#Rasman
Oliy ta’lim muassasalarida 2020/2021 o‘quv yili uchun to‘lov shartnoma miqdori kamaytirildi

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

​​​​📌 Xursandchilik uzoqqa cho'zilmadi

Kontraktda o'qiydigan talabalarning barchasi bugun juda xursand bo'ldi. 100dan ortiq guruhlarga a'zo bo'lganman, u yerdagi talabalarning xursandchiligiga guvoh bo'ldim.

Bugun kontrakt arzonlashtirilishini o'qib shok holatiga tushdim. Nahotki bularni vijdoni uyg'ongan bo'lsa? Keyinchalik men ham xursandchilikka qo'shildim. Lekin 10% chegirma stipendiyasiz kontrakt uchun ekanligini bilib kayfiyatim tushdi.

Men 12 000 000ning 10% ya'ni 1 200 000 chegirib tashlanadi deb o'ylagandim. Lekin unday emas ekan. Stipendiyasiz kontraktning ya'ni 12 000 000-(428 000x12)=6 864 000 so'mning 10 foizi ya'ni 686 400 so'm ayirib tashlanar ekan.

Bu degani men 12 000 000dan 11 313 600 so'm to'layman ekan. Stipendiyasiz to'lamoqchi bo'lsam 6 177 600 so'm to'layman ekan.

P/S: Xa mayli shunisiga ham shukur. Lekin shuncha xursandchilikni yana ....... tiqdi.
Ⓜ️ YQQ

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

Mana bu yerda 2020/21 o‘quv yilida amaldagi bazaviy to‘lov-kontrakt miqdori uchun kunduzgi shaklda o‘qiydigan barcha talabalarga 10 foiz chegirma beriladi deyilgandi. Endi to‘lov-kontraktga 10% chegirma stipendiyasiz miqdorga nisbatan hisoblanadi deyilmoqda. Bu nima degan gap? Hali diskriminasiya qilib sirtqi ta’limdagilarga berilmaganini aytmay turgandik, shukr sindromi ta’sirida.

O‘zimizdagi chet el dargohlari haqida ham jim edik. Avval gapirib, keyin gapni qaytarib olishni ko‘cha tilida nima deyilishini aytishim shartmi, mas’ullar? Nega avvalroq aytmadingiz? Olovga vaqtinchalik suv sepib, keyin benzin sepishmi bu? Bularni yillar davomida "kelajagimizsiz" degan sizlar emasmi? Endi yoshligida qo‘llagan "aldab uxlatish" prinsipini qo‘llamoqchimisizlar?

Uyat. Hech vijdoningiz bilan ham jang qilib turasizlarmi? Ha-ya o‘lik bilan urush qilinmaydiku.
Ⓜ️ Zafarbek Solijonov

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

Oliy va o‘rta maxsus ta’lim vazirligi rasmiy vakilining O‘zAga xabar qilishicha, ushbu 10 foizlik chegirma stipendiyasiz shakldagi to‘lov-kontrakt miqdoriga nisbatan hisoblanadi.

Kim u rasmiy vakil? Kim unga chegirmalarni qanday hisoblanishini belgilashga vakolat berdi?

Bu endi qip-qizil shulerlik. Bunday bayonotlardan keyin talabalar harakatlar va maqsadlar samimiyligiga ishonadimi?

Bu qanaqa yaramas strategiya bo‘ldi? Hovurdan vaqtincha tushirishmi? Vaziyatni yanayam chigallashtiradigan harakat-ku bu.
Ⓜ️ Bakiroo

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

Uzr men adashibman, mana bu o‘yinni qaranglar!

To‘lov-kontraktga 10% chegirma stipendiyasiz miqdorga nisbatan hisoblanadi

Avvalroq pandemiya sharoitida aholining to‘lov qobiliyati pasayishini hisobga olib, farzandi to‘lov-shartnoma asosida o‘qiydigan oilalarga yengillik yaratish va ularni qo‘llab-quvvatlash maqsadida yangi 2020/2021 o‘quv yilida amaldagi bazaviy to‘lov-kontrakt miqdori uchun kunduzgi shaklda o‘qiydigan barcha talabalarga 10 foiz chegirma berilishi ma’lum qilingan edi.

Oliy va o‘rta maxsus ta’lim vazirligi rasmiy vakilining O‘zAga xabar qilishicha, ushbu 10 foizlik chegirma stipendiyasiz shakldagi to‘lov-kontrakt miqdoriga nisbatan hisoblanadi.

Bu haqida O‘zA xabar bermoqda. Talabalar, kuchlarni birlashtirishda davom etamiz. Hech ham orqaga chekinmang, bu degani pul olishda stipendiyali shakl uchun olishadi, lekin chegirmaga kelganda stipendiyasiz shakldan hisoblanar ekan.

Hozir boshqa demokratik jamiyat bo‘lganda, talabalar Oliy ta’lim vazirining iste’fosini so‘rab chiqqan bo‘lar edi.

Kurashda davom etamiz, talabalar. Men sizlar bilanman, o‘sha gap sud orqali bularning tanobini tortib qo‘ymasak, juda o‘zidan ketib qoldi.
Ⓜ️ Tentakminds

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

Yaxshi kayfiyat bilan kunni boshlang 💃🕺. U yogʻi ajoyib boʻladi 😉.

Hayrli tong azizlar 😌

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

​​O‘ynab qo‘yay.

Hammasini yaxshi qilmoqchi bo‘lamiz, lekin yana katta kaka qilib qo‘yaveramiz.

Kecha uyga kelsam, qo‘shni mahallada yashaydigan bir akaxon o‘g‘li bilan chiqibdi.

- Ha, aka, tinchlikmi, dedim. (Bu qo‘shni o‘zi ko‘chada ko‘rib qolsam, zo‘rg‘a salomimga alik olar edi, ba’zan shu qo‘shnidan qarzim yo‘qmi ham deb o‘ylab qolar edim)

- Ha, qo‘shni oldingizga bir iltimos bilan chiqqan edim, shu o‘g‘ilcha yuridik universitetga hujjat topshirgan edi, qanaqadir imtihondan sertifikat olsa, ball qo‘shib berar ekan, shu sertifikatni olishga yordam bervoring, dedi.

- Qanaqa sertifikat ekan, qo‘limdan kelsa, bajonidil, dedim.

Shunda haligi o‘g‘li, IELTS INDICATOR sertifikati, shuni bu yil istisno tariqasida haqiqiy IELTS imtihoniday qabul qilishar ekan. Shunga yordam kerak, aka, dedi.

- Xo‘sh, men qanday yordam bera olaman, IELTS imtihoniga tayyorlamasam, unga tayyorgarlik ko‘rish uchun sal vaqt kech bo‘lmadimikan? Lekin imtihonga tayyorlaydigan yaxshi o‘qituvchilarni bilaman, dedim.

Haligi qo‘shni, yo‘q, qo‘shni, siz sal tushunmadingiz, siz ingliz tilini bilasiz, biz surishtirib ko‘rdik, o‘sha imtihonda bir kishining o‘rniga boshqasi topshirsa ham bo‘lar ekan, ko‘pchilik shunday qilib olibdi, shunga o‘g‘ilcha ingliz tilini bilmaydi, o‘rniga o‘zingiz shu imtihonni onlayn topshirib bersangiz, albatta, xizmatini qilamiz, deb qo‘shib qo‘ydi.

- Xo‘sh, aka, qancha berasiz, dedim men ham “seryeznыy” basharani yoqib olib.

- Ha, uka, qo‘shnimiz-ku, kelishib ketamiz. 500$ bersam, kam emasmi? - dedi.

- Men ham, aka, sal kamroqda, endi bu bilimni olishga ham ancha mashaqqat qilganmiz, sal qo‘shing, dedim, yana o‘sha “seryeznыy” basharani yoqib.

- Ha, uka, sizga bu hech narsa emas-ku, karnaychidan bir puf deganday gapda, mayli yana 100 qo‘shsam, bo‘ladimi? - deb so‘radi.

-Oxiri chiday olmadim, aka, siz hozir katta jinoyat qilayotganingizni, ertaga yana bitta katta poraxo‘rni yetishtirayotganingizni tushunyapsizmi? Qaysi aql bilan bolaga bu narsani o‘rgatyapsiz? - dedim.

- Ha, uka, hamma shunaqa qilyapti ekan-ku, biz qilsak, nima bo‘libdi?

Xullas, u desam, bu dedi, bu desam, u dedi, suhbat berk ko‘chaga kirdi, oxiri asablarim dosh bermay qo‘shniligiga ham qaramay haydab soldim.

———

Keyin o‘tirib o‘ylab qoldim, o‘zi Davlat qabul komissiyasi, DTM tashkilotidagilarning mantiqsiz qarorlaridan charchab ular haqida yozmay qo‘ygan edim, lekin shuncha payt jim o‘tirib o‘yinning yarmida IELTS INDICATOR imtihoni natijalariga haqiqiy IELTS maqomida imtiyoz berishi oshib tushdi. Yozmay deyman-u, qo‘lim o‘lgur tentak-da, tilim ham achchiq qalampir.

Shu qo‘shnimga o‘xshaganlar uchun juda zo‘r imkoniyat yaratib beribdi-da. Har doim shu, bir ishni qilishdan oldin qo‘lini axlatiga botirib olib ish qilishadimi bular? Men umuman tushunmayman, nahot shu qarorni hujjat topshirishdan oldin qilishning iloji yo‘q edi?

Xo‘p, IELTS INDICATOR natijalari shaffofligiga kim kafolat beradi?
Mening qo‘shnimga o‘xshagan shavvozlar tiqilib yotibdi-ku, yana endi bilimli abituriyent qolib shunaqa miyasi puch talabalarni yig‘ib olmoqchimisizlar? Yoki yuqoridagilarning farzandlaridan u-bu kimning ko‘ngli IELTS INDICATOR topshirishni tusab qoldimi?

Tog‘ay Murodning “Otamdan qolgan dalalar” asarida Jaloliddin ketmon degan obraz bor, har safar shu asarni o‘qiganimda ana shu obrazga Tog‘ay Murod qanchalik mehr berganligini o‘zimda qayta kashf qilaman, uning shunday jumlasi bor:

- Heyeye, inangni, o‘ynab qo‘yay, bundaychikin hokimlarga, bundaychikin xonlarga, bundaychikin amirlarga, o‘ynab qo‘yay, o‘ynab qo‘yay...

Hoy, DTM va Davlat qabul komissiyasida mana shunaqa tentak qaror qabul qilayotganlar, o‘ynab qo‘yay, xopmi...
Ⓜ️ Tentakminds

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

​​⚡️Aytishlaricha, abituriyentlarga «Abituriyent ruxsatnomasi»ni 23-24-avgustdan boshlab abitur.dtm.uz sayti orqali taqdim etish reja qilinmoqda.

❗️Abituriyentlar «Abituriyent ruxsatnomasi»ni abitur.dtm.uz saytidan elektron shaklda yuklab olgach, printer orqali oq qog‘ozga chiqartirgan holda imtihonga pasport bilan birga olib kelishlari kerak.

Barchaga tarqating!

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

Umringizga umr qo‘shilsin,
Qo‘rquvga mard boqqan SHIFOKORLAR!

O‘zbekistonda koronavirusga chalingan ilk bemor aniqlanganiga bugun 5 oy to‘ldi. 5 oydirki, shifokorlar tik oyoqda, 5 oydirki, ular bedor, 5 oydirki, ular bemorlari bilan hayot uchun kurashmoqda. Buning natijasida O‘zbekistonda ushbu kasallikdan sog‘ayish 85 foizga yetdi.

"Sharq" guruhi tomonidan ijro etilgan ushbu qo‘shiq va unga tayyorlangan rolik ko‘rinmas dushman bilan olishayotgan tibbiyot xodimlari va marhumlar xotirasiga bag‘ishlanadi.

#5OyUchunRahmat
#СпасибоЗа5Месяцев
#ThanksFor5Months

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

​​#Қабул2020

Астрахань давлат техника университетининг Тошкент вилоятидаги филиалига ҳужжатлар қабул қилинмоқда

2020/2021 ўқув йили учун Астрахань давлат техника университетининг Тошкент вилоятидаги филиалига кундузги таълим шаклида қуйидаги йўналишлар бўйича талабалар ўқишга қабул қилинади:

👉 Сув биоресурслари ва аквакультура – 75 та;

👉 Экология ва табиатдан фойдаланиш (экология) – 75 та;

👉 Озиқ-овқат технологияси – 75та.

❗️Ҳужжатлар 2020 йил 10 августдан 10 сентябргача (шу куни ҳам) Филиалнинг astu.uz сайти орқали онлайн қабул қилинади.

✅ Абитуриентлар қуйидаги ҳужжатларни тақдим этишлари лозим:

1. Ариза.

2. Умумий ўрта таълимни (11-синф негизида) тугатганлиги ҳақидаги ҳужжат ёки ўрта махсус, касб-ҳунар таълими муассасасини тугатганлиги ҳақидаги ҳужжат ва унинг иловаси нусхалари рус тилига нотариал тасдиқланган таржимаси билан.

3. Паспорт (16 ёшга тўлмаганлар учун туғилганлиги тўғрисидаги гувоҳнома) нусхаси, рус тилига нотариал тасдиқланган таржимаси билан (jpg ёки pdf форматида).

4. 3х4 см ўлчамдаги фотосурат (jpg формат, оқ фонда).

Қўшимча маълумот учун: (99) 542-17-34, (90) 330-46-24, С.Нарзуллаев http://www.astu.uz/, kpriymnaya.astu@mail.ru

Маълумот учун: ЎзР Вазирлар Маҳкамасининг 2019 йил 19 июлдаги 608-сонли қарори билан Астрахань давлат техника университетининг Тошкент вилоятидаги филиали ташкил этилган.

Каналга уланиш: 👇👇👇
https://telegram.me/joinchat/AAAAAFKT9qZEVgruNIKRcA

​​Biliming bo‘lsa grantga kirib o‘qi deydigan noxolis matbuot kotiblari haqida ikki og‘iz.

"Tushunganlarga katta rahmat! Shunga ham rozi bo‘lmaganlarga taklifim: grantga o‘qishsin, bilimi bo‘lsa"
(c) Oliy va o‘rta maxsus ta’lim vazirligi matbuot xizmati rahbari Farhod Babashev.

Xalq LIVE sahifasida quyidagicha post chiqdi:

“Farhod Babashev ushbu izohni ijtimoiy tarmoqlarda Oliy ta’lim vazirligi talabalarning masofaviy ta’lim uchun kontrakt miqdorini ozaytirish talabi bilan chiqib, qattiq kurashgach yangi o‘quv yilida barcha kontraktda o‘qiydigan talabalarga 10 foiz chegirma berilgach yozgan.

Birinchidan, Oliy ta’lim vazirligining bunday niyati yo‘q edi. Hatto onlayn norozilik bildirgan talabalar guruhini yopish uchun qo‘lidan kelganini qilib, 59 mingta talaba yig‘ilgan guruh yopilgach yangi o‘quv yili onlayn bo‘lishini va kontrakt narxlari o‘zgarmasligini e’lon qildi. Ular shunchaki, BBC va Ozodlik nashrlarida chiqqan maqolalardan va kursilarini boy berishdan qo‘rqishdi. Hech qanaqasiga yoshlarni pandemiya davrida qo‘llab-quvvatlash uchun emas.

Ikkinchidan, janob Babashev vazirlikning matbuot kotibi, jurnalist bo‘lishiga qaramay, noxolis va noobektivlikdan chekinib bo‘lsa ham o‘z tashkilotiga himoyachilik qilyapti. OTMlarda grant o‘rinlari bitta fakultetga ko‘p bo‘lsa 10 dona. Hatto yildan-yilga imtiyozi bo‘lmagan abituriyentning grantga kirish imkoniyati kamayib bormoqda. Babashev shukr prinsipini ilgari surguncha, tashkiloti va talabalar o‘rtasida ko‘prik bo‘lsa yaxshi bo‘lardi. OTVning kulgili va achinarli imijiga matbuot kotibi ham sababchi.

Uchinchidan, OTV bergan bayonotida, avval, barcha kontarktda o‘qiydigan talabalarga 10 foiz chegirma beriladi deyilgandi. Oradan ozroq muddat o‘tib, vazirlikning rasmiy vakili (kim u shaxs, bayonotga qo‘shimcha qiladi?) chiqib "chegirma kontraktning stipendiyasiz miqdoriga ko‘ra beriladi" dedi. Babashev boshchiligida axborot xizmati odamlarni chalg‘ituvchi axborot berishdan boshqasiga yaramaydi chog‘i. Gap esa katta gapiriladi "biliming bo‘lsa grantga kirib o‘qi" deb.

To‘rtinchidan, bunday qolipda qotgan vazirlik tarkibiga eskicha fikrlaydigan matbuot kotiblari mos. Bo‘laveradi ularga.

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

Qo‘shimcha imkoniyat berilgan abituriyentlarga eslatma!

1️⃣ Qo‘shimcha ta’lim yo‘nalishlarini tanlash:

Test sinovlari bilan bir qatorda kasbiy (ijodiy) imtihonlar o‘tkaziladigan bakalavriat ta’lim yo‘nalishlari bo‘yicha kasbiy (ijodiy) imtihonlar test sinovlari bilan almashtirilgan 12 ta ta’lim yo‘nalishidan biriga onlayn ro‘yxatdan o‘tgan abituriyentlar bugun (16-avgust) soat 23:59 ga qadar abitur.dtm.uz sayti orqali qo‘shimcha 4 tagacha bakalavriat ta’lim yo‘nalishlarini tanlashlari mumkin.

2️⃣ Oliy harbiy ta’lim muassasalariga ro‘yxatdan o‘tish:

Oliy harbiy ta’lim muassasalari qabul komissiyasining dastlabki tanlash bosqichida ijobiy baholangan, Davlat test markazining bazasiga kiritilgan, ammo kirish test sinovlarida ishtirok etish uchun ro‘yxatdan o‘tmagan talabgorlar bugun (16-avgust) soat 23:59 ga qadar abitur.dtm.uz sayti orqali oliy harbiy ta’lim muassasasi va mos bakalavriat ta’lim yo‘nalishlariga onlayn ro‘yxatdan o‘tishlari mumkin.

Bunda, avvalgi o‘quv yillarida ta’lim muassasalarini tugatgan talabgorlar kirish test sinovlarida ishtirok etish uchun belgilangan to‘lovni amalga oshiradi.

3️⃣ To‘lovni amalga oshirish:

2020-2021-o‘quv yili qabulida belgilangan tartibda ro‘yxatdan o‘tgan, ammo ayrim sabablarga ko‘ra test sinovlarida ishtirok etish uchun to‘lovni amalga oshirishga ulgurmagan abituriyentlar bugun (16-avgust) soat 23:59 ga qadar to‘lovni amalga oshirishlari mumkin.

❕ To‘lovni amalga oshirmagan abituriyentlar ro‘yxatdan o‘tmagan hisoblanadi va test sinovlarida ishtirok eta olmaydi.

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

#Kun_tarixi

1️⃣6️⃣ avgust

O‘zR Prezidentining 2017 yil 16 avgustdagi PQ-3218-sonli qarori bilan 2017 yilda Qo‘qon shahrida O‘zbekiston davlat san’at va madaniyat institutining Farg‘ona mintaqaviy filiali tashkil etilgan edi.

O‘tgan uch yil ichida yagona ta’lim yo‘nalishida 24 nafar talaba bilan o‘z faoliyatini boshlagan Filialda bugungi kunda 10 ta ta’lim yo‘nalishida 300 nafarga yaqin talaba tahsil olmoqda.

O‘zbekiston xalq artistlari Shafoatxon Rahmatullayeva, Yorqinoy Hotamova, O‘zbekistonda xizmat ko‘rsatgan artistlar Jo‘raxon Po‘latov, Xursanoy Umarova, O‘zbekistonda xizmat ko‘rsatgan san’at arbobi Karim Yo‘ldoshev kabi 70 nafardan ortiq professor-o‘qituvchilar, xalq artistlari, xizmat ko‘rsatgan artistlar, san’at arboblari talabalarga ta’lim berib kelmoqda.

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA

❗️Horijdagi oliygohlarda sirtqi yoki masofaviy ta’lim olishni reja qilayotganlar diqqatiga!

O‘zbekistonda xorijiy OTM tomonidan berilgan masofadan o‘qitilgan va 3 yillik sirtqi ta’lim diplomlari tan olinmaydi.

Vazirlar Mahkamasi huzuridagi Ta’lim sifatini nazorat qilish davlat inspeksiyasi quyidagilarni ma’lum qiladi:

Ayni paytda O‘zbekistonda oliy ta’lim, kunduzgi, kechki va sirtqi shaklda olib boriladi. Amaldagi qonunchilikda oliy ta’lim olish uchun masofaviy ta’lim shakli nazarda tutilmagan.

Vazirlar Mahkamasining 2019 yil 24 iyuldagi 620-sonli qarori bilan bilan tasdiqlangan Nizomning 5-bob 36-bandida ma’lumot O‘zbekiston Respublikasi qonunchiligida nazarda tutilmagan ta’lim shaklida olingan bo‘lsa tan olishni rad etishga asos bo‘lishi belgilangan.

Yuqoridagilarga asosan xorijiy OTMlarda masofadan turib o‘qigani uchun berilgan diplomlar O‘zbekistonda tan olinmaydi.

Bundan tashqari, bir qator xorijiy OTMlari tomonidan bakalavriat uchun 3 yil yoki undan kam muddatga sirtqi ta’lim shakli bo‘yicha o‘qishga taklif etilmoqda.

Yurtimizda sirtqi ta’limda o‘qish muddati 5 yil etib belgilangan bo‘lib, xorijiy davlatlarda kasbiy ma’lumot to‘g‘risida hujjat beradigan ta’limning umumiy me’yoriy davri (to‘liq umumiy o‘rta yoki o‘rta ma’lumot olingandan keyin) O‘zbekiston ta’lim standartlarida nazarda tutilgan davrdan ikki yildan kam bo‘lsa hujjatlarni tan olish rad etilishi belgilangan.

Shunday qilib, xorijiy OTMlarning bakalavriat yo‘nalishi bo‘yicha sirtqi ta’lim shaklida 3 yil yoki undan kam muddatda o‘qib olingan diplomlari O‘zbekistonda tan olinmaydi.

✅ Quyidagi holatlarda xorijiy davlatlarda ta’lim olganlik to‘g‘risidagi hujjatlar maxsus sinovlarsiz tan olinadi:

1. O‘zbekiston hududida filiallari mavjud OTMlarni tugatganlar;

2. Dunyo universitetlari reytingida TOP-1000talikka kirgan OTMlarni tugatganlar;

3. Mutaxassislarni maqsadli tayyorlash uchun xorijiy davlatlar tomonidan ajratilgan kvotalar hisobidan xorijiy OTMlarni tugatganlar;

4. 1992 yil 1 yanvargacha xorijiy OTMlarga o‘qishga kirganlar;

5. Yevropa sifat kafolati assosiasiyasi (ENQA) tomonidan akkreditasiyalangan OTMlarni tugatganlar;

6. AQSH, Avstraliya, Isroil, Kanada, Singapur, Janubiy Koreya, Yaponiya davlatlarining vakolatli organlari tomonidan akkreditasiyalangan OTMlarni tugatganlar;

7. Mutaxassislarni maqsadli tayyorlash uchun O‘zbekiston vazirlik va idoralari tomonidan ajratilgan mablag‘lar hisobidan xorijiy OTMlarni tugatganlar;

8. O‘zbekiston Prezidenti va Vazirlar Mahkamasining qarorlar bo‘yicha xorijiy OTMlarga maqsadli o‘qishga yuborilganlar.

🎓 Talabalar rasmiy kanali👇👇
https://telegram.me/joinchat/AAAAAFKT9qZEVgruNIKRcA