။

ဒါပေမဲ့ သူမြင်လိုက်သမျှ အနာဂါတ်ကံကြမ္မာက ခွဲခွာခြင်းတွေချည်းဖြစ်နေခဲ့တယ်။
ကဲ ဒီသဘာဝလွန်စွမ်းအားတွေကို သူဘယ်လိုများ အသုံးချသွားမလဲ ဘာတွေဆက်ဖြစ်မယ်ဆိုတာကတော့ ။

ဒီဇာတ်ကားကတော့ တွေ့နေ့ကျအိန္ဒိယကားတွေလို မျက်နှာတွေပဲလိုက်ပြထားတာမဟုတ်ဘဲ တကယ့်အစစ်အမှန်တွေနော်။
လုံးဝဆွဲဆောင်ထားတာကတော့ 3D effectရော CGI တွေရောက ရှယ်ကိုရိုက်ပြထားတာပါပဲ။

ဇာတ်ကားရဲ့ဇာတ်လမ်းကရိုးရိုးလေးပါ။ မျိုးဆက်၃ဆက်အကြောင်းပြန်ပြောင်းပြောပြပြီး စွန့်စားမှုတွေ စိန်ခေါ်မှုတွေ အနှေးပြကွက်တွေအမြန်ပြကွက်တွေက တခြားဇာတ်ကားတွေနဲ့ယှဥ်ကြည့်လိုက်ရင် လုံးဝအပြတ်အသတ်ကြီးပါပဲ။

မိုးကောင်းကင်ကနေရုတ်တရက်ကြွေကျလာတဲ့ ကြယ်ကျောက်တုံးကြီးနဲ့ပြုလုပ်ထားတဲ့ ရွှေစင်မီးအိမ်ရုပ်တုလေးကဇာတ်လမ်းရဲ့အသက်ပါ။ ဘုရင့်ဆီက ဆုလာဘ်အဖြစ်ရခဲ့ပြီး ကာရီပူရမ်နယ်မြေထဲကိုချင်းနင်းဝင်ရောက်လာခဲ့တယ်။

ရွာသူရွာသားတွေအတွက် အိပ်ယာဝင်ပုံပြင်လိုဖြစ်ခဲ့တဲ့ ဂုဏ်ယူရတဲ့အတိတ်အကြောင်းတွေပေါ့။

ဖြစ်ချင်တော့ အဲ့ဒီမီးအိမ်က မန်နီယန်ဆိုတဲ့ မင်းသားတို့အဘိုးက ခိုးသွားတဲ့အခါ..
သူခိုးရဲ့မြေးဆိုပြီး မျိုးဆက်၃ဆက်တိုင်အောင်အပြောအဆိုခံခဲ့ရတယ်။

သူဘာကြောင့်ခိုးခဲ့တာလဲ...။ သူတို့ကိုးကွယ်နေတဲ့ အဲ့ဒီမီးအိမ်ရုပ်တုလေးက မင်းကြီးပေးလိုက်ကတည်းက အတုကြီးဆိုတာ သိသွားမယ်ဆိုရင်ရော...။ 3D effectတွေကြည့်ရတာနဲ့တင် ရှယ်တန်တဲ့ဇာတ်ကားမို့ အခုdownပြီးကြည့်လိုက်တော့နော်

အိန္ဒိယတောင်ပိုင်း အက်ရှင်အကြမ်းစားဇာတ်ကားလေးပါ။

မင်းသားဖြစ်သူ Theeran ဟာ လုံးဝလာဘ်မစားတဲ့ ရိုးသားဖြောင့်မတ်တဲ့
ရဲအရာရှိတစ်ယောက်ပါ အဲ့ဒါကြောင့်လဲ
သူဟာ နယ်ခနခနပြောင်းရပါတယ်။

ပို့လိုက်တဲ့နေရာတွေကလဲ
ဆိုးပေ့ဆိုတဲ့ နေရာတွေချည်းပါ။

အဲ့လိုနဲ့ တစ်နေ့ အဝေးပြေးလမ်းတစ်ခုမှာ အလွန်အင်မတန် ရက်စက်လှတဲ့ လူသတ်မှုတွေ ပေါ်ပေါက်လာပါတယ်။

ရဲတွေလဲ ခေါင်းစားတာပေါ့ ပထမအမှုကို စုံစမ်းတုန်းရှိသေး နောက်တခါ
ဒီလို ရက်စက်လှတဲ့ လူသတ်မှုတွေ ဆက်တိုက်ကို ဖြစ်လာပါတယ်

ဒီလူသတ်မှုတွေရဲ့နောက်ကွယ်မှာ ဘယ်သူရှိမလဲ။

Theeranရော ဒီအမှုကို ဖြေရှင်းနိုင်မှာလားဆိုတာကိုတော့ ဒီဇာတ်ကားလေးမှာ ပဲဆက်လက်ကြည့်ရူအားပေးလိုက်ကြပါဦးခင်ဗျာ