📌 TIQXMMIda 2-noyabrdan boshlab bitiruvchi kurslarga an'anaviy darslar majburiy bo'ladi

Yaqinda OTMda rektorlar tomonidan tuzilgan komissiya darslar qachon boshlanishi va qanday boshlanishi to'g'risida qarorni o'zlari mustaqil qabul qilishi haqida yozgan edik.

Toshkent irrigatsiya va qishloq xo'jaligini mexanizatsiyalash muhandislari institutining bakalavr va magistr bitiruvchi kurslariga an'anaviy darslar 2-noyabrdan majburiy etib belgilanibdi.

Obunachilarimizdan shikoyatlar kelmoqda. Ularning aytishicha an'anaviy ta'lim ixtiyoriy bo'lishi kerak. Mantiqan olib qaralsa ham pandemiya sharoitida majburlab o'qishga chaqirtirish xato. Buni nafaqat irrigatsiya balki, boshqa OTMlar ham tushunib yetishi kerak.

Oliy va o'rta maxsus ta'lim vazirligi an'anaviy darslarga majburlab chaqirish holatlarini nazoratga olishini so'rab qolamiz.

Talabalarga ulashing👇
https://telegram.me/joinchat/AAAAAFKT9qZa_lmXyNXkWg

​​Vodiy viloyatlari dasturchilari uchun xakaton tashkil etilmoqda
16-21 noyabr kunlari Farg‘ona vodiysida

Hackathon4UnlimitedEducation nomli birinchi xakaton o‘tkaziladi.

Xakatonni BMT Giyohvand moddalar va jinoyatchilik bo‘yicha boshqarmasining Markaziy Osiyodagi vakolatxonasi, Yosh tadbirkor, Yoshlar ishlari agentligi hamda IT park hamkorligida tashkil etilmoqda.

Ma'lum qilinishicha, tadbir davomida ishtirokchilar O‘zbekistonning eng ilg‘or IT mentorlaridan ta'lim olish, o‘z jamoasi bilan final bosqichida IT yechim yaratib, noutbuklar, bepul ofis, professional dasturchi shartnomasi va yana bir qator yutuqlar egasi bo‘lishi mumkin.

Xakaton yo‘nalishlari:

Zo‘ravonlikning oldini olish;
Korrupsiyaga qarshi kurashish;
Yoshlar bandligi.

Xakatonda qatnashishni istovchilar jamoa to‘plagan holda (maksimum – 4 kishi), quyidagi havola orqali ro‘yxatdan o‘tishi mumkin.

Uchta viloyatdan 20 nafardan (4 kishidan iborat 5tadan jamoa) – jami 60 nafar ishtirokchi qatnashadi. Jamoalar tarkibi jinslar bo‘yicha mutanosib bo‘lishi kutilmoqda.

Ishtirokchilarni ro‘yxatga olish 6 noyabr soat 23:59ga qadar davom etadi. Batafsil ma'lumotni ushbu havola orqali olish mumkin.

Talaba.uz rasmiy kanal 👇👇
https://telegram.me/joinchat/AAAAAFKT9qZa_lmXyNXkWg

Azizlar, sizlarga bir narsani ma'lum qilmoqchimiz hamda bunga yordam so'ramoqchimiz!
O'zbekiston Milliy universiteti 3-kurs talabasining uyi yonib ketibdi. Hozirda qiyin ahvolda bo'lganligi sababli talabalar birlashib yordam bermoqchimiz!

Siz ham bunga o'z hissangizni qo'shing, hammamiz talabamiz-ku! Talabani talaba tushunadi-ku! Yordamingizni ayamaysiz degan umiddamiz!

Biz bu talabamizni taniymiz. Fakultetining eng alochi talabalaridan hisoblanadi. Bu talabamizga O'zbekiston Milliy Universiteti rektori A.R Marahimovdan ham amaliy yordam berishlarini iltimos qilib so'raymiz!

Savollaringiz bo'lsa adminga murojat qiling

Karta raqam: 8600060983621526

Malumot uchun: +998993939817

P.s: Ishonmayotganlar bemalol murojaat qilishlari mumkin, shaxsan admin tomonidan tekshirib o'rganilgan. Moddiy tomonlama yordam berolmasangiz, shunchaki ushbu xabarni tarqatishda amaliy yordam berishingizni so'raymiz!!!

❓Super-kontrakt summasini qachongacha to‘lash kerak?

Davlat qabul komissiyasi qaroriga binoan, 2020/2021 o‘quv yili uchun super-kontrakt miqdorlarini ikkiga bo‘lib to‘lash mumkin.

Bunda:

➖ o‘quv yilining birinchi yarmi uchun kamida 50%i 2020 yilning 1 dekabridan;

➖ ikkinchi yarmi uchun esa qolgan qismi 2021 yilning 1 martidan kechiktirmay to‘lanishi kerak.


Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

Davlat xaridlari portali ma’lumotlariga ko‘ra, Davlat test markazi sentyabr oyida test sinovlarini o‘tkazishda abituriyentlarga tarqatish uchun to‘g‘ridan-to‘g‘ri shartnoma tuzish orqali 13,4 mlrd so‘mlik kepka, qo‘lqop, maska, suv va ruchka xarid qilgan.

Respublika bo‘ylab test sinovlarini o‘tkazishga jalb qilingan xodimlarni ovqatlantirishga 1 mlrd 550 mln so‘m atrofida mablag‘ sarflagan.

Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

Davlat test markazi xaridlari yuzasidan

Mazkur holat bo‘yicha quyidagilarni ma’lum qilamiz:

1. Davlat komissiyasining 2020-yil 19-iyuldagi 1-son bayoni bilan Davlat test markazi koronavirus pandemiyasiga qarshi kurashish chora-tadbirlaridan kelib chiqib, 2020-2021-o‘quv yili qabulida test sinovlarida abituriyentlarni tibbiy niqob, qo‘lqop, ruchka, ichimlik suvlari, guruh nazoratchilari hamda ushbu jarayonga jalb etiladigan xodimlarni sifatli tushlik bilan o‘z vaqtida ta’minlash maqsadida ichki tanlov asosida shartnomalarni rasmiylashtirishi belgilangan.

2. Shuningdek, Davlat komissiyasining 2020-yil 28-avgustdagi 3-son bayoni bilan Davlat test markazi 2020-2021-o‘quv yili qabulida kirish test sinovlari ochiq stadionlar va xiyobonlarda o‘tkazilishi munosabati bilan quyosh nuridan himoyalash maqsadida, abituriyentlarni bosh kiyim (kepka) bilan ta’minlash uchun ichki tanlov asosida shartnomalarni rasmiylashtirishga ruxsat berilgan.

3. “BOBURXON BN NODIRXON” korxonasi bilan dastlab tuzilgan shartnomaga binoan korxona 1 mln dona bosh kiyim (kepka)ni 6 174 so‘mdan 6 174 000 000 so‘mga, 15 % qo‘shimcha qiymat solig‘i bilan birga 7 100 100 000 so‘mga yetkazib berishi kerak bo‘lgan.

4. Lekin korxona belgilangan miqdorda bosh kiyimlarni yetkazib bera olmagani uchun dastlabki shartnoma bekor qilinib, qo‘shimcha kelishuv imzolangan va 6 174 so‘mdan jami 69 506 dona bosh kiyimni 429 130 044 so‘mga, 15 % qo‘shimcha qiymat solig‘i bilan birga 493 499 550,60 so‘mga yetkazib bergan.

5. Mazkur korxona bosh kiyimlarni yetkazib bera olmagani uchun boshqa korxonalar bilan ham bosh kiyim yetkazib berish bo‘yicha shartnomalar imzolangan.

6. Guruh nazoratchilari hamda ushbu jarayonga jalb etiladigan xodimlar ertalab 06:00 dan kechki 20:00 qadar 15 soat davomida test sinovlari o‘tkaziladigan hududda bo‘lganligi sababli ularni sifatli tushlik bilan o‘z vaqtida ta’minlash maqsadida har bir hududda turli korxonalar bilan shartnomalar imzolangan. Bunda eng qimmat shartnoma Toshkent shahri uchun bo‘lib, 13 kunga 12610 dona tushlik (bir martalik idish, ovqat, salat, non, suv, bulochka) ning har biriga 31 000 so‘mdan (yetkazib berish bilan birga) jami 390 910 000 so‘mga imzolangan.

Undan keyingi eng qimmat shartnoma Samarqand viloyatida imzolangan bo‘lib, bunda 12 kunga 5467 dona tushlikning har biriga 25 000 so‘mdan jami 136 675 000 so‘mlik shartnoma imzolangan.
Ⓜ️ Davlat test markazi

Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

Toshkent shahridagi Yodju texnika instituti 1-kurs talabalari uchun 2-noyabrdan dars boshlanishi aytilmoqda!

Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

​​Bir sutka davomida o'n ming qadam yurgan fuqaroning elektron hamyoniga 3 ming so'mdan o‘tkaziladi — Prezident Farmoni

Bir sutka davomida o'n ming qadam yurgan fuqaroning elektron hamyoniga 3 ming so'mdan o‘tkaziladi — Prezident Farmoni
Sog'lom turmush tarzini hayotga keng tatbiq etish va ommaviy sportni yanada rivojlantirish chora-tadbirlari to'g'risida Prezident farmoni imzolandi.

Farmonga ko‘ra, O'zbekiston hududida bir sutka davomida o'n ming va undan ortiq qadam yurgan 18 va undan yuqori yoshdagi O'zbekiston Respublikasi fuqarosining platformadagi elektron hamyoniga 3 ming so'mdan;

- har oyda har bir tuman (shahar) bo'yicha eng ko'p yurgan shaxsga 300 ming so'mdan, har bir hudud bo'yicha eng ko'p yurgan shaxsga 500 ming so'm, respublika bo'yicha eng ko'p yurgan shaxsga 1 mln so'm qo'shimcha ravishda platformadagi elektron hamyoniga o'tkaziladi.

Qoraqalpog'iston Respublikasi Vazirlar Kengashi, viloyatlar va Toshkent shahar hokimliklari Qurilish vazirligi bilan birgalikda 2020 yil 15 noyabrga qadar har bir tuman markazi va shaharlarda piyoda va velosipedda yurish uchun “Salomatlik yo'laklari”ni tashkil etish bo'yicha tegishli loyihalarni ishlab chiqib, keng jamoatchilik muhokamasiga joylashtirib, 2021 yil 1 yanvardan boshlab qurilish ishlarini boshlash va 2021 yil 1 mayga qadar tugatish belgilangan.

Iqtisodiy taraqqiyot va kambag'allikni qisqartirish vazirligi Moliya vazirligi bilan birgalikda 2021 yil uchun investitsiya dasturi doirasida markazlashgan kapital qo'yilmalar hisobidan markaziy ko'chalarni modernizatsiya qilish uchun jami 1,4 trln so'm mablag'lar ajratiladi.

Toshkent shahar hokimligi 2021 yil davomida bosqichma-bosqich barcha tumanlarda aholi uchun qulay bo'lgan ko'chalarda umumiy uzunligi 50 km bo'lgan piyoda va velosipedda yurish uchun “Salomatlik yo'laklari”ni tashkil etadi.

Mazkur maqsadlar uchun Tiklanish va taraqqiyot jamg'armasi Toshkent shahar hokimligiga 2023-2024 yillarda qaytarish sharti bilan 20 mln AQSH dollari miqdorida foizsiz ssuda ajratiladi.

Ushbu tajribadan kelib chiqib, 2022 yildan boshlab Nukus, Buxoro, Nurafshon, Samarqand, Termiz, Xiva, Shahrisabz va Qo'qon shaharlarida hamda 2023 yildan boshlab respublikaning barcha yirik shaharlarida piyoda va velosipedda yurish uchun “Salomatlik yo'laklari” tashkil etiladi.

Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

«Kuniga 35 milliongacha pulni yechib olishyapti» - O‘zbekistonda firibgarlikning yangi turlari paydo bo‘ldi

2020 yilning birinchi yarmida O‘zbekistonda firibgarlik jinoyatlari soni bir yil oldingiga qaraganda ikki barobarga ko‘payib, olti oyda 3881 tani tashkil etdi. Texnologiyalar rivojlangani sari firibgarlikning yangidan yangi turlari paydo bo‘lmoqda.

Xulosa:

Plastik kartadagi mablag‘larning yechib olinishi ko‘p uchraydigan holat. Ammo hayratlanarli tomoni, internetdagi ayni bir xil firibgarlikdan bir emas, bir necha marta aldanayotgan odamlar ham ko‘p. SMS tarzida kelgan maxfiy kodni birovga bergani oqibatida pulidan ayrilgan odamlar vaqt o‘tib yana shu xatosini takrorlashlari ham kuzatilyapti.

Fuqarolarimizni yana bir bor ogohlikka chaqirgan holda, maqola avvalida eslab o‘tilgan fakt – O‘zbekistonda firibgarlik jinoyatlari bir yil ichida ikki barobarga ko‘paygani haqida mulohaza qilishga chorlab qolamiz.

Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

⚡️⚡️⚡️Aytishlaricha, oliy taʼlim muassasalari talabalari koronavirus bilan bog'liq vaziyat barqarorlashgunga qadar masofaviy (onlayn) shaklda oʻqishni davom ettirishi mumkin.

Oliy va oʻrta maxsus taʼlim vazirligi anʼanaviy tarzda darslarni tiklash boʻyicha hali yakuniy qaror qabul qilmadi. Manbamizga koʻra, oliy taʼlim muassasalarida anʼanaviy taʼlimga toʻliq oʻtish mamlakatda koronavirus bilan bogʻliq vaziyat barqarorlashganidan keyin ham boʻlishi mumkin. Vazirlik bu borada yakuniy qarorni tez orada eʼlon qiladi.

Tafsilotlar tez orada.

Kanalga ulanish:👇👇
https://telegram.me/joinchat/AAAAAFKT9qZa_lmXyNXkWg

Hukumatning tegishli qarori (№671, 30.10.2020y) bilan Farrux Farxodjonovich Omonov O‘zbekiston Respublikasi Yoshlar ishlari agentligi direktorining o‘rinbosari etib tayinlandi.
Ⓜ️ UzA

Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

⚡️«Hozirgina vazirlikdan topshiriq boʻldi, oflayn darslar bekor boʻldi. Dushanba kunidan onlayn darslar davom etadi, oflayn emas, kelmanglar, kelganlar qaytinglar» — ijtimoiy tarmoqlarda Toshkent davlat stomatologiya institutining xodimi ekani aytilayotgan audio tarqadi

Bundan avval vazirlikdagi manbalarimizga tayangan holda, oliy taʼlim muassasalarida anʼanaviy taʼlimga toʻliq oʻtish mamlakatda koronavirus bilan bogʻliq vaziyat barqarorlashganidan soʻng boshlanishi mumkinligi haqida xabar bergandik.

Talabalarga ulashing👇
https://telegram.me/joinchat/AAAAAFKT9qZa_lmXyNXkWg

Talabalarga ta’lim kreditlarini ajratish borasida qanday ishlar amalga oshirilmoqda?

Oliy Majlis Qonunchilik palatasining navbatdagi majlisida «Yoshlarning ta’lim olishi uchun yanada keng imkoniyatlar yaratish maqsadida oliy o‘quv yurtlari talabalariga ta’lim kreditlarini ajratish borasidagi ishlar to‘g‘risida»gi masala yuzasidan yuborilgan Qonunchilik palatasining parlament so‘roviga O‘zbekiston Respublikasi Bosh vazirining o‘rinbosari Behzod Musayevning javobi atroflicha ko‘rib chiqildi.

Parlament so‘roviga javobda qayd etilganidek, oliy ta’lim muassasalari talabalariga ta’lim kreditlari berish Vazirlar Mahkamasining 2001 yil 26 iyuldagi qarori, shuningdek, mazkur hujjat bilan tasdiqlangan Nizomga ko‘ra amalga oshirilmoqda. Xususan, ta’lim kreditlari chin yetimlarga, «Mehribonlik uylari»da tarbiyalanganlarga hamda bolalikdan I va II guruh nogironligi bor insonlarga — nol foiz stavkasida (foizsiz kredit) berilmoqda.

Talabalarning qolgan toifalariga — 2020 yil 1 yanvardan boshlab foiz xarajatlarining bir qismini “Yoshlar — kelajagimiz” jamg‘armasi mablag‘lari hisobidan, kam ta’minlangan oilalardan bo‘lgan talabalar uchun esa kredit bo‘yicha qo‘shilgan foizlarning 50 foizi tuman Bandlikka ko‘maklashish va aholini ijtimoiy muhofaza qilish markazlari tomonidan Ish bilan ta’minlashga ko‘maklashish davlat jamg‘armasi mablag‘laridan to‘lanishi belgilangan.

Deputatlar pandemiya sharoitida aholiga yengillik yaratish hamda talabalarga o‘qish jarayonida to‘lov-kontrakt mablag‘larini to‘lashda qulay shart-sharoitlar yaratish maqsadida qanday ishlar amalga oshirilgani bilan qiziqdi.

Bosh vazir o‘rinbosari javobida qayd etishicha, 2020/2021 o‘quv yilidan boshlab, respublika oliy ta’lim muassasalari talabalariga o‘quv yili davomida to‘lov-kontrakt mablag‘larini teng ulushlarda bo‘lib, kamida to‘rt marotaba to‘lashga ruxsat berilgan. Joriy o‘quv yilida kunduzgi ta’lim shaklida tahsil olayotgan talabalar uchun stipendiyasiz bazaviy to‘lov-kontrakt miqdorlariga 10 foizli chegirma berilgan.

Pandemiya sharoiti inobatga olinib, tabaqalashtirilgan to‘lov- kontrakt asosida talabalikka tavsiya etilgan abituriyentlar uchun 2020/2021 o‘quv yilida tabaqalashtirilgan to‘lov-kontrakt minimal miqdorlarining eng pastki chegarasi 10 baravardan 8 baravargacha kamaytirilgan. Ularni oliy ta’lim muassasalari tomonidan oshirmaslik hamda belgilangan stipendiyasiz bazaviy to‘lov-kontrakt miqdorlariga 10 foizli chegirmani qo‘llagan holda tabaqalashtirilgan to‘lov-kontrakt miqdorini hisoblash belgilangan.

Yoshlarning oliy ta’lim muassasalariga qamrovini oshirish bugungi kunda hayotiy zaruratga aylanmoqda. Bunda, shubhasiz, ularga imkoniyatlar yaratish maqsadga muvofiq. Deputatlar hududlarda aholi bilan muloqotlarida aynan ushbu masala ko‘proq ko‘tarilayotganini, shu bois mutasaddi vazirlik va idoralar bilan bu borada qanday takliflar ishlab chiqilayotgani haqida so‘rashdi.

Parlament so‘roviga javobda 2020/2021 o‘quv yilidan boshlab tijorat banklari tomonidan respublika oliy ta’lim muassasalarida to‘lov-kontrakt asosida tahsil olayotgan talabalar uchun ta’lim shaklidan qat’i nazar (kunduzgi, sirtqi, kechki, ikkinchi mutaxassislik) ta’lim kreditlari ajratilishini joriy etish ana shu takliflardan biri ekani ta’kidlandi.

Shuningdek, tijorat banklari tomonidan bozor stavkasida oliy ta’lim muassasalari talabalariga beriladigan ta’lim kreditlarining foiz xarajatlarining bir qismini “Yoshlar-kelajagimiz” jamg‘armasi mablag‘lari hisobidan kompensasiya qilish mexanizmini Yoshlar ishlari agentligi, Markaziy bank va Moliya vazirligi tomonidan ishlab chiqish, 2021/2022 o‘quv yilidan boshlab, sirtqi ta’lim shakliga tabaqalashtirilgan to‘lov-kontrakt asosida tavsiya etilib tahsil oladigan talabalarga, to‘lov-kontrakt mablag‘larining umumiy miqdorini butun o‘quv davri mobaynida (5 yil ichida) teng ulushlarga bo‘lib to‘lashga imkoniyat yaratish ko‘zda tutilmoqda.

Qizg‘in muhokamalar ruhida o‘tgan majlisda parlament so‘roviga yuborilgan javob ma’lumot uchun qabul qilindi.
Ⓜ️ Xalq soʻzi

Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

​​#Bilasizmi ❓

Pasport yo‘qolsa, nima qilish kerak?

📑 Qonunchilikka binoan, pasportini yo‘qotib qo‘ygan fuqaro zudlik bilan doimiy ro‘yxatda turgan joyidagi ma’lumotlarni yig‘ish punktiga xabar berishi lozim.

📝 Shaxslarning pasportini yoki shaxsni tasdiqlovchi boshqa hujjatini yo‘qotganliklari haqidagi arizalari bo‘yicha ichki ishlar organlari tomonidan ma’lumotnoma beriladi, ma’lumotnomaning orqa tomoniga doimiy yoki vaqtincha ro‘yxatda turganligi to‘g‘risida shtamp qo‘yilishi mumkin.

Ma’lumotnoma ichki ishlar organlarining migrasiya va fuqarolikni rasmiylashtirish bo‘linmasi tomonidan beriladi.

⌛️ Fuqaro pasportini yo‘qotganda pasport yo‘qolgani haqida ariza berilgan kundan boshlab bir oy ichida yangi pasport qonunchilikda belgilangan tartibda beriladi.

🗓 Zarur hollarda, bu muddat hududiy ichki ishlar organi rahbariyati tomonidan yana bir oyga uzaytirilishi mumkin.

⚖️ Pasportni qasddan yaroqsizlantirish yoki ehtiyot qilib saqlamaslik oqibatida yo‘qotib qo‘yish tegishlicha javobgarlikka sabab bo‘lishi mumkin.

Batafsil ma'lumot👇
https://telegram.me/joinchat/AAAAAFKT9qZa_lmXyNXkWg

📌 Nizomiy nomidagi Toshkent davlat pedagogika universitetining matbuot xizmati 9-noyabrdan an'anaviy darslar boshlanishi haqidagi xabarni o'chirib tashladi.

P/S: Yuqoridagilarga ham tepadan buyruq kelib, "отмен" qilishdi shekilli! "Shunda qilib qo'zichoq..."

Talabalarga ulashing👇👇
https://telegram.me/joinchat/AAAAAFKT9qZa_lmXyNXkWg

☝️ Ta'lim kreditini olish tartibi

Talabalarga ulashing👇
https://telegram.me/joinchat/AAAAAFKT9qZa_lmXyNXkWg

Bugundan Buxoro davlat tibbiyot institutida an'anaviy darslar boshlandi!

Sog'liqni saqlash vazirligi xabar berganidek tibbiyot oliy o‘quv yurtlarida an’anaviy ta’limga o‘tishga ruxsat berilgan edi, shu sababli faqat tibbiyot yo'nalishidagi OTMlarida an'anaviy ta'lim boshlandi.

Boshqa yo'nalishdagi talabalar esa onlayn tarzda ta'lim olishda davom etishlari mumkin

Talaba.uz rasmiy kanal 👇👇
https://telegram.me/joinchat/AAAAAFKT9qZa_lmXyNXkWg

"TA'LIM KREDITI" - MUOMMOLAR!

O’zbekistonda oylik maoshlarining u qadar yuqori emasligi, ish o’rinlarining yetarli emasligi har yili endi talabalik baxtiga musharraf bo’lganlar, “faxriy” talabalar va ularning ota-onalari oldiga kontrakt masalasini ko’ndalang qo’yadi.

Oliy ta’lim olish uchun safarbar qilinadigan boshqa harajatlar ham borligini hisobga olsak, kontrakt to’lash muammosi qaysidir oilalarda oila mol-mulkining sotilishiga, qaysidir oilalarda oila boquvchisining chet davlatga ishlashga ketishiga olib kelayotgani bor gap.

Ha, hozir xayolingizga kelganidek, kontrakt to’lashda yengilliklar bo’layotgani, kontraktni bir necha qismga bo’lib to’lash, stipentiyasiz kontrakt, talaba krediti kabilar joriy qilinganligi ham bor gap.


Lekin, lekini ham bor-da! Hozirgi qisqa maqolamizni yozishdan asosiy maqsad talaba krediti masalasiga kech jamoatchilik e’tiborini qaratish. Tahririyatimizga kelib tushgan ma’lumotlarga ko’ra, Qashqadaryo viloyatida talabalar ta’lim krediti bilan bog’liq muammolarga duch kelmoqdalar. Ya’nikim, hech qaysi bank “keling, sizga talaba krediti beramiz” deb ularga bag’rini ochmayapti. Bank xodimlari bunday kredit turi borligidan bexabar ekanliklarini ta’kidlashyapti.

Balki bizning murojaatchilarimiz talaba krediti olaman deb yugurib yurib, uni ololmagan sanoqli 1% talabalardir. Talaba krediti qolgan 99% talabaning joniga oro kirgandir. Bunisi bizga qorong’u.

Keling, shu post ostida talaba krediti olgan, ololmagan va kredit haqida ma’lumotga ega kishilar izohlar qoldirsin, xulosani birga chiqaraylik.

Qashqadaryodagi, umuman, respublikadagi talaba krediti berish tizimi yo’lga qo’yilgan banklar, agar tanqidimiz sizga qattiq teggan bo’lsa, buning uchun uzr so’raymiz. Biz bilan aloqaga chiqing va sizda ushbu tizim bor va ishlayotganligi haqida xabar bering. Biz bu haqida kontrakt pulini qayerdan topaman deb bosh qashilab turgan ahli talabalarga beminnat xabar berishdan mamnunmiz.

©Nodirbek Ashirov

Talaba.uz rasmiy kanal 👇👇
https://telegram.me/joinchat/AAAAAFKT9qZa_lmXyNXkWg