#rasmiy

10-06 рақамни териш орқали фуқаролар Мактабгача ва мактаб таълими вазирлиги ҳамда Олий таълим, фан ва инновациялар вазирликлари билан боғланиш мумкин.

Бунда 1006 ни териб 1 босиш билан Мактабгача ва мактаб таълими вазирлигига, 2 ни босиш билан бизни вазирликка тушилади.

Ушбу видеони ёзиб олган фуқаро бизни вазирликка термоқчи бўлиб, 1 босиб юборган, яъни Мактабгача таълим вазирлигига тушган.

Сабаби, видеодаги кутиш вақтида орқа фонда яйраётган мусиқа билан бизни телефондаги мусиқа умуман бошқа-бошқа.

Шунингдек, ишонч телефон дастурий таъминот тизимида 23-24 июн кунлардаги видео ёзиб олинган вақт, яъни 12:30 дан 13:30 гача бўлган вақт ичидаги телефон қўнғироқлар ўтганилиб чиқилди. Ушбу кунларда фуқароларнинг энг кўп кутиш вақти 17:40 дақиқани ташкил этган

❗️Bugun akademik litseylarga hujjatlar 24:00 ga qadar qabul qilinadi

Talabgorlar roʻyxatdan oʻtish jarayonida tizimga ID karta yoki tug‘ilganlik haqida guvohnoma ma’lumotlarini kiritishlari va quyidagi hujjatlarni elektron shaklda (PDF, JPEG) yuklashlari lozim:

🔹 3,5x4,5 cm oʻlchamdagi 1 ta rangli fotosurat;
🔹 O‘qishga imtiyozli kirish huquqini beruvchi hujjatlar — fan olimpiadasi gʻolibi ekanligini tasdiqlovchi diplom, chet tili va umumtaʼlim fanlarni bilish darajasi toʻgʻrisidagi milliy yoki xalqaro sertifikat (mavjud boʻlsa).

Tizimga shaxsiy ma’lumotlar kiritilganda, tug‘ilganlik to‘g‘risidagi ma’lumotlar FHDYO organi bazasidan, maktab va shahodatnoma to‘g‘risidagi ma’lumotlar esa Maktabgacha va maktab ta’limi vazirligining e-shahodatnoma.uz axborot tizimi orqali avtomatik tarzda olinadi.

📝 Yo‘nalish tanlash tartibi: Ro‘yxatdan o‘tishda abituriyentlarga uchtagacha akademik litseyning ta’lim tili bir xil bo‘lgan bittadan mos yo‘nalishini (barcha tanlangan litseylarda ta'lim tili bir xil bo'lishi shart) tanlash imkoniyati beriladi.

Abituriyentning to‘plagan ballari u tanlagan birinchi akademik litseyga yetarli bo‘lsa, u yerga o‘qishga qabul qilinadi va uning natijalari o‘sha litseyda e’lon qilinadi. Bunday holatda uning ikkinchi va uchinchi litseylar tanlovida ishtirok etishiga ruxsat etilmaydi.

Agar ballari birinchi va ikkinchi litseylarga yetmay, uchinchi litseyga yetarli bo‘lsa, uning natijalari faqat uchinchi akademik litsey yo‘nalishida e’lon qilinadi.

ℹ️ Talabgorlar roʻyxatdan oʻtishda qaysi chet tilidan kirish test sinovini topshirishini belgilaydi hamda oʻzi tanlagan hududda tashkil etiladigan kirish test sinovlarida ishtirok etadi.

ℹ️ Eslatib o‘tamiz, barcha arizalar my.edu.uz platformasi orqali onlayn tarzda qabul qilinmoqda.

Talaba.uz rasmiy kanali 👇
https://t.me/+D8upafGDfsdiNGNi

#Qabul2026 #Ikkinchi_mutaxassislik

❗️Ikkinchi mutaxassislik uchun onlayn arizalar topshirish boshlangan

10-iyuldan boshlab oliy ma’lumotga ega bo‘lgan shaxslar uchun bakalavriat ta’lim yo‘nalishlariga ikkinchi va undan keyingi oliy ma’lumotni olish uchun arizalar qabul qilish boshlandi.

Arizalar 10-avgust kuniga qadar (shu kuni ham) my.edu.uz platformasi orqali onlayn shaklda qabul qilinadi.

📝 Onlayn ariza topshirish uchun talab etiladigan hujjatlar:

▪️Fuqarolik pasporti yoki ID-karta ma’lumotlari;
▪️Bakalavr diplomi va uning ilovasining elektron nusxasi;
▪️O‘qish istagini bildirgan oliy ta’lim tashkiloti hamda ta’lim yo‘nalishi tanlovi.

❓Qabul parametrlari va kvotalar qanday belgilanadi?

Ikkinchi va undan keyingi oliy ta’lim bo‘yicha qabul parametrlari har bir oliy ta’lim tashkilotining ilmiy-pedagogik salohiyati hamda moddiy-texnik bazasi hisobga olingan holda, oliy ta’lim tashkilotining Kengashi tomonidan mustaqil belgilanadi.

Talaba.uz rasmiy kanali 👇
https://t.me/+D8upafGDfsdiNGNi

❗️Xorijiy diplom beruvchi yangi markazlar hamda Toshkent xalqaro universitetlar shaharchasi barpo etiladi

Taqdimot doirasida oliy ta’lim tizimini xalqaro standartlarga moslashtirish va talabalar xarajatlarini keskin kamaytirishga qaratilgan qo‘shimcha strategik loyihalar ko‘rib chiqildi:

➖ yangi integratsiyalashgan tizim (“1+3”, “2+2”) orqali talabalarning xorijdagi o‘qish va yashash xarajatlari 10 barobargacha qisqartiriladi (hozirda Britaniyada o‘qiyotgan har bir talabaga yiliga 50 ming dollargacha mablag‘ sarflanmoqda);

➖ Xalqaro malakalar va baholash markazi tomonidan 2027-yil yakuniga qadar yetakchi xorijiy oliygohlar diplomini beradigan kamida ikkita ta’lim dasturlari markazi tashkil etiladi;

➖ Qatar (“Education City”), BAA (Dubay xalqaro akademik shahri) va Koreya (Inchxon global kampusi) tajribasi asosida nufuzli chet el oliygohlari filiallari va kampuslarini jamlagan “Toshkent xalqaro universitetlar shaharchasi” barpo etiladi;

➖ ma’lumot uchun, so‘nggi 8 yilda mamlakatimizda oliy ta’lim bilan qamrov darajasi 9 foizdan 44 foizga, talabalar soni esa 270 mingdan 1,7 million nafarga yetdi.

Talaba.uz rasmiy kanali 👇
https://t.me/+D8upafGDfsdiNGNi

#Kasbiy_imtihon #Qabul2026

Samarqand davlat pedagogika institutida kasbiy (ijodiy) imtihonlar joriy yilning 13-iyulidan 17-iyulga qadar yo‘nalishlar kesimida o‘tkaziladi.

➡️ 2026/2027-o‘quv yili uchun kasbiy (ijodiy) imtihonlarni o‘tkazish grafigi

Abituriyentlarga qo‘yiladigan talablar hamda baholash mezonlari:

📝60110600 - Musiqa ta’limi 
📝60111500 - Tasviriy san’at va muhandislik grafikasi 
📝61010200 - Sport faoliyati (voleybol) 
📝61010200 - Sport faoliyati (kurash) 
📝60111200 - Jismoniy madaniyat (o‘zbek) 
📝60111200 - Jismoniy madaniyat (imkoniyati cheklangan)

📱 Murojaat uchun telefon raqamlari:
+998 95 826 82 15
+998 95 826 82 17
+998 95 826 82 19

📍 Imtihon o‘tkaziladigan hududlar:
❇️ Samarqand shahar, Spitamen-shoh ko‘chasi, 166-uy
❇️ Samarqand shahar, Mirzo Ulug‘bek ko‘chasi, 54-uy

❗️Eslatma: Abituriyentlar imtihon boshlanishidan kamida 1 soat avval shaxsini tasdiqlovchi hujjat (pasport yoki ID karta) hamda abituriyent ruxsatnomasi bilan belgilangan hududga yetib kelishlari lozim.

✅ Abituriyent ruxsatnomasi my.uzbmb.uz platformasidagi shaxsiy kabinet orqali yuklab olinadi.

Talaba.uz rasmiy kanali 👇
https://t.me/+D8upafGDfsdiNGNi

⚡️Joriy yilgi test topshiriqlari soni hamda baholash mezonlari

Oliy ta’lim, fan va innovatsiyalar vazirligining tegishli buyrug‘i bilan 2026-2027-o‘quv yili uchun respublika oliy taʼlim muassasalarining bakalavriat taʼlim yoʻnalishlariga mos test sinovi topshiriladigan fanlar boʻyicha test topshiriqlari soni hamda baholash mezonlari tasdiqlandi.

🔴 Barcha test topshiruvchilar uchun majburiy 3 ta fan:

🔹 Ona tili (o‘zbek, rus, qoraqalpoq) x 10 ta;
🔹 Matematika x 10 ta;
🔹 O‘zbekiston tarixi x 10 ta;

30 ta savol uchun 1.1 balldan jami 33 ball.

🟢 Bakalavriat ta’lim yo‘nalishiga mos bo‘lgan 2 ta fan:

🔹 1-fan: 30 ta savol x 3.1 ball = 93.0 ball
🔹 2-fan: 30 ta savol x 2.1 ball = 63.0 ball

60 ta savoldan jami 156,0 ball.

2026-2027-o‘quv yili qabulida abituriyentlarga umumiy 5 ta fan bo‘yicha jami 90 ta test topshirig‘i beriladi. Bunda to‘plash mumkin bo‘lgan maksimal ball – 189 ballni tashkil etadi.

Talaba.uz rasmiy kanali 👇
https://t.me/+D8upafGDfsdiNGNi

⚡️ Imtihonlarda yetarli ball toʻplay olmaganlar super-kontrakt asosida oʻqishlarini koʻchirishlari mumkin

Imtihonlarda yetarli ball toʻplay olmagan abituriyent hamda "perevodchilar" uchun super-kontrakt asosida o'qish uchun avvalgidek 4 ballik shkala amal qiladi:

➖ 1,05 ballgacha yetmagan abituriyentlar uchun — bazaviy to'lov-kontrakt miqdorining 1,5 barobari;
➖ 1,05 balldan 2.05 ballgacha yetmagan abituriyentlar uchun - bazaviy to'lov-kontrakt miqdorining 2,0 barobari;
➖ 2,05 balldan 3,05 ballgacha yetmagan abituriyentlar uchun — bazaviy to'lov-kontrakt miqdorining 2,5 barobari;
➖ 3,05 balldan 4,05 ballgacha yetmagan abituriyentlar uchun — bazaviy to'lov-kontrakt miqdorining 3,0 barobari.

✅ 4,05 balldan yuqori yetmagan lekin minimal belgilangan (56,7) balldan kam bo'lmaganlar uchun bazaviy kontrakt miqdoriga belgilangan barobari (masalan: 8 mln kontrakt 4 barobari = 8*4=32 mln) to'laydilar. Bu toifadagilar uchun har bir OTMda super kontrakt miqdori turlicha belgilangan.

❌ Minimal o'tish balidan kam to'plaganlar ya'ni 56,7 balldan kamroq to'plagan super kontrakt asosida o'qish imkoniyatiga ega emaslar. Ya'ni test sinovlari natijasiga ko'ra 56,7 balldan kam to'plagan bo'lsangiz saytda sizda super-kontrakt uchun ariza yozish imkoniyati ham berilmaydi. Sababi yuqoridagi minimal ballni to'play olmaganlar uchun giper kontrakt oʻtgan yildan bekor qiligan.

Super-kontrakt asosida o'qish istagini bildirganlar kontrakt summasini kamida 50% to'lasagina talabalar safiga qabul qilinadilar.

❗️ ESLATMA: oʻtish baliga 4,05 balldan yuqori yetmaganlar uchun super kontrakt miqdori ta'lim yoʻnalishlari va OTMlarga qarab farq qiladi.

Talaba.uz rasmiy kanali 👇
https://t.me/+D8upafGDfsdiNGNi

📊 2026/2027-o‘quv yili qabuli: asosiy statistik ko‘rsatkichlar

2026/2027-o‘quv yili uchun oliy va kasbiy ta’lim muassasalariga kirish bo‘yicha onlayn ro‘yxatdan o‘tish yakunlandi.

📝 Joriy yilda 677 907 nafar abituriyent ro‘yxatdan o‘tdi.

📚 Test sinovlarida 664 609 nafar abituriyent ishtirok etadi.

📄 Ro‘yxatdan o‘tish jarayonida 24 526 ta xalqaro sertifikat tasdiqlandi.

🏅 Shuningdek:
🔹 193 186 nafar abituriyent umumta’lim fanlari;
🔹 125 354 nafar abituriyent chet tillari bo‘yicha milliy yoki xalqaro sertifikat bilan ro‘yxatdan o‘tdi.

✅ Barcha fanlardan milliy yoki xalqaro sertifikatga ega bo‘lgan 12 997 nafar abituriyent test sinovlaridan ozod etilib, bevosita tanlov bosqichiga o‘tkazildi.

🏢 Test sinovlari 64 ta yirik sig‘imli binoda tashkil etiladi. Bir smenada 35 490 nafar, bir kunda esa 70 980 nafar abituriyent test topshirishi rejalashtirilgan.

Talaba.uz rasmiy kanali 👇
https://t.me/+D8upafGDfsdiNGNi

#OʻqishniKoʻchirish #Bakalavr #Turdosh

2026/2027-o‘quv yili uchun talabalar o‘qishini ko‘chirish (ko‘chirib tiklash) bo‘yicha turdosh bakalavriat yo‘nalishlari ro‘yxati tasdiqlandi

Yo‘nalishlar jami 34 ta turdosh guruhlarga ajratildi.

Ma’lumot uchun, ko‘chirish yoki qayta tiklashga ariza topshirganlarning ilgari ta’lim olgan yo‘nalishlari (mutaxassisliklari) amaldagi klassifikatorga muvofiqlashtirgan holda inobatga olinadi.

Talaba.uz rasmiy kanali 👇
https://t.me/+D8upafGDfsdiNGNi

❓Abituriyent ruxsatnomasi qanday beriladi?

Davlat oliy ta’lim muassasalarining bakalavriatiga kirish test sinovlarida ishtirok etish uchun abituriyent ruxsatnomasi quyidagi tartibda taqdim etiladi:

✅ Onlayn ro‘yxatdan o‘tishning 1-bosqichi yakunlangach, ikki hafta ichida ruxsatnoma Bilim va malakalarni baholash agentligining rasmiy veb-sayti orqali e’lon qilinadi.

📝 Har bir abituriyent ruxsatnomada ko‘rsatilgan sana, vaqt va manzil bo‘yicha test sinovlarida ishtirok etadi.

⚠️ Eslatma: Ruxsatnomada belgilangan sana va vaqt qat’iy hisoblanadi.

🚫Abituriyentlarga test sinovlarini boshqa kun yoki boshqa vaqtda topshirishga ruxsat berilmaydi.

Talaba.uz rasmiy kanali 👇
https://t.me/+D8upafGDfsdiNGNi

#Qabul2026 #Abituriyent2026

Davlat oliy ta’lim muassasalarining bakalavriatiga o‘qishga kirishda amaldagi tartiblar

Test savollari kitobi va javoblar varag‘i bilan ishlash qoidalari

▶️ Javoblar varaqasida abituriyentning familiyasi, ismi va otasining ismi yozilgan bo‘lib, uni tekshirib olish talab etiladi.

▶️ Shuningdek, savollar kitobini olgandan keyin abituriyent unda barcha savollar mavjudligini va kamchilik yoki xato yo‘qligini tekshirib olishi lozim.

▶️ Har bir test topshirig‘iga 4 tadan («A», «B», «C», «D») muqobil javoblar beriladi.

▶️ abituriyent tomonidan har bir test topshirig‘iga faqat bitta javob belgilanishi shart;

▶️ test topshiriqlari kitobida to‘g‘ri deb hisoblangan javoblarni javoblar varaqasidagi mos tartib raqamli doirachadan bittasini bo‘yaydi;

▶️ javoblar varaqasida bo‘yalgan javoblarni o‘zgartirish mumkin emas.

Eslatma: agar, javoblar varaqasidagi «belgilash uchun namuna» qoidasiga rioya etilmasa, jumladan, bitta test topshirig‘iga javoblar varaqasida tegishli doiracha bo‘yalmasa yoki ikki va undan ortiq doiracha bo‘yalsa yoxud to‘liq bo‘yalmasa ushbu test topshirig‘iga ball berilmaydi.

(Asos: VMning 2018-yil 3-apreldagi 261-son qarori)

Talaba.uz rasmiy kanali 👇
https://t.me/+D8upafGDfsdiNGNi

❗️O‘qishni ko‘chirishda milliy va xalqaro sertifikatlar 2026-yildan inobatga olinadi

Ijtimoiy tarmoqlarda xorijiy va nodavlat oliy ta’lim tashkilotlaridan davlat oliy ta’lim tashkilotlariga o‘qishni ko‘chirish jarayonida milliy va xalqaro sertifikatlarning inobatga olinishi yuzasidan ko‘plab savollar kelib tushmoqda.

Shu munosabat bilan ma’lum qilamiz:

📄 Vazirlar Mahkamasining 2026-yil 11-iyundagi 299-son qaroriga muvofiq, xorijiy va nodavlat oliy ta’lim tashkilotlaridan davlat oliy ta’lim tashkilotlarining mos va turdosh bakalavriat ta’lim yo‘nalishlariga o‘qishini ko‘chirishda chet tili hamda umumta’lim fanlari bo‘yicha milliy yoki xalqaro sertifikatga ega talabgorlarga tegishli fanlardan tabaqalashtirilgan yoki maksimal ball berish tartibi joriy etilgan.

📌 Mazkur qaror 2026-yil 12-iyundan kuchga kirgan va uning talablari 2026-yildagi o‘qishni ko‘chirish jarayonida ham to‘liq qo‘llaniladi.

Talaba.uz rasmiy kanali 👇
https://t.me/+D8upafGDfsdiNGNi

❗️Davlat oliy taʼlim tashkilotlariga oʻqishni koʻchirish va tiklash boʻyicha arizalar qabuli boshlandi

2026/2027-oʻquv yili uchun talabalarning oʻqishini davlat oliy taʼlim tashkilotlariga koʻchirish boʻyicha onlayn arizalar 15-iyuldan 5-avgustga (shu kuni ham) qadar qabul qilinadi.

🖥 Arizalar quyidagi platformalar orqali yuboriladi:

➖ 2 ta uzrli sababga ko‘ra respublikaning bir davlat oliy ta’lim tashkilotidan boshqa oliy ta’lim tashkilotiga yoki bir oliy ta’lim tashkiloti doirasida oʻqishni koʻchirish, shuningdek, bir oliy ta’lim tashkiloti doirasida o‘qishni qayta tiklash bo‘yicha arizalar– “transfer.edu.uz”;

➖ xorijiy va nodavlat oliy ta’lim tashkilotlaridan davlat oliy ta’lim tashkilotlarining mos va turdosh bakalavriat ta’lim yo‘nalishlariga – “my.uzbmb.uz”.

🔰 Yangi tartibga koʻra, xorijiy va nodavlat OTTlardan davlat OTTlariga oʻqishini koʻchirishda:

✔️ umumtaʼlim fanlari hamda chet tili boʻyicha milliy sertifikatlar axborot tizimi orqali avtomatik aniqlanadi;

✔️ xalqaro sertifikatlar esa talabgor tomonidan boshqa hujjatlar bilan birga elektron tarzda yuklanadi.

☝️ Eslatib oʻtamiz, Vazirlar Mahkamasining 2026-yil 11-iyundagi 299-son qaroriga muvofiq, xorijiy va nodavlat oliy taʼlim tashkilotlaridan davlat OTTlarining mos va turdosh bakalavriat taʼlim yoʻnalishlariga oʻqishini koʻchirishda chet tili hamda umumtaʼlim fanlari boʻyicha milliy yoki xalqaro sertifikatga ega talabgorlarga tegishli fanlardan tabaqalashtirilgan yoki maksimal ball beriladi.

⏳ Arizalarni qabul qilish 2026-yil 5-avgustga (shu kuni ham) qadar davom etadi.

Talaba.uz rasmiy kanali 👇
https://t.me/+D8upafGDfsdiNGNi

Gemini Pro obunasi 380$. Bizda esa 18 oyga 80 000 so'm.

Google AI Pro tarkibi:

• Gemini Pro
• Antigravity
• Veo
• Nano Banan
• Coding
• 5 TB cloud

Kimga kerak bo’lsa, @WeTube_uz ga yozing.

To'liq imkoniyatlari haqida rasmiy sahifadan ko'rsangiz bo'ladi:(Google AI Plans⁠)

#Qabul2026 #Abituriyent2026

Abituriyentlar uchun yana bir qulaylik!

Endilikda SAT sertifikatini taqdim etgan abituriyentlar o‘z ma’lumotlarni mandat.uzbmb platformasi orqali qulay tarzda kuzatishlari mumkin.

Platformada:
✅ SAT sertifikati asosida tanlovda ishtirok etayotgan abituriyentlar uchun alohida sahifa yaratildi;
✅ ma'lumotlarni tez va oson tekshirish imkoniyati mavjud;
✅ barcha jarayonlar shaffof va foydalanuvchilar uchun qulay ko‘rinishda taqdim etilgan.

SAT ma’lumotlarini tekshirish uchun: https://mandat.uzbmb.uz/SAT2026

Talaba.uz rasmiy kanali 👇
https://t.me/+D8upafGDfsdiNGNi

#Qabul2026 #Magistratura

Xorijiy tilda tahsil olgan bakalavrlar magistraturaga hujjat topshirishda xorijiy til sertifikatini taqdim etishdan ozod etiladi

2026/2027-o‘quv yili qabuli uchun bakalavriat ta’lim dasturini xorijiy tillarning birida (ta’lim tili xorijiy til bo‘lgan holda) tamomlagan bitiruvchilar magistraturaga hujjat topshirishda xorijiy tilni bilish to‘g‘risidagi milliy yoki xalqaro sertifikatni taqdim etishdan ozod etiladi.

Mazkur tartib quyidagi holatlarda qo‘llaniladi:

➖ bakalavriat taʼlim dasturini Oliy ta’lim, fan va innovatsiyalar vazirligi hamda Maktabgacha va maktab ta’limi vazirligining 2024-yil 24-maydagi 3515-son qo‘shma qarori bilan tasdiqlangan milliy va xalqaro tan olingan sertifikatlar roʻyxatida qayd etilgan 16 ta xorijiy tilning birida tamomlagan bo‘lsa;
 
➖ abituriyent bakalavriatga qabul qilingan yildagi tasdiqlangan qabul parametrlariga muvofiq aynan shu ta’lim tilida tahsil olgan va bakalavr diplomi ilovasida ta’lim tili xorijiy til ekani qayd etilgan bo‘lsa.

📌 Agar bakalavr diplomi ilovasida ta’lim tili ko‘rsatilmagan bo‘lsa, bakalavriat ta’lim dasturi xorijiy tilda o‘zlashtirilganligi oliy ta’lim tashkiloti tomonidan taqdim etilgan ma’lumotnoma asosida ko‘rib chiqiladi.

Talaba.uz rasmiy kanali 👇
https://t.me/+D8upafGDfsdiNGNi