❗️26-sentabr - Davlat xavfsizlik xizmati xodimlari kuni

DXX – mamlakatimizning konstitusiyaviy tuzumini, suverenitetini, hududiy yaxlitligini hamda boshqa manfaatlarini tashqi va ichki tahdidlardan himoya qilish masalalari bo‘yicha maxsus vakolatli organ hisoblanadi.

Fursatdan foydalanib, soha xodimlarini tabriklaymiz!

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ O‘quvchi dars vaqtida o‘qituvchiga hurmatsizlik qilib kamsitsa qanday chora ko‘riladi?

Maktabgacha va maktab ta’limi vazirining 2023-yil 31-avgustdagi 282-son buyrug‘i bilan tasdiqlangan umumiy o‘rta ta’lim muassasasining takomillashtirilgan namunaviy odob-axloq qoidalari 15-bandiga asosan o‘quvchilarga o‘zaro munosabatlarda inson shaxsiyatini va qadr-qimmatini kamsitish (diskriminatsiya), haqorat qilish va behayo so‘zlarni ishlatishi, turli xil (jismoniy, ruhiy va boshqa) zo‘ravonlikni ko‘rsatishi taqiqlanadi.

Bunday holatda ota-onaga Ma’muriy javobgarlik to‘g‘risidagi kodeks 47-moddasi ikkinchi qismi bilan javobgarlik chorasi qo‘llaniladi.

Bundan tashqari, xuddi shunday huquqbuzarliklar ma’muriy jazo chorasi qo‘llanilganidan keyin bir yil davomida takror sodir etilsa, bazaviy hisoblash miqdorining 5 baravaridan 10 baravarigacha miqdorda jarima solishga sabab bo‘ladi.

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ Bugun 1-bosqich talabalari ijara pulini olish uchun ariza berishlarining oxirgi kuni

Ulardan ariza 24–27-sentyabr kunlari onlayn olinadi.

❗️Eslatma: Nizomga asosan “talabalar turar joyi bilan qamrab olinmagan” deganda yotoqxonada turishga ehtiyoji bor, ammo joylar soni cheklanganligi bois ijarada turishi taqozo qilgan talabalar tushuniladi. Shu bois, o‘z ixtiyoriga ko‘ra ijarada turuvchilarga kompensatsiya to‘lovlari belgilanmasligi eslatib o‘tiladi.

Arizalar vazirlikning kontrakt.edu.uz platformasi orqali faqat onlayn qabul qilinadi.

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ O‘quvchilarga dars vaqtida telefondan foydalanish, uni parta ustiga qo‘yish mumkin emas

Xalq ta’limi vazirining buyrug‘i bilan tasdiqlangan "Umumiy o‘rta ta’lim muassasalarining ichki tartib va odob-axloq qoidalari"ga ko‘ra o‘quvchilarga dars mashg‘ulotlari vaqtida quyidagilar taqiqlanadi:

➖ dars vaqtida o‘rinsiz gaplashish, ovqatlanish, saqich chaynash;
➖ qog‘oz va boshqa keraksiz narsalarni qoldirib ketish;
➖ mashg‘ulotlar yakunlangunga qadar ta’lim muassasasi hududidan o‘qituvchilar ruxsatisiz tashqariga chiqish;
➖ yozma ishlar va oraliq nazoratlarni bajarish vaqtida chetdan yordam so‘rash;
➖ boshqa o‘quvchilar tomonidan tayyorlangan topshiriqlar yoki yozma ishlarni o‘z nomidan topshirish;
➖ telefondan (smartfon, planshet va boshqa gadjet qurilmalar) foydalanish, uni parta ustiga qo‘yish mumkin emas.

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ Boshqa kasbdagilar 40 soat ishlasa, o'qituvchilar 36 soat ishlaydi

Nega?

⏰ Qonunchilikka ko‘ra, ishi yuqori darajadagi ruhiy, aqliy va asabiy zo‘riqish bilan bog‘liq bo‘lgan, ya’ni alohida xususiyatga ega bo‘lgan tibbiyot xodimlari, pedagoglar va boshqa toifadagi xodimlar uchun ish vaqtining davomiyligi haftasiga ko‘pi bilan 36 soat qilib belgilanadi.

🎓 Talaba.uz rasmiy kanali 👇
https://t.me/+D8upafGDfsdiNGNi

❗️ Bugun hamma xodimlar 1 soat vaqtli ketishi kerak

Mehnat kodeksining 187-moddasiga ko‘ra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.

Ertaga 1-oktyabr — O‘qituvchi va murabbiylar kuni, yaʼni ishlanmaydigan bayram.

😌 Demak, bugun ishga chiqqan xodimlar 1 soat vaqtliroq uyiga ketishga haqli.

🎓 Talaba.uz rasmiy kanali 👇
https://t.me/+D8upafGDfsdiNGNi

Toshkent davlat agrar universitetining o'quv binosi hamda universitet hududida joylashgan O'rmon xo'jaligi agentligi binosi yonmoqda.

Ushbu 2ta alohida binoda nima sababdan yong'in kelib chiqqani hozircha noma'lum.

🎓 Talaba.uz rasmiy kanali 👇
https://t.me/+D8upafGDfsdiNGNi

🔥 Qibray tumanida sodir bo‘layotgan yong‘in to‘g‘risida ma’lumot

Bugun soat 20:10 da Toshkent viloyati, Qibray tumanida joylashgan Toshkent Davlat agrar Universiteti hududidagi binoda yong‘in sodir bo‘layotganligi to‘g‘risida FVBga xabar tushgan.

Shunga ko‘ra yong‘in-qutqaruv ekipajlari soat 20:17da hodisa joyiga yetib borib, yong‘in bartaraf etilmoqda. Vaziyat to‘liq nazoratga olingan.

Hodisa oqibatida tan jarohati olgan va halok bo‘lganlar to‘g‘risida ma’lumot kelib tushmadi.

Hodisa yuzasidan qo‘shimcha ma’lumot taqdim etiladi.

🎓 Talaba.uz rasmiy kanali 👇
https://t.me/+D8upafGDfsdiNGNi

Hurmatli ustozlar va murabbiylar!

1-oktyabr bu insonlar hayotida oʻqituvchi va murabbiylarning oʻrni qanchalik muhim ekani izhor etiladigan bayramdir. Yurtimizda bu kun oʻz hayotini kelajak avlodni oʻqitish va tarbiyalashga bagʻishlagan siz ustozlarga hurmat va minnatdorlik bildiramiz.

Sizlar millat kelajagini shakllantiruvchi yetakchilarsiz –  bilim berish bilan bir qatorda yoshlarning fikri, dunyoqarashini oʻzgartirib, millat xarakteriga taʼsir koʻrsatish kuchiga egasiz. Shavkat Mirziyoyev aytganidek “Bizning dunyodagi eng aziz va moʻtabar xazinamiz – bu umrimiz guli va mevasi boʻlgan farzand va nabiralarimizdir”. Siz mana shu farzandlarimiz va nabiralarimizning intiluvchan, yangiliklarga tashna, adolatparvar,  mehnatkash, haqiqatgoʻy insonlar boʻlib yetishishlariga sababchisizlar.

Ustoz va murabbiylar bayrami munosabati bilan sizlarning kelajak avlodlar tarbiyasi va taʼlim-tarbiyasi yoʻlidagi mehnatingizga ulkan muvaffaqiyatlar tilaymiz! Ilmiy kashfiyotlar, yangiliklar va taraqqiyot poydevorini shakllantirishdagi saʼy-harakatlaringiz hamisha yutuqlarga boy boʻlsin!

Har kuni siz yoshlarga yangi bilim ufqlarini ochasiz, ularga dunyoda oʻz yoʻllarini topishga yordam berasiz, ularning qobiliyatlarini sayqallaysiz va ularga ilhom bagʻishlaysiz. Sizning aql-zakovatingiz, professionalligingiz va mukammallikka intilishingiz tufayli zamonaviy dunyo sinovlariga tayyor mutaxassislar yetishib chiqmoqda. Sizning mehnatingiz tufayli olgʻa intilmoqdamiz, xalqaro maydonda oʻz oʻrnimizni mustahkamlab, raqobatbardosh taʼlim tizimi ishlab chiqilmoqda.

Barchangizga sihat-salomatlik, kuch-gʻayrat, yangi ilmiy va pedagogik gʻalabalar hamda shogirdlaringizning ulkan yutuqlarini tilaymiz!

🎓 Talaba.uz rasmiy kanali 👇
https://t.me/+D8upafGDfsdiNGNi

Qibray tumanida joylashgan Toshkent Davlat agrar universiteti hududida sodir bo‘lgan yong‘in holati yuzasidan Jinoyat kodeksining 259-moddasi 2-qismi (Yong‘in xavfsizligi qoidalarini buzish) bilan jinoyat ishi qo‘zg‘atilib, tergov ishlari olib borilmoqda.

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ Super-kontraktda istalgan o'qishdan yiqilgan abituriyent o'qishi mumkin. Lekin buning ham tartibi bor

🖥 Tasdiqlangan tartibga ko'ra, 5 ta yo'nalishdan bittasiga ham kirmagan abituriyentlar ro‘yxatdan o‘tishda tanlagan yoʻnalishlaridan birida super-kontrakt asosida oʻqishiga ruxsat beriladi.

❗️ Bunda, OTM tomonidan talabalikka qabul qilish tanlov boʻyicha birinchi bakalavriat taʼlim yoʻnalishida eʼlon qilingan test sinovlari natijalariga koʻra, abituriyentlaring toʻplagan balini asos sifatida qabul qilib, murojaat etgan abituriyentlarning arizalariga muvofiq, toʻplagan ballari qatʼiy ketma-ketligiga rioya etgan holda amalga oshiriladi.

Ya'ni yiqilganlar chizig'ida kim yuqoriroq o'rinda bo'lsa, unda o'qish imkoni ko'proq bo'ladi.

🎓 Talaba.uz rasmiy kanali 👇
https://t.me/+D8upafGDfsdiNGNi

❗️Diqqat, eslatma!
pedagog.edu.uz sayti orqali onlayn ro‘yxatdan o‘tgan arizalarni tahrirlash 4-oktyabr soat 23:59 da to‘xtatiladi

O‘rta maxsus va professional ta’lim muassasalarining majburiy attestatsiyadan o‘tish yoki navbatdan tashqari (ixtiyoriy) attestatsiyada ishtirok etish istagida onlayn ro‘yxatdan o‘tgan va arizasi ko‘rib chiqilayotgan pedagog kadrlar joriy yilning 4-oktyabr kuni yakuniga qadar arizalarini tahrirlashlari va belgilangan yig‘im summasi bo‘yicha to‘lovlarni amalga oshirishlari lozimligini eslatamiz.

❗️O‘z vaqtida to‘lovni amalga oshirmagan arizalar ko‘rib chiqilmaydi.

🎓 Talaba.uz rasmiy kanali 👇
https://t.me/+D8upafGDfsdiNGNi

Telefon raqami – shaxsiy ma’lumot

Bizda shaxsiy ma’lumotlarni tarqatish odatiy holdek, ammo bu toʻgʻrimi?

Hozirgina menga Target xususiy maktabidan qoʻngʻiroq boʻldi va qayta bogʻlanishni aytishdi.

Qayta bogʻlanib, mening raqamimni qayerdan olishganini soʻradim. Operator qiz, farzandlarim bor/yoʻqligi va yoshim bilan qiziqdi. Men aytmadim va maktab huquqshunosi bilan bogʻlashni aytdim. Qoʻngʻiroq qilishar ekan

Bizda ayrim “uddabron” marketologlar bor. Telefon raqamlari bazasini sotib olishadi. Ularga ham boshqa uddabron sotadi. Eslatib qoʻyay, bu marketing emas. Bu jinoyat

O‘zbekiston Respublikasi Ma’muriy javobgarlik to‘g‘risidagi kodeksining 461-moddasiga ko‘ra, shaxsning shaxsiy yoki oilaviy sirini tashkil etuvchi shaxsiy hayoti to‘g‘risidagi ma’lumotlarni uning roziligisiz qonunga xilof ravishda yig‘ish yoki tarqatish bazaviy hisoblash miqdorining 10 baravaridan 40 baravarigacha miqdorda jarima solishga sabab bo‘ladi.

Men Target maktabi reklamasini 2 yilcha avval, adashmasam, Chilonzor metroda koʻrgan edim, boʻldi. Raqam ham, ariza ham qoldirmaganman.

Huquqshunosdan aniqlashtirib olaman endi

©️ Nurbek Yuldoshev

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ Xorijda tahsil olayotgan talabalar soni bo‘yicha O‘zbekiston - dunyoda 3-o‘rinda 
 
📊 YUNESKO statistika instituti ma’lumotlariga ko‘ra, 2023 yilning 1 yanvar holatiga, xorijda tahsil olayotgan O‘zbekistonlik talabalar soni 150,5 ming nafarni tashkil etgan.  
  
✅ Xorijiy davlatlarda tahsil olayotgan O‘zbekistonlik talabalar soni bir yil ichida qariyb 24 ming nafarga oshgan.  
  
✅ Mintaqadagi ayrim davlatlar bo‘yicha xorijda tahsil olayotgan talabalar soni:

— Qozog‘iston – 78,3 ming nafar
— Ukraina – 76,8 ming nafar
— Rossiya – 63,6 ming nafar
— Turkmaniston – 60,9 ming nafar
— Ozarbayjon – 49,7 ming nafar
— Afg‘oniston – 34,3 ming nafar
— Tojikiston – 32,5 ming nafar
— Belarus R. – 27,0 ming nafar
— Qirg‘iziston R. – 17,1 ming nafar

🎓 Talaba.uz rasmiy kanali 👇
https://t.me/+D8upafGDfsdiNGNi

📌 Assalomu alaykum va rohmatullohi va barokatuh. Juma tongi muborak bo‘lsin.

🌤☁️ Sog‘–salomat uyg‘otgan Robbimizga hamdlar bo‘lsin!

🍁 Asl saodat nafas olib turgan har onimizga shukr qila olishdir...

🍁 Shukr va zikrga boy kun bo‘lsin!

🍂 Kuningiz mazmunli o‘tsin!.

Sayyidul ayyom va hajjul masokinning hayr-u barokatlaridan Alloh barchamizni nasibador qilsin.

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ Rasman: xotin-qizlar kollej, texnikumlarda grant o'qiydigan bo'ldi

📄 Bunga oid hukumat qarori bor.

Unga koʻra, kollej va texnikumlarga qurilish, transport, kommunal, qishloq xo‘jaligi va xizmat ko‘rsatish sohalarida o'qiydigan xotin-qizlar davlat granti asosida taʼlim oladi.

Kollej va texnikumlarga to‘lov-kontrakt asosida o‘qishga qabul qilingan xotin-qizlar 10-oktyabrga qadar muassasa direktori nomiga davlat granti asosida taʼlim olish uchun ariza bilan murojaat qiladi.

Davlat granti asosida taʼlim oladigan xotin-qizlarga ajratiladigan pullar maqsadli sarflanishi uchun direktorlar shaxsan javobgar bo'ladi.

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ Til o'rganayotgan vaqtingizda yangi so'zlarni samarali yodlash uchun quyidagi tavsiyalarga amal qilishingiz mumkin:

1️⃣ Kontekstda o'rganish: So'zlarni alohida emas, balki ularni kontekstda o'rganing. Kitob o'qish, maqolalar yoki filmlar orqali yangi so'zlarni yodlash foydali.

2️⃣ Flashcardlardan foydalanish: Flashcardlar yordamida so'zlarni va ularning ma'nolarini tezda yodlash mumkin. Bir tomonda so'z, boshqa tomonda esa uning tarjimasi, tasviri yoki izohi bo'lishi mumkin.

3️⃣ Maqollar va iboralar: Yangi so'zlarni o'rganishda ularni maqollar yoki iboralarda ishlatishga harakat qiling. Bu sizga so'zlarni yanada chuqurroq tushunishga yordam beradi.

4️⃣ Taqsimlangan o'rganish: Har kuni bir necha yangi so'z o'rganing va ularni muntazam ravishda takrorlang. O'rganilgan so'zlarni unutmang.

5️⃣ O'zaro muloqot: Ingliz tilida suhbatlashish imkoniyatlarini qidiring. Do'stlaringiz bilan yoki onlayn platformalarda muloqot qilish yangi so'zlarni amalda ishlatishga yordam beradi.

6️⃣ O'yinlar va ilovalar: Ingliz tilini o'rganish uchun mo'ljallangan o'yinlar va mobil ilovalarni foydalaning. Bu jarayonni qiziqarli va samarali qiladi.

7️⃣ Yozma mashqlar: Yangi so'zlarni yozma mashqlarda ishlating. Kundalik yoki qisqa hikoyalar yozish orqali so'zlarni mustahkamlashingiz mumkin.

8️⃣ Vizual materiallar: So'zlarni rasm yoki diagrammalar bilan bog'lash, ularni yodlashni osonlashtiradi.

9️⃣ Sabrlilik: Yodlash jarayoni vaqt talab qiladi, shuning uchun sabrli bo'ling va muntazam ravishda harakat qiling.

❗️ Ushbu tavsiyalarni amalda qo'llash orqali yangi so'zlarni samarali yodlay olasiz!

🎓 Talaba.uz rasmiy kanali 👇
https://t.me/+D8upafGDfsdiNGNi

C1 darajali talabalar o'quvchilarga dars berishi mumkin

◾️ Prezident qaroriga ko'ra, 2024–2026-yillarda oliy ta’lim tashkilotlarining xorijiy til filologiyasi ta’lim yo‘nalishi bo‘yicha 3 va 4-kursda tahsil olayotgan hamda kamida C1 darajadagi sertifikatga ega talabalariga umumiy o‘rta, o‘rta maxsus va professional ta’lim tashkilotlarida o‘qituvchi sifatida mehnat faoliyatini amalga oshirishiga ruxsat etiladi.

🎓 Talaba.uz rasmiy kanali 👇
https://t.me/+D8upafGDfsdiNGNi

⚡️ Leksiyalardan foydali ma'lumotlarni olishning eng yaxshi 5 usuli

1️⃣ Ma'ruzada qatnashing va diqqatni o'qituvchiga qarating. Diqqat bilan tinglang, telefoningiz yoki boshqa narsalarga chalg'itmang.

2️⃣ O'qituvchi foydalanadigan asosiy tushuncha va kalit so'zlarga diqqat qiling, ularni yozib oling. Bu mavzuni yaxshiroq tushunishga va muhim ma'lumotlarni eslab qolishga yordam beradi.

3️⃣ Ma'ruzada qatnashing, biror narsa aniq bo'lmasa, savollar bering. Bu ma'lumotni aniqlashtirishga va mavzuni ko'proq tushunishga yordam beradi.

4️⃣ O'z bilim va tushunchangizni chuqurlashtirish uchun o'qituvchi taqdim etishi mumkin bo'lgan qo'shimcha materiallardan, masalan, taqdimotlar yoki maqolalardan foydalaning.

5️⃣ Ma'ruzadan keyin olingan bilimlarni mustahkamlash va muhim fikrlarni eslab qolish uchun materialni takrorlashni unutmang.

🎓 Talaba.uz rasmiy kanali 👇
https://t.me/+D8upafGDfsdiNGNi