ဒီကားကတော့ အိန္ဒိယသမိုင်းအကြောင်းတွင်တွင်ကျယ်ကျယ်ရိုက်ပြထားတယ်ဆိုရမှာဖြစ်ပြီး
ရုံတင်ကားတကားဆိုလဲ မမှားပါဘူး

Cast တွေအနေနဲ့ မင်းသမီးချောလေး Shriya Saran က တော်ဝင်မင်းသမီးအဖြစ် ယင်ကောင်၂ဘဝကလဲ့စားကားထဲကဗီလိန် Kiccha Sudeep ကလည်းအပိုအလိုမရှိသရုပ်ဆောင်ထားပြန်ပါတယ်

လူမိုက်တစ်ယောက်ကိုဖမ်းလိုက်မိလို့ ရဲစခန်းတစ်ခုလုံးကိုမီးလောင်တိုက်သွင်းလိုက်တဲ့ဂိုဏ်းစတားတွေထကြွမှုကြောင့် ဒီလူမိုက်တွေကိုရှင်းပစ်ဖို့ ဘာဟ်ဂတ်ဘတ်ခ်ရှီကို အထက်ကတာဝန်ပေးခဲ့ပါတယ်

မရေတွက်နိုင်တဲ့ တိုက်ပွဲတွေကိုအောင်နိုင်ခဲ့ပြီး နိုင်ငံတော်အလံကလွဲရင် ဘယ်သူ့ကိုမှဦးမညွတ်ဖူးတဲ့သူ ဒီလူဖြတ်ကျော်ခဲ့ရတဲ့သမိုင်းကလည်းနည်းနည်းနောနောမဟုတ် ..

၁၉၄၂ကနေ ၁၉၈၆အထိ သူဖြတ်သန်းခဲ့ရတဲ့အိန္ဒိယသမိုင်းမှာ သူကရာထူးကြီးလူတစ်ယောက် ဒီလိုလူက သောင်းကျန်းနေတဲ့လူမိုက်တွေမြို့ကိုရောက်ချလာပြီး လူမိုက်တွေအကုန်စုစေခဲ့တယ်

ပြီးတော့ သူ့အာဏာကိုပြဖို့အတွက် သူတွေ့ကြုံခဲ့ရတဲ့ အိန္ဒိယလွတ်လပ်ရေးမရခင်ကစအခုချိန်အထိ နောက်ကြောင်းပြန်ပြကွက်မျိုးနဲ့ ပြောပြပေးသွားမှာပဲဖြစ်ပါတယ် ကဲ သူကြုံတွေ့ခဲ့ရတဲ့ အိန္ဒိယသမိုင်းကိုလိုက်ပါရှုစားလိုက်ပါဦး

တမီးကားကိုမှ အက်ရှင်ခပ်ကြမ်းကြမ်းကြိုက်သူတွေအတွက် ဖိုက်တင်ခန်းတွေမြိုင်မြိုင်ဆိုင်ဆိုင်နဲ့​ ကြည့်ရမဲ့ကားလေးပါ

ဇာတ်လမ်းကတော့ ဂေါ်သမ်ဟာဖခင်ရဲ့ပုံသွင်းမှုကြောင့် ကြီးလာတဲ့အချိန်မှာ ကိုယ်အသာစီးရဖို့တစ်ဖက်လူကို ဘာမဆိုလုပ်မဲ့လူအဖြစ် ကြီးပြင်းလာပါတယ် ဒီလိုနဲ့တရားရုံးထိ အမှုဖွင့်ခံလိုက်ရပြီး သူထောင်ကျမကျဟာ နစ်နာသူရဲ့ သက်သေထွက်ဆိုချက်ပေါ်မူတည်နေပါတော့တယ်

ဒီလိုနဲ့သက်သေမထွက်ဆိုအောင် နစ်နာသူကောင်မလေးကို သတ်​ဖို့လူမိုက်တွေကို ခိုင်းလိုက်ချိန်မှာတော့ ဂေါ်သမ်နဲ့ဆန့်ကျင်ဘက် ​လက်ဝှေ့ထိုးပြီးအသက်မွေးတဲ့ မိဘမဲ့ကလေးတွေကိုပါတင်ကျွေးထားတဲ့ ရမ်ဘိုတစ်ယောက် မတရားမှုထဲဘယ်လိုဝင်ပါပြီး ကောင်မလေးကိုကယ်တင်မလဲဆိုတာကတော့....

ဖြစ်ရပ်မှန် romance thriller ကားလေး Elumale

ဇာတ်လမ်လေးကတော့ အရမ်းချစ်ကြတဲ့ သူဌေးသမီးလေးရာဗက်သီနဲ့ လူဆင်းရဲလေး ဟာရစ်တို့အချစ်ဇာတ်လမ်းကို အခြေတည်ရိုက်ကူးထားတာဖြစ်ပါတယ်ခင်ဗျာ....

အခြေအနေတွေမတူလို့ အိမ်ကပေးစားတဲ့သူနဲ့လက်ထပ်ရတော့မယ့် ရာဗက်သီတစ်ယောက်
ဟာရစ်နောက် ခိုးရာလိုက်ဖို့လုပ်ပေမဲ့ မီဆူရူကိုသွားတဲ့ဘတ်စ်ကားလွတ်သွားတာကြောင့်
မဟာဒက်ရှ်ဝါရာ‌တောင်ကိုသွားတဲ့ကားပေါ်သာ တက်လိုက်လာပါတော့တယ်။

ဟာရစ်ကတော့ ကားမောင်းလိုက်နေပြီး ရာဗက်သီကို မဟာဒက်ရှ်ဝါရာတောင်မှာ လာကြိုမယ်လို့ချိန်းထားပါတယ်။

သူတို့ရဲ့အချစ်ရေးကြားထဲမှာဝင်ရှုပ်သွားတာကြီးကတော့ နယ်စပ်က လက်နက်မောင်ခိုတင်သွင်းမှုကြီးပဲဖြစ်ပါတယ်။

ရဲတွေကလည်း လက်နက်မှောင်ခိုတင်သွင်းမယ်ဆိုတဲ့သတင်းရထားလို့ နယ်စပ်တွေမှာ
အနီရောင်အဆင့်သတ်မှတ်ချက်တွေထုတ်ပြန်ထားပြီး အစစ်အဆေးကြမ်း၊

လူမိုက်တွေရဲ့လှုပ်ရှားမှုတွေကြားထဲမှာမှ အန္တရာယ်ဘေးကနေ လွတ်အောင်ပါ ကြိုးစားကြရမယ့် အချစ်ငှက်လေးတွေကို သည်းထိပ်ရင်ဖိုစွာနဲ့ ဆက်လက်စောင့်ကြည့်လိုက်ကြပါဦးခင်ဗျာ....

လူမှုကွန်ရက်ပေါ်မှာ ချက်ချင်း နာမည်ကြီးချင်စိတ် ပြင်းပြနေတဲ့ ကာ့တ် (Kurt) ဟာ ကားဒရိုင်ဘာတစ်ယောက် ဖြစ်လာပြီးတော့ ခရီးသည်တွေကို သတ်ကာ သူ့ရဲ့လုပ်ရပ်တွေကို တိုက်ရိုက်ထုတ်လွှင့် (live stream) ပြသပါတော့တယ်..

ယူနီဖောင်းနဲ့ခန့်နေတဲ့ Jalebi မင်းသား Varun Mitraနဲ့ အပြုံးချိုချိုမင်းသမီးလေး Kanika Mannတို့ အဓိကပါဝင်ထားပါတယ်

ဇာတ်လမ်းအစမှာ သမီးဖြစ်သူကိုဘူတာလိုက်ပို့ရင်း ဖုန်းအားပြည့်ရဲ့လား မုန့်နဲ့ရေကပါရဲ့လားနဲ့ သဲသဲလှုပ်ဂရုစိုက်အချစ်ပိုနေကြတဲ့ မိသားစုလေးကိုကြည်နူးဖွယ်မြင်တွေ့ရမှာပါ

အဲဒီချိန်မှာပဲ မထင်မှတ်တဲ့ပေါက်ကွဲမှုတစ်ခု .....

ဆိုနူးကတော့ခါးပတ်ညိုရထားတဲ့ ဗိုလ်ကြီးတစ်ဦးပါ ခွင့်ရက်ပြန်လာချိန် အပြုံးချိုချိုမာလာလေးနဲ့ စေ့စပ်ပေးဖို့ အိမ်ကစီစဉ်ထားတာနဲ့တန်းတိုးတာပေါ့

အပြုံးချိုလေးဘယ်လောက်စွမ်းလဲဆို တစ်သက်လုံးမကြိုက်တဲ့ ခရမ်းသီးချက်တောင်စားမယ် ဖြစ်သွားသည်ထိပါပဲ

ခွင့်ရက်မစေ့ခင်မှာပဲ တာဝန်ကျလို့ပြန်သွားရချိန်မှာတော့....

ရာသီဥတုဆိုးရွားစွာပြောင်းလဲမှုဒဏ်ကို ကမ္ဘာနဲ့အဝှမ်းခံစားလာရတဲ့အတွက် အမြဲအိပ်ပျော်နေတတ်တဲ့
UNကြီးလည်းနိုးထလာပြီး ရာသီဥတုပြောင်းလဲမှုအတွက် အဓိကကျတဲ့ နိုင်ငံ ၂၅ နိုင်ငံမှာ
စောင့်ကြည့်သူတွေခန့်အပ်ဖို့ အဆိုတင်သွင်းလာပါတယ်။ အိန္ဒိယနိုင်ငံအတွက် စောင့်ကြည့်သူအဖြစ်
လျာထားခံရသူကတော့ သစ်တောဝန်ကြီးအာဒီသရာပါ။

စက်ရုံစွန့်ပစ်ပစ္စည်းတွေရဲ့ စွန့်ပစ်မှုကိုကြည့်ရှုစစ်ဆေးအရေးယူရမယ့်သူအဖြစ် ခန့်အပ်ခံရခြင်းနဲ့အတူ
မသမာတဲ့လုပ်ငန်းရှင်တစ်စုရဲ့ မဟာရန်သူတော်ကြီးဖြစ်လာတဲ့ဝန်ကြီးအာဒီသရာ၊ သူ့ကို ကာကွယ်ပေးနေတဲ့
ဆရာဖြစ်သူ‌ဗီဂျေးက ဒဏ်ရာရသွားတဲ့နေရာ အာဂျွန်က ဆရာ့ကိုယ်စား ဝန်ကြီးကိုကာကွယ်ဖို့ဖြစ်လာတဲ့အခါ...

စစ်သည်တော်ကြီး ဘာဘရစ်ရဲ့ စိတ်ဓာတ်ကို ခေတ်သစ်နည်းနဲ့ ပြန်လည်အသက်သွင်းထားတဲ့ ဇာတ်ကားဖြစ်ပါတယ်။ မင်းသားကြီး Sathyaraj အဓိက ပါဝင်ထားပြီးတော့ ဟာသကတုံးမင်းသား Rajendran လည်း ပါဝင်ထားပါတယ်။

စိတ်ရောဂါဆရာဝန်ကြီးရဲ့ မြေးမလေး နီဒီတစ်ယောက် ကျောင်းကနေ ပြန်လာချိန်မှာ ပျောက်ဆုံးသွားခဲ့ပါတယ်။ ဆရာဝန်ကြီးတို့ မြေးအဘိုးဟာ အရမ်းကို ချစ်ကြပြီး မျက်စိအောက်က အပျောက်မခံနိုင်တဲ့အထိပါပဲ။ နီဒီလေးတစ်ယောက် ပျောက်သွားချိန်မှာတော့ ရဲစခန်းကို တိုင်ချက်ဖွင့်ဖို့ သွားခဲ့ပေမဲ့ ရဲစခန်းမှာ ဝန်ကြီးမြေးမလေးရဲ့ ခွေးလေး ဘေဘီ ပျောက်ဆုံးတဲ့အမှုနဲ့ အကုန်လုံး အလုပ်ရှုပ်လို့နေခဲ့ပါတယ်။

ဆရာဝန်ကြီး တိုက်ချက်ဖွင့်လိုက်တဲ့အချိန်မှာတော့ အလောင်းကိုမြင်ပြီး မေ့လဲသွားတဲ့ ရဲတစ်ယောက်သာ ကျန်ရစ်ခဲ့တဲ့အတွက် သူ့ကိုပဲ နီဒီရဲ့ပျောက်ဆုံးမှုအတွက် တာဝန်ပေးလိုက်ရာကနေ ဆရာဝန်ကြီးကပါ သူ့မြေးမလေးကို လိုက်လံရှာဖွေဖို့ဖြစ်လာခဲ့ပါတော့တယ်။

ဒီလိုနဲ့ စိတ်ရောဂါကုဆရာဝန်ကြီးတစ်ယောက် မြေးမလေး နီဒီကို ဘယ်လို ပုံစံမျိုးနဲ့ လိုက်လံရှာဖွေမလဲ .........
မြေးမလေးပျောက်ဆုံးသွားတဲ့အမှုကရော ရိုးသားရဲ့လား .........
နောက်ကွယ်မှာ ဘယ်လို အမှောင်တရားတွေ ရှိနေမလဲဆိုတာကိုတော့ ဆက်လက်ကြည်ရှုပေးကြပါဦး။

အခုတစ်ခါတင်ဆက်ပေးမယ့် ဇာတ်ကားလေး ကတော့ ရုံတင်ငွေစုစုပေါင်း ကုဋေတစ်ရာခန့်အမြတ် ထွက်ခဲ့တဲ့
တမီးလ်စကားပြော တောင်ပိုင်းအက်ရှင်ကားကောင်းလေးပါပဲ။ အက်ရှင်ကားတွေနဲ့ အစွမ်းပြပြီးသား ဖိုက်တင်မင်းသား ဆီဗာကာသီက ဦးဆောင်ပါဝင်ထားပြီး
တက်သစ်စမင်းသမီးချောလေး ဗာဆန့်သ်က တွဲဖက် သရုပ်ဆောင်ထားပါတယ်။
တောင်ပိုင်းကား ပီပီသသ ကြမ်းတမ်းအသက်ပါတဲ့ အပစ်အခတ်အက်ရှင်ခန်းအစုံ ပါဝင်ပြီး အဓိကဇာတ်ကောင်ကလည်း စိတ်ဝေဒနာအသေးစား လေးစွဲကပ်နေတဲ့ဇာတ်ကောင်အဖြစ် ဖော်ပြထား တေ့
ဇာတ်လမ်းဇာတ်အိမ်လည်း စိတ်လုပ်ရှားရင်ခုန် ဖွယ်ရာ ဇာတ်ကားကောင်းလေးအဖြစ် တွေ့မြင်ရမှာပါ

၂၀၂၅မှာ အိန္ဒိယအက်ရှင်ကောင်း

တွေ စိတ်ဝင်စားလာဖို့ကောင်းလာ

တဲ့အတိုင်း အခုအက်ရှင်ကားကြီး

ကလည်း အလန်းကြီးဖြစ်ပါတယ်။

ဂန်းစတားဟောင်းကြီး ဖာတက်ရှ်

က သူ့အရင်အတိတ်ကဘဝကို ချန်

ထားခဲ့ပြီး ပွန်ဂျာ့မှာ ဘဝအသစ်

စနေချိန်မှာ ရွာသူလေးတစ်ယောက်

က ချေးငွေအက်ပ်တစ်ခုကြောင့်နဲ့

ဆိုက်ဘာရာဇဝတ်ဂိုဏ်းနဲ့ ပက်သက်မိသွားပါတယ်။

အဲ့လိုကနေ ရွာသူလေးကို လိုက်ရှာ

ပြီးကယ်တင်ရာကနေ ဖာတက်ရှ်

တစ်ယောက် ဒီဆိုက်ဘာရာဇဝတ်

အသိုင်းအဝိုင်းတစ်ခုလုံးကိုပါ

ဘယ်လိုလိုက်ရှာပြီး ဖြိုချပစ်ဖို့

လုပ်မလဲဆိုတာ ကြည့်ရှုရမယ့်ကား

လေးဖြစ်တဲ့အပြင် ပစ်တာခတ်တာ

ကအစ တကယ်ပီပင်လွန်းတဲ့

အတွက် အစစ်လားလို့တောင်ထင်

ရစေပြီး အရမ်းမိုက်တဲ့ ကားလေး

ဖြစ်တဲ့အတွက် စောင့်ကြည့်ပေးကြပါဦး

တောင်ပိုင်းမင်းသား Dhanush ရဲ့ မိသားစုဒရာမာ ဇာတ်ကားအသစ်လေး ထွက်ရှိလို့လာခဲ့ပါပြီ။

ဆီဗာနယ်ဆန်ဆိုသူဟာ ရွာငယ်လေးမှာ ဆန်မုန့်ရောင်းတဲ့ စားသောက်ဆိုင်လေးတစ်ဆိုင် ဖွင့်ထားပါတယ်။ သူဟာ ဆိုင်လေးကို စီးပွားရေးအရလုပ်တာတင်မကဘဲ ဆန်မုန့်လုပ်ရတာကို သဘောကျပြီး စိတ်အားထက်သန်စွာနဲ့ လုပ်ကိုင်နေတာဖြစ်ပါတယ်။ ဒီလို စိတ်နှစ်ပြီးလုပ်လို့ပဲ သူ့ဆိုင်လေးဟာ ရွာနီးစပ်မှာ နာမည်အရမ်းကြီးတဲ့ဆိုင်လေးဖြစ်ခဲ့ပါတယ်။

ဆီဗာနယ်ဆန်မှာ သားတစ်ယောက်ရှိပါတယ်။ သူကတော့ မူရူဂန်တဲ့၊ သူဟာ ငယ်စဉ်အရွယ်ကတည်းက ဖခင်ရဲ့ ဟင်းချက်တာတွေကြည့်ပြီး အသက်ကြီးတဲ့အခါမှာလည်း အချက်အပြုတ်ကောလိပ်ကို တက်ရောက်ခဲ့ပါတော့တယ်။ ကျောင်းပြီးသွားတဲ့အချိန်မှာ မူရူဂန်တစ်ယောက် သူတို့ စီးပွားရေးကို ချဲ့ထွင်ချင်ပေမဲ့လည်း ဖခင်ဖြစ်သူရဲ့ လုပ်ငန်းအပေါ်မှာ ချစ်တဲ့စိတ်ကြောင့် သူ့လက်ရာစစ်စစ်ကိုပဲ စားချင်တဲ့စိတ်ကြောင့် ဆိုင်ခွဲဖွင့်ဖို့ပြောတဲ့ အကြံကို ငြင်းပယ်ခဲ့ပါတယ်။

ဖခင်ဖြစ်သူကို ဘယ်လိုမှ ဖျောင်းဖျလို့မရတဲ့အတွက် မူရူဂန်တစ်ယောက် မြို့ပေါ်တက်ပြီး အခွင့်အလမ်းရှာဖို့ ဖခင်ဆီမှာ မရမကခွင့်တောင်းကာ ချန်နိုင်းမြို့ကို ထွက်လာခဲ့ပါတော့တယ်။ ဒီလိုနဲ့ ကြိုးစားလိုက်တာ ချန်နိုင်းကနေ ဘန်ကောက်မြို့က နာမည်ကြီးစားသောက်ဆိုင်တစ်ခုမှာ ရာထူးကြီးကြီးနေရာ ရတဲ့အထိ ဖြစ်လာခဲ့ပါတော့တယ်။

ဒါတင်မကသေးဘဲ မူရူဂန်တစ်ယောက် အဲဒီလုပ်ငန်းပိုင်ရှင်ရဲ့ သမီးဖြစ်သူနဲ့ ချစ်ကြိုက်ပြီး လက်ထပ်ဖို့အထိ ဖြစ်လာခဲ့ပါတော့တယ်။ ဒီလိုအဆင်ပြေနေတဲ့အချိန်မှာပဲ မူရူဂန်ရဲ့ဖခင်ဟာ ဆုံးပါးသွားတဲ့နောက်မှာ မူရူဂန်တစ်ယောက် ဖခင်ရဲ့ဆိုင်လေးဟာ ရွာသားတွေအတွက် စားသောက်ဆိုင်သက်သက်တင်မကဘဲ ယဉ်ကျေးမှုအမွေအနှစ်ဖြစ်နေကြောင်း သိလာခဲ့ပါတော့တယ်။

ဒီလိုနဲ့ တခြားနိုင်ငံက အောင်မြင်မှုတွေကို ထားခဲ့ပြီးတော့ ဖခင်ရဲ့ အမွေတွေကို ထိန်းသိမ်းဖို့ ဇာတိမြေကို ပြန်လာတဲ့အခါမှာတော့ ...........
မူရူဂန်တစ်ယောက် ဘယ်လို အတွေ့အကြုံတွေ အခက်အခဲတွေနဲ့ ရင်ဆိုင်ရမလဲဆိုတာကိုတော့ ရင်ခုန်စိတ်လှုပ်ရှားဖွယ် ဆက်လက်ကြည့်ရှုပေးကြပါဦး။

အန်ဘူးဆိုတဲ့ဘက်စ်ကားလေးကပြောပြတဲ့ဇာတ်ကြောင်းလေးပါ တောင်ပေါ် ဒေသလေးမှာ ရိုးရိုးသားသားမြေးအဘွားနှစ်ယောက်ထဲနေကြတယ်

တစ်နေ့မြေးမလေးကံဆိုးပြီး တဏှာရူးသုံးကောင်ရဲ့ ယုတ်မာမှုကိုခံလိုက်ရတယ် သူ့အဘွားကရဲတိုင်တာပေါ့

ရဲကအစကတော့ တကယ်ပဲကိုယ်ချင်းစာသလိုကြိုးစားပမ်းစားလိုက်ပေးတယ်

တရားခံဟာ လက်တလော ရွေးကောက်ပွဲနိုင်ခြေများတဲ့ အမတ်လောင်းရဲ့သားဆိုတာသိသွားတော့....

ငွေမက်ပြီး အဘွားကိုနားချပြီး အမှုပိတ်အဝေးကိုထွက်သွားဖို့ပြောပါတော့တယ်

ဘယ်အားကိုးရာမှမရှိတဲ့တောင်ပေါ်ကရိုးသားတဲ့မြေးအဘွား ဒီလိုပဲခံလိုက်ရတော့မှာလား....

တရားကိုနတ်စောင့်ပါ့မလားဆိုတာ ရှုစားကြည့်ပါဦး....

အတော်ကောင်းတဲ့ကား နွားလိမ္မာလေးပါ ပါတယ်ဗျာ

ဒီမင်းသားကို တောင်ပိုင်းကား ပရိတ်သတ်အများစု သိကြမယ် ထင်ပါတယ်။

ဘော်ဒီအချိုးအဆစ်ရော ရုပ်ရည်ရော စကားပြောဟန် သရုပ်ဆောင်ဟန် တစ်ခုမှ အပြစ်ပြောစရာ မရှိတဲ့အပြင် အက်ရှင်ခန်းတွေမှာ စတန့်တွေကို
ကိုယ်တိုင်လုပ်တတ်တဲ့ မင်းသားမို့ သူရိုက်သမျှကားတိုင်းဟာ သဘောကျစရာချည်းပါပဲ...။

ဇာတ်လမ်းအကျဉ်းက ...
ငယ်စဉ်ကတည်းက မိဘဆွေမျိုးတွေ အားလုံး အသတ်ခံလိုက်ရသူ  ကလေးငယ်တစ်ယောက်ဟာ မွေးစားမိဘတွေနဲ့ နိုင်ငံခြားမှာနေရင်း အရွယ်ရောက်လာတော့ အိန္ဒိယကိုပြန်လာပြီး ကံကြမ္မာတစ်ပတ်လည်လာချိန်
မိဘတွေနဲ့ ဆွေမျိုးတွေကို သတ်သွားတဲ့ ရာဇဝင်ကြွေးရှိခဲ့ဖူးတဲ့ ရာဇဝင်လူဆိုးကြီးနဲ့ အဖွဲ့ကို ချေမှုန်းပစ်တဲ့ အကြောင်း ဖြစ်ပါတယ်။

မကြမ်းမှာ မင်းသမီးမချောမှာကိုတော့လုံးဝ ပူစရာ မလိုပါဘူး