❗️Maktab bitiruvchilari shahodatnomalari o‘zbek va ingliz tillarida shakllantiriladi

Tayanch o‘rta ta’lim, umumiy o‘rta ta’lim to‘g‘risidagi shahodatnoma, psixik rivojlanishida nuqsoni bo‘lgan bolalar uchun ixtisoslashtirilgan maktabni tamomlaganlik to‘g‘risidagi sertifikatlar elektron tarzda o‘zbek va ingliz tillarida shakllantiriladi. Bu haqda Maktabgacha va maktab ta’limi vaziri Hilola Umarova ma’lum qildi.

"Mazkur tartib o‘rta ta’lim to‘g‘risidagi shahodatnomaga ega bitiruvchilarning yurtimizdagi hamda xalqaro bitim imzolagan davlatlar hududidagi kollej, texnikum va oliy ta’lim tashkilotlariga kirish uchun hujjatlarni topshirish huquqini beradi", – deyiladi xabarda .

Qayd etilishicha, elektron shahodatnomalar bitiruvchilarga har yili 20-iyunga qadar beriladi.

Buning uchun bitiruvchilar shahodatnomani elektron platformadan shaxsini tasdiqlovchi hujjatidagi tegishli ma’lumotlarni kiritish orqali bepul yuklab olishi mumkin bo‘ladi.

"Eng ahamiyatlisi, shahodatnomalar yo‘qolgan yoki yaroqsiz holga kelgan taqdirda, bitiruvchilarga dublikat shahodatnoma berilmaydi. Bitiruvchilar shahodatnomani elektron platformadan o‘zi istagan vaqtda bepul qayta yuklab olishi mumkin bo‘ladi", deya qo‘shimcha qilgan vazir.

Ta’kidlash lozim, maktab bitiruvchilari oliy o‘quv yurtiga hujjat topshirish uchun Bilim va malakalarni baholash agentligining (sobiq DTM) “ABITUR” dasturiga integratsiya qilingan holda hujjatlarni onlayn topshirish imkoniyati yaratilgan.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

#talaba_murojaati

"... domla starostadan so'rab baho qo'yayapti ... bizga starosta dars o'tmaganku axir"

"Assalomu alaykum men Samarqand davlat chet tillar intitutida ingliz tili 2-fakultet 4 kursda o'qiyman hozir bizga oraliqlar tugab yakuniylar boshlanish arafasida. Bizga o'zbek tilining sohada qo'llanishi fanidan oraliq nazorat olingan edi muammo shundaki domla bizdan olgan oraliq ishiga qarab emas balki staristadan so'rab baho qo'yayapti. Ertaga yakuniy ham shunday bo'ladimi deb qo'rqyapmiz chunki strarostaga yaqin odamlar har doim 5 baho olishadi o'qimasa ham. Qolganlar esa 4 va 3 olishadi haqiqat qani o'zi? Men shunga tushunmayman, domla strarostadan kimga nechi qo'yayin deb o'tirgandan keyin biz nima qilaylik, bizga starista dars o'tmaganku axir!"

P.S. Mana ta'limimiz ahvoli, mana "domla"larning ahvoli. Chetdan dushman qidirishga hojat yo'q. O'zimiz o'zimizga yetamiz)

❗Tuhmat deb o'ylasangiz bizda audio ham bor!

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

Yoshlar ishlar agentligi raisi Alisher Sa'dullayev Sardor Rahmonqulovning onasi bilan suhbatlashgan.

Adolatli yakun yasashiga ishonamiz...

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Iqtidorli yoshlarning tashabbuslarini qo‘llab-quvvatlash maqsadida tashkil etilgan “Mirzo Ulug‘bek vorislari” Respublika tanloviga arizalar qabuli 15-fevralgacha uzaytirildi.

Tanlovning birinchi bosqichi fevral-mart oylarida tuman va shaharlarda 16-25 yoshgacha bo‘lgan yoshlar o‘rtasida o'tkaziladi.

Tanlovda ishtirok etishni xohlovchilarni qo`llab quvvatlash maqsadida call-markazi tashkil etilgan bo`lib, unda tanlovga oid savollarga o`z javobingizni olish imkoniyati mavjud.

“Mirzo Ulug‘bek vorislari” Respublika tanloviga 1-fevral kuni holatiga ko`ra 36062 ta ariza qabul qilindi.

Tanlovda ishtirok etishni istagan yoshlar mazkur sayt orqali ro'yxatdan o'tishlari mumkin.

+99890 806 63 60

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

Dunyo bo'ylab yosh olimlarni rivojlantirish maqsadda yosh iste'dodlar uchun Stipendiya dasturiga The ANSO Scholarship for Young Talents 2023 arizalar qabul qilinmoqda.

The Alliance of International Science Organizations (ANSO) stipendiyasi har yili 200 ta magistratura va 300 nafar talabalarni quyidagi ta’lim yurtlarida oʻqish istagida bo’lganlarni qoʻllab-quvvatlaydi: University of Science and Technology of China (USTC), University of Chinese Academy of Sciences (UCAS), Xitoy bo’ylab Chinese Academy of Sciences (CAS).

Talablar:
- Xitoy fuqaroligiga ega bo'lmaslik;
- ingliz yoki xitoy tillarini mukammal bilish; magistratura: 1993 yil 1 yanvardan keyin tug'ilgan;
- PhD dasturiga: 1988 yil 1 yanvardan keyin tug'ilgan.

Imtiyozlar:
o'qish to'lovlaridan ozod qilinishi;
magistratura uchun stipendiya oyiga 3000 yuan;
PhD stipendiyasi oyiga 6000/ 7000 yuan; tibbiy sug'urta;
bir tomonlama avichipta to’lovi.

Dedlayn: 2023-yil 15-fevral

Batafsil


🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Talabalar bilan uchrashuv

Oliy ta’lim, fan va innovatsiyalar vaziri Ibrohim Abdurahmonov Farg’ona politexnika institutida yosh ixtirochi talabalar tomonidan yaratilgan innovatsion loyihalar bilan tanishdi. Institut talabasi Asadbek Zokirov tomonidan yaratilgan “Avtomatlashtirilgan savdo shkafi” bugungi kundagi innovatsion loyiha ekanligini ta’kidlab, respublikadagi barcha oliygohlarning talabalar turar joylariga o’rnatilishi kerakligini aytdi.

Talablar tomonidan ixtiro qilingan velodrom I. Abdurahmonovda qiziqish uyg’otdi va ushbu qurilmani ham viloyatdagi barcha maktabgacha ta’im muassasalariga o’rnatish zarurligini ta’kidlab, mazkur masala bo‘yicha viloyat Innovatsiya markazi rahbari Z.Yunusovga alohida topshiriq berdi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️ 2 nafar talaba is gazidan vafot etdi

31-yanvar kuni Jizzax shahar Sayilgoh ko‘chasida joylashgan xonadonlarning biridan 4 nafar shaxsning murdasi topilgan. Ularning 2 nafari talaba bo‘lgan.

Sud-tibbiy ekspertizaning ma’lumotiga ko‘ra, marhumlarning o‘limiga is gazidan zaharlanish sabab bo‘lgani ko‘rsatilgan.
©pressauz

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Toshkent viloyatida Angren universiteti ochildi. Unda qanday mutaxassislar tayyorlanadi?

Viloyat hokimligiga koʻra, yangi universitet 8 ta taʼlim yoʻnalishiga ixtisoslashgan. Hozirgacha 4 ming 200 nafarga yaqin hujjatlar qabul qilingan boʻlib, test natijalariga koʻra, 2 500 nafarga yaqin talabalar oliy taʼlim muassasasiga qabul qilindi.

Universitetda davolash ishi, maktabgacha va boshlangʻich, pedagogika va psixologiya, milliy gʻoya, maʼnaviyat asoslari va huquq taʼlimi, moliya va moliyaviy texnologiyalar, iqtisodiyot, xorij tillari va adabiyoti kabi yoʻnalishlarda oʻqitiladi.

Keyingi oʻquv yiliga taʼlim yoʻnalishlari sonini koʻpaytirish va magistratura bosqichini yoʻlga qoʻyish rejalashtirilgan.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️TTA talabalaridan hajviya!

Rivojlanishlar yomonmas… 1,2 kunda o‘rnizga darsga borish xizmati, o‘rnizga imtixonga kirib berish xizmati, o‘rnizga kitob o‘qish xizmati deganlari chiqsa ajablanmang!!

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Magistratura javoblari qachon chiqadi?

Ko’pchilik magistratura uchun qishki qabulning javoblari qachon chiqishi haqida so’rayotgan edi. Bu bo’yicha Oliy ta’lim, fan va innovatsiyalar vazirligi mas’ullaridan aniqlik kiritdim.

Ma’lum qilinishicha, ayni kunlarda deyarli barcha javoblar tayyorlangan, kelgusi haftada Davlat qabul komissiyasining bayoni chiqishi kutilmoqda.

Demak, kelasi haftada magistraturaga topshirgan abituriyentlar o’z natijalarini bilib olishlari mumkin bo’ladi.


👉 @xushnudbek

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️TOEFL ITP va TOEIC imtihonlari uchun talabgorlarni ro‘yxatga olish boshlandi

Davlat test markazi huzuridagi Ilmiy-o‘quv amaliy markazi tomonidan TOEFL ITP va TOEIC imtihonlari uchun talabgorlarni onlayn ro‘yxatga olish boshlandi.

Talabgorlarni ro‘yxatga olish https://my.dtm.uz/ilmiy/service havola (“Ilmiy markaz” bo‘limi) orqali amalga oshirilmoqda va 13-fevralga (to‘lovni amalga oshirish 14-fevral soat 10:00) ga qadar davom etadi.

Imtihonlar esa 15-fevral kuni soat 14:00 Toshkent shahrida Davlat test markazi binosi (Bog'ishamolko'chasi 12-uy) da kompyuterda elektron tarzda o‘tkaziladi.

TOEFL ITP va TOEIC imtihonlaridan muvaffaqiyatli o‘tgan talabgorlarga ETS tashkilotining xalqaro sertifikatlari taqdim etiladi.

TOEFL ITP va TOEIC sertifikatlari xalqaro tan olingan sertifikatlar bo‘lib, mazkur sertifikatlarga ega bo‘lgan talabgorlar Prezidentning PQ-5117-son qarorida belgilangan imtiyozlardan foydalanishlari mumkin bo‘ladi.

Imtihonlar bo‘yicha to‘liq ma’lumot va qo‘llanmalar:

TOEFL ITP — ma’lumot | qo‘llanma;
TOEIC Listening and Reading Test — ma’lumot | qo‘llanma;
TOEIC Speaking and Writing Tests — ma’lumot | qo‘llanma.

Murojaat uchun:
- (95) 515-68-68

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️“Istiqbol” gazetasi havaskor ijodkorlarga o‘z ijodiy qobiliyatlarini sinab ko‘rishi uchun imkoniyat taqdim etadi!

DIQQAT TANLOV!

Agar siz yam-yashillikni sog‘ingan, boychechaklar unib chiqishini intiq bo‘lib kutayotgan qalamkashlardan biri bo‘lsangiz albatta
“Bahorga maktub” nomli ijodiy tanlovimizda ishtirok eting!!!

Tanlov shartlari quyidagilardan iborat:

1. Bahor fasliga maktub yo‘llang! Siz yozgan maktub 1-3 bet oralig‘ida, Word dasturining Times New Roman 14 shrifti, 1,5 intervalda yozilgan bo‘lishi kerak;

2. Maktubda bahorni sog‘inganingizni, bahorda nimalarni amalga oshirmoqchi ekaningizni, tabiatga murojaatingizni mazmunli ifoda etib bera olishingiz kerak;

3. Maktubingiz imloviy va uslubiy xatolardan xoli bo‘lishi kerak;
4. Tanlovda professional ijodkorlar ishtirok etishi mumkin emas!

5. Tanlovga yuborilayotgan maktublar joriy yilning 15-fevraldan 15-martiga qadar qabul qilinadi. Materiallar tanlov uchun tuzilgan maxsus tanlov hay’ati tomonidan ko‘rib chiqiladi.

6. Eng yaxshi deb topilgan ijodiy ishlar tahririyat ijtimoiy tarmoqlarida yoritib boriladi. G‘oliblar 25 –mart kuniga qadar gazetaning ijtimoiy sahifasida e’lon qilinadi.

7. Tanlovda g‘olib, deb topilgan maktub egalari maxsus nominatsiyalar bo‘yicha e’lon qilinadilar.

8. G‘olib bo‘lgan mualliflar DIPLOM va tahririyat SOVG‘ASI bilan taqdirlanadilar. Shuningdek, o‘z ijodiy ishlarini yil davomida “Istiqbol” gazetasining bosma nashrida chop etish imkoniyati beriladi.

Agar siz g‘olib bo‘lsangiz-u, tahririyatga kelishga imkoningiz bo‘lmasa, biz sizga “O‘zbekiston pochtasi” orqali g’oliblik diplomi va tahririyat sovg‘asini yuboramiz.

Tanlovda ishtirok etish uchun ijodiy ishlarni @tanlov_hakami profiliga yuborishingiz mumkin.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

Dekanatga kiraverishda eshikka yozib qo'yilgan xabarlardan biri😁

To'g'risiyamda, bularni qizlar haqida ma'lumot berishdan boshqa ishi yo'qmi)))

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg