#rasmiy_munosabat

❗️Talaba qiz yotoqxona binosidan o‘zini pastga tashlab o‘ldirgani bosh prokuratura tomonida rasman tasdiqlandi.

Aniqlanishicha, 30 noyabr kuni soat 19.00larda Qarshi shahrida joylashgan “Abu Ali ibn Sino” nomidagi jamoat salomatligi texnikumining yotoqxonasida yashagan 2-bosqichda o‘qigan talaba qiz (2001 y.t.) yotoqxona 4-qavatidan sakrab o‘z joniga qasd qilgan.

Mazkur holat yuzasidan Qarshi shahar prokuraturasi tomonidan tergovga qadar tekshiruv harakatlari olib borilmoqda.

Marhumaning o‘lim sabablari va ishga aloqador bo‘lgan boshqa holatlarga aniqlik kiritish maqsadida sud-tibbiy ekspertizasi tayinlangan hamda ishga aloqador bo‘lgan shaxslardan tushuntirish xatlari olinmoqda.

https://telegram.me/joinchat/AAAAAFKT9qZa_lmXyNXkWg

❗️ Profilaktika inspektorlari yurisprudensiya yoʻnalishi mavjud davlat OTMga oʻqishga imtihonlarsiz qabul qilinishi mumkin

🔰O‘zbekiston Respublikasi Prezidentining 2021-yil 30-noyabrdagi qaroriga koʻra, 2022/2023-oʻquv yilidan ichki ishlar organlarida 3 yildan ortiq ish stajiga ega boʻlgan, kasbiga fidoyi, tashabbuskor profilaktika (katta) inspektorlari quyidagi OTMga kirish imtihonlarisiz sirtqi taʼlim shakliga oʻqishga qabul qilinadi:

✔️ Jamoat xavfsizligi universitetiga;
✔️Toshkent davlat yuridik universitetiga;
✔️ yurisprudensiya sohasida bakalavriat taʼlim yoʻnalishi mavjud boʻlgan boshqa davlat OTMga.

❌ Jahon iqtisodiyoti va diplomatiya universiteti, Ichki ishlar vazirligi Akademiyasi hamda Davlat bojxona qoʻmitasining Bojxona instituti bundan mustasno.

🎥 Qarorga sharh videolavhada👆

Do'stlarga ulashing👇👇
https://telegram.me/joinchat/AAAAAFKT9qZa_lmXyNXkWg

❗️Toshkentda giyohvandlik moddasini ishlab chiqarish uchun "laboratoriya" ochgan talabalar ushlandi

Ular ijaraga olingan uyda sheriklari bilan internet orqali giyohvandlik moddasini sotish bilan shug‘ullanishgan.

🎓Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg

Buxoroda Italiyaning Campania universiteti filiali ochilib, talabalar Italiyada amaliyot o‘tashiga imkoniyat yaratiladi

Italiyaning Neapol shahrida Buxoro viloyati delegatsiyasi hamda Luiji Vanvitelli nomidagi Campania universiteti rahbariyati o‘rtasida Buxoro shahrida mazkur universitet filialini tashkil etish bo‘yicha dastlabki kelishuv memorandumi imzolandi.

Ma’lum qilinishicha, uchrashuvda O‘zbekistonning Italiyadagi elchisi Otabek Akbarov, Buxoro viloyati hokimi o‘rinbosari Mirali Hamroyev, Buxoro davlat tibbiyot instituti rektori Shuhrat Teshayev, Buxoro muhandislik-texnologiya instituti rektori Nusratilla Barakayev va Buxoro davlat tibbiyot instituti prorektori Ahatjon Nasullayev, Campania universiteti rektori Janfranko Nikoletti, universitet prorektori Luidji Maffey, universitet xalqaro bo‘limi boshlig‘i Serjio Minuchchi hamda turli fakultetlarning vakillari qatnashgan

Buxoro shahrida Campania universiteti filialini ochish bilan bog‘liq tashkiliy masalalar muhokama etilgan. Imzolangan kelishuvga asosan filialda Campania universitetining o‘quv dasturlari asosida qurilish, arxitektura, kiyimlar dizayni, oliy hamshiralik yo‘nalishlarida bakalavr hamda magistrlar tayyorlash yo‘lga qo‘yiladi. Shuningdek, Buxoro viloyatida mavjud ehtiyojdan kelib chiqqan holda charm va teri mahsulotlarini qayta ishlash, tibbiyot, farmatsevtika va turli tor mutaxassisliklar bo‘yicha kadrlar tayyorlash taklifi o‘rtaga tashlangan.

Filialda ta’lim jarayoniga Campania universitetining malakali professor-o‘qituvchilari jalb etilib, talabalarning Italiyada amaliyot o‘tashiga imkoniyat yaratiladi.

Rektor Janfranko Nikoletti Buxoro shahrida Campania universiteti o‘z filialini tashkil etishdan manfaatdorligi, 2022-yilning bahorida universitet delegatsiyasining Buxoro shahriga tashrifi davomida filialni tashkil etish bo‘yicha shartnomani imzolashga tayyor ekanini bildirgan.

Filial faoliyati to‘laqonli yo‘lga qo‘yilgunga qadar Buxoro muhandislik-texnologiya instituti hamda Buxoro davlat tibbiyot universiteti bilan yuqorida ta’kidlangan yo‘nalishlar bo‘yicha qo‘shma ta’lim dasturlari amalga oshiriladi. Bu bo‘yicha Campania universiteti hamda Buxoro oliy bilim yurtlari o‘rtasida memorandum imzolangan. Tomonlar o‘rtasida qo‘shma ta’lim dasturlarining o‘quv rejalari va turli tashkiliy masalalar batafsil muhokama etilib, bu borada ishlarni yanada jadallashtirishga kelishib olingan.

Shuningdek, Campania universiteti hamda Buxoro viloyati oliy ta’lim muassasalari o‘rtasida ikki tomonlama professor-o‘qituvchilar va talabalar almashinuvini yo‘lga qo‘yish, turli ilmiy loyihalarni amalga oshirish bo‘yicha ham kelishib olingan. Campania universiteti mutaxassislari O‘zbekistondagi oliy ta’lim muassasalari ilmiy laboratoriyalarini modernizatsiya qilishga ko‘maklashish, o‘zbekistonlik talabalarga PhD darajasini olish uchun grantlar ajratish, o‘zbekistonlik professor-o‘qituvchilarni ilmiy-tadqiqot ishlarini olib borish uchun Italiyaga taklif etish hamda ikki tomonlama diplom asosida tahsil olayotgan talabalarning Campania universitetida o‘qishini amalga oshirishga tayyorlik bildirilgan.

Tomonlar, shuningdek, ta’lim sohasida boshqa istiqbolli masalalar yuzasidan ham fikr almashgan.

Do'stlaringizga ulashing👇👇
https://telegram.me/joinchat/AAAAAFKT9qZa_lmXyNXkWg

«Orzu yo‘lida to‘siq uchrasa, orzuni emas, unga yetaklaydigan yo‘lni o‘zgartirish kerak» – uchta davlatga grant yutgan moliyachi qiz hikoyasi

Odatda ilm yo‘lidagi sarguzashtlar oliygoh devorlaridan tashqarida sodir bo‘ladi. Bakalavrni uchta mamlakatdagi universitetda o‘qigan Tahsinabonu katta dasturlarda volontyorlik qilgan. U oliygohdan tashqarida ham qiziqarli hayot borligi, uni qanday o‘tkazish va talaba uchun ijtimoiylashuv muhimligi haqida o‘z tajribasi bilan o‘rtoqlashdi.

Tahsinabonu Muftohiddinova Farg‘ona shahrida tug‘ilib, maktab va kollejni shu yerda o‘qigan. Keyin Toshkent moliya institutiga o‘qishga kirgan.

«Moliya yo‘nalishini tanlashimga bobom sababchi bo‘lganlar. U kishi matematik, injyener-konstruktor. Bobom bilan bolaligimdan matematika ustida ishlardik. Shu sabab, matematikaga qiziqishim ortib, bu bo‘yicha xorijda o‘qimoqchi edim, uyimdagilar esa buni uncha xohlashmadi», deydi qahramonimiz.
HD video

Do'stlaringizga ulashing👇👇
https://telegram.me/joinchat/AAAAAFKT9qZa_lmXyNXkWg

Zamonaviy kutubxona – Xitoy

Xitoyning Tiyaszin Binxay kutubxonasi madaniy shahar hududini yaratish bo‘yicha yirik loyiha doirasida qurilgan. Sharsimon auditoriya va kaskadli kitob javonlarini o‘z ichiga olgan arxitektura obyektining maydoni 33 700 kvadrat metrni tashkil etadi.

Do'stlarga ulashing👇👇
https://telegram.me/joinchat/AAAAAFKT9qZa_lmXyNXkWg

Termiz muhandislik-texnologiya instituti faoliyatini tashkil etish chora-tadbirlari to‘g‘risida

O‘zbekiston Respublikasi Prezidentining qarori

Respublikada mahalliy ishlab chiqarish, sanoat korxonalari, geologiya va konchilik tarmoqlari uchun yuqori malakali kadrlar tayyorlash, o‘quv jarayoniga o‘qitishning innovasion shakl va metodlari hamda zamonaviy pedagogik va axborot texnologiyalarini keng joriy etish, shuningdek, hududlarda zamonaviy fikrlaydigan, raqobatbardosh mutaxassislarga bo‘lgan ehtiyojni bosqichma-bosqich qondirib borish maqsadida:
Batafsil...

Do'stlarga ulashing👇👇
https://telegram.me/joinchat/AAAAAFKT9qZa_lmXyNXkWg

❗️Oliy ma’lumotga ega bo‘lmagan mahalladagi hokim yordamchilari OTMlarga imtihonsiz qabul qilinadi

▪️Keyingi o‘quv yilidan viloyatlar hokimlarining tavsiyanomasi asosida hokim yordamchilari iqtisodiy yo‘nalishdagi OTMlarga suhbat bilan grant asosida qabul qilinadi.

🎓Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg

❗️Andijon Davlat Tibbiyot insituti hodimlari kechasi piyoda yurushga majbur qilinmoqda.

Kecha soat 19:00da kafedra mudiri Hamraqulov Sharif Hoshimovich barcha hodimlarni ommaviy piyoda yurishga majbur qilgan.

"Oilalik, farzandlilar ham chiqish kerak ekan. Agar bormasak, xayfsan berishini aytdi. Kafedra mudirini o'zi, rektor, dekan va prorektorlar ommaviy piyoda yurishga chiqmas ekan."

Manbaaning qo'shimcha qilishicha, hodimlar orasida Andijonning chetgi tumanlarida yashayotganlar ham kelishga majbur bo'layapti.

P.s: Video oxirida kafedra mudirining ushbu audiosini eshitib ichimda nimadir uzildi.

-O'rtoq Tillaboyev, achchiq qilmang siyosat meniki emas.
-.....ko'ping yo'qolishing kerak bu kafedradan.
-Jaaaa, namozxon bola menga achchiq qilib gapirasiz...
-Ertaga arizangni yoz, sening o'rningda odam topiladi...

Shunchalik zo'rmizmi? Nimamizga katta ketyapmiz? Bu mansab vaqtinchalik!!!

🎓Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg

OTM professor-o‘qituvchilariga qo‘yiladigan talablar o‘zgardi

Oliy ta'lim vazirligi va Ta'lim inspeksiyasi tomonidan “Davlat OTMda yangi bakalavriat ta'lim yo‘nalishlari va magistratura mutaxassisliklari bo‘yicha ta'lim faoliyatini amalga oshirish uchun ular moddiy-texnika bazasi, professor-o‘qituvchilari va o‘quv-metodik ta'minotiga qo‘yiladigan minimal talablarni tasdiqlash to‘g‘risida”gi qaror qabul qilindi.

2022/2023 o‘quv yili qabulidan boshlab, davlat oliy ta'lim muassasalariga, ular minimal talablarga javob bergan taqdirda, yangi bakalavriat ta'lim yo‘nalishlari va magistratura mutaxassisliklari bo‘yicha ta'lim faoliyatini amalga oshirishga ruxsat etiladi.

Professor-o‘qituvchilarga qo‘yiladigan talablar quyidagilar:

— professor-o‘qituvchilar shtat birliklari soni bo‘yicha - kunduzgi va kechki ta'lim shaklida - har 16 nafar talabaga 1 shtat birligi; sirtqi ta'lim shaklida - har 20 nafar talabaga 1 shtat birligi;
— professor-o‘qituvchilar bilan ta'minlanganlik darajasi bo‘yicha - asosiy ish joyi bo‘yicha ishlaydiganlar ulushi - 40 foiz; - bakalavriat yo‘nalishida ilmiy darajalilar ulushi - 35 foiz;
magistratura mutaxassisligida ilmiy darajalilar ulushi - 100 foiz.

O‘quv-metodik ta'minotiga qo‘yiladigan talablar: har bir bakalavriat ta'lim yo‘nalishi yoki magistratura mutaxassisligi uchun malaka talablari mavjudligi bo‘yicha - davlat ta'lim standarti va kasb standarti talablariga muvofiq bo‘lishi; o‘quv rejadagi har bir fanning o‘quv dasturlari mavjudligi bo‘yicha - davlat ta'lim standartlari va malaka talablarida belgilangan bilim, malaka, ko‘nikma va kompetensiyalarning talabalarda to‘liq shakllantirish imkonini yaratadigan darajada bo‘lishi va boshqalar.

O‘quv va o‘quv-metodik adabiyotlar hamda axborot-resurs bazasi bilan ta'minlanganligi bo‘yicha: bakalavriat yo‘nalishida - har 6 nafar talabaga 1 donadan; magistratura mutaxassisligida - har 2 nafar talabaga 1 donadan va boshqalar.

🎓Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg

Termiz muhandislik-texnologiya instituti tashkil etildi

▪️Yangi OTM Toshkent davlat texnika universiteti Termiz filiali negizida ochildi. Filial talabalari yangi institutda o‘qishini davom ettiradi.

Institutga keyingi yildan magistrlar qabuli, 2023/24-yilgi qabuldan tayanch doktorantlar qabuli bo‘ladi.

Avvalroq, Toshkent davlat agrar universitetining Termiz filiali negizida Termiz agrotexnologiyalar va innovatsion rivojlanish instituti tashkil etilib, talabalar yangi OTMga o‘tkazilgandi.

🎓Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg

Merriam-webster lug‘ati "vaksina"ni yil so‘zi etib tanladi

💉 Merriam-webster'ning ma’lum qilishicha, bu yil "vaksina" so‘zi oldingi yilga qaraganda 601 foizga oshgan.

🦠 Oksford lug'ati ham "vax" – "vaksinalangan" so'zini "Yil so'zi" deb topgandi.

🎓Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg

Dekabr oyida nechta kitob o'qib tugatishni rejalashtiryapsiz va ular qaysilar?

Agar hali ro'yxat tuzmagan bo'lsangiz albatta, hoziroq tuzing!

Javoblaringiz izohlarda yozish orqali boshqalarga ham yaxshi kitoblarni tavsiya qilishingiz mumkin.

Do'stlarga ulashing👇👇
https://telegram.me/joinchat/AAAAAFKT9qZa_lmXyNXkWg

❗️ Yoshlarforumi.uz platformasida oliy ta'lim muassasalarida dars vaqtini qisqartirish taklif qilindi

Kanalimiz obunachilarining ko'pchiligi oliy ta'lim muassasalarining talabalari hisoblanishadi. Tez-tez bot orqali bizga talabalar tomonidan ham takliflar kelib turadi. Mana sizga o'z tashabbus va takliflaringizni baralla aytadigan maydon.

Ko'pchilik talabalarda juda yaxshi tashabbus va g'oyalar bor. Ularni ichingizda saqlab yuravermay, platformaga kiring, oliy ta'limga doir bo'ladimi yoki, umuman, boshqa sohadami, o'z takliflaringizni qoldiring.

Darvoqe, forum yakunlari bo’yicha Hukumat qarori qabul qilinishi kutilayotgani ham xabar qilingandi. Sizning bergan birgina g'oyangiz Hukumat darajasida ko'rib chiqilib, qarorlarda aks etishi mumkin. Tashabbuslarni aytish uchun gazini bosadigan payt :)

🎓Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg

ADUda ota-onalar majlisiga kelgan ayol to‘rtinchi qavatdan tushib ketdi. Holat yuzasidan jinoyat ishi qo‘zg‘atildi

Andijon davlat universitetida ota-onalar majlisiga kelgan 28 yoshli ayol 4-qavatdan tushib ketib, og‘ir tan jarohati oldi. Binoning bu qismida ta'mirlash ishlari ketayotgani tufayli zinalardan to‘siq olib tashlangan bo‘lgan.

4 dekabr kuni ijtimoiy tarmoqlarda Andijon davlat universiteti Tarix fakulteti binosining to‘rtinchi qavatidan homilador ayol tushib ketgani haqida xabarlar tarqaldi. Universitet axborot xizmati hodisada jabrlanuvchi ta'mirlash hududida o‘rnatilgan belgilarga e'tiborsiz bo‘lganini bildirib, u homilador bo‘lgani haqidagi ma'lumotni rad etdi.

«4 dekabr kuni Andijon davlat universiteti Ijtimoiy-iqtisodiyot fakultetining Amaliy psixologiya yo‘nalishi 2-bosqich talabalarining ota-onalari uchun majlis o‘tkazilgan. Majlis universitetning Tarix fakulteti binosining 4-qavatida joylashgan kichik majlislar zalida bo‘lib o‘tgan. Unda ishtirok etgan talabalardan birining kelinoyisi yig‘ilishdan chiqib, telefonda yaqinlari bilan suhbatlashish davomida qurilish bo‘layotgan hududni anglatuvchi to‘siqlarga ahamiyat bermasdan zinapoyaga yurishi natijasida tushib ketgan.

Hodisa yuz bergan vaqtning o‘zidayoq universitetning mas'ul xodimlari tomonidan shoshilinch tez yordam chaqirilib, fuqaro respublika shoshilinch tez tibbiy yordam ilmiy markazi viloyat filialiga universitet ma'muriyati vakillari hamrohligida olib borilgan va birinchi yordam ko‘rsatilgan.

Ayni paytda ushbu binoda kapital ta'mirlash ishlari olib borilayotgan bo‘lib, voqea sodir bo‘lgan zina tomondan chiqish yopilgan. To‘rtinchi qavatda xavfsizlikni ta'minlash, talabalarni qurilish bo‘layotganidan ogohlantirish uchun to‘siq sifatida stollar oralatgan holatda joylashtirilgan. Shunday bo‘lsa-da, fuqaro boshqa xayollar bilan to‘siqqa e'tibor qilmasligi natijasida baxsiz hodisa sodir bo‘lgan», deyilgan xabarda.

5 dekabr kuni Bosh prokuratura matbuot xizmati ushbu holat yuzasidan jinoyat ishi qo‘zg‘atilganini ma'lum qildi.

«4 dekabr kuni 28 yoshli ayol Andijon davlat universitetiga ushbu oliygohning 2-bosqich talabasining oila a'zosi sifatida ta'mirlash ishlari amalga oshirilayotgan Tarix fakulteti binosida bo‘lib o‘tadigan ota-onalar majlisiga kelgan.

Shunda u binoning 4-qavatida uyali aloqa telefon apparatidan foydalanib, ehtiyotsizligi oqibatida zinalarning to‘siqlari bo‘lmagani sababli zinapoyadan pastga yiqilgan va og‘ir tan jarohati olgan.

Olib borilgan tekshirish harakatlari davomida ushbu binoda ta'mirlash ishlarini olib borayotgan S.Haus MChJ ishchilari tomonidan zinapoyalarning to‘siqlari olib tashlanib, qurilish ishlari amalga oshirilayotgani aniqlangan.

Mazkur holat yuzasidan S.Haus MChJ mansabdor shaxslariga nisbatan Jinoyat kodeksining 257-moddasi (Mehnatni muhofaza qilish qoidalarini buzish) bilan jinoyat ishi qo‘zg‘atilgan», deyiladi xabarda.

Hozirda Andijon shaxar IIOFMB huzuridagi Tergov bo‘limi tomonidan tergov harakatlari olib borilmoqda.

🎓Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg

Ta’lim tizimi haqida qisqacha…

Do'stlarga ulashing👇👇
https://telegram.me/joinchat/AAAAAFKT9qZa_lmXyNXkWg

🎞 "OTA" (ijtimoiy video rolik)

P/s: Bu videoni Ali Sobit va besh yosh jiyani ovozlashtirgan. Juda ta‘sirli video rolik bo‘libdi. Alloh yaxshiliklari bilan mukofotlasin!

Do'stlarga ulashing👇👇
https://telegram.me/joinchat/AAAAAFKT9qZa_lmXyNXkWg