လောကမှာ ငွေသာလျှင် ဘုရားသခင် ငွေသာလျှင်

သူ့ရဲ့ အောက်စီဂျင် ဆိုတဲ့ မိုဟန် ဂန်ဒီ

မိန်းမဖြစ်သူ ချီထရာ နဲ့ ယောက္ခမတွေ အသ_တ်ခံ

လိုက်ရတာကြောင့် အဖမ်းခံထားရတဲ့ မိုဟန်ဂန်ဒီတစ်ယောက်

ပြစ်မှုလေ့လာရေး ကျောင်းသူလေး ပူဂျာနဲ့ တွေ့ဆုံလိုက်တဲ့အခါ

ဂန်ဒီ့ရဲ့ ဇာတ်လမ်းလေးက ပူဂျာနှလုံးသားကို အရည်ပျော်သွားစေပြီး သူ့အဖေ အရာရှိကြီးရဲ့ အကူအညီကိုယူ

ဂန်ဒီ့ကို ထောင်ထဲကနေ တရားမဝင်နည်းလမ်း သုံးပြီး အာမခံထုတ်ပေးလိုက်ပါတော့တယ်

ဂန်ဒီ ထောင်ကနေလွတ်သွားပြီးမှ CBI အရာရှိ အာဂျွန် ရဲ့ ပြောပြချက်အရ

မိုဟန် ဂန်ဒီက အိန္ဒိယရဲတွေ အလိုရှိဆုံး ရာဇဝင်လူဆိုးဖြစ်နေတာကို ပူဂျာတစ်ယောက် သဘောပေါက်သွားခဲ့တယ်

လူဆိုးဖြစ်ရုံတင်မကဘူး ဉာဏ်အရမ်းကောင်းတဲ့ ဂန်ဒီတစ်ယောက် ဘယ်သူ့ဇာတ်လမ်းကို အသုံးချပြီး

ပြောသွားတာလဲ အဲဒီဇာတ်လမ်း နောက်ကွယ်က အဖြေက ဘာဖြစ်မလဲ ဆိုတာကို

သူအရမ်းချစ်တဲ့ ငွေတွေကို ဂန်ဒီနဲ့ သူ့ရဲ့ ဘော်ဒါအဖွဲ့ ဘယ်လိုရအောင်ယူမလဲဆိုတာ စောင့်ကြည့်ပေးကြပါဦးနော်

ရွာတစ်ရွာမှာရှိတဲ့သူတွေဟာ မြွေမင်းသမီးဟာ အကောင်ကြီးအဖြစ် သို့မဟုတ် လူအဖြစ်ပြောင်းလို့ ရနိုင်တယ်လို့ ယုံကြည်ကြပါတယ်။ တစ်နေ့မှာ ရွာထဲက လူတစ်ယောက် မြွေဖမ်းဖို့ သွားရင်း မြွေမင်းသမီးနဲ့တွေ့ပြီး အဲ့လူကို မြွေက မြိုနေတာကို ကလေးတစ်ယောက်မြင်လိုက်ပြီး ကြောက်လန့်သလို လူတွေကို ပြောလိုက်ရာ ဗိုက်ကြီးသည်တွေတောင် ကလေးကို မယုံကြသေးဘဲ စိုးရိမ်ကြကုန်ပါတယ်။ အချိန်နောက်ပိုင်း ဦးနှောက်ကင်ဆာနဲ့ သေတော့မယ်လို့ တွေးနေသူကြီး သူကြီး ဟာ မြွေမင်းသမီးကို ရမှ သူထာဝရရှင်သန်နိုင်မယ်လို့ တွေးပြီး လူ ၃ ယောက်နဲ့အတူ သွားပါတယ်။ မြွေဖမ်းခိုင်းတဲ့ လူကြီးက မွေးထီးကို ဖမ်းခိုင်းတော့ မဖမ်းဘူးလို့ ပြောတဲ့ တစ်ယောက်ကို သတ်လိုက်ပါတယ်။ တစ်ယောက်က ထွက်ပြေးသွားပြီး နောက်တစ်ယောက်က ဖမ်းပေးရာ မြွေမင်းသမီးက ကြောက်လန့်သွားပြီး အဲ့နေရာမှာ သတ်သေသွားပါတယ်။ မြွေဖမ်းသူကြီးက မြွေမင်းသမီးကို ရှာဖို့ မြွေထီးကို ဖမ်းခေါ်သွားပါတယ်။ လွတ်သွားတဲ့ တစ်ယောက်နှင့် မြွေဖမ်းသွားတဲ့ သူကြီး ရဲ့ အသက်ရှင်နိုင်မှုအပေါ်မှာ အန္တရာယ်အခြေအနေတွေကြောင့် မသေချာသေးပါ၊ သို့သော် စိတ်နှင့် ရုပ်ပိုင်းဆိုင်ရာ အန္တရာယ်များရှိနိုင်ပါတယ်။

၂၀၂၅ ရဲ့ ဝင်ငွေအကောင်းဆုံး တမီးလ်ရုပ်ရှင်တွေထဲက တစ်ကားဖြစ်သလို
Jai Bhim ရုပ်ရှင်ထဲကမင်းသား ဆူရီယာနဲ့ ဒီနှစ်ပေါက်ကားဖြစ်တဲ့
Deva ထဲက မင်းသမီး ပူဂျာတို့က ခေါင်းဆောင်ပါဝင်တဲ့
အက်ရှင်/ရိုမန့် ဇာတ်လမ်းလေးကို တင်ဆက်လိုက်ပါတယ်

ပါရီဆိုတဲ့ မိဘမဲ့ကောင်လေးဟာ ဂန်းစတားတစ်ယောက်ရဲ့ မိန်းမက
သနားလို့မွေးစားခြင်းခံခဲ့ရပြီး မိခင်မေတ္တာကို အပြည့်အဝရခဲ့ပေမဲ့
မွေးစားအဖေ လူမိုက်ကြီးကတော့ ပါရီကို
လက်မရွံ့လက်ပါးစေအဖြစ်သာ သဘောထားခဲ့ပါတယ်ဒီလိုနဲ့ မိခင်သေဆုံးခဲ့ပြီးနောက်မှာ အဖေဖြစ်သူအလိုကျ ရုတ်ရင်းကြမ်းတမ်းတဲ့
လူမိုက်တစ်ယောက်ဖြစ်လာခဲ့တဲ့ ပါရီဟာ တိကုဆရာဝန်မလေး
ရုခ်မီနီနဲ့အတွေ့မှာတော့ ဒုစရိုက်လောကကို အပြီးပိုင်ကျောခိုင်းဖို့ ဆုံးဖြတ်ခဲ့တယ်ဒီဆုံးဖြတ်ချက်ကြောင့် သူ့မွေးစားအဖေနဲ့ ပါရီတို့နှစ်ယောက်
ရန်ဘက်တွေဖြစ်လာကြပြီးနောက် ဘာတွေဆက်ဖြစ်မလဲ
ပရိသတ်တို့ကပဲ ဆက်လက်ခံစားကြည့်ရှုလိုက်ပါဦး

မင်းသား Hrithik Roshan ရဲ့နာမည်ကျော် ဘောလိဝုဒ်ဇာတ်ကားဖြစ်ပါတယ်။

အဓိပ္ပါယ် ကတော့ I…found someone ဖြစ်ပါတယ်။

ဒီဇာတ်ကားမှာတော့ အိန္ဒိယနိုင်ငံ Kasauli မြို့လေးမှာ Rohit (ရိုဟစ်) ဆိုတဲ့ ဉာဏ်ရည်မမီတဲ့ ကလေးစိတ်မပျောက်သေးတဲ့ ကောင်လေးတစ်ယောက်နှင့်သူ့ဖခင် Dr.Sanjay Mehra တီထွင်ထားတဲ့ computer က အာကသထဲကိုလွှတ်လိုက်တဲ့ ရေဒီယိုလှိုင်းတွေကြောင့် ရောက်လာတဲ့ ဂြိုလ်သား လေး jadoo (ဂျာဒူး) တို့ ရဲ့အကြောင်းပါ။

နောက်ပိုင်းတွေမှာ jadoo ရဲ့ အကူအညီနဲ့ သူချစ်နေတဲ့ ကောင်မလေး Nisha (နီရှာ) ကို ကြိုးစားပုံတွေ jadoo ရဲ့ စွမ်းအားတွေ လက်ခံအပြီး အရင်ပုံစံနဲ့ ဆန့်ကျင်ဖက်လုံးလုံး ဖြစ်သွားပုံတွေ ကိုတွေ့မြင်ရမှာပါ။

ဒီဇာတ်လမ်းကျောရိုးဟာ 1982 က Hollywood နာမည်ကျော်ဇာတ်ကား E.T , the Extra-Terrestrial ရဲ့ လွှမ်းမိုး မှုတွေ အများကြီးရှိတယ်လို့ ဝေဖန်ခြင်းတွေခံခဲ့ရပေမယ့်လူစွမ်းကောင်း Krrish မွေးဖွားဖို့ ဒီဇာတ်ကားပအစပြုထားနိုင်ခဲ့ပါတယ်။

မြို့တစ်မြို့မှာ ကွင်းဆက်လူသတ်မှုတွေ ကြုံတွေ့နေရပါတယ်။ ဒီလူသတ်မှု‌တွေမှာ တူညီတဲ့ ထူးခြားမှုလေးတွေရှိနေလေရဲ့၊ အဲဒါကတော့ အသတ်ခံရသူတွေဟာအသက်အရွယ်ကြီးနေပြီဖြစ်တဲ့ ယောက်ျားကြီးတွေဖြစ်နေတာရယ်၊ နောက်တစ်ချက်ကတော့ လူသတ်သမားက အသတ်ခံရသူ‌ရဲ့ပါးစပ်ထဲ ငှက်ပျောသီးထည့်ခဲ့တာပါ။ ရဲတွေအနေနဲ့လည်း သံသယရှိသူတွေကို ဖမ်းဆီးလိုက် မေးမြန်းလိုက် လုပ်နေပေမဲ့ လူမှားဖမ်းမိ‌နေဆဲဖြစ်ပြီး အမှုကိုအစရှာမရ ဖြစ်နေတုန်းပါပဲ။သတင်းမီဒီယာတွေအနေနဲ့လည်း ဒီအမှုကိုပဲ အလေးပေးဖော်ပြလို့ဟိုးလေးတကျော်ကျော် ဖြစ်နေပါပြီ။ ဒီအမှုကို တာဝန်ယူထားရတဲ့ ရဲအရာရှိဆိုရင် စိတ်ပညာရှင်ဆီသွားလို့ ကွင်းဆက်လူသတ်သမားရဲ့ စိတ်နေစိတ်ထားကို လေ့လာရတဲ့အထိပါပဲ။ ဒီအချိန်မှာ မထင်မှတ်တဲ့ ဖြစ်ရပ်တစ်ခု ပေါ်ပေါက်လာပါတယ်။ နောက်ထပ်အမှုမှာ လူသတ်သမား ပစ်မှတ်ထားသူက အဘိုးကြီးတစ်ယောက် မဟုတ်နေဘဲ မိန်းကလေးတစ်ယောက်ဖြစ်နေတာပါ။ အဲဒီမိန်းကလေးနဲ့အတူ ညဘက်သွားဘက်စ်ကားပေါ်မှာ သူ့ချစ်သူရယ် အခြားသူတွေရယ်လည်း ပါနေပါတယ်။ အဲဒီတော့ ကွင်းဆက်လူသတ်သမားကို ရဲတွေက ဘယ်လို ဖမ်းဆီးမိမလဲ၊ သူသတ်နေရတဲ့ အကြောင်းရင်းနောက်ကွယ်က ဘာဖြစ်မလဲ၊ ပစ်မှတ်ပြောင်းသွားရ‌တာကရော ဘာကြောင့်လဲ၊ ဒါတွေကို သိရအောင် ဇာတ်လမ်းလေးကို ကြည့်ရှူခံစားရင်း အ‌ဖြေထုတ်ကြည့်ကြရအောင်ပါ။

သက်ငယ်မုဒိမ်းပညာပေး
Chiththa ရုပ်ရှင်က သက်ငယ်မုဒိန်းမှုကို အခြေခံ
ရိုက်ထားပေမဲ့ ပုံမှန်ဇာတ်ကားတွေလို မုဒိန်းကောင်ကို
ဖမ်းဆီးထောင်ချ လက်စားချေပုံစံမျိုးတင် မဟုတ်ပဲ
Victim နစ်နာသူတွေကို ဘယ်လိုကူညီဖေးမရမယ်
ဆိုတဲ့ ရှုထောင့်ကိုပါ ဂရုပြု ထည့်ရိုက်ထားတာကြောင့်
ရုံတင်ပြီးတာ နှစ်လကျော်သွားပေမဲ့ IMDb rating
ကျမသွားတဲ့အပြင် 8.5 ထိ တိုးလာပါတယ်။

အီဆွာရမ်ဟာ သာမန်အစိုးရဝန်ထမ်းဖြစ်ပြီး ဖတဆိုး
တူမေလး ဆွန်ဒါရီကို သမီးအရင်းလို မွေးစားထားပြီး
ချစ်ရှာသူပါ။ သူ့တူမလေးမှာ ပွန်နီဆိုတဲ့ သူငယ်ချင်း
တဉီးရှိပြီး သူတို့ဟာ သမင်မြင်ချင်လို့ တစ်နေ့မှာတော့
ကျောင်းပြေးပြီး သမင်တွေရှိတတ်တဲ့တောအုပ်ထဲကို
နှစ်ယောက်တည်း ထွက်သွားကြရာက ပွန်နီးလေးက
လိင်အကြမ်းဖက်ခံလိုက်ရပါတယ်။ ပွန်နီးကို မတရား
လိင်အကြမ်းဖက်တာ အီဆွာရမ်လို့သံသယဝင်ခံရပြီး
သိပ်မကြာခင်မှာပဲ သူ့တူမလေး ဆွန်ဒါရီ ပြန်ပေးဆွဲ
မုဒိန်းကျင့်ခံရတဲ့အခါ မုဒိန်းကောင်ဟာ တကယ်ပဲ
အီဆွာရမ်လား။ မုဒိန်းကောင်ကို ဘယ်လို ရှာဖွေ
အပြစ်ပေးမလဲ။

🔥"အိမ်ထောင်ပြု ဘုရားတည် ဆေးမှင်ရည်စုတ်ထိုး ဤသုံးမျိုးချက်မပိုင် နောင်ပြင်ရန်ခက်သည့်အမျိုးတဲ့"

အားလုံးသိကြတဲ့အတိုင်း မိဘပေးစားသူနဲ့ယူကြရတာမျိုးဟာ အိန္ဒိယမှာယနေ့အထိတိုင်ရိုးရာတစ်ခုလိုရှိနေဆဲပါ...

ချစ်လို့ခင်လို့အိမ်ထောင်ပြုကြတာမှန်ရင်တောင် လူဆိုတာပြောင်းလဲတတ်တဲ့အမျိုးပါ...

ဇာတ်လမ်းလေးကိုနည်းနည်းပြောရရင်...

သူ့နာမည်က အမ်မူတဲ့၊ အကောင်းမြင်တတ်ပြီး ပျော်ပျော်နေတတ်တဲ့မိန်းမလှလေးတစ်ယောက်ပေါ့။

အရွယ်ရောက်လာတော့မိဘတွေ စီစဥ်ပေးတာကို လက်ခံပြီး ရာဗီဆိုတဲ့ ရဲအရာရှိတစ်ယောက်နဲ့လက်ထပ်ခဲ့တာ။

သို့ပေမယ့် ဒီအိမ်ထောင်ရေးက ဒီလောက်ကြောက်စရာကောင်းတဲ့ ငရဲဖြစ်မယ်မှန်းလည်း အမ်မူ ကြိုမတွေးနိုင်ခဲ့။

သူဒီလို မွန်းကြပ်စရာ၊ ကြောက်လန့်စရာအခြေ အနေကနေ ဘယ်လိုကြိုးစားပြီးရုန်းထွက်ခဲ့လဲဆိုတာကို အသားပေး ရိုက်ပြထားတာပါ။

အမ်မူ တကယ်ရောဒီအိမ်ထောင်ရေးကနေ ရုန်းထွက်နိုင်ခဲ့ရဲ့လား..?

မထင်မှတ်ထားတဲ့ဇာတ်အိမ်အလှည့်အပြောင်းတွေနဲ့ အမ်မူရဲ့ Character Development ကိုလည်း ရင်တမမနဲ့စောင်ကြည့်ရမှာမို့ ၂၀၂၂ ရဲ့ လက်မလွှတ်သင့်တဲ့ ရုပ်ရှင်ကောင်းလို့ ညွှန်းလိုက်ပါတယ်ဗျာ။

မကောင်းတဲ့စွမ်းအင်တွေနဲ့ ဝန်းရံနေတဲ့ ရွာလေးတစ်ရွာ။ ညဘက်တွေ ရွာပြင်ထွက်ရင် အပမှီတာလိုလို သရဲပဲပူးတာလိုလိုနဲ့ ကိုယ့်အသားကိုယ်ပြန်လှီးစားကြတာတွေ ကြုံတွေ့နေကြရပါတယ်။ လူသေရင် အဝတ်ပတ်ပြီး ရွာပြင်မှာပဲ ယဇ်ပူဇော်တာလိုမျိုး ပစ်ထားခဲ့ကြတာ ရွာရဲ့ထုံးတမ်းအစဉ်အလာတစ်ခုလို ဖြစ်နေပါပြီ။ ဒီလို မကောင်းတဲ့စွမ်းအင်တွေ ပေါများလှတဲ့ ရွာလေးထဲမှာမှ အမြတ်ကြီးစားငွေတိုးချေးတဲ့အပြင် အကြွေးပြန်ဆပ်ပြီး အပေါင်ပစ္စည်းပြန်တောင်းတဲ့ခါ လူကိုသတ်ပြီး ရွာပြင်သွားပစ်တတ်တဲ့ လူ့တိရစ္ဆာန်တွေကလည်း ရှိနေပြန်ပါရော။ ပေါ့ပေါ့ပါးပါးပဲ နေတတ်ပေမဲ့ မဟုတ်မခံ ရင်ဆိုင်ဖြေရှင်းတတ်တဲ့ လင်ဂါ တစ်ယောက် ဒီလိုပြဿနာတောကြီးထဲမှာ ရှိနေတဲ့အခါမှာတော့ ဖြစ်ရပ်တွေက တကယ်ကို ထိတ်လန့်ဖွယ် ဖြစ်လာပါတယ်။

စုန်းမကြီးကမိန်းကလေးတစ်ယောက်ကိုစိတ်နှလုံးမငြိမ်းချမ်းအောင်တိုက်ခဲ့တယ့်ကျိန်စာဆိုး

ဒီတစ်ခါမှာတော့ မာရသီစကားပြော ဇာတ်လမ်းကောင်း လေးတစ်ပုဒ်ကို တင်ဆက်ပေးလိုက်ပါတယ်
တစ်ချိန်က ရွာတစ်ရွာမှာ စုန်းမတစ်ယောက်က ရာဒါဆိုတဲ့ မိန်းကလေးကို တစ်သက်လုံးစိတ်နှလုံးမငြိမ်းချမ်းအောင် ကျိန်စာတိုက်ခဲ့ပြီးကတည်းက ရာဒါ့ဘဝဟာ တစ်ဆစ်ချိုး ပြောင်းလဲခဲ့တယ် အရွယ်ရောက်လို့ အိမ်ထောင်ကျ၊
သမီးလေးတစ်ယောက်ရပြီးလည်း ဆေးတွေဆက်သောက် နေရတဲ့ ရာဒါဟာ တစ်ရက်တော့ ရွာကဘိုးဘွားပိုင်အိမ်
မဖြိုခင် မိသားစုမိတ်ဆွေတွေ ပြန်လည်တွေ့ဆုံကြဖို့ ရွာကို အလည်တစ်ခေါက် ပြန်ခဲ့ပါတော့တယ် ဟိုရောက်တော့
ဘယ်လိုပြဿနာတွေ ပြန်စလာမလဲ ထပ်ခါထပ်ခါဖြစ်နေ တဲ့ ခြောက်လှန့်ခြင်းတွေအတွက် အဖြေကဘာဖြစ်မလဲဆို
တာကတော့ ။

လေယာဉ်မှူးဘီလ်ဖော်ရက်စ်တာဟာ သူ့ချစ်သူနဲ့လန်ဒန်မှာမင်္ဂလာပွဲကျင်းပနေတယ်….ချစ်ရသူနဲ့ပေါင်းဖက်ဖို့အပြုံးကိုယ်စီနဲ့ပေါ့…ကံဆိုးစွာအဲ့ညမှာပဲ ဂျာမန်တွေက ဗုံးမိုးရွာချလို့
အဆောက်အဦးတစ်ခုလုံးပြိုကျတဲ့အပြင် ဇနီးလောင်းလေးလည်း သေဆုံးသွားရှာတယ်…
ဖြေမဆည်နိုင်တဲ့ ဖော်ရက်စ်တာဟာ ဒီစိတ်ဒဏ်ရာကြီးနဲ့ စစ်ထွက်
လာရတယ.အဲ့ဒီမှာ သူအကြံရလာတယ်…နေလို့မကောင်းတဲ့လောကကြီးမှာမြန်မြန်သေမှ သူခံစားရမှ သက်သာမယ်ဆိုပြီး စစ်ဆင်ရေးတွေမှာဘယ်သူမှ မလုပ်တဲ့ မိုက်ရူးရဲ စစ်ထိုးမှုတွေလုပ်ပါတော့တယ်…
ဒီဇာတ်ကားက ကျွန်တော်တို့တော်တော်များများကြားဖူးကြမှာပါ…အဓိကက
မြန်မာသရုပ်ဆောင်မင်းသမီးချောကြီး ဒေါ်ဝင်းမင်းသန်းပါတဲ့အပြင်
မိတ္ထီလာဘက် မြန်မာအကြောင်းတွေလည်းပါလေတော့
အားလုံးနဲ့မစိမ်းဘူးထင်ပါရဲ့..သို့ပါသော်လည်း အကြည်လေးကြည့်ပြီး
အမှတ်တရသိမ်းဆည်းပြီး သား မြေး မြစ်တို့ထိ လက်ဆင့်ကမ်းရင်း
ဒါရှေးတုန်းက ငါတို့ရဲ့မင်းသမီးကြီးပေါ့လို့ ပြချင်ရင်ပြလို့ရအောင်ပါ…