မစ္စစ်အလိုက်ဆာ ရှာမန်ဆိုတဲ့ အမျိုးသမီးကြီးဟာ ငွေကြေးပိုင်းဆိုင်ရာမှာ ပြည့်စုံပေမဲ့ အမွေဆက်ခံသူမရှိ မုဆိုးမတစ်ယောက်အဖြစ်နဲ့ ဘဝကို ရိုးရိုးရှင်းရှင်းနေထိုင်သူဖြစ်ပါတယ်။အသက်ကြီးလာတော့ ကျန်းမာရေးချိုယွင်းလာပြီဖြစ်တဲ့ မစ္စစ်အလိုက်ဆာရဲ့အနားမှာ သူ့ငွေတွေကို မက်ပြီး ပြုစုချင်ယောင်ဆောင်တဲ့သူတွေလည်း များလိုလာပါတယ်။
တစ်နေ့မှာတော့ မစ္စစ်အလိုက်ဆာတစ်ယောက် ညတိုင်းရှူနေတဲ့ အောက်ဆီဂျင်အိုးက အောက်ဆီဂျင်မပွင့်ဘဲဖြစ်သွားပြီး အောက်ဆီဂျင်ပြတ်ကာေ-သဆုံးသွားရပါတော့တယ်။ဒီ‌ေ-သဆုံးမှုကို လူသ-တ်မှုလို အရာရှိများက သတ်မှတ်လိုက်ပြီး ဒီလူသ-တ်မှုအတွက် မစ္စစ်နမ်ရာသာကို သံသယရှိသူအဖြစ်နဲ့ ရုံးတင် စွဲချက်တင်ပါတော့တယ်။မစ္စစ်နမ်ရာသာတစ်ယောက်ကလည်း ဒီလူသ-တ်မှုကို သူသ-တ်တာမဟုတ်ကြောင်း အခိုင်အမာငြင်းဆိုရင်း ………မစ္စစ်နမ်ရာသာဘက်ကနေ ရှေ့နေလိုက်ပေးတဲ့ ရှေ့နေမာယာနဲ့ တရားလိုရှေ့နေတို တရားရုံးမှာ ဘယ်လိုတွေ အားပြိုင်သွားကြမလဲ …….ဂျူရီလူကြီးတွေကို ဘယ်သူက ဘယ်လို ဖျောင်းဖျနိုင်ပြီးတော့ အမှုက ဘယ်လိုပုံစံနဲ့ ပြီးဆုံးသွားမလဲဆိုတာကိုတော့ ရင်ခုန်စိတ်လှုပ်ရှားဖွယ် ဆက်လက်ကြည့်ရှုပေးကြပါဦး။

တချို့ကိစ္စတွေမှာတော့ အဖြစ်မှန်ထက် ကိုယ့်စိတ်ထဲမှာခံယူထားတဲ့ အဖြေက ပိုပြီးအရေးကြီးပါတယ်။ ဇာတ်လမ်းလေးကတော့ အိမ်တွင်းပုန်းကောင်လေးတစ်ယောက် မှောင်မည်းတဲ့ မြေအောက်ကမ္ဘာသို့ မထင်မှတ်ဘဲ ရောက်သွားတဲ့အခါမှာ စိတ်ထားနူးညံ့ပြီး ချစ်စရာကောင်းတတ်သလို တစ်ခါတစ်လေ စိတ်ဆိုးပြီး သောင်းကျန်းတတ်တဲ့ ထူးခြားတဲ့ မြေအောက်သတ္တဝါလေးနဲ့ တွေ့ဆုံခဲ့ပါတော့တယ်။ အဲဒီလိုနဲ့ ထူးဆန်းသတ္တဝါလေးနဲ့ လူသားကောင်လေးရဲ့ မြေအောက်ကမ္ဘာခရီးစဉ်လည်း စတင်ခဲ့ပါတော့တယ်။ ကဲ၊ ဆိုးလ်ပရိတ်သတ်ကြီး—ချစ်စရာကောင်းတဲ့ သတ္တဝါလေးနဲ့အတူ မြေအောက်ကမ္ဘာကို အလည်သွားလိုက်ကြအောင်။

ဘီစီ ၁၂ ရာစုလောက်က အိန္ဒိယနိုင်ငံဂူဂျာရက်ဂ်ကို အုပ်စိုးခဲ့တဲ့
ပထမဆုံးစစ်သည်တော်ဘုရင်မ နာရိကာဒေဗီအကြောင်းကို
ရိုက်ကူးထားတဲ့ ဒီဇာတ်ကားလေးဟာ
ဖြစ်ရပ်မှန်ကို အခြေခံပြီး ရိုက်ကူးထားပြီးတော့
ဘုရင်မနာရိကာဒေဗီရဲ့ ရဲစွမ်းသတ္တိတွေ စစ်သည်တော်လိုမျိုး
စစ်မြေပြင်မှာတိုက်ခိုက်ပုံတွေကို အထူးပြုလုပ်ချက်
ကောင်းကောင်းနဲ့ရိုက်ကူးထားပြီး
သမိုင်းကိုဇာတ်အိမ်တည်ထားတာဆိုတော့
ဇာတ်အိမ်မခိုင်မာမှာကို ပူစရာမလိုပါဘူး

စစ်ဘုရင်မိုဟာမတ်ဂိုရီကို ပြန်လည်တိုက်ခိုက်မဲ့
ဧကရီနာရိကာဇာတ်ကားလေးကို ရာဇဝင်စစ်ကားကောင်းလေးတွေကို
လွမ်းဆွတ်နေတဲ့ ပရိသတ်ကြီးအတွက်တင်ဆင်ပေးလိုက်ပါတယ်

ဘက်လီချောင်ဒရီဆိုတဲ့ရာဇဝတ်သားကို တရားရုံ တော်မှာ
အမှုကြားနာခြင်း ပြုလုပ်မယ့်နေမှာပ်
ထူးခြားမှုဖြစ်စဉ်တွေ ဖြစ်ပွားခဲ့ပါတယ်
များပြားလှသော အမျိုးသမီးအုပ်စုကြီးက
တရားရုံးတော်ထဲကို ရုတ်တရက်ပြေးဝင်လာကြပြီ
တရားခံ ဘက်လီတစ်ယောက် တရားရုံးတော်ထဲမှာပ
ရက်ရက်စက်စက်အသတ်ခံခဲ့ရတဲ့ မြင်ကွင်းက အားလုံးအတွက်
မေးခွန်းထုတ်စရာတွေ့ဖြစ်နေခဲ့ပါတော့တယ်
သူ ဘယ်လိုအမှုတွေကျူးလွန်ခဲ့လို့ အသတ်ခံခဲ့ရတာလဲ
တရားဥပဒေစုးမိုးတဲ့ တရားရုံးတော်မှာ လူသတ်ရဲ ကြတဲ့
အမျိုးသမီးတွေကရော ဘယ်သူတွေဖြစ်မလဲ.
ဘယ်လိုအကြောင်းအရာတွေနဲ့ပက်သက်နေမလဲဆိုတာ...

အက်ရှင်ကြမ်းကြမ်း ပလော့လန်းလန်းနဲ့ ရုံကားကြီးတင်ဆက်ပေးလိုက်ပါတယ်

ရုံတင်ငွေလည်း ကုဋေ ၁၃၀ ထိရထားတာမို့ အကြိုက်တွေ့ကြမဲ့ကားပဲဖြစ်ပါတယ်

နီလာကွန်ဒါဘာဂဗန်ကေဆရီလို့ ခေါ်တဲ့ လုပ်ငန်းရှင်တစ်ဦး၊ အရင်အစိုးရကို ရံပုံငွေထောက်ပံ့တဲ့အတွက်ကြောင့် အခုတက်လာတဲ့အစိုးရကနေ အမှုဖွင့်ပြီး ထောင်ထဲကို ပို့ခံထားရသူ။

တရားမှုကို မြတ်နိုးပြီးတော့ အနိုင်ကျင့်တာကိုလည်း မျက်ကွယ်ပြုမထားနိုင်သူတစ်ယောက်။

တစ်ရက်မှာတော့ ဘာဂဗန်ရဲ့ မိခင်ဖြစ်သူဟာ သေခါနီးဆဲဆဲ သူ့သားကို မမြင်ရရင် မသေနိုင်ဘူးဆိုပြီး တင်းခံနေတဲ့အတွက်ကြောင့်နဲ့ သူ့ရဲ့မိခင်ကို တွေ့ဖို့ သူတို့ရဲ့ ထောင်မှူးကို တောင်းဆိုရာကနေ ထောင်မှူးရဲ့ ခွင့်ပြုချက်နဲ့ မိခင်ဖြစ်သူရဲ့ နောက်ဆုံးထွက်သက်ကို အနားမှာ ရှိပေးလိုက်နိုင်ခဲ့ပါတယ်။

ဒီလို ကျေးဇူးတွေကြောင့်နဲ့ ဘာဂဗန်ဟာ ထောင်မှူးစီရီခန့်သ်ကို တစ်ဘဝလုံးစာ အကြွေးတင်နေတယ်လို့ သတ်မှတ်ထားလိုက်ပါတော့တယ်။

ဒီနောက်ပိုင်းမှာတော့ ထောင်မှူးစီရီခန့်သ်ရဲ့ သမီးလေး ဗီဂျီနဲ့လည်း ဘာဂဗန်ဟာ ရင်းနှီးလာခဲ့ပြီးနောက်မှာတော့ ထောင်မှူးကြီးကို ရုံးခန်းမှာ မတွေ့ရတာ ရက်အတော်ကြာနေပြီဖြစ်တဲ့အတွက် မေးကြည့်လိုက်တဲ့အချိန်မှာတော့ သူ့မိခင်ကို တွေ့ခွင့်ရဖို့အတွက်

ထောင်စည်းကမ်းကို ဖောက်ဖျက်ပေးခဲ့တဲ့ အမှုနဲ့ ထောင်မှူးဟာ ရာထူးကနေ အနားခံလိုက်ရတဲ့အကြောင်းကို သိလိုက်ရပါတော့တယ်။

ဒါ့အပြင် ထောင်မှူးဟာ သူရာထူးကနေ ထွက်မသွားခင်မှာ သူ့ကို ထောင်ကနေ လွှတ်ပေးမယ့်စာရင်းထဲကို ထည့်ပေးခဲ့တာကိုလည်း သိိလိုက်ရပါတော့တယ်။

ထောင်ကနေ ထွက်လာတဲ့နောက်မှာ ဘာဂဗန်ဟာ ထောင်မှူးတို့ကို သွားတွေ့ရင်းနဲ့ ထောင်မှူးက အပြင်သွားစရာရှိတာနဲ့ သမီးလေး ဗီဂျီကို စောင့်ကြည့်ပေးနေတုန်းမှာပဲ

ထောင်မှူးဟာ အပြင်သွားရင်း လမ်းမှာ ကားအက်စီးဒန့်ဖြစ်ပြီးတော့ ဒဏ်ရာအပြင်းအထန်နဲ့ ဆေးရုံမှာတင်ပဲ ဆုံးပါးသွားခဲ့ပါတယ်။

သူ့အဖေရဲ့ သတင်းကို ရုတ်တရက်ကြီး ကြားသိလိုက်ရတဲ့ ဗီဂျီလေးဟာ စိတ်ဒဏ်ရာရပြီးတော့ အလန့်တကြားဖြစ်သွားရင်း ရှော့ရတတ်တဲ့ရောဂါကို ခံစားနေရပါတော့တယ်။

မိဘတွေမရှိတော့တဲ့ ဗီဂျီလေးကို ဘာဂဗန်ကပဲ သန်မာလာအောင် ပြုစုစောင့်ရှောက်ပေးရင်းနဲ့ နောက်ပိုင်းမှာရော ဘယ်လိုတွေ ဆက်ဖြစ်လာဦးမလဲဆိုတာကို

ကြည့်ရှူရမယ့် အက်ရှင်ဒရာမာကားကောင်းလေးတစ်ကားပဲ ဖြစ်ပါတယ်။

ဆယ့်ရှစ်နှစ်ပြည့်ကာစ မက်ဒီဆန် နဲ့ သူမအမေတို့ရဲတဲ့ ဆက်ဆံရေးက အမြဲတစ်ကျက်ကျက်ဖြစ်နေပြီး မက်ဒီဆန် က ခေါင်းမာသလို ငယ်ရွယ်သူတို့လို အရာရာကို စူးစမ်းချင်စိတ်၊ ကိုယ့်ခြေထောက်ပေါ်ကို ကိုယ်တိုင်ရပ်ချင်တဲ့ စိတ်ကောင်းကောင်းတွေရှိပေမယ့် မိသားစုက သူမကို ကလေးလို ဆက်ဆံလို့ လိုတာမရကာ သူမဘဝကို မကျေနပ်တော့ပါဘူး။ ဒါပေမယ့် သူမမှာ ငယ်ချစ်ဦးလေး ဂျီမီ ရှိပြီး တစ်ခါတစ်လေ ဗူးဗူးလေးကာကွယ်သလို လုပ်တတ်ပေမယ့် သူမနဲ့ စိတ်တူကိုယ်တူကောင်လေးတစ်ယောက်ပါ။ အရာအားလုံးကတော့ ခရစ်စ္စမတ်ညစာစားပွဲ ပျက်သွားမှ စတင်ဖြစ်လာပြီး ညစာအပြီးမှာ မက်ဒီဆန် နဲ့ ဂျီမီ တို့ လူမရှိသလိုမြင်တဲ့ ဘေးအိမ်က မီးလင်းနေတာကို တွေ့လျှောက်ကာ “သရဲလား၊ လူလား” ဆိုတာကို စမ်းသပ်ချင်တဲ့ စိတ်ကိစ္စကြောင့် သွားကြည့်လိုက်ကြပါတယ်။ အဲဒီအိမ်ထဲမှာ အချိန်ကြာအောင် ရပ်နေရာမှအိပ်မောပျော်သွားကြပြီး မနက်လင်းချိန်ရောက်တော့ ထိတ်လန့်စရာ၊ အံ့အားသင့်စရာ အခြေအနေတွေ သူတို့နှစ်ယောက်ကို စောင့်ကြိုနေတဲ့ ဇာတ်လမ်းအဖြစ် ဆက်သွားပါတယ်။

ဘောလိဝုဒ်ဖန်တွေအသဲစွဲ မင်းသားဗီဂျေးရဲ့ DNAဆိုတဲ့ ဇာတ်ကားလေးထွက်ရှိလာလို့ ပရိသတ်တို့အတွက် တင်ဆက်ပေးလိုက်ပါပြီ။

ဇာတ်လမ်းလေးရဲ့အစမှာတော့ အာနမ်ဟာ အချစ်ပျောက်လို့ အရက်သောက်ရင်း ယမကာလုလင်ဘဝရဲ့ ဘဝကို ရေစုန်မျှောပစ်နေတဲ့ အချစ်ရှုံးသမား ဒတ္တလက်သစ်လေးလုပ်နေတာပေါ့။

ကိုယ့်ရဲ့ ပညာတတ်မျိုးရိုးကိုမှအားမနာ တစ်နေ့နေ့မူးပြီးမှောက်မှောက်နေတော့ အဖေက သူ့ကိုမကြည်တော့ဘဲ အာနမ်အိမ်ပြန်လာတဲ့နေ့တိုင်း အိမ်မှာ ပြဿနာဖြစ်ရတာချည်းပါပဲ။
ဒီလိုနဲ့ ညီဖြစ်သူကို မိန်းမပေးစားဖို့ လူကြီးချင်းတွေ့ပေးတော့လည်း အာနမ်က မူးမူးနဲ့ အချစ်ဆိုတာနာကျင်မှုပဲဆိုပြီး ပွဲဝင်ဖျက်ပြန်တော့ မိဘတွေလည်းခေါင်းကိုက်ပြီး အာနမ်ကို ချက်ချင်းဆိုသလို မိန်းမပေးစားဖို့လုပ်ပါတော့တယ်။
တစ်ဖက်ကသတို့သမီး ဒိဖ်ရာကလည်း BPD ဖြစ်နေလို့ ရပ်ကွက်ထဲက စာဥမလေးအဖြစ် သတင်းမွှေးနေသူ၊ ဒါပေမဲ့ သတို့သမီးဘက်ကလည်း စိတ်ဝေဒနာရှိတာကို မသိစေချင် သတို့သားဘက်ကလည်း အမူးသမားဆိုတာ မသိစေချင်တာနဲ့ အလျင်စလို အိမ်ထောင်ပြုပေးခံလိုက်ရတာပေါ့။
လိုအပ်ချက်ကိုယ်စီနဲ့ အိမ်ထောင်ကျတဲ့သူတို့နှစ်ယောက် တစ်ယောက်ကွက်လပ်ကို တစ်ယောက်ကဖြည့်ပေးရင်းနဲ့ ဘယ်လိုတွေရှေ့ဆက်ကြမလဲ ရှုစားကြပါဦးစို့။🔽🔽🔽🔽🔽🔽

လူတိုင်းက ပြီးပြည့်စုံစွာမွေးဖွားလာကြတဲ့သူတွေချည်းပဲမဟုတ်ကြပါဘူး အပြစ်အနာအဆာတွေ မပြည့်စုံမှုတွေပြည့်နှက်နေတာကမှ လောကကြီးရဲ့အလှတရားတွေပါ အခုတစ်ခါမှာတော့ အရေပြားရောဂါတစ်ခုကိုခံစားနေရတဲ့ သူတစ်ယောက်ရဲ့ဘဝအကြောင်းကို ရိုက်ကူးထားတဲ့ "Thalvara" လို့ အမည်ရတဲ့ စိတ်ဓာတ်ခွန်အားပေး ဒရာမာရုပ်ရှင်ကားလေးကို တင်ဆက်ပေးချင်ပါတယ်။ တမီလ်နာဒူးပြည်နယ် လူစည်ကားသော မြို့ငယ်လေးတစ်ခုမှာ ဂျိုသစ်ရှ်ဟာ ရုပ်ရှင်ရိုက်ကူးရေးလုပ်ငန်းကို အိပ်မက်မက်နေတဲ့ ငယ်ရွယ်တဲ့ ရုပ်ရှင်ဝါသနာရှင်တစ်ဦး ဖြစ်ပါတယ် သူဟာ သူ့ရဲ့ အသားအရေ ချို့ယွင်းချက်ကြောင့် ပတ်ဝန်းကျင်မှာ အမြစ်တွယ်နေတဲ့ လူမှုရေးခွဲခြားမှု လှောင်ပြောင်မှုတွေကို ခံစားနေရသူတစ်ဦး.....လူတွေ ရှောင်ဖယ်ကြတယ် ရက်စက်မှုတွေနဲ့ ရင်ဆိုင်ရတယ် သူ့ရဲ့ အိပ်မက်တွေ အချစ်ရေးတွေ အကုန်လုံး ပျက်စီးတော့မလို ဖြစ်ခဲ့ရတယ် ဒါပေမဲ့... ဂျိုသစ်ဟာ သူ့ကို လက်ခံတဲ့ စစ်မှန်တဲ့ အချစ် ကို ရှာတွေ့ခဲ့တဲ့အချိန်မှာတော့ အပယ်ခံဘဝကနေ ကြီးမြတ်မှုဆီကိုဘယ်လိုလျှောက်လှမ်းသွားမလဲ စစ်မှန်တဲ့ အောင်ပွဲဆိုတာ ဘာလဲ ကျော်ကြားမှုလား ဒါမှမဟုတ် ကိုယ့်ကိုယ်ကိုယ် ရဲရဲဝံ့ဝံ့ လက်ခံရဲတဲ့သတ္တိလားဆိုတာ အခုရုပ်ရှင်မှာဆက်လက်ကြည့်ရှုပေးပါဦး.....

အရင်ဆုံးပြောရရင် ဒီကားက ရုပ်ငြိမ်ဓာတ်ပုံတွေ တော်တော်လှပါတယ်။

ဇာတ်လမ်းကတော့ ကျောင်းအုပ်ဆရာကြီးတစ်ယောက်ရဲ့မြေး ဗိုင်ရှ်နာဗီဆိုတဲ့ မိတဆိုးကလေးမလေးဟာ မထင်မှတ်ထားဘဲ သူ့ရဲ့ခွေးလေး သေသွားတဲ့အတွက်
သူ့ခွေးလေးကို သဝာ်တဲ့တရားခံကို ရဲတိုင်ရာကနေ
လူဆိုးဂိုဏ်းကြီးတစ်ခုကို ရန်စမိသလိုဖြစ်သွားခဲ့ပါတယ်။

အဲဒီလိုဖြစ်ပြီး ဗိုင်ရှ်နာဗီလေး အသက်အန္တရာယ်တွေ ကြုံလာရတဲ့အတွက်
ထောင်ကျနေတဲ့ သူ့ရဲ့ဖခင် မဟာရာ့ဂျ်က ထောင်ဖောက်ပြေးလာပြီး
သူ့သမီးရဲ့အိမ်မှာ ဒရိုက်ဗာအယောင်ဆောင်ကာ သမီးဖြစ်သူကို
ကာကွယ်ပေးဖို့ကြိုးစားပါတယ်။

မဟာရာ့ဂျ်ကတော့ တချိန်က အင်မတန်နာမည်ကြီးခဲ့တဲ့
ဂိုဏ်းစတားတစ်ယောက်ဖြစ်ပြီး သူ့သမီးကို ကာကွယ်ဖို့ကြိုးစားရင်း
နောက်ကလိုက်နေတဲ့ ရဲစုံထောက်တစ်ယောက်နဲ့လည်း ရင်ဆိုင်ရပုံတွေကို
ဒီရုပ်ရှင်ထဲမှာ မြင်ကြရမှာဖြစ်ပါတယ်…။

ဒီဇာတ်ကားဟာ ရိုးရိုးအက်ရှင်ကားထက် ပိုပါတယ်။ ဒါဟာ အငြင်းပွားဖွယ်ရာ အတိတ်တစ်ခုနဲ့ မြို့တစ်မြို့ရဲ့ ကံကြမ္မာကို ပြောင်းလဲပစ်လိုက်တဲ့ လူတစ်ယောက်ရဲ့ အကြောင်းရိုက်ထားတာပါ။

မွန်ဘိုင်းမြို့ရဲ့ မှောင်မိုက်တဲ့လမ်းတွေပေါ်ကို ခြေချလိုက်တဲ့ Ojas Gambheera (ခေါ်) OG ဆိုတဲ့ လူငယ်တစ်ဦးနဲ့ တွေ့ရပါလိမ့်မယ်။ သူဟာ ငယ်စဉ်က ဂျပန်မှာ ဆာမူရိုင်းတစ်ဦးရဲ့ အမွေအနှစ်ကို သယ်ဆောင်လာသူဖြစ်ပြီး မြို့ပြဂိုဏ်းစတားလောကထဲကို ဝင်ရောက်လာခဲ့ပါတယ်။

OG ဟာ မွန်ဘိုင်းရဲ့ အရေးပါတဲ့ ပုဂ္ဂိုလ်တစ်ဦးအတွက် သစ္စာခံတစ်ဦးအဖြစ် ရပ်တည်ခဲ့ရာကနေ မြို့ပြရဲ့ အချမ်းသာဆုံးနဲ့ အကြောက်ရွံ့ရဆုံး ပုဂ္ဂိုလ်တစ်ဦး ဖြစ်လာဖို့ သူ့ရဲ့ တိုက်ခိုက်ရေးစွမ်းရည်နဲ့ လျှို့ဝှက်ချက်တွေကို အသုံးပြုခဲ့ပါတယ်။

ကိစ္စတစ်ခုကြောင့်ဆယ်စုနှစ်တစ်ခုကြာ ပျောက်ကွယ်သွားပြီးနောက် မြို့ကို ခြိမ်းခြောက်လာတဲ့ အန္တရာယ်အသစ်တွေ ပေါ်လာတဲ့အခါ OG ဟာ ပြန်ပေါ်လာခဲ့ပါတယ်။ သူဟာ ဘာကိုမှ မကြောက်သူလား ဒါမှမဟုတ် ပြန်လာခြင်းနောက်ကွယ်မှာ နက်နဲတဲ့ အကြောင်းရင်းတွေ ရှိနေတာလားဆိုတာ...

အိန္ဒိယ အက်ရှင်ကား ခပ်ကြမ်းကြမ်း ခပ်လွင့်လွင့်မှ ကြိုက်နှစ်သက်သူတို့အတွက် မာလစ်ခ်ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။  အခုဇာတ်ကားဟာ 1980 ပြည့်နှစ်က အလာဟာဘတ် (Allahabad) လူဆိုးဂိုဏ်းကြီးရဲ့ အမိုက်စား လှုပ်ရှားမှုတွေအကြောင်း ဖော်ပြထားတာပါ။ ဒီကားကို လူကြမ်းမင်းသားချောကြီး Rajkummar Rao ကိုယ်တိုင် ပါဝင်သရုပ်ဆောင်ထားပါတယ်။

ဒီကားမှာ အိန္ဒိယရဲ့ ထုံးစံအတိုင်း လူဆိုးဂိုဏ်းနဲ့ ရဲတွေကြားထိပ်တိုက်တွေ့ပုံကို အားရပါးရခံစားကြည့်ရှုရမှာပါ။ ဒါပေမဲ့ ဆန်းတာကတော့ ဒီကားမှာ ရဲတွေဖက်က ရှူထောင့်နဲ့ ရိုက်ကူးထားတာ မဟုတ်ဘဲ လူဆိုးဂိုဏ်းခေါင်းဆောင် မာလစ်ခ် ဖက်ကနေ ရိုက်ကူးထားပါတယ်။ တစ်မြို့လုံးက ဖိန့်ဖိန့်တုန်အောင် ကြောက်ရပြီး ပါးစပ်က ပြောသမျှစကားတိုင်းဟာ ဥပဒေလို အစွမ်းထက်တဲ့ မာလစ်ခ်တစ်ယောက်ရဲ့ လောကကြီးကို စိန်ခေါ်ပုံ၊ အကွက်ကျကျ ကြိုးကိုင်ပုံတွေကလည်း တစ်မျိုးဆန်းလို့နေပါတယ်။

ဒါကြောင့် မာလစ်ခ်ရဲ့ မျှော်လင့်ချက်တွေ အိပ်မက်တွေ အထာကျကျအတွေးအခေါ်တွေနဲ့ ဘဝအလှည့်အပြောင်း ဘဝဇာတ်ခုံက ဘယ်လို ကကြိုးဆင်မလဲဆိုတာကို ကြမ်းကြမ်းရမ်းရမ်း အက်ရှင်အပြည့်နဲ့  ကြည့်ရှုခံစားလိုက်ကြပါဦး။

ပထမအွန်းဘတ်ရုပ်ရှင်၏ရှေ့ဇာတ်ကြောင်း (prequel) ဖြစ်ပြီး ၁၅ ရာစုခန့်၊ ထိုင်းနိုင်ငံ အေဒီယာရာတိုင်းပြည်ကာလကို ပြန်လည်ရိုက်ကူးထားသည်။ ဇာတ်လိုက် “တီယန်” (တိုနီဂျာ) သည် မင်းမျိုးမင်းနွယ်တစ်ဦးဖြစ်သော်လည်း ငယ်စဉ်ကတည်းက မိဘများအသတ်ခံရပြီး ကျွန်အဖြစ်ရောင်းစားခံရသည်။ နောက်ပိုင်းတွင် “ဖူနမ်ဆောင်” ခေါ် ဓားပြဂိုဏ်းကြီးမှ ကယ်တင်ပြီး မတူကွဲပြားသော ကိုယ်ခံပညာ၊ လက်နက်ပညာ မျိုးစုံကို သင်ကြားပေးခြင်းခံရသည်။ တီယန်သည် မိမိမိသားစုကို သတ်ဖြတ်သူများကို အလဲအလှယ်မရှိ လက်စားချေရန် ခရီးထွက်ခဲ့သည်။

ဒီလူ့ဘဝကြီးမှာ အသက်ရှင်ဖို့အကြောင်းပြချက်ကို လိုက်ရှာနေတဲ့ ရွှီချန်ဝေ ဆိုတဲ့ကောင်လေးတစ်ယောက်။ ဘာပဲပြောပြော မွေးနေ့မှာ “ဟက်ပီးဘတ်ဒေး” ပြောတဲ့သူရှိသင့်တယ်မလား။ တစ်ခုခုပင်ပန်းတဲ့အခါ မှီဖို့အနားမှာလူရှိသင့်တယ်လေ။ ဘာကြောင့်၊ ဘယ်သူ့အတွက် ဒီလောကမှာ နေပေးရမယ်ဆိုတဲ့ အဖြေကို ရှာမတွေ့တဲ့ ရွှီချန်ဝေ ဟာ အဆုံးစီရင်ဖို့ ကြိုးစားခဲ့ပါတယ်။ အကြိမ်ကြိမ် ကြိုးစားပြီး အကြိမ်ကြိမ် ထူးထူးဆန်းဆန်း သတ်သေတာ မအောင်မြင်ခဲ့ရာကနေ ၂၂ ကြိမ်မြောက် ကြိုးစားရာမှာ ခဏတာ နှလုံးရပ်သွားခဲ့ပါတယ်။ ပြန်နိုးလာချိန်မှာတော့ ထူးထူးဆန်းဆန်း သူ့ဘဝထဲကို သရဲလေးကောင် ပေါ်လာပါတယ်။ ဆေးလိပ်သောက်ကြိုက်တဲ့ အစ်ကိုကြီး။ အမြဲငိုနေတတ်တဲ့ အစ်မကြီး။ အားနေ ကစားကွင်းသွားချင်၊ ကိတ်မုန့်စားချင်နေတဲ့ ကောင်လေး။ နောက်ပြီး အကကချင်ပါတယ်၊ အောင်သွယ်ပေးချင်ပါတယ်ဆိုတဲ့ အဖွားကြီးပါပဲ။ ဒီသရဲလေးကောင်နဲ့အတူ ဘယ်လိုစခန်းသွားကြမလဲဆိုတာကို ဆက်လက်ကြည့်ရှုရမှာပါ။

ထူးထူးဆန်းဆန်း ကလေးပျောက်ဆုံးမှုတွေဖြစ်နေတဲ့ ဘာရာမူလာမြို့

အဲဒီထဲမှာမှ မြို့ရဲ့မျက်နှာဖုံး မစ္စတာအန်ဆာရီရဲ့သား ရှိုအက်ဘ်ပါ ပျောက်သွားချိန်မှာတော့ အားလုံး လှုပ်လှုပ်ရှားရှား ဖြစ်ကုန်ကြတာပေါ့။

ပိုဆိုးတာက ရှိုအက်ဘ်လေးက မျက်လှည့်ဆရာဇာဖာရဲ့ တိုက်ရိုက်မျက်လှည့်ပွဲမှာ မျက်လှည့်ပြကွက်တစ်ခုမှာ ဝင်ပါပြီး ပျောက်ဆုံးသွားတာဆိုတော့ ပြည်သူကထိတ်လန့်နေသလို ရဲတွေလည်းခေါင်းကိုက်ရပါပြီ။

ဒီလိုနဲ့ပဲ ဇာဖာကိုလည်း ဖမ်းဆီးထိန်းသိမ်းထားပြီး ဒီအမှုကိုကိုင်တွယ်ဖို့ ရစ်ဒ်ဝမ်ဆေယက်ဆိုတဲ့ DSP အထူးရဲကို ဌာနချုပ်က စေလွှတ်လိုက်တာပေါ့။

ဒါပေမဲ့ ဘာရာမူလာမြို့ရဲ့ပြည်သူတွေက ရဲဆိုတာနဲ့ရွံကြောက်နေပြီး အယုံအကြည်မရှိ အလိုမရှိဖြစ်နေတာကို မြင်လိုက်ရချိန်မှာတော့....